Library / Tipiṭaka / ತಿಪಿಟಕ • Tipiṭaka / ಪಟ್ಠಾನಪಾಳಿ • Paṭṭhānapāḷi

    ೧೧. ಸೇಕ್ಖತ್ತಿಕಂ

    11. Sekkhattikaṃ

    ೧. ಪಟಿಚ್ಚವಾರೋ

    1. Paṭiccavāro

    ೧. ಪಚ್ಚಯಾನುಲೋಮಂ

    1. Paccayānulomaṃ

    ೧. ವಿಭಙ್ಗವಾರೋ

    1. Vibhaṅgavāro

    ಹೇತುಪಚ್ಚಯೋ

    Hetupaccayo

    ೧. ಸೇಕ್ಖಂ ಧಮ್ಮಂ ಪಟಿಚ್ಚ ಸೇಕ್ಖೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಸೇಕ್ಖಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ…ಪೇ॰…। (೧)

    1. Sekkhaṃ dhammaṃ paṭicca sekkho dhammo uppajjati hetupaccayā – sekkhaṃ ekaṃ khandhaṃ paṭicca tayo khandhā…pe… dve khandhe…pe…. (1)

    ಸೇಕ್ಖಂ ಧಮ್ಮಂ ಪಟಿಚ್ಚ ನೇವಸೇಕ್ಖನಾಸೇಕ್ಖೋ 1 ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಸೇಕ್ಖೇ ಖನ್ಧೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ। (೨)

    Sekkhaṃ dhammaṃ paṭicca nevasekkhanāsekkho 2 dhammo uppajjati hetupaccayā – sekkhe khandhe paṭicca cittasamuṭṭhānaṃ rūpaṃ. (2)

    ಸೇಕ್ಖಂ ಧಮ್ಮಂ ಪಟಿಚ್ಚ ಸೇಕ್ಖೋ ಚ ನೇವಸೇಕ್ಖನಾಸೇಕ್ಖೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ಸೇಕ್ಖಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ॰… ದ್ವೇ ಖನ್ಧೇ…ಪೇ॰…। (೩)

    Sekkhaṃ dhammaṃ paṭicca sekkho ca nevasekkhanāsekkho ca dhammā uppajjanti hetupaccayā – sekkhaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe…. (3)

    ೨. ಅಸೇಕ್ಖಂ ಧಮ್ಮಂ ಪಟಿಚ್ಚ ಅಸೇಕ್ಖೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಅಸೇಕ್ಖಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ॰…। (೧)

    2. Asekkhaṃ dhammaṃ paṭicca asekkho dhammo uppajjati hetupaccayā – asekkhaṃ ekaṃ khandhaṃ paṭicca tayo khandhā…pe…. (1)

    ಅಸೇಕ್ಖಂ ಧಮ್ಮಂ ಪಟಿಚ್ಚ ನೇವಸೇಕ್ಖನಾಸೇಕ್ಖೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಅಸೇಕ್ಖೇ ಖನ್ಧೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ। (೨)

    Asekkhaṃ dhammaṃ paṭicca nevasekkhanāsekkho dhammo uppajjati hetupaccayā – asekkhe khandhe paṭicca cittasamuṭṭhānaṃ rūpaṃ. (2)

    ಅಸೇಕ್ಖಂ ಧಮ್ಮಂ ಪಟಿಚ್ಚ ಅಸೇಕ್ಖೋ ಚ ನೇವಸೇಕ್ಖನಾಸೇಕ್ಖೋ ಚ ಧಮ್ಮಾ…ಪೇ॰… ಅಸೇಕ್ಖಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ॰… ದ್ವೇ ಖನ್ಧೇ…ಪೇ॰…। (೩)

    Asekkhaṃ dhammaṃ paṭicca asekkho ca nevasekkhanāsekkho ca dhammā…pe… asekkhaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe…. (3)

    ೩. ನೇವಸೇಕ್ಖನಾಸೇಕ್ಖಂ ಧಮ್ಮಂ ಪಟಿಚ್ಚ ನೇವಸೇಕ್ಖನಾಸೇಕ್ಖೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ನೇವಸೇಕ್ಖನಾಸೇಕ್ಖಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ॰… ದ್ವೇ ಖನ್ಧೇ…ಪೇ॰… ಪಟಿಸನ್ಧಿಕ್ಖಣೇ …ಪೇ॰… ಖನ್ಧೇ ಪಟಿಚ್ಚ ವತ್ಥು, ವತ್ಥುಂ ಪಟಿಚ್ಚ ಖನ್ಧಾ, ಏಕಂ ಮಹಾಭೂತಂ ಪಟಿಚ್ಚ ತಯೋ ಮಹಾಭೂತಾ…ಪೇ॰… ದ್ವೇ ಮಹಾಭೂತೇ ಪಟಿಚ್ಚ ದ್ವೇ ಮಹಾಭೂತಾ, ಮಹಾಭೂತೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ ಕಟತ್ತಾರೂಪಂ ಉಪಾದಾರೂಪಂ। (೧)

    3. Nevasekkhanāsekkhaṃ dhammaṃ paṭicca nevasekkhanāsekkho dhammo uppajjati hetupaccayā – nevasekkhanāsekkhaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe… paṭisandhikkhaṇe …pe… khandhe paṭicca vatthu, vatthuṃ paṭicca khandhā, ekaṃ mahābhūtaṃ paṭicca tayo mahābhūtā…pe… dve mahābhūte paṭicca dve mahābhūtā, mahābhūte paṭicca cittasamuṭṭhānaṃ rūpaṃ kaṭattārūpaṃ upādārūpaṃ. (1)

    ಸೇಕ್ಖಞ್ಚ ನೇವಸೇಕ್ಖನಾಸೇಕ್ಖಞ್ಚ ಧಮ್ಮಂ ಪಟಿಚ್ಚ ನೇವಸೇಕ್ಖನಾಸೇಕ್ಖೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಸೇಕ್ಖೇ ಖನ್ಧೇ ಚ ಮಹಾಭೂತೇ ಚ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ। (೧)

    Sekkhañca nevasekkhanāsekkhañca dhammaṃ paṭicca nevasekkhanāsekkho dhammo uppajjati hetupaccayā – sekkhe khandhe ca mahābhūte ca paṭicca cittasamuṭṭhānaṃ rūpaṃ. (1)

    ಅಸೇಕ್ಖಞ್ಚ ನೇವಸೇಕ್ಖನಾಸೇಕ್ಖಞ್ಚ ಧಮ್ಮಂ ಪಟಿಚ್ಚ ನೇವಸೇಕ್ಖನಾಸೇಕ್ಖೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಅಸೇಕ್ಖೇ ಖನ್ಧೇ ಚ ಮಹಾಭೂತೇ ಚ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ। (೧)

    Asekkhañca nevasekkhanāsekkhañca dhammaṃ paṭicca nevasekkhanāsekkho dhammo uppajjati hetupaccayā – asekkhe khandhe ca mahābhūte ca paṭicca cittasamuṭṭhānaṃ rūpaṃ. (1)

    ಆರಮ್ಮಣಪಚ್ಚಯಾದಿ

    Ārammaṇapaccayādi

    ೪. ಸೇಕ್ಖಂ ಧಮ್ಮಂ ಪಟಿಚ್ಚ ಸೇಕ್ಖೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ… ಅಧಿಪತಿಪಚ್ಚಯಾ (ಪಟಿಸನ್ಧಿ ನತ್ಥಿ)… ಅನನ್ತರಪಚ್ಚಯಾ… ಸಮನನ್ತರಪಚ್ಚಯಾ… ಸಹಜಾತಪಚ್ಚಯಾ (ಸಬ್ಬೇ ಮಹಾಭೂತಾ ಕಾತಬ್ಬಾ)… ಅಞ್ಞಮಞ್ಞಪಚ್ಚಯಾ… ನಿಸ್ಸಯಪಚ್ಚಯಾ… ಉಪನಿಸ್ಸಯಪಚ್ಚಯಾ… ಪುರೇಜಾತಪಚ್ಚಯಾ… ಆಸೇವನಪಚ್ಚಯಾ – ಸೇಕ್ಖಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ…ಪೇ॰…।

    4. Sekkhaṃ dhammaṃ paṭicca sekkho dhammo uppajjati ārammaṇapaccayā… adhipatipaccayā (paṭisandhi natthi)… anantarapaccayā… samanantarapaccayā… sahajātapaccayā (sabbe mahābhūtā kātabbā)… aññamaññapaccayā… nissayapaccayā… upanissayapaccayā… purejātapaccayā… āsevanapaccayā – sekkhaṃ ekaṃ khandhaṃ paṭicca tayo khandhā…pe… dve khandhe…pe….

    ನೇವಸೇಕ್ಖನಾಸೇಕ್ಖಂ ಧಮ್ಮಂ ಪಟಿಚ್ಚ ನೇವಸೇಕ್ಖನಾಸೇಕ್ಖೋ ಧಮ್ಮೋ ಉಪ್ಪಜ್ಜತಿ ಆಸೇವನಪಚ್ಚಯಾ – ನೇವಸೇಕ್ಖನಾಸೇಕ್ಖಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ …ಪೇ॰… ಕಮ್ಮಪಚ್ಚಯಾ, ವಿಪಾಕಪಚ್ಚಯಾ – ವಿಪಾಕಂ ಸೇಕ್ಖಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ…ಪೇ॰… (ತೀಣಿ, ಪರಿಪುಣ್ಣಂ)।

    Nevasekkhanāsekkhaṃ dhammaṃ paṭicca nevasekkhanāsekkho dhammo uppajjati āsevanapaccayā – nevasekkhanāsekkhaṃ ekaṃ khandhaṃ paṭicca tayo khandhā…pe… dve khandhe …pe… kammapaccayā, vipākapaccayā – vipākaṃ sekkhaṃ ekaṃ khandhaṃ paṭicca tayo khandhā…pe… dve khandhe…pe… (tīṇi, paripuṇṇaṃ).

    ಅಸೇಕ್ಖಂ ಧಮ್ಮಂ ಪಟಿಚ್ಚ ಅಸೇಕ್ಖೋ ಧಮ್ಮೋ ಉಪ್ಪಜ್ಜತಿ ವಿಪಾಕಪಚ್ಚಯಾ – ಅಸೇಕ್ಖಂ ಏಕಂ ಖನ್ಧಂ ಪಟಿಚ್ಚ… ತೀಣಿ।

    Asekkhaṃ dhammaṃ paṭicca asekkho dhammo uppajjati vipākapaccayā – asekkhaṃ ekaṃ khandhaṃ paṭicca… tīṇi.

    ನೇವಸೇಕ್ಖನಾಸೇಕ್ಖಂ ಧಮ್ಮಂ ಪಟಿಚ್ಚ ನೇವಸೇಕ್ಖನಾಸೇಕ್ಖೋ ಧಮ್ಮೋ ಉಪ್ಪಜ್ಜತಿ ವಿಪಾಕಪಚ್ಚಯಾ – ವಿಪಾಕಂ ನೇವಸೇಕ್ಖನಾಸೇಕ್ಖಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ॰… ದ್ವೇ ಖನ್ಧೇ…ಪೇ॰… ಪಟಿಸನ್ಧಿಕ್ಖಣೇ…ಪೇ॰… ಖನ್ಧೇ ಪಟಿಚ್ಚ ವತ್ಥು, ವತ್ಥುಂ ಪಟಿಚ್ಚ ಖನ್ಧಾ, ಏಕಂ ಮಹಾಭೂತಂ…ಪೇ॰…। (೧)

    Nevasekkhanāsekkhaṃ dhammaṃ paṭicca nevasekkhanāsekkho dhammo uppajjati vipākapaccayā – vipākaṃ nevasekkhanāsekkhaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe… paṭisandhikkhaṇe…pe… khandhe paṭicca vatthu, vatthuṃ paṭicca khandhā, ekaṃ mahābhūtaṃ…pe…. (1)

    ಸೇಕ್ಖಞ್ಚ ನೇವಸೇಕ್ಖನಾಸೇಕ್ಖಞ್ಚ ಧಮ್ಮಂ ಪಟಿಚ್ಚ ನೇವಸೇಕ್ಖನಾಸೇಕ್ಖೋ ಧಮ್ಮೋ ಉಪ್ಪಜ್ಜತಿ ವಿಪಾಕಪಚ್ಚಯಾ – ವಿಪಾಕೇ ಸೇಕ್ಖೇ ಖನ್ಧೇ ಚ ಮಹಾಭೂತೇ ಚ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ। (೧)

    Sekkhañca nevasekkhanāsekkhañca dhammaṃ paṭicca nevasekkhanāsekkho dhammo uppajjati vipākapaccayā – vipāke sekkhe khandhe ca mahābhūte ca paṭicca cittasamuṭṭhānaṃ rūpaṃ. (1)

    ಅಸೇಕ್ಖಞ್ಚ ನೇವಸೇಕ್ಖನಾಸೇಕ್ಖಞ್ಚ ಧಮ್ಮಂ ಪಟಿಚ್ಚ ನೇವಸೇಕ್ಖನಾಸೇಕ್ಖೋ ಧಮ್ಮೋ ಉಪ್ಪಜ್ಜತಿ ವಿಪಾಕಪಚ್ಚಯಾ – ಅಸೇಕ್ಖೇ ಖನ್ಧೇ ಚ ಮಹಾಭೂತೇ ಚ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ। (೧)

    Asekkhañca nevasekkhanāsekkhañca dhammaṃ paṭicca nevasekkhanāsekkho dhammo uppajjati vipākapaccayā – asekkhe khandhe ca mahābhūte ca paṭicca cittasamuṭṭhānaṃ rūpaṃ. (1)

    ಆಹಾರಪಚ್ಚಯಾದಿ

    Āhārapaccayādi

    ೫. ಸೇಕ್ಖಂ ಧಮ್ಮಂ ಪಟಿಚ್ಚ ಸೇಕ್ಖೋ ಧಮ್ಮೋ ಉಪ್ಪಜ್ಜತಿ ಆಹಾರಪಚ್ಚಯಾ… ಇನ್ದ್ರಿಯಪಚ್ಚಯಾ… ಝಾನಪಚ್ಚಯಾ… ಮಗ್ಗಪಚ್ಚಯ… ಸಮ್ಪಯುತ್ತಪಚ್ಚಯಾ… ವಿಪ್ಪಯುತ್ತಪಚ್ಚಯಾ… ಅತ್ಥಿಪಚ್ಚಯಾ… ನತ್ಥಿಪಚ್ಚಯಾ… ವಿಗತಪಚ್ಚಯಾ… ಅವಿಗತಪಚ್ಚಯಾ।

    5. Sekkhaṃ dhammaṃ paṭicca sekkho dhammo uppajjati āhārapaccayā… indriyapaccayā… jhānapaccayā… maggapaccaya… sampayuttapaccayā… vippayuttapaccayā… atthipaccayā… natthipaccayā… vigatapaccayā… avigatapaccayā.

    ೧. ಪಚ್ಚಯಾನುಲೋಮಂ

    1. Paccayānulomaṃ

    ೨. ಸಙ್ಖ್ಯಾವಾರೋ

    2. Saṅkhyāvāro

    ಸುದ್ಧಂ

    Suddhaṃ

    ೬. ಹೇತುಯಾ ನವ, ಆರಮ್ಮಣೇ ತೀಣಿ, ಅಧಿಪತಿಯಾ ನವ, ಅನನ್ತರೇ ತೀಣಿ, ಸಮನನ್ತರೇ ತೀಣಿ, ಸಹಜಾತೇ ನವ, ಅಞ್ಞಮಞ್ಞೇ ತೀಣಿ, ನಿಸ್ಸಯೇ ನವ, ಉಪನಿಸ್ಸಯೇ ತೀಣಿ, ಪುರೇಜಾತೇ ತೀಣಿ, ಆಸೇವನೇ ದ್ವೇ, ಕಮ್ಮೇ ನವ, ವಿಪಾಕೇ ಆಹಾರೇ ಇನ್ದ್ರಿಯೇ ಝಾನೇ ಮಗ್ಗೇ ನವ, ಸಮ್ಪಯುತ್ತೇ ತೀಣಿ, ವಿಪ್ಪಯುತ್ತೇ ನವ, ಅತ್ಥಿಯಾ ನವ, ನತ್ಥಿಯಾ ತೀಣಿ, ವಿಗತೇ ತೀಣಿ, ಅವಿಗತೇ ನವ (ಏವಂ ಗಣೇತಬ್ಬಂ)।

    6. Hetuyā nava, ārammaṇe tīṇi, adhipatiyā nava, anantare tīṇi, samanantare tīṇi, sahajāte nava, aññamaññe tīṇi, nissaye nava, upanissaye tīṇi, purejāte tīṇi, āsevane dve, kamme nava, vipāke āhāre indriye jhāne magge nava, sampayutte tīṇi, vippayutte nava, atthiyā nava, natthiyā tīṇi, vigate tīṇi, avigate nava (evaṃ gaṇetabbaṃ).

    ಅನುಲೋಮಂ।

    Anulomaṃ.

    ೨. ಪಚ್ಚಯಪಚ್ಚನೀಯಂ

    2. Paccayapaccanīyaṃ

    ೧. ವಿಭಙ್ಗವಾರೋ

    1. Vibhaṅgavāro

    ನಹೇತುಪಚ್ಚಯೋ

    Nahetupaccayo

    ೭. ನೇವಸೇಕ್ಖನಾಸೇಕ್ಖಂ ಧಮ್ಮಂ ಪಟಿಚ್ಚ ನೇವಸೇಕ್ಖನಾಸೇಕ್ಖೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಅಹೇತುಕಂ ನೇವಸೇಕ್ಖನಾಸೇಕ್ಖಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ॰… ದ್ವೇ ಖನ್ಧೇ…ಪೇ॰… ಅಹೇತುಕಪಟಿಸನ್ಧಿಕ್ಖಣೇ…ಪೇ॰… ಖನ್ಧೇ ಪಟಿಚ್ಚ ವತ್ಥು, ವತ್ಥುಂ ಪಟಿಚ್ಚ ಖನ್ಧಾ, ಏಕಂ ಮಹಾಭೂತಂ…ಪೇ॰… ಬಾಹಿರಂ… ಆಹಾರಸಮುಟ್ಠಾನಂ… ಉತುಸಮುಟ್ಠಾನಂ… ಅಸಞ್ಞಸತ್ತಾನಂ ಏಕಂ ಮಹಾಭೂತಂ…ಪೇ॰… ವಿಚಿಕಿಚ್ಛಾಸಹಗತೇ ಉದ್ಧಚ್ಚಸಹಗತೇ ಖನ್ಧೇ ಪಟಿಚ್ಚ ವಿಚಿಕಿಚ್ಛಾಸಹಗತೋ ಉದ್ಧಚ್ಚಸಹಗತೋ ಮೋಹೋ। (೧)

    7. Nevasekkhanāsekkhaṃ dhammaṃ paṭicca nevasekkhanāsekkho dhammo uppajjati nahetupaccayā – ahetukaṃ nevasekkhanāsekkhaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe… ahetukapaṭisandhikkhaṇe…pe… khandhe paṭicca vatthu, vatthuṃ paṭicca khandhā, ekaṃ mahābhūtaṃ…pe… bāhiraṃ… āhārasamuṭṭhānaṃ… utusamuṭṭhānaṃ… asaññasattānaṃ ekaṃ mahābhūtaṃ…pe… vicikicchāsahagate uddhaccasahagate khandhe paṭicca vicikicchāsahagato uddhaccasahagato moho. (1)

    ನಆರಮ್ಮಣಪಚ್ಚಯೋ

    Naārammaṇapaccayo

    ೮. ಸೇಕ್ಖಂ ಧಮ್ಮಂ ಪಟಿಚ್ಚ ನೇವಸೇಕ್ಖನಾಸೇಕ್ಖೋ ಧಮ್ಮೋ ಉಪ್ಪಜ್ಜತಿ ನಆರಮ್ಮಣಪಚ್ಚಯಾ – ಸೇಕ್ಖೇ ಖನ್ಧೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ। (೧)

    8. Sekkhaṃ dhammaṃ paṭicca nevasekkhanāsekkho dhammo uppajjati naārammaṇapaccayā – sekkhe khandhe paṭicca cittasamuṭṭhānaṃ rūpaṃ. (1)

    ಅಸೇಕ್ಖಂ ಧಮ್ಮಂ ಪಟಿಚ್ಚ ನೇವಸೇಕ್ಖನಾಸೇಕ್ಖೋ ಧಮ್ಮೋ ಉಪ್ಪಜ್ಜತಿ ನಆರಮ್ಮಣಪಚ್ಚಯಾ – ಅಸೇಕ್ಖೇ ಖನ್ಧೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ। (೧)

    Asekkhaṃ dhammaṃ paṭicca nevasekkhanāsekkho dhammo uppajjati naārammaṇapaccayā – asekkhe khandhe paṭicca cittasamuṭṭhānaṃ rūpaṃ. (1)

    ನೇವಸೇಕ್ಖನಾಸೇಕ್ಖಂ ಧಮ್ಮಂ ಪಟಿಚ್ಚ ನೇವಸೇಕ್ಖನಾಸೇಕ್ಖೋ ಧಮ್ಮೋ ಉಪ್ಪಜ್ಜತಿ ನಆರಮ್ಮಣಪಚ್ಚಯಾ – ನೇವಸೇಕ್ಖನಾಸೇಕ್ಖೇ ಖನ್ಧೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ…ಪೇ॰… ಪಟಿಸನ್ಧಿಕ್ಖಣೇ…ಪೇ॰… ಖನ್ಧೇ ಪಟಿಚ್ಚ ವತ್ಥು…ಪೇ॰… ಏಕಂ ಮಹಾಭೂತಂ…ಪೇ॰… ಅಸಞ್ಞಸತ್ತಾನಂ…ಪೇ॰…। (೧)

    Nevasekkhanāsekkhaṃ dhammaṃ paṭicca nevasekkhanāsekkho dhammo uppajjati naārammaṇapaccayā – nevasekkhanāsekkhe khandhe paṭicca cittasamuṭṭhānaṃ rūpaṃ…pe… paṭisandhikkhaṇe…pe… khandhe paṭicca vatthu…pe… ekaṃ mahābhūtaṃ…pe… asaññasattānaṃ…pe…. (1)

    ಸೇಕ್ಖಞ್ಚ ನೇವಸೇಕ್ಖನಾಸೇಕ್ಖಞ್ಚ ಧಮ್ಮಂ ಪಟಿಚ್ಚ ನೇವಸೇಕ್ಖನಾಸೇಕ್ಖೋ ಧಮ್ಮೋ ಉಪ್ಪಜ್ಜತಿ ನಆರಮ್ಮಣಪಚ್ಚಯಾ – ಸೇಕ್ಖೇ ಖನ್ಧೇ ಚ ಮಹಾಭೂತೇ ಚ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ। (೧)

    Sekkhañca nevasekkhanāsekkhañca dhammaṃ paṭicca nevasekkhanāsekkho dhammo uppajjati naārammaṇapaccayā – sekkhe khandhe ca mahābhūte ca paṭicca cittasamuṭṭhānaṃ rūpaṃ. (1)

    ಅಸೇಕ್ಖಞ್ಚ ನೇವಸೇಕ್ಖನಾಸೇಕ್ಖಞ್ಚ ಧಮ್ಮಂ ಪಟಿಚ್ಚ ನೇವಸೇಕ್ಖನಾಸೇಕ್ಖೋ ಧಮ್ಮೋ ಉಪ್ಪಜ್ಜತಿ ನಆರಮ್ಮಣಪಚ್ಚಯಾ – ಅಸೇಕ್ಖೇ ಖನ್ಧೇ ಚ ಮಹಾಭೂತೇ ಚ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ। (೧)

    Asekkhañca nevasekkhanāsekkhañca dhammaṃ paṭicca nevasekkhanāsekkho dhammo uppajjati naārammaṇapaccayā – asekkhe khandhe ca mahābhūte ca paṭicca cittasamuṭṭhānaṃ rūpaṃ. (1)

    ನಅಧಿಪತಿಪಚ್ಚಯಾದಿ

    Naadhipatipaccayādi

    ೯. ಸೇಕ್ಖಂ ಧಮ್ಮಂ ಪಟಿಚ್ಚ ಸೇಕ್ಖೋ ಧಮ್ಮೋ ಉಪ್ಪಜ್ಜತಿ ನಅಧಿಪತಿಪಚ್ಚಯಾ – ಸೇಕ್ಖೇ ಖನ್ಧೇ ಪಟಿಚ್ಚ ಸೇಕ್ಖೋ ಅಧಿಪತಿ। (೧)

    9. Sekkhaṃ dhammaṃ paṭicca sekkho dhammo uppajjati naadhipatipaccayā – sekkhe khandhe paṭicca sekkho adhipati. (1)

    ಅಸೇಕ್ಖಂ ಧಮ್ಮಂ ಪಟಿಚ್ಚ ಅಸೇಕ್ಖೋ ಧಮ್ಮೋ ಉಪ್ಪಜ್ಜತಿ ನಅಧಿಪತಿಪಚ್ಚಯಾ – ಅಸೇಕ್ಖೇ ಖನ್ಧೇ ಪಟಿಚ್ಚ ಅಸೇಕ್ಖೋ ಅಧಿಪತಿ। (೧)

    Asekkhaṃ dhammaṃ paṭicca asekkho dhammo uppajjati naadhipatipaccayā – asekkhe khandhe paṭicca asekkho adhipati. (1)

    ನೇವಸೇಕ್ಖನಾಸೇಕ್ಖಂ ಧಮ್ಮಂ ಪಟಿಚ್ಚ ನೇವಸೇಕ್ಖನಾಸೇಕ್ಖೋ ಧಮ್ಮೋ ಉಪ್ಪಜ್ಜತಿ ನಅಧಿಪತಿಪಚ್ಚಯಾ… (ಪರಿಪುಣ್ಣಂ, ಪಟಿಸನ್ಧಿಪಿ ಮಹಾಭೂತಾಪಿ ಸಬ್ಬೇ) ನಅನನ್ತರಪಚ್ಚಯಾ… ನಸಮನನ್ತರಪಚ್ಚಯಾ… ನಅಞ್ಞಮಞ್ಞಪಚ್ಚಯಾ… ನಉಪನಿಸ್ಸಯಪಚ್ಚಯಾ… ನಪುರೇಜಾತಪಚ್ಚಯಾ… ಸತ್ತ (ಕುಸಲತ್ತಿಕಸದಿಸಾ)… ನಪಚ್ಛಾಜಾತಪಚ್ಚಯಾ…ಪೇ॰… ನಆಸೇವನಪಚ್ಚಯಾ। ವಿಪಾಕಂ ಸೇಕ್ಖಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ…ಪೇ॰…। (೧)

    Nevasekkhanāsekkhaṃ dhammaṃ paṭicca nevasekkhanāsekkho dhammo uppajjati naadhipatipaccayā… (paripuṇṇaṃ, paṭisandhipi mahābhūtāpi sabbe) naanantarapaccayā… nasamanantarapaccayā… naaññamaññapaccayā… naupanissayapaccayā… napurejātapaccayā… satta (kusalattikasadisā)… napacchājātapaccayā…pe… naāsevanapaccayā. Vipākaṃ sekkhaṃ ekaṃ khandhaṃ paṭicca tayo khandhā…pe… dve khandhe…pe…. (1)

    ೧೦. ಸೇಕ್ಖಂ ಧಮ್ಮಂ ಪಟಿಚ್ಚ ನೇವಸೇಕ್ಖನಾಸೇಕ್ಖೋ ಧಮ್ಮೋ ಉಪ್ಪಜ್ಜತಿ ನಆಸೇವನಪಚ್ಚಯಾ – ಸೇಕ್ಖೇ ಖನ್ಧೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ। (೨)

    10. Sekkhaṃ dhammaṃ paṭicca nevasekkhanāsekkho dhammo uppajjati naāsevanapaccayā – sekkhe khandhe paṭicca cittasamuṭṭhānaṃ rūpaṃ. (2)

    ಸೇಕ್ಖಂ ಧಮ್ಮಂ ಪಟಿಚ್ಚ ಸೇಕ್ಖೋ ಚ ನೇವಸೇಕ್ಖನಾಸೇಕ್ಖೋ ಚ ಧಮ್ಮಾ ಉಪ್ಪಜ್ಜನ್ತಿ ನಆಸೇವನಪಚ್ಚಯಾ – ವಿಪಾಕಂ ಸೇಕ್ಖಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ॰… ದ್ವೇ ಖನ್ಧೇ…ಪೇ॰…। (೩)

    Sekkhaṃ dhammaṃ paṭicca sekkho ca nevasekkhanāsekkho ca dhammā uppajjanti naāsevanapaccayā – vipākaṃ sekkhaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe…. (3)

    ಅಸೇಕ್ಖಂ ಧಮ್ಮಂ ಪಟಿಚ್ಚ ಅಸೇಕ್ಖೋ ಧಮ್ಮೋ… ತೀಣಿ।

    Asekkhaṃ dhammaṃ paṭicca asekkho dhammo… tīṇi.

    ನೇವಸೇಕ್ಖನಾಸೇಕ್ಖಂ ಧಮ್ಮಂ ಪಟಿಚ್ಚ ನೇವಸೇಕ್ಖನಾಸೇಕ್ಖೋ ಧಮ್ಮೋ ಉಪ್ಪಜ್ಜತಿ ನಆಸೇವನಪಚ್ಚಯಾ… ನೇವಸೇಕ್ಖನಾಸೇಕ್ಖಂ (ಏಕಂ, ಪರಿಪುಣ್ಣಂ, ಸೇಕ್ಖಞ್ಚ, ನೇವಸೇಕ್ಖನಾಸೇಕ್ಖಞ್ಚ, ಘಟನಾ ಪರಿಪುಣ್ಣಾ, ದ್ವೇಪಿ ಕಾತಬ್ಬಾ। ನವ) ನಕಮ್ಮಪಚ್ಚಯಾ – ಸೇಕ್ಖೇ ಖನ್ಧೇ ಪಟಿಚ್ಚ ಸೇಕ್ಖಾ ಚೇತನಾ।

    Nevasekkhanāsekkhaṃ dhammaṃ paṭicca nevasekkhanāsekkho dhammo uppajjati naāsevanapaccayā… nevasekkhanāsekkhaṃ (ekaṃ, paripuṇṇaṃ, sekkhañca, nevasekkhanāsekkhañca, ghaṭanā paripuṇṇā, dvepi kātabbā. Nava) nakammapaccayā – sekkhe khandhe paṭicca sekkhā cetanā.

    ನೇವಸೇಕ್ಖನಾಸೇಕ್ಖಂ ಧಮ್ಮಂ ಪಟಿಚ್ಚ ನೇವಸೇಕ್ಖನಾಸೇಕ್ಖೋ ಧಮ್ಮೋ ಉಪ್ಪಜ್ಜತಿ ನಕಮ್ಮಪಚ್ಚಯಾ – ನೇವಸೇಕ್ಖನಾಸೇಕ್ಖೇ ಖನ್ಧೇ ಪಟಿಚ್ಚ ನೇವಸೇಕ್ಖನಾಸೇಕ್ಖಾ ಚೇತನಾ; ಬಾಹಿರಂ… ಆಹಾರಸಮುಟ್ಠಾನಂ… ಉತುಸಮುಟ್ಠಾನಂ… ಏಕಂ ಮಹಾಭೂತಂ…ಪೇ॰…।

    Nevasekkhanāsekkhaṃ dhammaṃ paṭicca nevasekkhanāsekkho dhammo uppajjati nakammapaccayā – nevasekkhanāsekkhe khandhe paṭicca nevasekkhanāsekkhā cetanā; bāhiraṃ… āhārasamuṭṭhānaṃ… utusamuṭṭhānaṃ… ekaṃ mahābhūtaṃ…pe….

    ನವಿಪಾಕಪಚ್ಚಯೋ

    Navipākapaccayo

    ೧೧. ಸೇಕ್ಖಂ ಧಮ್ಮಂ ಪಟಿಚ್ಚ ಸೇಕ್ಖೋ ಧಮ್ಮೋ ಉಪ್ಪಜ್ಜತಿ ನವಿಪಾಕಪಚ್ಚಯಾ – ಸೇಕ್ಖಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ॰…। (೧)

    11. Sekkhaṃ dhammaṃ paṭicca sekkho dhammo uppajjati navipākapaccayā – sekkhaṃ ekaṃ khandhaṃ paṭicca tayo khandhā…pe…. (1)

    ಸೇಕ್ಖಂ ಧಮ್ಮಂ ಪಟಿಚ್ಚ ನೇವಸೇಕ್ಖನಾಸೇಕ್ಖೋ ಧಮ್ಮೋ ಉಪ್ಪಜ್ಜತಿ ನವಿಪಾಕಪಚ್ಚಯಾ – ಸೇಕ್ಖೇ ಖನ್ಧೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ।(೨)

    Sekkhaṃ dhammaṃ paṭicca nevasekkhanāsekkho dhammo uppajjati navipākapaccayā – sekkhe khandhe paṭicca cittasamuṭṭhānaṃ rūpaṃ.(2)

    ಸೇಕ್ಖಂ ಧಮ್ಮಂ ಪಟಿಚ್ಚ ಸೇಕ್ಖೋ ಚ ನೇವಸೇಕ್ಖನಾಸೇಕ್ಖೋ ಚ ಧಮ್ಮಾ ಉಪ್ಪಜ್ಜನ್ತಿ ನವಿಪಾಕಪಚ್ಚಯಾ – ಸೇಕ್ಖಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ॰…। (೩)

    Sekkhaṃ dhammaṃ paṭicca sekkho ca nevasekkhanāsekkho ca dhammā uppajjanti navipākapaccayā – sekkhaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe…. (3)

    ೧೨. ನೇವಸೇಕ್ಖನಾಸೇಕ್ಖಂ ಧಮ್ಮಂ ಪಟಿಚ್ಚ ನೇವಸೇಕ್ಖನಾಸೇಕ್ಖೋ ಧಮ್ಮೋ ಉಪ್ಪಜ್ಜತಿ ನವಿಪಾಕಪಚ್ಚಯಾ (ಪರಿಪುಣ್ಣಂ, ಪಟಿಸನ್ಧಿ ನತ್ಥಿ )।

    12. Nevasekkhanāsekkhaṃ dhammaṃ paṭicca nevasekkhanāsekkho dhammo uppajjati navipākapaccayā (paripuṇṇaṃ, paṭisandhi natthi ).

    ಸೇಕ್ಖಞ್ಚ ನೇವಸೇಕ್ಖನಾಸೇಕ್ಖಞ್ಚ ಧಮ್ಮಂ ಪಟಿಚ್ಚ ನೇವಸೇಕ್ಖನಾಸೇಕ್ಖೋ ಧಮ್ಮೋ ಉಪ್ಪಜ್ಜತಿ ನವಿಪಾಕಪಚ್ಚಯಾ – ಸೇಕ್ಖೇ ಖನ್ಧೇ ಚ ಮಹಾಭೂತೇ ಚ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ। (೧)

    Sekkhañca nevasekkhanāsekkhañca dhammaṃ paṭicca nevasekkhanāsekkho dhammo uppajjati navipākapaccayā – sekkhe khandhe ca mahābhūte ca paṭicca cittasamuṭṭhānaṃ rūpaṃ. (1)

    ನಆಹಾರಪಚ್ಚಯಾದಿ

    Naāhārapaccayādi

    ೧೩. ನೇವಸೇಕ್ಖನಾಸೇಕ್ಖಂ ಧಮ್ಮಂ ಪಟಿಚ್ಚ ನೇವಸೇಕ್ಖನಾಸೇಕ್ಖೋ ಧಮ್ಮೋ ಉಪ್ಪಜ್ಜತಿ ನಆಹಾರಪಚ್ಚಯಾ… ನಇನ್ದ್ರಿಯಪಚ್ಚಯಾ… ನಝಾನಪಚ್ಚಯಾ… ನಮಗ್ಗಪಚ್ಚಯಾ ।

    13. Nevasekkhanāsekkhaṃ dhammaṃ paṭicca nevasekkhanāsekkho dhammo uppajjati naāhārapaccayā… naindriyapaccayā… najhānapaccayā… namaggapaccayā .

    ನಸಮ್ಪಯುತ್ತಪಚ್ಚಯೋ

    Nasampayuttapaccayo

    ೧೪. ಸೇಕ್ಖಂ ಧಮ್ಮಂ ಪಟಿಚ್ಚ ನೇವಸೇಕ್ಖನಾಸೇಕ್ಖೋ ಧಮ್ಮೋ ಉಪ್ಪಜ್ಜತಿ ನಸಮ್ಪಯುತ್ತಪಚ್ಚಯಾ…ಪೇ॰… (ನಆರಮ್ಮಣಪಚ್ಚಯಸದಿಸಂ)।

    14. Sekkhaṃ dhammaṃ paṭicca nevasekkhanāsekkho dhammo uppajjati nasampayuttapaccayā…pe… (naārammaṇapaccayasadisaṃ).

    ನವಿಪ್ಪಯುತ್ತಪಚ್ಚಯಾದಿ

    Navippayuttapaccayādi

    ಸೇಕ್ಖಂ ಧಮ್ಮಂ ಪಟಿಚ್ಚ ಸೇಕ್ಖೋ ಧಮ್ಮೋ ಉಪ್ಪಜ್ಜತಿ ನವಿಪ್ಪಯುತ್ತಪಚ್ಚಯಾ। ಅರೂಪೇ ಸೇಕ್ಖಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ॰…। (೧)

    Sekkhaṃ dhammaṃ paṭicca sekkho dhammo uppajjati navippayuttapaccayā. Arūpe sekkhaṃ ekaṃ khandhaṃ paṭicca tayo khandhā…pe…. (1)

    ಅಸೇಕ್ಖಂ ಧಮ್ಮಂ ಪಟಿಚ್ಚ ಅಸೇಕ್ಖೋ ಧಮ್ಮೋ ಉಪ್ಪಜ್ಜತಿ ನವಿಪ್ಪಯುತ್ತಪಚ್ಚಯಾ – ಅರೂಪೇ ಅಸೇಕ್ಖಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ॰…। (೧)

    Asekkhaṃ dhammaṃ paṭicca asekkho dhammo uppajjati navippayuttapaccayā – arūpe asekkhaṃ ekaṃ khandhaṃ paṭicca tayo khandhā…pe…. (1)

    ನೇವಸೇಕ್ಖನಾಸೇಕ್ಖಂ ಧಮ್ಮಂ ಪಟಿಚ್ಚ ನೇವಸೇಕ್ಖನಾಸೇಕ್ಖೋ ಧಮ್ಮೋ ಉಪ್ಪಜ್ಜತಿ ನವಿಪ್ಪಯುತ್ತಪಚ್ಚಯಾ – ಅರೂಪೇ ನೇವಸೇಕ್ಖನಾಸೇಕ್ಖಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ॰… ಬಾಹಿರಂ… ಆಹಾರಸಮುಟ್ಠಾನಂ… ಉತುಸಮುಟ್ಠಾನಂ… ಅಸಞ್ಞಸತ್ತಾನಂ…ಪೇ॰… ನೋನತ್ಥಿಪಚ್ಚಯಾ… ನೋವಿಗತಪಚ್ಚಯಾ।

    Nevasekkhanāsekkhaṃ dhammaṃ paṭicca nevasekkhanāsekkho dhammo uppajjati navippayuttapaccayā – arūpe nevasekkhanāsekkhaṃ ekaṃ khandhaṃ paṭicca tayo khandhā…pe… bāhiraṃ… āhārasamuṭṭhānaṃ… utusamuṭṭhānaṃ… asaññasattānaṃ…pe… nonatthipaccayā… novigatapaccayā.

    ೨. ಪಚ್ಚಯಪಚ್ಚನೀಯಂ

    2. Paccayapaccanīyaṃ

    ೨. ಸಙ್ಖ್ಯಾವಾರೋ

    2. Saṅkhyāvāro

    ಸುದ್ಧಂ

    Suddhaṃ

    ೧೫. ನಹೇತುಯಾ ಏಕಂ, ನಆರಮ್ಮಣೇ ಪಞ್ಚ, ನಅಧಿಪತಿಯಾ ತೀಣಿ, ನಅನನ್ತರೇ ನಸಮನನ್ತರೇ ನಅಞ್ಞಮಞ್ಞೇ ನಉಪನಿಸ್ಸಯೇ ಪಞ್ಚ, ನಪುರೇಜಾತೇ ಸತ್ತ, ನಪಚ್ಛಾಜಾತೇ ನವ, ನಆಸೇವನೇ ನವ, ನಕಮ್ಮೇ ದ್ವೇ, ನವಿಪಾಕೇ ಪಞ್ಚ, ನಆಹಾರೇ ಏಕಂ, ನಇನ್ದ್ರಿಯೇ ಏಕಂ, ನಝಾನೇ ಏಕಂ, ನಮಗ್ಗೇ ಏಕಂ, ನಸಮ್ಪಯುತ್ತೇ ಪಞ್ಚ, ನವಿಪ್ಪಯುತ್ತೇ ತೀಣಿ, ನೋನತ್ಥಿಯಾ ಪಞ್ಚ, ನೋವಿಗತೇ ಪಞ್ಚ (ಏವಂ ಗಣೇತಬ್ಬಂ)।

    15. Nahetuyā ekaṃ, naārammaṇe pañca, naadhipatiyā tīṇi, naanantare nasamanantare naaññamaññe naupanissaye pañca, napurejāte satta, napacchājāte nava, naāsevane nava, nakamme dve, navipāke pañca, naāhāre ekaṃ, naindriye ekaṃ, najhāne ekaṃ, namagge ekaṃ, nasampayutte pañca, navippayutte tīṇi, nonatthiyā pañca, novigate pañca (evaṃ gaṇetabbaṃ).

    ಪಚ್ಚನೀಯಂ।

    Paccanīyaṃ.

    ೩. ಪಚ್ಚಯಾನುಲೋಮಪಚ್ಚನೀಯಂ

    3. Paccayānulomapaccanīyaṃ

    ಹೇತುದುಕಂ

    Hetudukaṃ

    ೧೬. ಹೇತುಪಚ್ಚಯಾ ನಆರಮ್ಮಣೇ ಪಞ್ಚ, ನಅಧಿಪತಿಯಾ ತೀಣಿ, ನಅನನ್ತರೇ ನಸಮನನ್ತರೇ ನಅಞ್ಞಮಞ್ಞೇ ನಉಪನಿಸ್ಸಯೇ ಪಞ್ಚ, ನಪುರೇಜಾತೇ ಸತ್ತ, ನಪಚ್ಛಾಜಾತೇ ನಆಸೇವನೇ ನವ, ನಕಮ್ಮೇ ದ್ವೇ, ನವಿಪಾಕೇ ಪಞ್ಚ, ನಸಮ್ಪಯುತ್ತೇ ಪಞ್ಚ, ನವಿಪ್ಪಯುತ್ತೇ ತೀಣಿ, ನೋನತ್ಥಿಯಾ ಪಞ್ಚ, ನೋವಿಗತೇ ಪಞ್ಚ (ಏವಂ ಗಣೇತಬ್ಬಂ)।

    16. Hetupaccayā naārammaṇe pañca, naadhipatiyā tīṇi, naanantare nasamanantare naaññamaññe naupanissaye pañca, napurejāte satta, napacchājāte naāsevane nava, nakamme dve, navipāke pañca, nasampayutte pañca, navippayutte tīṇi, nonatthiyā pañca, novigate pañca (evaṃ gaṇetabbaṃ).

    ಅನುಲೋಮಪಚ್ಚನೀಯಂ।

    Anulomapaccanīyaṃ.

    ೪. ಪಚ್ಚಯಪಚ್ಚನೀಯಾನುಲೋಮಂ

    4. Paccayapaccanīyānulomaṃ

    ನಹೇತುದುಕಂ

    Nahetudukaṃ

    ೧೭. ನಹೇತುಪಚ್ಚಯಾ ಆರಮ್ಮಣೇ ಏಕಂ, ಅನನ್ತರೇ ಸಮನನ್ತರೇ ಸಹಜಾತೇ ಅಞ್ಞಮಞ್ಞೇ ನಿಸ್ಸಯೇ ಉಪನಿಸ್ಸಯೇ ಪುರೇಜಾತೇ ಆಸೇವನೇ ಕಮ್ಮೇ ವಿಪಾಕೇ ಆಹಾರೇ ಇನ್ದ್ರಿಯೇ ಝಾನೇ ಮಗ್ಗೇ ಸಮ್ಪಯುತ್ತೇ ವಿಪ್ಪಯುತ್ತೇ ಅತ್ಥಿಯಾ ನತ್ಥಿಯಾ ವಿಗತೇ ಅವಿಗತೇ ಏಕಂ (ಏವಂ ಗಣೇತಬ್ಬಂ)।

    17. Nahetupaccayā ārammaṇe ekaṃ, anantare samanantare sahajāte aññamaññe nissaye upanissaye purejāte āsevane kamme vipāke āhāre indriye jhāne magge sampayutte vippayutte atthiyā natthiyā vigate avigate ekaṃ (evaṃ gaṇetabbaṃ).

    ಪಚ್ಚನೀಯಾನುಲೋಮಂ।

    Paccanīyānulomaṃ.

    ಪಟಿಚ್ಚವಾರೋ।

    Paṭiccavāro.

    ೨. ಸಹಜಾತವಾರೋ

    2. Sahajātavāro

    (ಸಹಜಾತವಾರೋ ಪಟಿಚ್ಚವಾರಸದಿಸೋ।)

    (Sahajātavāro paṭiccavārasadiso.)

    ೩. ಪಚ್ಚಯವಾರೋ

    3. Paccayavāro

    ೧. ಪಚ್ಚಯಾನುಲೋಮಂ

    1. Paccayānulomaṃ

    ೧. ವಿಭಙ್ಗವಾರೋ

    1. Vibhaṅgavāro

    ಹೇತುಪಚ್ಚಯೋ

    Hetupaccayo

    ೧೮. ಸೇಕ್ಖಂ ಧಮ್ಮಂ ಪಚ್ಚಯಾ ಸೇಕ್ಖೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ (ಪಟಿಚ್ಚವಾರಸದಿಸಂ)।

    18. Sekkhaṃ dhammaṃ paccayā sekkho dhammo uppajjati hetupaccayā… tīṇi (paṭiccavārasadisaṃ).

    ಅಸೇಕ್ಖಂ ಧಮ್ಮಂ ಪಚ್ಚಯಾ ಅಸೇಕ್ಖೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ (ಪಟಿಚ್ಚವಾರಸದಿಸಂ)।

    Asekkhaṃ dhammaṃ paccayā asekkho dhammo uppajjati hetupaccayā… tīṇi (paṭiccavārasadisaṃ).

    ೧೯. ನೇವಸೇಕ್ಖನಾಸೇಕ್ಖಂ ಧಮ್ಮಂ ಪಚ್ಚಯಾ ನೇವಸೇಕ್ಖನಾಸೇಕ್ಖೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ (ಪರಿಪುಣ್ಣಂ), ಮಹಾಭೂತೇ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ ಕಟತ್ತಾರೂಪಂ ಉಪಾದಾರೂಪಂ, ವತ್ಥುಂ ಪಚ್ಚಯಾ ನೇವಸೇಕ್ಖನಾಸೇಕ್ಖಾ ಖನ್ಧಾ। (೧)

    19. Nevasekkhanāsekkhaṃ dhammaṃ paccayā nevasekkhanāsekkho dhammo uppajjati hetupaccayā (paripuṇṇaṃ), mahābhūte paccayā cittasamuṭṭhānaṃ rūpaṃ kaṭattārūpaṃ upādārūpaṃ, vatthuṃ paccayā nevasekkhanāsekkhā khandhā. (1)

    ನೇವಸೇಕ್ಖನಾಸೇಕ್ಖಂ ಧಮ್ಮಂ ಪಚ್ಚಯಾ ಸೇಕ್ಖೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ವತ್ಥುಂ ಪಚ್ಚಯಾ ಸೇಕ್ಖಾ ಖನ್ಧಾ। (೨)

    Nevasekkhanāsekkhaṃ dhammaṃ paccayā sekkho dhammo uppajjati hetupaccayā – vatthuṃ paccayā sekkhā khandhā. (2)

    ನೇವಸೇಕ್ಖನಾಸೇಕ್ಖಂ ಧಮ್ಮಂ ಪಚ್ಚಯಾ ಅಸೇಕ್ಖೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ವತ್ಥುಂ ಪಚ್ಚಯಾ ಅಸೇಕ್ಖಾ ಖನ್ಧಾ। (೩)

    Nevasekkhanāsekkhaṃ dhammaṃ paccayā asekkho dhammo uppajjati hetupaccayā – vatthuṃ paccayā asekkhā khandhā. (3)

    ನೇವಸೇಕ್ಖನಾಸೇಕ್ಖಂ ಧಮ್ಮಂ ಪಚ್ಚಯಾ ಸೇಕ್ಖೋ ಚ ನೇವಸೇಕ್ಖನಾಸೇಕ್ಖೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ವತ್ಥುಂ ಪಚ್ಚಯಾ ಸೇಕ್ಖಾ ಖನ್ಧಾ, ಮಹಾಭೂತೇ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ। (೪)

    Nevasekkhanāsekkhaṃ dhammaṃ paccayā sekkho ca nevasekkhanāsekkho ca dhammā uppajjanti hetupaccayā – vatthuṃ paccayā sekkhā khandhā, mahābhūte paccayā cittasamuṭṭhānaṃ rūpaṃ. (4)

    ನೇವಸೇಕ್ಖನಾಸೇಕ್ಖಂ ಧಮ್ಮಂ ಪಚ್ಚಯಾ ಅಸೇಕ್ಖೋ ಚ ನೇವಸೇಕ್ಖನಾಸೇಕ್ಖೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ವತ್ಥುಂ ಪಚ್ಚಯಾ ಅಸೇಕ್ಖಾ ಖನ್ಧಾ, ಮಹಾಭೂತೇ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ। (೫)

    Nevasekkhanāsekkhaṃ dhammaṃ paccayā asekkho ca nevasekkhanāsekkho ca dhammā uppajjanti hetupaccayā – vatthuṃ paccayā asekkhā khandhā, mahābhūte paccayā cittasamuṭṭhānaṃ rūpaṃ. (5)

    ೨೦. ಸೇಕ್ಖಞ್ಚ ನೇವಸೇಕ್ಖನಾಸೇಕ್ಖಞ್ಚ ಧಮ್ಮಂ ಪಚ್ಚಯಾ ಸೇಕ್ಖೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಸೇಕ್ಖಂ ಏಕಂ ಖನ್ಧಞ್ಚ ವತ್ಥುಞ್ಚ ಪಚ್ಚಯಾ ತಯೋ ಖನ್ಧಾ…ಪೇ॰… ದ್ವೇ ಖನ್ಧಾ। (೧)

    20. Sekkhañca nevasekkhanāsekkhañca dhammaṃ paccayā sekkho dhammo uppajjati hetupaccayā – sekkhaṃ ekaṃ khandhañca vatthuñca paccayā tayo khandhā…pe… dve khandhā. (1)

    ಸೇಕ್ಖಞ್ಚ ನೇವಸೇಕ್ಖನಾಸೇಕ್ಖಞ್ಚ ಧಮ್ಮಂ ಪಚ್ಚಯಾ ನೇವಸೇಕ್ಖನಾಸೇಕ್ಖೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಸೇಕ್ಖೇ ಖನ್ಧೇ ಚ ಮಹಾಭೂತೇ ಚ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ। (೨)

    Sekkhañca nevasekkhanāsekkhañca dhammaṃ paccayā nevasekkhanāsekkho dhammo uppajjati hetupaccayā – sekkhe khandhe ca mahābhūte ca paccayā cittasamuṭṭhānaṃ rūpaṃ. (2)

    ಸೇಕ್ಖಞ್ಚ ನೇವಸೇಕ್ಖನಾಸೇಕ್ಖಞ್ಚ ಧಮ್ಮಂ ಪಚ್ಚಯಾ ಸೇಕ್ಖೋ ಚ ನೇವಸೇಕ್ಖನಾಸೇಕ್ಖೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ಸೇಕ್ಖಂ ಏಕಂ ಖನ್ಧಞ್ಚ ವತ್ಥುಞ್ಚ ಪಚ್ಚಯಾ ತಯೋ ಖನ್ಧಾ…ಪೇ॰… ದ್ವೇ ಖನ್ಧಾ। ಸೇಕ್ಖೇ ಖನ್ಧೇ ಚ ಮಹಾಭೂತೇ ಚ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ। (೩)

    Sekkhañca nevasekkhanāsekkhañca dhammaṃ paccayā sekkho ca nevasekkhanāsekkho ca dhammā uppajjanti hetupaccayā – sekkhaṃ ekaṃ khandhañca vatthuñca paccayā tayo khandhā…pe… dve khandhā. Sekkhe khandhe ca mahābhūte ca paccayā cittasamuṭṭhānaṃ rūpaṃ. (3)

    ಅಸೇಕ್ಖಞ್ಚ ನೇವಸೇಕ್ಖನಾಸೇಕ್ಖಞ್ಚ ಧಮ್ಮಂ ಪಚ್ಚಯಾ… ತೀಣಿ (ಸೇಕ್ಖಸದಿಸಾ)।

    Asekkhañca nevasekkhanāsekkhañca dhammaṃ paccayā… tīṇi (sekkhasadisā).

    ಆರಮ್ಮಣಪಚ್ಚಯೋ

    Ārammaṇapaccayo

    ೨೧. ಸೇಕ್ಖಂ ಧಮ್ಮಂ ಪಚ್ಚಯಾ ಸೇಕ್ಖೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ… ಏಕಂ।

    21. Sekkhaṃ dhammaṃ paccayā sekkho dhammo uppajjati ārammaṇapaccayā… ekaṃ.

    ಅಸೇಕ್ಖಂ ಧಮ್ಮಂ ಪಚ್ಚಯಾ ಅಸೇಕ್ಖೋ ಧಮ್ಮೋ… ಏಕಂ।

    Asekkhaṃ dhammaṃ paccayā asekkho dhammo… ekaṃ.

    ನೇವಸೇಕ್ಖನಾಸೇಕ್ಖಂ ಧಮ್ಮಂ ಪಚ್ಚಯಾ ನೇವಸೇಕ್ಖನಾಸೇಕ್ಖೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ… ಏಕಂ, ವತ್ಥುಂ ಪಚ್ಚಯಾ ನೇವಸೇಕ್ಖನಾಸೇಕ್ಖಾ ಖನ್ಧಾ, ಚಕ್ಖಾಯತನಂ ಪಚ್ಚಯಾ ಚಕ್ಖುವಿಞ್ಞಾಣಂ…ಪೇ॰… ಕಾಯಾಯತನಂ ಪಚ್ಚಯಾ ಕಾಯವಿಞ್ಞಾಣಂ, ವತ್ಥುಂ ಪಚ್ಚಯಾ ನೇವಸೇಕ್ಖನಾಸೇಕ್ಖಾ ಖನ್ಧಾ। (೧)

    Nevasekkhanāsekkhaṃ dhammaṃ paccayā nevasekkhanāsekkho dhammo uppajjati ārammaṇapaccayā… ekaṃ, vatthuṃ paccayā nevasekkhanāsekkhā khandhā, cakkhāyatanaṃ paccayā cakkhuviññāṇaṃ…pe… kāyāyatanaṃ paccayā kāyaviññāṇaṃ, vatthuṃ paccayā nevasekkhanāsekkhā khandhā. (1)

    ನೇವಸೇಕ್ಖನಾಸೇಕ್ಖಂ ಧಮ್ಮಂ ಪಚ್ಚಯಾ ಸೇಕ್ಖೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ – ವತ್ಥುಂ ಪಚ್ಚಯಾ ಸೇಕ್ಖಾ ಖನ್ಧಾ। (೨)

    Nevasekkhanāsekkhaṃ dhammaṃ paccayā sekkho dhammo uppajjati ārammaṇapaccayā – vatthuṃ paccayā sekkhā khandhā. (2)

    ನೇವಸೇಕ್ಖನಾಸೇಕ್ಖಂ ಧಮ್ಮಂ ಪಚ್ಚಯಾ ಅಸೇಕ್ಖೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ – ವತ್ಥುಂ ಪಚ್ಚಯಾ ಅಸೇಕ್ಖಾ ಖನ್ಧಾ। (೩)

    Nevasekkhanāsekkhaṃ dhammaṃ paccayā asekkho dhammo uppajjati ārammaṇapaccayā – vatthuṃ paccayā asekkhā khandhā. (3)

    ಸೇಕ್ಖಞ್ಚ ನೇವಸೇಕ್ಖನಾಸೇಕ್ಖಞ್ಚ ಧಮ್ಮಂ ಪಚ್ಚಯಾ ಸೇಕ್ಖೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ – ಸೇಕ್ಖಂ ಏಕಂ ಖನ್ಧಞ್ಚ ವತ್ಥುಞ್ಚ ಪಚ್ಚಯಾ ತಯೋ ಖನ್ಧಾ…ಪೇ॰… ದ್ವೇ ಖನ್ಧಾ। (೧)

    Sekkhañca nevasekkhanāsekkhañca dhammaṃ paccayā sekkho dhammo uppajjati ārammaṇapaccayā – sekkhaṃ ekaṃ khandhañca vatthuñca paccayā tayo khandhā…pe… dve khandhā. (1)

    ಅಸೇಕ್ಖಞ್ಚ ನೇವಸೇಕ್ಖನಾಸೇಕ್ಖಞ್ಚ ಧಮ್ಮಂ ಪಚ್ಚಯಾ ಅಸೇಕ್ಖೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ – ಅಸೇಕ್ಖಂ ಏಕಂ ಖನ್ಧಞ್ಚ ವತ್ಥುಞ್ಚ ಪಚ್ಚಯಾ ತಯೋ ಖನ್ಧಾ…ಪೇ॰… ದ್ವೇ ಖನ್ಧಾ। (೧)

    Asekkhañca nevasekkhanāsekkhañca dhammaṃ paccayā asekkho dhammo uppajjati ārammaṇapaccayā – asekkhaṃ ekaṃ khandhañca vatthuñca paccayā tayo khandhā…pe… dve khandhā. (1)

    ಅಧಿಪತಿಪಚ್ಚಯಾದಿ

    Adhipatipaccayādi

    ೨೨. ಸೇಕ್ಖಂ ಧಮ್ಮಂ ಪಚ್ಚಯಾ ಸೇಕ್ಖೋ ಧಮ್ಮೋ ಉಪ್ಪಜ್ಜತಿ ಅಧಿಪತಿಪಚ್ಚಯಾ… ಅನನ್ತರಪಚ್ಚಯಾ… ಸಮನನ್ತರಪಚ್ಚಯಾ… ಸಹಜಾತಪಚ್ಚಯಾ… ಅಞ್ಞಮಞ್ಞಪಚ್ಚಯ… ನಿಸ್ಸಯಪಚ್ಚಯಾ … ಉಪನಿಸ್ಸಯಪಚ್ಚಯಾ… ಪುರೇಜಾತಪಚ್ಚಯಾ… ಆಸೇವನಪಚ್ಚಯಾ – ಸೇಕ್ಖಂ ಏಕಂ ಖನ್ಧಂ ಪಚ್ಚಯಾ ತಯೋ ಖನ್ಧಾ…ಪೇ॰…

    22. Sekkhaṃ dhammaṃ paccayā sekkho dhammo uppajjati adhipatipaccayā… anantarapaccayā… samanantarapaccayā… sahajātapaccayā… aññamaññapaccaya… nissayapaccayā … upanissayapaccayā… purejātapaccayā… āsevanapaccayā – sekkhaṃ ekaṃ khandhaṃ paccayā tayo khandhā…pe…

    ನೇವಸೇಕ್ಖನಾಸೇಕ್ಖಂ ಧಮ್ಮಂ ಪಚ್ಚಯಾ ನೇವಸೇಕ್ಖನಾಸೇಕ್ಖೋ ಧಮ್ಮೋ ಉಪ್ಪಜ್ಜತಿ ಆಸೇವನಪಚ್ಚಯಾ – ನೇವಸೇಕ್ಖನಾಸೇಕ್ಖಂ ಏಕಂ ಖನ್ಧಂ ಪಚ್ಚಯಾ…ಪೇ॰… ವತ್ಥುಂ ಪಚ್ಚಯಾ ನೇವಸೇಕ್ಖನಾಸೇಕ್ಖಾ ಖನ್ಧಾ। (೧)

    Nevasekkhanāsekkhaṃ dhammaṃ paccayā nevasekkhanāsekkho dhammo uppajjati āsevanapaccayā – nevasekkhanāsekkhaṃ ekaṃ khandhaṃ paccayā…pe… vatthuṃ paccayā nevasekkhanāsekkhā khandhā. (1)

    ನೇವಸೇಕ್ಖನಾಸೇಕ್ಖಂ ಧಮ್ಮಂ ಪಚ್ಚಯಾ ಸೇಕ್ಖೋ ಧಮ್ಮೋ ಉಪ್ಪಜ್ಜತಿ ಆಸೇವನಪಚ್ಚಯಾ – ವತ್ಥುಂ ಪಚ್ಚಯಾ ಸೇಕ್ಖಾ ಖನ್ಧಾ। (೨)

    Nevasekkhanāsekkhaṃ dhammaṃ paccayā sekkho dhammo uppajjati āsevanapaccayā – vatthuṃ paccayā sekkhā khandhā. (2)

    ಸೇಕ್ಖಞ್ಚ ನೇವಸೇಕ್ಖನಾಸೇಕ್ಖಞ್ಚ ಧಮ್ಮಂ ಪಚ್ಚಯಾ ಸೇಕ್ಖೋ ಧಮ್ಮೋ ಉಪ್ಪಜ್ಜತಿ ಆಸೇವನಪಚ್ಚಯಾ – ಸೇಕ್ಖಂ ಏಕಂ ಖನ್ಧಞ್ಚ ವತ್ಥುಞ್ಚ ಪಚ್ಚಯಾ ತಯೋ ಖನ್ಧಾ…ಪೇ॰… ದ್ವೇ ಖನ್ಧಾ। (೧)

    Sekkhañca nevasekkhanāsekkhañca dhammaṃ paccayā sekkho dhammo uppajjati āsevanapaccayā – sekkhaṃ ekaṃ khandhañca vatthuñca paccayā tayo khandhā…pe… dve khandhā. (1)

    ಕಮ್ಮಪಚ್ಚಯಾದಿ

    Kammapaccayādi

    ೨೩. ಸೇಕ್ಖಂ ಧಮ್ಮಂ ಪಚ್ಚಯಾ ಸೇಕ್ಖೋ ಧಮ್ಮೋ ಉಪ್ಪಜ್ಜತಿ ಕಮ್ಮಪಚ್ಚಯಾ… ವಿಪಾಕಪಚ್ಚಯಾ – ವಿಪಾಕಂ ಸೇಕ್ಖಂ ಏಕಂ ಖನ್ಧಂ…ಪೇ॰… ಆಹಾರಪಚ್ಚಯಾ… ಇನ್ದ್ರಿಯಪಚ್ಚಯಾ… ಝಾನಪಚ್ಚಯಾ… ಮಗ್ಗಪಚ್ಚಯಾ… ಸಮ್ಪಯುತ್ತಪಚ್ಚಯಾ… ವಿಪ್ಪಯುತ್ತಪಚ್ಚಯಾ… ಅತ್ಥಿಪಚ್ಚಯಾ… ನತ್ಥಿಪಚ್ಚಯಾ… ವಿಗತಪಚ್ಚಯಾ… ಅವಿಗತಪಚ್ಚಯಾ।

    23. Sekkhaṃ dhammaṃ paccayā sekkho dhammo uppajjati kammapaccayā… vipākapaccayā – vipākaṃ sekkhaṃ ekaṃ khandhaṃ…pe… āhārapaccayā… indriyapaccayā… jhānapaccayā… maggapaccayā… sampayuttapaccayā… vippayuttapaccayā… atthipaccayā… natthipaccayā… vigatapaccayā… avigatapaccayā.

    ೧. ಪಚ್ಚಯಾನುಲೋಮಂ

    1. Paccayānulomaṃ

    ೨. ಸಙ್ಖ್ಯಾವಾರೋ

    2. Saṅkhyāvāro

    ಸುದ್ಧಂ

    Suddhaṃ

    ೨೪. ಹೇತುಯಾ ಸತ್ತರಸ, ಆರಮ್ಮಣೇ ಸತ್ತ, ಅಧಿಪತಿಯಾ ಸತ್ತರಸ, ಅನನ್ತರೇ ಸತ್ತ, ಸಮನನ್ತರೇ ಸತ್ತ, ಸಹಜಾತೇ ಸತ್ತರಸ, ಅಞ್ಞಮಞ್ಞೇ ಸತ್ತ, ನಿಸ್ಸಯೇ ಸತ್ತರಸ, ಉಪನಿಸ್ಸಯೇ ಸತ್ತ, ಪುರೇಜಾತೇ ಸತ್ತ, ಆಸೇವನೇ ಚತ್ತಾರಿ, ಕಮ್ಮೇ ಸತ್ತರಸ, ವಿಪಾಕೇ ಸತ್ತರಸ, ಆಹಾರೇ ಸತ್ತರಸ, ಇನ್ದ್ರಿಯೇ ಝಾನೇ ಮಗ್ಗೇ ಸತ್ತರಸ, ಸಮ್ಪಯುತ್ತೇ ಸತ್ತ, ವಿಪ್ಪಯುತ್ತೇ ಸತ್ತರಸ, ಅತ್ಥಿಯಾ ಸತ್ತರಸ, ನತ್ಥಿಯಾ ಸತ್ತ, ವಿಗತೇ ಸತ್ತ, ಅವಿಗತೇ ಸತ್ತರಸ (ಏವಂ ಗಣೇತಬ್ಬಂ)।

    24. Hetuyā sattarasa, ārammaṇe satta, adhipatiyā sattarasa, anantare satta, samanantare satta, sahajāte sattarasa, aññamaññe satta, nissaye sattarasa, upanissaye satta, purejāte satta, āsevane cattāri, kamme sattarasa, vipāke sattarasa, āhāre sattarasa, indriye jhāne magge sattarasa, sampayutte satta, vippayutte sattarasa, atthiyā sattarasa, natthiyā satta, vigate satta, avigate sattarasa (evaṃ gaṇetabbaṃ).

    ಅನುಲೋಮಂ।

    Anulomaṃ.

    ೨. ಪಚ್ಚಯಪಚ್ಚನೀಯಂ

    2. Paccayapaccanīyaṃ

    ೧. ವಿಭಙ್ಗವಾರೋ

    1. Vibhaṅgavāro

    ನಹೇತುಪಚ್ಚಯೋ

    Nahetupaccayo

    ೨೫. ನೇವಸೇಕ್ಖನಾಸೇಕ್ಖಂ ಧಮ್ಮಂ ಪಚ್ಚಯಾ ನೇವಸೇಕ್ಖನಾಸೇಕ್ಖೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಅಹೇತುಕಂ ನೇವಸೇಕ್ಖನಾಸೇಕ್ಖಂ ಏಕಂ ಖನ್ಧಂ ಪಚ್ಚಯಾ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ॰… ದ್ವೇ ಖನ್ಧಾ। ಅಹೇತುಕಪಟಿಸನ್ಧಿಕ್ಖಣೇ…ಪೇ॰… ಖನ್ಧೇ ಪಚ್ಚಯಾ ವತ್ಥು, ವತ್ಥುಂ ಪಚ್ಚಯಾ ಖನ್ಧಾ, ಏಕಂ ಮಹಾಭೂತಂ ಪಚ್ಚಯಾ…ಪೇ॰… ಬಾಹಿರಂ… ಆಹಾರಸಮುಟ್ಠಾನಂ… ಉತುಸಮುಟ್ಠಾನಂ… ಅಸಞ್ಞಸತ್ತಾನಂ…ಪೇ॰… ಚಕ್ಖಾಯತನಂ ಪಚ್ಚಯಾ ಚಕ್ಖುವಿಞ್ಞಾಣಂ…ಪೇ॰… ಕಾಯಾಯತನಂ ಪಚ್ಚಯಾ ಕಾಯವಿಞ್ಞಾಣಂ, ವತ್ಥುಂ ಪಚ್ಚಯಾ ಅಹೇತುಕಾ ನೇವಸೇಕ್ಖನಾಸೇಕ್ಖಾ ಖನ್ಧಾ, ವಿಚಿಕಿಚ್ಛಾಸಹಗತೇ ಉದ್ಧಚ್ಚಸಹಗತೇ ಖನ್ಧೇ ಚ ವತ್ಥುಞ್ಚ ಪಚ್ಚಯಾ ವಿಚಿಕಿಚ್ಛಾಸಹಗತೋ ಉದ್ಧಚ್ಚಸಹಗತೋ ಮೋಹೋ। (೧)

    25. Nevasekkhanāsekkhaṃ dhammaṃ paccayā nevasekkhanāsekkho dhammo uppajjati nahetupaccayā – ahetukaṃ nevasekkhanāsekkhaṃ ekaṃ khandhaṃ paccayā tayo khandhā cittasamuṭṭhānañca rūpaṃ…pe… dve khandhā. Ahetukapaṭisandhikkhaṇe…pe… khandhe paccayā vatthu, vatthuṃ paccayā khandhā, ekaṃ mahābhūtaṃ paccayā…pe… bāhiraṃ… āhārasamuṭṭhānaṃ… utusamuṭṭhānaṃ… asaññasattānaṃ…pe… cakkhāyatanaṃ paccayā cakkhuviññāṇaṃ…pe… kāyāyatanaṃ paccayā kāyaviññāṇaṃ, vatthuṃ paccayā ahetukā nevasekkhanāsekkhā khandhā, vicikicchāsahagate uddhaccasahagate khandhe ca vatthuñca paccayā vicikicchāsahagato uddhaccasahagato moho. (1)

    ನಆರಮ್ಮಣಪಚ್ಚಯಾದಿ

    Naārammaṇapaccayādi

    ೨೬. ಸೇಕ್ಖಂ ಧಮ್ಮಂ ಪಚ್ಚಯಾ ನೇವಸೇಕ್ಖನಾಸೇಕ್ಖೋ ಧಮ್ಮೋ ಉಪ್ಪಜ್ಜತಿ ನಆರಮ್ಮಣಪಚ್ಚಯಾ…ಪೇ॰…। (೧)

    26. Sekkhaṃ dhammaṃ paccayā nevasekkhanāsekkho dhammo uppajjati naārammaṇapaccayā…pe…. (1)

    ಸೇಕ್ಖಂ ಧಮ್ಮಂ ಪಚ್ಚಯಾ ಸೇಕ್ಖೋ ಧಮ್ಮೋ ಉಪ್ಪಜ್ಜತಿ ನಅಧಿಪತಿಪಚ್ಚಯಾ – ಸೇಕ್ಖೇ ಖನ್ಧೇ ಪಚ್ಚಯಾ ಸೇಕ್ಖೋ ಅಧಿಪತಿ। (೧)

    Sekkhaṃ dhammaṃ paccayā sekkho dhammo uppajjati naadhipatipaccayā – sekkhe khandhe paccayā sekkho adhipati. (1)

    ಅಸೇಕ್ಖಂ ಧಮ್ಮಂ ಪಚ್ಚಯಾ ಅಸೇಕ್ಖೋ ಧಮ್ಮೋ ಉಪ್ಪಜ್ಜತಿ ನಅಧಿಪತಿಪಚ್ಚಯಾ – ಅಸೇಕ್ಖೇ ಖನ್ಧೇ ಪಚ್ಚಯಾ ಅಸೇಕ್ಖೋ ಅಧಿಪತಿ। (೧)

    Asekkhaṃ dhammaṃ paccayā asekkho dhammo uppajjati naadhipatipaccayā – asekkhe khandhe paccayā asekkho adhipati. (1)

    ನೇವಸೇಕ್ಖನಾಸೇಕ್ಖಂ ಧಮ್ಮಂ ಪಚ್ಚಯಾ ನೇವಸೇಕ್ಖನಾಸೇಕ್ಖೋ ಧಮ್ಮೋ ಉಪ್ಪಜ್ಜತಿ ನಅಧಿಪತಿಪಚ್ಚಯಾ (ಪರಿಪುಣ್ಣಂ) ಅಸಞ್ಞಸತ್ತಾನಂ…ಪೇ॰… ಚಕ್ಖಾಯತನಂ…ಪೇ॰… ವತ್ಥುಂ ಪಚ್ಚಯಾ ನೇವಸೇಕ್ಖನಾಸೇಕ್ಖಾ ಖನ್ಧಾ। (೧)

    Nevasekkhanāsekkhaṃ dhammaṃ paccayā nevasekkhanāsekkho dhammo uppajjati naadhipatipaccayā (paripuṇṇaṃ) asaññasattānaṃ…pe… cakkhāyatanaṃ…pe… vatthuṃ paccayā nevasekkhanāsekkhā khandhā. (1)

    ನೇವಸೇಕ್ಖನಾಸೇಕ್ಖಂ ಧಮ್ಮಂ ಪಚ್ಚಯಾ ಸೇಕ್ಖೋ ಧಮ್ಮೋ ಉಪ್ಪಜ್ಜತಿ ನಅಧಿಪತಿಪಚ್ಚಯಾ – ವತ್ಥುಂ ಪಚ್ಚಯಾ ಸೇಕ್ಖೋ ಅಧಿಪತಿ। (೨)

    Nevasekkhanāsekkhaṃ dhammaṃ paccayā sekkho dhammo uppajjati naadhipatipaccayā – vatthuṃ paccayā sekkho adhipati. (2)

    ನೇವಸೇಕ್ಖನಾಸೇಕ್ಖಂ ಧಮ್ಮಂ ಪಚ್ಚಯಾ ಅಸೇಕ್ಖೋ ಧಮ್ಮೋ ಉಪ್ಪಜ್ಜತಿ ನಅಧಿಪತಿಪಚ್ಚಯಾ – ವತ್ಥುಂ ಪಚ್ಚಯಾ ಅಸೇಕ್ಖೋ ಅಧಿಪತಿ। (೩)

    Nevasekkhanāsekkhaṃ dhammaṃ paccayā asekkho dhammo uppajjati naadhipatipaccayā – vatthuṃ paccayā asekkho adhipati. (3)

    ಸೇಕ್ಖಞ್ಚ ನೇವಸೇಕ್ಖನಾಸೇಕ್ಖಞ್ಚ ಧಮ್ಮಂ ಪಚ್ಚಯಾ ಸೇಕ್ಖೋ ಧಮ್ಮೋ ಉಪ್ಪಜ್ಜತಿ ನಅಧಿಪತಿಪಚ್ಚಯಾ – ಸೇಕ್ಖೇ ಖನ್ಧೇ ಚ ವತ್ಥುಞ್ಚ ಪಚ್ಚಯಾ ಸೇಕ್ಖೋ ಅಧಿಪತಿ। (೧)

    Sekkhañca nevasekkhanāsekkhañca dhammaṃ paccayā sekkho dhammo uppajjati naadhipatipaccayā – sekkhe khandhe ca vatthuñca paccayā sekkho adhipati. (1)

    ಅಸೇಕ್ಖಞ್ಚ ನೇವಸೇಕ್ಖನಾಸೇಕ್ಖಞ್ಚ ಧಮ್ಮಂ ಪಚ್ಚಯಾ ಅಸೇಕ್ಖೋ ಧಮ್ಮೋ ಉಪ್ಪಜ್ಜತಿ ನಅಧಿಪತಿಪಚ್ಚಯಾ – ಅಸೇಕ್ಖೇ ಖನ್ಧೇ ಚ ವತ್ಥುಞ್ಚ ಪಚ್ಚಯಾ ಅಸೇಕ್ಖೋ ಅಧಿಪತಿ। (೧)

    Asekkhañca nevasekkhanāsekkhañca dhammaṃ paccayā asekkho dhammo uppajjati naadhipatipaccayā – asekkhe khandhe ca vatthuñca paccayā asekkho adhipati. (1)

    ನಅನನ್ತರಪಚ್ಚಯಾದಿ

    Naanantarapaccayādi

    ೨೭. ಸೇಕ್ಖಂ ಧಮ್ಮಂ ಪಚ್ಚಯಾ ನೇವಸೇಕ್ಖನಾಸೇಕ್ಖೋ ಧಮ್ಮೋ ಉಪ್ಪಜ್ಜತಿ ನಅನನ್ತರಪಚ್ಚಯಾ… ನಸಮನನ್ತರಪಚ್ಚಯಾ… ನಅಞ್ಞಮಞ್ಞಪಚ್ಚಯಾ… ನಉಪನಿಸ್ಸಯಪಚ್ಚಯಾ… ನಪುರೇಜಾತಪಚ್ಚಯಾ… ನಪಚ್ಛಾಜಾತಪಚ್ಚಯಾ (ಸತ್ತ)… ನಆಸೇವನಪಚ್ಚಯಾ… ನಕಮ್ಮಪಚ್ಚಯಾ – ಸೇಕ್ಖೇ ಖನ್ಧೇ ಪಚ್ಚಯಾ ಸೇಕ್ಖಾ ಚೇತನಾ।

    27. Sekkhaṃ dhammaṃ paccayā nevasekkhanāsekkho dhammo uppajjati naanantarapaccayā… nasamanantarapaccayā… naaññamaññapaccayā… naupanissayapaccayā… napurejātapaccayā… napacchājātapaccayā (satta)… naāsevanapaccayā… nakammapaccayā – sekkhe khandhe paccayā sekkhā cetanā.

    ನೇವಸೇಕ್ಖನಾಸೇಕ್ಖಂ ಧಮ್ಮಂ ಪಚ್ಚಯಾ ನೇವಸೇಕ್ಖನಾಸೇಕ್ಖೋ ಧಮ್ಮೋ ಉಪ್ಪಜ್ಜತಿ ನಕಮ್ಮಪಚ್ಚಯಾ – ನೇವಸೇಕ್ಖನಾಸೇಕ್ಖೇ ಖನ್ಧೇ ಪಚ್ಚಯಾ ನೇವಸೇಕ್ಖನಾಸೇಕ್ಖಾ ಚೇತನಾ। ಬಾಹಿರಂ… ಆಹಾರಸಮುಟ್ಠಾನಂ… ಉತುಸಮುಟ್ಠಾನಂ…ಪೇ॰… ವತ್ಥುಂ ಪಚ್ಚಯಾ ನೇವಸೇಕ್ಖನಾಸೇಕ್ಖಾ ಚೇತನಾ। (೧)

    Nevasekkhanāsekkhaṃ dhammaṃ paccayā nevasekkhanāsekkho dhammo uppajjati nakammapaccayā – nevasekkhanāsekkhe khandhe paccayā nevasekkhanāsekkhā cetanā. Bāhiraṃ… āhārasamuṭṭhānaṃ… utusamuṭṭhānaṃ…pe… vatthuṃ paccayā nevasekkhanāsekkhā cetanā. (1)

    ನೇವಸೇಕ್ಖನಾಸೇಕ್ಖಂ ಧಮ್ಮಂ ಪಚ್ಚಯಾ ಸೇಕ್ಖೋ ಧಮ್ಮೋ ಉಪ್ಪಜ್ಜತಿ ನಕಮ್ಮಪಚ್ಚಯಾ – ವತ್ಥುಂ ಪಚ್ಚಯಾ ಸೇಕ್ಖಾ ಚೇತನಾ। (೨)

    Nevasekkhanāsekkhaṃ dhammaṃ paccayā sekkho dhammo uppajjati nakammapaccayā – vatthuṃ paccayā sekkhā cetanā. (2)

    ಸೇಕ್ಖಞ್ಚ ನೇವಸೇಕ್ಖನಾಸೇಕ್ಖಞ್ಚ ಧಮ್ಮಂ ಪಚ್ಚಯಾ ಸೇಕ್ಖೋ ಧಮ್ಮೋ ಉಪ್ಪಜ್ಜತಿ ನಕಮ್ಮಪಚ್ಚಯಾ – ಸೇಕ್ಖೇ ಖನ್ಧೇ ಚ ವತ್ಥುಞ್ಚ ಪಚ್ಚಯಾ ಸೇಕ್ಖಾ ಚೇತನಾ। (೧)

    Sekkhañca nevasekkhanāsekkhañca dhammaṃ paccayā sekkho dhammo uppajjati nakammapaccayā – sekkhe khandhe ca vatthuñca paccayā sekkhā cetanā. (1)

    ನವಿಪಾಕಪಚ್ಚಯೋ

    Navipākapaccayo

    ೨೮. ಸೇಕ್ಖಂ ಧಮ್ಮಂ ಪಚ್ಚಯಾ ಸೇಕ್ಖೋ ಧಮ್ಮೋ ಉಪ್ಪಜ್ಜತಿ ನವಿಪಾಕಪಚ್ಚಯಾ (ಸೇಕ್ಖಮೂಲಕೇ ತೀಣಿ)।

    28. Sekkhaṃ dhammaṃ paccayā sekkho dhammo uppajjati navipākapaccayā (sekkhamūlake tīṇi).

    ನೇವಸೇಕ್ಖನಾಸೇಕ್ಖಂ ಧಮ್ಮಂ ಪಚ್ಚಯಾ ನೇವಸೇಕ್ಖನಾಸೇಕ್ಖೋ ಧಮ್ಮೋ ಉಪ್ಪಜ್ಜತಿ ನವಿಪಾಕಪಚ್ಚಯಾ (ನೇವಸೇಕ್ಖನಾಸೇಕ್ಖಮೂಲಕೇ ತೀಣಿ)।

    Nevasekkhanāsekkhaṃ dhammaṃ paccayā nevasekkhanāsekkho dhammo uppajjati navipākapaccayā (nevasekkhanāsekkhamūlake tīṇi).

    ಸೇಕ್ಖಞ್ಚ ನೇವಸೇಕ್ಖನಾಸೇಕ್ಖಞ್ಚ ಧಮ್ಮಂ ಪಚ್ಚಯಾ ಸೇಕ್ಖೋ ಧಮ್ಮೋ ಉಪ್ಪಜ್ಜತಿ ನವಿಪಾಕಪಚ್ಚಯಾ (ಸೇಕ್ಖಘಟನೇಸು ತೀಣಿ)।

    Sekkhañca nevasekkhanāsekkhañca dhammaṃ paccayā sekkho dhammo uppajjati navipākapaccayā (sekkhaghaṭanesu tīṇi).

    ನಆಹಾರಪಚ್ಚಯಾದಿ

    Naāhārapaccayādi

    ೨೯. ನೇವಸೇಕ್ಖನಾಸೇಕ್ಖಂ ಧಮ್ಮಂ ಪಚ್ಚಯಾ ನೇವಸೇಕ್ಖನಾಸೇಕ್ಖೋ ಧಮ್ಮೋ ಉಪ್ಪಜ್ಜತಿ ನಆಹಾರಪಚ್ಚಯಾ… ನಇನ್ದ್ರಿಯಪಚ್ಚಯಾ… ನಝಾನಪಚ್ಚಯಾ… ನಮಗ್ಗಪಚ್ಚಯಾ… ನಸಮ್ಪಯುತ್ತಪಚ್ಚಯಾ… ನವಿಪ್ಪಯುತ್ತಪಚ್ಚಯಾ… ನೋನತ್ಥಿಪಚ್ಚಯಾ… ನೋವಿಗತಪಚ್ಚಯಾ…ಪೇ॰…।

    29. Nevasekkhanāsekkhaṃ dhammaṃ paccayā nevasekkhanāsekkho dhammo uppajjati naāhārapaccayā… naindriyapaccayā… najhānapaccayā… namaggapaccayā… nasampayuttapaccayā… navippayuttapaccayā… nonatthipaccayā… novigatapaccayā…pe….

    ೨. ಪಚ್ಚಯಪಚ್ಚನೀಯಂ

    2. Paccayapaccanīyaṃ

    ೨. ಸಙ್ಖ್ಯಾವಾರೋ

    2. Saṅkhyāvāro

    ಸುದ್ಧಂ

    Suddhaṃ

    ೩೦. ನಹೇತುಯಾ ಏಕಂ, ನಆರಮ್ಮಣೇ ಪಞ್ಚ, ನಅಧಿಪತಿಯಾ ಸತ್ತ, ನಅನನ್ತರೇ ಪಞ್ಚ, ನಸಮನನ್ತರೇ ಪಞ್ಚ, ನಅಞ್ಞಮಞ್ಞೇ ಪಞ್ಚ, ನಉಪನಿಸ್ಸಯೇ ಪಞ್ಚ, ನಪುರೇಜಾತೇ ಸತ್ತ, ನಪಚ್ಛಾಜಾತೇ ಸತ್ತರಸ, ನಆಸೇವನೇ ಸತ್ತರಸ, ನಕಮ್ಮೇ ಚತ್ತಾರಿ, ನವಿಪಾಕೇ ನವ, ನಆಹಾರೇ ಏಕಂ, ನಇನ್ದ್ರಿಯೇ ಏಕಂ, ನಝಾನೇ ಏಕಂ, ನಮಗ್ಗೇ ಏಕಂ, ನಸಮ್ಪಯುತ್ತೇ ಪಞ್ಚ, ನವಿಪ್ಪಯುತ್ತೇ ತೀಣಿ, ನೋನತ್ಥಿಯಾ ಪಞ್ಚ, ನೋವಿಗತೇ ಪಞ್ಚ (ಏವಂ ಗಣೇತಬ್ಬಂ)।

    30. Nahetuyā ekaṃ, naārammaṇe pañca, naadhipatiyā satta, naanantare pañca, nasamanantare pañca, naaññamaññe pañca, naupanissaye pañca, napurejāte satta, napacchājāte sattarasa, naāsevane sattarasa, nakamme cattāri, navipāke nava, naāhāre ekaṃ, naindriye ekaṃ, najhāne ekaṃ, namagge ekaṃ, nasampayutte pañca, navippayutte tīṇi, nonatthiyā pañca, novigate pañca (evaṃ gaṇetabbaṃ).

    ಪಚ್ಚನೀಯಂ।

    Paccanīyaṃ.

    ೩. ಪಚ್ಚಯಾನುಲೋಮಪಚ್ಚನೀಯಂ

    3. Paccayānulomapaccanīyaṃ

    ಹೇತುದುಕಂ

    Hetudukaṃ

    ೩೧. ಹೇತುಪಚ್ಚಯಾ ನಆರಮ್ಮಣೇ ಪಞ್ಚ, ನಅಧಿಪತಿಯಾ ಸತ್ತ, ನಅನನ್ತರೇ ನಸಮನನ್ತರೇ ನಅಞ್ಞಮಞ್ಞೇ ನಉಪನಿಸ್ಸಯೇ ಪಞ್ಚ, ನಪುರೇಜಾತೇ ಸತ್ತ, ನಪಚ್ಛಾಜಾತೇ ಸತ್ತರಸ, ನಆಸೇವನೇ ಸತ್ತರಸ, ನಕಮ್ಮೇ ಚತ್ತಾರಿ, ನವಿಪಾಕೇ ನವ, ನಸಮ್ಪಯುತ್ತೇ ಪಞ್ಚ, ನವಿಪ್ಪಯುತ್ತೇ ತೀಣಿ, ನೋನತ್ಥಿಯಾ ಪಞ್ಚ, ನೋವಿಗತೇ ಪಞ್ಚ (ಏವಂ ಗಣೇತಬ್ಬಂ)।

    31. Hetupaccayā naārammaṇe pañca, naadhipatiyā satta, naanantare nasamanantare naaññamaññe naupanissaye pañca, napurejāte satta, napacchājāte sattarasa, naāsevane sattarasa, nakamme cattāri, navipāke nava, nasampayutte pañca, navippayutte tīṇi, nonatthiyā pañca, novigate pañca (evaṃ gaṇetabbaṃ).

    ಅನುಲೋಮಪಚ್ಚನೀಯಂ।

    Anulomapaccanīyaṃ.

    ೪. ಪಚ್ಚಯಪಚ್ಚನೀಯಾನುಲೋಮಂ

    4. Paccayapaccanīyānulomaṃ

    ೩೨. ನಹೇತುಪಚ್ಚಯಾ ಆರಮ್ಮಣೇ ಏಕಂ, ಅನನ್ತರೇ ಸಮನನ್ತರೇ ಸಹಜಾತೇ ಅಞ್ಞಮಞ್ಞೇ ಏಕಂ…ಪೇ॰… ಅವಿಗತೇ ಏಕಂ (ಏವಂ ಗಣೇತಬ್ಬಂ)।

    32. Nahetupaccayā ārammaṇe ekaṃ, anantare samanantare sahajāte aññamaññe ekaṃ…pe… avigate ekaṃ (evaṃ gaṇetabbaṃ).

    ಪಚ್ಚನೀಯಾನುಲೋಮಂ।

    Paccanīyānulomaṃ.

    ಪಚ್ಚಯವಾರೋ।

    Paccayavāro.

    ೪. ನಿಸ್ಸಯವಾರೋ

    4. Nissayavāro

    (ನಿಸ್ಸಯವಾರೋ ಪಚ್ಚಯವಾರಸದಿಸೋ।)

    (Nissayavāro paccayavārasadiso.)

    ೫. ಸಂಸಟ್ಠವಾರೋ

    5. Saṃsaṭṭhavāro

    ೧. ಪಚ್ಚಯಾನುಲೋಮಂ

    1. Paccayānulomaṃ

    ೧. ವಿಭಙ್ಗವಾರೋ

    1. Vibhaṅgavāro

    ಹೇತುಪಚ್ಚಯೋ

    Hetupaccayo

    ೩೩. ಸೇಕ್ಖಂ ಧಮ್ಮಂ ಸಂಸಟ್ಠೋ ಸೇಕ್ಖೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಸೇಕ್ಖಂ ಏಕಂ ಖನ್ಧಂ ಸಂಸಟ್ಠಾ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ…ಪೇ॰…। (೧)

    33. Sekkhaṃ dhammaṃ saṃsaṭṭho sekkho dhammo uppajjati hetupaccayā – sekkhaṃ ekaṃ khandhaṃ saṃsaṭṭhā tayo khandhā…pe… dve khandhe…pe…. (1)

    ಅಸೇಕ್ಖಂ ಧಮ್ಮಂ ಸಂಸಟ್ಠೋ ಅಸೇಕ್ಖೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಅಸೇಕ್ಖಂ ಏಕಂ ಖನ್ಧಂ ಸಂಸಟ್ಠಾ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ…ಪೇ॰…। (೧)

    Asekkhaṃ dhammaṃ saṃsaṭṭho asekkho dhammo uppajjati hetupaccayā – asekkhaṃ ekaṃ khandhaṃ saṃsaṭṭhā tayo khandhā…pe… dve khandhe…pe…. (1)

    ನೇವಸೇಕ್ಖನಾಸೇಕ್ಖಂ ಧಮ್ಮಂ ಸಂಸಟ್ಠೋ ನೇವಸೇಕ್ಖನಾಸೇಕ್ಖೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ನೇವಸೇಕ್ಖನಾಸೇಕ್ಖಂ ಏಕಂ ಖನ್ಧಂ ಸಂಸಟ್ಠಾ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ…ಪೇ॰… ಪಟಿಸನ್ಧಿಕ್ಖಣೇ…ಪೇ॰…। (೧)

    Nevasekkhanāsekkhaṃ dhammaṃ saṃsaṭṭho nevasekkhanāsekkho dhammo uppajjati hetupaccayā – nevasekkhanāsekkhaṃ ekaṃ khandhaṃ saṃsaṭṭhā tayo khandhā…pe… dve khandhe…pe… paṭisandhikkhaṇe…pe…. (1)

    ಆರಮ್ಮಣಪಚ್ಚಯಾದಿ

    Ārammaṇapaccayādi

    ೩೪. ಸೇಕ್ಖಂ ಧಮ್ಮಂ ಸಂಸಟ್ಠೋ ಸೇಕ್ಖೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ… ಅಧಿಪತಿಪಚ್ಚಯಾ…ಪೇ॰… ಪುರೇಜಾತಪಚ್ಚಯಾ… ಆಸೇವನಪಚ್ಚಯಾ (ದ್ವೇ ಕಾತಬ್ಬಾ)…ಪೇ॰… ಅವಿಗತಪಚ್ಚಯಾ।

    34. Sekkhaṃ dhammaṃ saṃsaṭṭho sekkho dhammo uppajjati ārammaṇapaccayā… adhipatipaccayā…pe… purejātapaccayā… āsevanapaccayā (dve kātabbā)…pe… avigatapaccayā.

    ೧. ಪಚ್ಚಯಾನುಲೋಮಂ

    1. Paccayānulomaṃ

    ೨. ಸಙ್ಖ್ಯಾವಾರೋ

    2. Saṅkhyāvāro

    ೩೫. ಹೇತುಯಾ ತೀಣಿ, ಆರಮ್ಮಣೇ ತೀಣಿ, ಅಧಿಪತಿಯಾ ತೀಣಿ, ಅನನ್ತರೇ ಸಮನನ್ತರೇ ಸಹಜಾತೇ ಅಞ್ಞಮಞ್ಞೇ ನಿಸ್ಸಯೇ ಉಪನಿಸ್ಸಯೇ ಪುರೇಜಾತೇ ತೀಣಿ, ಆಸೇವನೇ ದ್ವೇ, ಕಮ್ಮೇ ತೀಣಿ…ಪೇ॰… ಅವಿಗತೇ ತೀಣಿ (ಏವಂ ಗಣೇತಬ್ಬಂ)।

    35. Hetuyā tīṇi, ārammaṇe tīṇi, adhipatiyā tīṇi, anantare samanantare sahajāte aññamaññe nissaye upanissaye purejāte tīṇi, āsevane dve, kamme tīṇi…pe… avigate tīṇi (evaṃ gaṇetabbaṃ).

    ಅನುಲೋಮಂ।

    Anulomaṃ.

    ೨. ಪಚ್ಚಯಪಚ್ಚನೀಯಂ

    2. Paccayapaccanīyaṃ

    ೧. ವಿಭಙ್ಗವಾರೋ

    1. Vibhaṅgavāro

    ನಹೇತುಪಚ್ಚಯೋ

    Nahetupaccayo

    ೩೬. ನೇವಸೇಕ್ಖನಾಸೇಕ್ಖಂ ಧಮ್ಮಂ ಸಂಸಟ್ಠೋ ನೇವಸೇಕ್ಖನಾಸೇಕ್ಖೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಅಹೇತುಕಂ ನೇವಸೇಕ್ಖನಾಸೇಕ್ಖಂ ಏಕಂ ಖನ್ಧಂ ಸಂಸಟ್ಠಾ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ…ಪೇ॰… ಅಹೇತುಕಪಟಿಸನ್ಧಿಕ್ಖಣೇ…ಪೇ॰… ವಿಚಿಕಿಚ್ಛಾಸಹಗತೇ ಉದ್ಧಚ್ಚಸಹಗತೇ ಖನ್ಧೇ ಸಂಸಟ್ಠೋ ವಿಚಿಕಿಚ್ಛಾಸಹಗತೋ ಉದ್ಧಚ್ಚಸಹಗತೋ ಮೋಹೋ। (೧)

    36. Nevasekkhanāsekkhaṃ dhammaṃ saṃsaṭṭho nevasekkhanāsekkho dhammo uppajjati nahetupaccayā – ahetukaṃ nevasekkhanāsekkhaṃ ekaṃ khandhaṃ saṃsaṭṭhā tayo khandhā…pe… dve khandhe…pe… ahetukapaṭisandhikkhaṇe…pe… vicikicchāsahagate uddhaccasahagate khandhe saṃsaṭṭho vicikicchāsahagato uddhaccasahagato moho. (1)

    ನಅಧಿಪತಿಪಚ್ಚಯೋ

    Naadhipatipaccayo

    ೩೭. ಸೇಕ್ಖಂ ಧಮ್ಮಂ ಸಂಸಟ್ಠೋ ಸೇಕ್ಖೋ ಧಮ್ಮೋ ಉಪ್ಪಜ್ಜತಿ ನಅಧಿಪತಿಪಚ್ಚಯಾ – ಸೇಕ್ಖೇ ಖನ್ಧೇ ಸಂಸಟ್ಠೋ ಸೇಕ್ಖೋ ಅಧಿಪತಿ। (೧)

    37. Sekkhaṃ dhammaṃ saṃsaṭṭho sekkho dhammo uppajjati naadhipatipaccayā – sekkhe khandhe saṃsaṭṭho sekkho adhipati. (1)

    ಅಸೇಕ್ಖಂ ಧಮ್ಮಂ ಸಂಸಟ್ಠೋ ಅಸೇಕ್ಖೋ ಧಮ್ಮೋ ಉಪ್ಪಜ್ಜತಿ ನಅಧಿಪತಿಪಚ್ಚಯಾ – ಅಸೇಕ್ಖೇ ಖನ್ಧೇ ಸಂಸಟ್ಠೋ ಅಸೇಕ್ಖೋ ಅಧಿಪತಿ। (೧)

    Asekkhaṃ dhammaṃ saṃsaṭṭho asekkho dhammo uppajjati naadhipatipaccayā – asekkhe khandhe saṃsaṭṭho asekkho adhipati. (1)

    ನೇವಸೇಕ್ಖನಾಸೇಕ್ಖಂ ಧಮ್ಮಂ ಸಂಸಟ್ಠೋ ನೇವಸೇಕ್ಖನಾಸೇಕ್ಖೋ ಧಮ್ಮೋ ಉಪ್ಪಜ್ಜತಿ ನಅಧಿಪತಿಪಚ್ಚಯಾ (ಪರಿಪುಣ್ಣಂ, ಏಕಂ)।

    Nevasekkhanāsekkhaṃ dhammaṃ saṃsaṭṭho nevasekkhanāsekkho dhammo uppajjati naadhipatipaccayā (paripuṇṇaṃ, ekaṃ).

    ನಪುರೇಜಾತಪಚ್ಚಯಾದಿ

    Napurejātapaccayādi

    ೩೮. ಸೇಕ್ಖಂ ಧಮ್ಮಂ ಸಂಸಟ್ಠೋ ಸೇಕ್ಖೋ ಧಮ್ಮೋ ಉಪ್ಪಜ್ಜತಿ ನಪುರೇಜಾತಪಚ್ಚಯಾ… ನಪಚ್ಛಾಜಾತಪಚ್ಚಯಾ… ನಆಸೇವನಪಚ್ಚಯಾ… ನಕಮ್ಮಪಚ್ಚಯಾ (ದ್ವೇ ಕಾತಬ್ಬಾ)… ನವಿಪಾಕಪಚ್ಚಯಾ (ದ್ವೇ ಕಾತಬ್ಬಾ)… ನಝಾನಪಚ್ಚಯಾ… ನಮಗ್ಗಪಚ್ಚಯಾ… ನವಿಪ್ಪಯುತ್ತಪಚ್ಚಯಾ…ಪೇ॰…।

    38. Sekkhaṃ dhammaṃ saṃsaṭṭho sekkho dhammo uppajjati napurejātapaccayā… napacchājātapaccayā… naāsevanapaccayā… nakammapaccayā (dve kātabbā)… navipākapaccayā (dve kātabbā)… najhānapaccayā… namaggapaccayā… navippayuttapaccayā…pe….

    ೨. ಪಚ್ಚಯಪಚ್ಚನೀಯಂ

    2. Paccayapaccanīyaṃ

    ೨. ಸಙ್ಖ್ಯಾವಾರೋ

    2. Saṅkhyāvāro

    ೩೯. ನಹೇತುಯಾ ಏಕಂ, ನಅಧಿಪತಿಯಾ ತೀಣಿ, ನಪುರೇಜಾತೇ ತೀಣಿ, ನಪಚ್ಛಾಜಾತೇ ತೀಣಿ, ನಆಸೇವನೇ ತೀಣಿ, ನಕಮ್ಮೇ ದ್ವೇ, ನವಿಪಾಕೇ ದ್ವೇ, ನಝಾನೇ ಏಕಂ, ನಮಗ್ಗೇ ಏಕಂ, ನವಿಪ್ಪಯುತ್ತೇ ತೀಣಿ (ಏವಂ ಗಣೇತಬ್ಬಂ)।

    39. Nahetuyā ekaṃ, naadhipatiyā tīṇi, napurejāte tīṇi, napacchājāte tīṇi, naāsevane tīṇi, nakamme dve, navipāke dve, najhāne ekaṃ, namagge ekaṃ, navippayutte tīṇi (evaṃ gaṇetabbaṃ).

    ಪಚ್ಚನೀಯಂ।

    Paccanīyaṃ.

    ೩. ಪಚ್ಚಯಾನುಲೋಮಪಚ್ಚನೀಯಂ

    3. Paccayānulomapaccanīyaṃ

    ೪೦. ಹೇತುಪಚ್ಚಯಾ ನಅಧಿಪತಿಯಾ ತೀಣಿ, ನಪುರೇಜಾತೇ ತೀಣಿ, ನಪಚ್ಛಾಜಾತೇ ನಆಸೇವನೇ ತೀಣಿ, ನಕಮ್ಮೇ ದ್ವೇ, ನವಿಪಾಕೇ ದ್ವೇ, ನವಿಪ್ಪಯುತ್ತೇ ತೀಣಿ (ಏವಂ ಗಣೇತಬ್ಬಂ)।

    40. Hetupaccayā naadhipatiyā tīṇi, napurejāte tīṇi, napacchājāte naāsevane tīṇi, nakamme dve, navipāke dve, navippayutte tīṇi (evaṃ gaṇetabbaṃ).

    ಅನುಲೋಮಪಚ್ಚನೀಯಂ।

    Anulomapaccanīyaṃ.

    ೪. ಪಚ್ಚಯಪಚ್ಚನೀಯಾನುಲೋಮಂ

    4. Paccayapaccanīyānulomaṃ

    ೪೧. ನಹೇತುಪಚ್ಚಯಾ ಆರಮ್ಮಣೇ ಏಕಂ, ಅನನ್ತರೇ ಸಮನನ್ತರೇ ಸಹಜಾತೇ ಅಞ್ಞಮಞ್ಞೇ ನಿಸ್ಸಯೇ ಉಪನಿಸ್ಸಯೇ ಪುರೇಜಾತೇ ಆಸೇವನೇ ಕಮ್ಮೇ ವಿಪಾಕೇ ಆಹಾರೇ ಇನ್ದ್ರಿಯೇ ಝಾನೇ ಮಗ್ಗೇ ಸಮ್ಪಯುತ್ತೇ ವಿಪ್ಪಯುತ್ತೇ ಅತ್ಥಿಯಾ ನತ್ಥಿಯಾ ವಿಗತೇ ಅವಿಗತೇ ಏಕಂ (ಏವಂ ಗಣೇತಬ್ಬಂ)।

    41. Nahetupaccayā ārammaṇe ekaṃ, anantare samanantare sahajāte aññamaññe nissaye upanissaye purejāte āsevane kamme vipāke āhāre indriye jhāne magge sampayutte vippayutte atthiyā natthiyā vigate avigate ekaṃ (evaṃ gaṇetabbaṃ).

    ಪಚ್ಚನೀಯಾನುಲೋಮಂ।

    Paccanīyānulomaṃ.

    ಸಂಸಟ್ಠವಾರೋ।

    Saṃsaṭṭhavāro.

    ೬. ಸಮ್ಪಯುತ್ತವಾರೋ

    6. Sampayuttavāro

    (ಸಮ್ಪಯುತ್ತವಾರೋ ಸಂಸಟ್ಠವಾರಸದಿಸೋ।)

    (Sampayuttavāro saṃsaṭṭhavārasadiso.)

    ೭. ಪಞ್ಹಾವಾರೋ

    7. Pañhāvāro

    ೧. ಪಚ್ಚಯಾನುಲೋಮಂ

    1. Paccayānulomaṃ

    ೧. ವಿಭಙ್ಗವಾರೋ

    1. Vibhaṅgavāro

    ಹೇತುಪಚ್ಚಯೋ

    Hetupaccayo

    ೪೨. ಸೇಕ್ಖೋ ಧಮ್ಮೋ ಸೇಕ್ಖಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ಸೇಕ್ಖಾ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ಹೇತುಪಚ್ಚಯೇನ ಪಚ್ಚಯೋ। (೧)

    42. Sekkho dhammo sekkhassa dhammassa hetupaccayena paccayo – sekkhā hetū sampayuttakānaṃ khandhānaṃ hetupaccayena paccayo. (1)

    ಸೇಕ್ಖೋ ಧಮ್ಮೋ ನೇವಸೇಕ್ಖನಾಸೇಕ್ಖಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ಸೇಕ್ಖಾ ಹೇತೂ ಚಿತ್ತಸಮುಟ್ಠಾನಾನಂ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ। (೨)

    Sekkho dhammo nevasekkhanāsekkhassa dhammassa hetupaccayena paccayo – sekkhā hetū cittasamuṭṭhānānaṃ rūpānaṃ hetupaccayena paccayo. (2)

    ಸೇಕ್ಖೋ ಧಮ್ಮೋ ಸೇಕ್ಖಸ್ಸ ಚ ನೇವಸೇಕ್ಖನಾಸೇಕ್ಖಸ್ಸ ಚ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ಸೇಕ್ಖಾ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ। (೩)

    Sekkho dhammo sekkhassa ca nevasekkhanāsekkhassa ca dhammassa hetupaccayena paccayo – sekkhā hetū sampayuttakānaṃ khandhānaṃ cittasamuṭṭhānānañca rūpānaṃ hetupaccayena paccayo. (3)

    ಅಸೇಕ್ಖೋ ಧಮ್ಮೋ ಅಸೇಕ್ಖಸ್ಸ ಧಮ್ಮಸ್ಸ (ತೀಣಿ)।

    Asekkho dhammo asekkhassa dhammassa (tīṇi).

    ನೇವಸೇಕ್ಖನಾಸೇಕ್ಖೋ ಧಮ್ಮೋ ನೇವಸೇಕ್ಖನಾಸೇಕ್ಖಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ನೇವಸೇಕ್ಖನಾಸೇಕ್ಖಾ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ। ಪಟಿಸನ್ಧಿಕ್ಖಣೇ…ಪೇ॰…। (೧)

    Nevasekkhanāsekkho dhammo nevasekkhanāsekkhassa dhammassa hetupaccayena paccayo – nevasekkhanāsekkhā hetū sampayuttakānaṃ khandhānaṃ cittasamuṭṭhānānañca rūpānaṃ hetupaccayena paccayo. Paṭisandhikkhaṇe…pe…. (1)

    ಆರಮ್ಮಣಪಚ್ಚಯೋ

    Ārammaṇapaccayo

    ೪೩. ಸೇಕ್ಖೋ ಧಮ್ಮೋ ನೇವಸೇಕ್ಖನಾಸೇಕ್ಖಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಅರಿಯಾ ಮಗ್ಗಾ ವುಟ್ಠಹಿತ್ವಾ ಮಗ್ಗಂ ಪಚ್ಚವೇಕ್ಖನ್ತಿ, ಸೇಕ್ಖಂ ಫಲಂ ಪಚ್ಚವೇಕ್ಖನ್ತಿ, ಚೇತೋಪರಿಯಞಾಣೇನ ಸೇಕ್ಖಚಿತ್ತಸಮಙ್ಗಿಸ್ಸ ಚಿತ್ತಂ ಜಾನನ್ತಿ, ಸೇಕ್ಖಾ ಖನ್ಧಾ ಚೇತೋಪರಿಯಞಾಣಸ್ಸ, ಪುಬ್ಬೇನಿವಾಸಾನುಸ್ಸತಿಞಾಣಸ್ಸ, ಅನಾಗತಂಸಞಾಣಸ್ಸ, ಆವಜ್ಜನಾಯ ಆರಮ್ಮಣಪಚ್ಚಯೇನ ಪಚ್ಚಯೋ। (೧)

    43. Sekkho dhammo nevasekkhanāsekkhassa dhammassa ārammaṇapaccayena paccayo – ariyā maggā vuṭṭhahitvā maggaṃ paccavekkhanti, sekkhaṃ phalaṃ paccavekkhanti, cetopariyañāṇena sekkhacittasamaṅgissa cittaṃ jānanti, sekkhā khandhā cetopariyañāṇassa, pubbenivāsānussatiñāṇassa, anāgataṃsañāṇassa, āvajjanāya ārammaṇapaccayena paccayo. (1)

    ಅಸೇಕ್ಖೋ ಧಮ್ಮೋ ನೇವಸೇಕ್ಖನಾಸೇಕ್ಖಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಅರಹಾ ಅಸೇಕ್ಖಂ ಫಲಂ ಪಚ್ಚವೇಕ್ಖತಿ, ಚೇತೋಪರಿಯಞಾಣೇನ ಅಸೇಕ್ಖಚಿತ್ತಸಮಙ್ಗಿಸ್ಸ ಚಿತ್ತಂ ಜಾನಾತಿ, ಅಸೇಕ್ಖಾ ಖನ್ಧಾ ಚೇತೋಪರಿಯಞಾಣಸ್ಸ, ಪುಬ್ಬೇನಿವಾಸಾನುಸ್ಸತಿಞಾಣಸ್ಸ, ಅನಾಗತಂಸಞಾಣಸ್ಸ, ಆವಜ್ಜನಾಯ ಆರಮ್ಮಣಪಚ್ಚಯೇನ ಪಚ್ಚಯೋ। (೧)

    Asekkho dhammo nevasekkhanāsekkhassa dhammassa ārammaṇapaccayena paccayo – arahā asekkhaṃ phalaṃ paccavekkhati, cetopariyañāṇena asekkhacittasamaṅgissa cittaṃ jānāti, asekkhā khandhā cetopariyañāṇassa, pubbenivāsānussatiñāṇassa, anāgataṃsañāṇassa, āvajjanāya ārammaṇapaccayena paccayo. (1)

    ೪೪. ನೇವಸೇಕ್ಖನಾಸೇಕ್ಖೋ ಧಮ್ಮೋ ನೇವಸೇಕ್ಖನಾಸೇಕ್ಖಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ದಾನಂ ದತ್ವಾ ಸೀಲಂ ಸಮಾದಿಯಿತ್ವಾ ಉಪೋಸಥಕಮ್ಮಂ ಕತ್ವಾ ತಂ ಪಚ್ಚವೇಕ್ಖತಿ, ಪುಬ್ಬೇ ಸುಚಿಣ್ಣಾನಿ…ಪೇ॰… ಝಾನಾ ವುಟ್ಠಹಿತ್ವಾ ಝಾನಂ ಪಚ್ಚವೇಕ್ಖತಿ, ಅರಿಯಾ ನಿಬ್ಬಾನಂ ಪಚ್ಚವೇಕ್ಖನ್ತಿ। ನಿಬ್ಬಾನಂ ಗೋತ್ರಭುಸ್ಸ, ವೋದಾನಸ್ಸ, ಆವಜ್ಜನಾಯ ಆರಮ್ಮಣಪಚ್ಚಯೇನ ಪಚ್ಚಯೋ। ಅರಿಯಾ ಪಹೀನೇ ಕಿಲೇಸೇ ಪಚ್ಚವೇಕ್ಖನ್ತಿ ವಿಕ್ಖಮ್ಭಿತೇ ಕಿಲೇಸೇ ಪಚ್ಚವೇಕ್ಖನ್ತಿ, ಪುಬ್ಬೇ ಸಮುದಾಚಿಣ್ಣೇ ಕಿಲೇಸೇ ಜಾನನ್ತಿ, ಚಕ್ಖುಂ ಅನಿಚ್ಚತೋ ದುಕ್ಖತೋ ಅನತ್ತತೋ ವಿಪಸ್ಸನ್ತಿ, ಅಸ್ಸಾದೇನ್ತಿ ಅಭಿನನ್ದನ್ತಿ, ತಂ ಆರಬ್ಭ ರಾಗೋ ಉಪ್ಪಜ್ಜತಿ…ಪೇ॰… ದೋಮನಸ್ಸಂ ಉಪ್ಪಜ್ಜತಿ, ಸೋತಂ…ಪೇ॰… ವತ್ಥುಂ ನೇವಸೇಕ್ಖನಾಸೇಕ್ಖೇ ಖನ್ಧೇ ಅನಿಚ್ಚತೋ ದುಕ್ಖತೋ ಅನತ್ತತೋ ವಿಪಸ್ಸನ್ತಿ, ಅಸ್ಸಾದೇನ್ತಿ…ಪೇ॰… ದೋಮನಸ್ಸಂ ಉಪ್ಪಜ್ಜತಿ, ದಿಬ್ಬೇನ ಚಕ್ಖುನಾ ರೂಪಂ ಪಸ್ಸತಿ, ದಿಬ್ಬಾಯ ಸೋತಧಾತುಯಾ ಸದ್ದಂ ಸುಣಾತಿ, ಚೇತೋಪರಿಯಞಾಣೇನ ನೇವಸೇಕ್ಖನಾಸೇಕ್ಖಚಿತ್ತಸಮಙ್ಗಿಸ್ಸ ಚಿತ್ತಂ ಜಾನಾತಿ, ಆಕಾಸಾನಞ್ಚಾಯತನಂ ವಿಞ್ಞಾಣಞ್ಚಾಯತನಸ್ಸ…ಪೇ॰… ಆಕಿಞ್ಚಞ್ಞಾಯತನಂ ನೇವಸಞ್ಞಾನಾಸಞ್ಞಾಯತನಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ। ರೂಪಾಯತನಂ ಚಕ್ಖುವಿಞ್ಞಾಣಸ್ಸ…ಪೇ॰… ಫೋಟ್ಠಬ್ಬಾಯತನಂ ಕಾಯವಿಞ್ಞಾಣಸ್ಸ…ಪೇ॰… ನೇವಸೇಕ್ಖನಾಸೇಕ್ಖಾ ಖನ್ಧಾ ಇದ್ಧಿವಿಧಞಾಣಸ್ಸ, ಚೇತೋಪರಿಯಞಾಣಸ್ಸ, ಪುಬ್ಬೇನಿವಾಸಾನುಸ್ಸತಿಞಾಣಸ್ಸ, ಯಥಾಕಮ್ಮೂಪಗಞಾಣಸ್ಸ, ಅನಾಗತಂಸಞಾಣಸ್ಸ, ಆವಜ್ಜನಾಯ ಆರಮ್ಮಣಪಚ್ಚಯೇನ ಪಚ್ಚಯೋ। (೧)

    44. Nevasekkhanāsekkho dhammo nevasekkhanāsekkhassa dhammassa ārammaṇapaccayena paccayo – dānaṃ datvā sīlaṃ samādiyitvā uposathakammaṃ katvā taṃ paccavekkhati, pubbe suciṇṇāni…pe… jhānā vuṭṭhahitvā jhānaṃ paccavekkhati, ariyā nibbānaṃ paccavekkhanti. Nibbānaṃ gotrabhussa, vodānassa, āvajjanāya ārammaṇapaccayena paccayo. Ariyā pahīne kilese paccavekkhanti vikkhambhite kilese paccavekkhanti, pubbe samudāciṇṇe kilese jānanti, cakkhuṃ aniccato dukkhato anattato vipassanti, assādenti abhinandanti, taṃ ārabbha rāgo uppajjati…pe… domanassaṃ uppajjati, sotaṃ…pe… vatthuṃ nevasekkhanāsekkhe khandhe aniccato dukkhato anattato vipassanti, assādenti…pe… domanassaṃ uppajjati, dibbena cakkhunā rūpaṃ passati, dibbāya sotadhātuyā saddaṃ suṇāti, cetopariyañāṇena nevasekkhanāsekkhacittasamaṅgissa cittaṃ jānāti, ākāsānañcāyatanaṃ viññāṇañcāyatanassa…pe… ākiñcaññāyatanaṃ nevasaññānāsaññāyatanassa ārammaṇapaccayena paccayo. Rūpāyatanaṃ cakkhuviññāṇassa…pe… phoṭṭhabbāyatanaṃ kāyaviññāṇassa…pe… nevasekkhanāsekkhā khandhā iddhividhañāṇassa, cetopariyañāṇassa, pubbenivāsānussatiñāṇassa, yathākammūpagañāṇassa, anāgataṃsañāṇassa, āvajjanāya ārammaṇapaccayena paccayo. (1)

    ನೇವಸೇಕ್ಖನಾಸೇಕ್ಖೋ ಧಮ್ಮೋ ಸೇಕ್ಖಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ನಿಬ್ಬಾನಂ ಮಗ್ಗಸ್ಸ, ಸೇಕ್ಖಸ್ಸ ಫಲಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ। (೨)

    Nevasekkhanāsekkho dhammo sekkhassa dhammassa ārammaṇapaccayena paccayo – nibbānaṃ maggassa, sekkhassa phalassa ārammaṇapaccayena paccayo. (2)

    ನೇವಸೇಕ್ಖನಾಸೇಕ್ಖೋ ಧಮ್ಮೋ ಅಸೇಕ್ಖಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ನಿಬ್ಬಾನಂ ಅಸೇಕ್ಖಸ್ಸ ಫಲಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ। (೩)

    Nevasekkhanāsekkho dhammo asekkhassa dhammassa ārammaṇapaccayena paccayo – nibbānaṃ asekkhassa phalassa ārammaṇapaccayena paccayo. (3)

    ಅಧಿಪತಿಪಚ್ಚಯೋ

    Adhipatipaccayo

    ೪೫. ಸೇಕ್ಖೋ ಧಮ್ಮೋ ಸೇಕ್ಖಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ। ಸಹಜಾತಾಧಿಪತಿ – ಸೇಕ್ಖಾಧಿಪತಿ ಸಮ್ಪಯುತ್ತಕಾನಂ ಖನ್ಧಾನಂ ಅಧಿಪತಿಪಚ್ಚಯೇನ ಪಚ್ಚಯೋ। (೧)

    45. Sekkho dhammo sekkhassa dhammassa adhipatipaccayena paccayo. Sahajātādhipati – sekkhādhipati sampayuttakānaṃ khandhānaṃ adhipatipaccayena paccayo. (1)

    ಸೇಕ್ಖೋ ಧಮ್ಮೋ ನೇವಸೇಕ್ಖನಾಸೇಕ್ಖಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ। ಆರಮ್ಮಣಾಧಿಪತಿ, ಸಹಜಾತಾಧಿಪತಿ। ಆರಮ್ಮಣಾಧಿಪತಿ – ಅರಿಯಾ ಮಗ್ಗಾ ವುಟ್ಠಹಿತ್ವಾ ಮಗ್ಗಂ ಗರುಂ ಕತ್ವಾ ಪಚ್ಚವೇಕ್ಖನ್ತಿ, ಸೇಕ್ಖಂ ಫಲಂ ಗರುಂ ಕತ್ವಾ ಪಚ್ಚವೇಕ್ಖನ್ತಿ । ಸಹಜಾತಾಧಿಪತಿ – ಸೇಕ್ಖಾಧಿಪತಿ ಚಿತ್ತಸಮುಟ್ಠಾನಾನಂ ರೂಪಾನಂ ಅಧಿಪತಿಪಚ್ಚಯೇನ ಪಚ್ಚಯೋ। (೨)

    Sekkho dhammo nevasekkhanāsekkhassa dhammassa adhipatipaccayena paccayo. Ārammaṇādhipati, sahajātādhipati. Ārammaṇādhipati – ariyā maggā vuṭṭhahitvā maggaṃ garuṃ katvā paccavekkhanti, sekkhaṃ phalaṃ garuṃ katvā paccavekkhanti . Sahajātādhipati – sekkhādhipati cittasamuṭṭhānānaṃ rūpānaṃ adhipatipaccayena paccayo. (2)

    ಸೇಕ್ಖೋ ಧಮ್ಮೋ ಸೇಕ್ಖಸ್ಸ ಚ ನೇವಸೇಕ್ಖನಾಸೇಕ್ಖಸ್ಸ ಚ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ। ಸಹಜಾತಾಧಿಪತಿ – ಸೇಕ್ಖಾಧಿಪತಿ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಅಧಿಪತಿಪಚ್ಚಯೇನ ಪಚ್ಚಯೋ। (೩)

    Sekkho dhammo sekkhassa ca nevasekkhanāsekkhassa ca dhammassa adhipatipaccayena paccayo. Sahajātādhipati – sekkhādhipati sampayuttakānaṃ khandhānaṃ cittasamuṭṭhānānañca rūpānaṃ adhipatipaccayena paccayo. (3)

    ೪೬. ಅಸೇಕ್ಖೋ ಧಮ್ಮೋ ಅಸೇಕ್ಖಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ। ಸಹಜಾತಾಧಿಪತಿ – ಅಸೇಕ್ಖಾಧಿಪತಿ ಸಮ್ಪಯುತ್ತಕಾನಂ ಖನ್ಧಾನಂ ಅಧಿಪತಿಪಚ್ಚಯೇನ ಪಚ್ಚಯೋ। (೧)

    46. Asekkho dhammo asekkhassa dhammassa adhipatipaccayena paccayo. Sahajātādhipati – asekkhādhipati sampayuttakānaṃ khandhānaṃ adhipatipaccayena paccayo. (1)

    ಅಸೇಕ್ಖೋ ಧಮ್ಮೋ ನೇವಸೇಕ್ಖನಾಸೇಕ್ಖಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ, ಸಹಜಾತಾಧಿಪತಿ। ಆರಮ್ಮಣಾಧಿಪತಿ – ಅರಹಾ ಅಸೇಕ್ಖಂ ಫಲಂ ಗರುಂ ಕತ್ವಾ ಪಚ್ಚವೇಕ್ಖತಿ। ಸಹಜಾತಾಧಿಪತಿ – ಅಸೇಕ್ಖಾಧಿಪತಿ ಚಿತ್ತಸಮುಟ್ಠಾನಾನಂ ರೂಪಾನಂ ಅಧಿಪತಿಪಚ್ಚಯೇನ ಪಚ್ಚಯೋ। (೨)

    Asekkho dhammo nevasekkhanāsekkhassa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – arahā asekkhaṃ phalaṃ garuṃ katvā paccavekkhati. Sahajātādhipati – asekkhādhipati cittasamuṭṭhānānaṃ rūpānaṃ adhipatipaccayena paccayo. (2)

    ಅಸೇಕ್ಖೋ ಧಮ್ಮೋ ಅಸೇಕ್ಖಸ್ಸ ಚ ನೇವಸೇಕ್ಖನಾಸೇಕ್ಖಸ್ಸ ಚ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ। ಸಹಜಾತಾಧಿಪತಿ – ಅಸೇಕ್ಖಾಧಿಪತಿ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಅಧಿಪತಿಪಚ್ಚಯೇನ ಪಚ್ಚಯೋ। (೩)

    Asekkho dhammo asekkhassa ca nevasekkhanāsekkhassa ca dhammassa adhipatipaccayena paccayo. Sahajātādhipati – asekkhādhipati sampayuttakānaṃ khandhānaṃ cittasamuṭṭhānānañca rūpānaṃ adhipatipaccayena paccayo. (3)

    ೪೭. ನೇವಸೇಕ್ಖನಾಸೇಕ್ಖೋ ಧಮ್ಮೋ ನೇವಸೇಕ್ಖನಾಸೇಕ್ಖಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ, ಸಹಜಾತಾಧಿಪತಿ। ಆರಮ್ಮಣಾಧಿಪತಿ – ದಾನಂ ದತ್ವಾ ಸೀಲಂ ಸಮಾದಿಯಿತ್ವಾ ಉಪೋಸಥಕಮ್ಮಂ ಕತ್ವಾ ತಂ ಗರುಂ ಕತ್ವಾ ಪಚ್ಚವೇಕ್ಖತಿ, ಪುಬ್ಬೇ ಸುಚಿಣ್ಣಾನಿ ಗರುಂ ಕತ್ವಾ ಪಚ್ಚವೇಕ್ಖತಿ, ಝಾನಾ ವುಟ್ಠಹಿತ್ವಾ ಝಾನಂ ಗರುಂ ಕತ್ವಾ ಪಚ್ಚವೇಕ್ಖತಿ, ಅರಿಯಾ ನಿಬ್ಬಾನಂ ಗರುಂ ಕತ್ವಾ ಪಚ್ಚವೇಕ್ಖನ್ತಿ, ನಿಬ್ಬಾನಂ ಗೋತ್ರಭುಸ್ಸ, ವೋದಾನಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ। ಚಕ್ಖುಂ ಗರುಂ ಕತ್ವಾ ಅಸ್ಸಾದೇತಿ ಅಭಿನನ್ದತಿ, ತಂ ಗರುಂ ಕತ್ವಾ ರಾಗೋ ಉಪ್ಪಜ್ಜತಿ, ದಿಟ್ಠಿ ಉಪ್ಪಜ್ಜತಿ। ಸೋತಂ…ಪೇ॰… ವತ್ಥುಂ ನೇವಸೇಕ್ಖನಾಸೇಕ್ಖೇ ಖನ್ಧೇ ಗರುಂ ಕತ್ವಾ ಅಸ್ಸಾದೇತಿ ಅಭಿನನ್ದತಿ, ತಂ ಗರುಂ ಕತ್ವಾ ರಾಗೋ ಉಪ್ಪಜ್ಜತಿ, ದಿಟ್ಠಿ ಉಪ್ಪಜ್ಜತಿ। ಸಹಜಾತಾಧಿಪತಿ – ನೇವಸೇಕ್ಖನಾಸೇಕ್ಖಾಧಿಪತಿ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಅಧಿಪತಿಪಚ್ಚಯೇನ ಪಚ್ಚಯೋ। (೧)

    47. Nevasekkhanāsekkho dhammo nevasekkhanāsekkhassa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – dānaṃ datvā sīlaṃ samādiyitvā uposathakammaṃ katvā taṃ garuṃ katvā paccavekkhati, pubbe suciṇṇāni garuṃ katvā paccavekkhati, jhānā vuṭṭhahitvā jhānaṃ garuṃ katvā paccavekkhati, ariyā nibbānaṃ garuṃ katvā paccavekkhanti, nibbānaṃ gotrabhussa, vodānassa adhipatipaccayena paccayo. Cakkhuṃ garuṃ katvā assādeti abhinandati, taṃ garuṃ katvā rāgo uppajjati, diṭṭhi uppajjati. Sotaṃ…pe… vatthuṃ nevasekkhanāsekkhe khandhe garuṃ katvā assādeti abhinandati, taṃ garuṃ katvā rāgo uppajjati, diṭṭhi uppajjati. Sahajātādhipati – nevasekkhanāsekkhādhipati sampayuttakānaṃ khandhānaṃ cittasamuṭṭhānānañca rūpānaṃ adhipatipaccayena paccayo. (1)

    ನೇವಸೇಕ್ಖನಾಸೇಕ್ಖೋ ಧಮ್ಮೋ ಸೇಕ್ಖಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ। ಆರಮ್ಮಣಾಧಿಪತಿ – ನಿಬ್ಬಾನಂ ಮಗ್ಗಸ್ಸ, ಸೇಕ್ಖಸ್ಸ ಫಲಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ। (೨)

    Nevasekkhanāsekkho dhammo sekkhassa dhammassa adhipatipaccayena paccayo. Ārammaṇādhipati – nibbānaṃ maggassa, sekkhassa phalassa adhipatipaccayena paccayo. (2)

    ನೇವಸೇಕ್ಖನಾಸೇಕ್ಖೋ ಧಮ್ಮೋ ಅಸೇಕ್ಖಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ। ಆರಮ್ಮಣಾಧಿಪತಿ – ನಿಬ್ಬಾನಂ ಅಸೇಕ್ಖಸ್ಸ ಫಲಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ। (೩)

    Nevasekkhanāsekkho dhammo asekkhassa dhammassa adhipatipaccayena paccayo. Ārammaṇādhipati – nibbānaṃ asekkhassa phalassa adhipatipaccayena paccayo. (3)

    ಅನನ್ತರಪಚ್ಚಯೋ

    Anantarapaccayo

    ೪೮. ಸೇಕ್ಖೋ ಧಮ್ಮೋ ಸೇಕ್ಖಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಸೇಕ್ಖಾ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ಸೇಕ್ಖಾನಂ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ। ಮಗ್ಗೋ ಸೇಕ್ಖಸ್ಸ ಫಲಸ್ಸ… ಸೇಕ್ಖಂ ಫಲಂ ಸೇಕ್ಖಸ್ಸ ಫಲಸ್ಸ ಅನನ್ತರಪಚ್ಚಯೇನ ಪಚ್ಚಯೋ। (೧)

    48. Sekkho dhammo sekkhassa dhammassa anantarapaccayena paccayo – purimā purimā sekkhā khandhā pacchimānaṃ pacchimānaṃ sekkhānaṃ khandhānaṃ anantarapaccayena paccayo. Maggo sekkhassa phalassa… sekkhaṃ phalaṃ sekkhassa phalassa anantarapaccayena paccayo. (1)

    ಸೇಕ್ಖೋ ಧಮ್ಮೋ ಅಸೇಕ್ಖಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಮಗ್ಗೋ ಅಸೇಕ್ಖಸ್ಸ ಫಲಸ್ಸ ಅನನ್ತರಪಚ್ಚಯೇನ ಪಚ್ಚಯೋ। (೨)

    Sekkho dhammo asekkhassa dhammassa anantarapaccayena paccayo – maggo asekkhassa phalassa anantarapaccayena paccayo. (2)

    ಸೇಕ್ಖೋ ಧಮ್ಮೋ ನೇವಸೇಕ್ಖನಾಸೇಕ್ಖಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಸೇಕ್ಖಂ ಫಲಂ ವುಟ್ಠಾನಸ್ಸ ಅನನ್ತರಪಚ್ಚಯೇನ ಪಚ್ಚಯೋ। (೩)

    Sekkho dhammo nevasekkhanāsekkhassa dhammassa anantarapaccayena paccayo – sekkhaṃ phalaṃ vuṭṭhānassa anantarapaccayena paccayo. (3)

    ೪೯. ಅಸೇಕ್ಖೋ ಧಮ್ಮೋ ಅಸೇಕ್ಖಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಅಸೇಕ್ಖಾ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ಅಸೇಕ್ಖಾನಂ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ। ಅಸೇಕ್ಖಂ ಫಲಂ ಅಸೇಕ್ಖಸ್ಸ ಫಲಸ್ಸ ಅನನ್ತರಪಚ್ಚಯೇನ ಪಚ್ಚಯೋ। (೧)

    49. Asekkho dhammo asekkhassa dhammassa anantarapaccayena paccayo – purimā purimā asekkhā khandhā pacchimānaṃ pacchimānaṃ asekkhānaṃ khandhānaṃ anantarapaccayena paccayo. Asekkhaṃ phalaṃ asekkhassa phalassa anantarapaccayena paccayo. (1)

    ಅಸೇಕ್ಖೋ ಧಮ್ಮೋ ನೇವಸೇಕ್ಖನಾಸೇಕ್ಖಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಅಸೇಕ್ಖಂ ಫಲಂ ವುಟ್ಠಾನಸ್ಸ ಅನನ್ತರಪಚ್ಚಯೇನ ಪಚ್ಚಯೋ। (೨)

    Asekkho dhammo nevasekkhanāsekkhassa dhammassa anantarapaccayena paccayo – asekkhaṃ phalaṃ vuṭṭhānassa anantarapaccayena paccayo. (2)

    ೫೦. ನೇವಸೇಕ್ಖನಾಸೇಕ್ಖೋ ಧಮ್ಮೋ ನೇವಸೇಕ್ಖನಾಸೇಕ್ಖಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ನೇವಸೇಕ್ಖನಾಸೇಕ್ಖಾ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ನೇವಸೇಕ್ಖನಾಸೇಕ್ಖಾನಂ ಖನ್ಧಾನಂ…ಪೇ॰… ಅನುಲೋಮಂ ಗೋತ್ರಭುಸ್ಸ… ಅನುಲೋಮಂ ವೋದಾನಸ್ಸ… ಆವಜ್ಜನಾ ನೇವಸೇಕ್ಖನಾಸೇಕ್ಖಾನಂ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ। (೧)

    50. Nevasekkhanāsekkho dhammo nevasekkhanāsekkhassa dhammassa anantarapaccayena paccayo – purimā purimā nevasekkhanāsekkhā khandhā pacchimānaṃ pacchimānaṃ nevasekkhanāsekkhānaṃ khandhānaṃ…pe… anulomaṃ gotrabhussa… anulomaṃ vodānassa… āvajjanā nevasekkhanāsekkhānaṃ khandhānaṃ anantarapaccayena paccayo. (1)

    ನೇವಸೇಕ್ಖನಾಸೇಕ್ಖೋ ಧಮ್ಮೋ ಸೇಕ್ಖಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಗೋತ್ರಭು ಮಗ್ಗಸ್ಸ… ವೋದಾನಂ ಮಗ್ಗಸ್ಸ… ಅನುಲೋಮಂ ಸೇಕ್ಖಾಯ ಫಲಸಮಾಪತ್ತಿಯಾ… ನಿರೋಧಾ ವುಟ್ಠಹನ್ತಸ್ಸ ನೇವಸಞ್ಞಾನಾಸಞ್ಞಾಯತನಕುಸಲಂ ಸೇಕ್ಖಾಯ ಫಲಸಮಾಪತ್ತಿಯಾ ಅನನ್ತರಪಚ್ಚಯೇನ ಪಚ್ಚಯೋ। (೨)

    Nevasekkhanāsekkho dhammo sekkhassa dhammassa anantarapaccayena paccayo – gotrabhu maggassa… vodānaṃ maggassa… anulomaṃ sekkhāya phalasamāpattiyā… nirodhā vuṭṭhahantassa nevasaññānāsaññāyatanakusalaṃ sekkhāya phalasamāpattiyā anantarapaccayena paccayo. (2)

    ನೇವಸೇಕ್ಖನಾಸೇಕ್ಖೋ ಧಮ್ಮೋ ಅಸೇಕ್ಖಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಅನುಲೋಮಂ ಅಸೇಕ್ಖಾಯ ಫಲಸಮಾಪತ್ತಿಯಾ… ನಿರೋಧಾ ವುಟ್ಠಹನ್ತಸ್ಸ ನೇವಸಞ್ಞಾನಾಸಞ್ಞಾಯತನಕಿರಿಯಂ ಅಸೇಕ್ಖಾಯ ಫಲಸಮಾಪತ್ತಿಯಾ ಅನನ್ತರಪಚ್ಚಯೇನ ಪಚ್ಚಯೋ। (೩)

    Nevasekkhanāsekkho dhammo asekkhassa dhammassa anantarapaccayena paccayo – anulomaṃ asekkhāya phalasamāpattiyā… nirodhā vuṭṭhahantassa nevasaññānāsaññāyatanakiriyaṃ asekkhāya phalasamāpattiyā anantarapaccayena paccayo. (3)

    ಸಮನನ್ತರಪಚ್ಚಯೋ

    Samanantarapaccayo

    ೫೧. ಸೇಕ್ಖೋ ಧಮ್ಮೋ ಸೇಕ್ಖಸ್ಸ ಧಮ್ಮಸ್ಸ ಸಮನನ್ತರಪಚ್ಚಯೇನ ಪಚ್ಚಯೋ…ಪೇ॰… (ಅನನ್ತರಸದಿಸಂ, ಅಟ್ಠ ಪಞ್ಹಾ)।

    51. Sekkho dhammo sekkhassa dhammassa samanantarapaccayena paccayo…pe… (anantarasadisaṃ, aṭṭha pañhā).

    ಸಹಜಾತಪಚ್ಚಯಾದಿ

    Sahajātapaccayādi

    ೫೨. ಸೇಕ್ಖೋ ಧಮ್ಮೋ ಸೇಕ್ಖಸ್ಸ ಧಮ್ಮಸ್ಸ ಸಹಜಾತಪಚ್ಚಯೇನ ಪಚ್ಚಯೋ…ಪೇ॰… (ಪಟಿಚ್ಚವಾರೇ ಸಹಜಾತಸದಿಸಂ, ನವ ಪಞ್ಹಾ) ಅಞ್ಞಮಞ್ಞಪಚ್ಚಯೇನ ಪಚ್ಚಯೋ (ಪಟಿಚ್ಚವಾರೇ ಅಞ್ಞಮಞ್ಞಸದಿಸಂ, ತೀಣಿ। ನಿಸ್ಸಯಪಚ್ಚಯೇ ಕುಸಲತ್ತಿಕೇ ನಿಸ್ಸಯಪಚ್ಚಯಸದಿಸಂ, ತೇರಸ ಪಞ್ಹಾ)।

    52. Sekkho dhammo sekkhassa dhammassa sahajātapaccayena paccayo…pe… (paṭiccavāre sahajātasadisaṃ, nava pañhā) aññamaññapaccayena paccayo (paṭiccavāre aññamaññasadisaṃ, tīṇi. Nissayapaccaye kusalattike nissayapaccayasadisaṃ, terasa pañhā).

    ಉಪನಿಸ್ಸಯಪಚ್ಚಯೋ

    Upanissayapaccayo

    ೫೩. ಸೇಕ್ಖೋ ಧಮ್ಮೋ ಸೇಕ್ಖಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ॰…। ಪಕತೂಪನಿಸ್ಸಯೋ – ಪಠಮೋ ಮಗ್ಗೋ ದುತಿಯಸ್ಸ ಮಗ್ಗಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ। ದುತಿಯೋ ಮಗ್ಗೋ ತತಿಯಸ್ಸ ಮಗ್ಗಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ। ತತಿಯೋ ಮಗ್ಗೋ ಚತುತ್ಥಸ್ಸ ಮಗ್ಗಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ। ಮಗ್ಗೋ ಸೇಕ್ಖಾಯ ಫಲಸಮಾಪತ್ತಿಯಾ ಉಪನಿಸ್ಸಯಪಚ್ಚಯೇನ ಪಚ್ಚಯೋ। (೧)

    53. Sekkho dhammo sekkhassa dhammassa upanissayapaccayena paccayo – anantarūpanissayo, pakatūpanissayo…pe…. Pakatūpanissayo – paṭhamo maggo dutiyassa maggassa upanissayapaccayena paccayo. Dutiyo maggo tatiyassa maggassa upanissayapaccayena paccayo. Tatiyo maggo catutthassa maggassa upanissayapaccayena paccayo. Maggo sekkhāya phalasamāpattiyā upanissayapaccayena paccayo. (1)

    ಸೇಕ್ಖೋ ಧಮ್ಮೋ ಅಸೇಕ್ಖಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ॰…। ಪಕತೂಪನಿಸ್ಸಯೋ – ಮಗ್ಗೋ ಅಸೇಕ್ಖಾಯ ಫಲಸಮಾಪತ್ತಿಯಾ ಉಪನಿಸ್ಸಯಪಚ್ಚಯೇನ ಪಚ್ಚಯೋ। (೨)

    Sekkho dhammo asekkhassa dhammassa upanissayapaccayena paccayo – anantarūpanissayo, pakatūpanissayo…pe…. Pakatūpanissayo – maggo asekkhāya phalasamāpattiyā upanissayapaccayena paccayo. (2)

    ಸೇಕ್ಖೋ ಧಮ್ಮೋ ನೇವಸೇಕ್ಖನಾಸೇಕ್ಖಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ॰…। ಪಕತೂಪನಿಸ್ಸಯೋ – ಅರಿಯಾ ಮಗ್ಗಂ ಉಪನಿಸ್ಸಾಯ ಅನುಪ್ಪನ್ನಂ ಕುಸಲಸಮಾಪತ್ತಿಂ ಉಪ್ಪಾದೇನ್ತಿ, ಉಪ್ಪನ್ನಂ ಸಮಾಪಜ್ಜನ್ತಿ, ಸಙ್ಖಾರೇ ಅನಿಚ್ಚತೋ…ಪೇ॰… ವಿಪಸ್ಸನ್ತಿ, ಮಗ್ಗೋ ಅರಿಯಾನಂ ಅತ್ಥಪ್ಪಟಿಸಮ್ಭಿದಾಯ…ಪೇ॰… ಪಟಿಭಾನಪ್ಪಟಿಸಮ್ಭಿದಾಯ… ಠಾನಾಠಾನಕೋಸಲ್ಲಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ। ಸೇಕ್ಖಾ ಫಲಸಮಾಪತ್ತಿಯಾ ಕಾಯಿಕಸ್ಸ ಸುಖಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ। (೩)

    Sekkho dhammo nevasekkhanāsekkhassa dhammassa upanissayapaccayena paccaya – ārammaṇūpanissayo, anantarūpanissayo, pakatūpanissayo…pe…. Pakatūpanissayo – ariyā maggaṃ upanissāya anuppannaṃ kusalasamāpattiṃ uppādenti, uppannaṃ samāpajjanti, saṅkhāre aniccato…pe… vipassanti, maggo ariyānaṃ atthappaṭisambhidāya…pe… paṭibhānappaṭisambhidāya… ṭhānāṭhānakosallassa upanissayapaccayena paccayo. Sekkhā phalasamāpattiyā kāyikassa sukhassa upanissayapaccayena paccayo. (3)

    ೫೪. ಅಸೇಕ್ಖೋ ಧಮ್ಮೋ ಅಸೇಕ್ಖಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ। ಅನನ್ತರೂಪನಿಸ್ಸಯೋ – ಪುರಿಮಾ ಪುರಿಮಾ ಅಸೇಕ್ಖಾ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ಅಸೇಕ್ಖಾನಂ ಖನ್ಧಾನಂ…ಪೇ॰… ಅಸೇಕ್ಖಂ ಫಲಂ ಅಸೇಕ್ಖಸ್ಸ ಫಲಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ। (೧)

    54. Asekkho dhammo asekkhassa dhammassa upanissayapaccayena paccayo. Anantarūpanissayo – purimā purimā asekkhā khandhā pacchimānaṃ pacchimānaṃ asekkhānaṃ khandhānaṃ…pe… asekkhaṃ phalaṃ asekkhassa phalassa upanissayapaccayena paccayo. (1)

    ಅಸೇಕ್ಖೋ ಧಮ್ಮೋ ನೇವಸೇಕ್ಖನಾಸೇಕ್ಖಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ॰…। ಪಕತೂಪನಿಸ್ಸಯೋ – ಅಸೇಕ್ಖಾ ಫಲಸಮಾಪತ್ತಿ ಕಾಯಿಕಸ್ಸ ಸುಖಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ। (೨)

    Asekkho dhammo nevasekkhanāsekkhassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – asekkhā phalasamāpatti kāyikassa sukhassa upanissayapaccayena paccayo. (2)

    ೫೫. ನೇವಸೇಕ್ಖನಾಸೇಕ್ಖೋ ಧಮ್ಮೋ ನೇವಸೇಕ್ಖನಾಸೇಕ್ಖಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ॰…। ಪಕತೂಪನಿಸ್ಸಯೋ – ನೇವಸೇಕ್ಖನಾಸೇಕ್ಖಂ ಸದ್ಧಂ ಉಪನಿಸ್ಸಾಯ ದಾನಂ ದೇತಿ। ಸೀಲಂ…ಪೇ॰… ಉಪೋಸಥಕಮ್ಮಂ…ಪೇ॰… ಝಾನಂ…ಪೇ॰… ವಿಪಸ್ಸನಂ…ಪೇ॰… ಅಭಿಞ್ಞಂ…ಪೇ॰… ಸಮಾಪತ್ತಿಂ ಉಪ್ಪಾದೇತಿ, ಮಾನಂ ಜಪ್ಪೇತಿ, ದಿಟ್ಠಿಂ ಗಣ್ಹಾತಿ। ನೇವಸೇಕ್ಖನಾಸೇಕ್ಖಂ ಸೀಲಂ…ಪೇ॰… ಪಞ್ಞಂ… ರಾಗಂ…ಪೇ॰… ಪತ್ಥನಂ… ಕಾಯಿಕಂ ಸುಖಂ…ಪೇ॰… ಉತುಂ… ಭೋಜನಂ… ಸೇನಾಸನಂ ಉಪನಿಸ್ಸಾಯ ದಾನಂ ದೇತಿ, ಸೀಲಂ…ಪೇ॰… ಸಮಾಪತ್ತಿಂ ಉಪ್ಪಾದೇತಿ, ಪಾಣಂ ಹನತಿ…ಪೇ॰… ಸಙ್ಘಂ ಭಿನ್ದತಿ। ನೇವಸೇಕ್ಖನಾಸೇಕ್ಖಾ ಸದ್ಧಾ…ಪೇ॰… ಪಞ್ಞಾ, ರಾಗೋ…ಪೇ॰… ಪತ್ಥನಾ, ಕಾಯಿಕಂ ಸುಖಂ…ಪೇ॰… ಸೇನಾಸನಂ ನೇವಸೇಕ್ಖನಾಸೇಕ್ಖಾಯ ಸದ್ಧಾಯ…ಪೇ॰… ಪಞ್ಞಾಯ, ರಾಗಸ್ಸ…ಪೇ॰… ಪತ್ಥನಾಯ, ಕಾಯಿಕಸ್ಸ ಸುಖಸ್ಸ, ಕಾಯಿಕಸ್ಸ ದುಕ್ಖಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ। ಪಠಮಸ್ಸ ಝಾನಸ್ಸ ಪರಿಕಮ್ಮಂ ಪಠಮಸ್ಸ ಝಾನಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ…ಪೇ॰… ನೇವಸಞ್ಞಾನಾಸಞ್ಞಾಯತನಸ್ಸ ಪರಿಕಮ್ಮಂ ನೇವಸಞ್ಞಾನಾಸಞ್ಞಾಯತನಸ್ಸ…ಪೇ॰… ಪಠಮಂ ಝಾನಂ ದುತಿಯಸ್ಸ ಝಾನಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ…ಪೇ॰… ಆಕಿಞ್ಚಞ್ಞಾಯತನಂ ನೇವಸಞ್ಞಾನಾಸಞ್ಞಾಯತನಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ। (೧)

    55. Nevasekkhanāsekkho dhammo nevasekkhanāsekkhassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – nevasekkhanāsekkhaṃ saddhaṃ upanissāya dānaṃ deti. Sīlaṃ…pe… uposathakammaṃ…pe… jhānaṃ…pe… vipassanaṃ…pe… abhiññaṃ…pe… samāpattiṃ uppādeti, mānaṃ jappeti, diṭṭhiṃ gaṇhāti. Nevasekkhanāsekkhaṃ sīlaṃ…pe… paññaṃ… rāgaṃ…pe… patthanaṃ… kāyikaṃ sukhaṃ…pe… utuṃ… bhojanaṃ… senāsanaṃ upanissāya dānaṃ deti, sīlaṃ…pe… samāpattiṃ uppādeti, pāṇaṃ hanati…pe… saṅghaṃ bhindati. Nevasekkhanāsekkhā saddhā…pe… paññā, rāgo…pe… patthanā, kāyikaṃ sukhaṃ…pe… senāsanaṃ nevasekkhanāsekkhāya saddhāya…pe… paññāya, rāgassa…pe… patthanāya, kāyikassa sukhassa, kāyikassa dukkhassa upanissayapaccayena paccayo. Paṭhamassa jhānassa parikammaṃ paṭhamassa jhānassa upanissayapaccayena paccayo…pe… nevasaññānāsaññāyatanassa parikammaṃ nevasaññānāsaññāyatanassa…pe… paṭhamaṃ jhānaṃ dutiyassa jhānassa upanissayapaccayena paccayo…pe… ākiñcaññāyatanaṃ nevasaññānāsaññāyatanassa upanissayapaccayena paccayo. (1)

    ನೇವಸೇಕ್ಖನಾಸೇಕ್ಖೋ ಧಮ್ಮೋ ಸೇಕ್ಖಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ , ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ॰…। ಪಕತೂಪನಿಸ್ಸಯೋ – ಪಠಮಸ್ಸ ಮಗ್ಗಸ್ಸ ಪರಿಕಮ್ಮಂ ಪಠಮಸ್ಸ ಮಗ್ಗಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ…ಪೇ॰… ಚತುತ್ಥಸ್ಸ ಮಗ್ಗಸ್ಸ ಪರಿಕಮ್ಮಂ ಚತುತ್ಥಸ್ಸ ಮಗ್ಗಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ। (೨)

    Nevasekkhanāsekkho dhammo sekkhassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – paṭhamassa maggassa parikammaṃ paṭhamassa maggassa upanissayapaccayena paccayo…pe… catutthassa maggassa parikammaṃ catutthassa maggassa upanissayapaccayena paccayo. (2)

    ನೇವಸೇಕ್ಖನಾಸೇಕ್ಖೋ ಧಮ್ಮೋ ಅಸೇಕ್ಖಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ॰…। ಪಕತೂಪನಿಸ್ಸಯೋ – ಕಾಯಿಕಂ ಸುಖಂ… ಕಾಯಿಕಂ ದುಕ್ಖಂ… ಉತುಂ… ಭೋಜನಂ… ಸೇನಾಸನಂ ಅಸೇಕ್ಖಾಯ ಫಲಸಮಾಪತ್ತಿಯಾ ಉಪನಿಸ್ಸಯಪಚ್ಚಯೇನ ಪಚ್ಚಯೋ। (೩)

    Nevasekkhanāsekkho dhammo asekkhassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – kāyikaṃ sukhaṃ… kāyikaṃ dukkhaṃ… utuṃ… bhojanaṃ… senāsanaṃ asekkhāya phalasamāpattiyā upanissayapaccayena paccayo. (3)

    ಪುರೇಜಾತಪಚ್ಚಯೋ

    Purejātapaccayo

    ೫೬. ನೇವಸೇಕ್ಖನಾಸೇಕ್ಖೋ ಧಮ್ಮೋ ನೇವಸೇಕ್ಖನಾಸೇಕ್ಖಸ್ಸ ಧಮ್ಮಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ – ಆರಮ್ಮಣಪುರೇಜಾತಂ, ವತ್ಥುಪುರೇಜಾತಂ। ಆರಮ್ಮಣಪುರೇಜಾತಂ – ಚಕ್ಖುಂ ಅನಿಚ್ಚತೋ…ಪೇ॰… ವಿಪಸ್ಸತಿ, ಅಸ್ಸಾದೇತಿ ಅಭಿನನ್ದತಿ; ತಂ ಆರಬ್ಭ ರಾಗೋ ಉಪ್ಪಜ್ಜತಿ…ಪೇ॰… ದೋಮನಸ್ಸಂ ಉಪ್ಪಜ್ಜತಿ। ಸೋತಂ…ಪೇ॰… ವತ್ಥುಂ ಅನಿಚ್ಚತೋ ದುಕ್ಖತೋ ಅನತ್ತತೋ ವಿಪಸ್ಸತಿ…ಪೇ॰… ದೋಮನಸ್ಸಂ ಉಪ್ಪಜ್ಜತಿ, ದಿಬ್ಬೇನ ಚಕ್ಖುನಾ ರೂಪಂ ಪಸ್ಸತಿ, ದಿಬ್ಬಾಯ ಸೋತಧಾತುಯಾ ಸದ್ದಂ ಸುಣಾತಿ, ರೂಪಾಯತನಂ ಚಕ್ಖುವಿಞ್ಞಾಣಸ್ಸ…ಪೇ॰… ಫೋಟ್ಠಬ್ಬಾಯತನಂ ಕಾಯವಿಞ್ಞಾಣಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ। ವತ್ಥುಪುರೇಜಾತಂ – ಚಕ್ಖಾಯತನಂ ಚಕ್ಖುವಿಞ್ಞಾಣಸ್ಸ…ಪೇ॰… ಕಾಯಾಯತನಂ ಕಾಯವಿಞ್ಞಾಣಸ್ಸ, ವತ್ಥು ನೇವಸೇಕ್ಖನಾಸೇಕ್ಖಾನಂ ಖನ್ಧಾನಂ ಪುರೇಜಾತಪಚ್ಚಯೇನ ಪಚ್ಚಯೋ। (೧)

    56. Nevasekkhanāsekkho dhammo nevasekkhanāsekkhassa dhammassa purejātapaccayena paccayo – ārammaṇapurejātaṃ, vatthupurejātaṃ. Ārammaṇapurejātaṃ – cakkhuṃ aniccato…pe… vipassati, assādeti abhinandati; taṃ ārabbha rāgo uppajjati…pe… domanassaṃ uppajjati. Sotaṃ…pe… vatthuṃ aniccato dukkhato anattato vipassati…pe… domanassaṃ uppajjati, dibbena cakkhunā rūpaṃ passati, dibbāya sotadhātuyā saddaṃ suṇāti, rūpāyatanaṃ cakkhuviññāṇassa…pe… phoṭṭhabbāyatanaṃ kāyaviññāṇassa purejātapaccayena paccayo. Vatthupurejātaṃ – cakkhāyatanaṃ cakkhuviññāṇassa…pe… kāyāyatanaṃ kāyaviññāṇassa, vatthu nevasekkhanāsekkhānaṃ khandhānaṃ purejātapaccayena paccayo. (1)

    ನೇವಸೇಕ್ಖನಾಸೇಕ್ಖೋ ಧಮ್ಮೋ ಸೇಕ್ಖಸ್ಸ ಧಮ್ಮಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ। ವತ್ಥುಪುರೇಜಾತಂ – ವತ್ಥು ಸೇಕ್ಖಾನಂ ಖನ್ಧಾನಂ ಪುರೇಜಾತಪಚ್ಚಯೇನ ಪಚ್ಚಯೋ। (೨)

    Nevasekkhanāsekkho dhammo sekkhassa dhammassa purejātapaccayena paccayo. Vatthupurejātaṃ – vatthu sekkhānaṃ khandhānaṃ purejātapaccayena paccayo. (2)

    ನೇವಸೇಕ್ಖನಾಸೇಕ್ಖೋ ಧಮ್ಮೋ ಅಸೇಕ್ಖಸ್ಸ ಧಮ್ಮಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ। ವತ್ಥುಪುರೇಜಾತಂ – ವತ್ಥು ಅಸೇಕ್ಖಾನಂ ಖನ್ಧಾನಂ ಪುರೇಜಾತಪಚ್ಚಯೇನ ಪಚ್ಚಯೋ। (೩)

    Nevasekkhanāsekkho dhammo asekkhassa dhammassa purejātapaccayena paccayo. Vatthupurejātaṃ – vatthu asekkhānaṃ khandhānaṃ purejātapaccayena paccayo. (3)

    ಪಚ್ಛಾಜಾತಪಚ್ಚಯೋ

    Pacchājātapaccayo

    ೫೭. ಸೇಕ್ಖೋ ಧಮ್ಮೋ ನೇವಸೇಕ್ಖನಾಸೇಕ್ಖಸ್ಸ ಧಮ್ಮಸ್ಸ ಪಚ್ಛಾಜಾತಪಚ್ಚಯೇನ ಪಚ್ಚಯೋ – ಪಚ್ಛಾಜಾತಾ ಸೇಕ್ಖಾ ಖನ್ಧಾ ಪುರೇಜಾತಸ್ಸ ಇಮಸ್ಸ ಕಾಯಸ್ಸ ಪಚ್ಛಾಜಾತಪಚ್ಚಯೇನ ಪಚ್ಚಯೋ। (೧)

    57. Sekkho dhammo nevasekkhanāsekkhassa dhammassa pacchājātapaccayena paccayo – pacchājātā sekkhā khandhā purejātassa imassa kāyassa pacchājātapaccayena paccayo. (1)

    ಅಸೇಕ್ಖೋ ಧಮ್ಮೋ ನೇವಸೇಕ್ಖನಾಸೇಕ್ಖಸ್ಸ ಧಮ್ಮಸ್ಸ ಪಚ್ಛಾಜಾತಪಚ್ಚಯೇನ ಪಚ್ಚಯೋ – ಪಚ್ಛಾಜಾತಾ ಅಸೇಕ್ಖಾ ಖನ್ಧಾ ಪುರೇಜಾತಸ್ಸ ಇಮಸ್ಸ ಕಾಯಸ್ಸ ಪಚ್ಛಾಜಾತಪಚ್ಚಯೇನ ಪಚ್ಚಯೋ। (೧)

    Asekkho dhammo nevasekkhanāsekkhassa dhammassa pacchājātapaccayena paccayo – pacchājātā asekkhā khandhā purejātassa imassa kāyassa pacchājātapaccayena paccayo. (1)

    ನೇವಸೇಕ್ಖನಾಸೇಕ್ಖೋ ಧಮ್ಮೋ ನೇವಸೇಕ್ಖನಾಸೇಕ್ಖಸ್ಸ ಧಮ್ಮಸ್ಸ ಪಚ್ಛಾಜಾತಪಚ್ಚಯೇನ ಪಚ್ಚಯೋ – ಪಚ್ಛಾಜಾತಾ ನೇವಸೇಕ್ಖನಾಸೇಕ್ಖಾ ಖನ್ಧಾ ಪುರೇಜಾತಸ್ಸ ಇಮಸ್ಸ ಕಾಯಸ್ಸ ಪಚ್ಛಾಜಾತಪಚ್ಚಯೇನ ಪಚ್ಚಯೋ। (೧)

    Nevasekkhanāsekkho dhammo nevasekkhanāsekkhassa dhammassa pacchājātapaccayena paccayo – pacchājātā nevasekkhanāsekkhā khandhā purejātassa imassa kāyassa pacchājātapaccayena paccayo. (1)

    ಆಸೇವನಪಚ್ಚಯೋ

    Āsevanapaccayo

    ೫೮. ನೇವಸೇಕ್ಖನಾಸೇಕ್ಖೋ ಧಮ್ಮೋ ನೇವಸೇಕ್ಖನಾಸೇಕ್ಖಸ್ಸ ಧಮ್ಮಸ್ಸ ಆಸೇವನಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ನೇವಸೇಕ್ಖನಾಸೇಕ್ಖಾ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ನೇವಸೇಕ್ಖನಾಸೇಕ್ಖಾನಂ ಖನ್ಧಾನಂ ಆಸೇವನಪಚ್ಚಯೇನ ಪಚ್ಚಯೋ। ಅನುಲೋಮಂ ಗೋತ್ರಭುಸ್ಸ… ಅನುಲೋಮಂ ವೋದಾನಸ್ಸ ಆಸೇವನಪಚ್ಚಯೇನ ಪಚ್ಚಯೋ। (೧)

    58. Nevasekkhanāsekkho dhammo nevasekkhanāsekkhassa dhammassa āsevanapaccayena paccayo – purimā purimā nevasekkhanāsekkhā khandhā pacchimānaṃ pacchimānaṃ nevasekkhanāsekkhānaṃ khandhānaṃ āsevanapaccayena paccayo. Anulomaṃ gotrabhussa… anulomaṃ vodānassa āsevanapaccayena paccayo. (1)

    ನೇವಸೇಕ್ಖನಾಸೇಕ್ಖೋ ಧಮ್ಮೋ ಸೇಕ್ಖಸ್ಸ ಧಮ್ಮಸ್ಸ ಆಸೇವನಪಚ್ಚಯೇನ ಪಚ್ಚಯೋ – ಗೋತ್ರಭು ಮಗ್ಗಸ್ಸ… ವೋದಾನಂ ಮಗ್ಗಸ್ಸ ಆಸೇವನಪಚ್ಚಯೇನ ಪಚ್ಚಯೋ। (೨)

    Nevasekkhanāsekkho dhammo sekkhassa dhammassa āsevanapaccayena paccayo – gotrabhu maggassa… vodānaṃ maggassa āsevanapaccayena paccayo. (2)

    ಕಮ್ಮಪಚ್ಚಯೋ

    Kammapaccayo

    ೫೯. ಸೇಕ್ಖೋ ಧಮ್ಮೋ ಸೇಕ್ಖಸ್ಸ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ಸಹಜಾತಾ, ನಾನಾಕ್ಖಣಿಕಾ। ಸಹಜಾತಾ – ಸೇಕ್ಖಾ ಚೇತನಾ ಸಮ್ಪಯುತ್ತಕಾನಂ ಖನ್ಧಾನಂ ಕಮ್ಮಪಚ್ಚಯೇನ ಪಚ್ಚಯೋ। ನಾನಾಕ್ಖಣಿಕಾ – ಸೇಕ್ಖಾ ಚೇತನಾ ವಿಪಾಕಾನಂ ಸೇಕ್ಖಾನಂ ಖನ್ಧಾನಂ ಕಮ್ಮಪಚ್ಚಯೇನ ಪಚ್ಚಯೋ। (೧)

    59. Sekkho dhammo sekkhassa dhammassa kammapaccayena paccayo – sahajātā, nānākkhaṇikā. Sahajātā – sekkhā cetanā sampayuttakānaṃ khandhānaṃ kammapaccayena paccayo. Nānākkhaṇikā – sekkhā cetanā vipākānaṃ sekkhānaṃ khandhānaṃ kammapaccayena paccayo. (1)

    ಸೇಕ್ಖೋ ಧಮ್ಮೋ ಅಸೇಕ್ಖಸ್ಸ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ। ನಾನಾಕ್ಖಣಿಕಾ – ಸೇಕ್ಖಾ ಚೇತನಾ ಅಸೇಕ್ಖಾನಂ ಖನ್ಧಾನಂ ಕಮ್ಮಪಚ್ಚಯೇನ ಪಚ್ಚಯೋ। (೨)

    Sekkho dhammo asekkhassa dhammassa kammapaccayena paccayo. Nānākkhaṇikā – sekkhā cetanā asekkhānaṃ khandhānaṃ kammapaccayena paccayo. (2)

    ಸೇಕ್ಖೋ ಧಮ್ಮೋ ನೇವಸೇಕ್ಖನಾಸೇಕ್ಖಸ್ಸ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ। ಸಹಜಾತಾ – ಸೇಕ್ಖಾ ಚೇತನಾ ಚಿತ್ತಸಮುಟ್ಠಾನಾನಂ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ। (೩)

    Sekkho dhammo nevasekkhanāsekkhassa dhammassa kammapaccayena paccayo. Sahajātā – sekkhā cetanā cittasamuṭṭhānānaṃ rūpānaṃ kammapaccayena paccayo. (3)

    ಸೇಕ್ಖೋ ಧಮ್ಮೋ ಸೇಕ್ಖಸ್ಸ ಚ ನೇವಸೇಕ್ಖನಾಸೇಕ್ಖಸ್ಸ ಚ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ಸೇಕ್ಖಾ ಚೇತನಾ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ। (೪)

    Sekkho dhammo sekkhassa ca nevasekkhanāsekkhassa ca dhammassa kammapaccayena paccayo – sekkhā cetanā sampayuttakānaṃ khandhānaṃ cittasamuṭṭhānānañca rūpānaṃ kammapaccayena paccayo. (4)

    ೬೦. ಅಸೇಕ್ಖೋ ಧಮ್ಮೋ ಅಸೇಕ್ಖಸ್ಸ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ಅಸೇಕ್ಖಾ ಚೇತನಾ ಸಮ್ಪಯುತ್ತಕಾನಂ ಖನ್ಧಾನಂ ಕಮ್ಮಪಚ್ಚಯೇನ ಪಚ್ಚಯೋ। (೧)

    60. Asekkho dhammo asekkhassa dhammassa kammapaccayena paccayo – asekkhā cetanā sampayuttakānaṃ khandhānaṃ kammapaccayena paccayo. (1)

    ಅಸೇಕ್ಖೋ ಧಮ್ಮೋ ನೇವಸೇಕ್ಖನಾಸೇಕ್ಖಸ್ಸ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ಅಸೇಕ್ಖಾ ಚೇತನಾ ಚಿತ್ತಸಮುಟ್ಠಾನಾನಂ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ। (೨)

    Asekkho dhammo nevasekkhanāsekkhassa dhammassa kammapaccayena paccayo – asekkhā cetanā cittasamuṭṭhānānaṃ rūpānaṃ kammapaccayena paccayo. (2)

    ಅಸೇಕ್ಖೋ ಧಮ್ಮೋ ಅಸೇಕ್ಖಸ್ಸ ಚ ನೇವಸೇಕ್ಖನಾಸೇಕ್ಖಸ್ಸ ಚ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ಅಸೇಕ್ಖಾ ಚೇತನಾ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ। (೩)

    Asekkho dhammo asekkhassa ca nevasekkhanāsekkhassa ca dhammassa kammapaccayena paccayo – asekkhā cetanā sampayuttakānaṃ khandhānaṃ cittasamuṭṭhānānañca rūpānaṃ kammapaccayena paccayo. (3)

    ೬೧. ನೇವಸೇಕ್ಖನಾಸೇಕ್ಖೋ ಧಮ್ಮೋ ನೇವಸೇಕ್ಖನಾಸೇಕ್ಖಸ್ಸ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ಸಹಜಾತಾ, ನಾನಾಕ್ಖಣಿಕಾ। ಸಹಜಾತಾ – ನೇವಸೇಕ್ಖನಾಸೇಕ್ಖಾ ಚೇತನಾ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ। ಪಟಿಸನ್ಧಿಕ್ಖಣೇ…ಪೇ॰…। ನಾನಾಕ್ಖಣಿಕಾ – ನೇವಸೇಕ್ಖನಾಸೇಕ್ಖಾ ಚೇತನಾ ವಿಪಾಕಾನಂ ನೇವಸೇಕ್ಖನಾಸೇಕ್ಖಾನಂ ಖನ್ಧಾನಂ ಕಟತ್ತಾ ಚ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ। (೧)

    61. Nevasekkhanāsekkho dhammo nevasekkhanāsekkhassa dhammassa kammapaccayena paccayo – sahajātā, nānākkhaṇikā. Sahajātā – nevasekkhanāsekkhā cetanā sampayuttakānaṃ khandhānaṃ cittasamuṭṭhānānañca rūpānaṃ kammapaccayena paccayo. Paṭisandhikkhaṇe…pe…. Nānākkhaṇikā – nevasekkhanāsekkhā cetanā vipākānaṃ nevasekkhanāsekkhānaṃ khandhānaṃ kaṭattā ca rūpānaṃ kammapaccayena paccayo. (1)

    ವಿಪಾಕಪಚ್ಚಯೋ

    Vipākapaccayo

    ೬೨. ಸೇಕ್ಖೋ ಧಮ್ಮೋ ಸೇಕ್ಖಸ್ಸ ಧಮ್ಮಸ್ಸ ವಿಪಾಕಪಚ್ಚಯೇನ ಪಚ್ಚಯೋ – ವಿಪಾಕೋ ಸೇಕ್ಖೋ ಏಕೋ ಖನ್ಧೋ ತಿಣ್ಣನ್ನಂ ಖನ್ಧಾನಂ…ಪೇ॰… (ಸೇಕ್ಖಮೂಲಕೇ ತೀಣಿ )।

    62. Sekkho dhammo sekkhassa dhammassa vipākapaccayena paccayo – vipāko sekkho eko khandho tiṇṇannaṃ khandhānaṃ…pe… (sekkhamūlake tīṇi ).

    ಅಸೇಕ್ಖೋ ಧಮ್ಮೋ ಅಸೇಕ್ಖಸ್ಸ ಧಮ್ಮಸ್ಸ ವಿಪಾಕಪಚ್ಚಯೇನ ಪಚ್ಚಯೋ – ಅಸೇಕ್ಖೋ ಏಕೋ ಖನ್ಧೋ ತಿಣ್ಣನ್ನಂ ಖನ್ಧಾನಂ…ಪೇ॰… (ಅಸೇಕ್ಖಮೂಲಕೇ ತೀಣಿ)।

    Asekkho dhammo asekkhassa dhammassa vipākapaccayena paccayo – asekkho eko khandho tiṇṇannaṃ khandhānaṃ…pe… (asekkhamūlake tīṇi).

    ನೇವಸೇಕ್ಖನಾಸೇಕ್ಖೋ ಧಮ್ಮೋ ನೇವಸೇಕ್ಖನಾಸೇಕ್ಖಸ್ಸ ಧಮ್ಮಸ್ಸ ವಿಪಾಕಪಚ್ಚಯೇನ ಪಚ್ಚಯೋ – ವಿಪಾಕೋ ನೇವಸೇಕ್ಖನಾಸೇಕ್ಖೋ ಏಕೋ ಖನ್ಧೋ ತಿಣ್ಣನ್ನಂ ಖನ್ಧಾನಂ…ಪೇ॰… ಪಟಿಸನ್ಧಿಕ್ಖಣೇ…ಪೇ॰… ಖನ್ಧಾ ವತ್ಥುಸ್ಸ ವಿಪಾಕಪಚ್ಚಯೇನ ಪಚ್ಚಯೋ। (೧)

    Nevasekkhanāsekkho dhammo nevasekkhanāsekkhassa dhammassa vipākapaccayena paccayo – vipāko nevasekkhanāsekkho eko khandho tiṇṇannaṃ khandhānaṃ…pe… paṭisandhikkhaṇe…pe… khandhā vatthussa vipākapaccayena paccayo. (1)

    ಆಹಾರಪಚ್ಚಯಾದಿ

    Āhārapaccayādi

    ೬೩. ಸೇಕ್ಖೋ ಧಮ್ಮೋ ಸೇಕ್ಖಸ್ಸ ಧಮ್ಮಸ್ಸ ಆಹಾರಪಚ್ಚಯೇನ ಪಚ್ಚಯೋ… ಇನ್ದ್ರಿಯಪಚ್ಚಯೇನ ಪಚ್ಚಯೋ… ಝಾನಪಚ್ಚಯೇನ ಪಚ್ಚಯೋ… ಮಗ್ಗಪಚ್ಚಯೇನ ಪಚ್ಚಯೋ… ಸಮ್ಪಯುತ್ತಪಚ್ಚಯೇನ ಪಚ್ಚಯೋ…ಪೇ॰…।

    63. Sekkho dhammo sekkhassa dhammassa āhārapaccayena paccayo… indriyapaccayena paccayo… jhānapaccayena paccayo… maggapaccayena paccayo… sampayuttapaccayena paccayo…pe….

    ವಿಪ್ಪಯುತ್ತಪಚ್ಚಯೋ

    Vippayuttapaccayo

    ೬೪. ಸೇಕ್ಖೋ ಧಮ್ಮೋ ನೇವಸೇಕ್ಖನಾಸೇಕ್ಖಸ್ಸ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ – ಸಹಜಾತಂ, ಪಚ್ಛಾಜಾತಂ। ಸಹಜಾತಾ – ಸೇಕ್ಖಾ ಖನ್ಧಾ ಚಿತ್ತಸಮುಟ್ಠಾನಾನಂ ರೂಪಾನಂ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ। ಪಚ್ಛಾಜಾತಾ – ಸೇಕ್ಖಾ ಖನ್ಧಾ ಪುರೇಜಾತಸ್ಸ ಇಮಸ್ಸ ಕಾಯಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ (೧)।

    64. Sekkho dhammo nevasekkhanāsekkhassa dhammassa vippayuttapaccayena paccayo – sahajātaṃ, pacchājātaṃ. Sahajātā – sekkhā khandhā cittasamuṭṭhānānaṃ rūpānaṃ vippayuttapaccayena paccayo. Pacchājātā – sekkhā khandhā purejātassa imassa kāyassa vippayuttapaccayena paccayo (1).

    ಅಸೇಕ್ಖೋ ಧಮ್ಮೋ ನೇವಸೇಕ್ಖನಾಸೇಕ್ಖಸ್ಸ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ – ಸಹಜಾತಂ, ಪಚ್ಛಾಜಾತಂ (ಸೇಕ್ಖಸದಿಸಂ)।

    Asekkho dhammo nevasekkhanāsekkhassa dhammassa vippayuttapaccayena paccayo – sahajātaṃ, pacchājātaṃ (sekkhasadisaṃ).

    ನೇವಸೇಕ್ಖನಾಸೇಕ್ಖೋ ಧಮ್ಮೋ ನೇವಸೇಕ್ಖನಾಸೇಕ್ಖಸ್ಸ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ – ಸಹಜಾತಂ , ಪುರೇಜಾತಂ, ಪಚ್ಛಾಜಾತಂ। ಸಹಜಾತಾ – ನೇವಸೇಕ್ಖನಾಸೇಕ್ಖಾ ಖನ್ಧಾ ಚಿತ್ತಸಮುಟ್ಠಾನಾನಂ ರೂಪಾನಂ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ। ಪಟಿಸನ್ಧಿಕ್ಖಣೇ ನೇವಸೇಕ್ಖನಾಸೇಕ್ಖಾ ಖನ್ಧಾ ಕಟತ್ತಾರೂಪಾನಂ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ। ಖನ್ಧಾ ವತ್ಥುಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ। ವತ್ಥು ಖನ್ಧಾನಂ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ। ಪುರೇಜಾತಂ – ಚಕ್ಖಾಯತನಂ ಚಕ್ಖುವಿಞ್ಞಾಣಸ್ಸ…ಪೇ॰… ಕಾಯಾಯತನಂ ಕಾಯವಿಞ್ಞಾಣಸ್ಸ, ವತ್ಥು ನೇವಸೇಕ್ಖನಾಸೇಕ್ಖಾನಂ ಖನ್ಧಾನಂ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ। ಪಚ್ಛಾಜಾತಾ – ನೇವಸೇಕ್ಖನಾಸೇಕ್ಖಾ ಖನ್ಧಾ ಪುರೇಜಾತಸ್ಸ ಇಮಸ್ಸ ಕಾಯಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ। (೧)

    Nevasekkhanāsekkho dhammo nevasekkhanāsekkhassa dhammassa vippayuttapaccayena paccayo – sahajātaṃ , purejātaṃ, pacchājātaṃ. Sahajātā – nevasekkhanāsekkhā khandhā cittasamuṭṭhānānaṃ rūpānaṃ vippayuttapaccayena paccayo. Paṭisandhikkhaṇe nevasekkhanāsekkhā khandhā kaṭattārūpānaṃ vippayuttapaccayena paccayo. Khandhā vatthussa vippayuttapaccayena paccayo. Vatthu khandhānaṃ vippayuttapaccayena paccayo. Purejātaṃ – cakkhāyatanaṃ cakkhuviññāṇassa…pe… kāyāyatanaṃ kāyaviññāṇassa, vatthu nevasekkhanāsekkhānaṃ khandhānaṃ vippayuttapaccayena paccayo. Pacchājātā – nevasekkhanāsekkhā khandhā purejātassa imassa kāyassa vippayuttapaccayena paccayo. (1)

    ನೇವಸೇಕ್ಖನಾಸೇಕ್ಖೋ ಧಮ್ಮೋ ಸೇಕ್ಖಸ್ಸ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ। ಪುರೇಜಾತಂ – ವತ್ಥು ಸೇಕ್ಖಾನಂ ಖನ್ಧಾನಂ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ। (೨)

    Nevasekkhanāsekkho dhammo sekkhassa dhammassa vippayuttapaccayena paccayo. Purejātaṃ – vatthu sekkhānaṃ khandhānaṃ vippayuttapaccayena paccayo. (2)

    ನೇವಸೇಕ್ಖನಾಸೇಕ್ಖೋ ಧಮ್ಮೋ ಅಸೇಕ್ಖಸ್ಸ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ। ಪುರೇಜಾತಂ – ವತ್ಥು ಅಸೇಕ್ಖಾನಂ ಖನ್ಧಾನಂ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ। (೩)

    Nevasekkhanāsekkho dhammo asekkhassa dhammassa vippayuttapaccayena paccayo. Purejātaṃ – vatthu asekkhānaṃ khandhānaṃ vippayuttapaccayena paccayo. (3)

    ಅತ್ಥಿಪಚ್ಚಯೋ

    Atthipaccayo

    ೬೫. ಸೇಕ್ಖೋ ಧಮ್ಮೋ ಸೇಕ್ಖಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸೇಕ್ಖೋ ಏಕೋ ಖನ್ಧೋ ತಿಣ್ಣನ್ನಂ ಖನ್ಧಾನಂ…ಪೇ॰…। (೧)

    65. Sekkho dhammo sekkhassa dhammassa atthipaccayena paccayo – sekkho eko khandho tiṇṇannaṃ khandhānaṃ…pe…. (1)

    ಸೇಕ್ಖೋ ಧಮ್ಮೋ ನೇವಸೇಕ್ಖನಾಸೇಕ್ಖಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪಚ್ಛಾಜಾತಂ। ಸಹಜಾತಾ – ಸೇಕ್ಖಾ ಖನ್ಧಾ ಚಿತ್ತಸಮುಟ್ಠಾನಾನಂ ರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ। ಪಚ್ಛಾಜಾತಾ – ಸೇಕ್ಖಾ ಖನ್ಧಾ ಪುರೇಜಾತಸ್ಸ ಇಮಸ್ಸ ಕಾಯಸ್ಸ ಅತ್ಥಿಪಚ್ಚಯೇನ ಪಚ್ಚಯೋ। (೨)

    Sekkho dhammo nevasekkhanāsekkhassa dhammassa atthipaccayena paccayo – sahajātaṃ, pacchājātaṃ. Sahajātā – sekkhā khandhā cittasamuṭṭhānānaṃ rūpānaṃ atthipaccayena paccayo. Pacchājātā – sekkhā khandhā purejātassa imassa kāyassa atthipaccayena paccayo. (2)

    ಸೇಕ್ಖೋ ಧಮ್ಮೋ ಸೇಕ್ಖಸ್ಸ ಚ ನೇವಸೇಕ್ಖನಾಸೇಕ್ಖಸ್ಸ ಚ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸೇಕ್ಖೋ ಏಕೋ ಖನ್ಧೋ ತಿಣ್ಣನ್ನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ…ಪೇ॰… ದ್ವೇ ಖನ್ಧಾ…ಪೇ॰…। (೩)

    Sekkho dhammo sekkhassa ca nevasekkhanāsekkhassa ca dhammassa atthipaccayena paccayo – sekkho eko khandho tiṇṇannaṃ khandhānaṃ cittasamuṭṭhānānañca rūpānaṃ atthipaccayena paccayo…pe… dve khandhā…pe…. (3)

    ಅಸೇಕ್ಖೋ ಧಮ್ಮೋ ಅಸೇಕ್ಖಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ…ಪೇ॰… ತೀಣಿ (ಸೇಕ್ಖಸದಿಸಂ)।

    Asekkho dhammo asekkhassa dhammassa atthipaccayena paccayo…pe… tīṇi (sekkhasadisaṃ).

    ೬೬. ನೇವಸೇಕ್ಖನಾಸೇಕ್ಖೋ ಧಮ್ಮೋ ನೇವಸೇಕ್ಖನಾಸೇಕ್ಖಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ, ಪಚ್ಛಾಜಾತಂ, ಆಹಾರಂ, ಇನ್ದ್ರಿಯಂ। ಸಹಜಾತೋ – ನೇವಸೇಕ್ಖನಾಸೇಕ್ಖೋ ಏಕೋ ಖನ್ಧೋ ತಿಣ್ಣನ್ನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ…ಪೇ॰… ದ್ವೇ ಖನ್ಧಾ…ಪೇ॰… ಪಟಿಸನ್ಧಿಕ್ಖಣೇ…ಪೇ॰… ಖನ್ಧಾ ವತ್ಥುಸ್ಸ ಅತ್ಥಿಪಚ್ಚಯೇನ ಪಚ್ಚಯೋ। ವತ್ಥು ಖನ್ಧಾನಂ ಅತ್ಥಿಪಚ್ಚಯೇನ ಪಚ್ಚಯೋ, ಏಕಂ ಮಹಾಭೂತಂ…ಪೇ॰… ಬಾಹಿರಂ…ಪೇ॰… ಅಸಞ್ಞಸತ್ತಾನಂ…ಪೇ॰…। ಪುರೇಜಾತಂ – ಚಕ್ಖುಂ ಅನಿಚ್ಚತೋ ದುಕ್ಖತೋ ಅನತ್ತತೋ ವಿಪಸ್ಸತಿ; ಅಸ್ಸಾದೇತಿ ಅಭಿನನ್ದತಿ; ತಂ ಆರಬ್ಭ ರಾಗೋ ಉಪ್ಪಜ್ಜತಿ…ಪೇ॰… ದೋಮನಸ್ಸಂ ಉಪ್ಪಜ್ಜತಿ। ಸೋತಂ…ಪೇ॰… ವತ್ಥುಂ ಅನಿಚ್ಚತೋ…ಪೇ॰… ವಿಪಸ್ಸತಿ, ದಿಬ್ಬೇನ ಚಕ್ಖುನಾ ರೂಪಂ ಪಸ್ಸತಿ, ದಿಬ್ಬಾಯ ಸೋತಧಾತುಯಾ ಸದ್ದಂ ಸುಣಾತಿ, ರೂಪಾಯತನಂ ಚಕ್ಖುವಿಞ್ಞಾಣಸ್ಸ…ಪೇ॰… ಫೋಟ್ಠಬ್ಬಾಯತನಂ ಕಾಯವಿಞ್ಞಾಣಸ್ಸ…ಪೇ॰… ಚಕ್ಖಾಯತನಂ ಚಕ್ಖುವಿಞ್ಞಾಣಸ್ಸ…ಪೇ॰… ಕಾಯಾಯತನಂ ಕಾಯವಿಞ್ಞಾಣಸ್ಸ… ವತ್ಥು ನೇವಸೇಕ್ಖನಾಸೇಕ್ಖಾನಂ ಖನ್ಧಾನಂ ಅತ್ಥಿಪಚ್ಚಯೇನ ಪಚ್ಚಯೋ। ಪಚ್ಛಾಜಾತಾ – ನೇವಸೇಕ್ಖನಾಸೇಕ್ಖಾ ಖನ್ಧಾ ಪುರೇಜಾತಸ್ಸ ಇಮಸ್ಸ ಕಾಯಸ್ಸ ಅತ್ಥಿಪಚ್ಚಯೇನ ಪಚ್ಚಯೋ। ಕಬಳೀಕಾರೋ ಆಹಾರೋ ಇಮಸ್ಸ ಕಾಯಸ್ಸ ಅತ್ಥಿಪಚ್ಚಯೇನ ಪಚ್ಚಯೋ। ರೂಪಜೀವಿತಿನ್ದ್ರಿಯಂ ಕಟತ್ತಾರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ। (೧)

    66. Nevasekkhanāsekkho dhammo nevasekkhanāsekkhassa dhammassa atthipaccayena paccayo – sahajātaṃ, purejātaṃ, pacchājātaṃ, āhāraṃ, indriyaṃ. Sahajāto – nevasekkhanāsekkho eko khandho tiṇṇannaṃ khandhānaṃ cittasamuṭṭhānānañca rūpānaṃ atthipaccayena paccayo…pe… dve khandhā…pe… paṭisandhikkhaṇe…pe… khandhā vatthussa atthipaccayena paccayo. Vatthu khandhānaṃ atthipaccayena paccayo, ekaṃ mahābhūtaṃ…pe… bāhiraṃ…pe… asaññasattānaṃ…pe…. Purejātaṃ – cakkhuṃ aniccato dukkhato anattato vipassati; assādeti abhinandati; taṃ ārabbha rāgo uppajjati…pe… domanassaṃ uppajjati. Sotaṃ…pe… vatthuṃ aniccato…pe… vipassati, dibbena cakkhunā rūpaṃ passati, dibbāya sotadhātuyā saddaṃ suṇāti, rūpāyatanaṃ cakkhuviññāṇassa…pe… phoṭṭhabbāyatanaṃ kāyaviññāṇassa…pe… cakkhāyatanaṃ cakkhuviññāṇassa…pe… kāyāyatanaṃ kāyaviññāṇassa… vatthu nevasekkhanāsekkhānaṃ khandhānaṃ atthipaccayena paccayo. Pacchājātā – nevasekkhanāsekkhā khandhā purejātassa imassa kāyassa atthipaccayena paccayo. Kabaḷīkāro āhāro imassa kāyassa atthipaccayena paccayo. Rūpajīvitindriyaṃ kaṭattārūpānaṃ atthipaccayena paccayo. (1)

    ನೇವಸೇಕ್ಖನಾಸೇಕ್ಖೋ ಧಮ್ಮೋ ಸೇಕ್ಖಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ। ಪುರೇಜಾತಂ – ವತ್ಥು ಸೇಕ್ಖಾನಂ ಖನ್ಧಾನಂ ಅತ್ಥಿಪಚ್ಚಯೇನ ಪಚ್ಚಯೋ। (೨)

    Nevasekkhanāsekkho dhammo sekkhassa dhammassa atthipaccayena paccayo. Purejātaṃ – vatthu sekkhānaṃ khandhānaṃ atthipaccayena paccayo. (2)

    ನೇವಸೇಕ್ಖನಾಸೇಕ್ಖೋ ಧಮ್ಮೋ ಅಸೇಕ್ಖಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ। ಪುರೇಜಾತಂ – ವತ್ಥು ಅಸೇಕ್ಖಾನಂ ಖನ್ಧಾನಂ ಅತ್ಥಿಪಚ್ಚಯೇನ ಪಚ್ಚಯೋ। (೩)

    Nevasekkhanāsekkho dhammo asekkhassa dhammassa atthipaccayena paccayo. Purejātaṃ – vatthu asekkhānaṃ khandhānaṃ atthipaccayena paccayo. (3)

    ೬೭. ಸೇಕ್ಖೋ ಚ ನೇವಸೇಕ್ಖನಾಸೇಕ್ಖೋ ಚ ಧಮ್ಮಾ ಸೇಕ್ಖಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ। ಸಹಜಾತೋ – ಸೇಕ್ಖೋ ಏಕೋ ಖನ್ಧೋ ಚ ವತ್ಥು ಚ ತಿಣ್ಣನ್ನಂ ಖನ್ಧಾನಂ ಅತ್ಥಿಪಚ್ಚಯೇನ ಪಚ್ಚಯೋ…ಪೇ॰… ದ್ವೇ ಖನ್ಧಾ…ಪೇ॰…। (೧)

    67. Sekkho ca nevasekkhanāsekkho ca dhammā sekkhassa dhammassa atthipaccayena paccayo – sahajātaṃ, purejātaṃ. Sahajāto – sekkho eko khandho ca vatthu ca tiṇṇannaṃ khandhānaṃ atthipaccayena paccayo…pe… dve khandhā…pe…. (1)

    ಸೇಕ್ಖೋ ಚ ನೇವಸೇಕ್ಖನಾಸೇಕ್ಖೋ ಚ ಧಮ್ಮಾ ನೇವಸೇಕ್ಖನಾಸೇಕ್ಖಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪಚ್ಛಾಜಾತಂ, ಆಹಾರಂ, ಇನ್ದ್ರಿಯಂ। ಸಹಜಾತಾ – ಸೇಕ್ಖಾ ಖನ್ಧಾ ಚ ಮಹಾಭೂತಾ ಚ ಚಿತ್ತಸಮುಟ್ಠಾನಾನಂ ರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ। ಪಚ್ಛಾಜಾತಾ – ಸೇಕ್ಖಾ ಖನ್ಧಾ ಚ ಕಬಳೀಕಾರೋ ಆಹಾರೋ ಚ ಇಮಸ್ಸ ಕಾಯಸ್ಸ ಅತ್ಥಿಪಚ್ಚಯೇನ ಪಚ್ಚಯೋ। ಪಚ್ಛಾಜಾತಾ – ಸೇಕ್ಖಾ ಖನ್ಧಾ ಚ ರೂಪಜೀವಿತಿನ್ದ್ರಿಯಞ್ಚ ಕಟತ್ತಾರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ। (೨)

    Sekkho ca nevasekkhanāsekkho ca dhammā nevasekkhanāsekkhassa dhammassa atthipaccayena paccayo – sahajātaṃ, pacchājātaṃ, āhāraṃ, indriyaṃ. Sahajātā – sekkhā khandhā ca mahābhūtā ca cittasamuṭṭhānānaṃ rūpānaṃ atthipaccayena paccayo. Pacchājātā – sekkhā khandhā ca kabaḷīkāro āhāro ca imassa kāyassa atthipaccayena paccayo. Pacchājātā – sekkhā khandhā ca rūpajīvitindriyañca kaṭattārūpānaṃ atthipaccayena paccayo. (2)

    ಅಸೇಕ್ಖೋ ಚ ನೇವಸೇಕ್ಖನಾಸೇಕ್ಖೋ ಚ ಧಮ್ಮಾ ಅಸೇಕ್ಖಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ…ಪೇ॰… (ದ್ವೇ ಪಞ್ಹಾ ಕಾತಬ್ಬಾ, ಸೇಕ್ಖಸದಿಸಾ)।

    Asekkho ca nevasekkhanāsekkho ca dhammā asekkhassa dhammassa atthipaccayena paccayo…pe… (dve pañhā kātabbā, sekkhasadisā).

    ೧. ಪಚ್ಚಯಾನುಲೋಮಂ

    1. Paccayānulomaṃ

    ೨. ಸಙ್ಖ್ಯಾವಾರೋ

    2. Saṅkhyāvāro

    ೬೮. ಹೇತುಯಾ ಸತ್ತ, ಆರಮ್ಮಣೇ ಪಞ್ಚ, ಅಧಿಪತಿಯಾ ನವ, ಅನನ್ತರೇ ಅಟ್ಠ, ಸಮನನ್ತರೇ ಅಟ್ಠ, ಸಹಜಾತೇ ನವ, ಅಞ್ಞಮಞ್ಞೇ ತೀಣಿ, ನಿಸ್ಸಯೇ ತೇರಸ, ಉಪನಿಸ್ಸಯೇ ಅಟ್ಠ, ಪುರೇಜಾತೇ ತೀಣಿ, ಪಚ್ಛಾಜಾತೇ ತೀಣಿ, ಆಸೇವನೇ ದ್ವೇ, ಕಮ್ಮೇ ಅಟ್ಠ, ವಿಪಾಕೇ ಆಹಾರೇ ಇನ್ದ್ರಿಯೇ ಝಾನೇ ಮಗ್ಗೇ ಸತ್ತ, ಸಮ್ಪಯುತ್ತೇ ತೀಣಿ, ವಿಪ್ಪಯುತ್ತೇ ಪಞ್ಚ, ಅತ್ಥಿಯಾ ತೇರಸ, ನತ್ಥಿಯಾ ಅಟ್ಠ, ವಿಗತೇ ಅಟ್ಠ, ಅವಿಗತೇ ತೇರಸ (ಏವಂ ಗಣೇತಬ್ಬಂ)।

    68. Hetuyā satta, ārammaṇe pañca, adhipatiyā nava, anantare aṭṭha, samanantare aṭṭha, sahajāte nava, aññamaññe tīṇi, nissaye terasa, upanissaye aṭṭha, purejāte tīṇi, pacchājāte tīṇi, āsevane dve, kamme aṭṭha, vipāke āhāre indriye jhāne magge satta, sampayutte tīṇi, vippayutte pañca, atthiyā terasa, natthiyā aṭṭha, vigate aṭṭha, avigate terasa (evaṃ gaṇetabbaṃ).

    ಅನುಲೋಮಂ।

    Anulomaṃ.

    ೨. ಪಚ್ಚನೀಯುದ್ಧಾರೋ

    2. Paccanīyuddhāro

    ೬೯. ಸೇಕ್ಖೋ ಧಮ್ಮೋ ಸೇಕ್ಖಸ್ಸ ಧಮ್ಮಸ್ಸ ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ। (೧)

    69. Sekkho dhammo sekkhassa dhammassa sahajātapaccayena paccayo… upanissayapaccayena paccayo. (1)

    ಸೇಕ್ಖೋ ಧಮ್ಮೋ ಅಸೇಕ್ಖಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ। (೨)

    Sekkho dhammo asekkhassa dhammassa upanissayapaccayena paccayo. (2)

    ಸೇಕ್ಖೋ ಧಮ್ಮೋ ನೇವಸೇಕ್ಖನಾಸೇಕ್ಖಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಪಚ್ಛಾಜಾತಪಚ್ಚಯೇನ ಪಚ್ಚಯೋ। (೩)

    Sekkho dhammo nevasekkhanāsekkhassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… pacchājātapaccayena paccayo. (3)

    ಸೇಕ್ಖೋ ಧಮ್ಮೋ ಸೇಕ್ಖಸ್ಸ ಚ ನೇವಸೇಕ್ಖನಾಸೇಕ್ಖಸ್ಸ ಚ ಧಮ್ಮಸ್ಸ ಸಹಜಾತಪಚ್ಚಯೇನ ಪಚ್ಚಯೋ। (೪)

    Sekkho dhammo sekkhassa ca nevasekkhanāsekkhassa ca dhammassa sahajātapaccayena paccayo. (4)

    ೭೦. ಅಸೇಕ್ಖೋ ಧಮ್ಮೋ ಅಸೇಕ್ಖಸ್ಸ ಧಮ್ಮಸ್ಸ ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ। (೧)

    70. Asekkho dhammo asekkhassa dhammassa sahajātapaccayena paccayo… upanissayapaccayena paccayo. (1)

    ಅಸೇಕ್ಖೋ ಧಮ್ಮೋ ನೇವಸೇಕ್ಖನಾಸೇಕ್ಖಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಪಚ್ಛಾಜಾತಪಚ್ಚಯೇನ ಪಚ್ಚಯೋ। (೨)

    Asekkho dhammo nevasekkhanāsekkhassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… pacchājātapaccayena paccayo. (2)

    ಅಸೇಕ್ಖೋ ಧಮ್ಮೋ ಅಸೇಕ್ಖಸ್ಸ ಚ ನೇವಸೇಕ್ಖನಾಸೇಕ್ಖಸ್ಸ ಚ ಧಮ್ಮಸ್ಸ ಸಹಜಾತಪಚ್ಚಯೇನ ಪಚ್ಚಯೋ। (೩)

    Asekkho dhammo asekkhassa ca nevasekkhanāsekkhassa ca dhammassa sahajātapaccayena paccayo. (3)

    ೭೧. ನೇವಸೇಕ್ಖನಾಸೇಕ್ಖೋ ಧಮ್ಮೋ ನೇವಸೇಕ್ಖನಾಸೇಕ್ಖಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಪುರೇಜಾತಪಚ್ಚಯೇನ ಪಚ್ಚಯೋ… ಪಚ್ಛಾಜಾತಪಚ್ಚಯೇನ ಪಚ್ಚಯೋ… ಕಮ್ಮಪಚ್ಚಯೇನ ಪಚ್ಚಯೋ… ಆಹಾರಪಚ್ಚಯೇನ ಪಚ್ಚಯೋ… ಇನ್ದ್ರಿಯಪಚ್ಚಯೇನ ಪಚ್ಚಯೋ। (೧)

    71. Nevasekkhanāsekkho dhammo nevasekkhanāsekkhassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… purejātapaccayena paccayo… pacchājātapaccayena paccayo… kammapaccayena paccayo… āhārapaccayena paccayo… indriyapaccayena paccayo. (1)

    ನೇವಸೇಕ್ಖನಾಸೇಕ್ಖೋ ಧಮ್ಮೋ ಸೇಕ್ಖಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಪುರೇಜಾತಪಚ್ಚಯೇನ ಪಚ್ಚಯೋ। (೨)

    Nevasekkhanāsekkho dhammo sekkhassa dhammassa upanissayapaccayena paccayo… purejātapaccayena paccayo. (2)

    ನೇವಸೇಕ್ಖನಾಸೇಕ್ಖೋ ಧಮ್ಮೋ ಅಸೇಕ್ಖಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಪುರೇಜಾತಪಚ್ಚಯೇನ ಪಚ್ಚಯೋ। (೩)

    Nevasekkhanāsekkho dhammo asekkhassa dhammassa upanissayapaccayena paccayo… purejātapaccayena paccayo. (3)

    ೭೨. ಸೇಕ್ಖೋ ಚ ನೇವಸೇಕ್ಖನಾಸೇಕ್ಖೋ ಚ ಧಮ್ಮಾ ಸೇಕ್ಖಸ್ಸ ಧಮ್ಮಸ್ಸ ಸಹಜಾತಂ, ಪುರೇಜಾತಂ। (೧)

    72. Sekkho ca nevasekkhanāsekkho ca dhammā sekkhassa dhammassa sahajātaṃ, purejātaṃ. (1)

    ಸೇಕ್ಖೋ ಚ ನೇವಸೇಕ್ಖನಾಸೇಕ್ಖೋ ಚ ಧಮ್ಮಾ ನೇವಸೇಕ್ಖನಾಸೇಕ್ಖಸ್ಸ ಧಮ್ಮಸ್ಸ ಸಹಜಾತಂ, ಪಚ್ಛಾಜಾತಂ, ಆಹಾರಂ, ಇನ್ದ್ರಿಯಂ। (೨)

    Sekkho ca nevasekkhanāsekkho ca dhammā nevasekkhanāsekkhassa dhammassa sahajātaṃ, pacchājātaṃ, āhāraṃ, indriyaṃ. (2)

    ಅಸೇಕ್ಖೋ ಚ ನೇವಸೇಕ್ಖನಾಸೇಕ್ಖೋ ಚ ಧಮ್ಮಾ ಅಸೇಕ್ಖಸ್ಸ ಧಮ್ಮಸ್ಸ ಸಹಜಾತಂ, ಪುರೇಜಾತಂ। (೧)

    Asekkho ca nevasekkhanāsekkho ca dhammā asekkhassa dhammassa sahajātaṃ, purejātaṃ. (1)

    ಅಸೇಕ್ಖೋ ಚ ನೇವಸೇಕ್ಖನಾಸೇಕ್ಖೋ ಚ ಧಮ್ಮಾ ನೇವಸೇಕ್ಖನಾಸೇಕ್ಖಸ್ಸ ಧಮ್ಮಸ್ಸ ಸಹಜಾತಂ, ಪಚ್ಛಾಜಾತಂ, ಆಹಾರಂ, ಇನ್ದ್ರಿಯಂ। (೨)

    Asekkho ca nevasekkhanāsekkho ca dhammā nevasekkhanāsekkhassa dhammassa sahajātaṃ, pacchājātaṃ, āhāraṃ, indriyaṃ. (2)

    ೨. ಪಚ್ಚಯಪಚ್ಚನೀಯಂ

    2. Paccayapaccanīyaṃ

    ೨. ಸಙ್ಖ್ಯಾವಾರೋ

    2. Saṅkhyāvāro

    ೭೩. ನಹೇತುಯಾ ಚುದ್ದಸ, ನಆರಮ್ಮಣೇ ನಅಧಿಪತಿಯಾ ನಅನನ್ತರೇ ನಸಮನನ್ತರೇ ಚುದ್ದಸ, ನಸಹಜಾತೇ ದಸ, ನಅಞ್ಞಮಞ್ಞೇ ದಸ, ನನಿಸ್ಸಯೇ ದಸ , ನಉಪನಿಸ್ಸಯೇ ತೇರಸ, ನಪುರೇಜಾತೇ ದ್ವಾದಸ, ನಪಚ್ಛಾಜಾತೇ ಚುದ್ದಸ, ನಆಸೇವನೇ ನಕಮ್ಮೇ ಚುದ್ದಸ, ನವಿಪಾಕೇ ದ್ವಾದಸ, ನಆಹಾರೇ ನಇನ್ದ್ರಿಯೇ ನಝಾನೇ ನಮಗ್ಗೇ ಚುದ್ದಸ, ನಸಮ್ಪಯುತ್ತೇ ದಸ, ನವಿಪ್ಪಯುತ್ತೇ ಅಟ್ಠ, ನೋಅತ್ಥಿಯಾ ಅಟ್ಠ, ನೋನತ್ಥಿಯಾ ಚುದ್ದಸ, ನೋವಿಗತೇ ಚುದ್ದಸ, ನೋಅವಿಗತೇ ಅಟ್ಠ (ಏವಂ ಗಣೇತಬ್ಬಂ)।

    73. Nahetuyā cuddasa, naārammaṇe naadhipatiyā naanantare nasamanantare cuddasa, nasahajāte dasa, naaññamaññe dasa, nanissaye dasa , naupanissaye terasa, napurejāte dvādasa, napacchājāte cuddasa, naāsevane nakamme cuddasa, navipāke dvādasa, naāhāre naindriye najhāne namagge cuddasa, nasampayutte dasa, navippayutte aṭṭha, noatthiyā aṭṭha, nonatthiyā cuddasa, novigate cuddasa, noavigate aṭṭha (evaṃ gaṇetabbaṃ).

    ಪಚ್ಚನೀಯಂ।

    Paccanīyaṃ.

    ೩. ಪಚ್ಚಯಾನುಲೋಮಪಚ್ಚನೀಯಂ

    3. Paccayānulomapaccanīyaṃ

    ಹೇತುದುಕಂ

    Hetudukaṃ

    ೭೪. ಹೇತುಪಚ್ಚಯಾ ನಆರಮ್ಮಣೇ ಸತ್ತ, ನಅಧಿಪತಿಯಾ ಸತ್ತ, ನಅನನ್ತರೇ ಸತ್ತ, ನಸಮನನ್ತರೇ ಸತ್ತ, ನಅಞ್ಞಮಞ್ಞೇ ತೀಣಿ, ನಉಪನಿಸ್ಸಯೇ ನಪುರೇಜಾತೇ ನಪಚ್ಛಾಜಾತೇ ನಆಸೇವನೇ ನಕಮ್ಮೇ ಸತ್ತ, ನವಿಪಾಕೇ ಚತ್ತಾರಿ, ನಆಹಾರೇ ನಇನ್ದ್ರಿಯೇ ನಝಾನೇ ನಮಗ್ಗೇ ಸತ್ತ, ನಸಮ್ಪಯುತ್ತೇ ತೀಣಿ, ನವಿಪ್ಪಯುತ್ತೇ ತೀಣಿ, ನೋನತ್ಥಿಯಾ ಸತ್ತ, ನೋವಿಗತೇ ಸತ್ತ (ಏವಂ ಗಣೇತಬ್ಬಂ)।

    74. Hetupaccayā naārammaṇe satta, naadhipatiyā satta, naanantare satta, nasamanantare satta, naaññamaññe tīṇi, naupanissaye napurejāte napacchājāte naāsevane nakamme satta, navipāke cattāri, naāhāre naindriye najhāne namagge satta, nasampayutte tīṇi, navippayutte tīṇi, nonatthiyā satta, novigate satta (evaṃ gaṇetabbaṃ).

    ಅನುಲೋಮಪಚ್ಚನೀಯಂ।

    Anulomapaccanīyaṃ.

    ೪. ಪಚ್ಚಯಪಚ್ಚನೀಯಾನುಲೋಮಂ

    4. Paccayapaccanīyānulomaṃ

    ನಹೇತುದುಕಂ

    Nahetudukaṃ

    ೭೫. ನಹೇತುಪಚ್ಚಯಾ ಆರಮ್ಮಣೇ ಪಞ್ಚ, ಅಧಿಪತಿಯಾ ನವ, ಅನನ್ತರೇ ಅಟ್ಠ, ಸಮನನ್ತರೇ ಅಟ್ಠ, ಸಹಜಾತೇ ನವ, ಅಞ್ಞಮಞ್ಞೇ ತೀಣಿ, ನಿಸ್ಸಯೇ ತೇರಸ, ಉಪನಿಸ್ಸಯೇ ಅಟ್ಠ, ಪುರೇಜಾತೇ ತೀಣಿ, ಪಚ್ಛಾಜಾತೇ ತೀಣಿ, ಆಸೇವನೇ ದ್ವೇ, ಕಮ್ಮೇ ಅಟ್ಠ, ವಿಪಾಕೇ ಆಹಾರೇ ಇನ್ದ್ರಿಯೇ ಝಾನೇ ಮಗ್ಗೇ ಸತ್ತ, ಸಮ್ಪಯುತ್ತೇ ತೀಣಿ, ವಿಪ್ಪಯುತ್ತೇ ಪಞ್ಚ, ಅತ್ಥಿಯಾ ತೇರಸ, ನತ್ಥಿಯಾ ಅಟ್ಠ, ವಿಗತೇ ಅಟ್ಠ, ಅವಿಗತೇ ತೇರಸ (ಏವಂ ಗಣೇತಬ್ಬಂ)।

    75. Nahetupaccayā ārammaṇe pañca, adhipatiyā nava, anantare aṭṭha, samanantare aṭṭha, sahajāte nava, aññamaññe tīṇi, nissaye terasa, upanissaye aṭṭha, purejāte tīṇi, pacchājāte tīṇi, āsevane dve, kamme aṭṭha, vipāke āhāre indriye jhāne magge satta, sampayutte tīṇi, vippayutte pañca, atthiyā terasa, natthiyā aṭṭha, vigate aṭṭha, avigate terasa (evaṃ gaṇetabbaṃ).

    ಪಚ್ಚನೀಯಾನುಲೋಮಂ।

    Paccanīyānulomaṃ.

    ಪಞ್ಹಾವಾರೋ।

    Pañhāvāro.

    ಸೇಕ್ಖತ್ತಿಕಂ ನಿಟ್ಠಿತಂ।

    Sekkhattikaṃ niṭṭhitaṃ.




    Next: ೧೨. ಪರಿತ್ತತ್ತಿಕಂ • 12. Parittattikaṃ




    Footnotes:
    1. ನೇವಸೇಖಾನಾಸೇಖೋ (ಸೀ॰), ನೇವಸೇಕ್ಖಾನಾಸೇಕ್ಖೋ (ಸ್ಯಾ॰ ಕ॰)
    2. nevasekhānāsekho (sī.), nevasekkhānāsekkho (syā. ka.)



    Related texts:



    ಅಟ್ಠಕಥಾ • Aṭṭhakathā / ಅಭಿಧಮ್ಮಪಿಟಕ (ಅಟ್ಠಕಥಾ) • Abhidhammapiṭaka (aṭṭhakathā) / ಪಞ್ಚಪಕರಣ-ಅಟ್ಠಕಥಾ • Pañcapakaraṇa-aṭṭhakathā / ೫-೨೨. ಸಙ್ಕಿಲಿಟ್ಠತ್ತಿಕಾದಿವಣ್ಣನಾ • 5-22. Saṅkiliṭṭhattikādivaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact