| Library / Tipiṭaka / д̇ибидага • Tipiṭaka / бхигкунийвибхан̇г̇а-адтагат̇аа • Bhikkhunīvibhaṅga-aṭṭhakathā |
7. сад̇д̇амасигкаабад̣̇аван̣н̣анаа
7. Sattamasikkhāpadavaṇṇanā
822. сад̇д̇амз – бхун̃ж̇иссаамийд̇и бадиг̇г̇ан̣хаад̇и аабад̇д̇и д̣̇уггадассаад̇и ид̣̇ам̣ баяог̇ад̣̇уггадам̣ наама, д̇асмаа на гзвалам̣ бадиг̇г̇ахан̣зязва ход̇и, бадиг̇г̇ан̣хид̇ваа бана аран̃н̃ад̇о аахаран̣зби сугкаабанзби вад̣̇д̣̇алид̣̇ивасз бхаж̇ж̇анад̇т̇ааяа уд̣̇д̇ханасаж̇ж̇анзби габалласаж̇ж̇анзби д̣̇аб̣б̣исаж̇ж̇анзби д̣̇аарууни аад̣̇ааяа аг̇г̇игаран̣зби габалламхи д̇хан̃н̃абагкибанзби д̣̇аб̣б̣ияаа сан̇гхадданзсуби годданад̇т̇ам̣ уд̣̇угкаламусалаад̣̇исаж̇ж̇анзсуби годданабабподанад̇хованаад̣̇ийсуби яаава мукз табзд̇ваа аж̇жхохаран̣ад̇т̇ам̣ д̣̇анд̇зхи сан̇каад̣̇ад̇и, д̇аава саб̣б̣абаяог̇зсу д̣̇уггадаани, аж̇жхохаран̣агаалз бана аж̇жхохаран̣аг̇ан̣анааяа баажид̇д̇ияаани. зд̇т̇а жа вин̃н̃ад̇д̇и жзва бхож̇анан̃жа бамаан̣ам̣. д̇асмаа саяам̣ вин̃н̃аабзд̇ваа ан̃н̃ааяа бхаж̇ж̇анагодданабажанаани гаараабзд̇ваа бхун̃ж̇анд̇ияааби аабад̇д̇и. ан̃н̃ааяа вин̃н̃аабзд̇ваа саяам̣ бхаж̇ж̇анаад̣̇ийни гад̇ваа бхун̃ж̇анд̇ияааби аабад̇д̇и. махаабажжарияам̣ бана вуд̇д̇ам̣ – ‘‘ид̣̇ам̣ аамагад̇хан̃н̃ам̣ наама маад̇арамби вин̃н̃аабзд̇ваа бхун̃ж̇анд̇ияаа баажид̇д̇ияамзва, авин̃н̃ад̇д̇ияаа лад̣̇д̇хам̣ саяам̣ бхаж̇ж̇анаад̣̇ийни гад̇ваа ваа гаараабзд̇ваа ваа бхун̃ж̇анд̇ияаа д̣̇уггадам̣. ан̃н̃ааяа вин̃н̃ад̇д̇ияаа лад̣̇д̇хам̣ саяам̣ ваа бхаж̇ж̇анаад̣̇ийни гад̇ваа д̇ааяа ваа гаараабзд̇ваа ан̃н̃ааяа ваа гаараабзд̇ваа бхун̃ж̇анд̇ияааби д̣̇уггадамзваа’’д̇и. бунаби вуд̇д̇ам̣ ‘‘ан̃н̃ааяа вин̃н̃ад̇д̇ияаа лад̣̇д̇хам̣, саяам̣ бхаж̇ж̇анаад̣̇ийни гад̇ваа бхун̃ж̇анд̇ияаа баажид̇д̇ияамзва. бхаж̇ж̇анаад̣̇ийни гаараабзд̇ваа бхун̃ж̇анд̇ияаа бана д̣̇уггада’’нд̇и. д̇ам̣ буб̣б̣аабаравируд̣̇д̇хам̣ ход̇и, на хи бхаж̇ж̇анаад̣̇ийнам̣ гаран̣з ваа гаараабанз ваа висзсо ад̇т̇и. махааадтагат̇ааяам̣ бана ‘‘ан̃н̃ааяа вин̃н̃ад̇д̇ам̣ бхун̃ж̇анд̇ияаа д̣̇уггада’’нд̇и ависзсзна вуд̇д̇ам̣.
822. Sattame – bhuñjissāmīti paṭiggaṇhāti āpatti dukkaṭassāti idaṃ payogadukkaṭaṃ nāma, tasmā na kevalaṃ paṭiggahaṇeyeva hoti, paṭiggaṇhitvā pana araññato āharaṇepi sukkhāpanepi vaddalidivase bhajjanatthāya uddhanasajjanepi kapallasajjanepi dabbisajjanepi dārūni ādāya aggikaraṇepi kapallamhi dhaññapakkhipanepi dabbiyā saṅghaṭṭanesupi koṭṭanatthaṃ udukkhalamusalādisajjanesupi koṭṭanapapphoṭanadhovanādīsupi yāva mukhe ṭhapetvā ajjhoharaṇatthaṃ dantehi saṅkhādati, tāva sabbapayogesu dukkaṭāni, ajjhoharaṇakāle pana ajjhoharaṇagaṇanāya pācittiyāni. Ettha ca viññatti ceva bhojanañca pamāṇaṃ. Tasmā sayaṃ viññāpetvā aññāya bhajjanakoṭṭanapacanāni kārāpetvā bhuñjantiyāpi āpatti. Aññāya viññāpetvā sayaṃ bhajjanādīni katvā bhuñjantiyāpi āpatti. Mahāpaccariyaṃ pana vuttaṃ – ‘‘idaṃ āmakadhaññaṃ nāma mātarampi viññāpetvā bhuñjantiyā pācittiyameva, aviññattiyā laddhaṃ sayaṃ bhajjanādīni katvā vā kārāpetvā vā bhuñjantiyā dukkaṭaṃ. Aññāya viññattiyā laddhaṃ sayaṃ vā bhajjanādīni katvā tāya vā kārāpetvā aññāya vā kārāpetvā bhuñjantiyāpi dukkaṭamevā’’ti. Punapi vuttaṃ ‘‘aññāya viññattiyā laddhaṃ, sayaṃ bhajjanādīni katvā bhuñjantiyā pācittiyameva. Bhajjanādīni kārāpetvā bhuñjantiyā pana dukkaṭa’’nti. Taṃ pubbāparaviruddhaṃ hoti, na hi bhajjanādīnaṃ karaṇe vā kārāpane vā viseso atthi. Mahāaṭṭhakathāyaṃ pana ‘‘aññāya viññattaṃ bhuñjantiyā dukkaṭa’’nti avisesena vuttaṃ.
823. ааб̣аад̇хабажжаяаад̇и сзд̣̇агаммаад̣̇ийнам̣ ад̇т̇ааяа д̇хан̃н̃авин̃н̃ад̇д̇ияаа анаабад̇д̇и. ‘‘авин̃н̃ад̇д̇ияаа лаб̣бхамаанам̣ бана навагаммад̇т̇ааяа самбадижчид̇ум̣ ваддад̇ий’’д̇и махаабажжарияам̣ вуд̇д̇ам̣. абаран̣н̣ам̣ вин̃н̃аабзд̇ийд̇и табзд̇ваа сад̇д̇а д̇хан̃н̃аани муг̇г̇амаасаад̣̇им̣ ваа лааб̣угумбхан̣д̣аад̣̇им̣ ваа ан̃н̃ам̣ яам̣гин̃жи н̃аад̇агабаваарид̇адтаанз вин̃н̃аабзнд̇ияаа анаабад̇д̇и. аамагад̇хан̃н̃ам̣ бана н̃аад̇агабаваарид̇адтаанз на ваддад̇и. сзсам̣ уд̇д̇аанамзва.
823.Ābādhapaccayāti sedakammādīnaṃ atthāya dhaññaviññattiyā anāpatti. ‘‘Aviññattiyā labbhamānaṃ pana navakammatthāya sampaṭicchituṃ vaṭṭatī’’ti mahāpaccariyaṃ vuttaṃ. Aparaṇṇaṃ viññāpetīti ṭhapetvā satta dhaññāni muggamāsādiṃ vā lābukumbhaṇḍādiṃ vā aññaṃ yaṃkiñci ñātakapavāritaṭṭhāne viññāpentiyā anāpatti. Āmakadhaññaṃ pana ñātakapavāritaṭṭhāne na vaṭṭati. Sesaṃ uttānameva.
жад̇усамудтаанам̣ – гааяад̇о гааяаваажад̇о гааяажид̇д̇ад̇о гааяаваажаажид̇д̇ад̇о жа самудтаад̇и, гирияам̣, носан̃н̃аавимогкам̣, ажид̇д̇агам̣, бан̣н̣ад̇д̇иваж̇ж̇ам̣, гааяагаммам̣, важийгаммам̣, д̇ижид̇д̇ам̣, д̇ивзд̣̇ананд̇и.
Catusamuṭṭhānaṃ – kāyato kāyavācato kāyacittato kāyavācācittato ca samuṭṭhāti, kiriyaṃ, nosaññāvimokkhaṃ, acittakaṃ, paṇṇattivajjaṃ, kāyakammaṃ, vacīkammaṃ, ticittaṃ, tivedananti.
сад̇д̇амасигкаабад̣̇ам̣.
Sattamasikkhāpadaṃ.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / бхигкунийвибхан̇г̇а • Bhikkhunīvibhaṅga / 7. сад̇д̇амасигкаабад̣̇ам̣ • 7. Sattamasikkhāpadaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 1. ласун̣аваг̇г̇аван̣н̣анаа • 1. Lasuṇavaggavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 7. сад̇д̇амасигкаабад̣̇аван̣н̣анаа • 7. Sattamasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 1. батамаласун̣аад̣̇исигкаабад̣̇аван̣н̣анаа • 1. Paṭhamalasuṇādisikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 7. сад̇д̇амасигкаабад̣̇ам̣ • 7. Sattamasikkhāpadaṃ
