| Library / Tipiṭaka / д̇ибидага • Tipiṭaka / буг̇г̇алабан̃н̃ад̇д̇ибаал̣и • Puggalapaññattipāḷi |
7. сад̇д̇агабуг̇г̇алабан̃н̃ад̇д̇и
7. Sattakapuggalapaññatti
203. гат̇ан̃жа буг̇г̇ало сагим̣ нимуг̇г̇о нимуг̇г̇ова ход̇и? ид̇хзгажжо буг̇г̇ало саманнааг̇ад̇о ход̇и зганд̇агаал̣агзхи агусалзхи д̇хаммзхи. звам̣ буг̇г̇ало сагим̣ нимуг̇г̇о нимуг̇г̇ова ход̇и.
203. Kathañca puggalo sakiṃ nimuggo nimuggova hoti? Idhekacco puggalo samannāgato hoti ekantakāḷakehi akusalehi dhammehi. Evaṃ puggalo sakiṃ nimuggo nimuggova hoti.
гат̇ан̃жа буг̇г̇ало уммуж̇ж̇ид̇ваа нимуж̇ж̇ад̇и? ид̇хзгажжо буг̇г̇ало уммуж̇ж̇ад̇и ‘‘сааху сад̣̇д̇хаа гусалзсу д̇хаммзсу, саад̇ху 1 хирий гусалзсу д̇хаммзсу, саад̇ху од̇д̇аббам̣ гусалзсу д̇хаммзсу, саад̇ху вийрияам̣ 2 гусалзсу д̇хаммзсу, саад̇ху бан̃н̃аа гусалзсу д̇хаммзсуу’’д̇и. д̇асса саа сад̣̇д̇хаа нзва д̇идтад̇и но вад̣дхад̇и хааяад̇иязва , д̇асса саа хирий нзва д̇идтад̇и но вад̣дхад̇и хааяад̇иязва, д̇асса д̇ам̣ од̇д̇аббам̣ нзва д̇идтад̇и но вад̣дхад̇и хааяад̇иязва, д̇асса д̇ам̣ вийрияам̣ нзва д̇идтад̇и но вад̣дхад̇и хааяад̇иязва, д̇асса саа бан̃н̃аа нзва д̇идтад̇и но вад̣дхад̇и хааяад̇иязва. звам̣ буг̇г̇ало уммуж̇ж̇ид̇ваа нимуж̇ж̇ад̇и.
Kathañca puggalo ummujjitvā nimujjati? Idhekacco puggalo ummujjati ‘‘sāhu saddhā kusalesu dhammesu, sādhu 3 hirī kusalesu dhammesu, sādhu ottappaṃ kusalesu dhammesu, sādhu vīriyaṃ 4 kusalesu dhammesu, sādhu paññā kusalesu dhammesū’’ti. Tassa sā saddhā neva tiṭṭhati no vaḍḍhati hāyatiyeva , tassa sā hirī neva tiṭṭhati no vaḍḍhati hāyatiyeva, tassa taṃ ottappaṃ neva tiṭṭhati no vaḍḍhati hāyatiyeva, tassa taṃ vīriyaṃ neva tiṭṭhati no vaḍḍhati hāyatiyeva, tassa sā paññā neva tiṭṭhati no vaḍḍhati hāyatiyeva. Evaṃ puggalo ummujjitvā nimujjati.
гат̇ан̃жа буг̇г̇ало уммуж̇ж̇ид̇ваа тид̇о ход̇и? ид̇хзгажжо буг̇г̇ало уммуж̇ж̇ад̇и ‘‘сааху сад̣̇д̇хаа гусалзсу д̇хаммзсу, саад̇ху хирий гусалзсу д̇хаммзсу, саад̇ху од̇д̇аббам̣ гусалзсу д̇хаммзсу, саад̇ху вийрияам̣ гусалзсу д̇хаммзсу, саад̇ху бан̃н̃аа гусалзсу д̇хаммзсуу’’д̇и. д̇асса саа сад̣̇д̇хаа нзва хааяад̇и но вад̣дхад̇и тид̇аа ход̇и, д̇асса саа хирий нзва хааяад̇и но вад̣дхад̇и тид̇аа ход̇и, д̇асса д̇ам̣ од̇д̇аббам̣ нзва хааяад̇и но вад̣дхад̇и тид̇ам̣ ход̇и, д̇асса д̇ам̣ вийрияам̣ нзва хааяад̇и но вад̣дхад̇и тид̇ам̣ ход̇и, д̇асса саа бан̃н̃аа нзва хааяад̇и но вад̣дхад̇и тид̇аа ход̇и. звам̣ буг̇г̇ало уммуж̇ж̇ид̇ваа тид̇о ход̇и.
Kathañca puggalo ummujjitvā ṭhito hoti? Idhekacco puggalo ummujjati ‘‘sāhu saddhā kusalesu dhammesu, sādhu hirī kusalesu dhammesu, sādhu ottappaṃ kusalesu dhammesu, sādhu vīriyaṃ kusalesu dhammesu, sādhu paññā kusalesu dhammesū’’ti. Tassa sā saddhā neva hāyati no vaḍḍhati ṭhitā hoti, tassa sā hirī neva hāyati no vaḍḍhati ṭhitā hoti, tassa taṃ ottappaṃ neva hāyati no vaḍḍhati ṭhitaṃ hoti, tassa taṃ vīriyaṃ neva hāyati no vaḍḍhati ṭhitaṃ hoti, tassa sā paññā neva hāyati no vaḍḍhati ṭhitā hoti. Evaṃ puggalo ummujjitvā ṭhito hoti.
гат̇ан̃жа буг̇г̇ало уммуж̇ж̇ид̇ваа вибассад̇и вилогзд̇и? ид̇хзгажжо буг̇г̇ало уммуж̇ж̇ад̇и ‘‘сааху сад̣̇д̇хаа гусалзсу д̇хаммзсу, саад̇ху хирий гусалзсу д̇хаммзсу, саад̇ху од̇д̇аббам̣ гусалзсу д̇хаммзсу, саад̇ху вийрияам̣ гусалзсу д̇хаммзсу, саад̇ху бан̃н̃аа гусалзсу д̇хаммзсуу’’д̇и. со д̇ин̣н̣ам̣ сам̣яож̇анаанам̣ баригкаяаа сод̇аабанно ход̇и авинибаад̇ад̇хаммо нияад̇о самб̣од̇хибарааяано. звам̣ буг̇г̇ало уммуж̇ж̇ид̇ваа вибассад̇и вилогзд̇и.
Kathañca puggalo ummujjitvā vipassati viloketi? Idhekacco puggalo ummujjati ‘‘sāhu saddhā kusalesu dhammesu, sādhu hirī kusalesu dhammesu, sādhu ottappaṃ kusalesu dhammesu, sādhu vīriyaṃ kusalesu dhammesu, sādhu paññā kusalesu dhammesū’’ti. So tiṇṇaṃ saṃyojanānaṃ parikkhayā sotāpanno hoti avinipātadhammo niyato sambodhiparāyano. Evaṃ puggalo ummujjitvā vipassati viloketi.
гат̇ан̃жа буг̇г̇ало уммуж̇ж̇ид̇ваа бад̇арад̇и? ид̇хзгажжо буг̇г̇ало уммуж̇ж̇ад̇и ‘‘сааху сад̣̇д̇хаа гусалзсу д̇хаммзсу, саад̇ху хирий гусалзсу д̇хаммзсу, саад̇ху од̇д̇аббам̣ гусалзсу д̇хаммзсу, саад̇ху вийрияам̣ гусалзсу д̇хаммзсу, саад̇ху бан̃н̃аа гусалзсу д̇хаммзсуу’’д̇и. со д̇ин̣н̣ам̣ сам̣яож̇анаанам̣ баригкаяаа рааг̇ад̣̇осамохаанам̣ д̇ануд̇д̇аа сагад̣̇ааг̇аамий ход̇и сагид̣̇зва имам̣ логам̣ ааг̇анд̇ваа д̣̇угкассанд̇агаро ход̇и. звам̣ буг̇г̇ало уммуж̇ж̇ид̇ваа бад̇арад̇и.
Kathañca puggalo ummujjitvā patarati? Idhekacco puggalo ummujjati ‘‘sāhu saddhā kusalesu dhammesu, sādhu hirī kusalesu dhammesu, sādhu ottappaṃ kusalesu dhammesu, sādhu vīriyaṃ kusalesu dhammesu, sādhu paññā kusalesu dhammesū’’ti. So tiṇṇaṃ saṃyojanānaṃ parikkhayā rāgadosamohānaṃ tanuttā sakadāgāmī hoti sakideva imaṃ lokaṃ āgantvā dukkhassantakaro hoti. Evaṃ puggalo ummujjitvā patarati.
гат̇ан̃жа буг̇г̇ало уммуж̇ж̇ид̇ваа бад̇иг̇аад̇хаббад̇д̇о ход̇и? ид̇хзгажжо буг̇г̇ало уммуж̇ж̇ад̇и ‘‘сааху сад̣̇д̇хаа гусалзсу д̇хаммзсу, саад̇ху хирий гусалзсу д̇хаммзсу, саад̇ху од̇д̇аббам̣ гусалзсу д̇хаммзсу, саад̇ху вийрияам̣ гусалзсу д̇хаммзсу, саад̇ху бан̃н̃аа гусалзсу д̇хаммзсуу’’д̇и. со бан̃жаннам̣ орамбхааг̇ияаанам̣ сам̣яож̇анаанам̣ баригкаяаа обабаад̇иго ход̇и д̇ад̇т̇а бариниб̣б̣ааяий анаавад̇д̇ид̇хаммо д̇асмаа логаа. звам̣ буг̇г̇ало уммуж̇ж̇ид̇ваа бад̇иг̇аад̇хаббад̇д̇о ход̇и.
Kathañca puggalo ummujjitvā patigādhappatto hoti? Idhekacco puggalo ummujjati ‘‘sāhu saddhā kusalesu dhammesu, sādhu hirī kusalesu dhammesu, sādhu ottappaṃ kusalesu dhammesu, sādhu vīriyaṃ kusalesu dhammesu, sādhu paññā kusalesu dhammesū’’ti. So pañcannaṃ orambhāgiyānaṃ saṃyojanānaṃ parikkhayā opapātiko hoti tattha parinibbāyī anāvattidhammo tasmā lokā. Evaṃ puggalo ummujjitvā patigādhappatto hoti.
гат̇ан̃жа буг̇г̇ало уммуж̇ж̇ид̇ваа д̇ин̣н̣о ход̇и бааран̇г̇ад̇о т̇алз д̇идтад̇и б̣раахман̣о? ид̇хзгажжо буг̇г̇ало уммуж̇ж̇ад̇и ‘‘сааху сад̣̇д̇хаа гусалзсу д̇хаммзсу , саад̇ху хирий гусалзсу д̇хаммзсу, саад̇ху од̇д̇аббам̣ гусалзсу д̇хаммзсу, саад̇ху вийрияам̣ гусалзсу д̇хаммзсу, саад̇ху бан̃н̃аа гусалзсу д̇хаммзсуу’’д̇и. со аасаваанам̣ каяаа анаасавам̣ жзд̇овимуд̇д̇им̣ бан̃н̃аавимуд̇д̇им̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихарад̇и. звам̣ буг̇г̇ало уммуж̇ж̇ид̇ваа д̇ин̣н̣о ход̇и бааран̇г̇ад̇о т̇алз д̇идтад̇и б̣раахман̣о.
Kathañca puggalo ummujjitvā tiṇṇo hoti pāraṅgato thale tiṭṭhati brāhmaṇo? Idhekacco puggalo ummujjati ‘‘sāhu saddhā kusalesu dhammesu , sādhu hirī kusalesu dhammesu, sādhu ottappaṃ kusalesu dhammesu, sādhu vīriyaṃ kusalesu dhammesu, sādhu paññā kusalesu dhammesū’’ti. So āsavānaṃ khayā anāsavaṃ cetovimuttiṃ paññāvimuttiṃ diṭṭheva dhamme sayaṃ abhiññā sacchikatvā upasampajja viharati. Evaṃ puggalo ummujjitvā tiṇṇo hoti pāraṅgato thale tiṭṭhati brāhmaṇo.
204. гад̇амо жа буг̇г̇ало убхад̇обхааг̇авимуд̇д̇о? ид̇хзгажжо буг̇г̇ало адта вимогкз гааязна пусид̇ваа вихарад̇и бан̃н̃ааяа жасса д̣̇исваа аасаваа баригкийн̣аа хонд̇и. аяам̣ вужжад̇и буг̇г̇ало убхад̇обхааг̇авимуд̇д̇о.
204. Katamo ca puggalo ubhatobhāgavimutto? Idhekacco puggalo aṭṭha vimokkhe kāyena phusitvā viharati paññāya cassa disvā āsavā parikkhīṇā honti. Ayaṃ vuccati puggalo ubhatobhāgavimutto.
205. гад̇амо жа буг̇г̇ало бан̃н̃аавимуд̇д̇о…бз… гааяасагкий… д̣̇идтиббад̇д̇о… сад̣̇д̇хаавимуд̇д̇о… д̇хаммаанусаарий ….
205. Katamo ca puggalo paññāvimutto…pe… kāyasakkhī… diṭṭhippatto… saddhāvimutto… dhammānusārī ….
206. гад̇амо жа буг̇г̇ало сад̣̇д̇хаанусаарий? яасса буг̇г̇аласса сод̇аабад̇д̇ипаласажчигирияааяа бадибаннасса сад̣̇д̇хинд̣̇рияам̣ ад̇химад̇д̇ам̣ ход̇и, сад̣̇д̇хааваахим̣ сад̣̇д̇хаабуб̣б̣ан̇г̇амам̣ арияамаг̇г̇ам̣ бхаавзд̇и. аяам̣ вужжад̇и буг̇г̇ало сад̣̇д̇хаанусаарий. сод̇аабад̇д̇ипаласажчигирияааяа бадибанно буг̇г̇ало сад̣̇д̇хаанусаарий, палз тид̇о сад̣̇д̇хаавимуд̇д̇од̇и.
206. Katamo ca puggalo saddhānusārī? Yassa puggalassa sotāpattiphalasacchikiriyāya paṭipannassa saddhindriyaṃ adhimattaṃ hoti, saddhāvāhiṃ saddhāpubbaṅgamaṃ ariyamaggaṃ bhāveti. Ayaṃ vuccati puggalo saddhānusārī. Sotāpattiphalasacchikiriyāya paṭipanno puggalo saddhānusārī, phale ṭhito saddhāvimuttoti.
сад̇д̇аганид̣̇д̣̇зсо.
Sattakaniddeso.
Footnotes:
Related texts:
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / бан̃жабагаран̣а-адтагат̇аа • Pañcapakaraṇa-aṭṭhakathā / 7. сад̇д̇аганид̣̇д̣̇зсаван̣н̣анаа • 7. Sattakaniddesavaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 7. сад̇д̇аганид̣̇д̣̇зсаван̣н̣анаа • 7. Sattakaniddesavaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 7. сад̇д̇аганид̣̇д̣̇зсаван̣н̣анаа • 7. Sattakaniddesavaṇṇanā
