| Library / Tipiṭaka / તિપિટક • Tipiṭaka / સારત્થદીપની-ટીકા • Sāratthadīpanī-ṭīkā |
પઠમગાથાસઙ્ગણિકં
Paṭhamagāthāsaṅgaṇikaṃ
સત્તનગરેસુ પઞ્ઞત્તસિક્ખાપદવણ્ણના
Sattanagaresu paññattasikkhāpadavaṇṇanā
૩૩૫. અડ્ઢુડ્ઢસતાનીતિ તીણિ સતાનિ પઞ્ઞાસઞ્ચ સિક્ખાપદાનિ. વિગ્ગહન્તિ મનુસ્સવિગ્ગહં. અતિરેકન્તિ દસાહપરમં અતિરેકચીવરં. કાળકન્તિ ‘‘સુદ્ધકાળકાન’’ન્તિ વુત્તકાળકં. ભૂતન્તિ ભૂતારોચનં. પરમ્પરભત્તન્તિ પરમ્પરભોજનં. ભિક્ખુનીસુ ચ અક્કોસોતિ ‘‘યા પન ભિક્ખુની ભિક્ખું અક્કોસેય્ય વા પરિભાસેય્ય વા’’તિ (પાચિ॰ ૧૦૨૯) વુત્તસિક્ખાપદં. અન્તરવાસકન્તિ અઞ્ઞાતિકાય ભિક્ખુનિયા ચીવરપટિગ્ગણ્હનં. રૂપિયન્તિ રૂપિયસંવોહારં. સુત્તન્તિ ‘‘સામં સુત્તં વિઞ્ઞાપેત્વા તન્તવાયેહી’’તિ (પારા॰ ૬૩૭) વુત્તસિક્ખાપદં. ઉજ્ઝાપનકેતિ ઉજ્ઝાપનકે ખિય્યનકે પાચિત્તિયં. પાચિતપિણ્ડન્તિ ભિક્ખુનીપરિપાચિતં. ચીવરં દત્વાતિ ‘‘સમગ્ગેન સઙ્ઘેન ચીવરં દત્વા’’તિ (પાચિ॰ ૪૮૫) વુત્તસિક્ખાપદં. વોસાસન્તીતિ ‘‘ભિક્ખૂ પનેવ કુલેસુ નિમન્તિતા ભુઞ્જન્તિ, તત્ર ચેસા ભિક્ખુની’’તિ (પાચિ॰ ૫૫૮) વુત્તપાટિદેસનીયં. ગિરગ્ગન્તિ ‘‘યા પન ભિક્ખુની નચ્ચં વા ગીતં વા’’તિ (પાચિ॰ ૮૩૪) વુત્તસિક્ખાપદં. ચરિયાતિ ‘‘અન્તોવસ્સં ચારિકં ચરેય્યા’’તિ (પાચિ॰ ૯૭૦) ચ, ‘‘વસ્સંવુત્થા ચારિકં ન પક્કમેય્યા’’તિ (પાચિ॰ ૯૭૪) ચ વુત્તસિક્ખાપદદ્વયં. છન્દદાનેનાતિ પારિવાસિકેન છન્દદાનેન.
335.Aḍḍhuḍḍhasatānīti tīṇi satāni paññāsañca sikkhāpadāni. Viggahanti manussaviggahaṃ. Atirekanti dasāhaparamaṃ atirekacīvaraṃ. Kāḷakanti ‘‘suddhakāḷakāna’’nti vuttakāḷakaṃ. Bhūtanti bhūtārocanaṃ. Paramparabhattanti paramparabhojanaṃ. Bhikkhunīsu ca akkosoti ‘‘yā pana bhikkhunī bhikkhuṃ akkoseyya vā paribhāseyya vā’’ti (pāci. 1029) vuttasikkhāpadaṃ. Antaravāsakanti aññātikāya bhikkhuniyā cīvarapaṭiggaṇhanaṃ. Rūpiyanti rūpiyasaṃvohāraṃ. Suttanti ‘‘sāmaṃ suttaṃ viññāpetvā tantavāyehī’’ti (pārā. 637) vuttasikkhāpadaṃ. Ujjhāpanaketi ujjhāpanake khiyyanake pācittiyaṃ. Pācitapiṇḍanti bhikkhunīparipācitaṃ. Cīvaraṃ datvāti ‘‘samaggena saṅghena cīvaraṃ datvā’’ti (pāci. 485) vuttasikkhāpadaṃ. Vosāsantīti ‘‘bhikkhū paneva kulesu nimantitā bhuñjanti, tatra cesā bhikkhunī’’ti (pāci. 558) vuttapāṭidesanīyaṃ. Giragganti ‘‘yā pana bhikkhunī naccaṃ vā gītaṃ vā’’ti (pāci. 834) vuttasikkhāpadaṃ. Cariyāti ‘‘antovassaṃ cārikaṃ careyyā’’ti (pāci. 970) ca, ‘‘vassaṃvutthā cārikaṃ na pakkameyyā’’ti (pāci. 974) ca vuttasikkhāpadadvayaṃ. Chandadānenāti pārivāsikena chandadānena.
પારાજિકાનિ ચત્તારીતિ ભિક્ખુનીનં ચત્તારિ પારાજિકાનિ. કુટીતિ કુટિકારસિક્ખાપદં. કોસિયન્તિ કોસિયમિસ્સકસિક્ખાપદં. સેય્યાતિ અનુપસમ્પન્નેન સહસેય્યસિક્ખાપદં. ખણનેતિ પથવીખણનં. ગચ્છ દેવતેતિ ભૂતગામસિક્ખાપદં. સિઞ્ચન્તિ સપ્પાણકઉદકસિઞ્ચનં. મહાવિહારોતિ મહલ્લકવિહારો. અઞ્ઞન્તિ અઞ્ઞવાદકં. દ્વારન્તિ યાવ દ્વારકોસા. સહધમ્મોતિ સહધમ્મિકં વુચ્ચમાનો. પયોપાનન્તિ સુરુસુરુકારકં. એળકલોમાનીતિ એળકલોમધોવાપનં. પત્તોતિ ઊનપઞ્ચબન્ધનપત્તો. ઓવાદોતિ ભિક્ખુનુપસ્સયં ઉપસઙ્કમિત્વા ઓવાદો. ભેસજ્જન્તિ તદુત્તરિભેસજ્જવિઞ્ઞાપનં. સૂચીતિ અટ્ઠિમયાદિસૂચિઘરં. આરઞ્ઞિકોતિ ‘‘યાનિ ખો પન તાનિ આરઞ્ઞકાનિ સેનાસનાની’’તિઆદિના (પાચિ॰ ૫૭૦) વુત્તપાટિદેસનીયં . ઓવાદોતિ ‘‘યા પન ભિક્ખુની ઓવાદાય વા સંવાસાય વા ન ગચ્છેય્યા’’તિ (પાચિ॰ ૧૦૫૫) વુત્તસિક્ખાપદં.
Pārājikāni cattārīti bhikkhunīnaṃ cattāri pārājikāni. Kuṭīti kuṭikārasikkhāpadaṃ. Kosiyanti kosiyamissakasikkhāpadaṃ. Seyyāti anupasampannena sahaseyyasikkhāpadaṃ. Khaṇaneti pathavīkhaṇanaṃ. Gaccha devateti bhūtagāmasikkhāpadaṃ. Siñcanti sappāṇakaudakasiñcanaṃ. Mahāvihāroti mahallakavihāro. Aññanti aññavādakaṃ. Dvāranti yāva dvārakosā. Sahadhammoti sahadhammikaṃ vuccamāno. Payopānanti surusurukārakaṃ. Eḷakalomānīti eḷakalomadhovāpanaṃ. Pattoti ūnapañcabandhanapatto. Ovādoti bhikkhunupassayaṃ upasaṅkamitvā ovādo. Bhesajjanti taduttaribhesajjaviññāpanaṃ. Sūcīti aṭṭhimayādisūcigharaṃ. Āraññikoti ‘‘yāni kho pana tāni āraññakāni senāsanānī’’tiādinā (pāci. 570) vuttapāṭidesanīyaṃ . Ovādoti ‘‘yā pana bhikkhunī ovādāya vā saṃvāsāya vā na gaccheyyā’’ti (pāci. 1055) vuttasikkhāpadaṃ.
પારાજિકાનિ ચત્તારીતિઆદિના છસુ નગરેસુ પઞ્ઞત્તં એકતો સમ્પિણ્ડિત્વા સાવત્થિયા પઞ્ઞત્તં વિસું ગણેત્વા સબ્બાનેવ સિક્ખાપદાનિ દ્વીહિ રાસીહિ સઙ્ગણ્હાતિ.
Pārājikāni cattārītiādinā chasu nagaresu paññattaṃ ekato sampiṇḍitvā sāvatthiyā paññattaṃ visuṃ gaṇetvā sabbāneva sikkhāpadāni dvīhi rāsīhi saṅgaṇhāti.
સત્તનગરેસુ પઞ્ઞત્તસિક્ખાપદવણ્ણના નિટ્ઠિતા.
Sattanagaresu paññattasikkhāpadavaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / વિનયપિટક • Vinayapiṭaka / પરિવારપાળિ • Parivārapāḷi / ૧. સત્તનગરેસુ પઞ્ઞત્તસિક્ખાપદં • 1. Sattanagaresu paññattasikkhāpadaṃ
અટ્ઠકથા • Aṭṭhakathā / વિનયપિટક (અટ્ઠકથા) • Vinayapiṭaka (aṭṭhakathā) / પરિવાર-અટ્ઠકથા • Parivāra-aṭṭhakathā / સત્તનગરેસુ પઞ્ઞત્તસિક્ખાપદવણ્ણના • Sattanagaresu paññattasikkhāpadavaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / વજિરબુદ્ધિ-ટીકા • Vajirabuddhi-ṭīkā / સત્તનગરેસુ પઞ્ઞત્તસિક્ખાપદવણ્ણના • Sattanagaresu paññattasikkhāpadavaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / વિમતિવિનોદની-ટીકા • Vimativinodanī-ṭīkā / સત્તનગરેસુ પઞ્ઞત્તસિક્ખાપદવણ્ણના • Sattanagaresu paññattasikkhāpadavaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / પાચિત્યાદિયોજનાપાળિ • Pācityādiyojanāpāḷi / સત્તનગરેસુ પઞ્ઞત્તસિક્ખાપદવણ્ણના • Sattanagaresu paññattasikkhāpadavaṇṇanā
