| Library / Tipiṭaka / తిపిటక • Tipiṭaka / అఙ్గుత్తరనికాయ (అట్ఠకథా) • Aṅguttaranikāya (aṭṭhakathā) |
౨. నాథవగ్గో
2. Nāthavaggo
౧. సేనాసనసుత్తవణ్ణనా
1. Senāsanasuttavaṇṇanā
౧౧. దుతియస్స పఠమే పఞ్చఙ్గసమన్నాగతోతి పఞ్చహి గుణఙ్గేహి సమన్నాగతో. నాతిదూరం హోతి నాచ్చాసన్నన్తి యఞ్హి అతిదూరే హోతి, పిణ్డాయ చరిత్వా తత్థ గచ్ఛన్తస్స కాయచిత్తదరథా హోతి, తతో అనుప్పన్నం వా సమాధిం ఉప్పాదేతుం ఉప్పన్నం వా థిరం కాతుం న సక్కోతి. అచ్చాసన్నం బహుజనాకిణ్ణం హోతి. చత్తాలీసఉసభమత్తే పన పదేసే వసతం దూరాసన్నదోసవిముత్తఞ్చ గమనాగమనసమ్పన్నం నామ హోతి. దివాఅప్పాకిణ్ణన్తి దివసభాగే మహాజనేన అనాకిణ్ణం.
11. Dutiyassa paṭhame pañcaṅgasamannāgatoti pañcahi guṇaṅgehi samannāgato. Nātidūraṃ hoti nāccāsannanti yañhi atidūre hoti, piṇḍāya caritvā tattha gacchantassa kāyacittadarathā hoti, tato anuppannaṃ vā samādhiṃ uppādetuṃ uppannaṃ vā thiraṃ kātuṃ na sakkoti. Accāsannaṃ bahujanākiṇṇaṃ hoti. Cattālīsausabhamatte pana padese vasataṃ dūrāsannadosavimuttañca gamanāgamanasampannaṃ nāma hoti. Divāappākiṇṇanti divasabhāge mahājanena anākiṇṇaṃ.
Related texts:
తిపిటక (మూల) • Tipiṭaka (Mūla) / సుత్తపిటక • Suttapiṭaka / అఙ్గుత్తరనికాయ • Aṅguttaranikāya / ౧. సేనాసనసుత్తం • 1. Senāsanasuttaṃ
టీకా • Tīkā / సుత్తపిటక (టీకా) • Suttapiṭaka (ṭīkā) / అఙ్గుత్తరనికాయ (టీకా) • Aṅguttaranikāya (ṭīkā) / ౧-౭. అవిజ్జాసుత్తాదివణ్ణనా • 1-7. Avijjāsuttādivaṇṇanā
