| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[189] 9. сийхажаммаж̇аад̇агаван̣н̣анаа
[189] 9. Sīhacammajātakavaṇṇanā
нзд̇ам̣ сийхасса над̣̇ид̇анд̇и ид̣̇ам̣ сад̇т̇аа ж̇зд̇аванз вихаранд̇о гогаалиган̃н̃зва аараб̣бха гат̇зси. со имасмим̣ гаалз сарабхан̃н̃ам̣ бхан̣ид̇угаамо ахоси. сад̇т̇аа д̇ам̣ бавад̇д̇им̣ суд̇ваа ад̇ийд̇ам̣ аахари.
Netaṃ sīhassa naditanti idaṃ satthā jetavane viharanto kokālikaññeva ārabbha kathesi. So imasmiṃ kāle sarabhaññaṃ bhaṇitukāmo ahosi. Satthā taṃ pavattiṃ sutvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о гассагагулз ниб̣б̣ад̇д̇ид̇ваа ваяаббад̇д̇о гасигаммзна ж̇ийвигам̣ габбзси. д̇асмим̣ гаалз зго ваан̣иж̇о г̇ад̣̇рабхабхаарагзна вохаарам̣ гаронд̇о вижарад̇и. со г̇ад̇аг̇ад̇адтаанз г̇ад̣̇рабхасса бидтид̇о бхан̣д̣игам̣ од̇аарзд̇ваа г̇ад̣̇рабхам̣ сийхажаммзна баарубид̇ваа саалияавакзд̇д̇зсу виссаж̇ж̇зд̇и. кзд̇д̇арагкагаа д̇ам̣ д̣̇исваа ‘‘сийхо’’д̇и сан̃н̃ааяа убасан̇гамид̇ум̣ на саггонд̇и. ат̇згад̣̇ивасам̣ со ваан̣иж̇о згасмим̣ г̇аамад̣̇ваарз ниваасам̣ г̇ахзд̇ваа баад̇араасам̣ бажаабзнд̇о д̇ад̇о г̇ад̣̇рабхам̣ сийхажаммам̣ баарубид̇ваа яавакзд̇д̇з виссаж̇ж̇зси. кзд̇д̇арагкагаа ‘‘сийхо’’д̇и сан̃н̃ааяа д̇ам̣ убасан̇гамид̇ум̣ асаггонд̇аа г̇зхам̣ г̇анд̇ваа аарожзсум̣. сагалаг̇аамаваасино аавуд̇хаани г̇ахзд̇ваа сан̇кз д̇хамзнд̇аа бхзрияо ваад̣̇знд̇аа кзд̇д̇асамийбам̣ г̇анд̇ваа уннад̣̇им̣су, г̇ад̣̇рабхо маран̣абхаяабхийд̇о г̇ад̣̇рабхаравам̣ рави. ат̇асса г̇ад̣̇рабхабхаавам̣ н̃ад̇ваа б̣од̇хисад̇д̇о батамам̣ г̇аат̇амааха –
Atīte bārāṇasiyaṃ brahmadatte rajjaṃ kārente bodhisatto kassakakule nibbattitvā vayappatto kasikammena jīvikaṃ kappesi. Tasmiṃ kāle eko vāṇijo gadrabhabhārakena vohāraṃ karonto vicarati. So gatagataṭṭhāne gadrabhassa piṭṭhito bhaṇḍikaṃ otāretvā gadrabhaṃ sīhacammena pārupitvā sāliyavakhettesu vissajjeti. Khettarakkhakā taṃ disvā ‘‘sīho’’ti saññāya upasaṅkamituṃ na sakkonti. Athekadivasaṃ so vāṇijo ekasmiṃ gāmadvāre nivāsaṃ gahetvā pātarāsaṃ pacāpento tato gadrabhaṃ sīhacammaṃ pārupitvā yavakhette vissajjesi. Khettarakkhakā ‘‘sīho’’ti saññāya taṃ upasaṅkamituṃ asakkontā gehaṃ gantvā ārocesuṃ. Sakalagāmavāsino āvudhāni gahetvā saṅkhe dhamentā bheriyo vādentā khettasamīpaṃ gantvā unnadiṃsu, gadrabho maraṇabhayabhīto gadrabharavaṃ ravi. Athassa gadrabhabhāvaṃ ñatvā bodhisatto paṭhamaṃ gāthamāha –
77.
77.
‘‘нзд̇ам̣ сийхасса над̣̇ид̇ам̣, на б̣яаг̇гхасса на д̣̇ийбино;
‘‘Netaṃ sīhassa naditaṃ, na byagghassa na dīpino;
бааруд̇о сийхажаммзна, ж̇аммо над̣̇ад̇и г̇ад̣̇рабхо’’д̇и.
Pāruto sīhacammena, jammo nadati gadrabho’’ti.
д̇ад̇т̇а ж̇аммод̇и лаамаго. г̇аамаваасиноби д̇асса г̇ад̣̇рабхабхаавам̣ н̃ад̇ваа д̇ам̣ адтийни бхан̃ж̇анд̇аа бот̇зд̇ваа сийхажаммам̣ аад̣̇ааяа аг̇амам̣су.
Tattha jammoti lāmako. Gāmavāsinopi tassa gadrabhabhāvaṃ ñatvā taṃ aṭṭhīni bhañjantā pothetvā sīhacammaṃ ādāya agamaṃsu.
ат̇а со ваан̣иж̇о ааг̇анд̇ваа д̇ам̣ б̣яасанабхааваббад̇д̇ам̣ г̇ад̣̇рабхам̣ д̣̇исваа д̣̇уд̇ияам̣ г̇аат̇амааха –
Atha so vāṇijo āgantvā taṃ byasanabhāvappattaṃ gadrabhaṃ disvā dutiyaṃ gāthamāha –
78.
78.
‘‘жирамби ко д̇ам̣ каад̣̇зяяа, г̇ад̣̇рабхо харид̇ам̣ яавам̣;
‘‘Cirampi kho taṃ khādeyya, gadrabho haritaṃ yavaṃ;
бааруд̇о сийхажаммзна, равамаанова д̣̇уусаяий’’д̇и.
Pāruto sīhacammena, ravamānova dūsayī’’ti.
д̇ад̇т̇а д̇анд̇и нибаад̇амад̇д̇ам̣, аяам̣ г̇ад̣̇рабхо ад̇д̇ано г̇ад̣̇рабхабхаавам̣ аж̇аанаабзд̇ваа сийхажаммзна бааруд̇о жирамби гаалам̣ харид̇ам̣ яавам̣ каад̣̇зяяаад̇и ад̇т̇о. равамаанова д̣̇уусаяийд̇и ад̇д̇ано бана г̇ад̣̇рабхаравам̣ равамаановзса ад̇д̇аанам̣ д̣̇уусаяи, над̇т̇зд̇т̇а сийхажаммасса д̣̇осод̇и. д̇асмим̣ звам̣ гат̇знд̇зязва г̇ад̣̇рабхо д̇ад̇т̇зва нибанно мари, ваан̣иж̇оби д̇ам̣ бахааяа баггаами.
Tattha tanti nipātamattaṃ, ayaṃ gadrabho attano gadrabhabhāvaṃ ajānāpetvā sīhacammena pāruto cirampi kālaṃ haritaṃ yavaṃ khādeyyāti attho. Ravamānova dūsayīti attano pana gadrabharavaṃ ravamānovesa attānaṃ dūsayi, natthettha sīhacammassa dosoti. Tasmiṃ evaṃ kathenteyeva gadrabho tattheva nipanno mari, vāṇijopi taṃ pahāya pakkāmi.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа ваан̣иж̇о д̣̇звад̣̇ад̇д̇о ахоси, г̇ад̣̇рабхо гогаалиго, бан̣д̣ид̇агассаго бана ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā vāṇijo devadatto ahosi, gadrabho kokāliko, paṇḍitakassako pana ahameva ahosi’’nti.
сийхажаммаж̇аад̇агаван̣н̣анаа навамаа.
Sīhacammajātakavaṇṇanā navamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 189. сийхажаммаж̇аад̇агам̣ • 189. Sīhacammajātakaṃ
