| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
3. сзриваваан̣иж̇аж̇аад̇агаван̣н̣анаа
3. Serivavāṇijajātakavaṇṇanā
ид̇ха жз нам̣ вираад̇хзсийд̇и имамби д̇хаммад̣̇зсанам̣ бхаг̇аваа саавад̇т̇ияам̣ вихаранд̇о згам̣ оссадтавийрияамзва бхигкум̣ аараб̣бха гат̇зси. д̇ан̃хи буриманаязнзва бхигкуухи аанийд̇ам̣ д̣̇исваа сад̇т̇аа ааха – ‘‘д̇вам̣ бхигку, зваруубз маг̇г̇апалад̣̇ааяагз саасанз баб̣б̣аж̇ид̇ваа вийрияам̣ оссаж̇анд̇о сад̇асахассаг̇гханигааяа ган̃жанабаад̇ияаа барихийно сзриваваан̣иж̇о вияа жирам̣ сожиссасий’’д̇и. бхигкуу д̇ассад̇т̇асса аавибхаавад̇т̇ам̣ бхаг̇аванд̇ам̣ яаажим̣су, бхаг̇аваа бхаванд̇арзна бадижчаннагааран̣ам̣ баагадамагааси.
Idha ce naṃ virādhesīti imampi dhammadesanaṃ bhagavā sāvatthiyaṃ viharanto ekaṃ ossaṭṭhavīriyameva bhikkhuṃ ārabbha kathesi. Tañhi purimanayeneva bhikkhūhi ānītaṃ disvā satthā āha – ‘‘tvaṃ bhikkhu, evarūpe maggaphaladāyake sāsane pabbajitvā vīriyaṃ ossajanto satasahassagghanikāya kañcanapātiyā parihīno serivavāṇijo viya ciraṃ socissasī’’ti. Bhikkhū tassatthassa āvibhāvatthaṃ bhagavantaṃ yāciṃsu, bhagavā bhavantarena paṭicchannakāraṇaṃ pākaṭamakāsi.
ад̇ийд̇з ид̇о бан̃жамз габбз б̣од̇хисад̇д̇о сзриварадтз гажчабудаваан̣иж̇о ахоси. со сзриванаамагзна згзна лолагажчабудаваан̣иж̇зна сад̣̇д̇хим̣ вохаарад̇т̇ааяа г̇ажчанд̇о нийлаваахам̣ наама над̣̇им̣ уд̇д̇арид̇ваа аридтабурам̣ наама наг̇арам̣ бависанд̇о наг̇аравийт̇ияо бхааж̇зд̇ваа ад̇д̇ано бад̇д̇авийт̇ияаа бхан̣д̣ам̣ виггин̣анд̇о вижари. ид̇ароби ад̇д̇ано бад̇д̇авийт̇им̣ г̇ан̣хи. д̇асмин̃жа наг̇арз згам̣ сздтигулам̣ бариж̇ин̣н̣ам̣ ахоси, саб̣б̣з буд̇д̇абхаад̇игаа жа д̇ханан̃жа баригкаяам̣ аг̇амам̣су, згаа д̣̇ааригаа аяяигааяа сад̣̇д̇хим̣ авасзсаа ахоси, д̇аа д̣̇взби барзсам̣ бхад̇им̣ гад̇ваа ж̇ийванд̇и. г̇зхз бана д̇аасам̣ махаасздтинаа барибхуд̇д̇абуб̣б̣аа суван̣н̣абаад̇и бхааж̇ананд̇арз нигкид̇д̇аа д̣̇ийгхарад̇д̇ам̣ авалан̃ж̇ияамаанаа малаг̇г̇ахид̇аа ахоси, д̇аа д̇ассаа суван̣н̣абаад̇ибхаавамби на ж̇аананд̇и. со лолаваан̣иж̇о д̇асмим̣ самаяз ‘‘ман̣игз г̇ан̣хат̇а, ман̣игз г̇ан̣хат̇аа’’д̇и вижаранд̇о д̇ам̣ гхарад̣̇ваарам̣ баабун̣и. саа гумааригаа д̇ам̣ д̣̇исваа аяяигам̣ ааха ‘‘амма маяхам̣ згам̣ бил̣анд̇ханам̣ г̇ан̣хаа’’д̇и. амма маяам̣ д̣̇уг̇г̇ад̇аа, гим̣ д̣̇ад̇ваа г̇ан̣хиссаамаад̇и. аяам̣ но баад̇и ад̇т̇и, но жа амхаагам̣ убагаараа, имам̣ д̣̇ад̇ваа г̇ан̣хаад̇и. саа ваан̣иж̇ам̣ баггосаабзд̇ваа аасанз нисийд̣̇аабзд̇ваа д̇ам̣ баад̇им̣ д̣̇ад̇ваа ‘‘аяяа, имам̣ г̇ахзд̇ваа д̇ава бхаг̇инияаа гин̃жид̣̇зва д̣̇зхий’’д̇и ааха. ваан̣иж̇о баад̇им̣ хад̇т̇зна г̇ахзд̇ваава ‘‘суван̣н̣абаад̇и бхависсад̇ий’’д̇и баривад̇д̇зд̇ваа баад̇ибидтияам̣ суужияаа лзкам̣ гад̣дхид̇ваа суван̣н̣абхаавам̣ н̃ад̇ваа ‘‘имаасам̣ гин̃жи ад̣̇ад̇ваава имам̣ баад̇им̣ хариссаамий’’д̇и ‘‘аяам̣ гим̣ аг̇гхад̇и, ад̣дхамаасагобиссаа муулам̣ на ход̇ий’’д̇и бхуумияам̣ кибид̇ваа удтааяаасанаа баггаами. згзна бависид̇ваа нигканд̇авийт̇им̣ ид̇аро бависид̇ум̣ лабхад̇ийд̇и б̣од̇хисад̇д̇о д̇ам̣ вийт̇им̣ бависид̇ваа ‘‘ман̣игз г̇ан̣хат̇а, ман̣игз г̇ан̣хат̇аа’’д̇и вижаранд̇о д̇амзва гхарад̣̇ваарам̣ баабун̣и.
Atīte ito pañcame kappe bodhisatto serivaraṭṭhe kacchapuṭavāṇijo ahosi. So serivanāmakena ekena lolakacchapuṭavāṇijena saddhiṃ vohāratthāya gacchanto nīlavāhaṃ nāma nadiṃ uttaritvā ariṭṭhapuraṃ nāma nagaraṃ pavisanto nagaravīthiyo bhājetvā attano pattavīthiyā bhaṇḍaṃ vikkiṇanto vicari. Itaropi attano pattavīthiṃ gaṇhi. Tasmiñca nagare ekaṃ seṭṭhikulaṃ parijiṇṇaṃ ahosi, sabbe puttabhātikā ca dhanañca parikkhayaṃ agamaṃsu, ekā dārikā ayyikāya saddhiṃ avasesā ahosi, tā dvepi paresaṃ bhatiṃ katvā jīvanti. Gehe pana tāsaṃ mahāseṭṭhinā paribhuttapubbā suvaṇṇapāti bhājanantare nikkhittā dīgharattaṃ avalañjiyamānā malaggahitā ahosi, tā tassā suvaṇṇapātibhāvampi na jānanti. So lolavāṇijo tasmiṃ samaye ‘‘maṇike gaṇhatha, maṇike gaṇhathā’’ti vicaranto taṃ gharadvāraṃ pāpuṇi. Sā kumārikā taṃ disvā ayyikaṃ āha ‘‘amma mayhaṃ ekaṃ piḷandhanaṃ gaṇhā’’ti. Amma mayaṃ duggatā, kiṃ datvā gaṇhissāmāti. Ayaṃ no pāti atthi, no ca amhākaṃ upakārā, imaṃ datvā gaṇhāti. Sā vāṇijaṃ pakkosāpetvā āsane nisīdāpetvā taṃ pātiṃ datvā ‘‘ayya, imaṃ gahetvā tava bhaginiyā kiñcideva dehī’’ti āha. Vāṇijo pātiṃ hatthena gahetvāva ‘‘suvaṇṇapāti bhavissatī’’ti parivattetvā pātipiṭṭhiyaṃ sūciyā lekhaṃ kaḍḍhitvā suvaṇṇabhāvaṃ ñatvā ‘‘imāsaṃ kiñci adatvāva imaṃ pātiṃ harissāmī’’ti ‘‘ayaṃ kiṃ agghati, aḍḍhamāsakopissā mūlaṃ na hotī’’ti bhūmiyaṃ khipitvā uṭṭhāyāsanā pakkāmi. Ekena pavisitvā nikkhantavīthiṃ itaro pavisituṃ labhatīti bodhisatto taṃ vīthiṃ pavisitvā ‘‘maṇike gaṇhatha, maṇike gaṇhathā’’ti vicaranto tameva gharadvāraṃ pāpuṇi.
буна саа гумааригаа д̇ат̇зва аяяигам̣ ааха. ат̇а нам̣ аяяигаа ‘‘амма, батамам̣ ааг̇ад̇аваан̣иж̇о баад̇им̣ бхуумияам̣ кибид̇ваа г̇ад̇о, ид̣̇аани гим̣ д̣̇ад̇ваа г̇ан̣хиссаамаа’’д̇и ааха. амма, со ваан̣иж̇о парусаваажо, аяам̣ бана бияад̣̇ассано муд̣̇усаллаабо, аббзва наама нам̣ г̇ан̣хзяяаад̇и. амма, д̇зна хи баггосаахийд̇и. саа д̇ам̣ баггоси. ат̇асса г̇зхам̣ бависид̇ваа нисиннасса д̇ам̣ баад̇им̣ ад̣̇ам̣су. со д̇ассаа суван̣н̣абаад̇ибхаавам̣ н̃ад̇ваа ‘‘амма, аяам̣ баад̇и сад̇асахассам̣ аг̇гхад̇и, сад̇асахассаг̇гханагабхан̣д̣ам̣ маяхам̣ хад̇т̇з над̇т̇ий’’д̇и ааха. аяяа, батамам̣ ааг̇ад̇аваан̣иж̇о ‘‘аяам̣ ад̣дхамаасагамби на аг̇гхад̇ий’’д̇и вад̇ваа бхуумияам̣ кибид̇ваа г̇ад̇о, аяам̣ бана д̇ава бун̃н̃зна суван̣н̣абаад̇и ж̇аад̇аа бхависсад̇и, маяам̣ имам̣ д̇уяхам̣ д̣̇зма, гин̃жид̣̇зва но д̣̇ад̇ваа имам̣ г̇ахзд̇ваа яаахийд̇и. б̣од̇хисад̇д̇о д̇асмим̣ кан̣з хад̇т̇аг̇ад̇аани бан̃жа гахаабан̣асад̇аани бан̃жасад̇аг̇гханаган̃жа бхан̣д̣ам̣ саб̣б̣ам̣ д̣̇ад̇ваа ‘‘маяхам̣ имам̣ д̇улан̃жа басиб̣б̣аган̃жа адта жа гахаабан̣з д̣̇зт̇аа’’д̇и зд̇д̇агам̣ яаажид̇ваа аад̣̇ааяа баггаами. со сийгхамзва над̣̇ийд̇ийрам̣ г̇анд̇ваа наавигасса адта гахаабан̣з д̣̇ад̇ваа наавам̣ абхирухи.
Puna sā kumārikā tatheva ayyikaṃ āha. Atha naṃ ayyikā ‘‘amma, paṭhamaṃ āgatavāṇijo pātiṃ bhūmiyaṃ khipitvā gato, idāni kiṃ datvā gaṇhissāmā’’ti āha. Amma, so vāṇijo pharusavāco, ayaṃ pana piyadassano mudusallāpo, appeva nāma naṃ gaṇheyyāti. Amma, tena hi pakkosāhīti. Sā taṃ pakkosi. Athassa gehaṃ pavisitvā nisinnassa taṃ pātiṃ adaṃsu. So tassā suvaṇṇapātibhāvaṃ ñatvā ‘‘amma, ayaṃ pāti satasahassaṃ agghati, satasahassagghanakabhaṇḍaṃ mayhaṃ hatthe natthī’’ti āha. Ayya, paṭhamaṃ āgatavāṇijo ‘‘ayaṃ aḍḍhamāsakampi na agghatī’’ti vatvā bhūmiyaṃ khipitvā gato, ayaṃ pana tava puññena suvaṇṇapāti jātā bhavissati, mayaṃ imaṃ tuyhaṃ dema, kiñcideva no datvā imaṃ gahetvā yāhīti. Bodhisatto tasmiṃ khaṇe hatthagatāni pañca kahāpaṇasatāni pañcasatagghanakañca bhaṇḍaṃ sabbaṃ datvā ‘‘mayhaṃ imaṃ tulañca pasibbakañca aṭṭha ca kahāpaṇe dethā’’ti ettakaṃ yācitvā ādāya pakkāmi. So sīghameva nadītīraṃ gantvā nāvikassa aṭṭha kahāpaṇe datvā nāvaṃ abhiruhi.
д̇ад̇о лолаваан̣иж̇оби буна д̇ам̣ г̇зхам̣ г̇анд̇ваа ‘‘аахарат̇а д̇ам̣ баад̇им̣, д̇умхаагам̣ гин̃жид̣̇зва д̣̇ассаамий’’д̇и ааха. саа д̇ам̣ барибхаасид̇ваа ‘‘д̇вам̣ амхаагам̣ сад̇асахассаг̇гханигам̣ суван̣н̣абаад̇им̣ ад̣дхамаасаг̇гханигамби на агааси, д̇уяхам̣ бана саамигасад̣̇исо зго д̇хаммиго ваан̣иж̇о амхаагам̣ сахассам̣ д̣̇ад̇ваа д̇ам̣ аад̣̇ааяа г̇ад̇о’’д̇и ааха. д̇ам̣ суд̇ваава ‘‘сад̇асахассаг̇гханигааяа суван̣н̣абаад̇ияаа барихийномхи, махааж̇аанигаро вад̇а мз аяа’’нд̇и сан̃ж̇аад̇аб̣алавасого сад̇им̣ бажжубадтаабзд̇ум̣ асаггонд̇о висан̃н̃ий худ̇ваа ад̇д̇ано хад̇т̇аг̇ад̇з гахаабан̣з жзва бхан̣д̣иган̃жа гхарад̣̇ваарзязва вигирид̇ваа ниваасанабаарубанам̣ бахааяа д̇улаад̣̇ан̣д̣ам̣ муг̇г̇арам̣ гад̇ваа аад̣̇ааяа б̣од̇хисад̇д̇асса анубад̣̇ам̣ багганд̇о над̣̇ийд̇ийрам̣ г̇анд̇ваа б̣од̇хисад̇д̇ам̣ г̇ажчанд̇ам̣ д̣̇исваа ‘‘амбхо, наавига, наавам̣ нивад̇д̇зхий’’д̇и ааха. б̣од̇хисад̇д̇о бана ‘‘д̇аад̇а, маа нивад̇д̇аяий’’д̇и бадисзд̇хзси. ид̇арассаби б̣од̇хисад̇д̇ам̣ г̇ажчанд̇ам̣ бассанд̇ассзва б̣алавасого уд̣̇абаад̣̇и, хад̣̇аяам̣ ун̣хам̣ ахоси, мукад̇о лохид̇ам̣ уг̇г̇ан̃чи, ваабигад̣̇д̣̇амо вияа хад̣̇аяам̣ пали. со б̣од̇хисад̇д̇з аагхаад̇ам̣ б̣анд̇хид̇ваа д̇ад̇т̇зва ж̇ийвид̇агкаяам̣ баабун̣и . ид̣̇ам̣ батамам̣ д̣̇звад̣̇ад̇д̇асса б̣од̇хисад̇д̇з аагхаад̇аб̣анд̇ханам̣. б̣од̇хисад̇д̇о д̣̇аанаад̣̇ийни бун̃н̃аани гад̇ваа яат̇аагаммам̣ г̇ад̇о.
Tato lolavāṇijopi puna taṃ gehaṃ gantvā ‘‘āharatha taṃ pātiṃ, tumhākaṃ kiñcideva dassāmī’’ti āha. Sā taṃ paribhāsitvā ‘‘tvaṃ amhākaṃ satasahassagghanikaṃ suvaṇṇapātiṃ aḍḍhamāsagghanikampi na akāsi, tuyhaṃ pana sāmikasadiso eko dhammiko vāṇijo amhākaṃ sahassaṃ datvā taṃ ādāya gato’’ti āha. Taṃ sutvāva ‘‘satasahassagghanikāya suvaṇṇapātiyā parihīnomhi, mahājānikaro vata me aya’’nti sañjātabalavasoko satiṃ paccupaṭṭhāpetuṃ asakkonto visaññī hutvā attano hatthagate kahāpaṇe ceva bhaṇḍikañca gharadvāreyeva vikiritvā nivāsanapārupanaṃ pahāya tulādaṇḍaṃ muggaraṃ katvā ādāya bodhisattassa anupadaṃ pakkanto nadītīraṃ gantvā bodhisattaṃ gacchantaṃ disvā ‘‘ambho, nāvika, nāvaṃ nivattehī’’ti āha. Bodhisatto pana ‘‘tāta, mā nivattayī’’ti paṭisedhesi. Itarassapi bodhisattaṃ gacchantaṃ passantasseva balavasoko udapādi, hadayaṃ uṇhaṃ ahosi, mukhato lohitaṃ uggañchi, vāpikaddamo viya hadayaṃ phali. So bodhisatte āghātaṃ bandhitvā tattheva jīvitakkhayaṃ pāpuṇi . Idaṃ paṭhamaṃ devadattassa bodhisatte āghātabandhanaṃ. Bodhisatto dānādīni puññāni katvā yathākammaṃ gato.
саммаасамб̣уд̣̇д̇хо имам̣ д̇хаммад̣̇зсанам̣ гат̇зд̇ваа абхисамб̣уд̣̇д̇хова имам̣ г̇аат̇ам̣ гат̇зси –
Sammāsambuddho imaṃ dhammadesanaṃ kathetvā abhisambuddhova imaṃ gāthaṃ kathesi –
3.
3.
‘‘ид̇ха жз нам̣ вираад̇хзси, сад̣̇д̇хаммасса нияаамад̇ам̣;
‘‘Idha ce naṃ virādhesi, saddhammassa niyāmataṃ;
жирам̣ д̇вам̣ ануд̇аббзси, сзривааяам̣ва ваан̣иж̇о’’д̇и.
Ciraṃ tvaṃ anutappesi, serivāyaṃva vāṇijo’’ti.
д̇ад̇т̇а ид̇ха жз нам̣ вираад̇хзси, сад̣̇д̇хаммасса нияаамад̇анд̇и имасмим̣ саасанз зд̇ам̣ сад̣̇д̇хаммасса нияаамад̇аасан̇каад̇ам̣ сод̇аабад̇д̇имаг̇г̇ам̣ вираад̇хзси. яад̣̇и вираад̇хзси, вийрияам̣ оссаж̇анд̇о наад̇хиг̇ажчаси на бадилабхасийд̇и ад̇т̇о. жирам̣ д̇вам̣ ануд̇аббзсийд̇и звам̣ санд̇з д̇вам̣ д̣̇ийгхамад̣̇д̇хаанам̣ сожанд̇о барид̣̇званд̇о ануд̇абзссаси, ат̇а ваа оссадтавийрияад̇ааяа арияамаг̇г̇асса вираад̇хид̇ад̇д̇аа д̣̇ийгхарад̇д̇ам̣ нираяаад̣̇ийсу уббанно наанаббагаараани д̣̇угкаани анубхаванд̇о ануд̇аббиссаси гиламиссасийд̇и аяамзд̇т̇а ад̇т̇о. гат̇ам̣? сзривааяам̣ва ваан̣иж̇од̇и ‘‘сзриваа’’д̇и звам̣наамаго аяам̣ ваан̣иж̇о яат̇аа. ид̣̇ам̣ вуд̇д̇ам̣ ход̇и – яат̇аа буб̣б̣з сзриванаамаго ваан̣иж̇о сад̇асахассаг̇гханигам̣ суван̣н̣абаад̇им̣ лабхид̇ваа д̇ассаа г̇ахан̣ад̇т̇ааяа вийрияам̣ агад̇ваа д̇ад̇о барихийно ануд̇абби, звамзва д̇вамби имасмим̣ саасанз бадияад̇д̇асуван̣н̣абаад̇исад̣̇исам̣ арияамаг̇г̇ам̣ оссадтавийрияад̇ааяа анад̇хиг̇ажчанд̇о д̇ад̇о барихийно д̣̇ийгхарад̇д̇ам̣ ануд̇аббиссаси. сажз бана вийрияам̣ на оссаж̇иссаси, бан̣д̣ид̇аваан̣иж̇о суван̣н̣абаад̇им̣ вияа мама саасанз нававид̇хамби логуд̇д̇арад̇хаммам̣ бадилабхиссасийд̇и.
Tattha idha ce naṃ virādhesi, saddhammassa niyāmatanti imasmiṃ sāsane etaṃ saddhammassa niyāmatāsaṅkhātaṃ sotāpattimaggaṃ virādhesi. Yadi virādhesi, vīriyaṃ ossajanto nādhigacchasi na paṭilabhasīti attho. Ciraṃ tvaṃ anutappesīti evaṃ sante tvaṃ dīghamaddhānaṃ socanto paridevanto anutapessasi, atha vā ossaṭṭhavīriyatāya ariyamaggassa virādhitattā dīgharattaṃ nirayādīsu uppanno nānappakārāni dukkhāni anubhavanto anutappissasi kilamissasīti ayamettha attho. Kathaṃ? Serivāyaṃva vāṇijoti ‘‘serivā’’ti evaṃnāmako ayaṃ vāṇijo yathā. Idaṃ vuttaṃ hoti – yathā pubbe serivanāmako vāṇijo satasahassagghanikaṃ suvaṇṇapātiṃ labhitvā tassā gahaṇatthāya vīriyaṃ akatvā tato parihīno anutappi, evameva tvampi imasmiṃ sāsane paṭiyattasuvaṇṇapātisadisaṃ ariyamaggaṃ ossaṭṭhavīriyatāya anadhigacchanto tato parihīno dīgharattaṃ anutappissasi. Sace pana vīriyaṃ na ossajissasi, paṇḍitavāṇijo suvaṇṇapātiṃ viya mama sāsane navavidhampi lokuttaradhammaṃ paṭilabhissasīti.
звамасса сад̇т̇аа арахад̇д̇зна гуудам̣ г̇ан̣ханд̇о имам̣ д̇хаммад̣̇зсанам̣ д̣̇ассзд̇ваа жад̇д̇аари сажжаани багаасзси, сажжабарияосаанз оссадтавийрияо бхигку аг̇г̇апалз арахад̇д̇з бад̇идтааси.
Evamassa satthā arahattena kūṭaṃ gaṇhanto imaṃ dhammadesanaṃ dassetvā cattāri saccāni pakāsesi, saccapariyosāne ossaṭṭhavīriyo bhikkhu aggaphale arahatte patiṭṭhāsi.
сад̇т̇ааби д̣̇вз вад̇т̇ууни гат̇зд̇ваа анусанд̇хим̣ гхадзд̇ваа ж̇аад̇агам̣ самод̇хаанзд̇ваа д̣̇ассзси – ‘‘д̇ад̣̇аа б̣аалаваан̣иж̇о д̣̇звад̣̇ад̇д̇о ахоси, бан̣д̣ид̇аваан̣иж̇о бана ахамзва ахоси’’нд̇и д̣̇зсанам̣ нидтаабзси.
Satthāpi dve vatthūni kathetvā anusandhiṃ ghaṭetvā jātakaṃ samodhānetvā dassesi – ‘‘tadā bālavāṇijo devadatto ahosi, paṇḍitavāṇijo pana ahameva ahosi’’nti desanaṃ niṭṭhāpesi.
сзриваваан̣иж̇аж̇аад̇агаван̣н̣анаа д̇ад̇ияаа.
Serivavāṇijajātakavaṇṇanā tatiyā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 3. сзриваваан̣иж̇аж̇аад̇агам̣ • 3. Serivavāṇijajātakaṃ
