| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[282] 2. сзяяаж̇аад̇агаван̣н̣анаа
[282] 2. Seyyajātakavaṇṇanā
сзяяам̣со сзяяасо ход̇ийд̇и ид̣̇ам̣ сад̇т̇аа ж̇зд̇аванз вихаранд̇о згам̣ госаларан̃н̃о амажжам̣ аараб̣бха гат̇зси. со гира ран̃н̃о б̣ахуубагааро саб̣б̣агижжанибпаад̣̇аго ахоси. рааж̇аа ‘‘б̣ахуубагааро мз аяа’’нд̇и д̇асса маханд̇ам̣ яасам̣ ад̣̇ааси. д̇ам̣ асахамаанаа ан̃н̃з ран̃н̃о бзсун̃н̃ам̣ убасам̣харид̇ваа д̇ам̣ барибхинд̣̇им̣су. рааж̇аа д̇зсам̣ важанам̣ сад̣̇д̣̇ахид̇ваа д̣̇осам̣ анубабаригкид̇ваава д̇ам̣ сийлаванд̇ам̣ нид̣̇д̣̇осам̣ сан̇калигаб̣анд̇ханзна б̣анд̇хаабзд̇ваа б̣анд̇ханааг̇аарз багкибаабзси. со д̇ад̇т̇а згаго васанд̇о сийласамбад̇д̇им̣ ниссааяа жид̇д̇згаг̇г̇ад̇ам̣ лабхид̇ваа згаг̇г̇ажид̇д̇о сан̇каарз саммасид̇ваа сод̇аабад̇д̇ипалам̣ баабун̣и. ат̇асса рааж̇аа абарабхааг̇з нид̣̇д̣̇осабхаавам̣ н̃ад̇ваа сан̇калигаб̣анд̇ханам̣ бхинд̣̇аабзд̇ваа буримаяасад̇о маханд̇ад̇арам̣ яасам̣ ад̣̇ааси. со ‘‘сад̇т̇аарам̣ ванд̣̇иссаамий’’д̇и б̣ахууни маалааг̇анд̇хаад̣̇ийни аад̣̇ааяа вихаарам̣ г̇анд̇ваа д̇ат̇ааг̇ад̇ам̣ бууж̇зд̇ваа ванд̣̇ид̇ваа згаманд̇ам̣ нисийд̣̇и. сад̇т̇аа д̇зна сад̣̇д̇хим̣ бадисант̇аарам̣ гаронд̇о ‘‘анад̇т̇о гира д̇з уббаннод̇и ассумхаа’’д̇и ааха. ‘‘аама, бханд̇з, уббанно, ахам̣ бана д̇зна анад̇т̇зна ад̇т̇ам̣ агаасим̣, б̣анд̇ханааг̇аарз нисийд̣̇ид̇ваа сод̇аабад̇д̇ипалам̣ ниб̣б̣ад̇д̇зси’’нд̇и. сад̇т̇аа ‘‘на ко, убаасага, д̇ван̃н̃зва анад̇т̇зна ад̇т̇ам̣ аахари, бораан̣агабан̣д̣ид̇ааби ад̇д̇ано анад̇т̇зна ад̇т̇ам̣ аахарим̣ суязваа’’д̇и вад̇ваа д̇зна яаажид̇о ад̇ийд̇ам̣ аахари.
Seyyaṃsoseyyaso hotīti idaṃ satthā jetavane viharanto ekaṃ kosalarañño amaccaṃ ārabbha kathesi. So kira rañño bahūpakāro sabbakiccanipphādako ahosi. Rājā ‘‘bahūpakāro me aya’’nti tassa mahantaṃ yasaṃ adāsi. Taṃ asahamānā aññe rañño pesuññaṃ upasaṃharitvā taṃ paribhindiṃsu. Rājā tesaṃ vacanaṃ saddahitvā dosaṃ anupaparikkhitvāva taṃ sīlavantaṃ niddosaṃ saṅkhalikabandhanena bandhāpetvā bandhanāgāre pakkhipāpesi. So tattha ekako vasanto sīlasampattiṃ nissāya cittekaggataṃ labhitvā ekaggacitto saṅkhāre sammasitvā sotāpattiphalaṃ pāpuṇi. Athassa rājā aparabhāge niddosabhāvaṃ ñatvā saṅkhalikabandhanaṃ bhindāpetvā purimayasato mahantataraṃ yasaṃ adāsi. So ‘‘satthāraṃ vandissāmī’’ti bahūni mālāgandhādīni ādāya vihāraṃ gantvā tathāgataṃ pūjetvā vanditvā ekamantaṃ nisīdi. Satthā tena saddhiṃ paṭisanthāraṃ karonto ‘‘anattho kira te uppannoti assumhā’’ti āha. ‘‘Āma, bhante, uppanno, ahaṃ pana tena anatthena atthaṃ akāsiṃ, bandhanāgāre nisīditvā sotāpattiphalaṃ nibbattesi’’nti. Satthā ‘‘na kho, upāsaka, tvaññeva anatthena atthaṃ āhari, porāṇakapaṇḍitāpi attano anatthena atthaṃ āhariṃ suyevā’’ti vatvā tena yācito atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о д̇асса аг̇г̇амахзсияаа гужчимхи ниб̣б̣ад̇д̇ид̇ваа ваяаббад̇д̇о д̇аггасилааяам̣ саб̣б̣асиббаани уг̇г̇ан̣хид̇ваа бид̇у ажжаязна раж̇ж̇з бад̇идтааяа д̣̇аса рааж̇ад̇хаммз агобзд̇ваа д̣̇аанам̣ д̣̇зд̇и, бан̃жа сийлаани рагкад̇и , убосат̇агаммам̣ гарод̇и. ат̇ассзго амажжо анд̇збурз бад̣̇усси. баад̣̇амуулигаад̣̇аяо н̃ад̇ваа ‘‘асугаамажжо анд̇збурз бад̣̇удто’’д̇и ран̃н̃о аарожзсум̣. рааж̇аа бариг̇г̇ан̣ханд̇о яат̇аасабхаавад̇о н̃ад̇ваа баггосаабзд̇ваа ‘‘маа мам̣ ид̇о бадтааяа убадтаахий’’д̇и ниб̣б̣исаяам̣ агааси. со г̇анд̇ваа ан̃н̃ад̇арам̣ сааманд̇арааж̇аанам̣ убадтахийд̇и саб̣б̣ам̣ вад̇т̇у хздтаа махаасийлаваж̇аад̇агз (ж̇аа. 1.1.51) гат̇ид̇асад̣̇исамзва. ид̇хааби со рааж̇аа д̇игкад̇д̇ум̣ виймам̣сид̇ваа д̇асса амажжасса важанам̣ сад̣̇д̣̇ахид̇ваа ‘‘б̣аараан̣асираж̇ж̇ам̣ г̇ан̣хиссаамий’’д̇и маханд̇зна бариваарзна раж̇ж̇асиймам̣ баабун̣и. б̣аараан̣асиран̃н̃о сад̇д̇асад̇амад̇д̇аа махааяод̇хаа д̇ам̣ бавад̇д̇им̣ суд̇ваа ‘‘д̣̇зва, асуго наама гира рааж̇аа б̣аараан̣асираж̇ж̇ам̣ г̇ан̣хиссаамий’д̇и ж̇анабад̣̇ам̣ бхинд̣̇анд̇о ааг̇ажчад̇и, зд̇т̇зва нам̣ г̇анд̇ваа г̇ан̣хиссаамаа’’д̇и аахам̣су. ‘‘маяхам̣ баравихим̣сааяа лад̣̇д̇хзна раж̇ж̇зна гижжам̣ над̇т̇и, маа гин̃жи гарид̇т̇аа’’д̇и?
Atīte bārāṇasiyaṃ brahmadatte rajjaṃ kārente bodhisatto tassa aggamahesiyā kucchimhi nibbattitvā vayappatto takkasilāyaṃ sabbasippāni uggaṇhitvā pitu accayena rajje patiṭṭhāya dasa rājadhamme akopetvā dānaṃ deti, pañca sīlāni rakkhati , uposathakammaṃ karoti. Athasseko amacco antepure padussi. Pādamūlikādayo ñatvā ‘‘asukaamacco antepure paduṭṭho’’ti rañño ārocesuṃ. Rājā pariggaṇhanto yathāsabhāvato ñatvā pakkosāpetvā ‘‘mā maṃ ito paṭṭhāya upaṭṭhāhī’’ti nibbisayaṃ akāsi. So gantvā aññataraṃ sāmantarājānaṃ upaṭṭhahīti sabbaṃ vatthu heṭṭhā mahāsīlavajātake (jā. 1.1.51) kathitasadisameva. Idhāpi so rājā tikkhattuṃ vīmaṃsitvā tassa amaccassa vacanaṃ saddahitvā ‘‘bārāṇasirajjaṃ gaṇhissāmī’’ti mahantena parivārena rajjasīmaṃ pāpuṇi. Bārāṇasirañño sattasatamattā mahāyodhā taṃ pavattiṃ sutvā ‘‘deva, asuko nāma kira rājā bārāṇasirajjaṃ gaṇhissāmī’ti janapadaṃ bhindanto āgacchati, ettheva naṃ gantvā gaṇhissāmā’’ti āhaṃsu. ‘‘Mayhaṃ paravihiṃsāya laddhena rajjena kiccaṃ natthi, mā kiñci karitthā’’ti?
жорарааж̇аа ааг̇анд̇ваа наг̇арам̣ баригкиби, буна амажжаа рааж̇аанам̣ убасан̇гамид̇ваа ‘‘д̣̇зва, маа звам̣ гарид̇т̇а, г̇ан̣хиссаама на’’нд̇и аахам̣су. рааж̇аа ‘‘на лаб̣бхаа гин̃жи гаад̇ум̣, наг̇арад̣̇ваараани виварат̇аа’’д̇и вад̇ваа саяам̣ амажжаг̇ан̣абаривуд̇о махаад̇алз рааж̇абаллан̇гз нисийд̣̇и. жорарааж̇аа жад̇уусу д̣̇ваарзсу мануссз бот̇знд̇о наг̇арам̣ бависид̇ваа баасаад̣̇ам̣ абхируяха амажжабаривуд̇ам̣ рааж̇аанам̣ г̇аахаабзд̇ваа сан̇калигаахи б̣анд̇хаабзд̇ваа б̣анд̇ханааг̇аарз багкибаабзси. рааж̇аа б̣анд̇ханааг̇аарз нисиннова жорарааж̇аанам̣ мзд̇д̇ааяанд̇о мзд̇д̇аж̇жхаанам̣ уббаад̣̇зси. д̇асса мзд̇д̇аанубхаавзна жораран̃н̃о гааяз д̣аахо уббаж̇ж̇и, сагаласарийрам̣ яамагауггаахи жхаабияамаанам̣ вияа ж̇аад̇ам̣. со махаад̣̇угкаабхид̇унно ‘‘гим̣ ну ко гааран̣а’’нд̇и бужчи. ‘‘д̇умхз сийлаванд̇ам̣ рааж̇аанам̣ б̣анд̇ханааг̇аарз багкибзт̇а, д̇зна во ид̣̇ам̣ д̣̇угкам̣ уббаннам̣ бхависсад̇ий’’д̇и. со г̇анд̇ваа б̣од̇хисад̇д̇ам̣ камаабзд̇ваа ‘‘д̇умхаагам̣ раж̇ж̇ам̣ д̇умхаагамзва ход̇уу’’д̇и раж̇ж̇ам̣ д̇ассзва нияяаад̣̇зд̇ваа ‘‘ид̇о бадтааяа д̇умхаагам̣ бажжад̇т̇иго мз бхааро ход̇уу’’д̇и вад̇ваа бад̣̇удтаамажжасса рааж̇аан̣ам̣ гаарзд̇ваа ад̇д̇ано наг̇арамзва г̇ад̇о.
Corarājā āgantvā nagaraṃ parikkhipi, puna amaccā rājānaṃ upasaṅkamitvā ‘‘deva, mā evaṃ karittha, gaṇhissāma na’’nti āhaṃsu. Rājā ‘‘na labbhā kiñci kātuṃ, nagaradvārāni vivarathā’’ti vatvā sayaṃ amaccagaṇaparivuto mahātale rājapallaṅke nisīdi. Corarājā catūsu dvāresu manusse pothento nagaraṃ pavisitvā pāsādaṃ abhiruyha amaccaparivutaṃ rājānaṃ gāhāpetvā saṅkhalikāhi bandhāpetvā bandhanāgāre pakkhipāpesi. Rājā bandhanāgāre nisinnova corarājānaṃ mettāyanto mettajjhānaṃ uppādesi. Tassa mettānubhāvena corarañño kāye ḍāho uppajji, sakalasarīraṃ yamakaukkāhi jhāpiyamānaṃ viya jātaṃ. So mahādukkhābhitunno ‘‘kiṃ nu kho kāraṇa’’nti pucchi. ‘‘Tumhe sīlavantaṃ rājānaṃ bandhanāgāre pakkhipetha, tena vo idaṃ dukkhaṃ uppannaṃ bhavissatī’’ti. So gantvā bodhisattaṃ khamāpetvā ‘‘tumhākaṃ rajjaṃ tumhākameva hotū’’ti rajjaṃ tasseva niyyādetvā ‘‘ito paṭṭhāya tumhākaṃ paccatthiko me bhāro hotū’’ti vatvā paduṭṭhāmaccassa rājāṇaṃ kāretvā attano nagarameva gato.
б̣од̇хисад̇д̇о алан̇гад̇амахаад̇алз самуссид̇асзд̇ажчад̇д̇з рааж̇абаллан̇гз нисинно амажжзхи сад̣̇д̇хим̣ саллабанд̇о буримаа д̣̇взг̇аат̇аа авожа –
Bodhisatto alaṅkatamahātale samussitasetacchatte rājapallaṅke nisinno amaccehi saddhiṃ sallapanto purimā dvegāthā avoca –
94.
94.
‘‘сзяяам̣со сзяяасо ход̇и, яо сзяяамубасзвад̇и;
‘‘Seyyaṃso seyyaso hoti, yo seyyamupasevati;
згзна санд̇хим̣ гад̇ваана, сад̇ам̣ важ̇жхз аможаяим̣.
Ekena sandhiṃ katvāna, sataṃ vajjhe amocayiṃ.
95.
95.
‘‘д̇асмаа саб̣б̣зна логзна, санд̇хим̣ гад̇ваана згад̇о;
‘‘Tasmā sabbena lokena, sandhiṃ katvāna ekato;
бзжжа саг̇г̇ам̣ ниг̇ажчзяяа, ид̣̇ам̣ сун̣аат̇а гаасияаа’’д̇и.
Pecca saggaṃ nigaccheyya, idaṃ suṇātha kāsiyā’’ti.
д̇ад̇т̇а сзяяам̣со сзяяасо ход̇и, яо сзяяамубасзвад̇ийд̇и анаваж̇ж̇ауд̇д̇амад̇хаммасан̇каад̇о сзяяо ам̣со годтаасо ассаад̇и сзяяам̣со, гусалад̇хамманиссид̇абуг̇г̇ало. яо бунаббунам̣ д̇ам̣ сзяяам̣ гусалад̇хаммабхааванам̣ гусалаабхирад̇ам̣ ваа уд̇д̇амабуг̇г̇аламубасзвад̇и, со сзяяасо ход̇и баасам̣сад̇аро жзва уд̇д̇арид̇аро жа ход̇и. згзна санд̇хим̣ гад̇ваана, сад̇ам̣ важ̇жхз аможаяинд̇и д̇ад̣̇аминааби жзд̇ам̣ взд̣̇ид̇аб̣б̣ам̣ – ахан̃хи сзяяам̣ мзд̇д̇аабхааванам̣ убасзванд̇о д̇ааяа мзд̇д̇аабхааванааяа згзна жораран̃н̃аа санд̇хим̣ сант̇авам̣ гад̇ваа мзд̇д̇аабхааванам̣ бхаавзд̇ваа д̇умхз сад̇аж̇анз важ̇жхз аможаяим̣.
Tattha seyyaṃso seyyaso hoti, yo seyyamupasevatīti anavajjauttamadhammasaṅkhāto seyyo aṃso koṭṭhāso assāti seyyaṃso, kusaladhammanissitapuggalo. Yo punappunaṃ taṃ seyyaṃ kusaladhammabhāvanaṃ kusalābhirataṃ vā uttamapuggalamupasevati, so seyyaso hoti pāsaṃsataro ceva uttaritaro ca hoti. Ekena sandhiṃ katvāna, sataṃ vajjhe amocayinti tadamināpi cetaṃ veditabbaṃ – ahañhi seyyaṃ mettābhāvanaṃ upasevanto tāya mettābhāvanāya ekena coraraññā sandhiṃ santhavaṃ katvā mettābhāvanaṃ bhāvetvā tumhe satajane vajjhe amocayiṃ.
д̣̇уд̇ияаг̇аат̇ааяа ад̇т̇о – яасмаа ахам̣ згзна сад̣̇д̇хим̣ згад̇о мзд̇д̇аабхааванааяа санд̇хим̣ гад̇ваа д̇умхз важ̇жхаббад̇д̇з сад̇аж̇анз можаяим̣, д̇асмаа взд̣̇ид̇аб̣б̣амзвзд̇ам̣, д̇асмаа саб̣б̣зна логзна сад̣̇д̇хим̣ мзд̇д̇аабхааванааяа санд̇хим̣ гад̇ваа згад̇о буг̇г̇ало бзжжа баралогз саг̇г̇ам̣ ниг̇ажчзяяа. мзд̇д̇ааяа хи убажаарам̣ гаамааважарз бадисанд̇хим̣ д̣̇зд̇и, аббанаа б̣рахмалогз. ид̣̇ам̣ мама важанам̣ саб̣б̣зби д̇умхз гаасирадтаваасино сун̣аат̇аад̇и.
Dutiyagāthāya attho – yasmā ahaṃ ekena saddhiṃ ekato mettābhāvanāya sandhiṃ katvā tumhe vajjhappatte satajane mocayiṃ, tasmā veditabbamevetaṃ, tasmā sabbena lokena saddhiṃ mettābhāvanāya sandhiṃ katvā ekato puggalo pecca paraloke saggaṃ nigaccheyya. Mettāya hi upacāraṃ kāmāvacare paṭisandhiṃ deti, appanā brahmaloke. Idaṃ mama vacanaṃ sabbepi tumhe kāsiraṭṭhavāsino suṇāthāti.
звам̣ махаасад̇д̇о махааж̇анасса мзд̇д̇аабхааванааяа г̇ун̣ам̣ ван̣н̣зд̇ваа д̣̇ваад̣̇асаяож̇анигз б̣аараан̣асинаг̇арз сзд̇ажчад̇д̇ам̣ бахааяа химаванд̇ам̣ бависид̇ваа исибаб̣б̣аж̇ж̇ам̣ баб̣б̣аж̇и. сад̇т̇аа саммаасамб̣уд̣̇д̇хо худ̇ваа д̇ад̇ияам̣ г̇аат̇амааха –
Evaṃ mahāsatto mahājanassa mettābhāvanāya guṇaṃ vaṇṇetvā dvādasayojanike bārāṇasinagare setacchattaṃ pahāya himavantaṃ pavisitvā isipabbajjaṃ pabbaji. Satthā sammāsambuddho hutvā tatiyaṃ gāthamāha –
96.
96.
‘‘ид̣̇ам̣ вад̇ваа махаарааж̇аа, гам̣со б̣аараан̣асиг̇г̇ахо;
‘‘Idaṃ vatvā mahārājā, kaṃso bārāṇasiggaho;
д̇ханум̣ ган̣д̣ан̃жа нигкибба, сам̣яамам̣ аж̇жхубааг̇амий’’д̇и.
Dhanuṃ kaṇḍañca nikkhippa, saṃyamaṃ ajjhupāgamī’’ti.
д̇ад̇т̇а маханд̇о рааж̇аад̇и махаарааж̇аа. гам̣сод̇и д̇асса наамам̣. б̣аараан̣асим̣ г̇ахзд̇ваа аж̇жхаавасанад̇о б̣аараан̣асиг̇г̇ахо. со рааж̇аа ид̣̇ам̣ важанам̣ вад̇ваа д̇ханун̃жа сарасан̇каад̇ам̣ ган̣д̣ан̃жа нигкибба охааяа чад̣д̣зд̇ваа сийласам̣яамам̣ убаг̇ад̇о баб̣б̣аж̇ид̇о, баб̣б̣аж̇ид̇ваа жа бана жхаанам̣ уббаад̣̇зд̇ваа абарихийнаж̇жхаано б̣рахмалогз уббаннод̇и.
Tattha mahanto rājāti mahārājā. Kaṃsoti tassa nāmaṃ. Bārāṇasiṃ gahetvā ajjhāvasanato bārāṇasiggaho. So rājā idaṃ vacanaṃ vatvā dhanuñca sarasaṅkhātaṃ kaṇḍañca nikkhippa ohāya chaḍḍetvā sīlasaṃyamaṃ upagato pabbajito, pabbajitvā ca pana jhānaṃ uppādetvā aparihīnajjhāno brahmaloke uppannoti.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа жорарааж̇аа аананд̣̇о ахоси, б̣аараан̣асирааж̇аа бана ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā corarājā ānando ahosi, bārāṇasirājā pana ahameva ahosi’’nti.
сзяяаж̇аад̇агаван̣н̣анаа д̣̇уд̇ияаа.
Seyyajātakavaṇṇanā dutiyā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 282. сзяяаж̇аад̇агам̣ • 282. Seyyajātakaṃ
