| Library / Tipiṭaka / திபிடக • Tipiṭaka / பஞ்சபகரண-மூலடீகா • Pañcapakaraṇa-mūlaṭīkā |
5. ஸத்தக்க²த்துபரமகதா²வண்ணனா
5. Sattakkhattuparamakathāvaṇṇanā
641-645. ஸத்தக்க²த்துபரமதானியதோதி ஸத்தக்க²த்துபரமதாய நியதோ. இமங் விபா⁴க³ந்தி இமங் விஸேஸங். த்வங் பனஸ்ஸ நியாமங் இச்ச²ஸீதி அவினிபாதத⁴ம்மதாப²லப்பத்தீஹி அஞ்ஞஸ்மிங் ஸத்தக்க²த்துபரமபா⁴வே ச நியாமங் இச்ச²ஸீதி அத்தோ².
641-645. Sattakkhattuparamatāniyatoti sattakkhattuparamatāya niyato. Imaṃ vibhāganti imaṃ visesaṃ. Tvaṃ panassa niyāmaṃ icchasīti avinipātadhammatāphalappattīhi aññasmiṃ sattakkhattuparamabhāve ca niyāmaṃ icchasīti attho.
ஆனந்தரியாபா⁴வந்தி யேன ஸோ த⁴ம்மாபி⁴ஸமயேன ப⁴ப்³போ³ நாம ஹோதி, தஸ்ஸ ஆனந்தரியகம்மஸ்ஸ அபா⁴வந்தி அத்தோ², புக்³க³லஸ்ஸ வா ஆனந்தரியபா⁴வஸ்ஸ அபா⁴வந்தி. கிங் பன ஸோ அந்தராத⁴ம்மங் அபி⁴ஸமிஸ்ஸதீதி? கேசி வத³ந்தி ‘‘ஸத்தக்க²த்துபரமோ ஸத்தமங் ப⁴வங் நாதிக்கமதி, ஓரதோ பன நத்தி² படிஸேதோ⁴’’தி. அபரே ‘‘யோ ப⁴க³வதா ஞாணப³லேன ப்³யாகதோ, தஸ்ஸ அந்தரா அபி⁴ஸமயோ நாம நத்தி², ததா²பி ப⁴வனியாமஸ்ஸ கஸ்ஸசி அபா⁴வா ப⁴ப்³போ³தி வுச்சதி. யதா² குஸலா அபி⁴ஞ்ஞாசேதனா கதா³சி விபாகங் அத³த³மானாபி ஸதி காரணே தா³துங் ப⁴ப்³ப³தாய விபாகத⁴ம்மத⁴ம்மா நாம, ததா² இந்த்³ரியானங் முது³தாய ஸத்தக்க²த்துபரமோ, ந நியாமஸப்³பா⁴வா நாபி ப⁴க³வதா ப்³யாகதத்தா, ந ச இந்த்³ரியமுது³தா அப⁴ப்³ப³தாகரோ த⁴ம்மோதி ந ஸோ அப⁴ப்³போ³ நாம. அப⁴ப்³ப³தாகரத⁴ம்மாபா⁴வதோ செத்த² அப⁴ப்³ப³தா படிஸேதி⁴தா, ந பன அந்தரா அபி⁴ஸமேதுங் ப⁴ப்³ப³தா வுத்தா. யதி³ ச ஸத்தக்க²த்துபரமோ அந்தரா அபி⁴ஸமெய்ய, கோலங்கோலோ ஸியா’’தி. விஸேஸங் பன அகத்வா ப⁴ப்³ப³ஸபா⁴வதாய ப⁴ப்³போ³தி வத்துங் யுத்தங். ந ப⁴வனியாமகங் கிஞ்சீதி எத்த² பஸ்ஸித்வாதி வசனஸேஸோ, ப்³யாகரோதீதி வா ஸம்ப³ந்தோ⁴.
Ānantariyābhāvanti yena so dhammābhisamayena bhabbo nāma hoti, tassa ānantariyakammassa abhāvanti attho, puggalassa vā ānantariyabhāvassa abhāvanti. Kiṃ pana so antarādhammaṃ abhisamissatīti? Keci vadanti ‘‘sattakkhattuparamo sattamaṃ bhavaṃ nātikkamati, orato pana natthi paṭisedho’’ti. Apare ‘‘yo bhagavatā ñāṇabalena byākato, tassa antarā abhisamayo nāma natthi, tathāpi bhavaniyāmassa kassaci abhāvā bhabboti vuccati. Yathā kusalā abhiññācetanā kadāci vipākaṃ adadamānāpi sati kāraṇe dātuṃ bhabbatāya vipākadhammadhammā nāma, tathā indriyānaṃ mudutāya sattakkhattuparamo, na niyāmasabbhāvā nāpi bhagavatā byākatattā, na ca indriyamudutā abhabbatākaro dhammoti na so abhabbo nāma. Abhabbatākaradhammābhāvato cettha abhabbatā paṭisedhitā, na pana antarā abhisametuṃ bhabbatā vuttā. Yadi ca sattakkhattuparamo antarā abhisameyya, kolaṃkolo siyā’’ti. Visesaṃ pana akatvā bhabbasabhāvatāya bhabboti vattuṃ yuttaṃ. Na bhavaniyāmakaṃ kiñcīti ettha passitvāti vacanaseso, byākarotīti vā sambandho.
ஸத்தக்க²த்துபரமகதா²வண்ணனா நிட்டி²தா.
Sattakkhattuparamakathāvaṇṇanā niṭṭhitā.
த்³வாத³ஸமவக்³க³வண்ணனா நிட்டி²தா.
Dvādasamavaggavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / கதா²வத்து²பாளி • Kathāvatthupāḷi / (120) 5. ஸத்தக்க²த்துபரமகதா² • (120) 5. Sattakkhattuparamakathā
அட்ட²கதா² • Aṭṭhakathā / அபி⁴த⁴ம்மபிடக (அட்ட²கதா²) • Abhidhammapiṭaka (aṭṭhakathā) / பஞ்சபகரண-அட்ட²கதா² • Pañcapakaraṇa-aṭṭhakathā / 5. ஸத்தக்க²த்துபரமகதா²வண்ணனா • 5. Sattakkhattuparamakathāvaṇṇanā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-அனுடீகா • Pañcapakaraṇa-anuṭīkā / 5. ஸத்தக்க²த்துபரமகதா²வண்ணனா • 5. Sattakkhattuparamakathāvaṇṇanā
