Library / Tipiṭaka / ತಿಪಿಟಕ • Tipiṭaka / ಜಾತಕಪಾಳಿ • Jātakapāḷi |
೩೭೭. ಸೇತಕೇತುಜಾತಕಂ (೬-೧-೨)
377. Setaketujātakaṃ (6-1-2)
೮.
8.
ಮಾ ತಾತ ಕುಜ್ಝಿ ನ ಹಿ ಸಾಧು ಕೋಧೋ, ಬಹುಮ್ಪಿ ತೇ ಅದಿಟ್ಠಮಸ್ಸುತಞ್ಚ।
Mā tāta kujjhi na hi sādhu kodho, bahumpi te adiṭṭhamassutañca;
ಮಾತಾ ಪಿತಾ ದಿಸತಾ 1 ಸೇತಕೇತು, ಆಚರಿಯಮಾಹು ದಿಸತಂ ಪಸತ್ಥಾ॥
Mātā pitā disatā 2 setaketu, ācariyamāhu disataṃ pasatthā.
೯.
9.
ಅಗಾರಿನೋ ಅನ್ನದಪಾನವತ್ಥದಾ 3, ಅವ್ಹಾಯಿಕಾ ತಮ್ಪಿ ದಿಸಂ ವದನ್ತಿ।
Agārino annadapānavatthadā 4, avhāyikā tampi disaṃ vadanti;
ಏಸಾ ದಿಸಾ ಪರಮಾ ಸೇತಕೇತು, ಯಂ ಪತ್ವಾ ದುಕ್ಖೀ ಸುಖಿನೋ ಭವನ್ತಿ॥
Esā disā paramā setaketu, yaṃ patvā dukkhī sukhino bhavanti.
೧೦.
10.
ಖರಾಜಿನಾ ಜಟಿಲಾ ಪಙ್ಕದನ್ತಾ, ದುಮ್ಮಕ್ಖರೂಪಾ 5 ಯೇಮೇ ಜಪ್ಪನ್ತಿ ಮನ್ತೇ।
Kharājinā jaṭilā paṅkadantā, dummakkharūpā 6 yeme jappanti mante;
ಕಚ್ಚಿ ನು ತೇ ಮಾನುಸಕೇ ಪಯೋಗೇ, ಇದಂ ವಿದೂ ಪರಿಮುತ್ತಾ ಅಪಾಯಾ॥
Kacci nu te mānusake payoge, idaṃ vidū parimuttā apāyā.
೧೧.
11.
ಪಾಪಾನಿ ಕಮ್ಮಾನಿ ಕತ್ವಾನ ರಾಜ, ಬಹುಸ್ಸುತೋ ಚೇ ನ 7 ಚರೇಯ್ಯ ಧಮ್ಮಂ।
Pāpāni kammāni katvāna rāja, bahussuto ce na 8 careyya dhammaṃ;
ಸಹಸ್ಸವೇದೋಪಿ ನ ತಂ ಪಟಿಚ್ಚ, ದುಕ್ಖಾ ಪಮುಞ್ಚೇ ಚರಣಂ ಅಪತ್ವಾ॥
Sahassavedopi na taṃ paṭicca, dukkhā pamuñce caraṇaṃ apatvā.
೧೨.
12.
ಸಹಸ್ಸವೇದೋಪಿ ನ ತಂ ಪಟಿಚ್ಚ, ದುಕ್ಖಾ ಪಮುಞ್ಚೇ ಚರಣಂ ಅಪತ್ವಾ।
Sahassavedopi na taṃ paṭicca, dukkhā pamuñce caraṇaṃ apatvā;
ಮಞ್ಞಾಮಿ ವೇದಾ ಅಫಲಾ ಭವನ್ತಿ, ಸಸಂಯಮಂ ಚರಣಮೇವ 9 ಸಚ್ಚಂ॥
Maññāmi vedā aphalā bhavanti, sasaṃyamaṃ caraṇameva 10 saccaṃ.
೧೩.
13.
ನ ಹೇವ ವೇದಾ ಅಫಲಾ ಭವನ್ತಿ, ಸಸಂಯಮಂ ಚರಣಮೇವ ಸಚ್ಚಂ।
Na heva vedā aphalā bhavanti, sasaṃyamaṃ caraṇameva saccaṃ;
ಕಿತ್ತಿಞ್ಹಿ ಪಪ್ಪೋತಿ ಅಧಿಚ್ಚ ವೇದೇ, ಸನ್ತಿಂ ಪುಣೇತಿ 11 ಚರಣೇನ ದನ್ತೋತಿ॥
Kittiñhi pappoti adhicca vede, santiṃ puṇeti 12 caraṇena dantoti.
ಸೇತಕೇತುಜಾತಕಂ ದುತಿಯಂ।
Setaketujātakaṃ dutiyaṃ.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಜಾತಕ-ಅಟ್ಠಕಥಾ • Jātaka-aṭṭhakathā / [೩೭೭] ೨. ಸೇತಕೇತುಜಾತಕವಣ್ಣನಾ • [377] 2. Setaketujātakavaṇṇanā