Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya

    3. сийхасуд̇д̇ам̣

    3. Sīhasuttaṃ

    33. ‘‘сийхо , бхигкавз, миг̇арааж̇аа сааяанхасамаяам̣ аасаяаа нигкамад̇и. аасаяаа нигкамид̇ваа виж̇амбхад̇и. виж̇амбхид̇ваа саманд̇аа жад̇уд̣̇д̣̇исаа анувилогзд̇и. саманд̇аа жад̇уд̣̇д̣̇исаа анувилогзд̇ваа д̇игкад̇д̇ум̣ сийханаад̣̇ам̣ над̣̇ад̇и. д̇игкад̇д̇ум̣ сийханаад̣̇ам̣ над̣̇ид̇ваа г̇ожарааяа баггамад̇и. яз ко бана д̇з, бхигкавз, д̇иражчаанаг̇ад̇аа баан̣аа сийхасса миг̇аран̃н̃о над̣̇ад̇о сад̣̇д̣̇ам̣ сун̣анд̇и, д̇з язбхуяязна бхаяам̣ сам̣взг̇ам̣ санд̇аасам̣ аабаж̇ж̇анд̇и. б̣илам̣ б̣илаасаяаа бависанд̇и, д̣̇агам̣ д̣̇агаасаяаа 1 бависанд̇и, ванам̣ ванаасаяаа бависанд̇и, аагаасам̣ багкино бхаж̇анд̇и . язби д̇з, бхигкавз, ран̃н̃о нааг̇аа г̇ааманиг̇амарааж̇ад̇хаанийсу д̣̇ал̣хзхи варад̇д̇зхи б̣анд̇ханзхи б̣ад̣̇д̇хаа, д̇зби д̇аани б̣анд̇ханаани сан̃чинд̣̇ид̇ваа самбад̣̇аалзд̇ваа бхийд̇аа муд̇д̇агарийсам̣ жаж̇амаанаа язна ваа д̇зна ваа балааяанд̇и. звам̣ махид̣̇д̇хиго ко, бхигкавз, сийхо миг̇арааж̇аа д̇иражчаанаг̇ад̇аанам̣ баан̣аанам̣, звам̣ махзсагко звам̣ махаанубхааво.

    33. ‘‘Sīho , bhikkhave, migarājā sāyanhasamayaṃ āsayā nikkhamati. Āsayā nikkhamitvā vijambhati. Vijambhitvā samantā catuddisā anuviloketi. Samantā catuddisā anuviloketvā tikkhattuṃ sīhanādaṃ nadati. Tikkhattuṃ sīhanādaṃ naditvā gocarāya pakkamati. Ye kho pana te, bhikkhave, tiracchānagatā pāṇā sīhassa migarañño nadato saddaṃ suṇanti, te yebhuyyena bhayaṃ saṃvegaṃ santāsaṃ āpajjanti. Bilaṃ bilāsayā pavisanti, dakaṃ dakāsayā 2 pavisanti, vanaṃ vanāsayā pavisanti, ākāsaṃ pakkhino bhajanti . Yepi te, bhikkhave, rañño nāgā gāmanigamarājadhānīsu daḷhehi varattehi bandhanehi baddhā, tepi tāni bandhanāni sañchinditvā sampadāletvā bhītā muttakarīsaṃ cajamānā yena vā tena vā palāyanti. Evaṃ mahiddhiko kho, bhikkhave, sīho migarājā tiracchānagatānaṃ pāṇānaṃ, evaṃ mahesakkho evaṃ mahānubhāvo.

    ‘‘звамзвам̣ ко, бхигкавз, яад̣̇аа д̇ат̇ааг̇ад̇о логз уббаж̇ж̇ад̇и арахам̣ саммаасамб̣уд̣̇д̇хо виж̇ж̇аажаран̣асамбанно суг̇ад̇о логавид̣̇уу ануд̇д̇аро бурисад̣̇аммасаарат̇и сад̇т̇аа д̣̇звамануссаанам̣ б̣уд̣̇д̇хо бхаг̇аваа, со д̇хаммам̣ д̣̇зсзд̇и – ‘ид̇и саггааяо, ид̇и саггааяасамуд̣̇аяо, ид̇и саггааяанирод̇хо 3, ид̇и саггааяанирод̇хаг̇ааминий бадибад̣̇аа’д̇и. язби д̇з, бхигкавз, д̣̇зваа д̣̇ийгхааяугаа ван̣н̣аванд̇о сукаб̣ахулаа ужжзсу вимаанзсу жирадтид̇игаа, д̇зби д̇ат̇ааг̇ад̇асса д̇хаммад̣̇зсанам̣ суд̇ваа язбхуяязна бхаяам̣ сам̣взг̇ам̣ санд̇аасам̣ аабаж̇ж̇анд̇и – ‘анижжаа вад̇а гира, бхо, маяам̣ самаанаа нижжамхаад̇и аман̃н̃имха; ад̣̇д̇хуваа вад̇а гира, бхо, маяам̣ самаанаа д̇хувамхаад̇и аман̃н̃имха; асассад̇аа вад̇а гира, бхо, маяам̣ самаанаа сассад̇амхаад̇и аман̃н̃имха. маяам̣ гира, бхо, анижжаа ад̣̇д̇хуваа асассад̇аа саггааяабарияаабаннаа’д̇и. звам̣ махид̣̇д̇хиго ко, бхигкавз, д̇ат̇ааг̇ад̇о сад̣̇звагасса логасса, звам̣ махзсагко звам̣ махаанубхааво’’д̇и.

    ‘‘Evamevaṃ kho, bhikkhave, yadā tathāgato loke uppajjati arahaṃ sammāsambuddho vijjācaraṇasampanno sugato lokavidū anuttaro purisadammasārathi satthā devamanussānaṃ buddho bhagavā, so dhammaṃ deseti – ‘iti sakkāyo, iti sakkāyasamudayo, iti sakkāyanirodho 4, iti sakkāyanirodhagāminī paṭipadā’ti. Yepi te, bhikkhave, devā dīghāyukā vaṇṇavanto sukhabahulā uccesu vimānesu ciraṭṭhitikā, tepi tathāgatassa dhammadesanaṃ sutvā yebhuyyena bhayaṃ saṃvegaṃ santāsaṃ āpajjanti – ‘aniccā vata kira, bho, mayaṃ samānā niccamhāti amaññimha; addhuvā vata kira, bho, mayaṃ samānā dhuvamhāti amaññimha; asassatā vata kira, bho, mayaṃ samānā sassatamhāti amaññimha. Mayaṃ kira, bho, aniccā addhuvā asassatā sakkāyapariyāpannā’ti. Evaṃ mahiddhiko kho, bhikkhave, tathāgato sadevakassa lokassa, evaṃ mahesakkho evaṃ mahānubhāvo’’ti.

    ‘‘яад̣̇аа б̣уд̣̇д̇хо абхин̃н̃ааяа, д̇хаммажаггам̣ бавад̇д̇аяий;

    ‘‘Yadā buddho abhiññāya, dhammacakkaṃ pavattayī;

    сад̣̇звагасса логасса, сад̇т̇аа аббадибуг̇г̇ало.

    Sadevakassa lokassa, satthā appaṭipuggalo.

    ‘‘саггааяан̃жа нирод̇хан̃жа, саггааяасса жа самбхавам̣;

    ‘‘Sakkāyañca nirodhañca, sakkāyassa ca sambhavaṃ;

    арияан̃жадтан̇г̇игам̣ маг̇г̇ам̣, д̣̇угкуубасамаг̇ааминам̣.

    Ariyañcaṭṭhaṅgikaṃ maggaṃ, dukkhūpasamagāminaṃ.

    ‘‘язби д̣̇ийгхааяугаа д̣̇зваа, ван̣н̣аванд̇о яасассино;

    ‘‘Yepi dīghāyukā devā, vaṇṇavanto yasassino;

    бхийд̇аа санд̇аасамаабаад̣̇ум̣, сийхассзви’д̇арзмиг̇аа.

    Bhītā santāsamāpāduṃ, sīhassevi’taremigā.

    ‘‘авийд̇ивад̇д̇аа саггааяам̣, анижжаа гира бхо маяам̣;

    ‘‘Avītivattā sakkāyaṃ, aniccā kira bho mayaṃ;

    суд̇ваа арахад̇о ваагяам̣, виббамуд̇д̇асса д̇аад̣̇ино’’д̇и 5. д̇ад̇ияам̣;

    Sutvā arahato vākyaṃ, vippamuttassa tādino’’ti 6. tatiyaṃ;




    Next: 4. аг̇г̇аббасаад̣̇асуд̇д̇ам̣ • 4. Aggappasādasuttaṃ




    Footnotes:
    1. уд̣̇агам̣ уд̣̇агаасаяаа (га.) сам̣. ни. 3.78; бади. ма. адта. 1.1.37 бассид̇аб̣б̣ам̣
    2. udakaṃ udakāsayā (ka.) saṃ. ni. 3.78; paṭi. ma. aṭṭha. 1.1.37 passitabbaṃ
    3. саггааяасса ад̇т̇ан̇г̇амо (адта., сам̣. ни. 3.78) ‘‘саггааяанирод̇хаг̇ааминий’’д̇и бажчимабад̣̇ам̣ бана бассид̇аб̣б̣ам̣
    4. sakkāyassa atthaṅgamo (aṭṭha., saṃ. ni. 3.78) ‘‘sakkāyanirodhagāminī’’ti pacchimapadaṃ pana passitabbaṃ
    5. сам̣. ни. 3.78
    6. saṃ. ni. 3.78



    Related texts:



    адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 3. сийхасуд̇д̇аван̣н̣анаа • 3. Sīhasuttavaṇṇanā

    дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 3. сийхасуд̇д̇аван̣н̣анаа • 3. Sīhasuttavaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact