| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[179] 9. сад̇ад̇хаммаж̇аад̇агаван̣н̣анаа
[179] 9. Satadhammajātakavaṇṇanā
д̇ан̃жа аббанд̇и ид̣̇ам̣ сад̇т̇аа ж̇зд̇аванз вихаранд̇о згавийсад̇ивид̇хам̣ анзсанам̣ аараб̣бха гат̇зси. згасмин̃хи гаалз б̣ахуу бхигкуу взж̇ж̇агаммзна д̣̇ууд̇агаммзна бахин̣агаммзна ж̇ан̇гхабзсанигзна бин̣д̣абадибин̣д̣знаад̇и зваруубааяа згавийсад̇ивид̇хааяа анзсанааяа ж̇ийвигам̣ габбзсум̣. саа саагзд̇аж̇аад̇агз (ж̇аа. 1.2.173-174) аавибхависсад̇и. сад̇т̇аа д̇зсам̣ д̇ат̇аа ж̇ийвигагаббанабхаавам̣ н̃ад̇ваа ‘‘зд̇арахи ко б̣ахуу бхигкуу анзсанааяа ж̇ийвигам̣ габбзнд̇и, д̇з бана звам̣ ж̇ийвигам̣ габбзд̇ваа яагкад̇д̇абхааваа бзд̇ад̇д̇абхааваа на мужжиссанд̇и, д̇хураг̇он̣аа худ̇ваава ниб̣б̣ад̇д̇иссанд̇и, нираяз бадисанд̇хим̣ г̇ан̣хиссанд̇и, зд̇зсам̣ хид̇ад̇т̇ааяа сукад̇т̇ааяа ад̇д̇аж̇жхаасаяам̣ сагабадибхаанам̣ згам̣ д̇хаммад̣̇зсанам̣ гат̇зд̇ум̣ ваддад̇ий’’д̇и бхигкусан̇гхам̣ саннибаад̇аабзд̇ваа ‘‘на, бхигкавз, згавийсад̇ивид̇хааяа анзсанааяа бажжаяаа уббаад̣̇зд̇аб̣б̣аа. анзсанааяа хи уббанно бин̣д̣абаад̇о аад̣̇ид̇д̇алохаг̇ул̣асад̣̇исо халаахалависуубамо. анзсанаа хи наамзсаа б̣уд̣̇д̇хабажжзгаб̣уд̣̇д̇хасаавагзхи г̇арахид̇аб̣б̣аа бадигудтаа. анзсанааяа уббаннам̣ бин̣д̣абаад̇ам̣ бхун̃ж̇анд̇асса хи хаасо ваа соманассам̣ ваа над̇т̇и. звам̣ уббанно хи бин̣д̣абаад̇о мама саасанз жан̣д̣ааласса ужчидтабхож̇анасад̣̇исо, д̇асса барибхог̇о сад̇ад̇хаммамаан̣авасса жан̣д̣аалужчидтабхад̇д̇абарибхог̇о вияа ход̇ий’’д̇и вад̇ваа ад̇ийд̇ам̣ аахари.
Tañcaappanti idaṃ satthā jetavane viharanto ekavīsatividhaṃ anesanaṃ ārabbha kathesi. Ekasmiñhi kāle bahū bhikkhū vejjakammena dūtakammena pahiṇakammena jaṅghapesanikena piṇḍapaṭipiṇḍenāti evarūpāya ekavīsatividhāya anesanāya jīvikaṃ kappesuṃ. Sā sāketajātake (jā. 1.2.173-174) āvibhavissati. Satthā tesaṃ tathā jīvikakappanabhāvaṃ ñatvā ‘‘etarahi kho bahū bhikkhū anesanāya jīvikaṃ kappenti, te pana evaṃ jīvikaṃ kappetvā yakkhattabhāvā petattabhāvā na muccissanti, dhuragoṇā hutvāva nibbattissanti, niraye paṭisandhiṃ gaṇhissanti, etesaṃ hitatthāya sukhatthāya attajjhāsayaṃ sakapaṭibhānaṃ ekaṃ dhammadesanaṃ kathetuṃ vaṭṭatī’’ti bhikkhusaṅghaṃ sannipātāpetvā ‘‘na, bhikkhave, ekavīsatividhāya anesanāya paccayā uppādetabbā. Anesanāya hi uppanno piṇḍapāto ādittalohaguḷasadiso halāhalavisūpamo. Anesanā hi nāmesā buddhapaccekabuddhasāvakehi garahitabbā paṭikuṭṭhā. Anesanāya uppannaṃ piṇḍapātaṃ bhuñjantassa hi hāso vā somanassaṃ vā natthi. Evaṃ uppanno hi piṇḍapāto mama sāsane caṇḍālassa ucchiṭṭhabhojanasadiso, tassa paribhogo satadhammamāṇavassa caṇḍālucchiṭṭhabhattaparibhogo viya hotī’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о жан̣д̣аалаяонияам̣ ниб̣б̣ад̇д̇ид̇ваа ваяаббад̇д̇о гзнажид̣̇зва гаран̣ийязна баат̇зяяад̇ан̣д̣улз жа бхад̇д̇абудан̃жа г̇ахзд̇ваа маг̇г̇ам̣ бадибаж̇ж̇и. д̇асмин̃хи гаалз б̣аараан̣асияам̣ зго маан̣аво ад̇т̇и сад̇ад̇хаммо наама уд̣̇ижжаб̣раахман̣амахаасаалагулз ниб̣б̣ад̇д̇о. соби гзнажид̣̇зва гаран̣ийязна д̇ан̣д̣улз жа бхад̇д̇абудан̃жа аг̇ахзд̇ваава маг̇г̇ам̣ бадибаж̇ж̇и, д̇з убхоби махаамаг̇г̇з самааг̇ажчим̣су. маан̣аво б̣од̇хисад̇д̇ам̣ ‘‘гим̣ж̇аад̇игосий’’д̇и бужчи. со ‘‘ахам̣ жан̣д̣аало’’д̇и вад̇ваа ‘‘д̇вам̣ гим̣ж̇аад̇игосий’’д̇и маан̣авам̣ бужчи . ‘‘уд̣̇ижжаб̣раахман̣о аха’’нд̇и. ‘‘саад̇ху г̇ажчаамаа’’д̇и д̇з убхоби маг̇г̇ам̣ аг̇амам̣су. б̣од̇хисад̇д̇о баад̇араасавзлааяа уд̣̇агапаасугадтаанз нисийд̣̇ид̇ваа хад̇т̇з д̇ховид̇ваа бхад̇д̇абудам̣ можзд̇ваа ‘‘маан̣ава, бхад̇д̇ам̣ бхун̃ж̇аахий’’д̇и ааха. ‘‘над̇т̇и, арз жан̣д̣аала, мама бхад̇д̇зна ад̇т̇о’’д̇и. б̣од̇хисад̇д̇о ‘‘саад̇хуу’’д̇и будагабхад̇д̇ам̣ ужчидтам̣ агад̇ваава ад̇д̇ано яаабанамад̇д̇ам̣ ан̃н̃асмим̣ бан̣н̣з багкибид̇ваа будагабхад̇д̇ам̣ б̣анд̇хид̇ваа згаманд̇з табзд̇ваа бхун̃ж̇ид̇ваа баанийяам̣ бивид̇ваа д̇ход̇ахад̇т̇абаад̣̇о д̇ан̣д̣улз жа сзсабхад̇д̇ан̃жа аад̣̇ааяа ‘‘г̇ажчаама, маан̣аваа’’д̇и маг̇г̇ам̣ бадибаж̇ж̇и.
Atīte bārāṇasiyaṃ brahmadatte rajjaṃ kārente bodhisatto caṇḍālayoniyaṃ nibbattitvā vayappatto kenacideva karaṇīyena pātheyyataṇḍule ca bhattapuṭañca gahetvā maggaṃ paṭipajji. Tasmiñhi kāle bārāṇasiyaṃ eko māṇavo atthi satadhammo nāma udiccabrāhmaṇamahāsālakule nibbatto. Sopi kenacideva karaṇīyena taṇḍule ca bhattapuṭañca agahetvāva maggaṃ paṭipajji, te ubhopi mahāmagge samāgacchiṃsu. Māṇavo bodhisattaṃ ‘‘kiṃjātikosī’’ti pucchi. So ‘‘ahaṃ caṇḍālo’’ti vatvā ‘‘tvaṃ kiṃjātikosī’’ti māṇavaṃ pucchi . ‘‘Udiccabrāhmaṇo aha’’nti. ‘‘Sādhu gacchāmā’’ti te ubhopi maggaṃ agamaṃsu. Bodhisatto pātarāsavelāya udakaphāsukaṭṭhāne nisīditvā hatthe dhovitvā bhattapuṭaṃ mocetvā ‘‘māṇava, bhattaṃ bhuñjāhī’’ti āha. ‘‘Natthi, are caṇḍāla, mama bhattena attho’’ti. Bodhisatto ‘‘sādhū’’ti puṭakabhattaṃ ucchiṭṭhaṃ akatvāva attano yāpanamattaṃ aññasmiṃ paṇṇe pakkhipitvā puṭakabhattaṃ bandhitvā ekamante ṭhapetvā bhuñjitvā pānīyaṃ pivitvā dhotahatthapādo taṇḍule ca sesabhattañca ādāya ‘‘gacchāma, māṇavā’’ti maggaṃ paṭipajji.
д̇з сагалад̣̇ивасам̣ г̇анд̇ваа сааяам̣ убхоби згасмим̣ уд̣̇агапаасугадтаанз нхад̇ваа бажжуд̇д̇арим̣су. б̣од̇хисад̇д̇о паасугадтаанз нисийд̣̇ид̇ваа бхад̇д̇абудам̣ можзд̇ваа маан̣авам̣ анаабужчид̇ваа бхун̃ж̇ид̇ум̣ аарабхи. маан̣аво сагалад̣̇ивасам̣ маг̇г̇аг̇аманзна гиланд̇о чаад̇аж̇жхад̇д̇о ‘‘сажз мз бхад̇д̇ам̣ д̣̇ассад̇и, бхун̃ж̇иссаамий’’д̇и ологзнд̇о адтааси. ид̇аро гин̃жи авад̇ваа бхун̃ж̇ад̇зва. маан̣аво жинд̇зси – ‘‘аяам̣ жан̣д̣аало маяхам̣ авад̇ваава саб̣б̣ам̣ бхун̃ж̇ад̇и ниббийл̣зд̇вааби д̇ам̣ г̇ахзд̇ваа убари ужчидтабхад̇д̇ам̣ чад̣д̣зд̇ваа сзсам̣ бхун̃ж̇ид̇ум̣ ваддад̇ий’’д̇и. со д̇ат̇аа гад̇ваа ужчидтабхад̇д̇ам̣ бхун̃ж̇и. ат̇асса бхуд̇д̇амад̇д̇ассзва ‘‘маяаа ад̇д̇ано ж̇аад̇иг̇од̇д̇агулабад̣̇зсаанам̣ ананужчавигам̣ гад̇ам̣, жан̣д̣ааласса наама мз ужчидтабхад̇д̇ам̣ бхуд̇д̇а’’нд̇и б̣алававиббадисааро уббаж̇ж̇и, д̇аавад̣̇звасса салохид̇ам̣ бхад̇д̇ам̣ мукад̇о уг̇г̇ажчи. со ‘‘аббамад̇д̇агасса вад̇а мз гааран̣аа ананужчавигам̣ гаммам̣ гад̇а’’нд̇и уббаннаб̣алавасогад̇ааяа барид̣̇звамаано батамам̣ г̇аат̇амааха –
Te sakaladivasaṃ gantvā sāyaṃ ubhopi ekasmiṃ udakaphāsukaṭṭhāne nhatvā paccuttariṃsu. Bodhisatto phāsukaṭṭhāne nisīditvā bhattapuṭaṃ mocetvā māṇavaṃ anāpucchitvā bhuñjituṃ ārabhi. Māṇavo sakaladivasaṃ maggagamanena kilanto chātajjhatto ‘‘sace me bhattaṃ dassati, bhuñjissāmī’’ti olokento aṭṭhāsi. Itaro kiñci avatvā bhuñjateva. Māṇavo cintesi – ‘‘ayaṃ caṇḍālo mayhaṃ avatvāva sabbaṃ bhuñjati nippīḷetvāpi taṃ gahetvā upari ucchiṭṭhabhattaṃ chaḍḍetvā sesaṃ bhuñjituṃ vaṭṭatī’’ti. So tathā katvā ucchiṭṭhabhattaṃ bhuñji. Athassa bhuttamattasseva ‘‘mayā attano jātigottakulapadesānaṃ ananucchavikaṃ kataṃ, caṇḍālassa nāma me ucchiṭṭhabhattaṃ bhutta’’nti balavavippaṭisāro uppajji, tāvadevassa salohitaṃ bhattaṃ mukhato uggacchi. So ‘‘appamattakassa vata me kāraṇā ananucchavikaṃ kammaṃ kata’’nti uppannabalavasokatāya paridevamāno paṭhamaṃ gāthamāha –
57.
57.
‘‘д̇ан̃жа аббан̃жа ужчидтам̣, д̇ан̃жа гижчзна но ад̣̇аа;
‘‘Tañca appañca ucchiṭṭhaṃ, tañca kicchena no adā;
сохам̣ б̣раахман̣аж̇аад̇иго, яам̣ бхуд̇д̇ам̣ д̇амби уг̇г̇ад̇а’’нд̇и.
Sohaṃ brāhmaṇajātiko, yaṃ bhuttaṃ tampi uggata’’nti.
д̇ад̇рааяам̣ сан̇кзбад̇т̇о – яам̣ маяаа бхуд̇д̇ам̣, д̇ам̣ аббан̃жа ужчидтан̃жа, д̇ан̃жа со жан̣д̣аало на ад̇д̇ано ружияаа мам̣ ад̣̇ааси, ат̇а ко ниббийл̣ияамаано гижчзна гасирзна ад̣̇ааси, сохам̣ барисуд̣̇д̇хаб̣раахман̣аж̇аад̇иго, д̇знзва мз яам̣ бхуд̇д̇ам̣, д̇амби сад̣̇д̇хим̣ лохид̇зна уг̇г̇ад̇анд̇и.
Tatrāyaṃ saṅkhepattho – yaṃ mayā bhuttaṃ, taṃ appañca ucchiṭṭhañca, tañca so caṇḍālo na attano ruciyā maṃ adāsi, atha kho nippīḷiyamāno kicchena kasirena adāsi, sohaṃ parisuddhabrāhmaṇajātiko, teneva me yaṃ bhuttaṃ, tampi saddhiṃ lohitena uggatanti.
звам̣ маан̣аво барид̣̇звид̇ваа ‘‘гим̣ д̣̇аани мз зваруубам̣ ананужчавигам̣ гаммам̣ гад̇ваа ж̇ийвид̇знаа’’д̇и аран̃н̃ам̣ бависид̇ваа гассажи ад̇д̇аанам̣ ад̣̇ассзд̇ваава анаат̇амаран̣ам̣ бад̇д̇о.
Evaṃ māṇavo paridevitvā ‘‘kiṃ dāni me evarūpaṃ ananucchavikaṃ kammaṃ katvā jīvitenā’’ti araññaṃ pavisitvā kassaci attānaṃ adassetvāva anāthamaraṇaṃ patto.
сад̇т̇аа имам̣ ад̇ийд̇ам̣ д̣̇ассзд̇ваа ‘‘сзяяат̇ааби, бхигкавз, сад̇ад̇хаммамаан̣авасса д̇ам̣ жан̣д̣аалужчидтагам̣ бхун̃ж̇ид̇ваа ад̇д̇ано аяуд̇д̇абхож̇анасса бхуд̇д̇ад̇д̇аа нзва хаасо, на соманассам̣ уббаж̇ж̇и, звамзва яо имасмим̣ саасанз баб̣б̣аж̇ид̇о анзсанааяа ж̇ийвигам̣ габбзнд̇о д̇ат̇аалад̣̇д̇хабажжаяам̣ барибхун̃ж̇ад̇и, д̇асса б̣уд̣̇д̇хабадигудтаг̇арахид̇аж̇ийвид̇абхаавад̇о нзва хаасо, на соманассам̣ уббаж̇ж̇ад̇ий’’д̇и вад̇ваа абхисамб̣уд̣̇д̇хо худ̇ваа д̣̇уд̇ияам̣ г̇аат̇амааха –
Satthā imaṃ atītaṃ dassetvā ‘‘seyyathāpi, bhikkhave, satadhammamāṇavassa taṃ caṇḍālucchiṭṭhakaṃ bhuñjitvā attano ayuttabhojanassa bhuttattā neva hāso, na somanassaṃ uppajji, evameva yo imasmiṃ sāsane pabbajito anesanāya jīvikaṃ kappento tathāladdhapaccayaṃ paribhuñjati, tassa buddhapaṭikuṭṭhagarahitajīvitabhāvato neva hāso, na somanassaṃ uppajjatī’’ti vatvā abhisambuddho hutvā dutiyaṃ gāthamāha –
58.
58.
‘‘звам̣ д̇хаммам̣ нирам̣гад̇ваа, яо ад̇хаммзна ж̇ийвад̇и;
‘‘Evaṃ dhammaṃ niraṃkatvā, yo adhammena jīvati;
сад̇ад̇хаммова лаабхзна, лад̣̇д̇хзнаби на нанд̣̇ад̇ий’’д̇и.
Satadhammova lābhena, laddhenapi na nandatī’’ti.
д̇ад̇т̇а д̇хамманд̇и ааж̇ийвабаарисуд̣̇д̇хисийлад̇хаммам̣. нирам̣гад̇ваад̇и нийхарид̇ваа чад̣д̣зд̇ваа. ад̇хаммзнаад̇и згавийсад̇ияаа анзсанасан̇каад̇зна мижчааж̇ийвзна. сад̇ад̇хаммод̇и д̇асса наамам̣, ‘‘санд̇ад̇хаммо’’д̇иби баато. на нанд̣̇ад̇ийд̇и яат̇аа сад̇ад̇хаммо маан̣аво ‘‘жан̣д̣аалужчидтагам̣ мз лад̣̇д̇ха’’нд̇и д̇зна лаабхзна на нанд̣̇ад̇и, звам̣ имасмимби саасанз баб̣б̣аж̇ид̇о гулабуд̇д̇о анзсанааяа лад̣̇д̇халаабхам̣ барибхун̃ж̇анд̇о на нанд̣̇ад̇и на д̇уссад̇и, ‘‘б̣уд̣̇д̇хаг̇арахид̇аж̇ийвигааяа ж̇ийваамий’’д̇и д̣̇оманассаббад̇д̇о ход̇и. д̇асмаа анзсанааяа ж̇ийвигам̣ габбзнд̇асса сад̇ад̇хаммамаан̣авассзва аран̃н̃ам̣ бависид̇ваа анаат̇амаран̣ам̣ марид̇ум̣ варанд̇и.
Tattha dhammanti ājīvapārisuddhisīladhammaṃ. Niraṃkatvāti nīharitvā chaḍḍetvā. Adhammenāti ekavīsatiyā anesanasaṅkhātena micchājīvena. Satadhammoti tassa nāmaṃ, ‘‘santadhammo’’tipi pāṭho. Na nandatīti yathā satadhammo māṇavo ‘‘caṇḍālucchiṭṭhakaṃ me laddha’’nti tena lābhena na nandati, evaṃ imasmimpi sāsane pabbajito kulaputto anesanāya laddhalābhaṃ paribhuñjanto na nandati na tussati, ‘‘buddhagarahitajīvikāya jīvāmī’’ti domanassappatto hoti. Tasmā anesanāya jīvikaṃ kappentassa satadhammamāṇavasseva araññaṃ pavisitvā anāthamaraṇaṃ marituṃ varanti.
звам̣ сад̇т̇аа имам̣ д̇хаммад̣̇зсанам̣ д̣̇зсзд̇ваа сажжаани багаасзд̇ваа ж̇аад̇агам̣ самод̇хаанзси, сажжабарияосаанз б̣ахуу бхигкуу сод̇аабад̇д̇ипалаад̣̇ийни баабун̣им̣су. ‘‘д̇ад̣̇аа маан̣аво аананд̣̇о ахоси, ахамзва жан̣д̣аалабуд̇д̇о ахоси’’нд̇и.
Evaṃ satthā imaṃ dhammadesanaṃ desetvā saccāni pakāsetvā jātakaṃ samodhānesi, saccapariyosāne bahū bhikkhū sotāpattiphalādīni pāpuṇiṃsu. ‘‘Tadā māṇavo ānando ahosi, ahameva caṇḍālaputto ahosi’’nti.
сад̇ад̇хаммаж̇аад̇агаван̣н̣анаа навамаа.
Satadhammajātakavaṇṇanā navamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 179. сад̇ад̇хаммаж̇аад̇агам̣ • 179. Satadhammajātakaṃ
