| Library / Tipiṭaka / തിപിടക • Tipiṭaka / വിമതിവിനോദനീ-ടീകാ • Vimativinodanī-ṭīkā |
സീഹസേനാപതിവത്ഥുആദികഥാവണ്ണനാ
Sīhasenāpativatthuādikathāvaṇṇanā
൨൯൦. സന്ധാഗാരേതി രാജകിച്ചസ്സ സന്ധാരണത്ഥായ നിച്ഛിദ്ദം കത്വാ വിചാരണത്ഥായ കതമഹാസഭായ. ഗമികാഭിസങ്ഖാരോതി ഗമനേ വായാമോ. ധമ്മസ്സ ച അനുധമ്മന്തി തുമ്ഹേഹി വുത്തസ്സ കാരണസ്സ അനുകാരണം, തുമ്ഹേഹി വുത്തസ്സ അത്ഥസ്സ അനുരൂപമേവാതി അധിപ്പായോ. സഹധമ്മികോ വാദാനുവാദോതി പരേഹി വുത്തകാരണേന സകാരണോ ഹുത്വാ തുമ്ഹാകം വാദോ വാ ഇതോ പരം തസ്സ അനുവാദോ വാ. കോചി അപ്പമത്തകോപി ഗാരയ്ഹം ഠാനം ന ആഗച്ഛതീതി കിം തവ വാദേ ഗാരയ്ഹകാരണം നത്ഥീതി വുത്തം ഹോതി.
290.Sandhāgāreti rājakiccassa sandhāraṇatthāya nicchiddaṃ katvā vicāraṇatthāya katamahāsabhāya. Gamikābhisaṅkhāroti gamane vāyāmo. Dhammassa ca anudhammanti tumhehi vuttassa kāraṇassa anukāraṇaṃ, tumhehi vuttassa atthassa anurūpamevāti adhippāyo. Sahadhammiko vādānuvādoti parehi vuttakāraṇena sakāraṇo hutvā tumhākaṃ vādo vā ito paraṃ tassa anuvādo vā. Koci appamattakopi gārayhaṃ ṭhānaṃ na āgacchatīti kiṃ tava vāde gārayhakāraṇaṃ natthīti vuttaṃ hoti.
൨൯൩. അനുവിച്ചകാരന്തി അനുവിദിതാകാരം. രതനത്തയസ്സ സരണഗമനാദികിരിയം കരോതി. സഹസാ കത്വാ മാ പച്ഛാ വിപ്പടിസാരീ അഹോസീതി അത്ഥോ. പടാകം പരിഹരേയ്യുന്തി ധജപടാകം ഉക്ഖിപിത്വാ ‘‘ഈദിസോ അമ്ഹാകം സരണം ഗതോ സാവകോ ജാതോ’’തി നഗരേ ഘോസേന്താ ആഹിണ്ഡന്തി.
293.Anuviccakāranti anuviditākāraṃ. Ratanattayassa saraṇagamanādikiriyaṃ karoti. Sahasā katvā mā pacchā vippaṭisārī ahosīti attho. Paṭākaṃ parihareyyunti dhajapaṭākaṃ ukkhipitvā ‘‘īdiso amhākaṃ saraṇaṃ gato sāvako jāto’’ti nagare ghosentā āhiṇḍanti.
൨൯൪. നിമിത്തകമ്മസ്സാതി മംസഖാദനനിമിത്തേന ഉപ്പന്നപാണാതിപാതകമ്മസ്സ.
294.Nimittakammassāti maṃsakhādananimittena uppannapāṇātipātakammassa.
സീഹസേനാപതിവത്ഥുആദികഥാവണ്ണനാ നിട്ഠിതാ.
Sīhasenāpativatthuādikathāvaṇṇanā niṭṭhitā.
Related texts:
തിപിടക (മൂല) • Tipiṭaka (Mūla) / വിനയപിടക • Vinayapiṭaka / മഹാവഗ്ഗപാളി • Mahāvaggapāḷi / ൧൭൮. സീഹസേനാപതിവത്ഥു • 178. Sīhasenāpativatthu
അട്ഠകഥാ • Aṭṭhakathā / വിനയപിടക (അട്ഠകഥാ) • Vinayapiṭaka (aṭṭhakathā) / മഹാവഗ്ഗ-അട്ഠകഥാ • Mahāvagga-aṭṭhakathā / സീഹസേനാപതിവത്ഥുആദികഥാ • Sīhasenāpativatthuādikathā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / സാരത്ഥദീപനീ-ടീകാ • Sāratthadīpanī-ṭīkā / സീഹസേനാപതിവത്ഥുകഥാവണ്ണനാ • Sīhasenāpativatthukathāvaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / പാചിത്യാദിയോജനാപാളി • Pācityādiyojanāpāḷi / ൧൭൮. സീഹസേനാപതിവത്ഥുകഥാ • 178. Sīhasenāpativatthukathā
