| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
4. сад̇д̇авассаануб̣анд̇хасуд̇д̇ам̣
4. Sattavassānubandhasuttaṃ
160. звам̣ мз суд̇ам̣ – згам̣ самаяам̣ бхаг̇аваа урувзлааяам̣ вихарад̇и наж̇ж̇аа нзран̃ж̇арааяа д̇ийрз аж̇абааланиг̇род̇хз. д̇зна ко бана самаязна мааро баабимаа сад̇д̇авассаани бхаг̇аванд̇ам̣ ануб̣анд̇хо ход̇и од̇аараабзгко од̇аарам̣ алабхамаано. ат̇а ко мааро баабимаа язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ г̇аат̇ааяа аж̇жхабхааси –
160. Evaṃ me sutaṃ – ekaṃ samayaṃ bhagavā uruvelāyaṃ viharati najjā nerañjarāya tīre ajapālanigrodhe. Tena kho pana samayena māro pāpimā sattavassāni bhagavantaṃ anubandho hoti otārāpekkho otāraṃ alabhamāno. Atha kho māro pāpimā yena bhagavā tenupasaṅkami; upasaṅkamitvā bhagavantaṃ gāthāya ajjhabhāsi –
‘‘согаавад̇ин̣н̣о ну ванамхи жхааяаси,
‘‘Sokāvatiṇṇo nu vanamhi jhāyasi,
вид̇д̇ам̣ ну ж̇ийно уд̣̇а бад̇т̇аяаано;
Vittaṃ nu jīno uda patthayāno;
ааг̇ум̣ ну г̇аамасмимагааси гин̃жи,
Āguṃ nu gāmasmimakāsi kiñci,
гасмаа ж̇анзна на гароси сагким̣;
Kasmā janena na karosi sakkhiṃ;
сагкий на самбаж̇ж̇ад̇и гзнажи д̇з’’д̇и.
Sakkhī na sampajjati kenaci te’’ti.
‘‘согасса муулам̣ баликааяа саб̣б̣ам̣,
‘‘Sokassa mūlaṃ palikhāya sabbaṃ,
анааг̇у жхааяаами асожамаано;
Anāgu jhāyāmi asocamāno;
чзд̇ваана саб̣б̣ам̣ бхавалобхаж̇аббам̣,
Chetvāna sabbaṃ bhavalobhajappaṃ,
анаасаво жхааяаами бамад̇д̇аб̣анд̇хуу’’д̇и.
Anāsavo jhāyāmi pamattabandhū’’ti.
‘‘яам̣ вад̣̇анд̇и мама яид̣̇анд̇и, яз вад̣̇анд̇и маманд̇и жа;
‘‘Yaṃ vadanti mama yidanti, ye vadanti mamanti ca;
зд̇т̇а жз д̇з мано ад̇т̇и, на мз саман̣а могкасий’’д̇и.
Ettha ce te mano atthi, na me samaṇa mokkhasī’’ti.
‘‘яам̣ вад̣̇анд̇и на д̇ам̣ маяхам̣, яз вад̣̇анд̇и на д̇з ахам̣;
‘‘Yaṃ vadanti na taṃ mayhaṃ, ye vadanti na te ahaṃ;
звам̣ баабима ж̇аанаахи, на мз маг̇г̇амби д̣̇агкасий’’д̇и.
Evaṃ pāpima jānāhi, na me maggampi dakkhasī’’ti.
‘‘сажз маг̇г̇ам̣ ануб̣уд̣̇д̇хам̣, кзмам̣ амад̇аг̇ааминам̣;
‘‘Sace maggaṃ anubuddhaṃ, khemaṃ amatagāminaṃ;
абзхи г̇ажча д̇вамзвзго, гиман̃н̃аманусаасасий’’д̇и.
Apehi gaccha tvameveko, kimaññamanusāsasī’’ti.
‘‘амажжуд̇хзяяам̣ бужчанд̇и, яз ж̇анаа баараг̇аамино;
‘‘Amaccudheyyaṃ pucchanti, ye janā pāragāmino;
д̇зсаахам̣ будто агкаами, яам̣ сажжам̣ д̇ам̣ нируубад̇хи’’нд̇и.
Tesāhaṃ puṭṭho akkhāmi, yaṃ saccaṃ taṃ nirūpadhi’’nti.
‘‘сзяяат̇ааби, бханд̇з, г̇аамасса ваа ниг̇амасса ваа авид̣̇уурз богкаран̣ий. д̇ад̇расса гаггадаго. ат̇а ко, бханд̇з, самб̣ахулаа гумаарагаа ваа гумааригааяо ваа д̇амхаа г̇аамаа ваа ниг̇амаа ваа нигкамид̇ваа язна саа богкаран̣ий д̇знубасан̇гамзяяум̣; убасан̇гамид̇ваа д̇ам̣ гаггадагам̣ уд̣̇агаа уд̣̇д̇харид̇ваа т̇алз бад̇идтабзяяум̣. яам̣ яад̣̇зва хи со, бханд̇з, гаггадаго ал̣ам̣ абхининнаамзяяа д̇ам̣ д̇ад̣̇зва д̇з гумаарагаа ваа гумааригааяо ваа гадтзна ваа гат̇алааяа ваа сан̃чинд̣̇зяяум̣ самбхан̃ж̇зяяум̣ самбалибхан̃ж̇зяяум̣. зван̃хи со, бханд̇з, гаггадаго саб̣б̣зхи ал̣зхи сан̃чиннзхи самбхаг̇г̇зхи самбалибхаг̇г̇зхи абхаб̣б̣о д̇ам̣ богкаран̣им̣ од̇арид̇ум̣. звамзва ко, бханд̇з, яаани гаанижи висуугааяигаани 1 висзвид̇аани вибпанд̣̇ид̇аани, саб̣б̣аани д̇аани 2 бхаг̇авад̇аа сан̃чиннаани самбхаг̇г̇аани самбалибхаг̇г̇аани. абхаб̣б̣о д̣̇аанаахам̣, бханд̇з, буна бхаг̇аванд̇ам̣ убасан̇гамид̇ум̣ яад̣̇ид̣̇ам̣ од̇аараабзгко’’д̇и. ат̇а ко мааро баабимаа бхаг̇авад̇о санд̇игз имаа ниб̣б̣зж̇анийяаа г̇аат̇ааяо абхааси –
‘‘Seyyathāpi, bhante, gāmassa vā nigamassa vā avidūre pokkharaṇī. Tatrassa kakkaṭako. Atha kho, bhante, sambahulā kumārakā vā kumārikāyo vā tamhā gāmā vā nigamā vā nikkhamitvā yena sā pokkharaṇī tenupasaṅkameyyuṃ; upasaṅkamitvā taṃ kakkaṭakaṃ udakā uddharitvā thale patiṭṭhapeyyuṃ. Yaṃ yadeva hi so, bhante, kakkaṭako aḷaṃ abhininnāmeyya taṃ tadeva te kumārakā vā kumārikāyo vā kaṭṭhena vā kathalāya vā sañchindeyyuṃ sambhañjeyyuṃ sampalibhañjeyyuṃ. Evañhi so, bhante, kakkaṭako sabbehi aḷehi sañchinnehi sambhaggehi sampalibhaggehi abhabbo taṃ pokkharaṇiṃ otarituṃ. Evameva kho, bhante, yāni kānici visūkāyikāni 3 visevitāni vipphanditāni, sabbāni tāni 4 bhagavatā sañchinnāni sambhaggāni sampalibhaggāni. Abhabbo dānāhaṃ, bhante, puna bhagavantaṃ upasaṅkamituṃ yadidaṃ otārāpekkho’’ti. Atha kho māro pāpimā bhagavato santike imā nibbejanīyā gāthāyo abhāsi –
‘‘мзд̣̇аван̣н̣ан̃жа баасаан̣ам̣, вааяасо анубарияаг̇аа;
‘‘Medavaṇṇañca pāsāṇaṃ, vāyaso anupariyagā;
абзд̇т̇а муд̣̇ум̣ винд̣̇зма, аби ассаад̣̇анаа сияаа.
Apettha muduṃ vindema, api assādanā siyā.
‘‘алад̣̇д̇хаа д̇ад̇т̇а ассаад̣̇ам̣, вааяасзд̇д̇о абаггамз;
‘‘Aladdhā tattha assādaṃ, vāyasetto apakkame;
гаагова сзламаасаж̇ж̇а, ниб̣б̣иж̇ж̇аабзма г̇од̇амаа’’д̇и.
Kākova selamāsajja, nibbijjāpema gotamā’’ti.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 4. сад̇д̇авассаануб̣анд̇хасуд̇д̇аван̣н̣анаа • 4. Sattavassānubandhasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 4. сад̇д̇авассаануб̣анд̇хасуд̇д̇аван̣н̣анаа • 4. Sattavassānubandhasuttavaṇṇanā
