| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
сад̇д̇асамат̇анид̣̇аанаван̣н̣анаа
Sattasamathanidānavaṇṇanā
352. ассаад̇и саммукаавинаяасса. д̇ад̇т̇аад̇и ‘‘нид̣̇аананид̣̇аано’’д̇и баатз. ид̣̇анд̇и саммукаажад̇уггам̣. лад̣̇д̇хубаваад̣̇од̇и лад̣̇д̇хо барзсам̣ убаваад̣̇о язнаад̇и лад̣̇д̇хубаваад̣̇о, кийн̣аасаво. яасса жаад̇и яасса жа санд̇игзд̇и самб̣анд̇хо. убхиннанд̇и д̣̇зсагабадиг̇г̇аахагаанам̣ д̣̇виннам̣.
352.Assāti sammukhāvinayassa. Tatthāti ‘‘nidānanidāno’’ti pāṭhe. Idanti sammukhācatukkaṃ. Laddhupavādoti laddho paresaṃ upavādo yenāti laddhupavādo, khīṇāsavo. Yassa cāti yassa ca santiketi sambandho. Ubhinnanti desakapaṭiggāhakānaṃ dvinnaṃ.
353. нану бужчааяам̣ ‘‘сад̇д̇аннам̣ самат̇аана’’нд̇и вуд̇д̇ам̣, гасмаа бана виссаж̇ж̇анааяам̣ саммукаавинаяасса самудтаанам̣ на вуд̇д̇анд̇и ааха ‘‘гин̃жаабий’’д̇иаад̣̇и. д̇ад̇т̇а гин̃жааби вуд̇д̇анд̇и яож̇анаа. зд̇т̇а гин̃жаабисад̣̇д̣̇о самбхааванад̇т̇о, банасад̣̇д̣̇о г̇арахад̇т̇о. д̇ат̇аа вуд̇д̇амбийд̇и яож̇анаа. гаммасан̇г̇ахаабхаавзнаад̇и гаммз сан̇г̇ахасса абхаавзна. д̇ад̇т̇аад̇и д̇асмим̣ ‘‘гаммасса гирияаа’’д̇иаад̣̇ибаатз. гаммам̣ гарийяад̇и имааяаад̇и гирияаа, н̃ад̇д̇и. д̇зна вуд̇д̇ам̣ ‘‘гаммасса гирияаад̇и н̃ад̇д̇и взд̣̇ид̇аб̣б̣аа’’д̇и. гарияад̇з табияад̇з гаран̣ам̣. саяам̣ убаг̇амияад̇з убаг̇аманам̣. аж̇жхзсанзна барам̣ убаг̇амаабияад̇з аж̇жхубаг̇аманам̣. ад̇хиваасияад̇з ад̇хиваасанаа. аббадиггосияад̇з абадиггосанаа. ид̇и имамад̇т̇ам̣ д̣̇ассзнд̇о ааха ‘‘гаран̣анд̇и д̇ассааязваа’’д̇иаад̣̇и. зд̇анд̇и гаммам̣. мзд̇и маяхам̣. камуд̇хаад̇убаяог̇з самбад̣̇аанад̇т̇з самбад̣̇аанаважанам̣. ат̇а ваа мзд̇и маяаа. гад̇вад̇т̇з гаран̣аважанам̣, саамиважанам̣ ваа. камад̇ийд̇и гад̇д̇уруубасад̣̇исам̣ гаммаруубам̣. руубан̃хи гад̇д̇уруубасад̣̇исам̣ гаммаруубам̣ ‘‘камад̇и сан̇гхассаа’’д̇иаад̣̇ийсу (махаава. 127) вияа. гаммаруубасад̣̇исам̣ гад̇д̇уруубам̣ ‘‘убаасаго сийлам̣ самаад̣̇ияад̇ий’’д̇иаад̣̇ийсу (бадтаа. 1.1.423) вияа. зд̇т̇а гаммад̇т̇з бавад̇д̇о яабажжаяо лобод̇и д̣̇адтаб̣б̣ам̣.
353. Nanu pucchāyaṃ ‘‘sattannaṃ samathāna’’nti vuttaṃ, kasmā pana vissajjanāyaṃ sammukhāvinayassa samuṭṭhānaṃ na vuttanti āha ‘‘kiñcāpī’’tiādi. Tattha kiñcāpi vuttanti yojanā. Ettha kiñcāpisaddo sambhāvanattho, panasaddo garahattho. Tathā vuttampīti yojanā. Kammasaṅgahābhāvenāti kamme saṅgahassa abhāvena. Tatthāti tasmiṃ ‘‘kammassa kiriyā’’tiādipāṭhe. Kammaṃ karīyati imāyāti kiriyā, ñatti. Tena vuttaṃ ‘‘kammassa kiriyāti ñatti veditabbā’’ti. Kariyate ṭhapiyate karaṇaṃ. Sayaṃ upagamiyate upagamanaṃ. Ajjhesanena paraṃ upagamāpiyate ajjhupagamanaṃ. Adhivāsiyate adhivāsanā. Appaṭikkosiyate apaṭikkosanā. Iti imamatthaṃ dassento āha ‘‘karaṇanti tassāyevā’’tiādi. Etanti kammaṃ. Meti mayhaṃ. Khamudhātupayoge sampadānatthe sampadānavacanaṃ. Atha vā meti mayā. Katvatthe karaṇavacanaṃ, sāmivacanaṃ vā. Khamatīti katturūpasadisaṃ kammarūpaṃ. Rūpañhi katturūpasadisaṃ kammarūpaṃ ‘‘khamati saṅghassā’’tiādīsu (mahāva. 127) viya. Kammarūpasadisaṃ katturūpaṃ ‘‘upāsako sīlaṃ samādiyatī’’tiādīsu (paṭṭhā. 1.1.423) viya. Ettha kammatthe pavatto yapaccayo lopoti daṭṭhabbaṃ.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / бариваарабаал̣и • Parivārapāḷi / 9. сад̇д̇асамат̇анид̣̇аанам̣ • 9. Sattasamathanidānaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бариваара-адтагат̇аа • Parivāra-aṭṭhakathā / сад̇д̇асамат̇анид̣̇аанаван̣н̣анаа • Sattasamathanidānavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / ад̇хигаран̣абхзд̣̇аван̣н̣анаа • Adhikaraṇabhedavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / ад̇хигаран̣анид̣̇аанаад̣̇иван̣н̣анаа • Adhikaraṇanidānādivaṇṇanā
