A World of Knowledge
    Library / Tipiṭaka / တိပိဋက • Tipiṭaka / ဝိမတိဝိနောဒနီ-ဋီကာ • Vimativinodanī-ṭīkā

    သီဟသေနာပတိဝတ္ထုအာဒိကထာဝဏ္ဏနာ

    Sīhasenāpativatthuādikathāvaṇṇanā

    ၂၉၀. သန္ဓာဂာရေတိ ရာဇကိစ္စသ္သ သန္ဓာရဏတ္ထာယ နိစ္ဆိဒ္ဒံ ကတ္ဝာ ဝိစာရဏတ္ထာယ ကတမဟာသဘာယ။ ဂမိကာဘိသင္ခာရောတိ ဂမနေ ဝာယာမော။ ဓမ္မသ္သ စ အနုဓမ္မန္တိ တုမ္ဟေဟိ ဝုတ္တသ္သ ကာရဏသ္သ အနုကာရဏံ, တုမ္ဟေဟိ ဝုတ္တသ္သ အတ္ထသ္သ အနုရူပမေဝာတိ အဓိပ္ပာယော။ သဟဓမ္မိကော ဝာဒာနုဝာဒောတိ ပရေဟိ ဝုတ္တကာရဏေန သကာရဏော ဟုတ္ဝာ တုမ္ဟာကံ ဝာဒော ဝာ ဣတော ပရံ တသ္သ အနုဝာဒော ဝာ။ ကောစိ အပ္ပမတ္တကောပိ ဂာရယ္ဟံ ဌာနံ န အာဂစ္ဆတီတိ ကိံ တဝ ဝာဒေ ဂာရယ္ဟကာရဏံ နတ္ထီတိ ဝုတ္တံ ဟောတိ။

    290.Sandhāgāreti rājakiccassa sandhāraṇatthāya nicchiddaṃ katvā vicāraṇatthāya katamahāsabhāya. Gamikābhisaṅkhāroti gamane vāyāmo. Dhammassa ca anudhammanti tumhehi vuttassa kāraṇassa anukāraṇaṃ, tumhehi vuttassa atthassa anurūpamevāti adhippāyo. Sahadhammiko vādānuvādoti parehi vuttakāraṇena sakāraṇo hutvā tumhākaṃ vādo vā ito paraṃ tassa anuvādo vā. Koci appamattakopi gārayhaṃ ṭhānaṃ na āgacchatīti kiṃ tava vāde gārayhakāraṇaṃ natthīti vuttaṃ hoti.

    ၂၉၃. အနုဝိစ္စကာရန္တိ အနုဝိဒိတာကာရံ။ ရတနတ္တယသ္သ သရဏဂမနာဒိကိရိယံ ကရောတိ။ သဟသာ ကတ္ဝာ မာ ပစ္ဆာ ဝိပ္ပဋိသာရီ အဟောသီတိ အတ္ထော။ ပဋာကံ ပရိဟရေယ္ယုန္တိ ဓဇပဋာကံ ဥက္ခိပိတ္ဝာ ‘‘ဤဒိသော အမ္ဟာကံ သရဏံ ဂတော သာဝကော ဇာတော’’တိ နဂရေ ဃောသေန္တာ အာဟိဏ္ဍန္တိ။

    293.Anuviccakāranti anuviditākāraṃ. Ratanattayassa saraṇagamanādikiriyaṃ karoti. Sahasā katvā mā pacchā vippaṭisārī ahosīti attho. Paṭākaṃ parihareyyunti dhajapaṭākaṃ ukkhipitvā ‘‘īdiso amhākaṃ saraṇaṃ gato sāvako jāto’’ti nagare ghosentā āhiṇḍanti.

    ၂၉၄. နိမိတ္တကမ္မသ္သာတိ မံသခာဒနနိမိတ္တေန ဥပ္ပန္နပာဏာတိပာတကမ္မသ္သ။

    294.Nimittakammassāti maṃsakhādananimittena uppannapāṇātipātakammassa.

    သီဟသေနာပတိဝတ္ထုအာဒိကထာဝဏ္ဏနာ နိဋ္ဌိတာ။

    Sīhasenāpativatthuādikathāvaṇṇanā niṭṭhitā.







    Related texts:



    တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / မဟာဝဂ္ဂပာဠိ • Mahāvaggapāḷi / ၁၇၈. သီဟသေနာပတိဝတ္ထု • 178. Sīhasenāpativatthu

    အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / မဟာဝဂ္ဂ-အဋ္ဌကထာ • Mahāvagga-aṭṭhakathā / သီဟသေနာပတိဝတ္ထုအာဒိကထာ • Sīhasenāpativatthuādikathā

    ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / သာရတ္ထဒီပနီ-ဋီကာ • Sāratthadīpanī-ṭīkā / သီဟသေနာပတိဝတ္ထုကထာဝဏ္ဏနာ • Sīhasenāpativatthukathāvaṇṇanā

    ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ပာစိတ္ယာဒိယောဇနာပာဠိ • Pācityādiyojanāpāḷi / ၁၇၈. သီဟသေနာပတိဝတ္ထုကထာ • 178. Sīhasenāpativatthukathā


    © 1991-2025 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact