| Library / Tipiṭaka / తిపిటక • Tipiṭaka / జాతకపాళి • Jātakapāḷi |
౩౭౭. సేతకేతుజాతకం (౬-౧-౨)
377. Setaketujātakaṃ (6-1-2)
౮.
8.
మా తాత కుజ్ఝి న హి సాధు కోధో, బహుమ్పి తే అదిట్ఠమస్సుతఞ్చ;
Mā tāta kujjhi na hi sādhu kodho, bahumpi te adiṭṭhamassutañca;
మాతా పితా దిసతా 1 సేతకేతు, ఆచరియమాహు దిసతం పసత్థా.
Mātā pitā disatā 2 setaketu, ācariyamāhu disataṃ pasatthā.
౯.
9.
అగారినో అన్నదపానవత్థదా 3, అవ్హాయికా తమ్పి దిసం వదన్తి;
Agārino annadapānavatthadā 4, avhāyikā tampi disaṃ vadanti;
ఏసా దిసా పరమా సేతకేతు, యం పత్వా దుక్ఖీ సుఖినో భవన్తి.
Esā disā paramā setaketu, yaṃ patvā dukkhī sukhino bhavanti.
౧౦.
10.
ఖరాజినా జటిలా పఙ్కదన్తా, దుమ్మక్ఖరూపా 5 యేమే జప్పన్తి మన్తే;
Kharājinā jaṭilā paṅkadantā, dummakkharūpā 6 yeme jappanti mante;
కచ్చి ను తే మానుసకే పయోగే, ఇదం విదూ పరిముత్తా అపాయా.
Kacci nu te mānusake payoge, idaṃ vidū parimuttā apāyā.
౧౧.
11.
పాపాని కమ్మాని కత్వాన రాజ, బహుస్సుతో చే న 7 చరేయ్య ధమ్మం;
Pāpāni kammāni katvāna rāja, bahussuto ce na 8 careyya dhammaṃ;
సహస్సవేదోపి న తం పటిచ్చ, దుక్ఖా పముఞ్చే చరణం అపత్వా.
Sahassavedopi na taṃ paṭicca, dukkhā pamuñce caraṇaṃ apatvā.
౧౨.
12.
సహస్సవేదోపి న తం పటిచ్చ, దుక్ఖా పముఞ్చే చరణం అపత్వా;
Sahassavedopi na taṃ paṭicca, dukkhā pamuñce caraṇaṃ apatvā;
మఞ్ఞామి వేదా అఫలా భవన్తి, ససంయమం చరణమేవ 9 సచ్చం.
Maññāmi vedā aphalā bhavanti, sasaṃyamaṃ caraṇameva 10 saccaṃ.
౧౩.
13.
న హేవ వేదా అఫలా భవన్తి, ససంయమం చరణమేవ సచ్చం;
Na heva vedā aphalā bhavanti, sasaṃyamaṃ caraṇameva saccaṃ;
కిత్తిఞ్హి పప్పోతి అధిచ్చ వేదే, సన్తిం పుణేతి 11 చరణేన దన్తోతి.
Kittiñhi pappoti adhicca vede, santiṃ puṇeti 12 caraṇena dantoti.
సేతకేతుజాతకం దుతియం.
Setaketujātakaṃ dutiyaṃ.
Footnotes:
Related texts:
అట్ఠకథా • Aṭṭhakathā / సుత్తపిటక (అట్ఠకథా) • Suttapiṭaka (aṭṭhakathā) / ఖుద్దకనికాయ (అట్ఠకథా) • Khuddakanikāya (aṭṭhakathā) / జాతక-అట్ఠకథా • Jātaka-aṭṭhakathā / [౩౭౭] ౨. సేతకేతుజాతకవణ్ణనా • [377] 2. Setaketujātakavaṇṇanā
