| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[377] 2. сзд̇агзд̇уж̇аад̇агаван̣н̣анаа
[377] 2. Setaketujātakavaṇṇanā
маа д̇аад̇а гуж̇жхи на хи саад̇ху год̇ход̇и ид̣̇ам̣ сад̇т̇аа ж̇зд̇аванз вихаранд̇о гухагабхигкум̣ аараб̣бха гат̇зси, бажжуббаннавад̇т̇у уд̣̇д̣̇аалаж̇аад̇агз (ж̇аа. 1.14.62 аад̣̇аяо) аави бхависсад̇и.
Mā tāta kujjhi na hi sādhu kodhoti idaṃ satthā jetavane viharanto kuhakabhikkhuṃ ārabbha kathesi, paccuppannavatthu uddālajātake (jā. 1.14.62 ādayo) āvi bhavissati.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о б̣аараан̣асияам̣ д̣̇исаабаамогко аажарияо худ̇ваа бан̃жасад̇з маан̣авз манд̇з ваажзси. д̇зсам̣ ж̇здтаго сзд̇агзд̇у наама уд̣̇ижжаб̣раахман̣агулз ниб̣б̣ад̇д̇амаан̣аво, д̇асса ж̇аад̇им̣ ниссааяа маханд̇о маано ахоси. со згад̣̇ивасам̣ ан̃н̃зхи маан̣авзхи сад̣̇д̇хим̣ наг̇араа нигкаманд̇о наг̇арам̣ бависанд̇ам̣ згам̣ жан̣д̣аалам̣ д̣̇исваа ‘‘госи д̇ва’’нд̇и бужчид̇ваа ‘‘жан̣д̣аалохамасмий’’д̇и вуд̇д̇з д̇асса сарийрам̣ бахарид̇ваа ааг̇ад̇аваад̇асса ад̇д̇ано сарийрз пусанабхаязна ‘‘насса, жан̣д̣аала, гаал̣аган̣н̣ий, ад̇ховаад̇ам̣ яаахий’’д̇и вад̇ваа взг̇зна д̇асса убариваад̇ам̣ аг̇амааси. жан̣д̣аало сийгхад̇арам̣ г̇анд̇ваа д̇асса убариваад̇з адтааси. ат̇а нам̣ со ‘‘насса гаал̣аган̣н̣ий’’д̇и судтуд̇арам̣ аггоси барибхааси. д̇ам̣ суд̇ваа жан̣д̣аало ‘‘д̇вам̣ госий’’д̇и бужчи. ‘‘б̣раахман̣амаан̣авохамасмий’’д̇и . ‘‘б̣раахман̣о ход̇у, маяаа бана будтабан̃хам̣ гат̇зд̇ум̣ сагкиссасий’’д̇и. ‘‘аама, сагкиссаамий’’д̇и. ‘‘сажз на саггоси, баад̣̇анд̇арзна д̇ам̣ г̇амзмий’’д̇и. со ад̇д̇аанам̣ д̇аггзд̇ваа ‘‘г̇амзхий’’д̇и ааха.
Atīte bārāṇasiyaṃ brahmadatte rajjaṃ kārente bodhisatto bārāṇasiyaṃ disāpāmokkho ācariyo hutvā pañcasate māṇave mante vācesi. Tesaṃ jeṭṭhako setaketu nāma udiccabrāhmaṇakule nibbattamāṇavo, tassa jātiṃ nissāya mahanto māno ahosi. So ekadivasaṃ aññehi māṇavehi saddhiṃ nagarā nikkhamanto nagaraṃ pavisantaṃ ekaṃ caṇḍālaṃ disvā ‘‘kosi tva’’nti pucchitvā ‘‘caṇḍālohamasmī’’ti vutte tassa sarīraṃ paharitvā āgatavātassa attano sarīre phusanabhayena ‘‘nassa, caṇḍāla, kāḷakaṇṇī, adhovātaṃ yāhī’’ti vatvā vegena tassa uparivātaṃ agamāsi. Caṇḍālo sīghataraṃ gantvā tassa uparivāte aṭṭhāsi. Atha naṃ so ‘‘nassa kāḷakaṇṇī’’ti suṭṭhutaraṃ akkosi paribhāsi. Taṃ sutvā caṇḍālo ‘‘tvaṃ kosī’’ti pucchi. ‘‘Brāhmaṇamāṇavohamasmī’’ti . ‘‘Brāhmaṇo hotu, mayā pana puṭṭhapañhaṃ kathetuṃ sakkhissasī’’ti. ‘‘Āma, sakkhissāmī’’ti. ‘‘Sace na sakkosi, pādantarena taṃ gamemī’’ti. So attānaṃ takketvā ‘‘gamehī’’ti āha.
жан̣д̣аалабуд̇д̇о д̇асса гат̇ам̣ барисам̣ г̇аахаабзд̇ваа ‘‘маан̣ава, д̣̇исаа наама гад̇араа’’д̇и бан̃хам̣ бужчи. ‘‘д̣̇исаа наама бурад̇т̇имаад̣̇аяо жад̇ассо д̣̇исаа’’д̇и. жан̣д̣аало ‘‘наахам̣ д̇ам̣ зд̇ам̣ д̣̇исам̣ бужчаами, д̇вам̣ зд̇д̇агамби аж̇аананд̇о мама сарийрз бахадаваад̇ам̣ ж̇иг̇ужчасий’’д̇и д̇ам̣ канд̇хадтигз г̇ахзд̇ваа онамзд̇ваа ад̇д̇ано баад̣̇анд̇арзна г̇амзси. маан̣аваа д̇ам̣ бавад̇д̇им̣ аажарияасса аажигким̣су. д̇ам̣ суд̇ваа аажарияо ‘‘сажжам̣ гира, д̇аад̇а, сзд̇агзд̇у жан̣д̣аалзнааси баад̣̇анд̇арзна г̇амид̇о’’д̇и? ‘‘аама, аажарияа, со мам̣ жан̣д̣аалад̣̇аасибуд̇д̇о д̣̇исаамад̇д̇амби на ж̇аанаасий’’д̇и ад̇д̇ано баад̣̇анд̇арзна г̇амзси, ид̣̇аани д̣̇исваа гад̇д̇аб̣б̣ам̣ асса ж̇ааниссаамийд̇и гуд̣̇д̇хо жан̣д̣аалабуд̇д̇ам̣ аггоси барибхааси. ат̇а нам̣ аажарияо ‘д̇аад̇а, сзд̇агзд̇у маа д̇асса гуж̇жхи, бан̣д̣ид̇о жан̣д̣аалад̣̇аасибуд̇д̇о , на со д̇ам̣ зд̇ам̣ д̣̇исам̣ бужчад̇и, ан̃н̃ам̣ д̣̇исам̣ бужчи, д̇аяаа бана д̣̇идтасуд̇авин̃н̃аад̇ад̇о ад̣̇идтаасуд̇аавин̃н̃аад̇амзва б̣ахуд̇ара’’нд̇и овад̣̇анд̇о д̣̇вз г̇аат̇аа абхааси –
Caṇḍālaputto tassa kathaṃ parisaṃ gāhāpetvā ‘‘māṇava, disā nāma katarā’’ti pañhaṃ pucchi. ‘‘Disā nāma puratthimādayo catasso disā’’ti. Caṇḍālo ‘‘nāhaṃ taṃ etaṃ disaṃ pucchāmi, tvaṃ ettakampi ajānanto mama sarīre pahaṭavātaṃ jigucchasī’’ti taṃ khandhaṭṭhike gahetvā onametvā attano pādantarena gamesi. Māṇavā taṃ pavattiṃ ācariyassa ācikkhiṃsu. Taṃ sutvā ācariyo ‘‘saccaṃ kira, tāta, setaketu caṇḍālenāsi pādantarena gamito’’ti? ‘‘Āma, ācariya, so maṃ caṇḍāladāsiputto disāmattampi na jānāsī’’ti attano pādantarena gamesi, idāni disvā kattabbaṃ assa jānissāmīti kuddho caṇḍālaputtaṃ akkosi paribhāsi. Atha naṃ ācariyo ‘tāta, setaketu mā tassa kujjhi, paṇḍito caṇḍāladāsiputto , na so taṃ etaṃ disaṃ pucchati, aññaṃ disaṃ pucchi, tayā pana diṭṭhasutaviññātato adiṭṭhāsutāviññātameva bahutara’’nti ovadanto dve gāthā abhāsi –
8.
8.
‘‘маа д̇аад̇а гуж̇жхи на хи саад̇ху год̇хо, б̣ахумби д̇з ад̣̇идтамассуд̇ан̃жа;
‘‘Mā tāta kujjhi na hi sādhu kodho, bahumpi te adiṭṭhamassutañca;
маад̇аа бид̇аа д̣̇исад̇аа сзд̇агзд̇у, аажарияамааху д̣̇исад̇ам̣ басад̇т̇аа.
Mātā pitā disatā setaketu, ācariyamāhu disataṃ pasatthā.
9.
9.
‘‘аг̇аарино аннад̣̇абаанавад̇т̇ад̣̇аа, авхааяигаа д̇амби д̣̇исам̣ вад̣̇анд̇и;
‘‘Agārino annadapānavatthadā, avhāyikā tampi disaṃ vadanti;
зсаа д̣̇исаа барамаа сзд̇агзд̇у, яам̣ бад̇ваа д̣̇угкий сукино бхаванд̇ий’’д̇и.
Esā disā paramā setaketu, yaṃ patvā dukkhī sukhino bhavantī’’ti.
д̇ад̇т̇а на хи саад̇ху год̇ход̇и год̇хо наама уббаж̇ж̇амаано субхаасид̇ад̣̇уб̣бхаасид̇ам̣ ад̇т̇аанад̇т̇ам̣ хид̇аахид̇ам̣ ж̇аанид̇ум̣ на д̣̇зд̇ийд̇и на саад̇ху на лад̣̇д̇хаго. б̣ахумби д̇з ад̣̇идтанд̇и д̇аяаа жагкунаа ад̣̇идтам̣ сод̇зна жа ассуд̇амзва б̣ахуд̇арам̣. д̣̇исад̇аад̇и д̣̇исаа. маад̇аабид̇аро буд̇д̇аанам̣ буримад̇арам̣ уббаннад̇д̇аа бурад̇т̇имад̣̇исаа наама ж̇аад̇аад̇и вад̣̇ад̇и. аажарияамааху д̣̇исад̇ам̣ басад̇т̇аад̇и аажарияаа бана д̣̇агкин̣зяяад̇д̇аа д̣̇исад̇ам̣ басад̇т̇аа д̣̇агкин̣аа д̣̇исаад̇и б̣уд̣̇д̇хаад̣̇аяо арияаа ааху гат̇знд̇и д̣̇ийбзнд̇и.
Tattha na hi sādhu kodhoti kodho nāma uppajjamāno subhāsitadubbhāsitaṃ atthānatthaṃ hitāhitaṃ jānituṃ na detīti na sādhu na laddhako. Bahumpi te adiṭṭhanti tayā cakkhunā adiṭṭhaṃ sotena ca assutameva bahutaraṃ. Disatāti disā. Mātāpitaro puttānaṃ purimataraṃ uppannattā puratthimadisā nāma jātāti vadati. Ācariyamāhu disataṃ pasatthāti ācariyā pana dakkhiṇeyyattā disataṃ pasatthā dakkhiṇā disāti buddhādayo ariyā āhu kathenti dīpenti.
аг̇ааринод̇и г̇ахадтаа. аннад̣̇абаанавад̇т̇ад̣̇аад̇и аннад̣̇аа, баанад̣̇аа, вад̇т̇ад̣̇аа жа. авхааяигаад̇и ‘‘зт̇а д̣̇зяяад̇хаммам̣ бадиг̇г̇ан̣хат̇аа’’д̇и баггосанагаа. д̇амби д̣̇исам̣ вад̣̇анд̇ийд̇и д̇амби б̣уд̣̇д̇хаад̣̇аяо арияаа згам̣ д̣̇исам̣ вад̣̇анд̇и. иминаа жад̇убажжаяад̣̇ааяагаа г̇ахадтаа бажжаяз абад̣̇исид̇ваа д̇хаммигасаман̣аб̣раахман̣зхи убаг̇анд̇аб̣б̣ад̇д̇аа згаа д̣̇исаа наамаад̇и д̣̇ийбзд̇и. абаро наяо – яз зд̇з аг̇аарино аннабаанавад̇т̇ад̣̇аа, д̇зсам̣ чагаамасаг̇г̇асамбад̇д̇ид̣̇ааяагадтзна убаруубари авхааяанад̇о яз авхааяигаа д̇хаммигасаман̣аб̣раахман̣аа, д̇амби д̣̇исам̣ вад̣̇анд̇и, б̣уд̣̇д̇хаад̣̇аяо арияаа убаримад̣̇исам̣ наама вад̣̇анд̇ийд̇и д̣̇ийбзд̇и. вуд̇д̇амби жзд̇ам̣ –
Agārinoti gahaṭṭhā. Annadapānavatthadāti annadā, pānadā, vatthadā ca. Avhāyikāti ‘‘etha deyyadhammaṃ paṭiggaṇhathā’’ti pakkosanakā. Tampi disaṃ vadantīti tampi buddhādayo ariyā ekaṃ disaṃ vadanti. Iminā catupaccayadāyakā gahaṭṭhā paccaye apadisitvā dhammikasamaṇabrāhmaṇehi upagantabbattā ekā disā nāmāti dīpeti. Aparo nayo – ye ete agārino annapānavatthadā, tesaṃ chakāmasaggasampattidāyakaṭṭhena uparūpari avhāyanato ye avhāyikā dhammikasamaṇabrāhmaṇā, tampi disaṃ vadanti, buddhādayo ariyā uparimadisaṃ nāma vadantīti dīpeti. Vuttampi cetaṃ –
‘‘маад̇аа бид̇аа д̣̇исаа буб̣б̣аа, аажарияаа д̣̇агкин̣аа д̣̇исаа;
‘‘Mātā pitā disā pubbā, ācariyā dakkhiṇā disā;
буд̇д̇ад̣̇аараа д̣̇исаа бажчаа, мид̇д̇аамажжаа жа уд̇д̇араа.
Puttadārā disā pacchā, mittāmaccā ca uttarā.
‘‘д̣̇аасагаммагараа хздтаа, уд̣̇д̇хам̣ саман̣аб̣раахман̣аа;
‘‘Dāsakammakarā heṭṭhā, uddhaṃ samaṇabrāhmaṇā;
зд̇аа д̣̇исаа намассзяяа, аламад̇д̇о гулз г̇ихий’’д̇и. (д̣̇ий. ни. 3.273);
Etā disā namasseyya, alamatto kule gihī’’ti. (dī. ni. 3.273);
зсаа д̣̇исаад̇и ид̣̇ам̣ бана ниб̣б̣аанам̣ санд̇хааяа вуд̇д̇ам̣. ж̇аад̇иаад̣̇инаа хи наанаббагаарзна д̣̇угкзна д̣̇угкид̇аа сад̇д̇аа яам̣ бад̇ваа нид̣̇д̣̇угкаа сукино бхаванд̇и, зсаа зва жа сад̇д̇зхи аг̇ад̇абуб̣б̣аа д̣̇исаа наама. д̇знзва жа ниб̣б̣аанам̣ ‘‘барамаа’’д̇и ааха. вуд̇д̇амби жзд̇ам̣ –
Esā disāti idaṃ pana nibbānaṃ sandhāya vuttaṃ. Jātiādinā hi nānappakārena dukkhena dukkhitā sattā yaṃ patvā niddukkhā sukhino bhavanti, esā eva ca sattehi agatapubbā disā nāma. Teneva ca nibbānaṃ ‘‘paramā’’ti āha. Vuttampi cetaṃ –
‘‘самад̇ид̇д̇игам̣ анавасзсагам̣, д̇злабад̇д̇ам̣ яат̇аа барихарзяяа;
‘‘Samatittikaṃ anavasesakaṃ, telapattaṃ yathā parihareyya;
звам̣ сажид̇д̇аманурагкз, бад̇т̇аяаано д̣̇исам̣ аг̇ад̇абуб̣б̣а’’нд̇и. (ж̇аа. 1.1.96);
Evaṃ sacittamanurakkhe, patthayāno disaṃ agatapubba’’nti. (jā. 1.1.96);
звам̣ махаасад̇д̇о маан̣авасса д̣̇исаа гат̇зси. со бана ‘‘жан̣д̣аалзнамхи баад̣̇анд̇арзна г̇амид̇о’’д̇и д̇асмим̣ таанз авасид̇ваа д̇аггасилам̣ г̇анд̇ваа д̣̇исаабаамогкаажарияасса санд̇игз саб̣б̣асиббаани уг̇г̇ан̣хид̇ваа аажариязна анун̃н̃аад̇о д̇аггасилад̇о нигкамид̇ваа саб̣б̣асамаяасиббам̣ сигканд̇о вижари. со згам̣ бажжанд̇аг̇аамам̣ бад̇ваа д̇ам̣ ниссааяа васанд̇з бан̃жасад̇з д̇аабасз д̣̇исваа д̇зсам̣ санд̇игз баб̣б̣аж̇ид̇ваа яам̣ д̇з ж̇аананд̇и сиббаманд̇ажаран̣ам̣, д̇ам̣ уг̇г̇ан̣хид̇ваа г̇ан̣асад̇т̇аа худ̇ваа д̇зхи бариваарид̇о б̣аараан̣асим̣ г̇анд̇ваа бунад̣̇ивасз бхигкам̣ жаранд̇о рааж̇ан̇г̇ан̣ам̣ аг̇амааси. рааж̇аа д̇аабасаанам̣ ирияаабат̇з басийд̣̇ид̇ваа анд̇онивзсанз бхож̇зд̇ваа д̇з ад̇д̇ано уяяаанз васаабзси. со згад̣̇ивасам̣ д̇аабасз баривисид̇ваа ‘‘аж̇ж̇а сааяанхз уяяаанам̣ г̇анд̇ваа аяяз ванд̣̇иссаамий’’д̇и ааха.
Evaṃ mahāsatto māṇavassa disā kathesi. So pana ‘‘caṇḍālenamhi pādantarena gamito’’ti tasmiṃ ṭhāne avasitvā takkasilaṃ gantvā disāpāmokkhācariyassa santike sabbasippāni uggaṇhitvā ācariyena anuññāto takkasilato nikkhamitvā sabbasamayasippaṃ sikkhanto vicari. So ekaṃ paccantagāmaṃ patvā taṃ nissāya vasante pañcasate tāpase disvā tesaṃ santike pabbajitvā yaṃ te jānanti sippamantacaraṇaṃ, taṃ uggaṇhitvā gaṇasatthā hutvā tehi parivārito bārāṇasiṃ gantvā punadivase bhikkhaṃ caranto rājaṅgaṇaṃ agamāsi. Rājā tāpasānaṃ iriyāpathe pasīditvā antonivesane bhojetvā te attano uyyāne vasāpesi. So ekadivasaṃ tāpase parivisitvā ‘‘ajja sāyanhe uyyānaṃ gantvā ayye vandissāmī’’ti āha.
сзд̇агзд̇у уяяаанам̣ г̇анд̇ваа д̇аабасз саннибаад̇зд̇ваа ‘‘маарисаа, аж̇ж̇а рааж̇аа ааг̇амиссад̇и, рааж̇аано жа наама сагим̣ аараад̇хзд̇ваа яаавад̇ааяугам̣ сукам̣ ж̇ийвид̇ум̣ саггаа, аж̇ж̇а згажжз ваг̇г̇уливад̇ам̣ жарат̇а, згажжз ган̣дагасзяяам̣ габбзт̇а, згажжз бан̃жаад̇абам̣ д̇аббзт̇а, згажжз уггудигаббад̇хаанамануяун̃ж̇ат̇а, згажжз уд̣̇агорохан̣агаммам̣ гарот̇а, згажжз манд̇з саж̇жхааяат̇аа’’д̇и вижаарзд̇ваа саяам̣ баггасаалад̣̇ваарз абассаяабийтагз нисийд̣̇ид̇ваа бан̃жаван̣н̣аран̇г̇асамуж̇ж̇алаваасанам̣ згам̣ бод̇т̇агам̣ вижид̇раван̣н̣з аад̇хаарагз табзд̇ваа сусигкид̇зхи жад̇уухи бан̃жахи маан̣авзхи бужчид̇з бужчид̇з бан̃хз гат̇зси. д̇асмим̣ кан̣з рааж̇аа ааг̇анд̇ваа д̇з мижчаад̇абам̣ гаронд̇з д̣̇исваа д̇удто сзд̇агзд̇ум̣ убасан̇гамид̇ваа ванд̣̇ид̇ваа згаманд̇ам̣ нисинно бурохид̇зна сад̣̇д̇хим̣ саллабанд̇о д̇ад̇ияам̣ г̇аат̇амааха –
Setaketu uyyānaṃ gantvā tāpase sannipātetvā ‘‘mārisā, ajja rājā āgamissati, rājāno ca nāma sakiṃ ārādhetvā yāvatāyukaṃ sukhaṃ jīvituṃ sakkā, ajja ekacce vaggulivataṃ caratha, ekacce kaṇṭakaseyyaṃ kappetha, ekacce pañcātapaṃ tappetha, ekacce ukkuṭikappadhānamanuyuñjatha, ekacce udakorohaṇakammaṃ karotha, ekacce mante sajjhāyathā’’ti vicāretvā sayaṃ pakkasāladvāre apassayapīṭhake nisīditvā pañcavaṇṇaraṅgasamujjalavāsanaṃ ekaṃ potthakaṃ vicitravaṇṇe ādhārake ṭhapetvā susikkhitehi catūhi pañcahi māṇavehi pucchite pucchite pañhe kathesi. Tasmiṃ khaṇe rājā āgantvā te micchātapaṃ karonte disvā tuṭṭho setaketuṃ upasaṅkamitvā vanditvā ekamantaṃ nisinno purohitena saddhiṃ sallapanto tatiyaṃ gāthamāha –
10.
10.
‘‘карааж̇инаа ж̇адилаа бан̇гад̣̇анд̇аа, д̣̇уммагкаруубаа язмз ж̇аббанд̇и манд̇з;
‘‘Kharājinā jaṭilā paṅkadantā, dummakkharūpā yeme jappanti mante;
гажжи ну д̇з маанусагз баяог̇з, ид̣̇ам̣ вид̣̇уу баримуд̇д̇аа абааяаа’’д̇и.
Kacci nu te mānusake payoge, idaṃ vidū parimuttā apāyā’’ti.
д̇ад̇т̇а карааж̇инаад̇и сакурзхи аж̇инажаммзхи саманнааг̇ад̇аа. бан̇гад̣̇анд̇аад̇и д̣̇анд̇агадтасса акаад̣̇анзна малаг̇г̇ахид̇ад̣̇анд̇аа. д̣̇уммагкаруубаад̇и анан̃ж̇ид̇ааман̣д̣ид̇алууканиваасанабаарубанаа маалааг̇анд̇хавилзбанаваж̇ж̇ид̇аа , гилидтаруубаад̇и вуд̇д̇ам̣ ход̇и. язмз ж̇аббанд̇ийд̇и яз имз манд̇з саж̇жхааяанд̇и. маанусагз баяог̇зд̇и мануссзхи гад̇д̇аб̣б̣абаяог̇з тид̇аа. ид̣̇ам̣ вид̣̇уу баримуд̇д̇аа абааяаад̇и имасмим̣ баяог̇з тад̇ваа имам̣ логам̣ вид̣̇ид̇ваа баагадам̣ гад̇ваа ‘‘гажжи зд̇з исаяо жад̇уухи абааязхи муд̇д̇аа’’д̇и бужчад̇и.
Tattha kharājināti sakhurehi ajinacammehi samannāgatā. Paṅkadantāti dantakaṭṭhassa akhādanena malaggahitadantā. Dummakkharūpāti anañjitāmaṇḍitalūkhanivāsanapārupanā mālāgandhavilepanavajjitā , kiliṭṭharūpāti vuttaṃ hoti. Yeme jappantīti ye ime mante sajjhāyanti. Mānusake payogeti manussehi kattabbapayoge ṭhitā. Idaṃ vidū parimuttā apāyāti imasmiṃ payoge ṭhatvā imaṃ lokaṃ viditvā pākaṭaṃ katvā ‘‘kacci ete isayo catūhi apāyehi muttā’’ti pucchati.
д̇ам̣ суд̇ваа бурохид̇о жад̇уд̇т̇ам̣ г̇аат̇амааха –
Taṃ sutvā purohito catutthaṃ gāthamāha –
11.
11.
‘‘баабаани гаммаани гарид̇ва рааж̇а, б̣ахуссуд̇о жз на жарзяяа д̇хаммам̣;
‘‘Pāpāni kammāni karitva rāja, bahussuto ce na careyya dhammaṃ;
сахассавзд̣̇оби на д̇ам̣ бадижжа, д̣̇угкаа бамун̃жз жаран̣ам̣ абад̇ваа’’д̇и.
Sahassavedopi na taṃ paṭicca, dukkhā pamuñce caraṇaṃ apatvā’’ti.
д̇ад̇т̇а гарид̇ваад̇и гад̇ваа. жаран̣анд̇и саха сийлзна адта самаабад̇д̇ияо. ид̣̇ам̣ вуд̇д̇ам̣ ход̇и. махаарааж̇а, ‘‘ахам̣ б̣ахуссуд̇омхий’’д̇и сахассавзд̣̇оби жз д̇ивид̇хам̣ сужарид̇ад̇хаммам̣ на жарзяяа, баабаанзва гарзяяа, со д̇аани баабаани гаммаани гад̇ваа д̇ам̣ б̣аахусажжам̣ бадижжа сийласамаабад̇д̇исан̇каад̇ам̣ жаран̣ам̣ аббад̇ваа д̣̇угкаа на бамун̃жз, абааяад̣̇угкад̇о на мужжад̇зваад̇и.
Tattha karitvāti katvā. Caraṇanti saha sīlena aṭṭha samāpattiyo. Idaṃ vuttaṃ hoti. Mahārāja, ‘‘ahaṃ bahussutomhī’’ti sahassavedopi ce tividhaṃ sucaritadhammaṃ na careyya, pāpāneva kareyya, so tāni pāpāni kammāni katvā taṃ bāhusaccaṃ paṭicca sīlasamāpattisaṅkhātaṃ caraṇaṃ appatvā dukkhā na pamuñce, apāyadukkhato na muccatevāti.
д̇ам̣ суд̇ваа рааж̇аа д̇аабасзсу басаад̣̇ам̣ хари. д̇ад̇о сзд̇агзд̇у жинд̇зси ‘‘имасса ран̃н̃о д̇аабасзсу басаад̣̇о уд̣̇абаад̣̇и, д̇ам̣ банзса бурохид̇о ваасияаа бахарид̇ваа вияа чинд̣̇и, маяаа зд̇зна сад̣̇д̇хим̣ гат̇зд̇ум̣ ваддад̇ий’’д̇и. со д̇зна сад̣̇д̇хим̣ гат̇знд̇о бан̃жамам̣ г̇аат̇амааха –
Taṃ sutvā rājā tāpasesu pasādaṃ hari. Tato setaketu cintesi ‘‘imassa rañño tāpasesu pasādo udapādi, taṃ panesa purohito vāsiyā paharitvā viya chindi, mayā etena saddhiṃ kathetuṃ vaṭṭatī’’ti. So tena saddhiṃ kathento pañcamaṃ gāthamāha –
12.
12.
‘‘сахассавзд̣̇оби на д̇ам̣ бадижжа, д̣̇угкаа бамун̃жз жаран̣ам̣ абад̇ваа;
‘‘Sahassavedopi na taṃ paṭicca, dukkhā pamuñce caraṇaṃ apatvā;
ман̃н̃аами взд̣̇аа апалаа бхаванд̇и, сасам̣яамам̣ жаран̣амзва сажжа’’нд̇и.
Maññāmi vedā aphalā bhavanti, sasaṃyamaṃ caraṇameva sacca’’nti.
д̇ассад̇т̇о – сажз сахассавзд̣̇оби д̇ам̣ б̣аахусажжам̣ бадижжа жаран̣ам̣ аббад̇ваа ад̇д̇аанам̣ д̣̇угкаа на бамун̃жз, звам̣ санд̇з ахам̣ ман̃н̃аами ‘‘д̇аяо взд̣̇аа апалаа хонд̇и, сасийлам̣ самаабад̇д̇ижаран̣амзва сажжам̣ ход̇ий’’д̇и.
Tassattho – sace sahassavedopi taṃ bāhusaccaṃ paṭicca caraṇaṃ appatvā attānaṃ dukkhā na pamuñce, evaṃ sante ahaṃ maññāmi ‘‘tayo vedā aphalā honti, sasīlaṃ samāpatticaraṇameva saccaṃ hotī’’ti.
д̇ам̣ суд̇ваа бурохид̇о чадтам̣ г̇аат̇амааха –
Taṃ sutvā purohito chaṭṭhaṃ gāthamāha –
13.
13.
‘‘на хзва взд̣̇аа апалаа бхаванд̇и, сасам̣яамам̣ жаран̣амзва сажжам̣;
‘‘Na heva vedā aphalā bhavanti, sasaṃyamaṃ caraṇameva saccaṃ;
гид̇д̇ин̃хи баббод̇и ад̇хижжа взд̣̇з, санд̇им̣ бун̣зд̇и жаран̣зна д̣̇анд̇о’’д̇и.
Kittiñhi pappoti adhicca vede, santiṃ puṇeti caraṇena danto’’ti.
д̇ассад̇т̇о – д̇аяо взд̣̇аа апалаа на бхаванд̇и, сасам̣яамам̣ жаран̣амзва сажжам̣ сзяяам̣ уд̇д̇амам̣ баварам̣ на хзва ход̇и. гим̣гааран̣аа? гид̇д̇ин̃хи баббод̇и ад̇хижжа взд̣̇зд̇и д̇аяо взд̣̇з ад̇хижжа д̣̇идтад̇хаммз гид̇д̇имад̇д̇ам̣ яасамад̇д̇ам̣ лаабхамад̇д̇ам̣ лабхад̇и, ид̇о барам̣ ан̃н̃ам̣ над̇т̇и, д̇асмаа на д̇з апалаа. санд̇им̣ бун̣зд̇и жаран̣зна д̣̇анд̇од̇и сийлз бад̇идтааяа самаабад̇д̇ияо ниб̣б̣ад̇д̇зд̇ваа самаабад̇д̇ибад̣̇адтаанам̣ вибассанам̣ вад̣дхзнд̇о ажжанд̇ам̣ санд̇ам̣ ниб̣б̣аанам̣ наама д̇ам̣ зд̇и баабун̣аад̇и.
Tassattho – tayo vedā aphalā na bhavanti, sasaṃyamaṃ caraṇameva saccaṃ seyyaṃ uttamaṃ pavaraṃ na heva hoti. Kiṃkāraṇā? Kittiñhi pappoti adhicca vedeti tayo vede adhicca diṭṭhadhamme kittimattaṃ yasamattaṃ lābhamattaṃ labhati, ito paraṃ aññaṃ natthi, tasmā na te aphalā. Santiṃ puṇeti caraṇena dantoti sīle patiṭṭhāya samāpattiyo nibbattetvā samāpattipadaṭṭhānaṃ vipassanaṃ vaḍḍhento accantaṃ santaṃ nibbānaṃ nāma taṃ eti pāpuṇāti.
ид̇и бурохид̇о сзд̇агзд̇уно ваад̣̇ам̣ бхинд̣̇ид̇ваа д̇з саб̣б̣з г̇ихий гаарзд̇ваа палагаавуд̇хаани г̇аахаабзд̇ваа маханд̇ад̇арагз гад̇ваа ран̃н̃о убадтаагз гаарзси. аяам̣ гира маханд̇ад̇арагаанам̣ вам̣со.
Iti purohito setaketuno vādaṃ bhinditvā te sabbe gihī kāretvā phalakāvudhāni gāhāpetvā mahantatarake katvā rañño upaṭṭhāke kāresi. Ayaṃ kira mahantatarakānaṃ vaṃso.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа сзд̇агзд̇у гухагабхигку ахоси, жан̣д̣аало саарибуд̇д̇о, рааж̇аа аананд̣̇о, бурохид̇о бана ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā setaketu kuhakabhikkhu ahosi, caṇḍālo sāriputto, rājā ānando, purohito pana ahameva ahosi’’nti.
сзд̇агзд̇уж̇аад̇агаван̣н̣анаа д̣̇уд̇ияаа.
Setaketujātakavaṇṇanā dutiyā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 377. сзд̇агзд̇уж̇аад̇агам̣ • 377. Setaketujātakaṃ
