Library / Tipiṭaka / తిపిటక • Tipiṭaka / పటిసమ్భిదామగ్గపాళి • Paṭisambhidāmaggapāḷi

    ౪. సత్తబోధిసత్తవారో

    4. Sattabodhisattavāro

    ౩౩. ‘‘‘సముదయో సముదయో’తి ఖో, భిక్ఖవే, విపస్సిస్స బోధిసత్తస్స పుబ్బే అననుస్సుతేసు ధమ్మేసు చక్ఖుం ఉదపాది…పే॰… ఆలోకో ఉదపాది. ‘నిరోధో నిరోధో’తి ఖో, భిక్ఖవే, విపస్సిస్స బోధిసత్తస్స పుబ్బే అననుస్సుతేసు ధమ్మేసు చక్ఖుం ఉదపాది…పే॰… ఆలోకో ఉదపాది’’. విపస్సిస్స బోధిసత్తస్స వేయ్యాకరణే దస ధమ్మా, దస అత్థా, వీసతి నిరుత్తియో, చత్తాలీసం 1 ఞాణాని.

    33. ‘‘‘Samudayo samudayo’ti kho, bhikkhave, vipassissa bodhisattassa pubbe ananussutesu dhammesu cakkhuṃ udapādi…pe… āloko udapādi. ‘Nirodho nirodho’ti kho, bhikkhave, vipassissa bodhisattassa pubbe ananussutesu dhammesu cakkhuṃ udapādi…pe… āloko udapādi’’. Vipassissa bodhisattassa veyyākaraṇe dasa dhammā, dasa atthā, vīsati niruttiyo, cattālīsaṃ 2 ñāṇāni.

    ‘‘‘సముదయో సముదయో’తి ఖో, భిక్ఖవే, సిఖిస్స బోధిసత్తస్స…పే॰… వేస్సభుస్స బోధిసత్తస్స…పే॰… కకుసన్ధస్స బోధిసత్తస్స…పే॰… కోణాగమనస్స బోధిసత్తస్స…పే॰… కస్సపస్స బోధిసత్తస్స పుబ్బే అననుస్సుతేసు ధమ్మేసు చక్ఖుం ఉదపాది…పే॰… ఆలోకో ఉదపాది. ‘నిరోధో నిరోధో’తి ఖో, భిక్ఖవే, కస్సపస్స బోధిసత్తస్స పుబ్బే అననుస్సుతేసు ధమ్మేసు చక్ఖుం ఉదపాది…పే॰… ఆలోకో ఉదపాది’’. కస్సపస్స బోధిసత్తస్స వేయ్యాకరణే దస ధమ్మా, దస అత్థా, వీసతి నిరుత్తియో, చత్తాలీస ఞాణాని.

    ‘‘‘Samudayo samudayo’ti kho, bhikkhave, sikhissa bodhisattassa…pe… vessabhussa bodhisattassa…pe… kakusandhassa bodhisattassa…pe… koṇāgamanassa bodhisattassa…pe… kassapassa bodhisattassa pubbe ananussutesu dhammesu cakkhuṃ udapādi…pe… āloko udapādi. ‘Nirodho nirodho’ti kho, bhikkhave, kassapassa bodhisattassa pubbe ananussutesu dhammesu cakkhuṃ udapādi…pe… āloko udapādi’’. Kassapassa bodhisattassa veyyākaraṇe dasa dhammā, dasa atthā, vīsati niruttiyo, cattālīsa ñāṇāni.

    ‘‘‘సముదయో సముదయో’తి ఖో, భిక్ఖవే, గోతమస్స బోధిసత్తస్స పుబ్బే అననుస్సుతేసు ధమ్మేసు చక్ఖుం ఉదపాది…పే॰… ఆలోకో ఉదపాది. ‘నిరోధో నిరోధో’తి ఖో, భిక్ఖవే, గోతమస్స బోధిసత్తస్స పుబ్బే అననుస్సుతేసు ధమ్మేసు చక్ఖుం ఉదపాది…పే॰… ఆలోకో ఉదపాది’’. గోతమస్స బోధిసత్తస్స వేయ్యాకరణే దస ధమ్మా, దస అత్థా, వీసతి నిరుత్తియో, చత్తాలీస ఞాణాని.

    ‘‘‘Samudayo samudayo’ti kho, bhikkhave, gotamassa bodhisattassa pubbe ananussutesu dhammesu cakkhuṃ udapādi…pe… āloko udapādi. ‘Nirodho nirodho’ti kho, bhikkhave, gotamassa bodhisattassa pubbe ananussutesu dhammesu cakkhuṃ udapādi…pe… āloko udapādi’’. Gotamassa bodhisattassa veyyākaraṇe dasa dhammā, dasa atthā, vīsati niruttiyo, cattālīsa ñāṇāni.

    సత్తన్నం బోధిసత్తానం సత్తసు వేయ్యాకరణేసు సత్తతి ధమ్మా, సత్తతి అత్థా, చత్తాలీససతం 3 నిరుత్తియో, అసీతి చ ద్వే చ ఞాణసతాని.

    Sattannaṃ bodhisattānaṃ sattasu veyyākaraṇesu sattati dhammā, sattati atthā, cattālīsasataṃ 4 niruttiyo, asīti ca dve ca ñāṇasatāni.




    Next: ౫. అభిఞ్ఞాదివారో • 5. Abhiññādivāro




    Footnotes:
    1. చత్తాలీస (క॰)
    2. cattālīsa (ka.)
    3. చత్తారీససతా (స్యా॰)
    4. cattārīsasatā (syā.)



    Related texts:



    అట్ఠకథా • Aṭṭhakathā / సుత్తపిటక (అట్ఠకథా) • Suttapiṭaka (aṭṭhakathā) / ఖుద్దకనికాయ (అట్ఠకథా) • Khuddakanikāya (aṭṭhakathā) / పటిసమ్భిదామగ్గ-అట్ఠకథా • Paṭisambhidāmagga-aṭṭhakathā / ౪-౮. సత్తబోధిసత్తవారాదివణ్ణనా • 4-8. Sattabodhisattavārādivaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact