| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) |
༩. ཨནྟརཔེཡྻཱལཝགྒོ
9. Antarapeyyālavaggo
༡. སཏྠུསུཏྟཱདིཝཎྞནཱ
1. Satthusuttādivaṇṇanā
༧༣. ཨཡཾ སཏྠཱ ནཱམཱཏི ཨཡཾ ཨརིཡམགྒསྶ ཨཏྠཱཡ སཱསཏི ཝིམུཏྟིདྷམྨཾ ཨནུསཱསཏཱིཏི སཏྠཱ ནཱམ། ཨདྷིསཱིལཱདིཝསེན ཏིཝིདྷཱཔི སིཀྑཱ། ཡོགོཏི བྷཱཝནཱནུཡོགོ། ཚནྡོཏི ནིཡྻཱནེཏཱ ཀཏྟུཀམྱཏཱཀུསལཙྪནྡོ། སབྦཾ བྷཱཝནཱཡ པརིསྶཡཾ སཧཏི, སབྦཾ ཝཱསྶ ཨུཔཀཱརཱཝཧཾ སཧཏི ཝཱཧེཏཱིཏི སབྦསཧཾ། ཨཔྤཊིཝཱནཱིཏི ན པཊིནིཝཏྟཏཱིཏི ཨཔྤཊིཝཱནཱི། ཨནྟརཱཡ སཧནཾ མོཧནཱསནཝཱིརིཡཾ ཨཱཏཔྤཏི ཀིལེསེཏི ཨཱཏཔྤཾ། ཝིདྷིནཱ ཨཱིརེཏབྦཏྟཱ པཝཏྟེཏབྦཏྟཱ ཝཱིརིཡཾ། སཏཏཾ པཝཏྟིཡམཱནབྷཱཝནཱནུཡོགཀམྨཾ སཱཏཙྩནྟི ཨཱཧ ‘‘སཏཏཀིརིཡ’’ནྟི། ཏཱདིསམེཝཱཏི ཡཱདིསཱི སཏི ཝུཏྟཱ, ཏཱདིསམེཝ ཉཱཎཾ, ཛརཱམརཎཱདིཝསེན ཙཏུསཙྩཔརིགྒཱཧཀཾ ཉཱཎནྟི ཨཏྠོ།
73.Ayaṃsatthā nāmāti ayaṃ ariyamaggassa atthāya sāsati vimuttidhammaṃ anusāsatīti satthā nāma. Adhisīlādivasena tividhāpi sikkhā. Yogoti bhāvanānuyogo. Chandoti niyyānetā kattukamyatākusalacchando. Sabbaṃ bhāvanāya parissayaṃ sahati, sabbaṃ vāssa upakārāvahaṃ sahati vāhetīti sabbasahaṃ. Appaṭivānīti na paṭinivattatīti appaṭivānī. Antarāya sahanaṃ mohanāsanavīriyaṃ ātappati kileseti ātappaṃ. Vidhinā īretabbattā pavattetabbattā vīriyaṃ. Satataṃ pavattiyamānabhāvanānuyogakammaṃ sātaccanti āha ‘‘satatakiriya’’nti. Tādisamevāti yādisī sati vuttā, tādisameva ñāṇaṃ, jarāmaraṇādivasena catusaccapariggāhakaṃ ñāṇanti attho.
ཨནྟརཔེཡྻཱལཝགྒཝཎྞནཱ ནིཊྛིཏཱ།
Antarapeyyālavaggavaṇṇanā niṭṭhitā.
སཱརཏྠཔྤཀཱསིནིཡཱ སཾཡུཏྟནིཀཱཡ-ཨཊྛཀཐཱཡ
Sāratthappakāsiniyā saṃyuttanikāya-aṭṭhakathāya
ནིདཱནསཾཡུཏྟཝཎྞནཱཡ ལཱིནཏྠཔྤཀཱསནཱ སམཏྟཱ།
Nidānasaṃyuttavaṇṇanāya līnatthappakāsanā samattā.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / སཾཡུཏྟནིཀཱཡ • Saṃyuttanikāya / ༡. སཏྠུསུཏྟཾ • 1. Satthusuttaṃ
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༡. སཏྠུསུཏྟཱདིཝཎྞནཱ • 1. Satthusuttādivaṇṇanā
