| Library / Tipiṭaka / д̇ибидага • Tipiṭaka / махаавибхан̇г̇а • Mahāvibhaṅga |
9. саасан̇гасигкаабад̣̇ам̣
9. Sāsaṅkasikkhāpadaṃ
652. д̇зна самаязна б̣уд̣̇д̇хо бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна бхигкуу вуд̇т̇авассаа ааран̃н̃агзсу сзнаасанзсу вихаранд̇и. гад̇д̇игажорагаа бхигкуу – ‘‘лад̣̇д̇халаабхаа’’д̇и барибаад̇знд̇и. бхаг̇авад̇о зд̇амад̇т̇ам̣ аарожзсум̣. ат̇а ко бхаг̇аваа зд̇асмим̣ нид̣̇аанз зд̇асмим̣ багаран̣з д̇хаммим̣ гат̇ам̣ гад̇ваа бхигкуу ааманд̇зси – ‘‘ануж̇аанаами, бхигкавз, ааран̃н̃агзсу сзнаасанзсу вихаранд̇зна д̇ин̣н̣ам̣ жийвараанам̣ ан̃н̃ад̇арам̣ жийварам̣ анд̇арагхарз нигкибид̇у’’нд̇и.
652. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena bhikkhū vutthavassā āraññakesu senāsanesu viharanti. Kattikacorakā bhikkhū – ‘‘laddhalābhā’’ti paripātenti. Bhagavato etamatthaṃ ārocesuṃ. Atha kho bhagavā etasmiṃ nidāne etasmiṃ pakaraṇe dhammiṃ kathaṃ katvā bhikkhū āmantesi – ‘‘anujānāmi, bhikkhave, āraññakesu senāsanesu viharantena tiṇṇaṃ cīvarānaṃ aññataraṃ cīvaraṃ antaraghare nikkhipitu’’nti.
д̇зна ко бана самаязна бхигкуу – ‘‘бхаг̇авад̇аа анун̃н̃аад̇ам̣ ааран̃н̃агзсу сзнаасанзсу вихаранд̇зна д̇ин̣н̣ам̣ жийвараанам̣ ан̃н̃ад̇арам̣ жийварам̣ анд̇арагхарз нигкибид̇у’’нд̇и д̇ин̣н̣ам̣ жийвараанам̣ ан̃н̃ад̇арам̣ жийварам̣ анд̇арагхарз нигкибид̇ваа ад̇ирзгачаарад̇д̇ам̣ виббавасанд̇и. д̇аани жийвараани нассанд̇иби винассанд̇иби д̣аяханд̇иби унд̣̇уурзхиби каж̇ж̇анд̇и. бхигкуу д̣̇ужжол̣аа хонд̇и луукажийвараа. бхигкуу звамаахам̣су – ‘‘гисса д̇умхз, аавусо, д̣̇ужжол̣аа луукажийвараа’’д̇и? ат̇а ко д̇з бхигкуу бхигкуунам̣ зд̇амад̇т̇ам̣ аарожзсум̣. яз д̇з бхигкуу аббижчаа… д̇з уж̇жхааяанд̇и кияяанд̇и вибаажзнд̇и – ‘‘гат̇ан̃хи наама бхигкуу д̇ин̣н̣ам̣ жийвараанам̣ ан̃н̃ад̇арам̣ жийварам̣ анд̇арагхарз нигкибид̇ваа ад̇ирзгачаарад̇д̇ам̣ виббавасиссанд̇ий’’д̇и! ат̇а ко д̇з бхигкуу д̇з анзгабарияааязна виг̇арахид̇ваа бхаг̇авад̇о зд̇амад̇т̇ам̣ аарожзсум̣…бз… сажжам̣ гира, бхигкавз , бхигкуу д̇ин̣н̣ам̣ жийвараанам̣ ан̃н̃ад̇арам̣ жийварам̣ анд̇арагхарз нигкибид̇ваа ад̇ирзгачаарад̇д̇ам̣ виббавасанд̇ийд̇и? ‘‘сажжам̣, бхаг̇аваа’’д̇и. виг̇арахи б̣уд̣̇д̇хо бхаг̇аваа…бз… гат̇ан̃хи наама д̇з, бхигкавз, могхабурисаа д̇ин̣н̣ам̣ жийвараанам̣ ан̃н̃ад̇арам̣ жийварам̣ анд̇арагхарз нигкибид̇ваа ад̇ирзгачаарад̇д̇ам̣ виббавасиссанд̇и! нзд̇ам̣, бхигкавз, аббасаннаанам̣ ваа басаад̣̇ааяа…бз… зван̃жа бана, бхигкавз, имам̣ сигкаабад̣̇ам̣ уд̣̇д̣̇исзяяаат̇а –
Tena kho pana samayena bhikkhū – ‘‘bhagavatā anuññātaṃ āraññakesu senāsanesu viharantena tiṇṇaṃ cīvarānaṃ aññataraṃ cīvaraṃ antaraghare nikkhipitu’’nti tiṇṇaṃ cīvarānaṃ aññataraṃ cīvaraṃ antaraghare nikkhipitvā atirekachārattaṃ vippavasanti. Tāni cīvarāni nassantipi vinassantipi ḍayhantipi undūrehipi khajjanti. Bhikkhū duccoḷā honti lūkhacīvarā. Bhikkhū evamāhaṃsu – ‘‘kissa tumhe, āvuso, duccoḷā lūkhacīvarā’’ti? Atha kho te bhikkhū bhikkhūnaṃ etamatthaṃ ārocesuṃ. Ye te bhikkhū appicchā… te ujjhāyanti khiyyanti vipācenti – ‘‘kathañhi nāma bhikkhū tiṇṇaṃ cīvarānaṃ aññataraṃ cīvaraṃ antaraghare nikkhipitvā atirekachārattaṃ vippavasissantī’’ti! Atha kho te bhikkhū te anekapariyāyena vigarahitvā bhagavato etamatthaṃ ārocesuṃ…pe… saccaṃ kira, bhikkhave , bhikkhū tiṇṇaṃ cīvarānaṃ aññataraṃ cīvaraṃ antaraghare nikkhipitvā atirekachārattaṃ vippavasantīti? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma te, bhikkhave, moghapurisā tiṇṇaṃ cīvarānaṃ aññataraṃ cīvaraṃ antaraghare nikkhipitvā atirekachārattaṃ vippavasissanti! Netaṃ, bhikkhave, appasannānaṃ vā pasādāya…pe… evañca pana, bhikkhave, imaṃ sikkhāpadaṃ uddiseyyātha –
653. ‘‘убавассам̣ ко бана гад̇д̇игабун̣н̣амам̣ яаани ко бана д̇аани ааран̃н̃агаани сзнаасанаани саасан̇гасаммад̇аани саббадибхаяаани д̇ат̇ааруубзсу бхигку сзнаасанзсу вихаранд̇о ааган̇камаано д̇ин̣н̣ам̣ жийвараанам̣ ан̃н̃ад̇арам̣ жийварам̣ анд̇арагхарз нигкибзяяа, сияаа жа д̇асса бхигкуно гожид̣̇зва бажжаяо д̇зна жийварзна виббаваасааяа. чаарад̇д̇абарамам̣ д̇зна бхигкунаа д̇зна жийварзна виббавасид̇аб̣б̣ам̣. д̇ад̇о жз уд̇д̇ари виббавасзяяа, ан̃н̃ад̇ра бхигкусаммуд̇ияаа, ниссаг̇г̇ияам̣ баажид̇д̇ияа’’нд̇и.
653.‘‘Upavassaṃ kho pana kattikapuṇṇamaṃ yāni kho pana tāni āraññakāni senāsanāni sāsaṅkasammatāni sappaṭibhayāni tathārūpesu bhikkhu senāsanesu viharanto ākaṅkhamāno tiṇṇaṃ cīvarānaṃ aññataraṃ cīvaraṃ antaraghare nikkhipeyya, siyā ca tassa bhikkhuno kocideva paccayo tena cīvarena vippavāsāya. Chārattaparamaṃ tena bhikkhunā tena cīvarena vippavasitabbaṃ. Tato ce uttari vippavaseyya, aññatra bhikkhusammutiyā, nissaggiyaṃ pācittiya’’nti.
654. убавассам̣ ко банаад̇и вудтавассаанам̣.
654.Upavassaṃ kho panāti vuṭṭhavassānaṃ.
гад̇д̇игабун̣н̣аманд̇и гад̇д̇игажаад̇умаасиний вужжад̇и.
Kattikapuṇṇamanti kattikacātumāsinī vuccati.
1 яаани ко бана д̇аани ааран̃н̃агаани сзнаасанаанийд̇и ааран̃н̃агам̣ наама сзнаасанам̣ бан̃жад̇ханусад̇игам̣ бажчимам̣.
2Yāni kho pana tāni āraññakāni senāsanānīti āraññakaṃ nāma senāsanaṃ pañcadhanusatikaṃ pacchimaṃ.
3 саасан̇гам̣ наама аараамз аараамуубажаарз жораанам̣ нивидтогаасо д̣̇иссад̇и, бхуд̇д̇огаасо д̣̇иссад̇и, тид̇огаасо д̣̇иссад̇и, нисинногаасо д̣̇иссад̇и, нибанногаасо д̣̇иссад̇и.
4Sāsaṅkaṃ nāma ārāme ārāmūpacāre corānaṃ niviṭṭhokāso dissati, bhuttokāso dissati, ṭhitokāso dissati, nisinnokāso dissati, nipannokāso dissati.
5 саббадибхаяам̣ наама аараамз аараамуубажаарз жорзхи мануссаа хад̇аа д̣̇иссанд̇и, вилуд̇д̇аа д̣̇иссанд̇и, аагодид̇аа д̣̇иссанд̇и .
6Sappaṭibhayaṃ nāma ārāme ārāmūpacāre corehi manussā hatā dissanti, viluttā dissanti, ākoṭitā dissanti .
7 д̇ат̇ааруубзсу бхигку сзнаасанзсу вихаранд̇од̇и зваруубзсу бхигку сзнаасанзсу вихаранд̇о.
8Tathārūpesu bhikkhu senāsanesu viharantoti evarūpesu bhikkhu senāsanesu viharanto.
ааган̇камаанод̇и ижчамаано.
Ākaṅkhamānoti icchamāno.
д̇ин̣н̣ам̣ жийвараанам̣ ан̃н̃ад̇арам̣ жийваранд̇и сан̇гхаадим̣ ваа уд̇д̇араасан̇г̇ам̣ ваа анд̇араваасагам̣ ваа.
Tiṇṇaṃ cīvarānaṃ aññataraṃ cīvaranti saṅghāṭiṃ vā uttarāsaṅgaṃ vā antaravāsakaṃ vā.
анд̇арагхарз нигкибзяяаад̇и саманд̇аа г̇ожараг̇аамз нигкибзяяа.
Antaraghare nikkhipeyyāti samantā gocaragāme nikkhipeyya.
сияаа жа д̇асса бхигкуно гожид̣̇зва бажжаяо д̇зна жийварзна виббаваасааяаад̇и сияаа бажжаяо сияаа гаран̣ийяам̣.
Siyā ca tassa bhikkhuno kocideva paccayo tena cīvarena vippavāsāyāti siyā paccayo siyā karaṇīyaṃ.
чаарад̇д̇абарамам̣ д̇зна бхигкунаа д̇зна жийварзна виббавасид̇аб̣б̣анд̇и чаарад̇д̇абарамад̇аа виббавасид̇аб̣б̣ам̣.
Chārattaparamaṃtena bhikkhunā tena cīvarena vippavasitabbanti chārattaparamatā vippavasitabbaṃ.
ан̃н̃ад̇ра бхигкусаммуд̇ияаад̇и табзд̇ваа бхигкусаммуд̇им̣.
Aññatra bhikkhusammutiyāti ṭhapetvā bhikkhusammutiṃ.
д̇ад̇о жз уд̇д̇ари виббавасзяяаад̇и сад̇д̇амз арун̣уг̇г̇аманз ниссаг̇г̇ияам̣ ход̇и. ниссаж̇ж̇ид̇аб̣б̣ам̣ сан̇гхасса ваа г̇ан̣асса ваа буг̇г̇аласса ваа. зван̃жа бана, бхигкавз, ниссаж̇ж̇ид̇аб̣б̣ам̣. ‘‘ид̣̇ам̣ мз, бханд̇з, жийварам̣ ад̇ирзгачаарад̇д̇ам̣ виббавудтам̣, ан̃н̃ад̇ра бхигкусаммуд̇ияаа, ниссаг̇г̇ияам̣. имаахам̣ сан̇гхасса ниссаж̇ж̇аамий’’д̇и…бз… д̣̇ад̣̇зяяаад̇и…бз… д̣̇ад̣̇зяяунд̇и…бз… ааяасмад̇о д̣̇аммийд̇и.
Tato ce uttari vippavaseyyāti sattame aruṇuggamane nissaggiyaṃ hoti. Nissajjitabbaṃ saṅghassa vā gaṇassa vā puggalassa vā. Evañca pana, bhikkhave, nissajjitabbaṃ. ‘‘Idaṃ me, bhante, cīvaraṃ atirekachārattaṃ vippavuṭṭhaṃ, aññatra bhikkhusammutiyā, nissaggiyaṃ. Imāhaṃ saṅghassa nissajjāmī’’ti…pe… dadeyyāti…pe… dadeyyunti…pe… āyasmato dammīti.
655. ад̇ирзгачаарад̇д̇з ад̇ирзгасан̃н̃ий виббавасад̇и, ан̃н̃ад̇ра бхигкусаммуд̇ияаа, ниссаг̇г̇ияам̣ баажид̇д̇ияам̣. ад̇ирзгачаарад̇д̇з взмад̇иго виббавасад̇и, ан̃н̃ад̇ра бхигкусаммуд̇ияаа, ниссаг̇г̇ияам̣ баажид̇д̇ияам̣. ад̇ирзгачаарад̇д̇з уунагасан̃н̃ий виббавасад̇и, ан̃н̃ад̇ра бхигкусаммуд̇ияаа, ниссаг̇г̇ияам̣ баажид̇д̇ияам̣. аббажжуд̣̇д̇хадз бажжуд̣̇д̇хадасан̃н̃ий…бз… ависсаж̇ж̇ид̇з виссаж̇ж̇ид̇асан̃н̃ий… анадтз надтасан̃н̃ий… авинадтз винадтасан̃н̃ий… ад̣̇ад̣дхз д̣̇ад̣дхасан̃н̃ий … авилуд̇д̇з вилуд̇д̇асан̃н̃ий виббавасад̇и, ан̃н̃ад̇ра бхигкусаммуд̇ияаа, ниссаг̇г̇ияам̣ баажид̇д̇ияам̣.
655. Atirekachāratte atirekasaññī vippavasati, aññatra bhikkhusammutiyā, nissaggiyaṃ pācittiyaṃ. Atirekachāratte vematiko vippavasati, aññatra bhikkhusammutiyā, nissaggiyaṃ pācittiyaṃ. Atirekachāratte ūnakasaññī vippavasati, aññatra bhikkhusammutiyā, nissaggiyaṃ pācittiyaṃ. Appaccuddhaṭe paccuddhaṭasaññī…pe… avissajjite vissajjitasaññī… anaṭṭhe naṭṭhasaññī… avinaṭṭhe vinaṭṭhasaññī… adaḍḍhe daḍḍhasaññī … avilutte viluttasaññī vippavasati, aññatra bhikkhusammutiyā, nissaggiyaṃ pācittiyaṃ.
ниссаг̇г̇ияам̣ жийварам̣ аниссаж̇ж̇ид̇ваа барибхун̃ж̇ад̇и, аабад̇д̇и д̣̇уггадасса. уунагачаарад̇д̇з ад̇ирзгасан̃н̃ий, аабад̇д̇и д̣̇уггадасса. уунагачаарад̇д̇з взмад̇иго, аабад̇д̇и д̣̇уггадасса. уунагачаарад̇д̇з уунагасан̃н̃ий, анаабад̇д̇и.
Nissaggiyaṃ cīvaraṃ anissajjitvā paribhuñjati, āpatti dukkaṭassa. Ūnakachāratte atirekasaññī, āpatti dukkaṭassa. Ūnakachāratte vematiko, āpatti dukkaṭassa. Ūnakachāratte ūnakasaññī, anāpatti.
656. анаабад̇д̇и – чаарад̇д̇ам̣ виббавасад̇и, уунагачаарад̇д̇ам̣ виббавасад̇и, чаарад̇д̇ам̣ виббавасид̇ваа буна г̇аамасиймам̣ оггамид̇ваа васид̇ваа баггамад̇и, анд̇о чаарад̇д̇ам̣ бажжуд̣̇д̇харад̇и, виссаж̇ж̇зд̇и, нассад̇и, винассад̇и, д̣аяхад̇и, ажчинд̣̇ид̇ваа г̇ан̣ханд̇и, виссаасам̣ г̇ан̣ханд̇и, бхигкусаммуд̇ияаа, уммад̇д̇агасса, аад̣̇игаммигассаад̇и.
656. Anāpatti – chārattaṃ vippavasati, ūnakachārattaṃ vippavasati, chārattaṃ vippavasitvā puna gāmasīmaṃ okkamitvā vasitvā pakkamati, anto chārattaṃ paccuddharati, vissajjeti, nassati, vinassati, ḍayhati, acchinditvā gaṇhanti, vissāsaṃ gaṇhanti, bhikkhusammutiyā, ummattakassa, ādikammikassāti.
саасан̇гасигкаабад̣̇ам̣ нидтид̇ам̣ навамам̣.
Sāsaṅkasikkhāpadaṃ niṭṭhitaṃ navamaṃ.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 9. саасан̇гасигкаабад̣̇аван̣н̣анаа • 9. Sāsaṅkasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 9. саасан̇гасигкаабад̣̇аван̣н̣анаа • 9. Sāsaṅkasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 9. саасан̇гасигкаабад̣̇аван̣н̣анаа • 9. Sāsaṅkasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 9. саасан̇гасигкаабад̣̇аван̣н̣анаа • 9. Sāsaṅkasikkhāpadavaṇṇanā
