Library / Tipiṭaka / ತಿಪಿಟಕ • Tipiṭaka / ಪಟಿಸಮ್ಭಿದಾಮಗ್ಗಪಾಳಿ • Paṭisambhidāmaggapāḷi

    ೪. ಸತ್ತಬೋಧಿಸತ್ತವಾರೋ

    4. Sattabodhisattavāro

    ೩೩. ‘‘‘ಸಮುದಯೋ ಸಮುದಯೋ’ತಿ ಖೋ, ಭಿಕ್ಖವೇ, ವಿಪಸ್ಸಿಸ್ಸ ಬೋಧಿಸತ್ತಸ್ಸ ಪುಬ್ಬೇ ಅನನುಸ್ಸುತೇಸು ಧಮ್ಮೇಸು ಚಕ್ಖುಂ ಉದಪಾದಿ…ಪೇ॰… ಆಲೋಕೋ ಉದಪಾದಿ। ‘ನಿರೋಧೋ ನಿರೋಧೋ’ತಿ ಖೋ, ಭಿಕ್ಖವೇ, ವಿಪಸ್ಸಿಸ್ಸ ಬೋಧಿಸತ್ತಸ್ಸ ಪುಬ್ಬೇ ಅನನುಸ್ಸುತೇಸು ಧಮ್ಮೇಸು ಚಕ್ಖುಂ ಉದಪಾದಿ…ಪೇ॰… ಆಲೋಕೋ ಉದಪಾದಿ’’। ವಿಪಸ್ಸಿಸ್ಸ ಬೋಧಿಸತ್ತಸ್ಸ ವೇಯ್ಯಾಕರಣೇ ದಸ ಧಮ್ಮಾ, ದಸ ಅತ್ಥಾ, ವೀಸತಿ ನಿರುತ್ತಿಯೋ, ಚತ್ತಾಲೀಸಂ 1 ಞಾಣಾನಿ।

    33. ‘‘‘Samudayo samudayo’ti kho, bhikkhave, vipassissa bodhisattassa pubbe ananussutesu dhammesu cakkhuṃ udapādi…pe… āloko udapādi. ‘Nirodho nirodho’ti kho, bhikkhave, vipassissa bodhisattassa pubbe ananussutesu dhammesu cakkhuṃ udapādi…pe… āloko udapādi’’. Vipassissa bodhisattassa veyyākaraṇe dasa dhammā, dasa atthā, vīsati niruttiyo, cattālīsaṃ 2 ñāṇāni.

    ‘‘‘ಸಮುದಯೋ ಸಮುದಯೋ’ತಿ ಖೋ, ಭಿಕ್ಖವೇ, ಸಿಖಿಸ್ಸ ಬೋಧಿಸತ್ತಸ್ಸ…ಪೇ॰… ವೇಸ್ಸಭುಸ್ಸ ಬೋಧಿಸತ್ತಸ್ಸ…ಪೇ॰… ಕಕುಸನ್ಧಸ್ಸ ಬೋಧಿಸತ್ತಸ್ಸ…ಪೇ॰… ಕೋಣಾಗಮನಸ್ಸ ಬೋಧಿಸತ್ತಸ್ಸ…ಪೇ॰… ಕಸ್ಸಪಸ್ಸ ಬೋಧಿಸತ್ತಸ್ಸ ಪುಬ್ಬೇ ಅನನುಸ್ಸುತೇಸು ಧಮ್ಮೇಸು ಚಕ್ಖುಂ ಉದಪಾದಿ…ಪೇ॰… ಆಲೋಕೋ ಉದಪಾದಿ। ‘ನಿರೋಧೋ ನಿರೋಧೋ’ತಿ ಖೋ, ಭಿಕ್ಖವೇ, ಕಸ್ಸಪಸ್ಸ ಬೋಧಿಸತ್ತಸ್ಸ ಪುಬ್ಬೇ ಅನನುಸ್ಸುತೇಸು ಧಮ್ಮೇಸು ಚಕ್ಖುಂ ಉದಪಾದಿ…ಪೇ॰… ಆಲೋಕೋ ಉದಪಾದಿ’’। ಕಸ್ಸಪಸ್ಸ ಬೋಧಿಸತ್ತಸ್ಸ ವೇಯ್ಯಾಕರಣೇ ದಸ ಧಮ್ಮಾ, ದಸ ಅತ್ಥಾ, ವೀಸತಿ ನಿರುತ್ತಿಯೋ, ಚತ್ತಾಲೀಸ ಞಾಣಾನಿ।

    ‘‘‘Samudayo samudayo’ti kho, bhikkhave, sikhissa bodhisattassa…pe… vessabhussa bodhisattassa…pe… kakusandhassa bodhisattassa…pe… koṇāgamanassa bodhisattassa…pe… kassapassa bodhisattassa pubbe ananussutesu dhammesu cakkhuṃ udapādi…pe… āloko udapādi. ‘Nirodho nirodho’ti kho, bhikkhave, kassapassa bodhisattassa pubbe ananussutesu dhammesu cakkhuṃ udapādi…pe… āloko udapādi’’. Kassapassa bodhisattassa veyyākaraṇe dasa dhammā, dasa atthā, vīsati niruttiyo, cattālīsa ñāṇāni.

    ‘‘‘ಸಮುದಯೋ ಸಮುದಯೋ’ತಿ ಖೋ, ಭಿಕ್ಖವೇ, ಗೋತಮಸ್ಸ ಬೋಧಿಸತ್ತಸ್ಸ ಪುಬ್ಬೇ ಅನನುಸ್ಸುತೇಸು ಧಮ್ಮೇಸು ಚಕ್ಖುಂ ಉದಪಾದಿ…ಪೇ॰… ಆಲೋಕೋ ಉದಪಾದಿ। ‘ನಿರೋಧೋ ನಿರೋಧೋ’ತಿ ಖೋ, ಭಿಕ್ಖವೇ, ಗೋತಮಸ್ಸ ಬೋಧಿಸತ್ತಸ್ಸ ಪುಬ್ಬೇ ಅನನುಸ್ಸುತೇಸು ಧಮ್ಮೇಸು ಚಕ್ಖುಂ ಉದಪಾದಿ…ಪೇ॰… ಆಲೋಕೋ ಉದಪಾದಿ’’। ಗೋತಮಸ್ಸ ಬೋಧಿಸತ್ತಸ್ಸ ವೇಯ್ಯಾಕರಣೇ ದಸ ಧಮ್ಮಾ, ದಸ ಅತ್ಥಾ, ವೀಸತಿ ನಿರುತ್ತಿಯೋ, ಚತ್ತಾಲೀಸ ಞಾಣಾನಿ।

    ‘‘‘Samudayo samudayo’ti kho, bhikkhave, gotamassa bodhisattassa pubbe ananussutesu dhammesu cakkhuṃ udapādi…pe… āloko udapādi. ‘Nirodho nirodho’ti kho, bhikkhave, gotamassa bodhisattassa pubbe ananussutesu dhammesu cakkhuṃ udapādi…pe… āloko udapādi’’. Gotamassa bodhisattassa veyyākaraṇe dasa dhammā, dasa atthā, vīsati niruttiyo, cattālīsa ñāṇāni.

    ಸತ್ತನ್ನಂ ಬೋಧಿಸತ್ತಾನಂ ಸತ್ತಸು ವೇಯ್ಯಾಕರಣೇಸು ಸತ್ತತಿ ಧಮ್ಮಾ, ಸತ್ತತಿ ಅತ್ಥಾ, ಚತ್ತಾಲೀಸಸತಂ 3 ನಿರುತ್ತಿಯೋ, ಅಸೀತಿ ಚ ದ್ವೇ ಚ ಞಾಣಸತಾನಿ।

    Sattannaṃ bodhisattānaṃ sattasu veyyākaraṇesu sattati dhammā, sattati atthā, cattālīsasataṃ 4 niruttiyo, asīti ca dve ca ñāṇasatāni.




    Next: ೫. ಅಭಿಞ್ಞಾದಿವಾರೋ • 5. Abhiññādivāro




    Footnotes:
    1. ಚತ್ತಾಲೀಸ (ಕ॰)
    2. cattālīsa (ka.)
    3. ಚತ್ತಾರೀಸಸತಾ (ಸ್ಯಾ॰)
    4. cattārīsasatā (syā.)



    Related texts:



    ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಪಟಿಸಮ್ಭಿದಾಮಗ್ಗ-ಅಟ್ಠಕಥಾ • Paṭisambhidāmagga-aṭṭhakathā / ೪-೮. ಸತ್ತಬೋಧಿಸತ್ತವಾರಾದಿವಣ್ಣನಾ • 4-8. Sattabodhisattavārādivaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact