| Library / Tipiṭaka / తిపిటక • Tipiṭaka / చూళవగ్గ-అట్ఠకథా • Cūḷavagga-aṭṭhakathā |
సేనాసనవత్తకథా
Senāsanavattakathā
౩౬౯. సేనాసనవత్తే – ద్వారం నామ యస్మా మహావళఞ్జం, తస్మా తత్థ ఆపుచ్ఛనకిచ్చం నత్థి, సేసాని పన ఉద్దేసదానాదీని ఆపుచ్ఛిత్వావ కాతబ్బాని. దేవసికమ్పి ఆపుచ్ఛితుం వట్టతి. అథాపి ‘‘భన్తే ఆపుచ్ఛితమేవ హోతూ’’తి వుత్తే వుడ్ఢతరో ‘‘సాధూ’’తి సమ్పటిచ్ఛతి, సయమేవ వా ‘‘త్వం యథాసుఖం విహరాహీ’’తి వదతి; ఏవమ్పి వట్టతి. సభాగస్స విస్సాసేనాపి వట్టతియేవ. యేన వుడ్ఢో తేన పరివత్తితబ్బన్తి వుడ్ఢాభిముఖేన పరివత్తితబ్బం. భోజనసాలాదీసుపి ఏవమేవ పటిపజ్జితబ్బం.
369. Senāsanavatte – dvāraṃ nāma yasmā mahāvaḷañjaṃ, tasmā tattha āpucchanakiccaṃ natthi, sesāni pana uddesadānādīni āpucchitvāva kātabbāni. Devasikampi āpucchituṃ vaṭṭati. Athāpi ‘‘bhante āpucchitameva hotū’’ti vutte vuḍḍhataro ‘‘sādhū’’ti sampaṭicchati, sayameva vā ‘‘tvaṃ yathāsukhaṃ viharāhī’’ti vadati; evampi vaṭṭati. Sabhāgassa vissāsenāpi vaṭṭatiyeva. Yena vuḍḍho tena parivattitabbanti vuḍḍhābhimukhena parivattitabbaṃ. Bhojanasālādīsupi evameva paṭipajjitabbaṃ.
సేనాసనవత్తకథా నిట్ఠితా.
Senāsanavattakathā niṭṭhitā.
Related texts:
తిపిటక (మూల) • Tipiṭaka (Mūla) / వినయపిటక • Vinayapiṭaka / చూళవగ్గపాళి • Cūḷavaggapāḷi / ౮. సేనాసనవత్తకథా • 8. Senāsanavattakathā
టీకా • Tīkā / వినయపిటక (టీకా) • Vinayapiṭaka (ṭīkā) / సారత్థదీపనీ-టీకా • Sāratthadīpanī-ṭīkā / సేనాసనవత్తకథావణ్ణనా • Senāsanavattakathāvaṇṇanā
టీకా • Tīkā / వినయపిటక (టీకా) • Vinayapiṭaka (ṭīkā) / విమతివినోదనీ-టీకా • Vimativinodanī-ṭīkā / పిణ్డచారికవత్తకథాదివణ్ణనా • Piṇḍacārikavattakathādivaṇṇanā
టీకా • Tīkā / వినయపిటక (టీకా) • Vinayapiṭaka (ṭīkā) / పాచిత్యాదియోజనాపాళి • Pācityādiyojanāpāḷi / ౮. సేనాసనవత్తకథా • 8. Senāsanavattakathā
