| Library / Tipiṭaka / တိပိဋက • Tipiṭaka / ပဉ္စပကရဏ-အနုဋီကာ • Pañcapakaraṇa-anuṭīkā |
၈. သတိပဋ္ဌာနကထာဝဏ္ဏနာ
8. Satipaṭṭhānakathāvaṇṇanā
၃၀၁. ပရမတ္ထသတိပဋ္ဌာနတ္တာတိ ဧတေန လောကုတ္တရာယ ဧဝ သမ္မာသတိယာ တတ္ထာပိ မဂ္ဂဘူတာယ နိပ္ပရိယာယေန သတိပဋ္ဌာနဘာဝော နိယ္ယာနိကတ္တာ ဣတရာယ ပရိယာယေနာတိ ဒသ္သေတိ။ မဂ္ဂဖလသမ္မာသတိယာ ဓမ္မာနုသ္သတိဘာဝပရိယာယော အတ္ထီတိ ‘‘လောကိယလောကုတ္တရသတိပဋ္ဌာနသမုဒာယဘူတသ္သာ’’တိ ဝုတ္တံ။ သတိသမုဒာယဘူတသ္သ န သတိဂောစရဘူတသ္သာတိ အဓိပ္ပာယော။ သတိဂောစရသ္သ ဟိ သတိပဋ္ဌာနတံ စောဒေတုံ ပာဠိယံ ‘‘စက္ခာယတနံ သတိပဋ္ဌာန’’န္တိ အာရဒ္ဓံ။ တေန ဝုတ္တံ ‘‘သဗ္ဗဓမ္မာနံ ပဘေဒပုစ္ဆာဝသေန ဝုတ္တ’’န္တိ။ သုတ္တသာဓနာယံ ပန ပဌမံ လောကိယသတိပဋ္ဌာနဝသေန, ဒုတိယံ မိသ္သကဝသေန, တတိယံ လောကုတ္တရဝသေန ဒသ္သိတန္တိ ဝေဒိတဗ္ဗံ။
301. Paramatthasatipaṭṭhānattāti etena lokuttarāya eva sammāsatiyā tatthāpi maggabhūtāya nippariyāyena satipaṭṭhānabhāvo niyyānikattā itarāya pariyāyenāti dasseti. Maggaphalasammāsatiyā dhammānussatibhāvapariyāyo atthīti ‘‘lokiyalokuttarasatipaṭṭhānasamudāyabhūtassā’’ti vuttaṃ. Satisamudāyabhūtassa na satigocarabhūtassāti adhippāyo. Satigocarassa hi satipaṭṭhānataṃ codetuṃ pāḷiyaṃ ‘‘cakkhāyatanaṃ satipaṭṭhāna’’nti āraddhaṃ. Tena vuttaṃ ‘‘sabbadhammānaṃ pabhedapucchāvasena vutta’’nti. Suttasādhanāyaṃ pana paṭhamaṃ lokiyasatipaṭṭhānavasena, dutiyaṃ missakavasena, tatiyaṃ lokuttaravasena dassitanti veditabbaṃ.
သတိပဋ္ဌာနကထာဝဏ္ဏနာ နိဋ္ဌိတာ။
Satipaṭṭhānakathāvaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / အဘိဓမ္မပိဋက • Abhidhammapiṭaka / ကထာဝတ္ထုပာဠိ • Kathāvatthupāḷi / ၈. သတိပဋ္ဌာနကထာ • 8. Satipaṭṭhānakathā
အဋ္ဌကထာ • Aṭṭhakathā / အဘိဓမ္မပိဋက (အဋ္ဌကထာ) • Abhidhammapiṭaka (aṭṭhakathā) / ပဉ္စပကရဏ-အဋ္ဌကထာ • Pañcapakaraṇa-aṭṭhakathā / ၈. သတိပဋ္ဌာနကထာဝဏ္ဏနာ • 8. Satipaṭṭhānakathāvaṇṇanā
ဋီကာ • Tīkā / အဘိဓမ္မပိဋက (ဋီကာ) • Abhidhammapiṭaka (ṭīkā) / ပဉ္စပကရဏ-မူလဋီကာ • Pañcapakaraṇa-mūlaṭīkā / ၈. သတိပဋ္ဌာနကထာဝဏ္ဏနာ • 8. Satipaṭṭhānakathāvaṇṇanā
