| Library / Tipiṭaka / ཏིཔིཊཀ • Tipiṭaka / ཨཔདཱན-ཨཊྛཀཐཱ • Apadāna-aṭṭhakathā |
༨. སེནཱསནདཱཡཀཏྠེརཨཔདཱནཝཎྞནཱ
8. Senāsanadāyakattheraapadānavaṇṇanā
སིདྡྷཏྠསྶ བྷགཝཏོཏིཨཱདིཀཾ ཨཱཡསྨཏོ སེནཱསནདཱཡཀཏྠེརསྶ ཨཔདཱནཾ། ཨཡམྤི པུརིམབུདྡྷེསུ ཀཏཱདྷིཀཱརོ ཏཏྠ ཏཏྠ བྷཝེ ཝིཝཊྚཱུཔནིསྶཡཱནི པུཉྙཱནི ཨུཔཙིནནྟོ སིདྡྷཏྠསྶ བྷགཝཏོ ཀཱལེ ཀུལགེཧེ ནིབྦཏྟོ ཝུདྡྷིཔྤཏྟོ སཏྠརི པསཱིདིཏྭཱ ཨཏྟནོ ཝསནཊྛཱནཾ ཝནནྟརཾ སམྤཏྟསྶ བྷགཝཏོ པཎཱམཾ ཀཏྭཱ པཎྞསནྠརཾ སནྠརིཏྭཱ ཨདཱསི། བྷགཝཏོ ནིསིནྣཊྛཱནསྶ སམནྟཏོ བྷིཏྟིཔརིཙྪེདཾ ཀཏྭཱ པུཔྥཔཱུཛམཀཱསི། སོ ཏེན པུཉྙེན དེཝམནུསྶེསུ སཾསརནྟོ ཨུབྷཡསམྤཏྟིཡོ ཨནུབྷཝིཏྭཱ ཨིམསྨིཾ བུདྡྷུཔྤཱདེ ཀུལགེཧེ ནིབྦཏྟོ ཝུདྡྷིཔྤཏྟོ སཏྠརི པསཱིདིཏྭཱ པབྦཛིཏོ ནཙིརསྶེཝ ཨརཧཱ ཨཧོསི།
Siddhatthassa bhagavatotiādikaṃ āyasmato senāsanadāyakattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto siddhatthassa bhagavato kāle kulagehe nibbatto vuddhippatto satthari pasīditvā attano vasanaṭṭhānaṃ vanantaraṃ sampattassa bhagavato paṇāmaṃ katvā paṇṇasantharaṃ santharitvā adāsi. Bhagavato nisinnaṭṭhānassa samantato bhittiparicchedaṃ katvā pupphapūjamakāsi. So tena puññena devamanussesu saṃsaranto ubhayasampattiyo anubhavitvā imasmiṃ buddhuppāde kulagehe nibbatto vuddhippatto satthari pasīditvā pabbajito nacirasseva arahā ahosi.
༤༥. སོ ཨཔརབྷཱགེ ཨཏྟནོ པུབྦཀམྨཾ སརིཏྭཱ སོམནསྶཛཱཏོ ཨཏྟནོ པུབྦཙརིཏཱཔདཱནཾ དསྶེནྟོ སིདྡྷཏྠསྶ བྷགཝཏོཏིཨཱདིམཱཧ། ཏཾ སབྦཾ ཧེཊྛཱ ཝུཏྟནཡཏྟཱ ཨུཏྟཱནཏྠམེཝཱཏི།
45. So aparabhāge attano pubbakammaṃ saritvā somanassajāto attano pubbacaritāpadānaṃ dassento siddhatthassa bhagavatotiādimāha. Taṃ sabbaṃ heṭṭhā vuttanayattā uttānatthamevāti.
སེནཱསནདཱཡཀཏྠེརཨཔདཱནཝཎྞནཱ སམཏྟཱ།
Senāsanadāyakattheraapadānavaṇṇanā samattā.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / ཁུདྡཀནིཀཱཡ • Khuddakanikāya / ཨཔདཱནཔཱལི༹ • Apadānapāḷi / ༨. སེནཱསནདཱཡཀཏྠེརཨཔདཱནཾ • 8. Senāsanadāyakattheraapadānaṃ
