| Library / Tipiṭaka / તિપિટક • Tipiṭaka / જાતકપાળિ • Jātakapāḷi |
૩૭૭. સેતકેતુજાતકં (૬-૧-૨)
377. Setaketujātakaṃ (6-1-2)
૮.
8.
મા તાત કુજ્ઝિ ન હિ સાધુ કોધો, બહુમ્પિ તે અદિટ્ઠમસ્સુતઞ્ચ;
Mā tāta kujjhi na hi sādhu kodho, bahumpi te adiṭṭhamassutañca;
માતા પિતા દિસતા 1 સેતકેતુ, આચરિયમાહુ દિસતં પસત્થા.
Mātā pitā disatā 2 setaketu, ācariyamāhu disataṃ pasatthā.
૯.
9.
અગારિનો અન્નદપાનવત્થદા 3, અવ્હાયિકા તમ્પિ દિસં વદન્તિ;
Agārino annadapānavatthadā 4, avhāyikā tampi disaṃ vadanti;
એસા દિસા પરમા સેતકેતુ, યં પત્વા દુક્ખી સુખિનો ભવન્તિ.
Esā disā paramā setaketu, yaṃ patvā dukkhī sukhino bhavanti.
૧૦.
10.
ખરાજિના જટિલા પઙ્કદન્તા, દુમ્મક્ખરૂપા 5 યેમે જપ્પન્તિ મન્તે;
Kharājinā jaṭilā paṅkadantā, dummakkharūpā 6 yeme jappanti mante;
કચ્ચિ નુ તે માનુસકે પયોગે, ઇદં વિદૂ પરિમુત્તા અપાયા.
Kacci nu te mānusake payoge, idaṃ vidū parimuttā apāyā.
૧૧.
11.
પાપાનિ કમ્માનિ કત્વાન રાજ, બહુસ્સુતો ચે ન 7 ચરેય્ય ધમ્મં;
Pāpāni kammāni katvāna rāja, bahussuto ce na 8 careyya dhammaṃ;
સહસ્સવેદોપિ ન તં પટિચ્ચ, દુક્ખા પમુઞ્ચે ચરણં અપત્વા.
Sahassavedopi na taṃ paṭicca, dukkhā pamuñce caraṇaṃ apatvā.
૧૨.
12.
સહસ્સવેદોપિ ન તં પટિચ્ચ, દુક્ખા પમુઞ્ચે ચરણં અપત્વા;
Sahassavedopi na taṃ paṭicca, dukkhā pamuñce caraṇaṃ apatvā;
મઞ્ઞામિ વેદા અફલા ભવન્તિ, સસંયમં ચરણમેવ 9 સચ્ચં.
Maññāmi vedā aphalā bhavanti, sasaṃyamaṃ caraṇameva 10 saccaṃ.
૧૩.
13.
ન હેવ વેદા અફલા ભવન્તિ, સસંયમં ચરણમેવ સચ્ચં;
Na heva vedā aphalā bhavanti, sasaṃyamaṃ caraṇameva saccaṃ;
કિત્તિઞ્હિ પપ્પોતિ અધિચ્ચ વેદે, સન્તિં પુણેતિ 11 ચરણેન દન્તોતિ.
Kittiñhi pappoti adhicca vede, santiṃ puṇeti 12 caraṇena dantoti.
સેતકેતુજાતકં દુતિયં.
Setaketujātakaṃ dutiyaṃ.
Footnotes:
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / ખુદ્દકનિકાય (અટ્ઠકથા) • Khuddakanikāya (aṭṭhakathā) / જાતક-અટ્ઠકથા • Jātaka-aṭṭhakathā / [૩૭૭] ૨. સેતકેતુજાતકવણ્ણના • [377] 2. Setaketujātakavaṇṇanā
