| Library / Tipiṭaka / तिपिटक • Tipiṭaka / अपदानपाळि • Apadānapāḷi |
२. सतरंसित्थेरअपदानं
2. Sataraṃsittheraapadānaṃ
८.
8.
‘‘उब्बिद्धं सेलमारुय्ह, निसीदि पुरिसुत्तमो।
‘‘Ubbiddhaṃ selamāruyha, nisīdi purisuttamo;
पब्बतस्साविदूरम्हि, ब्राह्मणो मन्तपारगू॥
Pabbatassāvidūramhi, brāhmaṇo mantapāragū.
९.
9.
‘‘उपविट्ठं महावीरं, देवदेवं नरासभं।
‘‘Upaviṭṭhaṃ mahāvīraṃ, devadevaṃ narāsabhaṃ;
अञ्जलिं पग्गहेत्वान, सन्थविं लोकनायकं॥
Añjaliṃ paggahetvāna, santhaviṃ lokanāyakaṃ.
१०.
10.
‘‘‘एस बुद्धो महावीरो, वरधम्मप्पकासको।
‘‘‘Esa buddho mahāvīro, varadhammappakāsako;
जलति अग्गिखन्धोव, भिक्खुसङ्घपुरक्खतो॥
Jalati aggikhandhova, bhikkhusaṅghapurakkhato.
११.
11.
१२.
12.
‘‘मम सङ्कप्पमञ्ञाय, पदुमुत्तरनायको।
‘‘Mama saṅkappamaññāya, padumuttaranāyako;
भिक्खुसङ्घे ठितो सत्था, इमा गाथा अभासथ॥
Bhikkhusaṅghe ṭhito satthā, imā gāthā abhāsatha.
१३.
13.
‘‘‘येनायं 5 अञ्जली दिन्नो, बुद्धसेट्ठो च थोमितो।
‘‘‘Yenāyaṃ 6 añjalī dinno, buddhaseṭṭho ca thomito;
तिंसकप्पसहस्सानि, देवरज्जं करिस्सति॥
Tiṃsakappasahassāni, devarajjaṃ karissati.
१४.
14.
‘‘‘कप्पसतसहस्सम्हि, अङ्गीरससनामको।
‘‘‘Kappasatasahassamhi, aṅgīrasasanāmako;
१५.
15.
‘‘‘तस्स धम्मेसु दायादो, ओरसो धम्मनिम्मितो।
‘‘‘Tassa dhammesu dāyādo, oraso dhammanimmito;
सतरंसीति नामेन, अरहा सो भविस्सति’॥
Sataraṃsīti nāmena, arahā so bhavissati’.
१६.
16.
‘‘जातिया सत्तवस्सोहं, पब्बजिं अनगारियं।
‘‘Jātiyā sattavassohaṃ, pabbajiṃ anagāriyaṃ;
सतरंसिम्हि नामेन, पभा निद्धावते मम॥
Sataraṃsimhi nāmena, pabhā niddhāvate mama.
१७.
17.
‘‘मण्डपे रुक्खमूले वा, झायी झानरतो अहं।
‘‘Maṇḍape rukkhamūle vā, jhāyī jhānarato ahaṃ;
धारेमि अन्तिमं देहं, सम्मासम्बुद्धसासने॥
Dhāremi antimaṃ dehaṃ, sammāsambuddhasāsane.
१८.
18.
‘‘सट्ठिकप्पसहस्सम्हि, चतुरो रामनामका।
‘‘Saṭṭhikappasahassamhi, caturo rāmanāmakā;
सत्तरतनसम्पन्ना, चक्कवत्ती महब्बला॥
Sattaratanasampannā, cakkavattī mahabbalā.
१९.
19.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा सतरंसि थेरो इमा गाथायो अभासित्थाति।
Itthaṃ sudaṃ āyasmā sataraṃsi thero imā gāthāyo abhāsitthāti.
सतरंसित्थेरस्सापदानं दुतियं।
Sataraṃsittherassāpadānaṃ dutiyaṃ.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / अपदान-अट्ठकथा • Apadāna-aṭṭhakathā / २. सतरंसित्थेरअपदानवण्णना • 2. Sataraṃsittheraapadānavaṇṇanā
