| Library / Tipiṭaka / ਤਿਪਿਟਕ • Tipiṭaka / ਅਪਦਾਨ-ਅਟ੍ਠਕਥਾ • Apadāna-aṭṭhakathā |
੫. ਸੀਹਾਸਨਦਾਯਕਤ੍ਥੇਰਅਪਦਾਨવਣ੍ਣਨਾ
5. Sīhāsanadāyakattheraapadānavaṇṇanā
ਨਿਬ੍ਬੁਤੇ ਲੋਕਨਾਥਮ੍ਹੀਤਿਆਦਿਕਂ ਆਯਸ੍ਮਤੋ ਸੀਹਾਸਨਦਾਯਕਤ੍ਥੇਰਸ੍ਸ ਅਪਦਾਨਂ। ਅਯਮ੍ਪਿ ਪੁਰਿਮਬੁਦ੍ਧੇਸੁ ਕਤਾਧਿਕਾਰੋ ਤਤ੍ਥ ਤਤ੍ਥ ਭવੇ ਨਿਬ੍ਬਾਨਾਧਿਗਮਤ੍ਥਾਯ ਕਤਪੁਞ੍ਞੂਪਚਯੋ ਪਦੁਮੁਤ੍ਤਰਸ੍ਸ ਭਗવਤੋ ਕਾਲੇ ਗਹਪਤਿਕੁਲੇ ਨਿਬ੍ਬਤ੍ਤੋ વਿਞ੍ਞੁਤਂ ਪਤ੍ਤੋ ਸਤ੍ਥੁ ਧਮ੍ਮਦੇਸਨਂ ਸੁਤ੍વਾ ਰਤਨਤ੍ਤਯੇ ਪਸਨ੍ਨੋ ਤਸ੍ਮਿਂ ਭਗવਤਿ ਪਰਿਨਿਬ੍ਬੁਤੇ ਸਤ੍ਤਹਿ ਰਤਨੇਹਿ ਖਚਿਤਂ ਸੀਹਾਸਨਂ ਕਾਰਾਪੇਤ੍વਾ ਬੋਧਿਰੁਕ੍ਖਂ ਪੂਜੇਸਿ, ਬਹੂਹਿ ਮਾਲਾਗਨ੍ਧਧੂਪੇਹਿ ਚ ਪੂਜੇਸਿ।
Nibbutelokanāthamhītiādikaṃ āyasmato sīhāsanadāyakattherassa apadānaṃ. Ayampi purimabuddhesu katādhikāro tattha tattha bhave nibbānādhigamatthāya katapuññūpacayo padumuttarassa bhagavato kāle gahapatikule nibbatto viññutaṃ patto satthu dhammadesanaṃ sutvā ratanattaye pasanno tasmiṃ bhagavati parinibbute sattahi ratanehi khacitaṃ sīhāsanaṃ kārāpetvā bodhirukkhaṃ pūjesi, bahūhi mālāgandhadhūpehi ca pūjesi.
੨੧. ਸੋ ਤੇਨ ਪੁਞ੍ਞੇਨ ਦੇવਮਨੁਸ੍ਸੇਸੁ ਸਂਸਰਨ੍ਤੋ ਉਭਯਸਮ੍ਪਤ੍ਤਿਯੋ ਅਨੁਭવਿਤ੍વਾ ਸਬ੍ਬਤ੍ਥ ਪੂਜਿਤੋ ਇਮਸ੍ਮਿਂ ਬੁਦ੍ਧੁਪ੍ਪਾਦੇ ਸਾવਤ੍ਥਿਯਂ ਕੁਲਗੇਹੇ ਨਿਬ੍ਬਤ੍ਤੋ વੁਦ੍ਧਿਪ੍ਪਤ੍ਤੋ ਘਰਾવਾਸਂ વਸਨ੍ਤੋ ਸਤ੍ਥੁ ਧਮ੍ਮਦੇਸਨਂ ਸੁਤ੍વਾ ਪਸਨ੍ਨਮਾਨਸੋ ਞਾਤਿવਗ੍ਗਂ ਪਹਾਯ ਪਬ੍ਬਜਿਤੋ ਨਚਿਰਸ੍ਸੇવ ਅਰਹਾ ਹੁਤ੍વਾ ਪੁਬ੍ਬੂਪਚਿਤਕੁਸਲਸਮ੍ਭਾਰਂ ਸਰਿਤ੍વਾ ਸਞ੍ਜਾਤਸੋਮਨਸ੍ਸੋ ਪੁਬ੍ਬਚਰਿਤਾਪਦਾਨਂ ਪਕਾਸੇਨ੍ਤੋ ਨਿਬ੍ਬੁਤੇ ਲੋਕਨਾਥਮ੍ਹੀਤਿਆਦਿਮਾਹ। ਤਤ੍ਥ ਸੀਹਾਸਨਮਦਾਸਹਨ੍ਤਿ ਸੀਹਰੂਪਹਿਰਞ੍ਞਸੁવਣ੍ਣਰਤਨੇਹਿ ਖਚਿਤਂ ਆਸਨਂ ਸੀਹਾਸਨਂ, ਸੀਹਸ੍ਸ વਾ ਅਭੀਤਸ੍ਸ ਭਗવਤੋ ਨਿਸਿਨ੍ਨਾਰਹਂ, ਸੀਹਂ વਾ ਸੇਟ੍ਠਂ ਉਤ੍ਤਮਂ ਆਸਨਨ੍ਤਿ ਸੀਹਾਸਨਂ, ਤਂ ਅਹਂ ਅਦਾਸਿਂ, ਬੋਧਿਰੁਕ੍ਖਂ ਪੂਜੇਸਿਨ੍ਤਿ ਅਤ੍ਥੋ। ਸੇਸਂ ਸੁવਿਞ੍ਞੇਯ੍ਯਮੇવਾਤਿ।
21. So tena puññena devamanussesu saṃsaranto ubhayasampattiyo anubhavitvā sabbattha pūjito imasmiṃ buddhuppāde sāvatthiyaṃ kulagehe nibbatto vuddhippatto gharāvāsaṃ vasanto satthu dhammadesanaṃ sutvā pasannamānaso ñātivaggaṃ pahāya pabbajito nacirasseva arahā hutvā pubbūpacitakusalasambhāraṃ saritvā sañjātasomanasso pubbacaritāpadānaṃ pakāsento nibbute lokanāthamhītiādimāha. Tattha sīhāsanamadāsahanti sīharūpahiraññasuvaṇṇaratanehi khacitaṃ āsanaṃ sīhāsanaṃ, sīhassa vā abhītassa bhagavato nisinnārahaṃ, sīhaṃ vā seṭṭhaṃ uttamaṃ āsananti sīhāsanaṃ, taṃ ahaṃ adāsiṃ, bodhirukkhaṃ pūjesinti attho. Sesaṃ suviññeyyamevāti.
ਸੀਹਾਸਨਦਾਯਕਤ੍ਥੇਰਅਪਦਾਨવਣ੍ਣਨਾ ਸਮਤ੍ਤਾ।
Sīhāsanadāyakattheraapadānavaṇṇanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਅਪਦਾਨਪਾਲ਼ਿ • Apadānapāḷi / ੫. ਸੀਹਾਸਨਦਾਯਕਤ੍ਥੇਰਅਪਦਾਨਂ • 5. Sīhāsanadāyakattheraapadānaṃ
