| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[316] 6. сасабан̣д̣ид̇аж̇аад̇агаван̣н̣анаа
[316] 6. Sasapaṇḍitajātakavaṇṇanā
сад̇д̇а мз рохид̇аа мажчаад̇и ид̣̇ам̣ сад̇т̇аа ж̇зд̇аванз вихаранд̇о саб̣б̣абаригкаарад̣̇аанам̣ аараб̣бха гат̇зси. саавад̇т̇ияам̣ гира зго гудумб̣иго б̣уд̣̇д̇хаббамукасса бхигкусан̇гхасса саб̣б̣абаригкаарад̣̇аанам̣ саж̇ж̇зд̇ваа гхарад̣̇ваарз ман̣д̣абам̣ гаарзд̇ваа б̣уд̣̇д̇хаббамукам̣ бхигкусан̇гхам̣ ниманд̇зд̇ваа сусаж̇ж̇ид̇аман̣д̣абз бан̃н̃ад̇д̇авараасанз нисийд̣̇аабзд̇ваа наанаг̇г̇арасам̣ бан̣ийд̇ад̣̇аанам̣ д̣̇ад̇ваа буна сваад̇анааяаад̇и сад̇д̇аахам̣ ниманд̇зд̇ваа сад̇д̇амз д̣̇ивасз б̣уд̣̇д̇хаббамукаанам̣ бан̃жаннам̣ бхигкусад̇аанам̣ саб̣б̣абаригкаарз ад̣̇ааси. сад̇т̇аа бхад̇д̇агижжаавасаанз анумод̣̇анам̣ гаронд̇о ‘‘убаасага, д̇аяаа бийд̇исоманассам̣ гаад̇ум̣ ваддад̇и, ид̣̇ан̃хи д̣̇аанам̣ наама бораан̣агабан̣д̣ид̇аанам̣ вам̣со, бораан̣агабан̣д̣ид̇аа хи самбад̇д̇аяаажагаанам̣ ж̇ийвид̇ам̣ барижжаж̇ид̇ваа ад̇д̇ано мам̣самби ад̣̇ам̣суу’’д̇и вад̇ваа д̇зна яаажид̇о ад̇ийд̇ам̣ аахари.
Sattame rohitā macchāti idaṃ satthā jetavane viharanto sabbaparikkhāradānaṃ ārabbha kathesi. Sāvatthiyaṃ kira eko kuṭumbiko buddhappamukhassa bhikkhusaṅghassa sabbaparikkhāradānaṃ sajjetvā gharadvāre maṇḍapaṃ kāretvā buddhappamukhaṃ bhikkhusaṅghaṃ nimantetvā susajjitamaṇḍape paññattavarāsane nisīdāpetvā nānaggarasaṃ paṇītadānaṃ datvā puna svātanāyāti sattāhaṃ nimantetvā sattame divase buddhappamukhānaṃ pañcannaṃ bhikkhusatānaṃ sabbaparikkhāre adāsi. Satthā bhattakiccāvasāne anumodanaṃ karonto ‘‘upāsaka, tayā pītisomanassaṃ kātuṃ vaṭṭati, idañhi dānaṃ nāma porāṇakapaṇḍitānaṃ vaṃso, porāṇakapaṇḍitā hi sampattayācakānaṃ jīvitaṃ pariccajitvā attano maṃsampi adaṃsū’’ti vatvā tena yācito atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о сасаяонияам̣ ниб̣б̣ад̇д̇ид̇ваа аран̃н̃з васи. д̇асса бана аран̃н̃асса згад̇о баб̣б̣ад̇абаад̣̇о згад̇о над̣̇ий згад̇о бажжанд̇аг̇аамаго ахоси. абарзбисса д̇аяо сахааяаа ахзсум̣ маггадо жа син̇г̇аало жа уд̣̇д̣̇о жаад̇и. д̇з жад̇д̇аароби бан̣д̣ид̇аа згад̇ова васанд̇аа ад̇д̇ано ад̇д̇ано г̇ожарадтаанз г̇ожарам̣ г̇ахзд̇ваа сааяанхасамаяз згад̇о саннибад̇анд̇и. сасабан̣д̣ид̇о ‘‘д̣̇аанам̣ д̣̇аад̇аб̣б̣ам̣, сийлам̣ рагкид̇аб̣б̣ам̣, убосат̇агаммам̣ гаад̇аб̣б̣а’’нд̇и д̇ин̣н̣ам̣ ж̇анаанам̣ оваад̣̇авасзна д̇хаммам̣ д̣̇зсзд̇и. д̇з д̇асса оваад̣̇ам̣ самбадижчид̇ваа ад̇д̇ано ад̇д̇ано ниваасаг̇умб̣ам̣ бависид̇ваа васанд̇и. звам̣ гаалз г̇ажчанд̇з згад̣̇ивасам̣ б̣од̇хисад̇д̇о аагаасам̣ ологзд̇ваа жанд̣̇ам̣ д̣̇исваа ‘‘свз убосат̇ад̣̇ивасо’’д̇и н̃ад̇ваа ид̇арз д̇аяо ааха ‘‘свз убосат̇о, д̇умхзби д̇аяо ж̇анаа сийлам̣ самаад̣̇ияид̇ваа убосат̇игаа хот̇а, сийлз бад̇идтааяа д̣̇иннад̣̇аанам̣ махабпалам̣ ход̇и, д̇асмаа яаажагз самбад̇д̇з д̇умхзхи каад̣̇ид̇аб̣б̣аахаарад̇о д̣̇аанам̣ д̣̇ад̇ваа каад̣̇зяяаат̇аа’’д̇и. д̇з ‘‘саад̇хуу’’д̇и самбадижчид̇ваа ад̇д̇ано ад̇д̇ано васанадтаанзсу васим̣су.
Atīte bārāṇasiyaṃ brahmadatte rajjaṃ kārente bodhisatto sasayoniyaṃ nibbattitvā araññe vasi. Tassa pana araññassa ekato pabbatapādo ekato nadī ekato paccantagāmako ahosi. Aparepissa tayo sahāyā ahesuṃ makkaṭo ca siṅgālo ca uddo cāti. Te cattāropi paṇḍitā ekatova vasantā attano attano gocaraṭṭhāne gocaraṃ gahetvā sāyanhasamaye ekato sannipatanti. Sasapaṇḍito ‘‘dānaṃ dātabbaṃ, sīlaṃ rakkhitabbaṃ, uposathakammaṃ kātabba’’nti tiṇṇaṃ janānaṃ ovādavasena dhammaṃ deseti. Te tassa ovādaṃ sampaṭicchitvā attano attano nivāsagumbaṃ pavisitvā vasanti. Evaṃ kāle gacchante ekadivasaṃ bodhisatto ākāsaṃ oloketvā candaṃ disvā ‘‘sve uposathadivaso’’ti ñatvā itare tayo āha ‘‘sve uposatho, tumhepi tayo janā sīlaṃ samādiyitvā uposathikā hotha, sīle patiṭṭhāya dinnadānaṃ mahapphalaṃ hoti, tasmā yācake sampatte tumhehi khāditabbāhārato dānaṃ datvā khādeyyāthā’’ti. Te ‘‘sādhū’’ti sampaṭicchitvā attano attano vasanaṭṭhānesu vasiṃsu.
бунад̣̇ивасз д̇зсу уд̣̇д̣̇о баад̇ова ‘‘г̇ожарам̣ бариязсиссаамий’’д̇и нигкамид̇ваа г̇ан̇г̇аад̇ийрам̣ г̇ад̇о. ат̇зго б̣аалисиго сад̇д̇а рохид̇амажчз уд̣̇д̇харид̇ваа валлияаа аавун̣ид̇ваа нзд̇ваа г̇ан̇г̇аад̇ийрз ваалугам̣ вияуухид̇ваа ваалигааяа бадижчаад̣̇зд̇ваа буна мажчз г̇ан̣ханд̇о ад̇хог̇ан̇г̇ам̣ г̇ажчи. уд̣̇д̣̇о мажчаг̇анд̇хам̣ гхааяид̇ваа ваалугам̣ вияуухид̇ваа мажчз д̣̇исваа нийхарид̇ваа ‘‘ад̇т̇и ну ко зд̇зсам̣ саамиго’’д̇и д̇игкад̇д̇ум̣ гхосзд̇ваа саамигам̣ абассанд̇о валлигодим̣ д̣ам̣сид̇ваа нзд̇ваа ад̇д̇ано васанаг̇умб̣з табзд̇ваа ‘‘взлааяамзва каад̣̇иссаамий’’д̇и ад̇д̇ано сийлам̣ ааваж̇ж̇знд̇о нибаж̇ж̇и. син̇г̇аалоби васанадтаанад̇о нигкамид̇ваа г̇ожарам̣ бариязсанд̇о згасса кзд̇д̇аг̇обагасса гудияам̣ д̣̇вз мам̣сасуулаани згам̣ г̇од̇хам̣ зган̃жа д̣̇ад̇хиваарагам̣ д̣̇исваа ‘‘ад̇т̇и ну ко зд̇зсам̣ саамиго’’д̇и д̇игкад̇д̇ум̣ гхосзд̇ваа саамигам̣ ад̣̇исваа д̣̇ад̇хиваарагасса уг̇г̇ахан̣араж̇ж̇угам̣ г̇ийвааяа бавзсзд̇ваа д̣̇вз мам̣сасуулз жа г̇од̇хан̃жа мукзна д̣ам̣сид̇ваа нзд̇ваа ад̇д̇ано васанаг̇умб̣з табзд̇ваа ‘‘взлааяамзва каад̣̇иссаамий’’д̇и ад̇д̇ано сийлам̣ ааваж̇ж̇знд̇о нибаж̇ж̇и. маггадоби васанадтаанад̇о нигкамид̇ваа ванасан̣д̣ам̣ бависид̇ваа амб̣абин̣д̣ам̣ аахарид̇ваа ад̇д̇ано васанаг̇умб̣з табзд̇ваа ‘‘взлааяамзва каад̣̇иссаамий’’д̇и ад̇д̇ано сийлам̣ ааваж̇ж̇знд̇о нибаж̇ж̇и.
Punadivase tesu uddo pātova ‘‘gocaraṃ pariyesissāmī’’ti nikkhamitvā gaṅgātīraṃ gato. Atheko bālisiko satta rohitamacche uddharitvā valliyā āvuṇitvā netvā gaṅgātīre vālukaṃ viyūhitvā vālikāya paṭicchādetvā puna macche gaṇhanto adhogaṅgaṃ gacchi. Uddo macchagandhaṃ ghāyitvā vālukaṃ viyūhitvā macche disvā nīharitvā ‘‘atthi nu kho etesaṃ sāmiko’’ti tikkhattuṃ ghosetvā sāmikaṃ apassanto vallikoṭiṃ ḍaṃsitvā netvā attano vasanagumbe ṭhapetvā ‘‘velāyameva khādissāmī’’ti attano sīlaṃ āvajjento nipajji. Siṅgālopi vasanaṭṭhānato nikkhamitvā gocaraṃ pariyesanto ekassa khettagopakassa kuṭiyaṃ dve maṃsasūlāni ekaṃ godhaṃ ekañca dadhivārakaṃ disvā ‘‘atthi nu kho etesaṃ sāmiko’’ti tikkhattuṃ ghosetvā sāmikaṃ adisvā dadhivārakassa uggahaṇarajjukaṃ gīvāya pavesetvā dve maṃsasūle ca godhañca mukhena ḍaṃsitvā netvā attano vasanagumbe ṭhapetvā ‘‘velāyameva khādissāmī’’ti attano sīlaṃ āvajjento nipajji. Makkaṭopi vasanaṭṭhānato nikkhamitvā vanasaṇḍaṃ pavisitvā ambapiṇḍaṃ āharitvā attano vasanagumbe ṭhapetvā ‘‘velāyameva khādissāmī’’ti attano sīlaṃ āvajjento nipajji.
б̣од̇хисад̇д̇о бана ‘‘взлааяамзва васанадтаанад̇о нигкамид̇ваа д̣̇аб̣б̣ад̇ин̣аани каад̣̇иссаамий’’д̇и ад̇д̇ано васанаг̇умб̣зязва нибанно жинд̇зси ‘‘мама санд̇игам̣ ааг̇ад̇аанам̣ яаажагаанам̣ д̇ин̣аани д̣̇аад̇ум̣ на саггаа, д̇илад̇ан̣д̣улаад̣̇аяоби маяхам̣ над̇т̇и, сажз мз санд̇игам̣ яаажаго ааг̇ажчиссад̇и, ад̇д̇ано сарийрамам̣сам̣ д̣̇ассаамий’’д̇и. д̇асса сийлад̇зж̇зна саггасса бан̣д̣угамб̣аласилаасанам̣ ун̣хаагаарам̣ д̣̇ассзси. со ааваж̇ж̇амаано ид̣̇ам̣ гааран̣ам̣ д̣̇исваа ‘‘сасарааж̇аанам̣ виймам̣сиссаамий’’д̇и батамам̣ уд̣̇д̣̇асса васанадтаанам̣ г̇анд̇ваа б̣раахман̣авзсзна адтааси. ‘‘б̣раахман̣а, гимад̇т̇ам̣ тид̇осий’’д̇и вуд̇д̇з бан̣д̣ид̇а сажз гин̃жи аахаарам̣ лабхзяяам̣, убосат̇иго худ̇ваа васзяяанд̇и. со ‘‘саад̇ху д̣̇ассаами д̇з аахаара’’нд̇и д̇зна сад̣̇д̇хим̣ саллабанд̇о батамам̣ г̇аат̇амааха –
Bodhisatto pana ‘‘velāyameva vasanaṭṭhānato nikkhamitvā dabbatiṇāni khādissāmī’’ti attano vasanagumbeyeva nipanno cintesi ‘‘mama santikaṃ āgatānaṃ yācakānaṃ tiṇāni dātuṃ na sakkā, tilataṇḍulādayopi mayhaṃ natthi, sace me santikaṃ yācako āgacchissati, attano sarīramaṃsaṃ dassāmī’’ti. Tassa sīlatejena sakkassa paṇḍukambalasilāsanaṃ uṇhākāraṃ dassesi. So āvajjamāno idaṃ kāraṇaṃ disvā ‘‘sasarājānaṃ vīmaṃsissāmī’’ti paṭhamaṃ uddassa vasanaṭṭhānaṃ gantvā brāhmaṇavesena aṭṭhāsi. ‘‘Brāhmaṇa, kimatthaṃ ṭhitosī’’ti vutte paṇḍita sace kiñci āhāraṃ labheyyaṃ, uposathiko hutvā vaseyyanti. So ‘‘sādhu dassāmi te āhāra’’nti tena saddhiṃ sallapanto paṭhamaṃ gāthamāha –
61.
61.
‘‘сад̇д̇а мз рохид̇аа мажчаа, уд̣̇агаа т̇аламуб̣бхад̇аа;
‘‘Satta me rohitā macchā, udakā thalamubbhatā;
ид̣̇ам̣ б̣раахман̣а мз ад̇т̇и, зд̇ам̣ бхуд̇ваа ванз васаа’’д̇и.
Idaṃ brāhmaṇa me atthi, etaṃ bhutvā vane vasā’’ti.
д̇ад̇т̇а т̇аламуб̣бхад̇аад̇и уд̣̇агад̇о т̇алз табид̇аа, гзваддзна ваа уд̣̇д̇хадаа. зд̇ам̣ бхуд̇ваад̇и зд̇ам̣ мама санд̇агам̣ мажчаахаарам̣ бажид̇ваа бхун̃ж̇ид̇ваа саман̣ад̇хаммам̣ гаронд̇о раман̣ийяз ругкамуулз нисинно имасмим̣ ванз васаад̇и.
Tattha thalamubbhatāti udakato thale ṭhapitā, kevaṭṭena vā uddhaṭā. Etaṃ bhutvāti etaṃ mama santakaṃ macchāhāraṃ pacitvā bhuñjitvā samaṇadhammaṃ karonto ramaṇīye rukkhamūle nisinno imasmiṃ vane vasāti.
б̣раахман̣о ‘‘баг̇зва д̇аава ход̇у, бажчаа ж̇ааниссаамий’’д̇и син̇г̇ааласса санд̇игам̣ г̇ад̇о. д̇знааби ‘‘гимад̇т̇ам̣ тид̇осий’’д̇и вуд̇д̇о д̇ат̇звааха. син̇г̇аало ‘‘саад̇ху д̣̇ассаамий’’д̇и д̇зна сад̣̇д̇хим̣ саллабанд̇о д̣̇уд̇ияам̣ г̇аат̇амааха –
Brāhmaṇo ‘‘pageva tāva hotu, pacchā jānissāmī’’ti siṅgālassa santikaṃ gato. Tenāpi ‘‘kimatthaṃ ṭhitosī’’ti vutto tathevāha. Siṅgālo ‘‘sādhu dassāmī’’ti tena saddhiṃ sallapanto dutiyaṃ gāthamāha –
62.
62.
‘‘д̣̇усса мз кзд̇д̇абааласса, рад̇д̇ибхад̇д̇ам̣ абаабхад̇ам̣;
‘‘Dussa me khettapālassa, rattibhattaṃ apābhataṃ;
мам̣сасуулаа жа д̣̇вз г̇од̇хаа, зган̃жа д̣̇ад̇хиваарагам̣;
Maṃsasūlā ca dve godhā, ekañca dadhivārakaṃ;
ид̣̇ам̣ б̣раахман̣а мз ад̇т̇и, зд̇ам̣ бхуд̇ваа ванз васаа’’д̇и.
Idaṃ brāhmaṇa me atthi, etaṃ bhutvā vane vasā’’ti.
д̇ад̇т̇а д̣̇усса мзд̇и яо зса мама авид̣̇уурз кзд̇д̇абаало васад̇и, д̣̇усса амуссаад̇и ад̇т̇о. абаабхад̇анд̇и аабхад̇ам̣ аанийд̇ам̣. мам̣сасуулаа жа д̣̇вз г̇од̇хаад̇и ан̇г̇аарабаггаани д̣̇вз мам̣сасуулаани жа згаа жа г̇од̇хаа. д̣̇ад̇хиваараганд̇и д̣̇ад̇хиваараго. ид̣̇анд̇и ид̣̇ам̣ зд̇д̇агам̣ мама ад̇т̇и, зд̇ам̣ саб̣б̣амби яат̇аабхиружид̇зна баагзна бажид̇ваа барибхун̃ж̇ид̇ваа убосат̇иго худ̇ваа раман̣ийяз ругкамуулз нисийд̣̇ид̇ваа саман̣ад̇хаммам̣ гаронд̇о имасмим̣ ванасан̣д̣з васаад̇и ад̇т̇о.
Tattha dussa meti yo esa mama avidūre khettapālo vasati, dussa amussāti attho. Apābhatanti ābhataṃ ānītaṃ. Maṃsasūlā ca dve godhāti aṅgārapakkāni dve maṃsasūlāni ca ekā ca godhā. Dadhivārakanti dadhivārako. Idanti idaṃ ettakaṃ mama atthi, etaṃ sabbampi yathābhirucitena pākena pacitvā paribhuñjitvā uposathiko hutvā ramaṇīye rukkhamūle nisīditvā samaṇadhammaṃ karonto imasmiṃ vanasaṇḍe vasāti attho.
б̣раахман̣о ‘‘баг̇зва д̇аава ход̇у, бажчаа ж̇ааниссаамий’’д̇и маггадасса санд̇игам̣ г̇ад̇о. д̇знааби ‘‘гимад̇т̇ам̣ тид̇осий’’д̇и вуд̇д̇о д̇ат̇звааха. маггадо ‘‘саад̇ху д̣̇ассаамий’’д̇и д̇зна сад̣̇д̇хим̣ саллабанд̇о д̇ад̇ияам̣ г̇аат̇амааха –
Brāhmaṇo ‘‘pageva tāva hotu, pacchā jānissāmī’’ti makkaṭassa santikaṃ gato. Tenāpi ‘‘kimatthaṃ ṭhitosī’’ti vutto tathevāha. Makkaṭo ‘‘sādhu dassāmī’’ti tena saddhiṃ sallapanto tatiyaṃ gāthamāha –
63.
63.
‘‘амб̣абаггам̣ д̣̇агам̣ сийд̇ам̣, сийд̇ажчааяаа манорамаа;
‘‘Ambapakkaṃ dakaṃ sītaṃ, sītacchāyā manoramā;
ид̣̇ам̣ б̣раахман̣а мз ад̇т̇и, зд̇ам̣ бхуд̇ваа ванз васаа’’д̇и.
Idaṃ brāhmaṇa me atthi, etaṃ bhutvā vane vasā’’ti.
д̇ад̇т̇а амб̣абагганд̇и мад̇хураамб̣апалам̣. д̣̇агам̣ сийд̇анд̇и г̇ан̇г̇ааяа уд̣̇агам̣ сийд̇алам̣. зд̇ам̣ бхуд̇ваа ванз васаад̇и б̣раахман̣а зд̇ам̣ амб̣абаггам̣ барибхун̃ж̇ид̇ваа сийд̇алам̣ уд̣̇агам̣ бивид̇ваа яат̇аабхиружид̇з раман̣ийяз ругкамуулз нисинно саман̣ад̇хаммам̣ гаронд̇о имасмим̣ ванасан̣д̣з васаад̇и.
Tattha ambapakkanti madhuraambaphalaṃ. Dakaṃ sītanti gaṅgāya udakaṃ sītalaṃ. Etaṃ bhutvā vane vasāti brāhmaṇa etaṃ ambapakkaṃ paribhuñjitvā sītalaṃ udakaṃ pivitvā yathābhirucite ramaṇīye rukkhamūle nisinno samaṇadhammaṃ karonto imasmiṃ vanasaṇḍe vasāti.
б̣раахман̣о ‘‘баг̇зва д̇аава ход̇у, бажчаа ж̇ааниссаамий’’д̇и сасабан̣д̣ид̇асса санд̇игам̣ г̇ад̇о. д̇знааби ‘‘гимад̇т̇ам̣ тид̇осий’’д̇и вуд̇д̇о д̇ат̇звааха. д̇ам̣ суд̇ваа б̣од̇хисад̇д̇о соманассаббад̇д̇о ‘‘б̣раахман̣а, судту д̇з гад̇ам̣ аахаарад̇т̇ааяа мама санд̇игам̣ ааг̇ажчанд̇зна, аж̇ж̇аахам̣ ад̣̇иннабуб̣б̣ам̣ д̣̇аанам̣ д̣̇ассаами . д̇вам̣ бана сийлаваа баан̣аад̇ибаад̇ам̣ на гариссаси, г̇ажча, б̣раахман̣а, наанаад̣̇аарууни сан̇гад̣дхид̇ваа ан̇г̇аарз гад̇ваа маяхам̣ аарожзхи, ахам̣ ад̇д̇аанам̣ барижжаж̇ид̇ваа ан̇г̇аарамаж̇жхз бад̇иссаами . мама сарийрз баггз д̇вам̣ мам̣сам̣ каад̣̇ид̇ваа саман̣ад̇хаммам̣ гарзяяаасий’’д̇и д̇зна сад̣̇д̇хим̣ саллабанд̇о жад̇уд̇т̇ам̣ г̇аат̇амааха –
Brāhmaṇo ‘‘pageva tāva hotu, pacchā jānissāmī’’ti sasapaṇḍitassa santikaṃ gato. Tenāpi ‘‘kimatthaṃ ṭhitosī’’ti vutto tathevāha. Taṃ sutvā bodhisatto somanassappatto ‘‘brāhmaṇa, suṭṭhu te kataṃ āhāratthāya mama santikaṃ āgacchantena, ajjāhaṃ adinnapubbaṃ dānaṃ dassāmi . Tvaṃ pana sīlavā pāṇātipātaṃ na karissasi, gaccha, brāhmaṇa, nānādārūni saṅkaḍḍhitvā aṅgāre katvā mayhaṃ ārocehi, ahaṃ attānaṃ pariccajitvā aṅgāramajjhe patissāmi . Mama sarīre pakke tvaṃ maṃsaṃ khāditvā samaṇadhammaṃ kareyyāsī’’ti tena saddhiṃ sallapanto catutthaṃ gāthamāha –
64.
64.
‘‘на сасасса д̇илаа ад̇т̇и, на муг̇г̇аа наби д̇ан̣д̣улаа;
‘‘Na sasassa tilā atthi, na muggā napi taṇḍulā;
иминаа аг̇г̇инаа баггам̣, мамам̣ бхуд̇ваа ванз васаа’’д̇и.
Iminā agginā pakkaṃ, mamaṃ bhutvā vane vasā’’ti.
д̇ад̇т̇а мамам̣ бхуд̇ваад̇и яам̣ д̇ам̣ ахам̣ аг̇г̇им̣ гарохийд̇и вад̣̇аами, иминаа аг̇г̇инаа баггам̣ мам̣ бхун̃ж̇ид̇ваа имасмим̣ ванз васа, згасса сасасса сарийрам̣ наама згасса бурисасса яаабанамад̇д̇ам̣ ход̇ийд̇и.
Tattha mamaṃ bhutvāti yaṃ taṃ ahaṃ aggiṃ karohīti vadāmi, iminā agginā pakkaṃ maṃ bhuñjitvā imasmiṃ vane vasa, ekassa sasassa sarīraṃ nāma ekassa purisassa yāpanamattaṃ hotīti.
сагго д̇асса важанам̣ суд̇ваа ад̇д̇ано аанубхаавзна згам̣ ан̇г̇аарараасим̣ маабзд̇ваа б̣од̇хисад̇д̇асса аарожзси. со д̣̇аб̣б̣ад̇ин̣асаяанад̇о удтааяа д̇ад̇т̇а г̇анд̇ваа ‘‘сажз мз ломанд̇арзсу баан̣агаа ад̇т̇и, д̇з маа марим̣суу’’д̇и д̇игкад̇д̇ум̣ сарийрам̣ вид̇хунид̇ваа сагаласарийрам̣ д̣̇аанамукз табзд̇ваа лан̇гхид̇ваа бад̣̇умасарз рааж̇ахам̣со вияа бамуд̣̇ид̇ажид̇д̇о ан̇г̇аарараасимхи бад̇и. со бана аг̇г̇и б̣од̇хисад̇д̇асса сарийрз ломагуубамад̇д̇амби ун̣хам̣ гаад̇ум̣ наасагки, химаг̇аб̣бхам̣ бавидто вияа ахоси. ат̇а саггам̣ ааманд̇зд̇ваа ‘‘б̣раахман̣а, д̇аяаа гад̇о аг̇г̇и ад̇исийд̇ало, мама сарийрз ломагуубамад̇д̇амби ун̣хам̣ гаад̇ум̣ на саггод̇и, гим̣ наамзд̇а’’нд̇и ааха. ‘‘сасабан̣д̣ид̇а, наахам̣ б̣раахман̣о, саггохамасми, д̇ава виймам̣санад̇т̇ааяа ааг̇ад̇омхий’’д̇и. ‘‘сагга, д̇вам̣ д̇аава д̇идта, сагалоби жз логасанниваасо мам̣ д̣̇аанзна виймам̣сзяяа, нзва мз ад̣̇аад̇угаамад̇ам̣ бассзяяаа’’д̇и б̣од̇хисад̇д̇о сийханаад̣̇ам̣ над̣̇и. ат̇а нам̣ сагго ‘‘сасабан̣д̣ид̇а, д̇ава г̇ун̣о сагалагаббам̣ баагадо ход̇уу’’д̇и баб̣б̣ад̇ам̣ бийл̣зд̇ваа баб̣б̣ад̇арасам̣ аад̣̇ааяа жанд̣̇аман̣д̣алз сасалагкан̣ам̣ ликид̇ваа б̣од̇хисад̇д̇ам̣ аанзд̇ваа д̇асмим̣ ванасан̣д̣з д̇асмим̣язва ванаг̇умб̣з д̇арун̣ад̣̇аб̣б̣ад̇ин̣абидтз нибаж̇ж̇аабзд̇ваа ад̇д̇ано васанадтаанамзва г̇ад̇о. д̇зби жад̇д̇ааро бан̣д̣ид̇аа самаг̇г̇аа саммод̣̇амаанаа сийлам̣ буурзд̇ваа д̣̇аанам̣ д̣̇ад̇ваа убосат̇агаммам̣ гад̇ваа яат̇аагаммам̣ г̇ад̇аа.
Sakko tassa vacanaṃ sutvā attano ānubhāvena ekaṃ aṅgārarāsiṃ māpetvā bodhisattassa ārocesi. So dabbatiṇasayanato uṭṭhāya tattha gantvā ‘‘sace me lomantaresu pāṇakā atthi, te mā mariṃsū’’ti tikkhattuṃ sarīraṃ vidhunitvā sakalasarīraṃ dānamukhe ṭhapetvā laṅghitvā padumasare rājahaṃso viya pamuditacitto aṅgārarāsimhi pati. So pana aggi bodhisattassa sarīre lomakūpamattampi uṇhaṃ kātuṃ nāsakkhi, himagabbhaṃ paviṭṭho viya ahosi. Atha sakkaṃ āmantetvā ‘‘brāhmaṇa, tayā kato aggi atisītalo, mama sarīre lomakūpamattampi uṇhaṃ kātuṃ na sakkoti, kiṃ nāmeta’’nti āha. ‘‘Sasapaṇḍita, nāhaṃ brāhmaṇo, sakkohamasmi, tava vīmaṃsanatthāya āgatomhī’’ti. ‘‘Sakka, tvaṃ tāva tiṭṭha, sakalopi ce lokasannivāso maṃ dānena vīmaṃseyya, neva me adātukāmataṃ passeyyā’’ti bodhisatto sīhanādaṃ nadi. Atha naṃ sakko ‘‘sasapaṇḍita, tava guṇo sakalakappaṃ pākaṭo hotū’’ti pabbataṃ pīḷetvā pabbatarasaṃ ādāya candamaṇḍale sasalakkhaṇaṃ likhitvā bodhisattaṃ ānetvā tasmiṃ vanasaṇḍe tasmiṃyeva vanagumbe taruṇadabbatiṇapiṭṭhe nipajjāpetvā attano vasanaṭṭhānameva gato. Tepi cattāro paṇḍitā samaggā sammodamānā sīlaṃ pūretvā dānaṃ datvā uposathakammaṃ katvā yathākammaṃ gatā.
сад̇т̇аа имам̣ д̇хаммад̣̇зсанам̣ аахарид̇ваа сажжаани багаасзд̇ваа ж̇аад̇агам̣ самод̇хаанзси, сажжабарияосаанз саб̣б̣абаригкаарад̣̇аанад̣̇ааяаго г̇ахабад̇и сод̇аабад̇д̇ипалз бад̇идтахи.
Satthā imaṃ dhammadesanaṃ āharitvā saccāni pakāsetvā jātakaṃ samodhānesi, saccapariyosāne sabbaparikkhāradānadāyako gahapati sotāpattiphale patiṭṭhahi.
д̇ад̣̇аа уд̣̇д̣̇о аананд̣̇о ахоси, син̇г̇аало мог̇г̇аллаано, маггадо саарибуд̇д̇о, сагго ануруд̣̇д̇хо, сасабан̣д̣ид̇о бана ахамзва ахосинд̇и.
Tadā uddo ānando ahosi, siṅgālo moggallāno, makkaṭo sāriputto, sakko anuruddho, sasapaṇḍito pana ahameva ahosinti.
сасабан̣д̣ид̇аж̇аад̇агаван̣н̣анаа чадтаа.
Sasapaṇḍitajātakavaṇṇanā chaṭṭhā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 316. сасабан̣д̣ид̇аж̇аад̇агам̣ • 316. Sasapaṇḍitajātakaṃ
