| Library / Tipiṭaka / ཏིཔིཊཀ • Tipiṭaka / ཨཔདཱན-ཨཊྛཀཐཱ • Apadāna-aṭṭhakathā |
༧. སཡནདཱཡཀཏྠེརཨཔདཱནཝཎྞནཱ
7. Sayanadāyakattheraapadānavaṇṇanā
སིདྡྷཏྠསྶ བྷགཝཏོཏིཨཱདིཀཾ ཨཱཡསྨཏོ སཡནདཱཡཀཏྠེརསྶ ཨཔདཱནཾ། ཨཡམྤི པུརིམབུདྡྷེསུ ཀཏཱདྷིཀཱརོ ཏཏྠ ཏཏྠ བྷཝེ ཝིཝཊྚཱུཔནིསྶཡཱནི པུཉྙཱནི ཨུཔཙིནནྟོ སིདྡྷཏྠསྶ བྷགཝཏོ ཀཱལེ ཨཉྙཏརསྨིཾ ཀུལེ ནིབྦཏྟོ ཝིཉྙུཏཾ པཏྟོ སཏྠརི པསཱིདིཏྭཱ ཧཏྠིདཎྜསུཝཎྞཱདཱིཧི སཡནཏྠཱཡ མཉྩཾ ཀཱརེཏྭཱ ཨནགྒྷེཧི ཝིཙིཏྟཏྠརཎེཧི ཨཏྠརིཏྭཱ བྷགཝནྟཾ པཱུཛེསི། སོ བྷགཝཱ ཏསྶཱནུཀམྤཱཡ པཊིགྒཧེཏྭཱ ཨནུབྷཝི། སོ ཏེན པུཉྙཀམྨེན དིབྦམནུསྶསམྤཏྟིཡོ ཨནུབྷཝིཏྭཱ ཨིམསྨིཾ བུདྡྷུཔྤཱདེ ཨེཀསྨིཾ ཀུལགེཧེ ནིབྦཏྟོ ཝིཉྙུཏཾ པཏྭཱ སཏྠུ སཱསནེ པསནྣོ པབྦཛིཏྭཱ ཝིཔསྶནཾ ཨཱརབྷིཏྭཱ ནཙིརསྶེཝ ཨརཧཱ ཨཧོསི། པུབྦེ ཀཏཔུཉྙནཱམེན སཡནདཱཡཀཏྠེརོཏི པཱཀཊོ།
Siddhatthassa bhagavatotiādikaṃ āyasmato sayanadāyakattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto siddhatthassa bhagavato kāle aññatarasmiṃ kule nibbatto viññutaṃ patto satthari pasīditvā hatthidaṇḍasuvaṇṇādīhi sayanatthāya mañcaṃ kāretvā anagghehi vicittattharaṇehi attharitvā bhagavantaṃ pūjesi. So bhagavā tassānukampāya paṭiggahetvā anubhavi. So tena puññakammena dibbamanussasampattiyo anubhavitvā imasmiṃ buddhuppāde ekasmiṃ kulagehe nibbatto viññutaṃ patvā satthu sāsane pasanno pabbajitvā vipassanaṃ ārabhitvā nacirasseva arahā ahosi. Pubbe katapuññanāmena sayanadāyakattheroti pākaṭo.
༨༨. སོ ཨེཀདིཝསཾ ཨཏྟནོ པུབྦཀམྨཾ སརིཏྭཱ སོམནསྶཛཱཏོ པུབྦཙརིཏཱཔདཱནཾ པཀཱསེནྟོ སིདྡྷཏྠསྶ བྷགཝཏོཏིཨཱདིམཱཧ། ཏཾ སབྦཾ པཱལི༹ནཡཱནུསཱརེན སུཝིཉྙེཡྻམེཝཱཏི།
88. So ekadivasaṃ attano pubbakammaṃ saritvā somanassajāto pubbacaritāpadānaṃ pakāsento siddhatthassa bhagavatotiādimāha. Taṃ sabbaṃ pāḷinayānusārena suviññeyyamevāti.
སཡནདཱཡཀཏྠེརཨཔདཱནཝཎྞནཱ སམཏྟཱ།
Sayanadāyakattheraapadānavaṇṇanā samattā.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / ཁུདྡཀནིཀཱཡ • Khuddakanikāya / ཨཔདཱནཔཱལི༹ • Apadānapāḷi / ༧. སཡནདཱཡཀཏྠེརཨཔདཱནཾ • 7. Sayanadāyakattheraapadānaṃ
