Library / Tipiṭaka / ತಿಪಿಟಕ • Tipiṭaka / ಅಪದಾನಪಾಳಿ • Apadānapāḷi |
೮. ಸತ್ತಾಹಪಬ್ಬಜಿತತ್ಥೇರಅಪದಾನಂ
8. Sattāhapabbajitattheraapadānaṃ
೩೩.
33.
‘‘ವಿಪಸ್ಸಿಸ್ಸ ಭಗವತೋ, ಸಙ್ಘೋ ಸಕ್ಕತಮಾನಿತೋ।
‘‘Vipassissa bhagavato, saṅgho sakkatamānito;
ಬ್ಯಸನಂ ಮೇ ಅನುಪ್ಪತ್ತಂ, ಞಾತಿಭೇದೋ ಪುರೇ ಅಹು॥
Byasanaṃ me anuppattaṃ, ñātibhedo pure ahu.
೩೪.
34.
‘‘ಪಬ್ಬಜ್ಜಂ ಉಪಗನ್ತ್ವಾನ, ಬ್ಯಸನುಪಸಮಾಯಹಂ।
‘‘Pabbajjaṃ upagantvāna, byasanupasamāyahaṃ;
ಸತ್ತಾಹಾಭಿರತೋ ತತ್ಥ, ಸತ್ಥುಸಾಸನಕಮ್ಯತಾ॥
Sattāhābhirato tattha, satthusāsanakamyatā.
೩೫.
35.
‘‘ಏಕನವುತಿತೋ ಕಪ್ಪೇ, ಯಮಹಂ ಪಬ್ಬಜಿಂ ತದಾ।
‘‘Ekanavutito kappe, yamahaṃ pabbajiṃ tadā;
ದುಗ್ಗತಿಂ ನಾಭಿಜಾನಾಮಿ, ಪಬ್ಬಜ್ಜಾಯ ಇದಂ ಫಲಂ॥
Duggatiṃ nābhijānāmi, pabbajjāya idaṃ phalaṃ.
೩೬.
36.
‘‘ಸತ್ತಸಟ್ಠಿಮ್ಹಿತೋ ಕಪ್ಪೇ, ಸತ್ತ ಆಸುಂ ಮಹೀಪತೀ।
‘‘Sattasaṭṭhimhito kappe, satta āsuṃ mahīpatī;
ಸುನಿಕ್ಖಮಾತಿ ಞಾಯನ್ತಿ, ಚಕ್ಕವತ್ತೀ ಮಹಬ್ಬಲಾ॥
Sunikkhamāti ñāyanti, cakkavattī mahabbalā.
೩೭.
37.
‘‘ಪಟಿಸಮ್ಭಿದಾ ಚತಸ್ಸೋ…ಪೇ॰… ಕತಂ ಬುದ್ಧಸ್ಸ ಸಾಸನಂ’’॥
‘‘Paṭisambhidā catasso…pe… kataṃ buddhassa sāsanaṃ’’.
ಇತ್ಥಂ ಸುದಂ ಆಯಸ್ಮಾ ಸತ್ತಾಹಪಬ್ಬಜಿತೋ ಥೇರೋ ಇಮಾ ಗಾಥಾಯೋ ಅಭಾಸಿತ್ಥಾತಿ।
Itthaṃ sudaṃ āyasmā sattāhapabbajito thero imā gāthāyo abhāsitthāti.
ಸತ್ತಾಹಪಬ್ಬಜಿತತ್ಥೇರಸ್ಸಾಪದಾನಂ ಅಟ್ಠಮಂ।
Sattāhapabbajitattherassāpadānaṃ aṭṭhamaṃ.