| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
сзнаасанаг̇г̇аахагат̇аа
Senāsanaggāhakathā
318. сзяяаад̇и гааяабасааран̣асан̇каад̇ам̣ саяанагирияам̣ бадигкибид̇ваа сзнаасанасан̇каад̇ам̣ сзяяам̣ д̣̇ассзнд̇о ааха ‘‘ман̃жадтаанааний’’д̇и. ‘‘сзяяаабарижчзд̣̇знаа’’д̇и иминаа сзяяаг̇гхзнаад̇и зд̇т̇а аг̇гхасад̣̇д̣̇асса бууж̇анад̇т̇ам̣ бадигкибид̇ваа барижчзд̣̇анад̇т̇ам̣ д̣̇ийбзд̇и. зд̇т̇а жа аг̇гхасад̣̇д̣̇асса жад̇уд̇т̇агкарзна яуд̇д̇абхааво хздтаа самужжаяагканд̇хагаван̣н̣анаа (жуул̣ава. адта. 102) яож̇анааяа вуд̇д̇оязва. гааланд̇и сзяяаабадиг̇г̇ахан̣асса гаалам̣. г̇аахияамаанаад̇и г̇аахаабияамаанаа. ‘‘ад̇ирзгаани ахзсу’’нд̇и иминаа уссаараяим̣сууд̇и зд̇т̇а уд̣̇д̇хам̣ саараяим̣су г̇ажчим̣су бавад̇д̇им̣сууд̇и ад̇т̇ам̣ д̣̇ассзд̇и. ад̇ирзгаанийд̇и жа бхигкубарижчзд̣̇ад̇о сзяяаабарижчзд̣̇аани ад̇ирзгаани. анубхааг̇анд̇и зд̇т̇а ану бажчаа д̣̇аад̇аб̣б̣о бхааг̇о анубхааг̇од̇и д̣̇ассзнд̇о ааха ‘‘буна абарамби бхааг̇ам̣ д̣̇аад̇у’’нд̇и. ад̇иманд̣̇зсууд̇иаад̣̇иважанзна гин̃жиманд̣̇зсу бхигкуусу згзгасса бхигкуно д̣̇вз д̇иссо сзяяаа д̣̇аад̇аб̣б̣аа. яад̇о гин̃жиманд̣̇зсу бхигкуусу д̣̇вз д̇аяо вихаараа д̣̇аад̇аб̣б̣аад̇и ад̇т̇оби г̇ахзд̇аб̣б̣о. д̇ад̇т̇аад̇и ‘‘на агаамаа д̣̇аад̇аб̣б̣о’’д̇и важанз. анубхааг̇з г̇ахид̇зд̇и яож̇анаа. язна анубхааг̇о жа батамабхааг̇о жа г̇ахид̇о, со бхигкууд̇и яож̇анаа.
318.Seyyāti kāyapasāraṇasaṅkhātaṃ sayanakiriyaṃ paṭikkhipitvā senāsanasaṅkhātaṃ seyyaṃ dassento āha ‘‘mañcaṭṭhānānī’’ti. ‘‘Seyyāparicchedenā’’ti iminā seyyagghenāti ettha agghasaddassa pūjanatthaṃ paṭikkhipitvā paricchedanatthaṃ dīpeti. Ettha ca agghasaddassa catutthakkharena yuttabhāvo heṭṭhā samuccayakkhandhakavaṇṇanā (cūḷava. aṭṭha. 102) yojanāya vuttoyeva. Kālanti seyyāpaṭiggahaṇassa kālaṃ. Gāhiyamānāti gāhāpiyamānā. ‘‘Atirekāni ahesu’’nti iminā ussārayiṃsūti ettha uddhaṃ sārayiṃsu gacchiṃsu pavattiṃsūti atthaṃ dasseti. Atirekānīti ca bhikkhuparicchedato seyyāparicchedāni atirekāni. Anubhāganti ettha anu pacchā dātabbo bhāgo anubhāgoti dassento āha ‘‘puna aparampi bhāgaṃ dātu’’nti. Atimandesūtiādivacanena kiñcimandesu bhikkhūsu ekekassa bhikkhuno dve tisso seyyā dātabbā. Yato kiñcimandesu bhikkhūsu dve tayo vihārā dātabbāti atthopi gahetabbo. Tatthāti ‘‘na akāmā dātabbo’’ti vacane. Anubhāge gahiteti yojanā. Yena anubhāgo ca paṭhamabhāgo ca gahito, so bhikkhūti yojanā.
‘‘убажаарасиймад̇о б̣ахий’’д̇и иминаа ниссиймзд̇и зд̇т̇а сиймад̇о б̣ахи нигканд̇ам̣, нисиннам̣ ваа ниссийманд̇и ад̇т̇ам̣ д̣̇ассзд̇и. убажаарасиймааяа ааваасавад̣дханавасзна ад̇ивид̇т̇аарад̇д̇аа вуд̇д̇ам̣ ‘‘д̣̇уурз тид̇ассаабий’’д̇и. уд̇угаалзбийд̇и хзманд̇аг̇имхагаалзби. д̇асмин̃хи гаалз сийд̇аун̣хауд̇у д̇икин̣о ход̇и, д̇асмаа д̇ассзва висзсзна уд̇угаалод̇и наамам̣ баагадам̣ ход̇и. д̇зна вуд̇д̇ам̣ ‘‘хзманд̇аг̇имхагаалзбий’’д̇и. бисад̣̇д̣̇зна вассагаалам̣ абзгкад̇и. буримавассуубанааяигад̣̇ивасз г̇аахо буримаго, бажчимавассуубанааяигад̣̇ивасз г̇аахо бажчимаго.
‘‘Upacārasīmato bahī’’ti iminā nissīmeti ettha sīmato bahi nikkhantaṃ, nisinnaṃ vā nissīmanti atthaṃ dasseti. Upacārasīmāya āvāsavaḍḍhanavasena ativitthārattā vuttaṃ ‘‘dūre ṭhitassāpī’’ti. Utukālepīti hemantagimhakālepi. Tasmiñhi kāle sītauṇhautu tikhiṇo hoti, tasmā tasseva visesena utukāloti nāmaṃ pākaṭaṃ hoti. Tena vuttaṃ ‘‘hemantagimhakālepī’’ti. Pisaddena vassakālaṃ apekkhati. Purimavassūpanāyikadivase gāho purimako, pacchimavassūpanāyikadivase gāho pacchimako.
анд̇араа д̣̇вийхи вассуубанааяигад̣̇ивасзхи муд̇д̇з гаалз г̇аахо анд̇араамуд̇д̇аго. згасмим̣ вихаарзд̇и згиссам̣ вихаарасиймааяам̣. сзнаасанасаамигаад̇и сзнаасанад̣̇ааяагаа, д̣̇знд̇ийд̇и самб̣анд̇хо. д̇анд̇и сзнаасанам̣. ааваасигаа на ологзнд̇ийд̇и самб̣анд̇хо. зд̇т̇аад̇и сзнаасанз. балуж̇ж̇анд̇амбийд̇и винассанд̇амби. бхаг̇аваа аахаад̇и самб̣анд̇хо. д̇ассаад̇и сзнаасанасса. абараж̇ж̇ууд̇и абарасмим̣ ахани абараж̇ж̇у. г̇ад̇ааяаад̇и ад̇иггамид̇ааяа. бавааран̣ааяа г̇ад̇ааяа бавааран̣ад̣̇ивасз ад̇иггамид̇з сад̇и абараж̇ж̇у анд̇араамуд̇д̇аго г̇аахзд̇аб̣б̣од̇и яож̇анаа.
Antarā dvīhi vassūpanāyikadivasehi mutte kāle gāho antarāmuttako. Ekasmiṃ vihāreti ekissaṃ vihārasīmāyaṃ. Senāsanasāmikāti senāsanadāyakā, dentīti sambandho. Tanti senāsanaṃ. Āvāsikā na olokentīti sambandho. Etthāti senāsane. Palujjantampīti vinassantampi. Bhagavā āhāti sambandho. Tassāti senāsanassa. Aparajjūti aparasmiṃ ahani aparajju. Gatāyāti atikkamitāya. Pavāraṇāya gatāya pavāraṇadivase atikkamite sati aparajju antarāmuttako gāhetabboti yojanā.
д̇анд̇и анд̇араамуд̇д̇агам̣. г̇аахзнд̇знаад̇и г̇аахаабзнд̇зна. д̇знаад̇и г̇ан̣ханд̇зна. адтамаасзд̇и жад̇д̇ааро хзманд̇амаасз, жад̇д̇ааро жа г̇имхамаасзд̇и адтамаасз. гад̣̇аажи бан̃жа г̇имхамаасзд̇и навамаасз ваа. кан̣д̣ам̣ ваад̇и чиннадтаанам̣ ваа. пуллам̣ ваад̇и палид̇адтаанам̣ ваа. бадисан̇карид̇аб̣б̣анд̇и баагад̇игам̣ гаад̇аб̣б̣ам̣. д̣̇ивасам̣ кзбзд̇ваад̇и баривзн̣з д̣̇ивасам̣ кзбзд̇ваа. д̇ад̇т̇аад̇и г̇ахид̇асзнаасанз. рад̇д̇инд̣̇иванд̇и рад̇д̇и жа д̣̇иво жа рад̇д̇инд̣̇ивам̣, самаахаарад̣̇ванд̣̇о, ажжанд̇асам̣яог̇з жзд̇ам̣ убаяог̇аважанам̣. на лаб̣бхад̇ийд̇и сан̇гхад̇т̇зрзна на лаб̣бхад̇и. ид̣̇анд̇и сзнаасанам̣.
Tanti antarāmuttakaṃ. Gāhentenāti gāhāpentena. Tenāti gaṇhantena. Aṭṭhamāseti cattāro hemantamāse, cattāro ca gimhamāseti aṭṭhamāse. Kadāci pañca gimhamāseti navamāse vā. Khaṇḍaṃ vāti chinnaṭṭhānaṃ vā. Phullaṃ vāti phalitaṭṭhānaṃ vā. Paṭisaṅkharitabbanti pākatikaṃ kātabbaṃ. Divasaṃ khepetvāti pariveṇe divasaṃ khepetvā. Tatthāti gahitasenāsane. Rattindivanti ratti ca divo ca rattindivaṃ, samāhāradvando, accantasaṃyoge cetaṃ upayogavacanaṃ. Na labbhatīti saṅghattherena na labbhati. Idanti senāsanaṃ.
анд̇араамуд̇д̇агаг̇аахзна аг̇ахзд̇аб̣б̣асзнаасанам̣ д̣̇ассзнд̇о ааха ‘‘яасмим̣ банаа’’д̇иаад̣̇и. д̇змаасажжаязна д̇змаасажжаязнаад̇и д̇ин̣н̣ам̣ маасаанам̣ ад̇иггамзна д̇ин̣н̣ам̣ маасаанам̣ ад̇иггамзна. хийд̇и сажжам̣, яасмаа ваа. яасмим̣ банаад̇и сзнаасанз бана. сагид̣̇зваад̇и згаваарамзва. аяанд̇и зсаа гат̇аа.
Antarāmuttakagāhena agahetabbasenāsanaṃ dassento āha ‘‘yasmiṃ panā’’tiādi. Temāsaccayena temāsaccayenāti tiṇṇaṃ māsānaṃ atikkamena tiṇṇaṃ māsānaṃ atikkamena. Hīti saccaṃ, yasmā vā. Yasmiṃ panāti senāsane pana. Sakidevāti ekavārameva. Ayanti esā kathā.
д̇ад̇т̇аад̇и д̣̇увид̇хзсу сзнаасанаг̇г̇аахзсу. уд̇угааланд̇и уд̇угаалз ааг̇ажчанд̇ийд̇и самб̣анд̇хо. д̇зсам̣ д̇ад̣̇аава д̣̇аад̇аб̣б̣анд̇и самб̣анд̇хо. агаало наамаад̇и удтаабанасса агаало наама над̇т̇и. згам̣ ваа ман̃жадтаанам̣ ваа табзд̇аб̣б̣анд̇и яож̇анаа. зго ваа т̇зро ааг̇ажчад̇ийд̇и яож̇анаа. уб̣бхан̣д̣игаад̇и угкид̇д̇абхан̣д̣игаа.
Tatthāti duvidhesu senāsanaggāhesu. Utukālanti utukāle āgacchantīti sambandho. Tesaṃ tadāva dātabbanti sambandho. Akālo nāmāti uṭṭhāpanassa akālo nāma natthi. Ekaṃ vā mañcaṭṭhānaṃ vā ṭhapetabbanti yojanā. Eko vā thero āgacchatīti yojanā. Ubbhaṇḍikāti ukkhittabhaṇḍikā.
б̣ахуусууд̇и д̇аяо аад̣̇им̣ гад̇ваа б̣ахуусу бхигкуусу. баход̇ийд̇и згзгасса бхигкусса баход̇и. д̇ад̇т̇аад̇и баривзн̣з. д̇ассзваад̇и баривзн̣асаамигассзва. звам̣ абахонд̇зсууд̇и звам̣ баривзн̣аг̇гхзна абахонд̇зсу. баасаад̣̇аг̇гхзнаад̇и вихаарасан̇каад̇асса баасаад̣̇асса барижчзд̣̇зна. оварагаг̇гхзнаад̇и г̇аб̣бхасса барижчзд̣̇зна. сзяяаг̇гхзнаад̇и жад̇убан̃жахад̇т̇аббамаан̣ааяа сзяяааяа барижчзд̣̇зна. ман̃жадтаанзнаад̇и д̣̇вихад̇т̇авид̇т̇аарасса жад̇ухад̇т̇аааяаамасса ман̃жасса таанзна. згаман̃жадтаанасса д̣̇виннам̣ бийтагаанам̣ таанад̇д̇аа вуд̇д̇ам̣ ‘‘згабийтагадтаанавасзнаа’’д̇и. ид̣̇ам̣ нисийд̣̇ид̇ум̣ саггун̣зяяавасзна вуд̇д̇ам̣. сажз на саггаа нисийд̣̇ид̇ум̣, на д̣̇аад̇аб̣б̣ам̣. д̇зна вуд̇д̇ам̣ ‘‘бхигкуно бана тид̇огаасамад̇д̇ам̣ на г̇аахзд̇аб̣б̣а’’нд̇и. зд̇анд̇и тид̇огаасамад̇д̇ам̣. хийд̇и сажжам̣, яасмаа ваа. згаман̃жадтаанасса д̇ин̣н̣ам̣ ж̇анаанам̣ згабийтагадтаанабхаавзна абахонд̇ад̇д̇аа вуд̇д̇ам̣ ‘‘згам̣ ман̃жадтаанам̣ ваа д̇ин̣н̣ам̣ ж̇анаанам̣ д̣̇аад̇аб̣б̣а’’нд̇и. хийд̇и сажжам̣. ‘‘сийд̇асамаяз’’д̇и иминаа ун̣хасамаязби саб̣б̣ад̣̇ивасам̣ аж̇жхогаасз васид̇ум̣ на саггаад̇и д̣̇ийбзд̇и. барил̣аахасамаяз бана саггаа саб̣б̣арад̇д̇им̣ аж̇жхогаасз васид̇ум̣. гин̃жааби саггаа, сийд̇ун̣хагаалз бана на д̣̇аад̇аб̣б̣ад̇д̇аа барил̣аахасамаязби на д̣̇аад̇аб̣б̣анд̇и взд̣̇ид̇аб̣б̣ам̣. згаман̃жадтаанз ваа згабийтагадтаанз ваа д̇ин̣н̣ам̣ ж̇анаанам̣ нисийд̣̇анаагаарам̣ д̣̇ассзнд̇о ааха ‘‘махаат̇зрзнаа’’д̇иаад̣̇и. д̇ад̇т̇а махаат̇зрзна вад̇д̇аб̣б̣анд̇и самб̣анд̇хо. нид̣̇д̣̇ааг̇аругод̇и нид̣̇д̣̇ааяа г̇аругаараго. сийд̇ам̣ ануд̣̇ахад̇ийд̇и сийд̇ам̣ мам̣ бийл̣зд̇и. д̇знаад̇и махаат̇зрзна. д̣̇уд̇ияад̇т̇зрзнаабийд̇и бисад̣̇д̣̇о махаат̇зрам̣ абзгкад̇и. вуд̇д̇анаязнзваад̇и ‘‘уггаасид̇ваа’’д̇иаад̣̇инаа вуд̇д̇анаязнзва. званд̇иаад̣̇и ниг̇аманам̣. ж̇амб̣уд̣̇ийбз бана згажжз бхигкуу г̇аахзнд̇ийд̇и самб̣анд̇хо. гин̃жид̣̇зва ман̃жадтаанам̣ ваа бийтадтаанам̣ ваад̇и яож̇анаа. аяанд̇иаад̣̇и буримаважанасса ниг̇аманавасзна бажчимаважанасса гат̇анад̇т̇ааяа вуд̇д̇аважанам̣.
Bahūsūti tayo ādiṃ katvā bahūsu bhikkhūsu. Pahotīti ekekassa bhikkhussa pahoti. Tatthāti pariveṇe. Tassevāti pariveṇasāmikasseva. Evaṃ apahontesūti evaṃ pariveṇagghena apahontesu. Pāsādagghenāti vihārasaṅkhātassa pāsādassa paricchedena. Ovarakagghenāti gabbhassa paricchedena. Seyyagghenāti catupañcahatthappamāṇāya seyyāya paricchedena. Mañcaṭṭhānenāti dvihatthavitthārassa catuhatthaāyāmassa mañcassa ṭhānena. Ekamañcaṭṭhānassa dvinnaṃ pīṭhakānaṃ ṭhānattā vuttaṃ ‘‘ekapīṭhakaṭṭhānavasenā’’ti. Idaṃ nisīdituṃ sakkuṇeyyavasena vuttaṃ. Sace na sakkā nisīdituṃ, na dātabbaṃ. Tena vuttaṃ ‘‘bhikkhuno pana ṭhitokāsamattaṃ na gāhetabba’’nti. Etanti ṭhitokāsamattaṃ. Hīti saccaṃ, yasmā vā. Ekamañcaṭṭhānassa tiṇṇaṃ janānaṃ ekapīṭhakaṭṭhānabhāvena apahontattā vuttaṃ ‘‘ekaṃ mañcaṭṭhānaṃ vā tiṇṇaṃ janānaṃ dātabba’’nti. Hīti saccaṃ. ‘‘Sītasamaye’’ti iminā uṇhasamayepi sabbadivasaṃ ajjhokāse vasituṃ na sakkāti dīpeti. Pariḷāhasamaye pana sakkā sabbarattiṃ ajjhokāse vasituṃ. Kiñcāpi sakkā, sītuṇhakāle pana na dātabbattā pariḷāhasamayepi na dātabbanti veditabbaṃ. Ekamañcaṭṭhāne vā ekapīṭhakaṭṭhāne vā tiṇṇaṃ janānaṃ nisīdanākāraṃ dassento āha ‘‘mahātherenā’’tiādi. Tattha mahātherena vattabbanti sambandho. Niddāgarukoti niddāya garukārako. Sītaṃ anudahatīti sītaṃ maṃ pīḷeti. Tenāti mahātherena. Dutiyattherenāpīti pisaddo mahātheraṃ apekkhati. Vuttanayenevāti ‘‘ukkāsitvā’’tiādinā vuttanayeneva. Evantiādi nigamanaṃ. Jambudīpe pana ekacce bhikkhū gāhentīti sambandho. Kiñcideva mañcaṭṭhānaṃ vā pīṭhaṭṭhānaṃ vāti yojanā. Ayantiādi purimavacanassa nigamanavasena pacchimavacanassa kathanatthāya vuttavacanaṃ.
вассааваасз сзнаасанаг̇г̇аахо звам̣ взд̣̇ид̇аб̣б̣од̇и яож̇анаа. ааг̇анд̇угавад̇д̇анд̇и ааг̇анд̇угасса вад̇д̇ам̣. ан̃н̃ад̇т̇аад̇и ан̃н̃асмим̣ таанз. г̇анд̇ваа васид̇угаамзна ааг̇анд̇угзнаад̇и яож̇анаа. вассуубанааяигад̣̇ивасамзваад̇и вассам̣ убаг̇аманад̣̇ивасзязва. д̇ад̇т̇аад̇и ан̃н̃ам̣ таанам̣. наг̇анд̇аб̣б̣агааран̣ам̣ д̣̇ассзнд̇о ааха ‘‘васанадтаанам̣ ваа хий’’д̇иаад̣̇и. хийд̇и яасмаа. д̇ад̇раад̇и ан̃н̃асмим̣ таанз. д̇знаад̇и самб̣аад̇хаасамбаж̇ж̇анагааран̣аа. д̇асмаад̇и яасмаа на паасум̣ вихарзяяа, д̇асмаа. д̇ам̣ вихааранд̇и яасмим̣ васид̇угаамо, д̇ам̣ вихаарам̣. д̇ад̇т̇аад̇и вихаарз, васанд̇о сукам̣ васиссад̇ийд̇и самб̣анд̇хо. уд̣̇д̣̇зсад̇т̇игод̇и уд̣̇д̣̇зсам̣ ад̇т̇иго, уд̣̇д̣̇зсзна ваа. гаммадтаанасаббааяад̇анд̇и гаммадтаанзна, гаммадтаанасса ваа саббааяабхаавам̣.
Vassāvāse senāsanaggāho evaṃ veditabboti yojanā. Āgantukavattanti āgantukassa vattaṃ. Aññatthāti aññasmiṃ ṭhāne. Gantvā vasitukāmena āgantukenāti yojanā. Vassūpanāyikadivasamevāti vassaṃ upagamanadivaseyeva. Tatthāti aññaṃ ṭhānaṃ. Nagantabbakāraṇaṃ dassento āha ‘‘vasanaṭṭhānaṃ vā hī’’tiādi. Hīti yasmā. Tatrāti aññasmiṃ ṭhāne. Tenāti sambādhaasampajjanakāraṇā. Tasmāti yasmā na phāsuṃ vihareyya, tasmā. Taṃ vihāranti yasmiṃ vasitukāmo, taṃ vihāraṃ. Tatthāti vihāre, vasanto sukhaṃ vasissatīti sambandho. Uddesatthikoti uddesaṃ atthiko, uddesena vā. Kammaṭṭhānasappāyatanti kammaṭṭhānena, kammaṭṭhānassa vā sappāyabhāvaṃ.
д̇ад̇т̇аад̇и ан̃н̃авихаарам̣. г̇ажчанд̇зна гхаддзд̇аб̣б̣од̇и самб̣анд̇хо. гхаддзд̇аб̣б̣аагаарам̣ д̣̇ассзнд̇о ааха ‘‘на д̇ад̇т̇аа’’д̇иаад̣̇и. д̇ад̇т̇а д̇ад̇т̇аад̇и сагадтаанз. гим̣ на вад̇д̇аб̣б̣аад̇и ааха ‘‘д̇умхз’’д̇иаад̣̇и. салаагабхад̇д̇аад̣̇ийни ваа яааг̇укаж̇ж̇агаад̣̇ийни ваа над̇т̇и на виж̇ж̇анд̇ийд̇и яож̇анаа. убосат̇ааг̇аарасса баригкаарод̇и самб̣анд̇хо. д̇умхаагам̣ вихаарасса ид̣̇ам̣ д̇аал̣ан̃жзва имам̣ суужин̃жа самбадижчат̇аад̇и яож̇анаа. г̇амияавад̇д̇анд̇и г̇амигаанам̣ бхигкуунам̣ вад̇д̇ам̣. ‘‘д̣̇ахарзхий’’д̇и бад̣̇ам̣ ‘‘угкибаабзд̇ваа’’д̇и жа ‘‘г̇аахаабзд̇ваа’’д̇и жа бад̣̇ад̣̇ваяз гаарид̇агаммам̣, ‘‘бад̇д̇ажийварабхан̣д̣игааяо’’д̇и бад̣̇ам̣ ‘‘угкибаабзд̇ваа’’д̇и бад̣̇з д̇хаад̇угаммам̣, ‘‘д̇зланаал̣игад̇д̇арад̣̇ан̣д̣аад̣̇ийний’’д̇и бад̣̇ам̣ ‘‘г̇аахаабзд̇ваа’’д̇и бад̣̇з д̇хаад̇угаммамзва. ад̇д̇аанам̣ д̣̇ассзнд̇знаад̇и ад̇д̇аанам̣ мануссаанам̣ багаасзнд̇зна. вид̇агганд̇и бажжаяаб̣аахуллигавид̇аггам̣. ‘‘сабариваара’’нд̇и бад̣̇ам̣ ‘‘г̇ажчанд̇ан̃жаа’’д̇и бад̣̇з гирияаависзсанам̣. зван̃хи сад̇и сабариваарам̣ г̇ажчанд̇ан̃жаад̇и самб̣анд̇хо. ‘‘на’’нд̇и бад̣̇з бана гаарагависзсанам̣. зван̃хи сад̇и сабариваарам̣ нам̣ бхигкунд̇и самб̣анд̇хо. ‘‘д̣̇исваа’’д̇и бад̣̇з жа гирияаависзсанамзва. зван̃хи сад̇и г̇ажчанд̇ан̃жа нам̣ бхигкум̣ сабариваарам̣ д̣̇исваад̇и самб̣анд̇хо. мануссаа вад̣̇анд̇ийд̇и самб̣анд̇хо. д̇зсууд̇и мануссзсу. зго бан̣д̣ид̇амануссод̇и самб̣анд̇хо. аяам̣ гаало вассуубанааяигагаало наамаад̇и яож̇анаа. яад̇т̇аад̇и таанз. д̇ассаад̇и згасса бан̣д̣ид̇амануссасса, важананд̇и самб̣анд̇хо. д̇з мануссаа яаажанд̇ийд̇и самб̣анд̇хо . ан̃н̃ад̇т̇аад̇и ан̃н̃ам̣ таанам̣. мзж̇ж̇анд̇и ан̃н̃аман̃н̃ам̣ синзханд̇ийд̇и мид̇д̇аа. сукад̣̇угкзсу амаа саха вад̇д̇анд̇ийд̇и амажжаа. мид̇д̇ааязва амажжаад̇и мид̇д̇аамажжаа, д̇з. самманд̇аяид̇ваад̇и самам̣, саммаа ваа манд̇аяид̇ваа. ид̇хзваад̇и г̇аамз зва, вихаарз зва ваа. гасмаа саад̣̇ид̇ум̣ ваддад̇и, нану саб̣б̣амзд̇ам̣ агаббияан̃жа сааваж̇ж̇ан̃жаад̇и ааха ‘‘саб̣б̣ан̃хзд̇ам̣ габбияан̃жзва анаваж̇ж̇ан̃жаа’’д̇и. хи яасмаа зд̇ам̣ саб̣б̣ам̣ габбияан̃жа анаваж̇ж̇ан̃жа, д̇асмаа саб̣б̣ам̣ саад̣̇ид̇ум̣ ваддад̇ийд̇и яож̇анаа. гурунд̣̇ияам̣ бана вуд̇д̇анд̇и самб̣анд̇хо. убхаяамбийд̇и махааадтагат̇аагурунд̣̇ийсу вуд̇д̇аважанавасзна убхаяамби зд̇ам̣ важананд̇и самб̣анд̇хо.
Tatthāti aññavihāraṃ. Gacchantena ghaṭṭetabboti sambandho. Ghaṭṭetabbākāraṃ dassento āha ‘‘na tatthā’’tiādi. Tattha tatthāti sakaṭṭhāne. Kiṃ na vattabbāti āha ‘‘tumhe’’tiādi. Salākabhattādīni vā yāgukhajjakādīni vā natthi na vijjantīti yojanā. Uposathāgārassa parikkhāroti sambandho. Tumhākaṃ vihārassa idaṃ tāḷañceva imaṃ sūciñca sampaṭicchathāti yojanā. Gamiyavattanti gamikānaṃ bhikkhūnaṃ vattaṃ. ‘‘Daharehī’’ti padaṃ ‘‘ukkhipāpetvā’’ti ca ‘‘gāhāpetvā’’ti ca padadvaye kāritakammaṃ, ‘‘pattacīvarabhaṇḍikāyo’’ti padaṃ ‘‘ukkhipāpetvā’’ti pade dhātukammaṃ, ‘‘telanāḷikattaradaṇḍādīnī’’ti padaṃ ‘‘gāhāpetvā’’ti pade dhātukammameva. Attānaṃ dassentenāti attānaṃ manussānaṃ pakāsentena. Vitakkanti paccayabāhullikavitakkaṃ. ‘‘Saparivāra’’nti padaṃ ‘‘gacchantañcā’’ti pade kiriyāvisesanaṃ. Evañhi sati saparivāraṃ gacchantañcāti sambandho. ‘‘Na’’nti pade pana kārakavisesanaṃ. Evañhi sati saparivāraṃ naṃ bhikkhunti sambandho. ‘‘Disvā’’ti pade ca kiriyāvisesanameva. Evañhi sati gacchantañca naṃ bhikkhuṃ saparivāraṃ disvāti sambandho. Manussā vadantīti sambandho. Tesūti manussesu. Eko paṇḍitamanussoti sambandho. Ayaṃ kālo vassūpanāyikakālo nāmāti yojanā. Yatthāti ṭhāne. Tassāti ekassa paṇḍitamanussassa, vacananti sambandho. Te manussā yācantīti sambandho . Aññatthāti aññaṃ ṭhānaṃ. Mejjanti aññamaññaṃ sinehantīti mittā. Sukhadukkhesu amā saha vattantīti amaccā. Mittāyeva amaccāti mittāmaccā, te. Sammantayitvāti samaṃ, sammā vā mantayitvā. Idhevāti gāme eva, vihāre eva vā. Kasmā sādituṃ vaṭṭati, nanu sabbametaṃ akappiyañca sāvajjañcāti āha ‘‘sabbañhetaṃ kappiyañceva anavajjañcā’’ti. Hi yasmā etaṃ sabbaṃ kappiyañca anavajjañca, tasmā sabbaṃ sādituṃ vaṭṭatīti yojanā. Kurundiyaṃ pana vuttanti sambandho. Ubhayampīti mahāaṭṭhakathākurundīsu vuttavacanavasena ubhayampi etaṃ vacananti sambandho.
ааваасигавад̇д̇ам̣ вид̇т̇аарзнд̇о ааха ‘‘бадигажжзва хий’’д̇иаад̣̇и. д̇ад̇т̇а бадигажжзваад̇и ааг̇анд̇угаанам̣ ааг̇ад̇ад̇о батамамзва. бад̇хаанагхаравихаарамаг̇г̇од̇и бад̇хаанагхарамаг̇г̇о жа вихаарамаг̇г̇о жа. муд̣̇д̣̇авзд̣̇игааяаад̇и жзд̇ияасса хаммияавзд̣̇игааяа. гасмаа ид̣̇амби саб̣б̣ам̣ гаад̇аб̣б̣анд̇и ааха ‘‘вассам̣ васид̇угаамаа хий’’д̇иаад̣̇и. хийд̇и сажжам̣, яасмаа ваа. вассам̣ васид̇угаамаа сукам̣ васиссанд̇ийд̇и самб̣анд̇хо. гад̇абаригаммзхи ааваасигзхийд̇и самб̣анд̇хо. яад̇о гулад̇о багад̇ияаа лаб̣бхад̇и, д̇асмим̣ гулз вассааваасигам̣ бужчид̇аб̣б̣анд̇и яож̇анаа. на д̣̇иннабуб̣б̣анд̇и буб̣б̣з на д̣̇иннам̣. хийд̇и яасмаа. убад̣̇д̣̇уд̇аад̇и убаг̇анд̇ваа, бхусам̣ ваа бийл̣ид̇аа. д̇ад̇т̇аад̇и мануссзсу. язд̇и мануссаа. вассааваасигз г̇аахид̇зд̇и вассааваасигз сзнаасанз г̇аахаабияамаанз. г̇аахид̇абхигкуунанд̇и г̇аахаабид̇абхигкуунам̣. вассааваасиганд̇и вассам̣ аавасанд̇аанам̣ д̣̇аад̇аб̣б̣ам̣ жийварам̣. г̇аахан̣агаалод̇и г̇аахаабанагаало. убагадтод̇и аасанно. чаад̇агаад̣̇ийхийд̇и аад̣̇исад̣̇д̣̇зна рог̇аад̣̇аяо сан̇г̇ан̣хаад̇и. яанд̇и жийварам̣. д̇ад̇од̇и жийварад̇о. д̇анд̇и важанам̣. д̇ад̣̇ануруубзнаад̇и д̇зсам̣ мануссаанам̣ важанассаануруубзна. д̇зсам̣ д̇зсанд̇и мануссаанам̣, вассааваасигам̣ жийваранд̇и самб̣анд̇хо.
Āvāsikavattaṃ vitthārento āha ‘‘paṭikacceva hī’’tiādi. Tattha paṭikaccevāti āgantukānaṃ āgatato paṭhamameva. Padhānagharavihāramaggoti padhānagharamaggo ca vihāramaggo ca. Muddavedikāyāti cetiyassa hammiyavedikāya. Kasmā idampi sabbaṃ kātabbanti āha ‘‘vassaṃ vasitukāmā hī’’tiādi. Hīti saccaṃ, yasmā vā. Vassaṃ vasitukāmā sukhaṃ vasissantīti sambandho. Kataparikammehi āvāsikehīti sambandho. Yato kulato pakatiyā labbhati, tasmiṃ kule vassāvāsikaṃ pucchitabbanti yojanā. Na dinnapubbanti pubbe na dinnaṃ. Hīti yasmā. Upaddutāti upagantvā, bhusaṃ vā pīḷitā. Tatthāti manussesu. Yeti manussā. Vassāvāsike gāhiteti vassāvāsike senāsane gāhāpiyamāne. Gāhitabhikkhūnanti gāhāpitabhikkhūnaṃ. Vassāvāsikanti vassaṃ āvasantānaṃ dātabbaṃ cīvaraṃ. Gāhaṇakāloti gāhāpanakālo. Upakaṭṭhoti āsanno. Chātakādīhīti ādisaddena rogādayo saṅgaṇhāti. Yanti cīvaraṃ. Tatoti cīvarato. Tanti vacanaṃ. Tadanurūpenāti tesaṃ manussānaṃ vacanassānurūpena. Tesaṃ tesanti manussānaṃ, vassāvāsikaṃ cīvaranti sambandho.
яассаад̇и бхигкуно. сод̇и бхигку. ид̇и вад̣̇анд̇ийд̇и яож̇анаа. д̇анд̇и жийварам̣. бадиггаммаад̇и бадиггамид̇ваа. вихаарад̇о абасаггид̇ваад̇и ад̇т̇о. д̇ад̇раад̇и г̇аамз. убанигкзбам̣ табзд̇ваад̇и габбияавад̇т̇ум̣ ваа агаббияавад̇т̇ум̣ ваа аараамигаад̣̇ийнам̣ хад̇т̇з убанигкзбам̣ табзд̇ваа. вихаарзд̇и вихаарасса, вихаарз вассам̣ васанд̇асса ваа. абужчид̇ваабийд̇и бисад̣̇д̣̇зна ‘‘бужчид̇ваабий’’д̇и ад̇т̇ам̣ д̣̇ассзд̇и. д̇зсанд̇игулаанам̣. вад̇д̇анд̇и ж̇аг̇г̇анаад̣̇ивад̇д̇ам̣. д̇зсанд̇и гулаанам̣. ааг̇ад̇ан̃жа д̇анд̇и д̇ам̣ бам̣сугуулигам̣ ааг̇ад̇ан̃жа вад̣̇анд̇ийд̇и самб̣анд̇хо. д̇знаад̇и бам̣сугуулигзна. д̣̇аад̇ум̣ на ижчанд̇ийд̇и сан̇гхасса аажигканд̇зби сан̇гхасса д̣̇аад̇ум̣ на ижчанд̇и. сабхааг̇о бхигкууд̇и ад̇д̇анаа сабхааг̇о бхигку. зд̇анд̇и вассааваасигам̣. бам̣сугуулигасса на ваддад̇и, гасмаа? г̇ахабад̇ижийварад̇д̇аа. ид̇ийд̇иаад̣̇и ниг̇аманам̣. сад̣̇д̇хаад̣̇зяязд̇и сад̣̇д̇хааяа д̣̇аад̇аб̣б̣з вассааваасигалаабхависаяз.
Yassāti bhikkhuno. Soti bhikkhu. Iti vadantīti yojanā. Tanti cīvaraṃ. Paṭikkammāti paṭikkamitvā. Vihārato apasakkitvāti attho. Tatrāti gāme. Upanikkhepaṃ ṭhapetvāti kappiyavatthuṃ vā akappiyavatthuṃ vā ārāmikādīnaṃ hatthe upanikkhepaṃ ṭhapetvā. Vihāreti vihārassa, vihāre vassaṃ vasantassa vā. Apucchitvāpīti pisaddena ‘‘pucchitvāpī’’ti atthaṃ dasseti. Tesantikulānaṃ. Vattanti jagganādivattaṃ. Tesanti kulānaṃ. Āgatañca tanti taṃ paṃsukūlikaṃ āgatañca vadantīti sambandho. Tenāti paṃsukūlikena. Dātuṃ na icchantīti saṅghassa ācikkhantepi saṅghassa dātuṃ na icchanti. Sabhāgo bhikkhūti attanā sabhāgo bhikkhu. Etanti vassāvāsikaṃ. Paṃsukūlikassa na vaṭṭati, kasmā? Gahapaticīvarattā. Itītiādi nigamanaṃ. Saddhādeyyeti saddhāya dātabbe vassāvāsikalābhavisaye.
д̇ад̇руббаад̣̇зд̇и д̇асмим̣ вихаарз уббаж̇ж̇анагалаабхависаяз. бхан̣д̣абадижчаад̣̇ананд̇и бадижчаад̣̇анажийварабхан̣д̣ам̣. жийварабхан̣д̣амзва хи яасмаа анзна сарийрам̣ бадижчаад̣̇ияад̇и, д̇асмаа бхан̣д̣абадижчаад̣̇ананд̇и вужжад̇и. г̇аахзт̇аад̇и бхигкуухи г̇аахаабзт̇а. г̇аахзд̇аб̣б̣анд̇и бхигкуухи г̇аахаабзд̇аб̣б̣ам̣. вад̇т̇у банаад̇и саадагад̇о ан̃н̃ам̣ габбияам̣ ваа агаббияам̣ ваа вад̇т̇у бана. гасмаа ваддад̇иязва, нану агаббияавад̇т̇у на ваддад̇ийд̇и ааха ‘‘габбияагаарагаанан̃хи’’д̇иаад̣̇и. д̇ад̇т̇а хи яасмаа анун̃н̃аад̇ам̣, д̇асмаа ваддад̇иязваад̇и яож̇анаа. д̣̇иннавад̇т̇уд̇о уббаннанд̇и самб̣анд̇хо.
Tatruppādeti tasmiṃ vihāre uppajjanakalābhavisaye. Bhaṇḍapaṭicchādananti paṭicchādanacīvarabhaṇḍaṃ. Cīvarabhaṇḍameva hi yasmā anena sarīraṃ paṭicchādiyati, tasmā bhaṇḍapaṭicchādananti vuccati. Gāhethāti bhikkhūhi gāhāpetha. Gāhetabbanti bhikkhūhi gāhāpetabbaṃ. Vatthu panāti sāṭakato aññaṃ kappiyaṃ vā akappiyaṃ vā vatthu pana. Kasmā vaṭṭatiyeva, nanu akappiyavatthu na vaṭṭatīti āha ‘‘kappiyakārakānañhi’’tiādi. Tattha hi yasmā anuññātaṃ, tasmā vaṭṭatiyevāti yojanā. Dinnavatthuto uppannanti sambandho.
яанд̇и вад̇т̇у д̣̇иннанд̇и самб̣анд̇хо. зд̇т̇аад̇и габбияагаарагаанам̣ хад̇т̇з д̣̇иннавад̇т̇уусу. д̇анд̇и вад̇т̇у убанаамзнд̇зхийд̇и самб̣анд̇хо. г̇арубхан̣д̣ам̣ ход̇и, г̇арубхан̣д̣ад̇д̇аа ан̃н̃зсу бажжаязсу на убанаамзд̇аб̣б̣анд̇и ад̇хиббааяо. буг̇г̇алавасзнзваад̇и ‘‘бхигкуу жийварзна гиламанд̇и, зд̇д̇агам̣ наама д̇ан̣д̣улабхааг̇ам̣ бхигкуунам̣ жийварам̣ гаад̇ум̣ ружжад̇и сан̇гхассаа’’д̇иаад̣̇инаа буг̇г̇алам̣ бараамасид̇ваа буг̇г̇алавасзнзва. сан̇гхавасзнаад̇и ‘‘сан̇гхо жийварзна гиламад̇ий’’д̇иаад̣̇инаа сан̇гхавасзна на гаад̇аб̣б̣анд̇и самб̣анд̇хо. звам̣ буг̇г̇алавасзна абалоганагаммасса агад̇д̇аб̣б̣ад̇ам̣ д̣̇ассзд̇ваа ид̣̇аани вад̇т̇увасзна д̇ассзва агад̇д̇аб̣б̣ад̇ам̣ д̣̇ассзнд̇о ааха ‘‘ж̇аад̇аруубараж̇ад̇авасзнаабий’’д̇иаад̣̇и. габбияабхан̣д̣авасзнаад̇и жийварад̇ан̣д̣улзхи авасзсасса габбияабхан̣д̣асса васзна. жийварад̇ан̣д̣улаанан̃хи висум̣ г̇ахид̇ад̇д̇аа ‘‘габбияабхан̣д̣авасзнаа’’д̇и зд̇т̇а д̇зхи авасзсо габбияабхан̣д̣ова г̇ахзд̇аб̣б̣о. д̇ам̣ банаад̇и абалоганагаммам̣ бана. гад̇д̇аб̣б̣аагаарам̣ д̣̇ассзнд̇о ааха ‘‘ид̣̇ааний’’д̇иаад̣̇и. субхигканд̇и самид̣̇д̇хабхигкам̣. сулабхабин̣д̣анд̇и сукзна лабхабин̣д̣ам̣. д̣̇вийхи бад̣̇зхи ан̃н̃аман̃н̃асса гааран̣ам̣ д̣̇ассзд̇и, субхигкад̇д̇аа сулабхабин̣д̣ам̣, сулабхабин̣д̣ад̇д̇аа субхигканд̇и вуд̇д̇ам̣ ход̇и.
Yanti vatthu dinnanti sambandho. Etthāti kappiyakārakānaṃ hatthe dinnavatthūsu. Tanti vatthu upanāmentehīti sambandho. Garubhaṇḍaṃ hoti, garubhaṇḍattā aññesu paccayesu na upanāmetabbanti adhippāyo. Puggalavasenevāti ‘‘bhikkhū cīvarena kilamanti, ettakaṃ nāma taṇḍulabhāgaṃ bhikkhūnaṃ cīvaraṃ kātuṃ ruccati saṅghassā’’tiādinā puggalaṃ parāmasitvā puggalavaseneva. Saṅghavasenāti ‘‘saṅgho cīvarena kilamatī’’tiādinā saṅghavasena na kātabbanti sambandho. Evaṃ puggalavasena apalokanakammassa akattabbataṃ dassetvā idāni vatthuvasena tasseva akattabbataṃ dassento āha ‘‘jātarūparajatavasenāpī’’tiādi. Kappiyabhaṇḍavasenāti cīvarataṇḍulehi avasesassa kappiyabhaṇḍassa vasena. Cīvarataṇḍulānañhi visuṃ gahitattā ‘‘kappiyabhaṇḍavasenā’’ti ettha tehi avaseso kappiyabhaṇḍova gahetabbo. Taṃ panāti apalokanakammaṃ pana. Kattabbākāraṃ dassento āha ‘‘idānī’’tiādi. Subhikkhanti samiddhabhikkhaṃ. Sulabhapiṇḍanti sukhena labhapiṇḍaṃ. Dvīhi padehi aññamaññassa kāraṇaṃ dasseti, subhikkhattā sulabhapiṇḍaṃ, sulabhapiṇḍattā subhikkhanti vuttaṃ hoti.
звам̣ жийварабажжаяам̣ саллагкзд̇ваа сзнаасанам̣ саллагкзд̇аб̣б̣анд̇и самб̣анд̇хо. гаалзд̇и г̇аахаабанасса гаалз. вуд̇д̇анд̇и махааадтагат̇ааяа вуд̇д̇ам̣. гасмаа д̣̇вз самманнид̇аб̣б̣аа, нану згамби самманнид̇ум̣ ваддад̇ийд̇и ааха ‘‘зван̃хий’’д̇иаад̣̇и. д̇ад̇т̇а хи яасмаа г̇аахзссад̇и, д̇асмаа д̣̇вз самманнид̇аб̣б̣аад̇и яож̇анаа. згзна хи саммуд̇илад̣̇д̇хзна саггаа барам̣ г̇аахаабзд̇ум̣, ад̇д̇анаа бана ад̇д̇ано баабзд̇ум̣ на саггаа, д̇асмаа д̣̇вийсу саммад̇зсу наваго вуд̣дхасса, вуд̣дхо жа навагассаад̇и убхо ан̃н̃аман̃н̃ам̣ г̇аахзссанд̇ийд̇и ад̇хиббааяо. самманнид̇аб̣б̣аад̇и згад̇о самманнид̇аб̣б̣аа. адтаби сол̣асабийд̇и зд̇т̇а бисад̣̇д̣̇зна д̇ад̇о ад̇хигамби згад̇о самманнид̇ум̣ ваддад̇ийд̇и д̣̇ийбзд̇и. сад̇д̇асад̇игагканд̇хагз уб̣б̣аахигасаммуд̇ияам̣ (жуул̣ава. 456) адтаби ж̇анаа згад̇ова саммад̇аад̇и важанан̃жзд̇т̇а саад̇хагам̣. ниг̇г̇ахагаммамзва хи сан̇гхо сан̇гхасса на гарод̇ийд̇и д̣̇адтаб̣б̣ам̣. д̇зсанд̇и адтасол̣асаж̇анаанам̣, саммуд̇и ваддад̇иязваад̇и самб̣анд̇хо. гинд̇и саллагкзд̇аб̣б̣анд̇и ааха ‘‘жзд̇ияагхара’’нд̇иаад̣̇и.
Evaṃ cīvarapaccayaṃ sallakkhetvā senāsanaṃ sallakkhetabbanti sambandho. Kāleti gāhāpanassa kāle. Vuttanti mahāaṭṭhakathāya vuttaṃ. Kasmā dve sammannitabbā, nanu ekampi sammannituṃ vaṭṭatīti āha ‘‘evañhī’’tiādi. Tattha hi yasmā gāhessati, tasmā dve sammannitabbāti yojanā. Ekena hi sammutiladdhena sakkā paraṃ gāhāpetuṃ, attanā pana attano pāpetuṃ na sakkā, tasmā dvīsu sammatesu navako vuḍḍhassa, vuḍḍho ca navakassāti ubho aññamaññaṃ gāhessantīti adhippāyo. Sammannitabbāti ekato sammannitabbā. Aṭṭhapi soḷasapīti ettha pisaddena tato adhikampi ekato sammannituṃ vaṭṭatīti dīpeti. Sattasatikakkhandhake ubbāhikasammutiyaṃ (cūḷava. 456) aṭṭhapi janā ekatova sammatāti vacanañcettha sādhakaṃ. Niggahakammameva hi saṅgho saṅghassa na karotīti daṭṭhabbaṃ. Tesanti aṭṭhasoḷasajanānaṃ, sammuti vaṭṭatiyevāti sambandho. Kinti sallakkhetabbanti āha ‘‘cetiyaghara’’ntiādi.
аасанагхаранд̇и бадимаагхарам̣. маг̇г̇абогкаран̣ийнам̣ самийбз гад̇аа саалааяо убажааравасзна вужжанд̇и ‘‘маг̇г̇о’’д̇и жа ‘‘богкаран̣ий’’д̇и жа. д̇аа хи саалааяо убажаарасиймаб̣бханд̇араг̇ад̇з г̇аамаабхимукамаг̇г̇з жа анд̇оубажаарасиймааяам̣ кан̣ид̇аа яад̇т̇а гад̇т̇ажи богкаран̣ияо жа гарийяанд̇и, ид̇и саллагкзд̇аб̣б̣анд̇и яож̇анаа. асзнаасанам̣ д̣̇ассзд̇ваа сзнаасанам̣ д̣̇ассзнд̇о ааха ‘‘вихааро’’д̇иаад̣̇и. ругкамууланд̇и чаннагаваадаб̣ад̣̇д̇харугкамуулам̣. зсзва наяо взл̣уг̇умб̣зби. г̇аахзнд̇зна жа г̇аахзд̇аб̣б̣аанийд̇и самб̣анд̇хо. сан̇гхигод̇и д̇ад̇руббаад̣̇о. д̇зсууд̇и д̣̇вийсу жийварабажжаязсу. яанд̇и жийварабажжаяам̣. д̇ассаад̇и жийварабажжаяасса. тид̇игад̇од̇и баб̣анд̇хавасзна тид̇адтаанад̇о. ид̇арод̇и батамам̣ г̇ахид̇ажийварабажжаяад̇о ид̇аро.
Āsanagharanti paṭimāgharaṃ. Maggapokkharaṇīnaṃ samīpe katā sālāyo upacāravasena vuccanti ‘‘maggo’’ti ca ‘‘pokkharaṇī’’ti ca. Tā hi sālāyo upacārasīmabbhantaragate gāmābhimukhamagge ca antoupacārasīmāyaṃ khaṇitā yattha katthaci pokkharaṇiyo ca karīyanti, iti sallakkhetabbanti yojanā. Asenāsanaṃ dassetvā senāsanaṃ dassento āha ‘‘vihāro’’tiādi. Rukkhamūlanti channakavāṭabaddharukkhamūlaṃ. Eseva nayo veḷugumbepi. Gāhentena ca gāhetabbānīti sambandho. Saṅghikoti tatruppādo. Tesūti dvīsu cīvarapaccayesu. Yanti cīvarapaccayaṃ. Tassāti cīvarapaccayassa. Ṭhitikatoti pabandhavasena ṭhitaṭṭhānato. Itaroti paṭhamaṃ gahitacīvarapaccayato itaro.
аббад̇ааяаад̇и аббабхаавад̇о, г̇аахияамаанзд̇и самб̣анд̇хо. баривзн̣аг̇гхзнаад̇и баривзн̣абарижчзд̣̇зна. лабханд̇ийд̇и баривзн̣асаамигаа бхигкуу лабханд̇и. д̇анд̇и баривзн̣ам̣. виж̇адзд̇ваад̇и виж̇адам̣ гад̇ваа, д̣̇вз ваа д̇аяо ваа годтаасз гад̇ваад̇и ад̇т̇о. багкибид̇ваад̇и бхааг̇агодтаасам̣ багкибид̇ваа. на звам̣ гаад̇аб̣б̣анд̇и яат̇аа махаасумад̇т̇зро ааха, д̇ат̇аа на гаад̇аб̣б̣анд̇и ад̇т̇о. агаад̇аб̣б̣агааран̣ам̣ д̣̇ассзнд̇о ааха ‘‘мануссаа хий’’д̇иаад̣̇и. д̇ад̇т̇аад̇и баривзн̣з, бависид̇аб̣б̣ам̣ ид̇и аахаад̇и яож̇анаа. зд̇т̇аад̇и зд̇асмим̣ г̇аахан̣адтаанз. бадиггосад̇ийд̇и бадисзд̇хзд̇и. бадиггосанаагаарам̣ д̣̇ассзнд̇о ааха ‘‘маа аавусо’’д̇иаад̣̇и. ид̇и вуд̇д̇ам̣, ид̇и бадиггосад̇ийд̇и яож̇анаа. зго хи ид̇исад̣̇д̣̇о луд̇д̇анид̣̇д̣̇идто. д̇ассаад̇и махаат̇зрасса. сан̇г̇аханд̇и бхигкуунам̣ сан̇г̇ахам̣. д̇анд̇и махаат̇зрам̣.
Appatāyāti appabhāvato, gāhiyamāneti sambandho. Pariveṇagghenāti pariveṇaparicchedena. Labhantīti pariveṇasāmikā bhikkhū labhanti. Tanti pariveṇaṃ. Vijaṭetvāti vijaṭaṃ katvā, dve vā tayo vā koṭṭhāse katvāti attho. Pakkhipitvāti bhāgakoṭṭhāsaṃ pakkhipitvā. Na evaṃ kātabbanti yathā mahāsumatthero āha, tathā na kātabbanti attho. Akātabbakāraṇaṃ dassento āha ‘‘manussā hī’’tiādi. Tatthāti pariveṇe, pavisitabbaṃ iti āhāti yojanā. Etthāti etasmiṃ gāhaṇaṭṭhāne. Paṭikkosatīti paṭisedheti. Paṭikkosanākāraṃ dassento āha ‘‘mā āvuso’’tiādi. Iti vuttaṃ, iti paṭikkosatīti yojanā. Eko hi itisaddo luttaniddiṭṭho. Tassāti mahātherassa. Saṅgahanti bhikkhūnaṃ saṅgahaṃ. Tanti mahātheraṃ.
звам̣ вад̇д̇аб̣б̣анд̇и звам̣ вагкамаананаязна вад̇д̇аб̣б̣ам̣. бажжаяам̣ д̇хаарзт̇а, ид̇и вад̇д̇аб̣б̣анд̇и яож̇анаа. баабун̣аад̇и аавусо ид̇и вуд̇д̇зд̇и яож̇анаа. ‘‘г̇ахид̇ам̣ ход̇ий’’д̇и иминаа ‘‘г̇ан̣хат̇а, г̇ан̣хаамий’’д̇и бажжуббаннагаалавасзна вуд̇д̇ад̇д̇аа г̇ахид̇ам̣ ход̇ийд̇и д̣̇ассзд̇и. ад̇ийд̇аанааг̇ад̇агаалавасзна аг̇ахид̇абхаавам̣ д̣̇ассзнд̇о ааха ‘‘сажз банаа’’д̇иаад̣̇и. сад̇уббаад̣̇амад̇д̇анд̇и г̇ахан̣з сад̇ияаа уббаад̣̇анамад̇д̇ам̣. зд̇т̇аад̇и сзнаасанабажжаяаг̇ахан̣адтаанз.
Evaṃ vattabbanti evaṃ vakkhamānanayena vattabbaṃ. Paccayaṃ dhāretha, iti vattabbanti yojanā. Pāpuṇāti āvuso iti vutteti yojanā. ‘‘Gahitaṃ hotī’’ti iminā ‘‘gaṇhatha, gaṇhāmī’’ti paccuppannakālavasena vuttattā gahitaṃ hotīti dasseti. Atītaanāgatakālavasena agahitabhāvaṃ dassento āha ‘‘sace panā’’tiādi. Satuppādamattanti gahaṇe satiyā uppādanamattaṃ. Etthāti senāsanapaccayagahaṇaṭṭhāne.
яобийд̇и яамби. убаяог̇ад̇т̇з жзд̇ам̣ бажжад̇д̇аважанам̣, яамби бажжаяам̣ виссаж̇ж̇зд̇ийд̇и яож̇анаа. бажжаяанд̇и жа жийварабажжаяам̣. аяамбийд̇и аяамби бажжаяо. бисад̣̇д̣̇о махаалаабхабаривзн̣з бажжаяам̣ самбин̣д̣зд̇и. д̇асмим̣язва баривзн̣зд̇и д̇асмим̣ бам̣сугуулигзна г̇ахид̇абаривзн̣з зва. ан̃н̃ассаад̇и бам̣сугуулигад̇о ан̃н̃асса бхигкусса. бам̣сугуулиго ‘‘ахам̣ васаамий’’д̇и сзнаасанам̣ ж̇аг̇г̇иссад̇и. ид̇аро ‘‘ахам̣ бажжаяам̣ г̇ан̣хаамий’’д̇и сзнаасанам̣ ж̇аг̇г̇иссад̇ийд̇и яож̇анаа. д̣̇вийхи гааран̣зхийд̇и васанаг̇ахан̣авасзна д̣̇вийхи гааран̣зхи. бам̣сугуулигз г̇ан̣ханд̇зд̇и самб̣анд̇хо. ид̇хаад̇и сзнаасанз. д̇знаад̇и бам̣сугуулигзна. хздтаад̇и сзнаасанасса хздтаа, тид̇ам̣ ан̃н̃ам̣ бхигкунд̇и самб̣анд̇хо. д̇знаад̇и бам̣сугуулигзна , гин̃жи важананд̇и самб̣анд̇хо. вуд̇т̇авассасса бам̣сугуулигассаад̇и яож̇анаа. ваддад̇ийд̇и бам̣сугуулигасса ваддад̇и. д̇асмим̣ сзнаасанзд̇и бам̣сугуулигзна г̇ахид̇асзнаасанз. язсам̣ банаад̇и мануссаанам̣ бана. д̇зсанд̇и мануссаанам̣.
Yopīti yampi. Upayogatthe cetaṃ paccattavacanaṃ, yampi paccayaṃ vissajjetīti yojanā. Paccayanti ca cīvarapaccayaṃ. Ayampīti ayampi paccayo. Pisaddo mahālābhapariveṇe paccayaṃ sampiṇḍeti. Tasmiṃyeva pariveṇeti tasmiṃ paṃsukūlikena gahitapariveṇe eva. Aññassāti paṃsukūlikato aññassa bhikkhussa. Paṃsukūliko ‘‘ahaṃ vasāmī’’ti senāsanaṃ jaggissati. Itaro ‘‘ahaṃ paccayaṃ gaṇhāmī’’ti senāsanaṃ jaggissatīti yojanā. Dvīhi kāraṇehīti vasanagahaṇavasena dvīhi kāraṇehi. Paṃsukūlike gaṇhanteti sambandho. Idhāti senāsane. Tenāti paṃsukūlikena. Heṭṭhāti senāsanassa heṭṭhā, ṭhitaṃ aññaṃ bhikkhunti sambandho. Tenāti paṃsukūlikena , kiñci vacananti sambandho. Vutthavassassa paṃsukūlikassāti yojanā. Vaṭṭatīti paṃsukūlikassa vaṭṭati. Tasmiṃ senāsaneti paṃsukūlikena gahitasenāsane. Yesaṃ panāti manussānaṃ pana. Tesanti manussānaṃ.
т̇уубам̣ гад̇ваад̇и жзд̇ияам̣ гад̇ваа. д̇ассаад̇и т̇уубасса. д̇зна бхигкунаад̇и вассааваасигам̣ г̇аахагабхигкунаа. д̇анд̇и бхож̇анасаалам̣. г̇аахзд̇ум̣ ваддад̇ийд̇и самб̣анд̇хо. саб̣б̣амид̣̇анд̇и саб̣б̣ам̣ ид̣̇ам̣ важанам̣.
Thūpaṃ katvāti cetiyaṃ katvā. Tassāti thūpassa. Tena bhikkhunāti vassāvāsikaṃ gāhakabhikkhunā. Tanti bhojanasālaṃ. Gāhetuṃ vaṭṭatīti sambandho. Sabbamidanti sabbaṃ idaṃ vacanaṃ.
баадибад̣̇аарун̣ад̇од̇и вассуубанааяигад̣̇ивасасан̇каад̇асса баадибад̣̇асса арун̣уг̇г̇аманад̇о. вид̇аггажааригод̇и ‘‘гад̇т̇а ну ко васиссаамий’’д̇иаад̣̇инаа вид̇аггзна жаран̣з ануяуд̇д̇о. сзнаасанам̣ яаажад̇ийд̇и сзнаасанаг̇г̇аахаабагам̣ сзнаасанам̣ яаажад̇и. г̇ахид̇анд̇и сан̇гхзна г̇ахид̇ам̣. яад̇т̇аад̇и таанз. вассуубаг̇ад̇зхи вад̇д̇аб̣б̣аад̇и самб̣анд̇хо. бунаббунам̣, самам̣ ваа жзд̇ияан̇г̇ан̣аад̣̇им̣ мун̃жанд̇и сод̇хзнд̇и имаахийд̇и саммун̃жанияо. мужид̇хаад̇у сод̇ханад̇т̇з яубажжаяо гаран̣ад̇т̇з ход̇и. д̇аалуж̇о батамагкаро. сулабхаа жз д̣̇ан̣д̣агаа, згзгзна д̣̇вз д̇иссо яадтисаммун̃жанияо б̣анд̇хид̇аб̣б̣аа. сулабхаа жз салаагаа, чабан̃жамудтисаммун̃жанияо б̣анд̇хид̇аб̣б̣аад̇и ад̇т̇о. бан̃жа бан̃жа уггаад̇и аран̃н̃авихаарзсу бариссаяавиж̇аананад̇т̇ам̣ бан̃жа бан̃жа аг̇г̇иуггаа годдзд̇аб̣б̣аа чинд̣̇ид̇аб̣б̣аад̇и ад̇т̇о.
Pāṭipadaaruṇatoti vassūpanāyikadivasasaṅkhātassa pāṭipadassa aruṇuggamanato. Vitakkacārikoti ‘‘kattha nu kho vasissāmī’’tiādinā vitakkena caraṇe anuyutto. Senāsanaṃ yācatīti senāsanaggāhāpakaṃ senāsanaṃ yācati. Gahitanti saṅghena gahitaṃ. Yatthāti ṭhāne. Vassūpagatehi vattabbāti sambandho. Punappunaṃ, samaṃ vā cetiyaṅgaṇādiṃ muñcanti sodhenti imāhīti sammuñcaniyo. Mucidhātu sodhanatthe yupaccayo karaṇatthe hoti. Tālujo paṭhamakkharo. Sulabhā ce daṇḍakā, ekekena dve tisso yaṭṭhisammuñcaniyo bandhitabbā. Sulabhā ce salākā, chapañcamuṭṭhisammuñcaniyo bandhitabbāti attho. Pañca pañca ukkāti araññavihāresu parissayavijānanatthaṃ pañca pañca aggiukkā koṭṭetabbā chinditabbāti attho.
‘‘ниб̣ад̣̇д̇хавад̇д̇ам̣ табзд̇ваа’’д̇и зд̇т̇а агад̇д̇аб̣б̣авад̇д̇ам̣ д̣̇ассзнд̇о ааха ‘‘вад̇д̇ам̣ гаронд̇зхи жаа’’д̇иаад̣̇и. д̇ад̇т̇а вад̇д̇ам̣ гаронд̇зхи жа зваруубам̣ ад̇хаммигавад̇д̇ам̣ на гаад̇аб̣б̣анд̇и самб̣анд̇хо. хи сажжам̣, саб̣б̣зва зд̇з уд̣̇д̣̇зсаад̣̇аяо бабан̃жаад̇и яож̇анаа. бабан̃жзнд̇и сам̣саарз жирам̣ табзнд̇ийд̇и бабан̃жаа. мууг̇аб̣б̣ад̇анд̇и мууг̇аанам̣ вад̇ам̣, мууг̇зхи гад̇д̇аб̣б̣ам̣ ваа, мууг̇зна вияа ваа амууг̇зхи гад̇д̇аб̣б̣ам̣ вад̇ам̣. звам̣ агаад̇аб̣б̣авад̇д̇ам̣ д̣̇ассзд̇ваа ид̣̇аани гаад̇аб̣б̣авад̇д̇ам̣ д̣̇ассзнд̇о ааха ‘‘барияад̇д̇ид̇хаммо наамаа’’д̇иаад̣̇и. д̇ивид̇хамбийд̇и барияад̇д̇ибадибад̇д̇ибадивзд̇хавасзна д̇иббагаарамби. аваяавабарияад̇д̇ид̇хаммоби аваяавибарияад̇д̇ид̇хаммам̣, аваяавибарияад̇д̇ид̇хаммо ваа аваяавабарияад̇д̇ид̇хаммам̣ бад̇идтаабзд̇и, д̇асмаа барияад̇д̇ид̇хаммо ад̇д̇анааби ад̇д̇аанам̣ бад̇идтаабзсийд̇и взд̣̇ид̇аб̣б̣ам̣. уд̣̇д̣̇исат̇аад̇и барияад̇д̇им̣ уд̣̇д̣̇исат̇а. сод̇хзд̇ваа…бз… убасамбаад̣̇зт̇аад̇и зд̇т̇а сод̇ханам̣ наама саб̣б̣зсам̣ аажаарагулабуд̇д̇аанам̣ убабаригканам̣. сод̇хзд̇ваа ниссаяам̣ д̣̇зт̇аад̇и зд̇т̇а сод̇ханам̣ наама бхигкусабхааг̇ад̇ам̣ убабаригканам̣. хийд̇и сажжам̣. гулабуд̇д̇од̇и аажаарагулабуд̇д̇о. яад̇д̇агаани д̇худ̇ан̇г̇аани самаад̣̇ияид̇ум̣ саггот̇аад̇и яож̇анаа. анд̇овассам̣ наамзд̇анд̇и бхуммад̇т̇з убаяог̇аважанамзд̇ам̣. зд̇асмим̣ анд̇овассзд̇и хи ад̇т̇о, бхавид̇аб̣б̣анд̇иаад̣̇ийсу самб̣анд̇хид̇аб̣б̣ам̣. сагалад̣̇ивасанд̇и сагалад̣̇ивасамхи, аббамад̇д̇зхийд̇и самб̣анд̇хо. згажааригавад̇д̇анд̇и згагзна жарид̇аб̣б̣ам̣ вад̇д̇ам̣. бхассзд̇и важанз. д̣̇асавад̇т̇угагат̇анд̇и аббижчад̇аад̣̇ид̣̇асавад̇т̇уга гат̇ам̣.
‘‘Nibaddhavattaṃ ṭhapetvā’’ti ettha akattabbavattaṃ dassento āha ‘‘vattaṃ karontehi cā’’tiādi. Tattha vattaṃ karontehi ca evarūpaṃ adhammikavattaṃ na kātabbanti sambandho. Hi saccaṃ, sabbeva ete uddesādayo papañcāti yojanā. Papañcenti saṃsāre ciraṃ ṭhapentīti papañcā. Mūgabbatanti mūgānaṃ vataṃ, mūgehi kattabbaṃ vā, mūgena viya vā amūgehi kattabbaṃ vataṃ. Evaṃ akātabbavattaṃ dassetvā idāni kātabbavattaṃ dassento āha ‘‘pariyattidhammo nāmā’’tiādi. Tividhampīti pariyattipaṭipattipaṭivedhavasena tippakārampi. Avayavapariyattidhammopi avayavipariyattidhammaṃ, avayavipariyattidhammo vā avayavapariyattidhammaṃ patiṭṭhāpeti, tasmā pariyattidhammo attanāpi attānaṃ patiṭṭhāpesīti veditabbaṃ. Uddisathāti pariyattiṃ uddisatha. Sodhetvā…pe… upasampādethāti ettha sodhanaṃ nāma sabbesaṃ ācārakulaputtānaṃ upaparikkhanaṃ. Sodhetvā nissayaṃ dethāti ettha sodhanaṃ nāma bhikkhusabhāgataṃ upaparikkhanaṃ. Hīti saccaṃ. Kulaputtoti ācārakulaputto. Yattakāni dhutaṅgāni samādiyituṃ sakkothāti yojanā. Antovassaṃ nāmetanti bhummatthe upayogavacanametaṃ. Etasmiṃ antovasseti hi attho, bhavitabbantiādīsu sambandhitabbaṃ. Sakaladivasanti sakaladivasamhi, appamattehīti sambandho. Ekacārikavattanti ekakena caritabbaṃ vattaṃ. Bhasseti vacane. Dasavatthukakathanti appicchatādidasavatthuka kathaṃ.
виг̇г̇аахигабисун̣апарусаважанаанийд̇и виг̇г̇ахам̣ галахам̣ ж̇анзд̇ийд̇и виг̇г̇аахигам̣, виг̇г̇аахигаважанан̃жа бисун̣аважанан̃жа парусаважанан̃жа виг̇г̇аахигабисун̣апарусаважанаани. манасигаараб̣ахулаа вихарат̇а ид̇и овад̣̇ид̇аб̣б̣аад̇и яож̇анаа. д̣̇анд̇агадтакаад̣̇анавад̇д̇анд̇и хздтаа ад̣̇иннаад̣̇аанаван̣н̣анааяам̣ вуд̇д̇ам̣ д̣̇анд̇агадтакаад̣̇анз, д̣̇анд̇агадтакаад̣̇анасса ваа вад̇д̇ам̣. ‘‘бад̇д̇ам̣ т̇авигааяа багкибанд̇зна на гат̇зд̇аб̣б̣а’’нд̇и иминаа гат̇знд̇з бамаад̣̇зна бад̇д̇о бхиж̇ж̇зяяаад̇и бад̇д̇асса г̇уд̇д̇ад̇т̇ааяа гат̇анам̣ ниваарзд̇и. аажигкид̇аб̣б̣аад̇и ид̇исад̣̇д̣̇о барисамаабанад̇т̇о.
Viggāhikapisuṇapharusavacanānīti viggahaṃ kalahaṃ janetīti viggāhikaṃ, viggāhikavacanañca pisuṇavacanañca pharusavacanañca viggāhikapisuṇapharusavacanāni. Manasikārabahulā viharatha iti ovaditabbāti yojanā. Dantakaṭṭhakhādanavattanti heṭṭhā adinnādānavaṇṇanāyaṃ vuttaṃ dantakaṭṭhakhādane, dantakaṭṭhakhādanassa vā vattaṃ. ‘‘Pattaṃ thavikāya pakkhipantena na kathetabba’’nti iminā kathente pamādena patto bhijjeyyāti pattassa guttatthāya kathanaṃ nivāreti. Ācikkhitabbāti itisaddo parisamāpanattho.
гожи д̣̇ааяагод̇и самб̣анд̇хо. ааг̇анд̇уго бхигкууд̇и жийвараг̇г̇аахид̇ад̇о бажчаа ааг̇ад̇о ааг̇анд̇уго бхигку. сан̇гхад̇т̇зрод̇и ааваасигасан̇гхад̇т̇зро. батамабхааг̇анд̇и буб̣б̣з г̇аахид̇ам̣ батамабхааг̇ам̣, баривад̇д̇зд̇ваад̇и буб̣б̣з г̇аахид̇абхааг̇зна бажчаа д̣̇аад̇аб̣б̣ам̣ вассааваасигам̣ баривад̇д̇зд̇ваа. ааг̇анд̇угасса вассаг̇г̇зна бад̇д̇адтаанз ааг̇анд̇угасса д̣̇аад̇аб̣б̣анд̇и яож̇анаа. ‘‘ааг̇анд̇угассаа’’д̇и бад̣̇ам̣ буб̣б̣аабарам̣ абзгкад̇и. д̇асмаа д̣̇виннам̣ бад̣̇аанам̣ маж̇жхз вуд̇д̇ам̣. батамавассуубаг̇ад̇аад̇и батамавассуубанааяигад̣̇ивасз вассуубаг̇ад̇аа. ‘‘д̣̇вз д̇ийн̣и жад̇д̇аарий’’д̇и важанасса ваа б̣ахуунам̣ бхигкуунам̣ ваа б̣яаабанад̇т̇ааяа ‘‘лад̣̇д̇хам̣ лад̣̇д̇ха’’нд̇и вижчаавасзна вуд̇д̇ам̣. д̇зна банаад̇и ааг̇анд̇угзна бана. батамавассуубаг̇ад̇зхи аббагз лад̣̇д̇хз бажчимавассуубанааяигад̣̇ивасз д̣̇аад̇аб̣б̣аанам̣ вассааваасигаанам̣ б̣ахугзби аяам̣ наяо н̃аад̇аб̣б̣од̇и гад̇ваа на вуд̇д̇о.
Koci dāyakoti sambandho. Āgantuko bhikkhūti cīvaraggāhitato pacchā āgato āgantuko bhikkhu. Saṅghattheroti āvāsikasaṅghatthero. Paṭhamabhāganti pubbe gāhitaṃ paṭhamabhāgaṃ, parivattetvāti pubbe gāhitabhāgena pacchā dātabbaṃ vassāvāsikaṃ parivattetvā. Āgantukassa vassaggena pattaṭṭhāne āgantukassa dātabbanti yojanā. ‘‘Āgantukassā’’ti padaṃ pubbāparaṃ apekkhati. Tasmā dvinnaṃ padānaṃ majjhe vuttaṃ. Paṭhamavassūpagatāti paṭhamavassūpanāyikadivase vassūpagatā. ‘‘Dve tīṇi cattārī’’ti vacanassa vā bahūnaṃ bhikkhūnaṃ vā byāpanatthāya ‘‘laddhaṃ laddha’’nti vicchāvasena vuttaṃ. Tena panāti āgantukena pana. Paṭhamavassūpagatehi appake laddhe pacchimavassūpanāyikadivase dātabbānaṃ vassāvāsikānaṃ bahukepi ayaṃ nayo ñātabboti katvā na vutto.
д̣̇вийсубийд̇и батама д̣̇уд̇ияавасзна д̣̇вийсуби. вассуубаг̇ад̇аа бхигкуу бхигкааяа гиламанд̇аа вад̣̇анд̇ийд̇и самб̣анд̇хо. ид̇хаад̇и таанз. васанд̇аад̇и згад̇о васанд̇аа. д̣̇вз бхааг̇аа хома саад̇ху вад̇аад̇и яож̇анаа. саад̇ху вад̇аад̇и згам̣сзна сунд̣̇араа бхавзяяунд̇и ад̇т̇о. язсанд̇и бхигкуунам̣. д̇ад̇т̇аад̇и н̃аад̇ибаваарид̇адтаанзсу. бавааран̣ааяаад̇и бавааран̣аад̣̇ивасз. д̇зсууд̇и бхигкуусу. язд̇и бхигкуу. д̇ад̇т̇аад̇и н̃аад̇ибаваарид̇адтаанзсу. гасмаа абалогзд̇ваа д̣̇аад̇аб̣б̣ам̣, нану д̇з саад̣̇ияанд̇ийд̇и ааха ‘‘саад̣̇и яанд̇ааби хий’’д̇иаад̣̇и. д̇ад̇т̇а хийд̇и яасмаа. ‘‘нзва вассааваасигасса саамино’’д̇и иминаа д̇зсам̣ вассажчиннад̇ам̣ д̣̇ийбзд̇и. нзва ад̣̇аад̇ум̣ лабханд̇ийд̇и батамамзва гад̇игавад̇д̇асса гад̇ад̇д̇аа ад̣̇аад̇ум̣ нзва лабханд̇и, саб̣б̣зсам̣ но амхааганд̇и яож̇анаа. ид̇хаад̇и таанз. д̇анд̇и гад̇игавад̇д̇ам̣. зго бхигкууд̇и самб̣анд̇хо. д̇зсанд̇и бхигкуунам̣. д̇ад̇т̇аад̇и сабхааг̇адтаанз. васид̇ваа ааг̇ад̇аанам̣ д̇зсам̣ бхигкуунанд̇и яож̇анаа. на лаб̣бхад̇и ид̇и вуд̇д̇анд̇и яож̇анаа. имзсанд̇и вассааваасиаббад̇д̇агаанам̣ згажжаанам̣. г̇аахид̇асад̣̇исамзваад̇и вассааваасигасса г̇аахид̇зна сад̣̇исамзва. д̇зсамзваад̇и згажжаанамзва.
Dvīsupīti paṭhama dutiyavasena dvīsupi. Vassūpagatā bhikkhū bhikkhāya kilamantā vadantīti sambandho. Idhāti ṭhāne. Vasantāti ekato vasantā. Dve bhāgā homa sādhu vatāti yojanā. Sādhu vatāti ekaṃsena sundarā bhaveyyunti attho. Yesanti bhikkhūnaṃ. Tatthāti ñātipavāritaṭṭhānesu. Pavāraṇāyāti pavāraṇādivase. Tesūti bhikkhūsu. Yeti bhikkhū. Tatthāti ñātipavāritaṭṭhānesu. Kasmā apaloketvā dātabbaṃ, nanu te sādiyantīti āha ‘‘sādi yantāpi hī’’tiādi. Tattha hīti yasmā. ‘‘Neva vassāvāsikassa sāmino’’ti iminā tesaṃ vassacchinnataṃ dīpeti. Neva adātuṃ labhantīti paṭhamameva katikavattassa katattā adātuṃ neva labhanti, sabbesaṃ no amhākanti yojanā. Idhāti ṭhāne. Tanti katikavattaṃ. Eko bhikkhūti sambandho. Tesanti bhikkhūnaṃ. Tatthāti sabhāgaṭṭhāne. Vasitvā āgatānaṃ tesaṃ bhikkhūnanti yojanā. Na labbhati iti vuttanti yojanā. Imesanti vassāvāsiappattakānaṃ ekaccānaṃ. Gāhitasadisamevāti vassāvāsikassa gāhitena sadisameva. Tesamevāti ekaccānameva.
багганд̇обийд̇и ан̃н̃ам̣ таанам̣ баггаманд̇оби. хийд̇и сажжам̣, яасмаа ваа. д̇зна бхигкунаа гад̇ам̣ баанийяаубадтабанаад̣̇игаммам̣ бхад̇инивидтам̣ бхад̇ияаа тид̇анд̇и яож̇анаа. абалоганагаммам̣ гад̇ваа г̇аахид̇ам̣ сан̇гхиганд̇и самб̣анд̇хо. сан̇гхиганд̇и д̇ад̇руббаад̣̇ам̣ санд̇хааяа вуд̇д̇ам̣. виб̣бханд̇обийд̇и бисад̣̇д̣̇о баг̇зва чиннавассод̇и д̣̇ассзд̇и. бажжаяавасзнзваад̇и сад̣̇д̇хаад̣̇зяяабажжаяавасзна. вад̣̇анд̇ийд̇и гзжи вад̣̇анд̇и.
Pakkantopīti aññaṃ ṭhānaṃ pakkamantopi. Hīti saccaṃ, yasmā vā. Tena bhikkhunā kataṃ pānīyaupaṭṭhapanādikammaṃ bhatiniviṭṭhaṃ bhatiyā ṭhitanti yojanā. Apalokanakammaṃ katvā gāhitaṃ saṅghikanti sambandho. Saṅghikanti tatruppādaṃ sandhāya vuttaṃ. Vibbhantopīti pisaddo pageva chinnavassoti dasseti. Paccayavasenevāti saddhādeyyapaccayavasena. Vadantīti keci vadanti.
д̣̇исам̣г̇амиго бхигку виб̣бхамад̇ийд̇и самб̣анд̇хо. мануссзд̇и вассааваасигад̣̇ааяагамануссз. саммукаад̇и ааваасигасса саммукаа. самбадижчаабзд̇ваад̇и ‘‘судту д̣̇ассаамаа’’д̇и бадижчаабзд̇ваа. яасса г̇аахид̇анд̇и яасса бхигкуно сзнаасанам̣ г̇аахид̇ам̣. сзнаасанасаамигассаад̇и сзнаасанад̣̇ааяагасса буд̇д̇ад̇хийд̇аад̣̇аяод̇и самб̣анд̇хо. сзнаасанз д̣̇змаад̇и сзнаасанасса д̣̇зма. д̇ад̇т̇аад̇и сзнаасанз. згамзва вад̇т̇ам̣ д̣̇аад̇аб̣б̣ам̣. гасмаа? буг̇г̇аласса ад̣̇ад̇ваа сзнаасанассзва д̣̇аад̇аб̣б̣ад̇д̇аа. вассааваасигадтид̇игааяаад̇и вассааваасигаг̇аахид̇асса тид̇игааяа. зсзва наяод̇и сзнаасанассзва д̣̇иннад̇д̇аа зсзва наяо. д̇ассзва хонд̇ийд̇и буг̇г̇алассзва д̣̇иннад̇д̇аа д̇ассзва хонд̇и.
Disaṃgamiko bhikkhu vibbhamatīti sambandho. Manusseti vassāvāsikadāyakamanusse. Sammukhāti āvāsikassa sammukhā. Sampaṭicchāpetvāti ‘‘suṭṭhu dassāmā’’ti paṭicchāpetvā. Yassa gāhitanti yassa bhikkhuno senāsanaṃ gāhitaṃ. Senāsanasāmikassāti senāsanadāyakassa puttadhītādayoti sambandho. Senāsane demāti senāsanassa dema. Tatthāti senāsane. Ekameva vatthaṃ dātabbaṃ. Kasmā? Puggalassa adatvā senāsanasseva dātabbattā. Vassāvāsikaṭṭhitikāyāti vassāvāsikagāhitassa ṭhitikāya. Eseva nayoti senāsanasseva dinnattā eseva nayo. Tasseva hontīti puggalasseva dinnattā tasseva honti.
д̣̇уд̇ияо т̇зраасанз г̇аахид̇о ход̇ийд̇и самб̣анд̇хо. батамабхааг̇асса сааман̣зрасса г̇аахид̇ад̇д̇аа вуд̇д̇ам̣ ‘‘варабхааг̇ам̣ сааман̣зрасса д̣̇ад̇ваа’’д̇и. убхобийд̇и д̣̇вз т̇зрасааман̣зрзби. саяамзваад̇и д̣̇ааяаго саяамзва. яанд̇и вассааваасигам̣. яассаад̇и т̇зрасса ваа сааман̣зрасса ваа.
Dutiyo therāsane gāhito hotīti sambandho. Paṭhamabhāgassa sāmaṇerassa gāhitattā vuttaṃ ‘‘varabhāgaṃ sāmaṇerassa datvā’’ti. Ubhopīti dve therasāmaṇerepi. Sayamevāti dāyako sayameva. Yanti vassāvāsikaṃ. Yassāti therassa vā sāmaṇerassa vā.
ид̇од̇и вуд̇д̇анаяад̇о. д̣̇ахарасааман̣зрассаад̇и д̇арун̣асса сааман̣зрасса. сод̇и гхарасаамиго. нанд̇и бад̇д̇аж̇анам̣. яассаад̇и бхигкуно. д̇зсанд̇и мануссаанам̣. яат̇аабхууд̇ам̣ аажигкид̇аб̣б̣анд̇и виб̣бхамагаалан̇гад̇агааран̣ам̣ яат̇аабхууд̇ам̣ аажигкид̇аб̣б̣ам̣. суд̣̇д̇хабам̣сугуулигааязваад̇и ан̃н̃зхи амиссаа суд̣̇д̇хаа бам̣сугуулигааязваад̇и. ид̣̇ам̣ нзваасигавад̇д̇анд̇и ниг̇аманам̣.
Itoti vuttanayato. Daharasāmaṇerassāti taruṇassa sāmaṇerassa. Soti gharasāmiko. Nanti pattajanaṃ. Yassāti bhikkhuno. Tesanti manussānaṃ. Yathābhūtaṃ ācikkhitabbanti vibbhamakālaṅkatakāraṇaṃ yathābhūtaṃ ācikkhitabbaṃ. Suddhapaṃsukūlikāyevāti aññehi amissā suddhā paṃsukūlikāyevāti. Idaṃ nevāsikavattanti nigamanaṃ.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / жуул̣аваг̇г̇абаал̣и • Cūḷavaggapāḷi / сзнаасанаг̇г̇аахаабагасаммуд̇и • Senāsanaggāhāpakasammuti
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / жуул̣аваг̇г̇а-адтагат̇аа • Cūḷavagga-aṭṭhakathā / сзнаасанаг̇г̇аахагат̇аа • Senāsanaggāhakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / сзнаасанаг̇г̇аахаабагасаммуд̇игат̇ааван̣н̣анаа • Senāsanaggāhāpakasammutikathāvaṇṇanā
