| Library / Tipiṭaka / д̇ибидага • Tipiṭaka / винаяавинижчаяа-дийгаа • Vinayavinicchaya-ṭīkā |
сзкияагат̇ааван̣н̣анаа
Sekhiyakathāvaṇṇanā
1870. звам̣ баадид̣̇зсанийяавинижчаяам̣ д̣̇ассзд̇ваа д̇ад̣̇ананд̇арам̣ уд̣̇д̣̇идтаанам̣ сзкияаанам̣ винижчаяам̣ д̣̇ассзд̇умааха ‘‘яо анаад̣̇ариязнзваа’’д̇иаад̣̇и. яод̇и т̇зро ваа наво ваа маж̇жхимо ваа. зд̇т̇а анаад̣̇арияам̣ наама сан̃жижжа аабад̇д̇иаабаж̇ж̇анам̣, ниваасанаад̣̇ивад̇т̇асса уг̇г̇ахан̣з нируссаахан̃жа. бажчад̇оби ваад̇и зд̇т̇а ваа-сад̣̇д̣̇зна ‘‘бассад̇оби ваа’’д̇и ид̣̇ам̣ сан̇г̇ан̣хаад̇и. д̇асса жаад̇и зд̇т̇а жа-сад̣̇д̣̇о вагкамаанасамужжаяо.
1870. Evaṃ pāṭidesanīyavinicchayaṃ dassetvā tadanantaraṃ uddiṭṭhānaṃ sekhiyānaṃ vinicchayaṃ dassetumāha ‘‘yo anādariyenevā’’tiādi. Yoti thero vā navo vā majjhimo vā. Ettha anādariyaṃ nāma sañcicca āpattiāpajjanaṃ, nivāsanādivatthassa uggahaṇe nirussāhañca. Pacchatopi vāti ettha vā-saddena ‘‘passatopi vā’’ti idaṃ saṅgaṇhāti. Tassa cāti ettha ca-saddo vakkhamānasamuccayo.
1871. на гзвалам̣ вуд̇д̇анаязна ниваасзнд̇ассзва ход̇и, канд̇хагааг̇ад̇ахад̇т̇исон̣д̣аад̣̇иаагаарзнааби ниваасзнд̇асса д̣̇уггадам̣ ход̇ийд̇и ааха ‘‘хад̇т̇исон̣д̣аад̣̇ий’’д̇иаад̣̇и. хад̇т̇исон̣д̣аад̣̇иниваасанам̣ барад̇о куд̣̇д̣̇агавад̇т̇угканд̇хагз (жуул̣ава. 280) аави бхависсад̇и. бариман̣д̣аланд̇и саманд̇ад̇о ман̣д̣алам̣ гад̇ваа. вад̇т̇аб̣б̣анд̇и нивад̇т̇аб̣б̣ам̣ ниваасзд̇аб̣б̣анд̇и ад̇т̇о.
1871. Na kevalaṃ vuttanayena nivāsentasseva hoti, khandhakāgatahatthisoṇḍādiākārenāpi nivāsentassa dukkaṭaṃ hotīti āha ‘‘hatthisoṇḍādī’’tiādi. Hatthisoṇḍādinivāsanaṃ parato khuddakavatthukkhandhake (cūḷava. 280) āvi bhavissati. Parimaṇḍalanti samantato maṇḍalaṃ katvā. Vatthabbanti nivatthabbaṃ nivāsetabbanti attho.
1872. ж̇аан̣уман̣д̣алад̇о хздтаад̇и зд̇т̇а ‘‘ж̇ан̇гхадтисийсад̇о бадтааяаа’’д̇и сзсо. адтан̇г̇улаббамаан̣аганд̇и вад̣дхагиан̇г̇улзна адтан̇г̇уламад̇д̇анд̇и аажарияаа. ‘‘яо бана сугкаж̇ан̇гхо ваа махаабин̣д̣игамам̣со ваа ход̇и, д̇асса сааруббад̇т̇ааяа ж̇аан̣уман̣д̣алад̇о адтан̇г̇улаад̇хигамби од̇аарзд̇ваа ниваасзд̇ум̣ ваддад̇ий’’д̇и (баажи. адта. 576) адтагат̇ам̣ сан̇г̇ан̣хид̇умааха ‘‘д̇ад̇о уунам̣ на ваддад̇ий’’д̇и.
1872.Jāṇumaṇḍalatoheṭṭhāti ettha ‘‘jaṅghaṭṭhisīsato paṭṭhāyā’’ti seso. Aṭṭhaṅgulappamāṇakanti vaḍḍhakiaṅgulena aṭṭhaṅgulamattanti ācariyā. ‘‘Yo pana sukkhajaṅgho vā mahāpiṇḍikamaṃso vā hoti, tassa sāruppatthāya jāṇumaṇḍalato aṭṭhaṅgulādhikampi otāretvā nivāsetuṃ vaṭṭatī’’ti (pāci. aṭṭha. 576) aṭṭhakathaṃ saṅgaṇhitumāha ‘‘tato ūnaṃ na vaṭṭatī’’ti.
1873. асан̃жижжа абариман̣д̣алам̣ ниваасзнд̇асса анаабад̇д̇ийд̇и яож̇анаа. звамубариби. асан̃жижжаад̇и ‘‘абариман̣д̣алам̣ ниваасзссаамий’’д̇и звам̣ асан̃жижжа, ат̇а ко ‘‘бариман̣д̣алам̣язва ниваасзссаамий’’д̇и вираж̇жхид̇ваа абариман̣д̣алам̣ ниваасзнд̇асса анаабад̇д̇и. асад̇иссаабийд̇и ан̃н̃авихид̇ассааби д̇ат̇аа ниваасзнд̇асса анаабад̇д̇и. аж̇аананд̇ассаад̇и гзвалам̣ бариман̣д̣алам̣ ниваасзд̇ум̣ аж̇аананд̇асса анаабад̇д̇и. абижа ниваасанавад̇д̇ам̣ уг̇г̇ахзд̇аб̣б̣ам̣. уг̇г̇ахид̇авад̇д̇оби сажз ‘‘аарул̣ха’’нд̇и ваа ‘‘орул̣ха’’нд̇и ваа на ж̇аанаад̇и, д̇ассааби анаабад̇д̇иязва. г̇илаанассаад̇и яасса ж̇ан̇гхааяа ваа баад̣̇з ваа ван̣о ход̇и, д̇асса угкибид̇ваа ваа од̇аарзд̇ваа ваа ниваасзнд̇асса анаабад̇д̇и. баад̣̇од̇и жзд̇т̇а баад̣̇асамийбам̣ ад̇хиббзд̇ам̣. аабад̣̇аасууд̇и ваал̣аа ваа жораа ваа ануб̣анд̇ханд̇и, зваруубаасу аабад̣̇аасу анаабад̇д̇и.
1873. Asañcicca aparimaṇḍalaṃ nivāsentassa anāpattīti yojanā. Evamuparipi. Asañciccāti ‘‘aparimaṇḍalaṃ nivāsessāmī’’ti evaṃ asañcicca, atha kho ‘‘parimaṇḍalaṃyeva nivāsessāmī’’ti virajjhitvā aparimaṇḍalaṃ nivāsentassa anāpatti. Asatissāpīti aññavihitassāpi tathā nivāsentassa anāpatti. Ajānantassāti kevalaṃ parimaṇḍalaṃ nivāsetuṃ ajānantassa anāpatti. Apica nivāsanavattaṃ uggahetabbaṃ. Uggahitavattopi sace ‘‘āruḷha’’nti vā ‘‘oruḷha’’nti vā na jānāti, tassāpi anāpattiyeva. Gilānassāti yassa jaṅghāya vā pāde vā vaṇo hoti, tassa ukkhipitvā vā otāretvā vā nivāsentassa anāpatti. Pādoti cettha pādasamīpaṃ adhippetaṃ. Āpadāsūti vāḷā vā corā vā anubandhanti, evarūpāsu āpadāsu anāpatti.
бариман̣д̣алагат̇ааван̣н̣анаа.
Parimaṇḍalakathāvaṇṇanā.
1874. убхо гон̣з самам̣ гад̇ваад̇и баарубанасса згам̣сз гад̇асса бидтибассз, уд̣̇арабассз жа оламб̣амаанз убхо ган̣н̣з хад̇т̇ибидтз г̇ан̣д̣аа вияа самам̣ гад̇ваа. бариман̣д̣алам̣ гад̇ваад̇и зд̇ассзва ад̇т̇абад̣̇ам̣. саад̣̇аранд̇и бхааванабум̣саганид̣̇д̣̇зсо. саад̣̇арам̣ ваа баарубид̇аб̣б̣анд̇и яож̇анаа, саад̣̇арам̣ баарубанам̣ гад̇д̇аб̣б̣анд̇и ад̇т̇о. звам̣ агаронд̇ассаад̇и баарубанавад̇д̇з аад̣̇арам̣ ж̇анзд̇ваа звам̣ абаарубанд̇асса.
1874.Ubho koṇe samaṃ katvāti pārupanassa ekaṃse katassa piṭṭhipasse, udarapasse ca olambamāne ubho kaṇṇe hatthipiṭṭhe gaṇḍā viya samaṃ katvā. Parimaṇḍalaṃ katvāti etasseva atthapadaṃ. Sādaranti bhāvanapuṃsakaniddeso. Sādaraṃ vā pārupitabbanti yojanā, sādaraṃ pārupanaṃ kattabbanti attho. Evaṃ akarontassāti pārupanavatte ādaraṃ janetvā evaṃ apārupantassa.
1875. ‘‘бариман̣д̣алам̣ ниваасзссаамийд̇и сигкаа гаран̣ийяаа’’д̇и (баажи. 576) ваа ‘‘бариман̣д̣алам̣ баарубиссаамийд̇и сигкаа гаран̣ийяаа’’д̇и (баажи. 577) ваа ‘‘анд̇арагхарз’’д̇и ависзсзд̇ваа вуд̇д̇ад̇д̇аа ааха ‘‘ависзсзна вуд̇д̇а’’нд̇и. ид̣̇ам̣ сигкаабад̣̇ад̣̇ваяам̣ яасмаа ависзсзна вуд̇д̇ам̣, д̇асмаа гхарз, вихаарз ваа гаад̇аб̣б̣ам̣ бариман̣д̣аланд̇и яож̇анаа. гхарзд̇и анд̇арагхарз. вихаарз ваад̇и б̣уд̣̇д̇хубадтаанаад̣̇игаалам̣ санд̇хааяа вуд̇д̇ам̣. бариман̣д̣алам̣ гад̇д̇аб̣б̣анд̇и бариман̣д̣аламзва ниваасзд̇аб̣б̣ам̣ баарубид̇аб̣б̣анд̇и ад̇т̇о.
1875. ‘‘Parimaṇḍalaṃ nivāsessāmīti sikkhā karaṇīyā’’ti (pāci. 576) vā ‘‘parimaṇḍalaṃ pārupissāmīti sikkhā karaṇīyā’’ti (pāci. 577) vā ‘‘antaraghare’’ti avisesetvā vuttattā āha ‘‘avisesena vutta’’nti. Idaṃ sikkhāpadadvayaṃ yasmā avisesena vuttaṃ, tasmā ghare, vihāre vā kātabbaṃ parimaṇḍalanti yojanā. Ghareti antaraghare. Vihāre vāti buddhupaṭṭhānādikālaṃ sandhāya vuttaṃ. Parimaṇḍalaṃ kattabbanti parimaṇḍalameva nivāsetabbaṃ pārupitabbanti attho.
д̣̇уд̇ияам̣.
Dutiyaṃ.
1876. убхо гон̣з самам̣ гад̇ваад̇и самб̣анд̇хо. г̇ийвамзва жа ануваад̇зна чаад̣̇зд̇ваад̇и яож̇анаа.
1876. Ubho koṇe samaṃ katvāti sambandho. Gīvameva ca anuvātena chādetvāti yojanā.
1877. д̇ат̇аа агад̇ваад̇и яат̇аавуд̇д̇авид̇хаанам̣ агад̇ваа. ж̇ад̇д̇уунибийд̇и убхо ам̣сагуудааниби. урамби жаад̇и хад̣̇аяамби. виварид̇ваад̇и аббадижчаад̣̇зд̇ваа. яат̇аагааманд̇и ижчаануруубам̣. г̇ажчад̇од̇и зд̇т̇а ‘‘анд̇арагхарз’’д̇и сзсо. анд̇арагхарам̣ наама г̇аамз ваа ход̇у вихаарз ваа, бажид̇ваа бхун̃ж̇ид̇ваа г̇ихийнам̣ васанадтаанам̣.
1877.Tathā akatvāti yathāvuttavidhānaṃ akatvā. Jattūnipīti ubho aṃsakūṭānipi. Urampi cāti hadayampi. Vivaritvāti appaṭicchādetvā. Yathākāmanti icchānurūpaṃ. Gacchatoti ettha ‘‘antaraghare’’ti seso. Antaragharaṃ nāma gāme vā hotu vihāre vā, pacitvā bhuñjitvā gihīnaṃ vasanaṭṭhānaṃ.
д̇ад̇ияам̣.
Tatiyaṃ.
1878-9. ‘‘ман̣иб̣анд̇хад̇о’’д̇и иминааби ‘‘хздтаа’’д̇и яож̇зд̇аб̣б̣ам̣. ваасуубаг̇ассаад̇и зд̇т̇а ‘‘гааяам̣ виварид̇ваа нисийд̣̇ад̇о’’д̇и сзсо. ваасуубаг̇о наама рад̇д̇иваасад̇т̇ааяа убаг̇ад̇о, зд̇зна ваасад̇т̇ааяа анд̇арагхарам̣ убаг̇ажчанд̇зна суббадижчаннзнзва убаг̇анд̇аб̣б̣анд̇и д̣̇ийбид̇ам̣ ход̇и, зд̇знзва ваасуубаг̇ад̇асса санд̇игам̣ убаг̇ад̇асса яат̇аагаамам̣ г̇аманз на д̣̇осод̇и жа вуд̇д̇амзва ход̇и. д̇знааха г̇ан̣тибад̣̇з ‘‘згад̣̇ивасамби ваасуубаг̇ад̇асса санд̇игам̣ яат̇аасукам̣ г̇анд̇ум̣ ваддад̇и, го бана ваад̣̇о жад̇убан̃жаахам̣ ваасамад̇хидтааяа васид̇абхигкуунам̣ санд̇ига’’нд̇и.
1878-9.‘‘Maṇibandhato’’ti imināpi ‘‘heṭṭhā’’ti yojetabbaṃ. Vāsūpagassāti ettha ‘‘kāyaṃ vivaritvā nisīdato’’ti seso. Vāsūpago nāma rattivāsatthāya upagato, etena vāsatthāya antaragharaṃ upagacchantena suppaṭicchanneneva upagantabbanti dīpitaṃ hoti, eteneva vāsūpagatassa santikaṃ upagatassa yathākāmaṃ gamane na dosoti ca vuttameva hoti. Tenāha gaṇṭhipade ‘‘ekadivasampi vāsūpagatassa santikaṃ yathāsukhaṃ gantuṃ vaṭṭati, ko pana vādo catupañcāhaṃ vāsamadhiṭṭhāya vasitabhikkhūnaṃ santika’’nti.
жад̇уд̇т̇ам̣.
Catutthaṃ.
1880. сувинийд̇знаад̇и хад̇т̇абаад̣̇аанам̣ агийл̣аабанзнзва судту винийд̇зна.
1880.Suvinītenāti hatthapādānaṃ akīḷāpaneneva suṭṭhu vinītena.
бан̃жамам̣.
Pañcamaṃ.
1881. г̇аат̇ааб̣анд̇хавасзна ‘‘сад̇иймад̇аа’’д̇и д̣̇ийгхо гад̇о. авигаарзнаад̇и д̇ам̣д̇ад̣̇авалогаасахид̇зна . яуг̇ам̣ мад̇д̇аа бамаан̣ам̣ зд̇ассаад̇и яуг̇амад̇д̇ам̣, рат̇аяуг̇ам̣ жад̇ухад̇т̇аббамаан̣ам̣, д̇ад̇д̇агам̣ бад̣̇зсам̣. бзгкинаад̇и ологзнд̇зна. ‘‘бхигкунаа огкид̇д̇ажагкунаа’’д̇и бад̣̇ажчзд̣̇о.
1881. Gāthābandhavasena ‘‘satīmatā’’ti dīgho kato. Avikārenāti taṃtadavalokāsahitena . Yugaṃ mattā pamāṇaṃ etassāti yugamattaṃ, rathayugaṃ catuhatthappamāṇaṃ, tattakaṃ padesaṃ. Pekkhināti olokentena. ‘‘Bhikkhunā okkhittacakkhunā’’ti padacchedo.
1882. анд̇арагхарз яад̇т̇а гад̇т̇ажиби згасмимби таанз тад̇ваад̇и яож̇анаа. звам̣ вуд̇д̇зби д̇ат̇ааруубз анд̇арааяз сад̇и г̇ажчад̇оби ологзд̇ум̣ лаб̣бхад̇и. згасмим̣ бана таанз тад̇ваад̇и зд̇т̇а г̇ажчанд̇оби бариссаяаабхаавам̣ ологзд̇ум̣ лаб̣бхад̇иязва. ‘‘д̇ат̇аа г̇аамз бууж̇а’’нд̇и г̇ан̣тибад̣̇зсу вуд̇д̇ам̣. би-сад̣̇д̣̇о бана-сад̣̇д̣̇ад̇т̇о, ологзд̇ум̣ бана ваддад̇ийд̇и вуд̇д̇ам̣ ход̇и.
1882. Antaraghare yattha katthacipi ekasmimpi ṭhāne ṭhatvāti yojanā. Evaṃ vuttepi tathārūpe antarāye sati gacchatopi oloketuṃ labbhati. Ekasmiṃ pana ṭhāne ṭhatvāti ettha gacchantopi parissayābhāvaṃ oloketuṃ labbhatiyeva. ‘‘Tathā gāme pūja’’nti gaṇṭhipadesu vuttaṃ. Pi-saddo pana-saddattho, oloketuṃ pana vaṭṭatīti vuttaṃ hoti.
1883. ологзнд̇о д̇ахам̣ д̇аханд̇и яо анаад̣̇арияам̣ бадижжа д̇ам̣ д̇ам̣ д̣̇исаабхааг̇ам̣ баасаад̣̇ам̣ гуудааг̇аарам̣ вийт̇им̣ ологзнд̇о.
1883.Olokento tahaṃ tahanti yo anādariyaṃ paṭicca taṃ taṃ disābhāgaṃ pāsādaṃ kūṭāgāraṃ vīthiṃ olokento.
сад̇д̇амам̣.
Sattamaṃ.
1884. згад̇о ваабийд̇и згаам̣сагуудад̇о ваа. убхад̇о ваабийд̇и убхаяам̣сагуудад̇о ваа. инд̣̇акийлагад̇о анд̇од̇и г̇аамад̣̇вааринд̣̇акийлад̇о анд̇о, гхарзд̇и вуд̇д̇ам̣ ход̇и.
1884.Ekatovāpīti ekaaṃsakūṭato vā. Ubhato vāpīti ubhayaṃsakūṭato vā. Indakhīlakato antoti gāmadvārindakhīlato anto, ghareti vuttaṃ hoti.
навамам̣.
Navamaṃ.
1885. д̇ат̇аа нисиннагаалзбийд̇и инд̣̇акийласса анд̇о нисиннагаалзби. гун̣д̣игам̣ нийхаранд̇зна жа жийварам̣ анугкибид̇ваа д̣̇аад̇аб̣б̣аа гун̣д̣игаад̇и яож̇анаа. гун̣д̣иганд̇и жа убалагкан̣амад̇д̇ам̣. д̇хаммагаран̣аад̣̇ийсуби зсзва наяо.
1885.Tathā nisinnakālepīti indakhīlassa anto nisinnakālepi. Kuṇḍikaṃ nīharantena ca cīvaraṃ anukkhipitvā dātabbā kuṇḍikāti yojanā. Kuṇḍikanti ca upalakkhaṇamattaṃ. Dhammakaraṇādīsupi eseva nayo.
д̣̇асамам̣.
Dasamaṃ.
батамо ваг̇г̇о.
Paṭhamo vaggo.
1886. г̇анд̇ун̃жзва нисийд̣̇ид̇ун̃жа на ваддад̇ийд̇и яож̇анаа. жа-сад̣̇д̣̇о гирияаасамужжаяо. хасанийяасмим̣ вад̇т̇усминд̇и хаасаж̇анагз гааран̣з. сид̇амад̇д̇анд̇и манд̣̇ахаасам̣.
1886. Gantuñceva nisīdituñca na vaṭṭatīti yojanā. Ca-saddo kiriyāsamuccayo. Hasanīyasmiṃ vatthusminti hāsajanake kāraṇe. Sitamattanti mandahāsaṃ.
батамад̣̇уд̇ияаани.
Paṭhamadutiyāni.
1887. аббасад̣̇д̣̇знаад̇и ‘‘гид̇д̇аавад̇аа аббасад̣̇д̣̇о ход̇и? д̣̇ваад̣̇асахад̇т̇з г̇зхз аад̣̇имхи сан̇гхад̇т̇зро, маж̇жхз д̣̇уд̇ияад̇т̇зро, анд̇з д̇ад̇ияад̇т̇зрод̇и звам̣ нисиннзсуяам̣ сан̇гхад̇т̇зро д̣̇уд̇ияад̇т̇зрзна сад̣̇д̇хим̣ манд̇зд̇и, д̣̇уд̇ияад̇т̇зро д̇асса сад̣̇д̣̇ан̃жзва сун̣аад̇и, гат̇ан̃жа вавад̇т̇абзд̇и. д̇ад̇ияад̇т̇зро бана сад̣̇д̣̇амзва сун̣аад̇и, гат̇ам̣ на вавад̇т̇абзд̇и. зд̇д̇аавад̇аа аббасад̣̇д̣̇о ход̇ий’’д̇и (баажи. 588) вуд̇д̇ааббасад̣̇д̣̇аяуд̇д̇зна. сажз бана д̇ад̇ияад̇т̇зро гат̇ан̃жа вавад̇т̇абзд̇и, махаасад̣̇д̣̇о наама ход̇ийд̇и.
1887.Appasaddenāti ‘‘kittāvatā appasaddo hoti? Dvādasahatthe gehe ādimhi saṅghatthero, majjhe dutiyatthero, ante tatiyattheroti evaṃ nisinnesuyaṃ saṅghatthero dutiyattherena saddhiṃ manteti, dutiyatthero tassa saddañceva suṇāti, kathañca vavatthapeti. Tatiyatthero pana saddameva suṇāti, kathaṃ na vavatthapeti. Ettāvatā appasaddo hotī’’ti (pāci. 588) vuttaappasaddayuttena. Sace pana tatiyatthero kathañca vavatthapeti, mahāsaddo nāma hotīti.
д̇ад̇ияам̣.
Tatiyaṃ.
1888. гааяаббажаалагам̣ гад̇ваад̇и гааяам̣ жаалзд̇ваа жаалзд̇ваа. убариби зсзва наяо. хад̇т̇асса вуд̇д̇алагкан̣ад̇д̇аа ‘‘б̣аахуу’’д̇и ман̣иб̣анд̇хад̇о яаава ам̣сагуудаа г̇ахзд̇аб̣б̣аа.
1888.Kāyappacālakaṃ katvāti kāyaṃ cāletvā cāletvā. Uparipi eseva nayo. Hatthassa vuttalakkhaṇattā ‘‘bāhū’’ti maṇibandhato yāva aṃsakūṭā gahetabbā.
1889. уж̇ум̣ баг̇г̇ахзд̇ваад̇и уж̇ум̣ табзд̇ваа. аасид̇аб̣б̣анд̇и нисийд̣̇ид̇аб̣б̣ам̣. ‘‘самзна ирияаабат̇зна д̇уу’’д̇и бад̣̇ажчзд̣̇о.
1889.Ujuṃ paggahetvāti ujuṃ ṭhapetvā. Āsitabbanti nisīditabbaṃ. ‘‘Samena iriyāpathena tū’’ti padacchedo.
1890. ид̇т̇амбхууд̇з гаран̣аважанам̣. г̇аманабадисам̣яуд̇д̇зсу сигкаабад̣̇зсу г̇аманасса асамбхавод̇и ааха ‘‘нисийд̣̇анзна яуд̇д̇зсуу’’д̇и.
1890. Itthambhūte karaṇavacanaṃ. Gamanapaṭisaṃyuttesu sikkhāpadesu gamanassa asambhavoti āha ‘‘nisīdanena yuttesū’’ti.
бан̃жамачадтасад̇д̇амадтаманавамаани.
Pañcamachaṭṭhasattamaṭṭhamanavamāni.
д̣̇уд̇ияо ваг̇г̇о.
Dutiyo vaggo.
1891. камбхам̣ гад̇ваад̇и гадияаа згабассз ваа д̣̇вийсу ваа бассзсу габбарасанд̇хид̇о аабхуж̇ид̇ваа хад̇т̇ам̣ табзд̇ваа. яат̇ааха – ‘‘камбхагад̇о наама гадияам̣ хад̇т̇ам̣ табзд̇ваа гад̇акамбхо’’д̇и (баажи. адта. 596). уггудигааяа ваа г̇ажчад̇од̇и яож̇анаа. уггудигаа вужжад̇и бан̣хияо угкибид̇ваа аг̇г̇абаад̣̇зхи ваа аг̇г̇абаад̣̇з угкибид̇ваа бан̣хийхи зва ваа бхуумим̣ пусанд̇асса г̇аманам̣.
1891.Khambhaṃ katvāti kaṭiyā ekapasse vā dvīsu vā passesu kapparasandhito ābhujitvā hatthaṃ ṭhapetvā. Yathāha – ‘‘khambhakato nāma kaṭiyaṃ hatthaṃ ṭhapetvā katakhambho’’ti (pāci. aṭṭha. 596). Ukkuṭikāya vā gacchatoti yojanā. Ukkuṭikā vuccati paṇhiyo ukkhipitvā aggapādehi vā aggapāde ukkhipitvā paṇhīhi eva vā bhūmiṃ phusantassa gamanaṃ.
1892. д̣̇уссабаллад̇т̇игааяаад̇и ааяог̇абаллад̇т̇игааяа. анд̇арагхарз нисийд̣̇анд̇асса д̇асса д̣̇уггадам̣ ход̇ийд̇и яож̇анаа.
1892.Dussapallatthikāyāti āyogapallatthikāya. Antaraghare nisīdantassa tassa dukkaṭaṃ hotīti yojanā.
1893. д̣̇уд̇ияз жаад̇и ‘‘на камбхагад̇о анд̇арагхарз нисийд̣̇иссаамий’’д̇и (баажи. 597) сигкаабад̣̇з жа. жад̇уд̇т̇з жаад̇и ‘‘на ог̇ун̣тид̇о анд̇арагхарз нисийд̣̇иссаамий’’д̇и (баажи. 599) сигкаабад̣̇з жа. чадтзд̇и ‘‘на баллад̇т̇игааяа анд̇арагхарз’’ижжаад̣̇и (баажи. 601) сигкаабад̣̇з жа. ид̇и звам̣ сааруббаа саман̣аажаараанужчавигаа чаб̣б̣ийсад̇и сигкаабад̣̇аани багаасид̇аани.
1893.Dutiyecāti ‘‘na khambhakato antaraghare nisīdissāmī’’ti (pāci. 597) sikkhāpade ca. Catutthe cāti ‘‘na oguṇṭhito antaraghare nisīdissāmī’’ti (pāci. 599) sikkhāpade ca. Chaṭṭheti ‘‘na pallatthikāya antaraghare’’iccādi (pāci. 601) sikkhāpade ca. Iti evaṃ sāruppā samaṇācārānucchavikā chabbīsati sikkhāpadāni pakāsitāni.
батамад̣̇уд̇ияад̇ад̇ияажад̇уд̇т̇абан̃жамачадтаани.
Paṭhamadutiyatatiyacatutthapañcamachaṭṭhāni.
1894. вин̃н̃унаа бхигкунаа саггажжам̣ сад̇ияуд̇д̇зна, бад̇д̇асан̃н̃инаа жа худ̇ваа самасуубова бин̣д̣абаад̇о г̇ахзд̇аб̣б̣од̇и яож̇анаа. звам̣ зд̇ааяа г̇аат̇ааяа сигкаабад̣̇ад̇д̇аяам̣ сан̇г̇ахид̇ам̣. саггажжанд̇и сад̇им̣ убадтабзд̇ваа. ‘‘сад̇ияуд̇д̇знаа’’д̇и ид̣̇ам̣ ‘‘саггажжа’’нд̇и зд̇асса ад̇т̇абад̣̇ам̣. ‘‘сад̇им̣ убадтабзд̇ваа’’д̇и (баажи. адта. 602) хи адтагат̇ааяам̣ вуд̇д̇ам̣. бад̇д̇з сан̃н̃аа бад̇д̇асан̃н̃аа, саа асса ад̇т̇ийд̇и бад̇д̇асан̃н̃ий, анан̃н̃авихид̇зна ад̇д̇ано бхааж̇анзязва убаниб̣ад̣̇д̇хасан̃н̃инаад̇и ад̇т̇о.
1894. Viññunā bhikkhunā sakkaccaṃ satiyuttena, pattasaññinā ca hutvā samasūpova piṇḍapāto gahetabboti yojanā. Evaṃ etāya gāthāya sikkhāpadattayaṃ saṅgahitaṃ. Sakkaccanti satiṃ upaṭṭhapetvā. ‘‘Satiyuttenā’’ti idaṃ ‘‘sakkacca’’nti etassa atthapadaṃ. ‘‘Satiṃ upaṭṭhapetvā’’ti (pāci. aṭṭha. 602) hi aṭṭhakathāyaṃ vuttaṃ. Patte saññā pattasaññā, sā assa atthīti pattasaññī, anaññavihitena attano bhājaneyeva upanibaddhasaññināti attho.
1895. бхад̇д̇ажад̇уб̣бхааг̇од̇и бхад̇д̇асса жад̇уб̣бхааг̇аббамаан̣о. д̇ад̇о ад̇хигам̣ г̇ан̣хад̇о д̣̇уггадам̣.
1895.Bhattacatubbhāgoti bhattassa catubbhāgappamāṇo. Tato adhikaṃ gaṇhato dukkaṭaṃ.
1896. ‘‘расарасз’’д̇и вад̇д̇аб̣б̣з ‘‘расзрасз’’д̇и г̇аат̇ааб̣анд̇хавасзна вуд̇д̇ам̣. д̣̇вз суубз табзд̇ваа авасзсаани олон̣исаагасуубзяяамажчарасамам̣сарасаад̣̇ийни расарасаад̇и взд̣̇ид̇аб̣б̣аани. зд̇т̇а жа ‘‘олон̣ийд̇и д̣̇ад̇хигад̇ам̣ г̇ораса’’нд̇и гзжи. ‘‘згаа б̣яан̃ж̇анавигад̇ий’’д̇и абарз. ‘‘яо гожи суд̣̇д̇хо ган̃ж̇игад̇аггаад̣̇ирасо’’д̇и ан̃н̃з. саагасуубзяяаг̇г̇ахан̣зна яаа гаажи суубзяяасаагзхи гад̇аа б̣яан̃ж̇анавигад̇и вуд̇д̇аа. мам̣сарасаад̣̇ийнийд̇и аад̣̇и-сад̣̇д̣̇зна авасзсаа саб̣б̣ааби б̣яан̃ж̇анавигад̇и сан̇г̇ахид̇аад̇и д̣̇адтаб̣б̣ам̣. н̃аад̇агаад̣̇ийнанд̇и зд̇т̇а ‘‘санд̇агам̣ г̇ан̣ханд̇ассаа’’д̇и сзсо. ан̃н̃ад̇т̇ааяаад̇и зд̇т̇а ‘‘гад̇ам̣ г̇ан̣ханд̇ассаа’’д̇и сзсо. д̇ханзнаад̇и зд̇т̇а ‘‘ад̇д̇ано’’д̇и жа ‘‘гийд̇а’’нд̇и жа ‘‘г̇ан̣ханд̇ассаа’’д̇и жа сзсо. н̃аад̇агаад̣̇ийнам̣ санд̇агам̣ г̇ан̣ханд̇асса, ан̃н̃ад̇т̇ааяа гад̇ам̣ г̇ан̣ханд̇асса, ад̇д̇ано д̇ханзна гийд̇ам̣ г̇ан̣ханд̇асса анаабад̇д̇ийд̇и ад̇т̇о.
1896. ‘‘Rasarase’’ti vattabbe ‘‘raserase’’ti gāthābandhavasena vuttaṃ. Dve sūpe ṭhapetvā avasesāni oloṇisākasūpeyyamaccharasamaṃsarasādīni rasarasāti veditabbāni. Ettha ca ‘‘oloṇīti dadhikataṃ gorasa’’nti keci. ‘‘Ekā byañjanavikatī’’ti apare. ‘‘Yo koci suddho kañjikatakkādiraso’’ti aññe. Sākasūpeyyaggahaṇena yā kāci sūpeyyasākehi katā byañjanavikati vuttā. Maṃsarasādīnīti ādi-saddena avasesā sabbāpi byañjanavikati saṅgahitāti daṭṭhabbaṃ. Ñātakādīnanti ettha ‘‘santakaṃ gaṇhantassā’’ti seso. Aññatthāyāti ettha ‘‘kataṃ gaṇhantassā’’ti seso. Dhanenāti ettha ‘‘attano’’ti ca ‘‘kīta’’nti ca ‘‘gaṇhantassā’’ti ca seso. Ñātakādīnaṃ santakaṃ gaṇhantassa, aññatthāya kataṃ gaṇhantassa, attano dhanena kītaṃ gaṇhantassa anāpattīti attho.
сад̇д̇амадтаманавамаани.
Sattamaṭṭhamanavamāni.
1897. ад̇хидтаануубаг̇асса бад̇д̇асса мукаваддияаа анд̇олзкаабамаан̣зна буурид̇ова г̇ахзд̇аб̣б̣од̇и яож̇анаа.
1897. Adhiṭṭhānūpagassa pattassa mukhavaṭṭiyā antolekhāpamāṇena pūritova gahetabboti yojanā.
1898. анаабад̇д̇ивисаяам̣ д̣̇ассзд̇ваа аабад̇д̇ивисаяам̣ д̣̇ассзд̇умааха ‘‘д̇ад̇т̇аа’’д̇иаад̣̇и. д̇ад̇т̇аад̇и ад̇хидтаануубаг̇з бад̇д̇з. т̇уубийгад̇ам̣ гад̇ваад̇и зд̇т̇а ‘‘д̣̇ияяамаана’’нд̇и сзсо. яат̇аавуд̇д̇алзкаад̇иггамо яат̇аа ход̇и, звам̣ т̇уубийгад̇ам̣ д̣̇ияяамаанам̣ г̇ан̣хад̇о аабад̇д̇и д̣̇уггаданд̇и самб̣анд̇хо. иминаа батамам̣ т̇уубийгад̇асса ад̇хидтаануубаг̇абад̇д̇асса бажчаа бадиг̇г̇ахан̣ан̃жа батамабадиг̇г̇ахид̇абад̇д̇з бажчаа бхож̇анасса т̇уубийгад̇асса бадиг̇г̇ахан̣ан̃жа ниваарид̇анд̇и взд̣̇ид̇аб̣б̣ам̣.
1898. Anāpattivisayaṃ dassetvā āpattivisayaṃ dassetumāha ‘‘tatthā’’tiādi. Tatthāti adhiṭṭhānūpage patte. Thūpīkataṃ katvāti ettha ‘‘diyyamāna’’nti seso. Yathāvuttalekhātikkamo yathā hoti, evaṃ thūpīkataṃ diyyamānaṃ gaṇhato āpatti dukkaṭanti sambandho. Iminā paṭhamaṃ thūpīkatassa adhiṭṭhānūpagapattassa pacchā paṭiggahaṇañca paṭhamapaṭiggahitapatte pacchā bhojanassa thūpīkatassa paṭiggahaṇañca nivāritanti veditabbaṃ.
1899. гаалигад̇д̇аяамзва жа т̇уубийгад̇ам̣ ваддад̇зваад̇и яож̇анаа. сзсзд̇и анад̇хидтаануубаг̇з бад̇д̇з. саб̣б̣анд̇и жад̇уб̣б̣ид̇хам̣ гаалигам̣ т̇уубийгад̇ам̣ ваддад̇ийд̇и яож̇анаа.
1899. Kālikattayameva ca thūpīkataṃ vaṭṭatevāti yojanā. Seseti anadhiṭṭhānūpage patte. Sabbanti catubbidhaṃ kālikaṃ thūpīkataṃ vaṭṭatīti yojanā.
1900. бзсзд̇ийд̇и зд̇т̇а ‘‘бхигкуу’’д̇и сзсо. бхигку бхигкуунам̣ яад̣̇и бзсзд̇ийд̇и яож̇анаа. ‘‘вихаарам̣ бзсзд̇ум̣ ваддад̇ий’’д̇и (баажи. адта. 605) адтагат̇ааяа ад̇хиббааяам̣ д̣̇ассзд̇ум̣ ‘‘бхигкууна’’нд̇и важанзна бадиг̇г̇ахан̣ам̣ авиж̇ахид̇ваа бхигкунаа зва бзсид̇ам̣ г̇ан̣ханд̇аанам̣ бхигкуунам̣ анаабад̇д̇ийд̇и д̣̇ийбид̇ам̣ ход̇и. ан̃н̃ат̇аа ‘‘буурзд̇ум̣ ваддад̇ий’’д̇и зд̇д̇агамзва вад̇д̇аб̣б̣анд̇и вин̃н̃ааяад̇и.
1900.Pesetīti ettha ‘‘bhikkhū’’ti seso. Bhikkhu bhikkhūnaṃ yadi pesetīti yojanā. ‘‘Vihāraṃ pesetuṃ vaṭṭatī’’ti (pāci. aṭṭha. 605) aṭṭhakathāya adhippāyaṃ dassetuṃ ‘‘bhikkhūna’’nti vacanena paṭiggahaṇaṃ avijahitvā bhikkhunā eva pesitaṃ gaṇhantānaṃ bhikkhūnaṃ anāpattīti dīpitaṃ hoti. Aññathā ‘‘pūretuṃ vaṭṭatī’’ti ettakameva vattabbanti viññāyati.
1901. багкиббамаананд̇и мукаваддид̇о ужжам̣ гад̇ваа маж̇жхз багкибияамаанам̣. палаад̣̇иганд̇и аад̣̇и-сад̣̇д̣̇зна од̣̇анаад̣̇имби сан̇г̇ан̣хаад̇и. хздтаа орохад̇ийд̇и саманд̇аа огаасасамбхавад̇о жаалияамаанам̣ мукаваддиббамаан̣ад̇о хздтаа бхассад̇и.
1901.Pakkhippamānanti mukhavaṭṭito uccaṃ katvā majjhe pakkhipiyamānaṃ. Phalādikanti ādi-saddena odanādimpi saṅgaṇhāti. Heṭṭhāorohatīti samantā okāsasambhavato cāliyamānaṃ mukhavaṭṭippamāṇato heṭṭhā bhassati.
1902. д̇агголагаад̣̇ийнанд̇и зд̇т̇а аад̣̇и-сад̣̇д̣̇зна бууг̇апалаад̣̇ийнам̣ сан̇г̇ахо. табзд̇ваад̇и бхад̇д̇амад̇т̇агз нигкибид̇ваа. вадам̣саганд̇и авадам̣сагам̣.
1902.Takkolakādīnanti ettha ādi-saddena pūgaphalādīnaṃ saṅgaho. Ṭhapetvāti bhattamatthake nikkhipitvā. Vaṭaṃsakanti avaṭaṃsakaṃ.
1903. буувассаад̇и вигаарасамб̣анд̇хз саамиважанам̣, буувавадам̣саганд̇и вуд̇д̇ам̣ ход̇и. буувасса яаавагаалигад̇д̇аа ааха ‘‘ид̣̇ам̣ т̇уубийгад̇ам̣ сияаа’’д̇и.
1903.Pūvassāti vikārasambandhe sāmivacanaṃ, pūvavaṭaṃsakanti vuttaṃ hoti. Pūvassa yāvakālikattā āha ‘‘idaṃ thūpīkataṃ siyā’’ti.
1904. бан̣н̣аанам̣ висум̣ бхааж̇анад̇д̇аа ааха ‘‘ваддад̇ий’’д̇и.
1904. Paṇṇānaṃ visuṃ bhājanattā āha ‘‘vaṭṭatī’’ti.
1905. ассаад̇и бхигкусса. д̇ам̣ д̇у саб̣б̣анд̇и ‘‘т̇уубийгад̇ад̇д̇аа на ваддад̇ий’’д̇и вуд̇д̇ам̣ д̇ам̣ бана саб̣б̣ам̣. г̇ахид̇ам̣ суг̇ахид̇анд̇и вираад̇хзд̇ваа бадиг̇г̇ахид̇ам̣ жз, суббадиг̇г̇ахид̇ам̣.
1905.Assāti bhikkhussa. Taṃ tu sabbanti ‘‘thūpīkatattā na vaṭṭatī’’ti vuttaṃ taṃ pana sabbaṃ. Gahitaṃ sugahitanti virādhetvā paṭiggahitaṃ ce, suppaṭiggahitaṃ.
д̣̇асамам̣.
Dasamaṃ.
д̇ад̇ияо ваг̇г̇о.
Tatiyo vaggo.
1906. ‘‘убари од̇хи’’нд̇и бад̣̇ажчзд̣̇о. убарийд̇и бхад̇д̇асса убари. од̇хинд̇и барижчзд̣̇ам̣. бадибаадияаад̇и ад̇д̇ано д̣̇исааяа барияанд̇ад̇о бадтааяа ануггамзна.
1906. ‘‘Upari odhi’’nti padacchedo. Uparīti bhattassa upari. Odhinti paricchedaṃ. Paṭipāṭiyāti attano disāya pariyantato paṭṭhāya anukkamena.
1907. ан̃н̃зсанд̇и зд̇т̇а ‘‘д̣̇знд̇о’’д̇и сзсо. ад̇д̇ано бхад̇д̇ам̣ ан̃н̃зсам̣ д̣̇знд̇о ан̃н̃асса бхааж̇анз аагирам̣ аагиранд̇о бана бадибаадим̣ винааби д̇ахим̣ д̇ахим̣ омасад̇и жз, над̇т̇и д̣̇осод̇и яож̇анаа. уд̇д̇арибхан̇г̇агам̣ д̇ат̇аа аагиранд̇о д̇ад̇т̇а д̇ад̇т̇а омасад̇и, над̇т̇и д̣̇осод̇и яож̇анаа . бхун̃ж̇анад̇т̇ааяа г̇ан̣ханд̇оби жзд̇т̇а вад̇д̇аб̣б̣о. уд̇д̇арибхан̇г̇ам̣ наама б̣яан̃ж̇анам̣.
1907.Aññesanti ettha ‘‘dento’’ti seso. Attano bhattaṃ aññesaṃ dento aññassa bhājane ākiraṃ ākiranto pana paṭipāṭiṃ vināpi tahiṃ tahiṃ omasati ce, natthi dosoti yojanā. Uttaribhaṅgakaṃ tathā ākiranto tattha tattha omasati, natthi dosoti yojanā . Bhuñjanatthāya gaṇhantopi cettha vattabbo. Uttaribhaṅgaṃ nāma byañjanaṃ.
д̇ад̇ияам̣.
Tatiyaṃ.
1908. мад̇т̇агам̣ омад̣̇д̣̇ид̇ваа барибхун̃ж̇ад̇о д̣̇осод̇и яож̇анаа. ‘‘т̇уубагад̇од̇и мад̇т̇агад̇о, взмаж̇жхад̇о’’д̇и (баажи. адта. 610) адтагат̇ааважанад̇о мад̇т̇аганд̇и зд̇т̇а бхад̇д̇амад̇т̇агамааха. омад̣̇д̣̇ид̇ваад̇и хад̇т̇зна бхад̇д̇ам̣ авамад̣̇д̣̇ид̇ваа.
1908. Matthakaṃ omadditvā paribhuñjato dosoti yojanā. ‘‘Thūpakatoti matthakato, vemajjhato’’ti (pāci. aṭṭha. 610) aṭṭhakathāvacanato matthakanti ettha bhattamatthakamāha. Omadditvāti hatthena bhattaṃ avamadditvā.
1909. сзсагз барид̇д̇зби жаад̇и авасидтз аббагзби жа. сам̣гад̣дхид̇ваанаад̇и д̇асмим̣ д̇асмим̣ таанз тид̇ам̣ сам̣харид̇ваа. згад̇о бана мад̣̇д̣̇ид̇ваа бхун̃ж̇ад̇о анаабад̇д̇ийд̇и яож̇анаа.
1909.Sesake parittepi cāti avasiṭṭhe appakepi ca. Saṃkaḍḍhitvānāti tasmiṃ tasmiṃ ṭhāne ṭhitaṃ saṃharitvā. Ekato pana madditvā bhuñjato anāpattīti yojanā.
бан̃жамам̣.
Pañcamaṃ.
1910. бхияяогамяад̇аахзд̇ууд̇и буна г̇ан̣хид̇угаамад̇аахзд̇у. суубам̣ ваад̇и муг̇г̇аад̣̇исуубам̣ ваа. б̣яан̃ж̇анам̣ ваад̇и уд̇д̇арибхан̇г̇ам̣ ваа.
1910.Bhiyyokamyatāhetūti puna gaṇhitukāmatāhetu. Sūpaṃ vāti muggādisūpaṃ vā. Byañjanaṃ vāti uttaribhaṅgaṃ vā.
чадтам̣.
Chaṭṭhaṃ.
1911. вин̃н̃ад̇д̇ияанд̇и суубод̣̇анавин̃н̃ад̇д̇ияам̣. ‘‘н̃аад̇агаанам̣ ваа баваарид̇аанам̣ ваа ан̃н̃асса ад̇т̇ааяа ваа ад̇д̇ано д̇ханзна ваа’’д̇и ид̣̇ам̣ анаабад̇д̇ияам̣ ад̇хигам̣. г̇илааноби худ̇ваа барзсам̣ бад̇д̇ам̣ уж̇жхаанасан̃н̃ааяа ологзнд̇асса аабад̇д̇и ход̇ийд̇и ааха ‘‘уж̇жхаанз г̇илааноби на мужжад̇ий’’д̇и. уж̇жхаанзд̇и нимид̇д̇ад̇т̇з бхуммам̣.
1911.Viññattiyanti sūpodanaviññattiyaṃ. ‘‘Ñātakānaṃ vā pavāritānaṃ vā aññassa atthāya vā attano dhanena vā’’ti idaṃ anāpattiyaṃ adhikaṃ. Gilānopi hutvā paresaṃ pattaṃ ujjhānasaññāya olokentassa āpatti hotīti āha ‘‘ujjhāne gilānopi na muccatī’’ti. Ujjhāneti nimittatthe bhummaṃ.
1912. д̣̇ассаамийд̇и имасса бхад̇д̇ам̣ ологзд̇ваа ‘‘яам̣ д̇ад̇т̇а над̇т̇и, д̇ам̣ д̣̇ассаамий’’д̇и ваа ‘‘д̣̇аабзссаамий’’д̇и ваа. аваман̃н̃ид̇ваа уж̇жхааяанажид̇д̇ам̣ уж̇жхаанам̣, уж̇жхаанз сан̃н̃аа уж̇жхаанасан̃н̃аа, саа асса ад̇т̇ийд̇и виг̇г̇ахо. науж̇жхаанасан̃н̃ино жа анаабад̇д̇ийд̇и н̃аад̇аб̣б̣анд̇и яож̇анаа.
1912.Dassāmīti imassa bhattaṃ oloketvā ‘‘yaṃ tattha natthi, taṃ dassāmī’’ti vā ‘‘dāpessāmī’’ti vā. Avamaññitvā ujjhāyanacittaṃ ujjhānaṃ, ujjhāne saññā ujjhānasaññā, sā assa atthīti viggaho. Naujjhānasaññino ca anāpattīti ñātabbanti yojanā.
сад̇д̇амадтамаани.
Sattamaṭṭhamāni.
1913. ‘‘д̇зсам̣ маж̇жхаббамаан̣знаа’’д̇и иминаа асааруббавасзна куд̣̇д̣̇агабадигкзбо гад̇од̇и взд̣̇ид̇аб̣б̣о. ‘‘наад̇имаханд̇а’’нд̇и жа ад̇имаханд̇ассзва бадигкид̇д̇ад̇д̇аа куд̣̇д̣̇агз аабад̇д̇и на д̣̇иссад̇ийд̇и. габ̣ал̣од̇и аалобо.
1913.‘‘Tesaṃ majjhappamāṇenā’’ti iminā asāruppavasena khuddakapaṭikkhepo katoti veditabbo. ‘‘Nātimahanta’’nti ca atimahantasseva paṭikkhittattā khuddake āpatti na dissatīti. Kabaḷoti ālopo.
1914. муулакаад̣̇анийяаад̣̇игз саб̣б̣ад̇т̇а каж̇ж̇агз банаад̇и яож̇анаа. палаапалзд̇и куд̣̇д̣̇агз, маханд̇з жа палз.
1914. Mūlakhādanīyādike sabbattha khajjake panāti yojanā. Phalāphaleti khuddake, mahante ca phale.
навамам̣.
Navamaṃ.
1915. д̣̇асамз над̇т̇и гин̃жи вад̇д̇аб̣б̣ам̣.
1915. Dasame natthi kiñci vattabbaṃ.
д̣̇асамам̣.
Dasamaṃ.
жад̇уд̇т̇о ваг̇г̇о.
Catuttho vaggo.
1916. ‘‘анаахадз’’д̇и зд̇асса ад̇т̇абад̣̇ам̣ ‘‘мукад̣̇ваарам̣ аббад̇д̇з’’д̇и. яат̇ааха ‘‘анаахадзд̇и анаахарид̇з, мукад̣̇ваарам̣ асамбаабид̇зд̇и ад̇т̇о’’д̇и (баажи. адта. 617). ‘‘мукад̣̇ваарам̣ виваранд̇ассаа’’д̇и зд̇д̇агз вуд̇д̇з мукад̣̇ваара-сад̣̇д̣̇асса самб̣анд̇хисад̣̇д̣̇ад̇д̇аа гассаад̇и абзгкааяа ‘‘мукад̣̇ваарам̣ вивариссаамий’’д̇и ад̇д̇анобад̣̇згаважанзна б̣яан̃ж̇ид̇амзвад̇т̇ам̣ багаасзд̇ум̣ ад̇д̇ано-г̇ахан̣ам̣ гад̇анд̇и взд̣̇ид̇аб̣б̣ам̣. жа-сад̣̇д̣̇о звагаарад̇т̇о, аббад̇д̇з ваад̇и яож̇зд̇аб̣б̣о, асамбад̇д̇зязваад̇и ад̇т̇о.
1916.‘‘Anāhaṭe’’ti etassa atthapadaṃ ‘‘mukhadvāraṃ appatte’’ti. Yathāha ‘‘anāhaṭeti anāharite, mukhadvāraṃ asampāpiteti attho’’ti (pāci. aṭṭha. 617). ‘‘Mukhadvāraṃ vivarantassā’’ti ettake vutte mukhadvāra-saddassa sambandhisaddattā kassāti apekkhāya ‘‘mukhadvāraṃ vivarissāmī’’ti attanopadekavacanena byañjitamevatthaṃ pakāsetuṃ attano-gahaṇaṃ katanti veditabbaṃ. Ca-saddo evakārattho, appatte vāti yojetabbo, asampatteyevāti attho.
батамам̣.
Paṭhamaṃ.
1917. сагалам̣ хад̇т̇анд̇и зд̇т̇а хад̇т̇а-сад̣̇д̣̇о д̇ад̣̇згад̣̇зсзсу ан̇г̇улийсу д̣̇адтаб̣б̣о. ‘‘хад̇т̇амуд̣̇д̣̇аа’’д̇иаад̣̇ийсу вияа самуд̣̇ааяз бавад̇д̇авохаарасса аваяавзби бавад̇д̇анад̇о зган̇г̇улимби мукз багкибид̇ум̣ на ваддад̇и.
1917.Sakalaṃhatthanti ettha hattha-saddo tadekadesesu aṅgulīsu daṭṭhabbo. ‘‘Hatthamuddā’’tiādīsu viya samudāye pavattavohārassa avayavepi pavattanato ekaṅgulimpi mukhe pakkhipituṃ na vaṭṭati.
1918. ассаад̇и бхигкуно. б̣яаахаранд̇ассаад̇и гат̇знд̇асса.
1918.Assāti bhikkhuno. Byāharantassāti kathentassa.
д̣̇уд̇ияад̇ад̇ияаани.
Dutiyatatiyāni.
1920. бин̣д̣угкзбаганд̇и бин̣д̣ам̣ угкибид̇ваа угкибид̇ваа. ид̇хааби каж̇ж̇агапалаапалзсу анаабад̇д̇и. габ̣ал̣ажчзд̣̇агамби ваад̇и габ̣ал̣ам̣ чинд̣̇ид̇ваа. ид̇ха каж̇ж̇агапалаапалзхи сад̣̇д̇хим̣ уд̇д̇арибхан̇г̇зби анаабад̇д̇и. г̇ан̣д̣з гад̇ваад̇и зд̇т̇а палаапаламад̇д̇зязва анаабад̇д̇и.
1920.Piṇḍukkhepakanti piṇḍaṃ ukkhipitvā ukkhipitvā. Idhāpi khajjakaphalāphalesu anāpatti. Kabaḷacchedakampi vāti kabaḷaṃ chinditvā. Idha khajjakaphalāphalehi saddhiṃ uttaribhaṅgepi anāpatti. Gaṇḍe katvāti ettha phalāphalamatteyeva anāpatti.
жад̇уд̇т̇абан̃жамачадтаани.
Catutthapañcamachaṭṭhāni.
1921-2. хад̇т̇ам̣ нид̣̇д̇хунид̇ваанаад̇и хад̇т̇ам̣ нид̣̇д̇хунид̇ваа бхад̇д̇ам̣ бхун̃ж̇ад̇од̇и жа самб̣анд̇хо. сид̇т̇аавагаараганд̇и сид̇т̇аани авагирид̇ваа авагирид̇ваа. ж̇ивхаанижчаарагам̣ ваабийд̇и ж̇ивхам̣ нижчаарзд̇ваа нижчаарзд̇ваа. жабу жабууд̇и ваад̇и ‘‘жабу жабуу’’д̇и звам̣ сад̣̇д̣̇ам̣ гад̇ваа. сад̇д̇амзд̇и ‘‘на хад̇т̇анид̣̇д̇хунага’’нд̇и сигкаабад̣̇з. адтамзд̇и ‘‘на сид̇т̇аавагаарага’’нд̇и сигкаабад̣̇з. гажаваруж̇жханзд̇и гажавараабанаяанз.
1921-2.Hatthaṃ niddhunitvānāti hatthaṃ niddhunitvā bhattaṃ bhuñjatoti ca sambandho. Sitthāvakārakanti sitthāni avakiritvā avakiritvā. Jivhānicchārakaṃ vāpīti jivhaṃ nicchāretvā nicchāretvā. Capu capūti vāti ‘‘capu capū’’ti evaṃ saddaṃ katvā. Sattameti ‘‘na hatthaniddhunaka’’nti sikkhāpade. Aṭṭhameti ‘‘na sitthāvakāraka’’nti sikkhāpade. Kacavarujjhaneti kacavarāpanayane.
сад̇д̇амадтаманавамад̣̇асамаани.
Sattamaṭṭhamanavamadasamāni.
бан̃жамо ваг̇г̇о.
Pañcamo vaggo.
1923. ‘‘суру суруу’’д̇и звам̣ сад̣̇д̣̇ам̣ гад̇ваа на бход̇д̇аб̣б̣анд̇и яож̇анаа. хад̇т̇аниллзхагам̣ ваабийд̇и хад̇т̇ам̣ ниллзхид̇ваа ниллзхид̇ваа.
1923. ‘‘Suru surū’’ti evaṃ saddaṃ katvā na bhottabbanti yojanā. Hatthanillehakaṃ vāpīti hatthaṃ nillehitvā nillehitvā.
1924. паан̣ид̇ам̣ , гханаяааг̇ум̣ ваа ан̇г̇улийхи г̇ахзд̇ваа ан̇г̇улияо мукз бавзсзд̇вааби д̇ам̣ бход̇д̇ум̣ ваддад̇ийд̇и яож̇анаа.
1924. Phāṇitaṃ , ghanayāguṃ vā aṅgulīhi gahetvā aṅguliyo mukhe pavesetvāpi taṃ bhottuṃ vaṭṭatīti yojanā.
1925. згааяа ан̇г̇улигааяаби бад̇д̇о на лзхид̇аб̣б̣ова. ж̇ивхааяа згаодтоби на ниллзхид̇аб̣б̣агод̇и яож̇анаа. б̣ахи одтан̃жа ж̇ивхааяа на лзхид̇аб̣б̣ам̣. одтз лаг̇г̇ам̣ сид̇т̇аад̣̇им̣ яам̣ гин̃жи убхохи одтамам̣сзхиязва г̇ахзд̇ваа анд̇о гаад̇ум̣ ваддад̇и.
1925. Ekāya aṅgulikāyapi patto na lehitabbova. Jivhāya ekaoṭṭhopi na nillehitabbakoti yojanā. Bahi oṭṭhañca jivhāya na lehitabbaṃ. Oṭṭhe laggaṃ sitthādiṃ yaṃ kiñci ubhohi oṭṭhamaṃsehiyeva gahetvā anto kātuṃ vaṭṭati.
батамад̣̇уд̇ияад̇ад̇ияажад̇уд̇т̇аани.
Paṭhamadutiyatatiyacatutthāni.
1926-8. на жа г̇ахзд̇аб̣б̣ам̣, бадиггуулавасзна бадигкид̇д̇анд̇и яож̇анаа. хи-ид̇и ‘‘яасмаа’’д̇и зд̇асса ад̇т̇з, д̇знзва вагкад̇и ‘‘д̇асмаа’’д̇и. ‘‘баанийяат̇аалага’’нд̇и ид̣̇ам̣ убалагкан̣амад̇д̇ам̣ сан̇каад̣̇ийнамби д̇ат̇аа наг̇ахзд̇аб̣б̣ад̇д̇аа. сараавам̣ ваад̇и д̇аддагам̣ ваа.
1926-8.Na ca gahetabbaṃ, paṭikkūlavasena paṭikkhittanti yojanā. Hi-iti ‘‘yasmā’’ti etassa atthe, teneva vakkhati ‘‘tasmā’’ti. ‘‘Pānīyathālaka’’nti idaṃ upalakkhaṇamattaṃ saṅkhādīnampi tathā nagahetabbattā. Sarāvaṃ vāti taṭṭakaṃ vā.
анаамисзна хад̇т̇знаад̇и аамисарахид̇зна хад̇т̇згад̣̇зсзна. яат̇ааха ‘‘сажз бана хад̇т̇асса
Anāmisena hatthenāti āmisarahitena hatthekadesena. Yathāha ‘‘sace pana hatthassa
згад̣̇зсо аамисамагкид̇о на ход̇и, д̇зна бад̣̇зсзна г̇ахзд̇ум̣ ваддад̇ий’’д̇и (баажи. адта. 631). аамисамагкид̇знзва хад̇т̇зна ‘‘д̇ховиссаамий’’д̇и ваа ‘‘д̇ховаабзссаамий’’д̇и ваа г̇ан̣ханд̇асса бана анаабад̇д̇и.
Ekadeso āmisamakkhito na hoti, tena padesena gahetuṃ vaṭṭatī’’ti (pāci. aṭṭha. 631). Āmisamakkhiteneva hatthena ‘‘dhovissāmī’’ti vā ‘‘dhovāpessāmī’’ti vā gaṇhantassa pana anāpatti.
бан̃жамам̣.
Pañcamaṃ.
1929. уд̣̇д̇харид̇ваад̇и сасид̇т̇агаа бад̇д̇ад̇хованаа сид̇т̇агаани уд̣̇д̇харид̇ваа д̇ам̣ бад̇д̇ад̇хованод̣̇агам̣ гхараа б̣ахи анд̇арагхарз чад̣д̣знд̇асса анаабад̇д̇и. бхинд̣̇ид̇ваад̇и сасид̇т̇агз бад̇д̇ад̇хованз сид̇т̇агаани мад̣̇д̣̇ид̇ваа уд̣̇агзна самбхинд̣̇ид̇ваа уд̣̇агаг̇ад̇игаанзва гад̇ваа д̇ам̣ уд̣̇агам̣ гхараа б̣ахи анд̇арагхарз чад̣д̣знд̇асса анаабад̇д̇и. г̇ахзд̇ваад̇и сасид̇т̇агам̣ бад̇д̇ад̇хованод̣̇агам̣ г̇ахзд̇ваа бадиг̇г̇ахз чад̣д̣знд̇асса анаабад̇д̇и. сасид̇т̇агам̣ бад̇д̇ад̇хованод̣̇агам̣ гхараа б̣ахи нийхарид̇ваа анд̇арагхарз чад̣д̣знд̇асса анаабад̇д̇ийд̇и аж̇жхаахаараяож̇анаа взд̣̇ид̇аб̣б̣аа. зд̇т̇а бадиг̇г̇ахо наама кзл̣амаллаад̣̇иго ужчидтахад̇т̇ад̇хованабхааж̇анависзсо.
1929.Uddharitvāti sasitthakā pattadhovanā sitthakāni uddharitvā taṃ pattadhovanodakaṃ gharā bahi antaraghare chaḍḍentassa anāpatti. Bhinditvāti sasitthake pattadhovane sitthakāni madditvā udakena sambhinditvā udakagatikāneva katvā taṃ udakaṃ gharā bahi antaraghare chaḍḍentassa anāpatti. Gahetvāti sasitthakaṃ pattadhovanodakaṃ gahetvā paṭiggahe chaḍḍentassa anāpatti. Sasitthakaṃ pattadhovanodakaṃ gharā bahi nīharitvā antaraghare chaḍḍentassa anāpattīti ajjhāhārayojanā veditabbā. Ettha paṭiggaho nāma kheḷamallādiko ucchiṭṭhahatthadhovanabhājanaviseso.
чадтам̣.
Chaṭṭhaṃ.
1930. чад̇д̇ам̣ яам̣ гин̃жийд̇и ‘‘чад̇д̇ам̣ наама д̇ийн̣и чад̇д̇аани сзд̇ажчад̇д̇ам̣ гилан̃ж̇ажчад̇д̇ам̣ бан̣н̣ажчад̇д̇ам̣ ман̣д̣алаб̣ад̣̇д̇хам̣ салаагаб̣ад̣̇д̇ха’’нд̇и (баажи. 634) вуд̇д̇зсу д̇ийсу чад̇д̇зсу ан̃н̃ад̇арам̣. зд̇т̇а жа сзд̇ажчад̇д̇анд̇и вад̇т̇абалиг̇ун̣тид̇ам̣ бан̣д̣аражчад̇д̇ам̣. гилан̃ж̇ажчад̇д̇анд̇и вилийважчад̇д̇ам̣. бан̣н̣ажчад̇д̇анд̇и д̇аалабан̣н̣аад̣̇ийхи язхи гзхижи гад̇ам̣. ‘‘ман̣д̣алаб̣ад̣̇д̇хам̣ салаагаб̣ад̣̇д̇ха’’нд̇и ид̣̇ам̣ бана д̇ин̣н̣амби чад̇д̇аанам̣ бан̃ж̇арад̣̇ассанад̇т̇ам̣ вуд̇д̇ам̣. д̇аани хи ман̣д̣алаб̣ад̣̇д̇хаани жзва хонд̇и салаагаб̣ад̣̇д̇хаани жа. ‘‘яам̣ гин̃жий’’д̇и анавасзсабариг̇г̇ахаважанзна ‘‘яамби жа д̇ад̇т̇аж̇аад̇ад̣̇ан̣д̣зна гад̇ам̣ згабан̣н̣ажчад̇д̇ам̣ ход̇и, д̇амби чад̇д̇амзваа’’д̇и (баажи. адта. 634) адтагат̇ааяа вуд̇д̇ам̣ чад̇д̇ависзсам̣ г̇ан̣хаад̇и. хад̇т̇знаад̇и зд̇т̇а ‘‘амун̃жид̇ваа’’д̇и сзсо. сарийрааваяавзнаад̇и зд̇т̇а ‘‘г̇ахзд̇ваа’’д̇и сзсо. ваа-сад̣̇д̣̇о аби-сад̣̇д̣̇ад̇т̇о. ам̣сагуудаад̣̇исарийрааваяавзна г̇ахзд̇вааби хад̇т̇зна амун̃жид̇ваа д̇хаарзнд̇ассаад̇и ад̇т̇о.
1930.Chattaṃ yaṃ kiñcīti ‘‘chattaṃ nāma tīṇi chattāni setacchattaṃ kilañjacchattaṃ paṇṇacchattaṃ maṇḍalabaddhaṃ salākabaddha’’nti (pāci. 634) vuttesu tīsu chattesu aññataraṃ. Ettha ca setacchattanti vatthapaliguṇṭhitaṃ paṇḍaracchattaṃ. Kilañjacchattanti vilīvacchattaṃ. Paṇṇacchattanti tālapaṇṇādīhi yehi kehici kataṃ. ‘‘Maṇḍalabaddhaṃ salākabaddha’’nti idaṃ pana tiṇṇampi chattānaṃ pañjaradassanatthaṃ vuttaṃ. Tāni hi maṇḍalabaddhāni ceva honti salākabaddhāni ca. ‘‘Yaṃ kiñcī’’ti anavasesapariggahavacanena ‘‘yampi ca tatthajātadaṇḍena kataṃ ekapaṇṇacchattaṃ hoti, tampi chattamevā’’ti (pāci. aṭṭha. 634) aṭṭhakathāya vuttaṃ chattavisesaṃ gaṇhāti. Hatthenāti ettha ‘‘amuñcitvā’’ti seso. Sarīrāvayavenāti ettha ‘‘gahetvā’’ti seso. Vā-saddo api-saddattho. Aṃsakūṭādisarīrāvayavena gahetvāpi hatthena amuñcitvā dhārentassāti attho.
сажз банасса ан̃н̃о чад̇д̇ам̣ д̇хаарзд̇и, чад̇д̇абаад̣̇угааяа ваа тид̇ам̣ ход̇и, бассз ваа тид̇ам̣ ход̇и,
Sace panassa añño chattaṃ dhāreti, chattapādukāya vā ṭhitaṃ hoti, passe vā ṭhitaṃ hoti,
хад̇т̇ад̇о абаг̇ад̇амад̇д̇з чад̇д̇абаан̣и наама на ход̇и, д̇асса д̇хаммам̣ д̣̇зсзд̇ум̣ ваддад̇и. ‘‘на чад̇д̇абаан̣исса аг̇илаанассаа’’д̇и важанад̇о, ид̇ха ‘‘саб̣б̣ад̇т̇а аг̇илаанассаа’’д̇и вагкамаанад̇д̇аа жа зд̇т̇а ‘‘аг̇илаанассаа’’д̇и лаб̣бхад̇и. д̇хаммабарижчзд̣̇о жзд̇т̇а бад̣̇асод̇хаммз вуд̇д̇анаязнзва взд̣̇ид̇аб̣б̣о. звамубариби.
Hatthato apagatamatte chattapāṇi nāma na hoti, tassa dhammaṃ desetuṃ vaṭṭati. ‘‘Na chattapāṇissa agilānassā’’ti vacanato, idha ‘‘sabbattha agilānassā’’ti vakkhamānattā ca ettha ‘‘agilānassā’’ti labbhati. Dhammaparicchedo cettha padasodhamme vuttanayeneva veditabbo. Evamuparipi.
сад̇д̇амам̣.
Sattamaṃ.
1931. д̣̇ан̣д̣абаан̣имхийд̇и зд̇т̇а д̣̇ан̣д̣о баан̣имхи ассаад̇и виг̇г̇ахо. гид̇д̇агаббамаан̣о д̣̇ан̣д̣од̇и ааха ‘‘жад̇ухад̇т̇аббамаан̣о’’д̇иаад̣̇и. маж̇жхимахад̇т̇ад̇од̇и бамаан̣амаж̇жхимасса бурисасса хад̇т̇ад̇о, яо ‘‘вад̣дхагихад̇т̇о’’д̇и вужжад̇и.
1931.Daṇḍapāṇimhīti ettha daṇḍo pāṇimhi assāti viggaho. Kittakappamāṇo daṇḍoti āha ‘‘catuhatthappamāṇo’’tiādi. Majjhimahatthatoti pamāṇamajjhimassa purisassa hatthato, yo ‘‘vaḍḍhakihattho’’ti vuccati.
адтамам̣.
Aṭṭhamaṃ.
1932. сад̇т̇абаан̣иссаад̇и зд̇т̇ааби виг̇г̇ахо вуд̇д̇анаяова. вагкамаанам̣ сагалам̣ д̇ханувигад̇им̣, саравигад̇ин̃жа табзд̇ваа авасзсам̣ каг̇г̇аад̣̇и сад̇т̇ам̣ наама. каг̇г̇ам̣ саннахид̇ваа тид̇оби сад̇т̇абаан̣и ну код̇и аасан̇гааяа нивад̇д̇анад̇т̇амааха ‘‘сад̇т̇абаан̣ий’’д̇иаад̣̇и. ‘‘на ход̇и аси’’нд̇и бад̣̇ажчзд̣̇о.
1932.Satthapāṇissāti etthāpi viggaho vuttanayova. Vakkhamānaṃ sakalaṃ dhanuvikatiṃ, saravikatiñca ṭhapetvā avasesaṃ khaggādi satthaṃ nāma. Khaggaṃ sannahitvā ṭhitopi satthapāṇi nu khoti āsaṅkāya nivattanatthamāha ‘‘satthapāṇī’’tiādi. ‘‘Na hoti asi’’nti padacchedo.
навамам̣.
Navamaṃ.
1933-5. сарзна сад̣̇д̇хим̣ д̇ханум̣ ваа суд̣̇д̇хад̇ханум̣ ваа суд̣̇д̇хасарам̣ ваа саж̇ияам̣ д̇хануд̣̇ан̣д̣ам̣ ваа ниж̇ияам̣ д̇хануд̣̇ан̣д̣ам̣ ваа г̇ахзд̇ваа тид̇ассааби ваа нисиннассааби ваа нибаннассааби ваа сажз яо д̇ат̇аа бад̣̇асод̇хаммз вуд̇д̇алагкан̣ам̣ сад̣̇д̇хаммам̣ д̣̇зсзд̇и, д̇асса аабад̇д̇и д̣̇уггадам̣ ход̇ийд̇и яож̇анаа. сажз банасса д̇хану канд̇хз бадимуггам̣ ход̇и, яаава на г̇ан̣хаад̇и, д̇аава ваддад̇и. ж̇ияааяа саха вад̇д̇ад̇ийд̇и саж̇ияам̣.
1933-5. Sarena saddhiṃ dhanuṃ vā suddhadhanuṃ vā suddhasaraṃ vā sajiyaṃ dhanudaṇḍaṃ vā nijiyaṃ dhanudaṇḍaṃ vā gahetvā ṭhitassāpi vā nisinnassāpi vā nipannassāpi vā sace yo tathā padasodhamme vuttalakkhaṇaṃ saddhammaṃ deseti, tassa āpatti dukkaṭaṃ hotīti yojanā. Sace panassa dhanu khandhe paṭimukkaṃ hoti, yāva na gaṇhāti, tāva vaṭṭati. Jiyāya saha vattatīti sajiyaṃ.
д̣̇асамам̣.
Dasamaṃ.
чадто ваг̇г̇о.
Chaṭṭho vaggo.
1936. баад̣̇угаарул̣хагассаад̇и баад̣̇угам̣ аарул̣хо баад̣̇угаарул̣хо, соязва баад̣̇угаарул̣хаго, д̇асса. гат̇ам̣ аарул̣хассаад̇и ааха ‘‘аггамид̇ваа’’д̇иаад̣̇и. аггамид̇ваа тид̇ассаад̇и чад̇д̇ад̣̇ан̣д̣агз ан̇г̇уланд̇арам̣ аббавзсзд̇ваа гзвалам̣ баад̣̇угам̣ аггамид̇ваа тид̇асса. бадимуггасса ваад̇и бадимун̃жид̇ваа тид̇асса. зд̇ам̣ д̣̇ваяамби ‘‘баад̣̇угаарул̣хагассаа’’д̇и зд̇асса ад̇т̇абад̣̇ам̣. яат̇ааха ‘‘на баад̣̇угаарул̣хасса аг̇илаанасса д̇хаммо д̣̇зсзд̇аб̣б̣о. яо анаад̣̇арияам̣ бадижжа агганд̇асса ваа бадимуггасса ваа омуггасса ваа аг̇илаанасса д̇хаммам̣ д̣̇зсзд̇и, аабад̇д̇и д̣̇уггадассаа’’д̇и (баажи. 638).
1936.Pādukāruḷhakassāti pādukaṃ āruḷho pādukāruḷho, soyeva pādukāruḷhako, tassa. Kathaṃ āruḷhassāti āha ‘‘akkamitvā’’tiādi. Akkamitvā ṭhitassāti chattadaṇḍake aṅgulantaraṃ appavesetvā kevalaṃ pādukaṃ akkamitvā ṭhitassa. Paṭimukkassa vāti paṭimuñcitvā ṭhitassa. Etaṃ dvayampi ‘‘pādukāruḷhakassā’’ti etassa atthapadaṃ. Yathāha ‘‘na pādukāruḷhassa agilānassa dhammo desetabbo. Yo anādariyaṃ paṭicca akkantassa vā paṭimukkassa vā omukkassa vā agilānassa dhammaṃ deseti, āpatti dukkaṭassā’’ti (pāci. 638).
батамам̣.
Paṭhamaṃ.
1937-40. убааханаг̇ад̇ассаабийд̇и агганд̇аад̣̇иаагаарзна убааханаарул̣хасса жа. яат̇ааха ‘‘агганд̇асса ваа бадимуггасса ваа’’д̇и. саб̣б̣ад̇т̇аад̇и чад̇д̇абаан̣иаад̣̇ийсу саб̣б̣асигкаабад̣̇зсу. аг̇илаанассаад̇и ид̣̇ам̣ яож̇зд̇аб̣б̣анд̇и сзсо. яаанз ваа г̇ад̇асса аг̇илаанасса д̇хаммам̣ д̣̇зсзд̇и, д̣̇уггаданд̇и яож̇анаа. д̇ад̇т̇а яаанз ваа г̇ад̇ассаад̇и сажз д̣̇вийхи ж̇анзхи хад̇т̇асан̇гхаад̇зна г̇ахид̇о, саадагз ваа табзд̇ваа вам̣сзна ваяхад̇и, аяуд̇д̇з ваа ваяхаад̣̇игз яаанз, висан̇карид̇ваа ваа табид̇з жаггамад̇д̇зби нисинно ход̇и, яаанаг̇ад̇од̇взва сан̇кяам̣ г̇ажчад̇и.
1937-40.Upāhanagatassāpīti akkantādiākārena upāhanāruḷhassa ca. Yathāha ‘‘akkantassa vā paṭimukkassa vā’’ti. Sabbatthāti chattapāṇiādīsu sabbasikkhāpadesu. Agilānassāti idaṃ yojetabbanti seso. Yāne vā gatassa agilānassa dhammaṃ deseti, dukkaṭanti yojanā. Tattha yāne vā gatassāti sace dvīhi janehi hatthasaṅghātena gahito, sāṭake vā ṭhapetvā vaṃsena vayhati, ayutte vā vayhādike yāne, visaṅkharitvā vā ṭhapite cakkamattepi nisinno hoti, yānagatotveva saṅkhyaṃ gacchati.
саяанзби ваа анд̇амасо гадасаарагз ваа чамааяа ваа нибаннассааби аг̇илаанассаад̇и яож̇анаа. яат̇ааха ‘‘саяанаг̇ад̇ассаад̇и анд̇амасо гадасаарагзби багад̇ибхуумияамби нибаннассаа’’д̇и (баажи. адта. 641). ужжз бийтз ваа ужжз ман̃жзби ваа нисиннзна, тид̇зна ваа нибаннасса д̣̇зсзд̇ум̣ на ваддад̇ийд̇и яож̇анаа. ‘‘тад̇ваа’’д̇и иминаа ‘‘нисийд̣̇ид̇ваа’’д̇и ид̣̇ан̃жа сан̇г̇ахид̇амзва. саяанзсу г̇ад̇асса жа д̣̇зсзнд̇зна саяанзсу г̇ад̇знааби самаанз вааби ужжз ваа нибаннзнзва ваддад̇ийд̇и яож̇анаа.
Sayanepi vā antamaso kaṭasārake vā chamāya vā nipannassāpi agilānassāti yojanā. Yathāha ‘‘sayanagatassāti antamaso kaṭasārakepi pakatibhūmiyampi nipannassā’’ti (pāci. aṭṭha. 641). Ucce pīṭhe vā ucce mañcepi vā nisinnena, ṭhitena vā nipannassa desetuṃ na vaṭṭatīti yojanā. ‘‘Ṭhatvā’’ti iminā ‘‘nisīditvā’’ti idañca saṅgahitameva. Sayanesu gatassa ca desentena sayanesu gatenāpi samāne vāpi ucce vā nipanneneva vaṭṭatīti yojanā.
1941. ‘‘д̇ат̇зва жаа’’д̇и иминаа ‘‘ваддад̇ий’’д̇и ид̣̇ам̣ г̇ахид̇ам̣.
1941.‘‘Tathevacā’’ti iminā ‘‘vaṭṭatī’’ti idaṃ gahitaṃ.
д̣̇уд̇ияад̇ад̇ияажад̇уд̇т̇аани.
Dutiyatatiyacatutthāni.
1942. ‘‘баллад̇т̇игааяа нисиннассаа’’д̇и вад̇д̇аб̣б̣з г̇аат̇ааб̣анд̇хавасзна яагаарасса лобам̣ гад̇ваа ‘‘баллад̇т̇игаа нисиннассаа’’д̇и вуд̇д̇ам̣, ааяог̇абаллад̇т̇игааяа ваа хад̇т̇абаллад̇т̇игааяа ваа д̣̇уссабаллад̇т̇игааяа ваа яааяа гааяажи баллад̇т̇игааяа нисиннассаад̇и ад̇т̇о. взтид̇асийсассаад̇и д̣̇уссавзтанзна ваа молиаад̣̇ийхи ваа яат̇аа гзсанд̇о на д̣̇иссад̇и, звам̣ взтид̇асийсасса.
1942. ‘‘Pallatthikāya nisinnassā’’ti vattabbe gāthābandhavasena yakārassa lopaṃ katvā ‘‘pallatthikā nisinnassā’’ti vuttaṃ, āyogapallatthikāya vā hatthapallatthikāya vā dussapallatthikāya vā yāya kāyaci pallatthikāya nisinnassāti attho. Veṭhitasīsassāti dussaveṭhanena vā moliādīhi vā yathā kesanto na dissati, evaṃ veṭhitasīsassa.
1943. яад̣̇и гзсанд̇ам̣ вивараабзд̇ваа д̣̇зсзд̇и, ваддад̇ийд̇и яож̇анаа. ‘‘аяамзва винижчаяо’’д̇и иминаа ‘‘сийсам̣ вивараабзд̇ваа д̣̇зсзд̇и, ваддад̇ий’’д̇и анаабад̇д̇иваароби вуд̇д̇о ход̇и.
1943. Yadi kesantaṃ vivarāpetvā deseti, vaṭṭatīti yojanā. ‘‘Ayameva vinicchayo’’ti iminā ‘‘sīsaṃ vivarāpetvā deseti, vaṭṭatī’’ti anāpattivāropi vutto hoti.
бан̃жамачадтасад̇д̇амаани.
Pañcamachaṭṭhasattamāni.
1944-5. адтамз ‘‘аасанз нисиннассаад̇и анд̇амасо вад̇т̇амби д̇ин̣ааниби сант̇арид̇ваа нисиннассаа’’д̇и (баажи. адта. 645) ид̣̇ан̃жа навамз ‘‘ужжз аасанзд̇и анд̇амасо бхуумиббад̣̇зсзби уннад̇з таанз нисиннасса д̣̇зсзд̇ум̣ на ваддад̇ий’’д̇и (баажи. адта. 647) ид̣̇ан̃жа д̣̇асамз ‘‘сажзбий’’д̇иаад̣̇инаа вагкамаанавинижчаяан̃жа табзд̇ваа вад̇д̇аб̣б̣ависзсаабхааваа ааха ‘‘адтамз навамз вааби, д̣̇асамз над̇т̇и гин̃жибий’’д̇и. зд̇т̇а ‘‘вад̇д̇аб̣б̣а’’нд̇и сзсо. т̇зрубадтаанам̣ г̇анд̇ваана тид̇ам̣ д̣̇ахарам̣ аасанз нисинно т̇зро жз бан̃хам̣ бужчад̇ийд̇и аж̇жхаахаараяож̇анаа. гат̇зд̇аб̣б̣амубааяам̣ д̣̇ассзд̇умааха ‘‘д̇асса бассз банан̃н̃асса, гат̇зд̇аб̣б̣ам̣ виж̇аанад̇аа’’д̇и. зд̇т̇а ‘‘тид̇ассаа’’д̇и сзсо . д̇асса самийбавад̇д̇ино гассажи абхаавз саж̇жхааяам̣ ад̇хидтахид̇вааби вад̇д̇ум̣ ваддад̇и.
1944-5. Aṭṭhame ‘‘āsane nisinnassāti antamaso vatthampi tiṇānipi santharitvā nisinnassā’’ti (pāci. aṭṭha. 645) idañca navame ‘‘ucce āsaneti antamaso bhūmippadesepi unnate ṭhāne nisinnassa desetuṃ na vaṭṭatī’’ti (pāci. aṭṭha. 647) idañca dasame ‘‘sacepī’’tiādinā vakkhamānavinicchayañca ṭhapetvā vattabbavisesābhāvā āha ‘‘aṭṭhame navamevāpi, dasame natthi kiñcipī’’ti. Ettha ‘‘vattabba’’nti seso. Therupaṭṭhānaṃ gantvāna ṭhitaṃ daharaṃ āsane nisinno thero ce pañhaṃ pucchatīti ajjhāhārayojanā. Kathetabbamupāyaṃ dassetumāha ‘‘tassa passe panaññassa, kathetabbaṃ vijānatā’’ti. Ettha ‘‘ṭhitassā’’ti seso . Tassa samīpavattino kassaci abhāve sajjhāyaṃ adhiṭṭhahitvāpi vattuṃ vaṭṭati.
адтаманавамад̣̇асамаани.
Aṭṭhamanavamadasamāni.
сад̇д̇амо ваг̇г̇о.
Sattamo vaggo.
1946. г̇ажчад̇о бурад̇од̇и зд̇т̇а ‘‘бажчад̇о г̇ажчанд̇знаа’’д̇и сзсо. бажчад̇о г̇ажчанд̇зна бурад̇о г̇ажчад̇о бан̃хам̣ на вад̇д̇аб̣б̣анд̇и яож̇анаа. сажз бурад̇о г̇ажчанд̇о бан̃хам̣ бужчад̇и, гим̣ гаад̇аб̣б̣анд̇и ааха ‘‘бажчимассаа’’д̇иаад̣̇и.
1946.Gacchato puratoti ettha ‘‘pacchato gacchantenā’’ti seso. Pacchato gacchantena purato gacchato pañhaṃ na vattabbanti yojanā. Sace purato gacchanto pañhaṃ pucchati, kiṃ kātabbanti āha ‘‘pacchimassā’’tiādi.
1947. уг̇г̇ахид̇ам̣ д̇хаммам̣ бурад̇о г̇ажчанд̇зна сад̣̇д̇хим̣ бажчад̇о г̇ажчанд̇о саж̇жхааяад̇и, ваддад̇ийд̇и яож̇анаа. самамзва г̇ажчад̇о яуг̇аг̇г̇аахам̣ гат̇зд̇ум̣ ваддад̇ийд̇и яож̇анаа. яуг̇аг̇г̇ааханд̇и ан̃н̃аман̃н̃ам̣. ан̃н̃аман̃н̃а-сад̣̇д̣̇абарияааяо хи яуг̇аг̇г̇ааха-сад̣̇д̣̇о.
1947. Uggahitaṃ dhammaṃ purato gacchantena saddhiṃ pacchato gacchanto sajjhāyati, vaṭṭatīti yojanā. Samameva gacchato yugaggāhaṃ kathetuṃ vaṭṭatīti yojanā. Yugaggāhanti aññamaññaṃ. Aññamañña-saddapariyāyo hi yugaggāha-saddo.
батамам̣.
Paṭhamaṃ.
1948. сагадамаг̇г̇з згзгасса жаггасса бат̇зна г̇ажчанд̇о згзгасса жаггасса бат̇зна самам̣ г̇ажчад̇о д̇хаммам̣ д̣̇зсзд̇ум̣ ваддад̇и. уббат̇знааби г̇ажчанд̇о уббат̇зна самам̣ г̇ажчанд̇асса д̇хаммам̣ д̣̇зсзд̇ум̣ ваддад̇ийд̇и аж̇жхаахаараяож̇анаа. уббат̇знаад̇и амаг̇г̇зна. звам̣ анаабад̇д̇ивисаяз д̣̇ассид̇з д̇аб̣б̣ибарияааяад̇о аабад̇д̇ивисаяо д̣̇ассид̇оязваад̇и взд̣̇ид̇аб̣б̣о.
1948. Sakaṭamagge ekekassa cakkassa pathena gacchanto ekekassa cakkassa pathena samaṃ gacchato dhammaṃ desetuṃ vaṭṭati. Uppathenāpi gacchanto uppathena samaṃ gacchantassa dhammaṃ desetuṃ vaṭṭatīti ajjhāhārayojanā. Uppathenāti amaggena. Evaṃ anāpattivisaye dassite tabbipariyāyato āpattivisayo dassitoyevāti veditabbo.
д̣̇уд̇ияам̣.
Dutiyaṃ.
1949. д̇ад̇ияз над̇т̇и вад̇д̇аб̣б̣анд̇и ‘‘на тид̇о аг̇илаано ужжаарам̣ ваа бассаавам̣ ваа гариссаамий’’д̇и (баажи. 651) зд̇асса винижчаяо яат̇ааруд̇авасзна сувин̃н̃зяяод̇и гад̇ваа вуд̇д̇ам̣. сажз бадижчаннам̣ таанам̣ г̇ажчанд̇асса сахасаа ужжааро ваа бассааво ваа нигкамад̇и, асан̃жижжа гад̇о наама, анаабад̇д̇и. аяамзд̇т̇а висзсо д̣̇адтаб̣б̣о. син̇гхаан̣игааяа кзл̣знзва сан̇г̇ахид̇ад̇д̇зби б̣аад̇д̇им̣сагодтаасзсу висум̣язва д̣̇ассид̇о зго годтаасод̇и сигкаабад̣̇зсу авуд̇д̇амби сан̇г̇ахзд̇ваа ааха ‘‘ужжаараад̣̇ижад̇угга’’нд̇и.
1949.Tatiye natthi vattabbanti ‘‘na ṭhito agilāno uccāraṃ vā passāvaṃ vā karissāmī’’ti (pāci. 651) etassa vinicchayo yathārutavasena suviññeyyoti katvā vuttaṃ. Sace paṭicchannaṃ ṭhānaṃ gacchantassa sahasā uccāro vā passāvo vā nikkhamati, asañcicca kato nāma, anāpatti. Ayamettha viseso daṭṭhabbo. Siṅghāṇikāya kheḷeneva saṅgahitattepi bāttiṃsakoṭṭhāsesu visuṃyeva dassito eko koṭṭhāsoti sikkhāpadesu avuttampi saṅgahetvā āha ‘‘uccārādicatukka’’nti.
1950. зд̇т̇а харид̇ам̣ наама ид̣̇анд̇и д̣̇ассзд̇умааха ‘‘ж̇ийваругкассаа’’д̇иаад̣̇и. ругкассаад̇и убалагкан̣ам̣ ж̇ийвамаанагад̇ин̣алад̇аад̣̇ийнамби харид̇зязва сан̇г̇ахид̇ад̇д̇аа. ‘‘д̣̇иссамаанам̣ г̇ажчад̇ий’’д̇и важанзнзва ад̣̇иссамаанаг̇ад̇ам̣ ахарид̇анд̇и б̣яад̇ирзгад̇о вин̃н̃ааяад̇и. саакаа ваа бхуумилаг̇г̇аа д̣̇иссамаанаа г̇ажчад̇и, д̇ам̣ саб̣б̣ам̣ харид̇амзваад̇и яож̇анаа.
1950. Ettha haritaṃ nāma idanti dassetumāha ‘‘jīvarukkhassā’’tiādi. Rukkhassāti upalakkhaṇaṃ jīvamānakatiṇalatādīnampi hariteyeva saṅgahitattā. ‘‘Dissamānaṃ gacchatī’’ti vacaneneva adissamānagataṃ aharitanti byatirekato viññāyati. Sākhā vā bhūmilaggā dissamānā gacchati, taṃ sabbaṃ haritamevāti yojanā.
1951. сахасаа важжам̣ нигкамад̇зваад̇и самб̣анд̇хо. асса бхигкуно. важжанд̇и убалагкан̣ам̣ бассааваад̣̇ийнамби д̣̇ассид̇ад̇д̇аа. ваддад̇ийд̇и зд̇т̇а ‘‘г̇илаанадтаанз тид̇ад̇д̇аа’’д̇и сзсо.
1951. Sahasā vaccaṃ nikkhamatevāti sambandho. Assa bhikkhuno. Vaccanti upalakkhaṇaṃ passāvādīnampi dassitattā. Vaṭṭatīti ettha ‘‘gilānaṭṭhāne ṭhitattā’’ti seso.
1952. балаалан̣д̣убагз ваабийд̇и балаалажумб̣адагзби. зд̇т̇а ‘‘аббахарид̇ам̣ алабханд̇знаа’’д̇и сзсо. гисмин̃жийд̇и сугкад̇ин̣аад̣̇имхи гисмин̃жи. д̇ам̣ важжам̣ бажчаа харид̇ам̣ од̇т̇арад̇и, ваддад̇ийд̇и яож̇анаа.
1952.Palālaṇḍupake vāpīti palālacumbaṭakepi. Ettha ‘‘appaharitaṃ alabhantenā’’ti seso. Kismiñcīti sukkhatiṇādimhi kismiñci. Taṃ vaccaṃ pacchā haritaṃ ottharati, vaṭṭatīti yojanā.
1953. зд̇ийд̇и бависад̇и. зд̇т̇аад̇и имасмим̣ сигкаабад̣̇з. ‘‘кзл̣зна зва жаа’’д̇и бад̣̇ажчзд̣̇о.
1953.Etīti pavisati. Etthāti imasmiṃ sikkhāpade. ‘‘Kheḷena eva cā’’ti padacchedo.
д̇ад̇ияажад̇уд̇т̇аани.
Tatiyacatutthāni.
1954. важжагудисамуд̣̇д̣̇аад̣̇иуд̣̇агзсууд̇и зд̇т̇а аад̣̇и-сад̣̇д̣̇зна саб̣б̣ам̣ абарибхог̇аж̇алам̣ сан̇г̇ан̣хаад̇и. д̇знзва ‘‘д̇зсам̣ абарибхог̇ад̇д̇аа’’д̇и абарибхог̇ад̇д̇амзва гааран̣амааха.
1954.Vaccakuṭisamuddādiudakesūti ettha ādi-saddena sabbaṃ aparibhogajalaṃ saṅgaṇhāti. Teneva ‘‘tesaṃ aparibhogattā’’ti aparibhogattameva kāraṇamāha.
1955. уд̣̇агогхзд̇и зд̇т̇а ‘‘ж̇аад̇з’’д̇и сзсо. аж̇аланд̇и аж̇аладтаанам̣. ж̇алзд̇и барибхог̇аарахаж̇алз. ид̇хааби т̇алагад̇о уд̣̇агам̣ од̇т̇арад̇и, анаабад̇д̇и.
1955.Udakogheti ettha ‘‘jāte’’ti seso. Ajalanti ajalaṭṭhānaṃ. Jaleti paribhogārahajale. Idhāpi thalakato udakaṃ ottharati, anāpatti.
бан̃жамам̣.
Pañcamaṃ.
адтамо ваг̇г̇о.
Aṭṭhamo vaggo.
1956-7. багин̣н̣агавинижчаяам̣ д̣̇ассзд̇умааха ‘‘самудтаанаад̣̇аяо’’д̇иаад̣̇и. н̃зяяаад̇и вагкамаананаязна взд̣̇ид̇аб̣б̣аа. зд̇т̇аад̇и зд̇зсу сзкиязсу. уж̇ж̇аг̇гхигаа аад̣̇и язсанд̇и виг̇г̇ахо, д̇аг̇г̇ун̣асам̣вин̃н̃аан̣ояам̣ б̣аахирад̇т̇асамаасо, уж̇ж̇аг̇гхигаааббасад̣̇д̣̇абадисам̣яуд̇д̇аани жад̇д̇аари сигкаабад̣̇аанийд̇и ад̇т̇о. чамаа жа нийжаасанан̃жа таанан̃жа бажчаа жа уббат̇о жа чамаанийжаасанадтаанабажчаауббат̇аа, д̇з сад̣̇д̣̇аа зд̇зсам̣ сигкаабад̣̇аанам̣ ад̇т̇ийд̇и д̇аббадисам̣яуд̇д̇аани сигкаабад̣̇аани чамаа…бз… уббат̇аваа, чамаад̣̇ибад̣̇аванд̇аани бан̃жа сигкаабад̣̇аанийд̇и ад̇т̇о. зд̇т̇а таана-сад̣̇д̣̇зна таа-д̇хаад̇уссзва руубад̇д̇аа сигкаабад̣̇ааг̇ад̇о тид̇а-сад̣̇д̣̇о г̇ахид̇о. ‘‘д̣̇асасуу’’д̇и вад̇д̇аб̣б̣з ван̣н̣алобзна, вибхад̇д̇ивибаллаасзна ваа ‘‘д̣̇асаа’’д̇и вуд̇д̇ам̣. саманубхаасанз самудтаанаад̣̇ийхи зд̇зсу д̣̇асасу сигкаабад̣̇зсу самудтаанаад̣̇аяо д̇уляаа вуд̇д̇аад̇и яож̇анаа.
1956-7. Pakiṇṇakavinicchayaṃ dassetumāha ‘‘samuṭṭhānādayo’’tiādi. Ñeyyāti vakkhamānanayena veditabbā. Etthāti etesu sekhiyesu. Ujjagghikā ādi yesanti viggaho, tagguṇasaṃviññāṇoyaṃ bāhiratthasamāso, ujjagghikāappasaddapaṭisaṃyuttāni cattāri sikkhāpadānīti attho. Chamā ca nīcāsanañca ṭhānañca pacchā ca uppatho ca chamānīcāsanaṭṭhānapacchāuppathā, te saddā etesaṃ sikkhāpadānaṃ atthīti tappaṭisaṃyuttāni sikkhāpadāni chamā…pe… uppathavā, chamādipadavantāni pañca sikkhāpadānīti attho. Ettha ṭhāna-saddena ṭhā-dhātusseva rūpattā sikkhāpadāgato ṭhita-saddo gahito. ‘‘Dasasū’’ti vattabbe vaṇṇalopena, vibhattivipallāsena vā ‘‘dasā’’ti vuttaṃ. Samanubhāsane samuṭṭhānādīhi etesu dasasu sikkhāpadesu samuṭṭhānādayo tulyā vuttāti yojanā.
гим̣ вуд̇д̇ам̣ ход̇и? имаани д̣̇аса сигкаабад̣̇аани саманубхаасанасамудтаанаани, згзгамзд̇т̇а гирияам̣, сан̃н̃аавимогкам̣, сажид̇д̇агам̣, логаваж̇ж̇ам̣, гааяагаммам̣, важийгаммам̣, агусалажид̇д̇ам̣, д̣̇угкавзд̣̇ананд̇и вуд̇д̇ам̣ ход̇и.
Kiṃ vuttaṃ hoti? Imāni dasa sikkhāpadāni samanubhāsanasamuṭṭhānāni, ekekamettha kiriyaṃ, saññāvimokkhaṃ, sacittakaṃ, lokavajjaṃ, kāyakammaṃ, vacīkammaṃ, akusalacittaṃ, dukkhavedananti vuttaṃ hoti.
1958-9. ‘‘чад̇д̇а’’нд̇иаад̣̇ийни сигкаабад̣̇аанам̣ убалагкан̣абад̣̇аани. зд̇аани згаад̣̇аса сигкаабад̣̇аани самудтаанаад̣̇инаа бана д̇хаммад̣̇зсанзна д̇уляаава сад̣̇исаа зваад̇и яож̇анаа. ид̣̇ам̣ вуд̇д̇ам̣ ход̇и – имаани згаад̣̇аса сигкаабад̣̇аани д̇хаммад̣̇зсанаасамудтаанаани, гирияаагирияаани, сан̃н̃аавимогкаани, сажид̇д̇агаани, логаваж̇ж̇аани, важийгаммаани, агусалажид̇д̇аани, д̣̇угкавзд̣̇анаанийд̇и.
1958-9.‘‘Chatta’’ntiādīni sikkhāpadānaṃ upalakkhaṇapadāni. Etāni ekādasa sikkhāpadāni samuṭṭhānādinā pana dhammadesanena tulyāva sadisā evāti yojanā. Idaṃ vuttaṃ hoti – imāni ekādasa sikkhāpadāni dhammadesanāsamuṭṭhānāni, kiriyākiriyāni, saññāvimokkhāni, sacittakāni, lokavajjāni, vacīkammāni, akusalacittāni, dukkhavedanānīti.
суубод̣̇анзна вин̃н̃ад̇д̇ийд̇и суубод̣̇ана-сад̣̇д̣̇зна лагкид̇ам̣ вин̃н̃ад̇д̇исигкаабад̣̇ам̣. вин̃н̃ад̇д̇исигкаабад̣̇аанам̣ б̣ахуд̇д̇аа ид̣̇амзва висзсид̇ам̣. т̇зяяасад̇т̇асамам̣ мад̇анд̇и самудтаанаад̣̇ийхи т̇зяяасад̇т̇асигкаабад̣̇зна самаанам̣ мад̇анд̇и ад̇т̇о. ид̣̇ам̣ вуд̇д̇ам̣ ход̇и – суубод̣̇анавин̃н̃ад̇д̇исигкаабад̣̇ам̣ т̇зяяасад̇т̇асамудтаанам̣, гирияам̣, сан̃н̃аавимогкам̣, сажид̇д̇агам̣, логаваж̇ж̇ам̣, гааяагаммам̣, важийгаммам̣, агусалажид̇д̇ам̣, д̣̇угкавзд̣̇ананд̇и.
Sūpodanena viññattīti sūpodana-saddena lakkhitaṃ viññattisikkhāpadaṃ. Viññattisikkhāpadānaṃ bahuttā idameva visesitaṃ. Theyyasatthasamaṃ matanti samuṭṭhānādīhi theyyasatthasikkhāpadena samānaṃ matanti attho. Idaṃ vuttaṃ hoti – sūpodanaviññattisikkhāpadaṃ theyyasatthasamuṭṭhānaṃ, kiriyaṃ, saññāvimokkhaṃ, sacittakaṃ, lokavajjaṃ, kāyakammaṃ, vacīkammaṃ, akusalacittaṃ, dukkhavedananti.
1960. авасзсаа д̇ибан̃н̃аасаад̇и авасзсаани д̇збан̃н̃аасасигкаабад̣̇аани. самаанаа батамзна д̇ууд̇и батамзна баарааж̇игзна самудтаанаад̣̇ид̇о самаанаанийд̇и ад̇т̇о, батамабаарааж̇игасад̣̇исасамудтаанаанийд̇и вуд̇д̇ам̣ ход̇и. ‘‘анаабад̇д̇и аабад̣̇аасуу’’д̇и бад̣̇ажчзд̣̇о. бариман̣д̣алам̣ ниваасзд̇ваа, баарубид̇ваа жаранд̇аанам̣ жорубад̣̇д̣̇аваад̣̇и аабад̣̇аа наама. аби-сад̣̇д̣̇зна над̣̇исанд̇аран̣аад̣̇им̣ сан̇г̇ан̣хаад̇и. сзкиязсу саб̣б̣зсууд̇и язбхуяяавасзна вуд̇д̇ам̣.
1960.Avasesā tipaññāsāti avasesāni tepaññāsasikkhāpadāni. Samānā paṭhamena tūti paṭhamena pārājikena samuṭṭhānādito samānānīti attho, paṭhamapārājikasadisasamuṭṭhānānīti vuttaṃ hoti. ‘‘Anāpatti āpadāsū’’ti padacchedo. Parimaṇḍalaṃ nivāsetvā, pārupitvā carantānaṃ corupaddavādi āpadā nāma. Api-saddena nadisantaraṇādiṃ saṅgaṇhāti. Sekhiyesu sabbesūti yebhuyyavasena vuttaṃ.
1961. ‘‘на уж̇жхаанасан̃н̃ий барзсам̣ бад̇д̇ам̣ ологзссаамий’’д̇иаад̣̇ийнам̣ (баажи. 614) имасса анаабад̇д̇иваарасса асамбхавад̇о на банааг̇ад̇од̇и баал̣ияам̣ на вуд̇д̇о. д̇ассааби яат̇аавад̇т̇угаава аабад̇д̇ияо д̣̇адтаб̣б̣аа.
1961. ‘‘Na ujjhānasaññī paresaṃ pattaṃ olokessāmī’’tiādīnaṃ (pāci. 614) imassa anāpattivārassa asambhavato na panāgatoti pāḷiyaṃ na vutto. Tassāpi yathāvatthukāva āpattiyo daṭṭhabbā.
ид̇и винаяад̇т̇асаарасанд̣̇ийбанияаа
Iti vinayatthasārasandīpaniyā
винаяавинижчаяаван̣н̣анааяа
Vinayavinicchayavaṇṇanāya
сзкияагат̇ааван̣н̣анаа нидтид̇аа.
Sekhiyakathāvaṇṇanā niṭṭhitā.
1962. яо имам̣ винижчаяам̣ вид̣̇ид̇ваа тид̇о, со хи яасмаа винаяз висаарад̣̇о ход̇и, винийд̇амаанасо жа ход̇и, барзхи д̣̇уббад̇хам̣сияо жа ход̇и, д̇ад̇о д̇асмаа гааран̣аа самаахид̇о сад̇ад̇ам̣ имам̣ винаяавинижчаяам̣ сигкзяяаад̇и яож̇анаа.
1962. Yo imaṃ vinicchayaṃ viditvā ṭhito, so hi yasmā vinaye visārado hoti, vinītamānaso ca hoti, parehi duppadhaṃsiyo ca hoti, tato tasmā kāraṇā samāhito satataṃ imaṃ vinayavinicchayaṃ sikkheyyāti yojanā.
д̇ад̇т̇а имам̣ винижчаяам̣ вид̣̇ид̇ваад̇и саб̣б̣алогияалогуд̇д̇араг̇ун̣асамбад̇д̇инид̣̇аанам̣ имам̣ винаяавинижчаяам̣ ад̇т̇ад̇о, г̇ант̇ад̇о, винижчаяад̇о жа саггажжам̣ н̃ад̇ваа. висаарад̣̇од̇и саараж̇ж̇анам̣ саарад̣̇о, виг̇ад̇о саарад̣̇о ассаад̇и висаарад̣̇о, винаяабарияад̇д̇ияаа, аабад̇д̇аад̣̇ивибхааг̇з жа ниб̣бхаяо нираасан̇год̇и вуд̇д̇ам̣ ход̇и. на гзвалам̣ имасса ж̇аананз зсова аанисам̣со, ат̇а ко винийд̇амаанасо жа ход̇и, сам̣яад̇ажид̇д̇о ход̇ийд̇и ад̇т̇о. сод̇и имам̣ винижчаяам̣ саггажжам̣ вид̣̇ид̇ваа тид̇о бхигку. барзхийд̇и имам̣ аж̇аананд̇зхи ан̃н̃зхи. д̣̇уббад̇хам̣сияо жа ход̇ийд̇и анабхибхаванийяо жа ход̇и.
Tattha imaṃ vinicchayaṃ viditvāti sabbalokiyalokuttaraguṇasampattinidānaṃ imaṃ vinayavinicchayaṃ atthato, ganthato, vinicchayato ca sakkaccaṃ ñatvā. Visāradoti sārajjanaṃ sārado, vigato sārado assāti visārado, vinayapariyattiyā, āpattādivibhāge ca nibbhayo nirāsaṅkoti vuttaṃ hoti. Na kevalaṃ imassa jānane esova ānisaṃso, atha kho vinītamānaso ca hoti, saṃyatacitto hotīti attho. Soti imaṃ vinicchayaṃ sakkaccaṃ viditvā ṭhito bhikkhu. Parehīti imaṃ ajānantehi aññehi. Duppadhaṃsiyo ca hotīti anabhibhavanīyo ca hoti.
д̇ад̇од̇и д̇асмаа винаяз висаарад̣̇ад̇аад̣̇исаб̣б̣аг̇ун̣асамбаннахзд̇уд̇д̇аа. хийд̇и яасмаад̇и ад̇т̇о. сигкзд̇и саж̇жхааяанасаванаад̣̇ивасзна сигкзяяа, уг̇г̇ан̣хзяяаад̇и ад̇т̇о. ‘‘сад̇ад̇а’’нд̇и иминаа саб̣б̣ад̇т̇агагаммадтаанз вияа зд̇т̇ааби сад̇ад̇аабхияог̇о гаад̇аб̣б̣од̇и д̣̇ассзд̇и. вигкид̇д̇асса яат̇аабхууд̇абадивзд̇хаабхаавад̇о д̇аббадибагкааяа згаг̇г̇ад̇ааяа нияож̇знд̇о ааха ‘‘самаахид̇о’’д̇и, саммаа винаяавинижчаяз аахид̇о бад̇идтид̇о згаг̇г̇ажид̇д̇од̇и вуд̇д̇ам̣ ход̇и. яат̇ааха ‘‘авигкид̇д̇ассааяам̣ д̇хаммо, нааяам̣ д̇хаммо вигкид̇д̇ассаа’’д̇и.
Tatoti tasmā vinaye visāradatādisabbaguṇasampannahetuttā. Hīti yasmāti attho. Sikkheti sajjhāyanasavanādivasena sikkheyya, uggaṇheyyāti attho. ‘‘Satata’’nti iminā sabbatthakakammaṭṭhāne viya etthāpi satatābhiyogo kātabboti dasseti. Vikkhittassa yathābhūtapaṭivedhābhāvato tappaṭipakkhāya ekaggatāya niyojento āha ‘‘samāhito’’ti, sammā vinayavinicchaye āhito patiṭṭhito ekaggacittoti vuttaṃ hoti. Yathāha ‘‘avikkhittassāyaṃ dhammo, nāyaṃ dhammo vikkhittassā’’ti.
1963. звам̣ имааяа г̇аат̇ааяа вуд̇д̇амзвад̇т̇ам̣ багааранд̇арзнааби д̣̇ассзд̇умааха ‘‘има’’нд̇иаад̣̇и. д̇зд̇и абзгкид̇ваа ‘‘яз’’д̇и лаб̣бхад̇и. яз т̇зраа ваа наваа ваа маж̇жхимаа ваа. бараманд̇и амад̇амахааниб̣б̣аанаббад̇д̇ияаа муулагааран̣асса сийласса багаасанад̇о уд̇д̇амам̣. асам̣гаранд̇и нигааяанд̇аралад̣̇д̇хийхи асаммиссам̣. сам̣гаранд̇и вуд̇д̇аббагаараг̇ун̣обзд̇ад̇д̇аа гааяажид̇д̇асукагааран̣ам̣ саммукам̣ гарод̇ийд̇и сам̣гарам̣. саванаамад̇анд̇и сад̣̇д̣̇арасаад̣̇ияог̇зна ган̣н̣арасааяанам̣. амад̇анд̇и д̇ад̇оязва амад̇ам̣ сумад̇хурам̣. амад̇амахааниб̣б̣аанаавахад̇д̇аа ваа палуубажаарзна амад̇ам̣. имам̣ винаяавинижчаяам̣. авзжжаад̇и саггажжам̣ вид̣̇ид̇ваа. ад̇хигзд̇и ад̇хисийлаад̣̇исигкад̇д̇аяаббагаасанзна уггадтз. хид̇зд̇и логияалогуд̇д̇арасукахзд̇уд̇д̇зна хид̇з. хинод̇и ад̇д̇ано паланд̇и ‘‘хид̇а’’нд̇и сукахзд̇у вужжад̇и. галисаасанзд̇и лобхаад̣̇игилзсавид̣̇д̇хам̣санз. саасанзд̇и винаяабарияад̇д̇исан̇каад̇асаасанзгад̣̇зсз. бадуд̇д̇анд̇и б̣яад̇д̇абхаавам̣. на яанд̇и на г̇ажчанд̇и. гз д̇зд̇и гад̇амз д̇з. ‘‘на гзжи санд̇и жаа’’д̇и ниссанд̣̇зхз имиссаа г̇аат̇ааяа ад̇т̇о ликид̇о.
1963. Evaṃ imāya gāthāya vuttamevatthaṃ pakārantarenāpi dassetumāha ‘‘ima’’ntiādi. Teti apekkhitvā ‘‘ye’’ti labbhati. Ye therā vā navā vā majjhimā vā. Paramanti amatamahānibbānappattiyā mūlakāraṇassa sīlassa pakāsanato uttamaṃ. Asaṃkaranti nikāyantaraladdhīhi asammissaṃ. Saṃkaranti vuttappakāraguṇopetattā kāyacittasukhakāraṇaṃ sammukhaṃ karotīti saṃkaraṃ. Savanāmatanti saddarasādiyogena kaṇṇarasāyanaṃ. Amatanti tatoyeva amataṃ sumadhuraṃ. Amatamahānibbānāvahattā vā phalūpacārena amataṃ. Imaṃ vinayavinicchayaṃ. Aveccāti sakkaccaṃ viditvā. Adhiketi adhisīlādisikkhattayappakāsanena ukkaṭṭhe. Hiteti lokiyalokuttarasukhahetuttena hite. Hinoti attano phalanti ‘‘hita’’nti sukhahetu vuccati. Kalisāsaneti lobhādikilesaviddhaṃsane. Sāsaneti vinayapariyattisaṅkhātasāsanekadese. Paṭuttanti byattabhāvaṃ. Na yanti na gacchanti. Ke teti katame te. ‘‘Na keci santi cā’’ti nissandehe imissā gāthāya attho likhito.
звам̣ зд̇т̇а ад̇т̇аяож̇анаа взд̣̇ид̇аб̣б̣аа – барамам̣ уд̇д̇амам̣ асам̣гарам̣ нигааяанд̇аралад̣̇д̇хийхи асаммиссам̣ сам̣гарам̣ сагалалогияалогуд̇д̇арасукаабхинибпаад̣̇агам̣ саванаамад̇ам̣ сод̇арасааяанам̣ имам̣ винижчаяаббагаран̣ам̣ авзжжа саггажжам̣ вид̣̇ид̇ваа ад̇хигз ад̇хисийлаад̣̇исигкад̇д̇аяаббагаасанзна уггадтз хид̇з логияалогуд̇д̇арасукахзд̇убхууд̇з галисаасанз сагаласам̣гилзсавид̣̇д̇хам̣сагз саасанз винаяабидагасан̇каад̇з барияад̇д̇исаасанз яз бадуд̇д̇ам̣ на яанд̇и, д̇з гз наамаад̇и яож̇анаа, яз имам̣ багаран̣ам̣ авзжжа вид̣̇ид̇ваа тид̇аа, д̇з згам̣сад̇о винаяабидагз бадуд̇д̇ам̣ баабун̣анд̇и язваад̇и ад̇хиббааяо.
Evaṃ ettha atthayojanā veditabbā – paramaṃ uttamaṃ asaṃkaraṃ nikāyantaraladdhīhi asammissaṃ saṃkaraṃ sakalalokiyalokuttarasukhābhinipphādakaṃ savanāmataṃ sotarasāyanaṃ imaṃ vinicchayappakaraṇaṃ avecca sakkaccaṃ viditvā adhike adhisīlādisikkhattayappakāsanena ukkaṭṭhe hite lokiyalokuttarasukhahetubhūte kalisāsane sakalasaṃkilesaviddhaṃsake sāsane vinayapiṭakasaṅkhāte pariyattisāsane ye paṭuttaṃ na yanti, te ke nāmāti yojanā, ye imaṃ pakaraṇaṃ avecca viditvā ṭhitā, te ekaṃsato vinayapiṭake paṭuttaṃ pāpuṇanti yevāti adhippāyo.
ид̇и винаяад̇т̇асаарасанд̣̇ийбанияаа
Iti vinayatthasārasandīpaniyā
винаяавинижчаяаван̣н̣анааяа
Vinayavinicchayavaṇṇanāya
бхигкувибхан̇г̇агат̇ааван̣н̣анаа нидтид̇аа.
Bhikkhuvibhaṅgakathāvaṇṇanā niṭṭhitā.
