| Library / Tipiṭaka / तिपिटक • Tipiṭaka / अपदानपाळि • Apadānapāḷi |
२. सीहासनियवग्गो
2. Sīhāsaniyavaggo
१. सीहासनदायकत्थेरअपदानं
1. Sīhāsanadāyakattheraapadānaṃ
१.
1.
वित्थारिके पावचने, बाहुजञ्ञम्हि सासने॥
Vitthārike pāvacane, bāhujaññamhi sāsane.
२.
2.
‘‘पसन्नचित्तो सुमनो, सीहासनमकासहं।
‘‘Pasannacitto sumano, sīhāsanamakāsahaṃ;
सीहासनं करित्वान, पादपीठमकासहं॥
Sīhāsanaṃ karitvāna, pādapīṭhamakāsahaṃ.
३.
3.
‘‘सीहासने च वस्सन्ते, घरं तत्थ अकासहं।
‘‘Sīhāsane ca vassante, gharaṃ tattha akāsahaṃ;
तेन चित्तप्पसादेन, तुसितं उपपज्जहं॥
Tena cittappasādena, tusitaṃ upapajjahaṃ.
४.
4.
विमानं सुकतं मय्हं, वित्थारेन चतुद्दस॥
Vimānaṃ sukataṃ mayhaṃ, vitthārena catuddasa.
५.
5.
सोण्णमयञ्च पल्लङ्कं, ब्यम्हे आसि सुनिम्मितं॥
Soṇṇamayañca pallaṅkaṃ, byamhe āsi sunimmitaṃ.
६.
6.
‘‘हत्थियानं अस्सयानं, दिब्बयानं उपट्ठितं।
‘‘Hatthiyānaṃ assayānaṃ, dibbayānaṃ upaṭṭhitaṃ;
पासादा सिविका चेव, निब्बत्तन्ति यदिच्छकं॥
Pāsādā sivikā ceva, nibbattanti yadicchakaṃ.
७.
7.
‘‘मणिमया च पल्लङ्का, अञ्ञे सारमया बहू।
‘‘Maṇimayā ca pallaṅkā, aññe sāramayā bahū;
निब्बत्तन्ति ममं सब्बे, सीहासनस्सिदं फलं॥
Nibbattanti mamaṃ sabbe, sīhāsanassidaṃ phalaṃ.
८.
8.
‘‘सोण्णमया रूपिमया, फलिकावेळुरियामया।
‘‘Soṇṇamayā rūpimayā, phalikāveḷuriyāmayā;
पादुका अभिरूहामि, पादपीठस्सिदं फलं॥
Pādukā abhirūhāmi, pādapīṭhassidaṃ phalaṃ.
९.
9.
दुग्गतिं नाभिजानामि, पुञ्ञकम्मस्सिदं फलं॥
Duggatiṃ nābhijānāmi, puññakammassidaṃ phalaṃ.
१०.
10.
‘‘तेसत्ततिम्हितो कप्पे, इन्दनामा तयो जना।
‘‘Tesattatimhito kappe, indanāmā tayo janā;
द्वेसत्ततिम्हितो कप्पे, तयो सुमननामका॥
Dvesattatimhito kappe, tayo sumananāmakā.
११.
11.
‘‘समसत्ततितो कप्पे, तयो वरुणनामका।
‘‘Samasattatito kappe, tayo varuṇanāmakā;
सत्तरतनसम्पन्ना, चतुदीपम्हि इस्सरा॥
Sattaratanasampannā, catudīpamhi issarā.
१२.
12.
‘‘पटिसम्भिदा चतस्सो, विमोक्खापि च अट्ठिमे।
‘‘Paṭisambhidā catasso, vimokkhāpi ca aṭṭhime;
छळभिञ्ञा सच्छिकता, कतं बुद्धस्स सासनं’’॥
Chaḷabhiññā sacchikatā, kataṃ buddhassa sāsanaṃ’’.
इत्थं सुदं आयस्मा सीहासनदायको थेरो इमा गाथायो अभासित्थाति।
Itthaṃ sudaṃ āyasmā sīhāsanadāyako thero imā gāthāyo abhāsitthāti.
सीहासनदायकत्थेरस्सापदानं पठमं।
Sīhāsanadāyakattherassāpadānaṃ paṭhamaṃ.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / अपदान-अट्ठकथा • Apadāna-aṭṭhakathā / १. सीहासनदायकत्थेरअपदानवण्णना • 1. Sīhāsanadāyakattheraapadānavaṇṇanā
