| Library / Tipiṭaka / తిపిటక • Tipiṭaka / సంయుత్తనికాయ (టీకా) • Saṃyuttanikāya (ṭīkā) |
౯. అన్తరపేయ్యాలవగ్గో
9. Antarapeyyālavaggo
౧. సత్థుసుత్తాదివణ్ణనా
1. Satthusuttādivaṇṇanā
౭౩. అయం సత్థా నామాతి అయం అరియమగ్గస్స అత్థాయ సాసతి విముత్తిధమ్మం అనుసాసతీతి సత్థా నామ. అధిసీలాదివసేన తివిధాపి సిక్ఖా. యోగోతి భావనానుయోగో. ఛన్దోతి నియ్యానేతా కత్తుకమ్యతాకుసలచ్ఛన్దో. సబ్బం భావనాయ పరిస్సయం సహతి, సబ్బం వాస్స ఉపకారావహం సహతి వాహేతీతి సబ్బసహం. అప్పటివానీతి న పటినివత్తతీతి అప్పటివానీ. అన్తరాయ సహనం మోహనాసనవీరియం ఆతప్పతి కిలేసేతి ఆతప్పం. విధినా ఈరేతబ్బత్తా పవత్తేతబ్బత్తా వీరియం. సతతం పవత్తియమానభావనానుయోగకమ్మం సాతచ్చన్తి ఆహ ‘‘సతతకిరియ’’న్తి. తాదిసమేవాతి యాదిసీ సతి వుత్తా, తాదిసమేవ ఞాణం, జరామరణాదివసేన చతుసచ్చపరిగ్గాహకం ఞాణన్తి అత్థో.
73.Ayaṃsatthā nāmāti ayaṃ ariyamaggassa atthāya sāsati vimuttidhammaṃ anusāsatīti satthā nāma. Adhisīlādivasena tividhāpi sikkhā. Yogoti bhāvanānuyogo. Chandoti niyyānetā kattukamyatākusalacchando. Sabbaṃ bhāvanāya parissayaṃ sahati, sabbaṃ vāssa upakārāvahaṃ sahati vāhetīti sabbasahaṃ. Appaṭivānīti na paṭinivattatīti appaṭivānī. Antarāya sahanaṃ mohanāsanavīriyaṃ ātappati kileseti ātappaṃ. Vidhinā īretabbattā pavattetabbattā vīriyaṃ. Satataṃ pavattiyamānabhāvanānuyogakammaṃ sātaccanti āha ‘‘satatakiriya’’nti. Tādisamevāti yādisī sati vuttā, tādisameva ñāṇaṃ, jarāmaraṇādivasena catusaccapariggāhakaṃ ñāṇanti attho.
అన్తరపేయ్యాలవగ్గవణ్ణనా నిట్ఠితా.
Antarapeyyālavaggavaṇṇanā niṭṭhitā.
సారత్థప్పకాసినియా సంయుత్తనికాయ-అట్ఠకథాయ
Sāratthappakāsiniyā saṃyuttanikāya-aṭṭhakathāya
నిదానసంయుత్తవణ్ణనాయ లీనత్థప్పకాసనా సమత్తా.
Nidānasaṃyuttavaṇṇanāya līnatthappakāsanā samattā.
Related texts:
తిపిటక (మూల) • Tipiṭaka (Mūla) / సుత్తపిటక • Suttapiṭaka / సంయుత్తనికాయ • Saṃyuttanikāya / ౧. సత్థుసుత్తం • 1. Satthusuttaṃ
అట్ఠకథా • Aṭṭhakathā / సుత్తపిటక (అట్ఠకథా) • Suttapiṭaka (aṭṭhakathā) / సంయుత్తనికాయ (అట్ఠకథా) • Saṃyuttanikāya (aṭṭhakathā) / ౧. సత్థుసుత్తాదివణ్ణనా • 1. Satthusuttādivaṇṇanā
