| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
2. сийхасуд̇д̇ам̣
2. Sīhasuttaṃ
12. згам̣ самаяам̣ бхаг̇аваа взсаалияам̣ вихарад̇и махааванз гуудааг̇аарасаалааяам̣. д̇зна ко бана самаязна самб̣ахулаа абхин̃н̃аад̇аа абхин̃н̃аад̇аа лижчавий сант̇ааг̇аарз 1 саннисиннаа саннибад̇ид̇аа анзгабарияааязна б̣уд̣̇д̇хасса ван̣н̣ам̣ бхаасанд̇и, д̇хаммасса ван̣н̣ам̣ бхаасанд̇и, сан̇гхасса ван̣н̣ам̣ бхаасанд̇и.
12. Ekaṃ samayaṃ bhagavā vesāliyaṃ viharati mahāvane kūṭāgārasālāyaṃ. Tena kho pana samayena sambahulā abhiññātā abhiññātā licchavī santhāgāre 2 sannisinnā sannipatitā anekapariyāyena buddhassa vaṇṇaṃ bhāsanti, dhammassa vaṇṇaṃ bhāsanti, saṅghassa vaṇṇaṃ bhāsanti.
д̇зна ко бана самаязна сийхо сзнаабад̇и ниг̇ан̣тасааваго д̇ассам̣ барисааяам̣ нисинно ход̇и. ат̇а ко сийхасса сзнаабад̇исса зд̇ад̣̇ахоси – ‘‘ниссам̣саяам̣ ко со бхаг̇аваа арахам̣ саммаасамб̣уд̣̇д̇хо бхависсад̇и, д̇ат̇аа химз самб̣ахулаа абхин̃н̃аад̇аа абхин̃н̃аад̇аа лижчавий сант̇ааг̇аарз саннисиннаа саннибад̇ид̇аа анзгабарияааязна б̣уд̣̇д̇хасса ван̣н̣ам̣ бхаасанд̇и, д̇хаммасса ван̣н̣ам̣ бхаасанд̇и, сан̇гхасса ван̣н̣ам̣ бхаасанд̇и. яам̣нуунаахам̣ д̇ам̣ бхаг̇аванд̇ам̣ д̣̇ассанааяа убасан̇гамзяяам̣ араханд̇ам̣ саммаасамб̣уд̣̇д̇ха’’нд̇и. ат̇а ко сийхо сзнаабад̇и язна ниг̇ан̣то наадабуд̇д̇о 3 д̇знубасан̇гами; убасан̇гамид̇ваа ниг̇ан̣там̣ наадабуд̇д̇ам̣ зд̇ад̣̇авожа – ‘‘ижчаамахам̣, бханд̇з, саман̣ам̣ г̇од̇амам̣ д̣̇ассанааяа убасан̇гамид̇у’’нд̇и.
Tena kho pana samayena sīho senāpati nigaṇṭhasāvako tassaṃ parisāyaṃ nisinno hoti. Atha kho sīhassa senāpatissa etadahosi – ‘‘nissaṃsayaṃ kho so bhagavā arahaṃ sammāsambuddho bhavissati, tathā hime sambahulā abhiññātā abhiññātā licchavī santhāgāre sannisinnā sannipatitā anekapariyāyena buddhassa vaṇṇaṃ bhāsanti, dhammassa vaṇṇaṃ bhāsanti, saṅghassa vaṇṇaṃ bhāsanti. Yaṃnūnāhaṃ taṃ bhagavantaṃ dassanāya upasaṅkameyyaṃ arahantaṃ sammāsambuddha’’nti. Atha kho sīho senāpati yena nigaṇṭho nāṭaputto 4 tenupasaṅkami; upasaṅkamitvā nigaṇṭhaṃ nāṭaputtaṃ etadavoca – ‘‘icchāmahaṃ, bhante, samaṇaṃ gotamaṃ dassanāya upasaṅkamitu’’nti.
‘‘гим̣ бана д̇вам̣, сийха, гирияаваад̣̇о самаано агирияаваад̣̇ам̣ саман̣ам̣ г̇од̇амам̣ д̣̇ассанааяа убасан̇гамиссаси? саман̣о хи, сийха, г̇од̇амо агирияаваад̣̇о, агирияааяа д̇хаммам̣ д̣̇зсзд̇и, д̇зна жа саавагз винзд̇ий’’д̇и. ат̇а ко сийхасса сзнаабад̇исса яо ахоси г̇амияаабхисан̇кааро 5 бхаг̇аванд̇ам̣ д̣̇ассанааяа, со бадиббассамбхи.
‘‘Kiṃ pana tvaṃ, sīha, kiriyavādo samāno akiriyavādaṃ samaṇaṃ gotamaṃ dassanāya upasaṅkamissasi? Samaṇo hi, sīha, gotamo akiriyavādo, akiriyāya dhammaṃ deseti, tena ca sāvake vinetī’’ti. Atha kho sīhassa senāpatissa yo ahosi gamiyābhisaṅkhāro 6 bhagavantaṃ dassanāya, so paṭippassambhi.
д̣̇уд̇ияамби ко самб̣ахулаа абхин̃н̃аад̇аа абхин̃н̃аад̇аа лижчавий сант̇ааг̇аарз саннисиннаа саннибад̇ид̇аа анзгабарияааязна б̣уд̣̇д̇хасса…бз… д̇хаммасса…бз… сан̇гхасса ван̣н̣ам̣ бхаасанд̇и. д̣̇уд̇ияамби ко сийхасса сзнаабад̇исса зд̇ад̣̇ахоси – ‘‘ниссам̣саяам̣ ко со бхаг̇аваа арахам̣ саммаасамб̣уд̣̇д̇хо бхависсад̇и, д̇ат̇аа химз самб̣ахулаа абхин̃н̃аад̇аа абхин̃н̃аад̇аа лижчавий сант̇ааг̇аарз саннисиннаа саннибад̇ид̇аа анзгабарияааязна б̣уд̣̇д̇хасса ван̣н̣ам̣ бхаасанд̇и, д̇хаммасса…бз… сан̇гхасса ван̣н̣ам̣ бхаасанд̇и. яам̣нуунаахам̣ д̇ам̣ бхаг̇аванд̇ам̣ д̣̇ассанааяа убасан̇гамзяяам̣ араханд̇ам̣ саммаасамб̣уд̣̇д̇ха’’нд̇и. ат̇а ко сийхо сзнаабад̇и язна ниг̇ан̣то наадабуд̇д̇о д̇знубасан̇гами; убасан̇гамид̇ваа ниг̇ан̣там̣ наадабуд̇д̇ам̣ зд̇ад̣̇авожа – ‘‘ижчаамахам̣, бханд̇з, саман̣ам̣ г̇од̇амам̣ д̣̇ассанааяа убасан̇гамид̇у’’нд̇и.
Dutiyampi kho sambahulā abhiññātā abhiññātā licchavī santhāgāre sannisinnā sannipatitā anekapariyāyena buddhassa…pe… dhammassa…pe… saṅghassa vaṇṇaṃ bhāsanti. Dutiyampi kho sīhassa senāpatissa etadahosi – ‘‘nissaṃsayaṃ kho so bhagavā arahaṃ sammāsambuddho bhavissati, tathā hime sambahulā abhiññātā abhiññātā licchavī santhāgāre sannisinnā sannipatitā anekapariyāyena buddhassa vaṇṇaṃ bhāsanti, dhammassa…pe… saṅghassa vaṇṇaṃ bhāsanti. Yaṃnūnāhaṃ taṃ bhagavantaṃ dassanāya upasaṅkameyyaṃ arahantaṃ sammāsambuddha’’nti. Atha kho sīho senāpati yena nigaṇṭho nāṭaputto tenupasaṅkami; upasaṅkamitvā nigaṇṭhaṃ nāṭaputtaṃ etadavoca – ‘‘icchāmahaṃ, bhante, samaṇaṃ gotamaṃ dassanāya upasaṅkamitu’’nti.
‘‘гим̣ бана д̇вам̣, сийха, гирияаваад̣̇о самаано агирияаваад̣̇ам̣ саман̣ам̣ г̇од̇амам̣ д̣̇ассанааяа убасан̇гамиссаси? саман̣о хи, сийха, г̇од̇амо агирияаваад̣̇о агирияааяа д̇хаммам̣ д̣̇зсзд̇и, д̇зна жа саавагз винзд̇ий’’д̇и. д̣̇уд̇ияамби ко сийхасса сзнаабад̇исса яо ахоси г̇амияаабхисан̇кааро бхаг̇аванд̇ам̣ д̣̇ассанааяа, со бадиббассамбхи.
‘‘Kiṃ pana tvaṃ, sīha, kiriyavādo samāno akiriyavādaṃ samaṇaṃ gotamaṃ dassanāya upasaṅkamissasi? Samaṇo hi, sīha, gotamo akiriyavādo akiriyāya dhammaṃ deseti, tena ca sāvake vinetī’’ti. Dutiyampi kho sīhassa senāpatissa yo ahosi gamiyābhisaṅkhāro bhagavantaṃ dassanāya, so paṭippassambhi.
д̇ад̇ияамби ко самб̣ахулаа абхин̃н̃аад̇аа абхин̃н̃аад̇аа лижчавий сант̇ааг̇аарз саннисиннаа саннибад̇ид̇аа анзгабарияааязна б̣уд̣̇д̇хасса…бз… д̇хаммасса…бз… сан̇гхасса ван̣н̣ам̣ бхаасанд̇и. д̇ад̇ияамби ко сийхасса сзнаабад̇исса зд̇ад̣̇ахоси – ‘‘ниссам̣саяам̣ ко со бхаг̇аваа арахам̣ саммаасамб̣уд̣̇д̇хо бхависсад̇и, д̇ат̇аа химз самб̣ахулаа абхин̃н̃аад̇аа абхин̃н̃аад̇аа лижчавий сант̇ааг̇аарз саннисиннаа саннибад̇ид̇аа анзгабарияааязна б̣уд̣̇д̇хасса ван̣н̣ам̣ бхаасанд̇и, д̇хаммасса ван̣н̣ам̣ бхаасанд̇и, сан̇гхасса ван̣н̣ам̣ бхаасанд̇и. гим̣ химз гариссанд̇и ниг̇ан̣таа абалогид̇аа ваа анабалогид̇аа ваа? яам̣нуунаахам̣ анабалогзд̇ваава ниг̇ан̣тз 7 д̇ам̣ бхаг̇аванд̇ам̣ д̣̇ассанааяа убасан̇гамзяяам̣ араханд̇ам̣ саммаасамб̣уд̣̇д̇ха’’нд̇и.
Tatiyampi kho sambahulā abhiññātā abhiññātā licchavī santhāgāre sannisinnā sannipatitā anekapariyāyena buddhassa…pe… dhammassa…pe… saṅghassa vaṇṇaṃ bhāsanti. Tatiyampi kho sīhassa senāpatissa etadahosi – ‘‘nissaṃsayaṃ kho so bhagavā arahaṃ sammāsambuddho bhavissati, tathā hime sambahulā abhiññātā abhiññātā licchavī santhāgāre sannisinnā sannipatitā anekapariyāyena buddhassa vaṇṇaṃ bhāsanti, dhammassa vaṇṇaṃ bhāsanti, saṅghassa vaṇṇaṃ bhāsanti. Kiṃ hime karissanti nigaṇṭhā apalokitā vā anapalokitā vā? Yaṃnūnāhaṃ anapaloketvāva nigaṇṭhe 8 taṃ bhagavantaṃ dassanāya upasaṅkameyyaṃ arahantaṃ sammāsambuddha’’nti.
ат̇а ко сийхо сзнаабад̇и бан̃жамад̇д̇зхи рат̇асад̇зхи д̣̇иваад̣̇ивасса взсаалияаа нияяааси бхаг̇аванд̇ам̣ д̣̇ассанааяа. яаавад̇игаа яаанасса бхууми, яаанзна г̇анд̇ваа яаанаа бажжорохид̇ваа бад̇д̇игова аг̇амааси. ат̇а ко сийхо сзнаабад̇и язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко сийхо сзнаабад̇и бхаг̇аванд̇ам̣ зд̇ад̣̇авожа –
Atha kho sīho senāpati pañcamattehi rathasatehi divādivassa vesāliyā niyyāsi bhagavantaṃ dassanāya. Yāvatikā yānassa bhūmi, yānena gantvā yānā paccorohitvā pattikova agamāsi. Atha kho sīho senāpati yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho sīho senāpati bhagavantaṃ etadavoca –
‘‘суд̇ам̣ мзд̇ам̣, бханд̇з – ‘агирияаваад̣̇о саман̣о г̇од̇амо, агирияааяа д̇хаммам̣ д̣̇зсзд̇и, д̇зна жа саавагз винзд̇ий’д̇и. яз д̇з, бханд̇з, звамаахам̣су – ‘агирияаваад̣̇о саман̣о г̇од̇амо, агирияааяа д̇хаммам̣ д̣̇зсзд̇и, д̇зна жа саавагз винзд̇ий’д̇и, гажжи д̇з, бханд̇з, бхаг̇авад̇о вуд̇д̇аваад̣̇ино на жа бхаг̇аванд̇ам̣ абхууд̇зна аб̣бхаажигканд̇и д̇хаммасса жаануд̇хаммам̣ б̣яаагаронд̇и на жа гожи сахад̇хаммиго ваад̣̇аануваад̣̇о 9 г̇аараяхам̣ таанам̣ ааг̇ажчад̇и? анаб̣бхагкаад̇угаамаа хи маяам̣, бханд̇з, бхаг̇аванд̇а’’нд̇и.
‘‘Sutaṃ metaṃ, bhante – ‘akiriyavādo samaṇo gotamo, akiriyāya dhammaṃ deseti, tena ca sāvake vinetī’ti. Ye te, bhante, evamāhaṃsu – ‘akiriyavādo samaṇo gotamo, akiriyāya dhammaṃ deseti, tena ca sāvake vinetī’ti, kacci te, bhante, bhagavato vuttavādino na ca bhagavantaṃ abhūtena abbhācikkhanti dhammassa cānudhammaṃ byākaronti na ca koci sahadhammiko vādānuvādo 10 gārayhaṃ ṭhānaṃ āgacchati? Anabbhakkhātukāmā hi mayaṃ, bhante, bhagavanta’’nti.
‘‘ад̇т̇и, сийха, барияааяо, язна мам̣ барияааязна саммаа вад̣̇амаано вад̣̇зяяа – ‘агирияаваад̣̇о саман̣о г̇од̇амо, агирияааяа д̇хаммам̣ д̣̇зсзд̇и, д̇зна жа саавагз винзд̇ий’’’д̇и .
‘‘Atthi, sīha, pariyāyo, yena maṃ pariyāyena sammā vadamāno vadeyya – ‘akiriyavādo samaṇo gotamo, akiriyāya dhammaṃ deseti, tena ca sāvake vinetī’’’ti .
‘‘ад̇т̇и, сийха, барияааяо, язна мам̣ барияааязна саммаа вад̣̇амаано вад̣̇зяяа – ‘гирияаваад̣̇о саман̣о г̇од̇амо, гирияааяа д̇хаммам̣ д̣̇зсзд̇и, д̇зна жа саавагз винзд̇ий’’’д̇и.
‘‘Atthi, sīha, pariyāyo, yena maṃ pariyāyena sammā vadamāno vadeyya – ‘kiriyavādo samaṇo gotamo, kiriyāya dhammaṃ deseti, tena ca sāvake vinetī’’’ti.
‘‘ад̇т̇и, сийха, барияааяо, язна мам̣ барияааязна саммаа вад̣̇амаано вад̣̇зяяа – ‘ужчзд̣̇аваад̣̇о саман̣о г̇од̇амо, ужчзд̣̇ааяа д̇хаммам̣ д̣̇зсзд̇и, д̇зна жа саавагз винзд̇ий’’’д̇и.
‘‘Atthi, sīha, pariyāyo, yena maṃ pariyāyena sammā vadamāno vadeyya – ‘ucchedavādo samaṇo gotamo, ucchedāya dhammaṃ deseti, tena ca sāvake vinetī’’’ti.
‘‘ад̇т̇и, сийха, барияааяо, язна мам̣ барияааязна саммаа вад̣̇амаано вад̣̇зяяа – ‘ж̇зг̇ужчий саман̣о г̇од̇амо, ж̇зг̇ужчид̇ааяа д̇хаммам̣ д̣̇зсзд̇и, д̇зна жа саавагз винзд̇ий’’’д̇и.
‘‘Atthi, sīha, pariyāyo, yena maṃ pariyāyena sammā vadamāno vadeyya – ‘jegucchī samaṇo gotamo, jegucchitāya dhammaṃ deseti, tena ca sāvake vinetī’’’ti.
‘‘ад̇т̇и , сийха, барияааяо, язна мам̣ барияааязна саммаа вад̣̇амаано вад̣̇зяяа – ‘взнаяиго саман̣о г̇од̇амо, винаяааяа д̇хаммам̣ д̣̇зсзд̇и, д̇зна жа саавагз винзд̇ий’’’д̇и.
‘‘Atthi , sīha, pariyāyo, yena maṃ pariyāyena sammā vadamāno vadeyya – ‘venayiko samaṇo gotamo, vinayāya dhammaṃ deseti, tena ca sāvake vinetī’’’ti.
‘‘ад̇т̇и , сийха, барияааяо, язна мам̣ барияааязна саммаа вад̣̇амаано вад̣̇зяяа – ‘д̇абассий саман̣о г̇од̇амо, д̇абассид̇ааяа д̇хаммам̣ д̣̇зсзд̇и, д̇зна жа саавагз винзд̇ий’’’д̇и.
‘‘Atthi , sīha, pariyāyo, yena maṃ pariyāyena sammā vadamāno vadeyya – ‘tapassī samaṇo gotamo, tapassitāya dhammaṃ deseti, tena ca sāvake vinetī’’’ti.
‘‘ад̇т̇и, сийха, барияааяо, язна мам̣ барияааязна саммаа вад̣̇амаано вад̣̇зяяа – ‘абаг̇аб̣бхо саман̣о г̇од̇амо, абаг̇аб̣бхад̇ааяа д̇хаммам̣ д̣̇зсзд̇и, д̇зна жа саавагз винзд̇ий’’’д̇и.
‘‘Atthi, sīha, pariyāyo, yena maṃ pariyāyena sammā vadamāno vadeyya – ‘apagabbho samaṇo gotamo, apagabbhatāya dhammaṃ deseti, tena ca sāvake vinetī’’’ti.
‘‘ад̇т̇и, сийха, барияааяо, язна мам̣ барияааязна саммаа вад̣̇амаано вад̣̇зяяа – ‘ассаасаго саман̣о г̇од̇амо, ассаасааяа д̇хаммам̣ д̣̇зсзд̇и, д̇зна жа саавагз винзд̇ий’’’д̇и.
‘‘Atthi, sīha, pariyāyo, yena maṃ pariyāyena sammā vadamāno vadeyya – ‘assāsako samaṇo gotamo, assāsāya dhammaṃ deseti, tena ca sāvake vinetī’’’ti.
‘‘гад̇амо жа, сийха, барияааяо, язна мам̣ барияааязна саммаа вад̣̇амаано вад̣̇зяяа – ‘агирияаваад̣̇о саман̣о г̇од̇амо, агирияааяа д̇хаммам̣ д̣̇зсзд̇и, д̇зна жа саавагз винзд̇ий’д̇и? ахан̃хи, сийха, агирияам̣ вад̣̇аами гааяад̣̇ужжарид̇асса важийд̣̇ужжарид̇асса манод̣̇ужжарид̇асса; анзгавихид̇аанам̣ баабагаанам̣ агусалаанам̣ д̇хаммаанам̣ агирияам̣ вад̣̇аами. аяам̣ ко, сийха, барияааяо, язна мам̣ барияааязна саммаа вад̣̇амаано вад̣̇зяяа – ‘агирияаваад̣̇о саман̣о г̇од̇амо, агирияааяа д̇хаммам̣ д̣̇зсзд̇и, д̇зна жа саавагз винзд̇ий’’’д̇и.
‘‘Katamo ca, sīha, pariyāyo, yena maṃ pariyāyena sammā vadamāno vadeyya – ‘akiriyavādo samaṇo gotamo, akiriyāya dhammaṃ deseti, tena ca sāvake vinetī’ti? Ahañhi, sīha, akiriyaṃ vadāmi kāyaduccaritassa vacīduccaritassa manoduccaritassa; anekavihitānaṃ pāpakānaṃ akusalānaṃ dhammānaṃ akiriyaṃ vadāmi. Ayaṃ kho, sīha, pariyāyo, yena maṃ pariyāyena sammā vadamāno vadeyya – ‘akiriyavādo samaṇo gotamo, akiriyāya dhammaṃ deseti, tena ca sāvake vinetī’’’ti.
‘‘гад̇амо жа, сийха, барияааяо, язна мам̣ барияааязна саммаа вад̣̇амаано вад̣̇зяяа – ‘гирияаваад̣̇о саман̣о г̇од̇амо, гирияааяа д̇хаммам̣ д̣̇зсзд̇и, д̇зна жа саавагз винзд̇ий’д̇и? ахан̃хи, сийха, гирияам̣ вад̣̇аами гааяасужарид̇асса важийсужарид̇асса маносужарид̇асса; анзгавихид̇аанам̣ гусалаанам̣ д̇хаммаанам̣ гирияам̣ вад̣̇аами. аяам̣ ко, сийха, барияааяо, язна мам̣ барияааязна саммаа вад̣̇амаано вад̣̇зяяа – ‘гирияаваад̣̇о саман̣о г̇од̇амо, гирияааяа д̇хаммам̣ д̣̇зсзд̇и, д̇зна жа саавагз винзд̇ий’’’д̇и.
‘‘Katamo ca, sīha, pariyāyo, yena maṃ pariyāyena sammā vadamāno vadeyya – ‘kiriyavādo samaṇo gotamo, kiriyāya dhammaṃ deseti, tena ca sāvake vinetī’ti? Ahañhi, sīha, kiriyaṃ vadāmi kāyasucaritassa vacīsucaritassa manosucaritassa; anekavihitānaṃ kusalānaṃ dhammānaṃ kiriyaṃ vadāmi. Ayaṃ kho, sīha, pariyāyo, yena maṃ pariyāyena sammā vadamāno vadeyya – ‘kiriyavādo samaṇo gotamo, kiriyāya dhammaṃ deseti, tena ca sāvake vinetī’’’ti.
‘‘гад̇амо жа, сийха, барияааяо, язна мам̣ барияааязна саммаа вад̣̇амаано вад̣̇зяяа – ‘ужчзд̣̇аваад̣̇о саман̣о г̇од̇амо, ужчзд̣̇ааяа д̇хаммам̣ д̣̇зсзд̇и, д̇зна жа саавагз винзд̇ий’д̇и? ахан̃хи, сийха, ужчзд̣̇ам̣ вад̣̇аами рааг̇асса д̣̇осасса мохасса; анзгавихид̇аанам̣ баабагаанам̣ агусалаанам̣ д̇хаммаанам̣ ужчзд̣̇ам̣ вад̣̇аами. аяам̣ ко, сийха, барияааяо, язна мам̣ барияааязна саммаа вад̣̇амаано вад̣̇зяяа – ‘ужчзд̣̇аваад̣̇о саман̣о г̇од̇амо, ужчзд̣̇ааяа д̇хаммам̣ д̣̇зсзд̇и, д̇зна жа саавагз винзд̇ий’’’д̇и.
‘‘Katamo ca, sīha, pariyāyo, yena maṃ pariyāyena sammā vadamāno vadeyya – ‘ucchedavādo samaṇo gotamo, ucchedāya dhammaṃ deseti, tena ca sāvake vinetī’ti? Ahañhi, sīha, ucchedaṃ vadāmi rāgassa dosassa mohassa; anekavihitānaṃ pāpakānaṃ akusalānaṃ dhammānaṃ ucchedaṃ vadāmi. Ayaṃ kho, sīha, pariyāyo, yena maṃ pariyāyena sammā vadamāno vadeyya – ‘ucchedavādo samaṇo gotamo, ucchedāya dhammaṃ deseti, tena ca sāvake vinetī’’’ti.
‘‘гад̇амо жа, сийха, барияааяо, язна мам̣ барияааязна саммаа вад̣̇амаано вад̣̇зяяа – ‘ж̇зг̇ужчий саман̣о г̇од̇амо, ж̇зг̇ужчид̇ааяа д̇хаммам̣ д̣̇зсзд̇и, д̇зна жа саавагз винзд̇ий’д̇и? ахан̃хи, сийха, ж̇иг̇ужчаами гааяад̣̇ужжарид̇зна важийд̣̇ужжарид̇зна манод̣̇ужжарид̇зна; ж̇иг̇ужчаами анзгавихид̇аанам̣ баабагаанам̣ агусалаанам̣ д̇хаммаанам̣ самаабад̇д̇ияаа. аяам̣ ко, сийха, барияааяо, язна мам̣ барияааязна саммаа вад̣̇амаано вад̣̇зяяа – ‘ж̇зг̇ужчий саман̣о г̇од̇амо, ж̇зг̇ужчид̇ааяа д̇хаммам̣ д̣̇зсзд̇и, д̇зна жа саавагз винзд̇ий’’’д̇и.
‘‘Katamo ca, sīha, pariyāyo, yena maṃ pariyāyena sammā vadamāno vadeyya – ‘jegucchī samaṇo gotamo, jegucchitāya dhammaṃ deseti, tena ca sāvake vinetī’ti? Ahañhi, sīha, jigucchāmi kāyaduccaritena vacīduccaritena manoduccaritena; jigucchāmi anekavihitānaṃ pāpakānaṃ akusalānaṃ dhammānaṃ samāpattiyā. Ayaṃ kho, sīha, pariyāyo, yena maṃ pariyāyena sammā vadamāno vadeyya – ‘jegucchī samaṇo gotamo, jegucchitāya dhammaṃ deseti, tena ca sāvake vinetī’’’ti.
‘‘гад̇амо жа, сийха, барияааяо, язна мам̣ барияааязна саммаа вад̣̇амаано вад̣̇зяяа – ‘взнаяиго саман̣о г̇од̇амо, винаяааяа д̇хаммам̣ д̣̇зсзд̇и, д̇зна жа саавагз винзд̇ий’д̇и? ахан̃хи, сийха, винаяааяа д̇хаммам̣ д̣̇зсзми рааг̇асса д̣̇осасса мохасса; анзгавихид̇аанам̣ баабагаанам̣ агусалаанам̣ д̇хаммаанам̣ винаяааяа д̇хаммам̣ д̣̇зсзми. аяам̣ ко, сийха, барияааяо, язна мам̣ барияааязна саммаа вад̣̇амаано вад̣̇зяяа – ‘взнаяиго саман̣о г̇од̇амо, винаяааяа д̇хаммам̣ д̣̇зсзд̇и, д̇зна жа саавагз винзд̇ий’’’д̇и.
‘‘Katamo ca, sīha, pariyāyo, yena maṃ pariyāyena sammā vadamāno vadeyya – ‘venayiko samaṇo gotamo, vinayāya dhammaṃ deseti, tena ca sāvake vinetī’ti? Ahañhi, sīha, vinayāya dhammaṃ desemi rāgassa dosassa mohassa; anekavihitānaṃ pāpakānaṃ akusalānaṃ dhammānaṃ vinayāya dhammaṃ desemi. Ayaṃ kho, sīha, pariyāyo, yena maṃ pariyāyena sammā vadamāno vadeyya – ‘venayiko samaṇo gotamo, vinayāya dhammaṃ deseti, tena ca sāvake vinetī’’’ti.
‘‘гад̇амо жа, сийха, барияааяо, язна мам̣ барияааязна саммаа вад̣̇амаано вад̣̇зяяа – ‘д̇абассий саман̣о г̇од̇амо, д̇абассид̇ааяа д̇хаммам̣ д̣̇зсзд̇и, д̇зна жа саавагз винзд̇ий’д̇и? д̇абанийяаахам̣, сийха, баабагз агусалз д̇хаммз вад̣̇аами гааяад̣̇ужжарид̇ам̣ важийд̣̇ужжарид̇ам̣ манод̣̇ужжарид̇ам̣. яасса ко, сийха, д̇абанийяаа баабагаа агусалаа д̇хаммаа бахийнаа ужчиннамуулаа д̇аалаавад̇т̇угад̇аа анабхаавам̣гад̇аа ааяад̇им̣ ануббаад̣̇ад̇хаммаа, д̇амахам̣ ‘д̇абассий’д̇и вад̣̇аами. д̇ат̇ааг̇ад̇асса ко, сийха, д̇абанийяаа баабагаа агусалаа д̇хаммаа бахийнаа ужчиннамуулаа д̇аалаавад̇т̇угад̇аа анабхаавам̣гад̇аа ааяад̇им̣ ануббаад̣̇ад̇хаммаа. аяам̣ ко, сийха, барияааяо, язна мам̣ барияааязна саммаа вад̣̇амаано вад̣̇зяяа – ‘д̇абассий саман̣о г̇од̇амо, д̇абассид̇ааяа д̇хаммам̣ д̣̇зсзд̇и, д̇зна жа саавагз винзд̇ий’’’д̇и.
‘‘Katamo ca, sīha, pariyāyo, yena maṃ pariyāyena sammā vadamāno vadeyya – ‘tapassī samaṇo gotamo, tapassitāya dhammaṃ deseti, tena ca sāvake vinetī’ti? Tapanīyāhaṃ, sīha, pāpake akusale dhamme vadāmi kāyaduccaritaṃ vacīduccaritaṃ manoduccaritaṃ. Yassa kho, sīha, tapanīyā pāpakā akusalā dhammā pahīnā ucchinnamūlā tālāvatthukatā anabhāvaṃkatā āyatiṃ anuppādadhammā, tamahaṃ ‘tapassī’ti vadāmi. Tathāgatassa kho, sīha, tapanīyā pāpakā akusalā dhammā pahīnā ucchinnamūlā tālāvatthukatā anabhāvaṃkatā āyatiṃ anuppādadhammā. Ayaṃ kho, sīha, pariyāyo, yena maṃ pariyāyena sammā vadamāno vadeyya – ‘tapassī samaṇo gotamo, tapassitāya dhammaṃ deseti, tena ca sāvake vinetī’’’ti.
‘‘гад̇амо жа, сийха, барияааяо, язна мам̣ барияааязна саммаа вад̣̇амаано вад̣̇зяяа – ‘абаг̇аб̣бхо саман̣о г̇од̇амо, абаг̇аб̣бхад̇ааяа д̇хаммам̣ д̣̇зсзд̇и, д̇зна жа саавагз винзд̇ий’д̇и? яасса ко , сийха, ааяад̇им̣ г̇аб̣бхасзяяаа бунаб̣бхаваабхиниб̣б̣ад̇д̇и бахийнаа ужчиннамуулаа д̇аалаавад̇т̇угад̇аа анабхаавам̣гад̇аа ааяад̇им̣ ануббаад̣̇ад̇хаммаа, д̇амахам̣ ‘абаг̇аб̣бхо’д̇и вад̣̇аами. д̇ат̇ааг̇ад̇асса ко, сийха, ааяад̇им̣ г̇аб̣бхасзяяаа бунаб̣бхаваабхиниб̣б̣ад̇д̇и бахийнаа ужчиннамуулаа д̇аалаавад̇т̇угад̇аа анабхаавам̣гад̇аа ааяад̇им̣ ануббаад̣̇ад̇хаммаа. аяам̣ ко, сийха, барияааяо, язна мам̣ барияааязна саммаа вад̣̇амаано вад̣̇зяяа – ‘абаг̇аб̣бхо саман̣о г̇од̇амо, абаг̇аб̣бхад̇ааяа д̇хаммам̣ д̣̇зсзд̇и, д̇зна жа саавагз винзд̇ий’’’д̇и.
‘‘Katamo ca, sīha, pariyāyo, yena maṃ pariyāyena sammā vadamāno vadeyya – ‘apagabbho samaṇo gotamo, apagabbhatāya dhammaṃ deseti, tena ca sāvake vinetī’ti? Yassa kho , sīha, āyatiṃ gabbhaseyyā punabbhavābhinibbatti pahīnā ucchinnamūlā tālāvatthukatā anabhāvaṃkatā āyatiṃ anuppādadhammā, tamahaṃ ‘apagabbho’ti vadāmi. Tathāgatassa kho, sīha, āyatiṃ gabbhaseyyā punabbhavābhinibbatti pahīnā ucchinnamūlā tālāvatthukatā anabhāvaṃkatā āyatiṃ anuppādadhammā. Ayaṃ kho, sīha, pariyāyo, yena maṃ pariyāyena sammā vadamāno vadeyya – ‘apagabbho samaṇo gotamo, apagabbhatāya dhammaṃ deseti, tena ca sāvake vinetī’’’ti.
‘‘гад̇амо жа, сийха, барияааяо, язна мам̣ барияааязна саммаа вад̣̇амаано вад̣̇зяяа – ‘ассаасаго саман̣о г̇од̇амо, ассаасааяа д̇хаммам̣ д̣̇зсзд̇и, д̇зна жа саавагз винзд̇ий’д̇и? ахан̃хи, сийха, ассаасаго барамзна ассаасзна, ассаасааяа д̇хаммам̣ д̣̇зсзми, д̇зна жа саавагз винзми. аяам̣ ко, сийха, барияааяо, язна мам̣ барияааязна саммаа вад̣̇амаано вад̣̇зяяа – ‘ассаасаго саман̣о г̇од̇амо, ассаасааяа д̇хаммам̣ д̣̇зсзд̇и, д̇зна жа саавагз винзд̇ий’’’д̇и.
‘‘Katamo ca, sīha, pariyāyo, yena maṃ pariyāyena sammā vadamāno vadeyya – ‘assāsako samaṇo gotamo, assāsāya dhammaṃ deseti, tena ca sāvake vinetī’ti? Ahañhi, sīha, assāsako paramena assāsena, assāsāya dhammaṃ desemi, tena ca sāvake vinemi. Ayaṃ kho, sīha, pariyāyo, yena maṃ pariyāyena sammā vadamāno vadeyya – ‘assāsako samaṇo gotamo, assāsāya dhammaṃ deseti, tena ca sāvake vinetī’’’ti.
звам̣ вуд̇д̇з сийхо сзнаабад̇и бхаг̇аванд̇ам̣ зд̇ад̣̇авожа – ‘‘абхигганд̇ам̣, бханд̇з, абхигганд̇ам̣, бханд̇з…бз… убаасагам̣ мам̣, бханд̇з, бхаг̇аваа д̇хаарзд̇у аж̇ж̇ад̇аг̇г̇з баан̣убзд̇ам̣ саран̣ам̣ г̇ад̇а’’нд̇и.
Evaṃ vutte sīho senāpati bhagavantaṃ etadavoca – ‘‘abhikkantaṃ, bhante, abhikkantaṃ, bhante…pe… upāsakaṃ maṃ, bhante, bhagavā dhāretu ajjatagge pāṇupetaṃ saraṇaṃ gata’’nti.
‘‘анувижжагаарам̣ ко, сийха, гарохи. анувижжагааро д̇умхаад̣̇исаанам̣ н̃аад̇амануссаанам̣ саад̇ху ход̇ий’’д̇и. ‘‘иминаабаахам̣, бханд̇з, бхаг̇авад̇о бхияяосомад̇д̇ааяа ад̇д̇амано абхирад̣̇д̇хо, яам̣ мам̣ бхаг̇аваа звамааха – ‘анувижжагаарам̣ ко, сийха, гарохи. анувижжагааро д̇умхаад̣̇исаанам̣ н̃аад̇амануссаанам̣ саад̇ху ход̇ий’д̇и. ман̃хи, бханд̇з, ан̃н̃ад̇ид̇т̇ияаа саавагам̣ лабхид̇ваа гзвалагаббам̣ взсаалим̣ бадаагам̣ барихарзяяум̣ – ‘сийхо амхаагам̣ сзнаабад̇и саавагад̇д̇ам̣ убаг̇ад̇о’д̇и. ат̇а жа бана бхаг̇аваа звамааха – ‘анувижжагаарам̣, сийха, гарохи. анувижжагааро д̇умхаад̣̇исаанам̣ н̃аад̇амануссаанам̣ саад̇ху ход̇ий’д̇и. зсаахам̣, бханд̇з, д̣̇уд̇ияамби бхаг̇аванд̇ам̣ саран̣ам̣ г̇ажчаами д̇хамман̃жа бхигкусан̇гхан̃жа. убаасагам̣ мам̣ бхаг̇аваа д̇хаарзд̇у аж̇ж̇ад̇аг̇г̇з баан̣убзд̇ам̣ саран̣ам̣ г̇ад̇а’’нд̇и.
‘‘Anuviccakāraṃ kho, sīha, karohi. Anuviccakāro tumhādisānaṃ ñātamanussānaṃ sādhu hotī’’ti. ‘‘Imināpāhaṃ, bhante, bhagavato bhiyyosomattāya attamano abhiraddho, yaṃ maṃ bhagavā evamāha – ‘anuviccakāraṃ kho, sīha, karohi. Anuviccakāro tumhādisānaṃ ñātamanussānaṃ sādhu hotī’ti. Mañhi, bhante, aññatitthiyā sāvakaṃ labhitvā kevalakappaṃ vesāliṃ paṭākaṃ parihareyyuṃ – ‘sīho amhākaṃ senāpati sāvakattaṃ upagato’ti. Atha ca pana bhagavā evamāha – ‘anuviccakāraṃ, sīha, karohi. Anuviccakāro tumhādisānaṃ ñātamanussānaṃ sādhu hotī’ti. Esāhaṃ, bhante, dutiyampi bhagavantaṃ saraṇaṃ gacchāmi dhammañca bhikkhusaṅghañca. Upāsakaṃ maṃ bhagavā dhāretu ajjatagge pāṇupetaṃ saraṇaṃ gata’’nti.
‘‘д̣̇ийгхарад̇д̇ам̣ ко д̇з, сийха, ниг̇ан̣таанам̣ обаанабхууд̇ам̣ гулам̣, язна нзсам̣ убаг̇ад̇аанам̣ бин̣д̣агам̣ д̣̇аад̇аб̣б̣ам̣ ман̃н̃зяяаасий’’д̇и. ‘‘иминаабаахам̣, бханд̇з, бхаг̇авад̇о бхияяосомад̇д̇ааяа ад̇д̇амано абхирад̣̇д̇хо, яам̣ мам̣ бхаг̇аваа звамааха – ‘д̣̇ийгхарад̇д̇ам̣ ко д̇з, сийха, ниг̇ан̣таанам̣ обаанабхууд̇ам̣ гулам̣, язна нзсам̣ убаг̇ад̇аанам̣ бин̣д̣агам̣ д̣̇аад̇аб̣б̣ам̣ ман̃н̃зяяаасий’д̇и. суд̇ам̣ мзд̇ам̣, бханд̇з – ‘саман̣о г̇од̇амо звамааха – маяхамзва д̣̇аанам̣ д̣̇аад̇аб̣б̣ам̣, маяхамзва саавагаанам̣ д̣̇аад̇аб̣б̣ам̣; маяхамзва д̣̇иннам̣ махабпалам̣, на ан̃н̃зсам̣ д̣̇иннам̣ махабпалам̣; маяхамзва саавагаанам̣ д̣̇иннам̣ махабпалам̣, на ан̃н̃зсам̣ саавагаанам̣ д̣̇иннам̣ махабпала’нд̇и, ат̇а жа бана мам̣ бхаг̇аваа ниг̇ан̣тзсуби д̣̇аанз самаад̣̇абзд̇и 11. аби жа, бханд̇з, маяамзд̇т̇а гаалам̣ ж̇ааниссаама. зсаахам̣, бханд̇з, д̇ад̇ияамби бхаг̇аванд̇ам̣ саран̣ам̣ г̇ажчаами д̇хамман̃жа бхигкусан̇гхан̃жа. убаасагам̣ мам̣, бханд̇з, бхаг̇аваа д̇хаарзд̇у аж̇ж̇ад̇аг̇г̇з баан̣убзд̇ам̣ саран̣ам̣ г̇ад̇а’’нд̇и.
‘‘Dīgharattaṃ kho te, sīha, nigaṇṭhānaṃ opānabhūtaṃ kulaṃ, yena nesaṃ upagatānaṃ piṇḍakaṃ dātabbaṃ maññeyyāsī’’ti. ‘‘Imināpāhaṃ, bhante, bhagavato bhiyyosomattāya attamano abhiraddho, yaṃ maṃ bhagavā evamāha – ‘dīgharattaṃ kho te, sīha, nigaṇṭhānaṃ opānabhūtaṃ kulaṃ, yena nesaṃ upagatānaṃ piṇḍakaṃ dātabbaṃ maññeyyāsī’ti. Sutaṃ metaṃ, bhante – ‘samaṇo gotamo evamāha – mayhameva dānaṃ dātabbaṃ, mayhameva sāvakānaṃ dātabbaṃ; mayhameva dinnaṃ mahapphalaṃ, na aññesaṃ dinnaṃ mahapphalaṃ; mayhameva sāvakānaṃ dinnaṃ mahapphalaṃ, na aññesaṃ sāvakānaṃ dinnaṃ mahapphala’nti, atha ca pana maṃ bhagavā nigaṇṭhesupi dāne samādapeti 12. Api ca, bhante, mayamettha kālaṃ jānissāma. Esāhaṃ, bhante, tatiyampi bhagavantaṃ saraṇaṃ gacchāmi dhammañca bhikkhusaṅghañca. Upāsakaṃ maṃ, bhante, bhagavā dhāretu ajjatagge pāṇupetaṃ saraṇaṃ gata’’nti.
ат̇а ко бхаг̇аваа сийхасса сзнаабад̇исса анубуб̣б̣им̣ гат̇ам̣ 13 гат̇зси, сзяяат̇ид̣̇ам̣ – д̣̇аанагат̇ам̣ сийлагат̇ам̣ саг̇г̇агат̇ам̣, гаамаанам̣ аад̣̇ийнавам̣ огаарам̣ сам̣гилзсам̣ нзгкаммз аанисам̣сам̣ багаасзси. яад̣̇аа бхаг̇аваа ан̃н̃ааси сийхам̣ сзнаабад̇им̣ галлажид̇д̇ам̣ муд̣̇ужид̇д̇ам̣ винийваран̣ажид̇д̇ам̣ уд̣̇аг̇г̇ажид̇д̇ам̣ басаннажид̇д̇ам̣, ат̇а яаа б̣уд̣̇д̇хаанам̣ саамуггам̣сигаа д̇хаммад̣̇зсанаа д̇ам̣ багаасзси – д̣̇угкам̣ самуд̣̇аяам̣ нирод̇хам̣ маг̇г̇ам̣. сзяяат̇ааби наама суд̣̇д̇хам̣ вад̇т̇ам̣ абаг̇ад̇агаал̣агам̣ саммад̣̇зва раж̇анам̣ бадиг̇г̇ан̣хзяяа; звамзвам̣ сийхасса сзнаабад̇исса д̇асмим̣язва аасанз вираж̇ам̣ вийд̇амалам̣ д̇хаммажагкум̣ уд̣̇абаад̣̇и – ‘‘яам̣ гин̃жи самуд̣̇аяад̇хаммам̣, саб̣б̣ам̣ д̇ам̣ нирод̇хад̇хамма’’нд̇и.
Atha kho bhagavā sīhassa senāpatissa anupubbiṃ kathaṃ 14 kathesi, seyyathidaṃ – dānakathaṃ sīlakathaṃ saggakathaṃ, kāmānaṃ ādīnavaṃ okāraṃ saṃkilesaṃ nekkhamme ānisaṃsaṃ pakāsesi. Yadā bhagavā aññāsi sīhaṃ senāpatiṃ kallacittaṃ muducittaṃ vinīvaraṇacittaṃ udaggacittaṃ pasannacittaṃ, atha yā buddhānaṃ sāmukkaṃsikā dhammadesanā taṃ pakāsesi – dukkhaṃ samudayaṃ nirodhaṃ maggaṃ. Seyyathāpi nāma suddhaṃ vatthaṃ apagatakāḷakaṃ sammadeva rajanaṃ paṭiggaṇheyya; evamevaṃ sīhassa senāpatissa tasmiṃyeva āsane virajaṃ vītamalaṃ dhammacakkhuṃ udapādi – ‘‘yaṃ kiñci samudayadhammaṃ, sabbaṃ taṃ nirodhadhamma’’nti.
ат̇а ко сийхо сзнаабад̇и д̣̇идтад̇хаммо бад̇д̇ад̇хаммо вид̣̇ид̇ад̇хаммо барияог̇аал̣хад̇хаммо д̇ин̣н̣авижигижчо виг̇ад̇агат̇ам̣гат̇о взсаараж̇ж̇аббад̇д̇о абараббажжаяо сад̇т̇усаасанз бхаг̇аванд̇ам̣ зд̇ад̣̇авожа – ‘‘ад̇хиваасзд̇у мз, бханд̇з, бхаг̇аваа сваад̇анааяа бхад̇д̇ам̣ сад̣̇д̇хим̣ бхигкусан̇гхзнаа’’д̇и. ад̇хиваасзси бхаг̇аваа д̇ун̣хийбхаавзна.
Atha kho sīho senāpati diṭṭhadhammo pattadhammo viditadhammo pariyogāḷhadhammo tiṇṇavicikiccho vigatakathaṃkatho vesārajjappatto aparappaccayo satthusāsane bhagavantaṃ etadavoca – ‘‘adhivāsetu me, bhante, bhagavā svātanāya bhattaṃ saddhiṃ bhikkhusaṅghenā’’ti. Adhivāsesi bhagavā tuṇhībhāvena.
ат̇а ко сийхо сзнаабад̇и бхаг̇авад̇о ад̇хиваасанам̣ вид̣̇ид̇ваа удтааяаасанаа бхаг̇аванд̇ам̣ абхиваад̣̇зд̇ваа бад̣̇агкин̣ам̣ гад̇ваа баггаами. ат̇а ко сийхо сзнаабад̇и ан̃н̃ад̇арам̣ бурисам̣ ааманд̇зси – ‘‘г̇ажча д̇вам̣, амбхо буриса , бавад̇д̇амам̣сам̣ ж̇аанаахий’’д̇и. ат̇а ко сийхо сзнаабад̇и д̇ассаа рад̇д̇ияаа ажжаязна сагз нивзсанз бан̣ийд̇ам̣ каад̣̇анийяам̣ бхож̇анийяам̣ бадияаад̣̇аабзд̇ваа бхаг̇авад̇о гаалам̣ аарожаабзси – ‘‘гаало, бханд̇з! нидтид̇ам̣ бхад̇д̇а’’нд̇и.
Atha kho sīho senāpati bhagavato adhivāsanaṃ viditvā uṭṭhāyāsanā bhagavantaṃ abhivādetvā padakkhiṇaṃ katvā pakkāmi. Atha kho sīho senāpati aññataraṃ purisaṃ āmantesi – ‘‘gaccha tvaṃ, ambho purisa , pavattamaṃsaṃ jānāhī’’ti. Atha kho sīho senāpati tassā rattiyā accayena sake nivesane paṇītaṃ khādanīyaṃ bhojanīyaṃ paṭiyādāpetvā bhagavato kālaṃ ārocāpesi – ‘‘kālo, bhante! Niṭṭhitaṃ bhatta’’nti.
ат̇а ко бхаг̇аваа буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа язна сийхасса сзнаабад̇исса нивзсанам̣ д̇знубасан̇гами; убасан̇гамид̇ваа бан̃н̃ад̇д̇з аасанз нисийд̣̇и сад̣̇д̇хим̣ бхигкусан̇гхзна. д̇зна ко бана самаязна самб̣ахулаа ниг̇ан̣таа взсаалияам̣ рат̇игааяа рат̇игам̣ 15 син̇гхаадагзна син̇гхаадагам̣ б̣аахаа баг̇г̇аяха ганд̣̇анд̇и – ‘‘аж̇ж̇а сийхзна сзнаабад̇инаа т̇уулам̣ басум̣ вад̇хид̇ваа саман̣асса г̇од̇амасса бхад̇д̇ам̣ гад̇ам̣. д̇ам̣ саман̣о г̇од̇амо ж̇аанам̣ уд̣̇д̣̇иссагад̇ам̣ мам̣сам̣ барибхун̃ж̇ад̇и бадижжагамма’’нд̇и.
Atha kho bhagavā pubbaṇhasamayaṃ nivāsetvā pattacīvaramādāya yena sīhassa senāpatissa nivesanaṃ tenupasaṅkami; upasaṅkamitvā paññatte āsane nisīdi saddhiṃ bhikkhusaṅghena. Tena kho pana samayena sambahulā nigaṇṭhā vesāliyaṃ rathikāya rathikaṃ 16 siṅghāṭakena siṅghāṭakaṃ bāhā paggayha kandanti – ‘‘ajja sīhena senāpatinā thūlaṃ pasuṃ vadhitvā samaṇassa gotamassa bhattaṃ kataṃ. Taṃ samaṇo gotamo jānaṃ uddissakataṃ maṃsaṃ paribhuñjati paṭiccakamma’’nti.
ат̇а ко ан̃н̃ад̇аро бурисо язна сийхо сзнаабад̇и д̇знубасан̇гами; убасан̇гамид̇ваа сийхасса сзнаабад̇исса убаган̣н̣агз аарожзси – ‘‘яаг̇гхз, бханд̇з, ж̇аанзяяааси! зд̇з самб̣ахулаа ниг̇ан̣таа взсаалияам̣ рат̇игааяа рат̇игам̣ син̇гхаадагзна син̇гхаадагам̣ б̣аахаа баг̇г̇аяха ганд̣̇анд̇и – ‘аж̇ж̇а сийхзна сзнаабад̇инаа т̇уулам̣ басум̣ вад̇хид̇ваа саман̣асса г̇од̇амасса бхад̇д̇ам̣ гад̇ам̣. д̇ам̣ саман̣о г̇од̇амо ж̇аанам̣ уд̣̇д̣̇иссагад̇ам̣ мам̣сам̣ барибхун̃ж̇ад̇и бадижжагамма’нд̇и. алам̣ аяяо д̣̇ийгхарад̇д̇ан̃хи д̇з ааяасманд̇о аван̣н̣агаамаа б̣уд̣̇д̇хасса аван̣н̣агаамаа д̇хаммасса аван̣н̣агаамаа сан̇гхасса. на жа банзд̇з ааяасманд̇о ж̇ирид̣̇анд̇и д̇ам̣ бхаг̇аванд̇ам̣ асад̇аа д̇ужчаа мусаа абхууд̇зна аб̣бхаажигкид̇ум̣; на жа маяам̣ ж̇ийвид̇ахзд̇уби сан̃жижжа баан̣ам̣ ж̇ийвид̇аа воробзяяаамаа’’д̇и.
Atha kho aññataro puriso yena sīho senāpati tenupasaṅkami; upasaṅkamitvā sīhassa senāpatissa upakaṇṇake ārocesi – ‘‘yagghe, bhante, jāneyyāsi! Ete sambahulā nigaṇṭhā vesāliyaṃ rathikāya rathikaṃ siṅghāṭakena siṅghāṭakaṃ bāhā paggayha kandanti – ‘ajja sīhena senāpatinā thūlaṃ pasuṃ vadhitvā samaṇassa gotamassa bhattaṃ kataṃ. Taṃ samaṇo gotamo jānaṃ uddissakataṃ maṃsaṃ paribhuñjati paṭiccakamma’nti. Alaṃ ayyo dīgharattañhi te āyasmanto avaṇṇakāmā buddhassa avaṇṇakāmā dhammassa avaṇṇakāmā saṅghassa. Na ca panete āyasmanto jiridanti taṃ bhagavantaṃ asatā tucchā musā abhūtena abbhācikkhituṃ; na ca mayaṃ jīvitahetupi sañcicca pāṇaṃ jīvitā voropeyyāmā’’ti.
ат̇а ко сийхо сзнаабад̇и б̣уд̣̇д̇хаббамукам̣ бхигкусан̇гхам̣ бан̣ийд̇зна каад̣̇анийязна бхож̇анийязна сахад̇т̇аа санд̇аббзси самбаваарзси. ат̇а ко сийхо сзнаабад̇и бхаг̇аванд̇ам̣ бхуд̇д̇аавим̣ онийд̇абад̇д̇абаан̣им̣ згаманд̇ам̣ нисийд̣̇и. згаманд̇ам̣ нисиннам̣ ко сийхам̣ сзнаабад̇им̣ бхаг̇аваа д̇хаммияаа гат̇ааяа санд̣̇ассзд̇ваа самаад̣̇абзд̇ваа самуд̇д̇зж̇зд̇ваа самбахам̣сзд̇ваа удтааяаасанаа баггаамийд̇и. д̣̇уд̇ияам̣.
Atha kho sīho senāpati buddhappamukhaṃ bhikkhusaṅghaṃ paṇītena khādanīyena bhojanīyena sahatthā santappesi sampavāresi. Atha kho sīho senāpati bhagavantaṃ bhuttāviṃ onītapattapāṇiṃ ekamantaṃ nisīdi. Ekamantaṃ nisinnaṃ kho sīhaṃ senāpatiṃ bhagavā dhammiyā kathāya sandassetvā samādapetvā samuttejetvā sampahaṃsetvā uṭṭhāyāsanā pakkāmīti. Dutiyaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 2. сийхасуд̇д̇аван̣н̣анаа • 2. Sīhasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 2. сийхасуд̇д̇аван̣н̣анаа • 2. Sīhasuttavaṇṇanā
