| Library / Tipiṭaka / తిపిటక • Tipiṭaka / అఙ్గుత్తరనికాయ (అట్ఠకథా) • Aṅguttaranikāya (aṭṭhakathā) |
౯. సీహసుత్తవణ్ణనా
9. Sīhasuttavaṇṇanā
౯౯. నవమే సక్కచ్చఞ్ఞేవ దేతి నో అసక్కచ్చన్తి అనవఞ్ఞాయ అవిరజ్ఝిత్వావ దేతి, నో అవఞ్ఞాయ విరజ్ఝిత్వా. మా మే యోగ్గపథో నస్సాతి మయా కతయోగ్గపథో మయ్హం మా నస్సతు, ‘‘ఏకో సీహో ఉట్ఠాయ బిళారం పహరన్తో విరజ్ఝిత్వా పహరీ’’తి ఏవం వత్తారో మా హోన్తూతి అత్థో. అన్నభారనేసాదానన్తి ఏత్థ అన్నం వుచ్చతి యవభత్తం, తం భారో ఏతేసన్తి అన్నభారా. యాచకానం ఏతం నామం. నేసాదా వుచ్చన్తి సాకుణికా. ఇతి సబ్బపచ్ఛిమాయ కోటియా ఏతేసం యాచకనేసాదానమ్పి సక్కచ్చమేవ దేసేతి.
99. Navame sakkaccaññeva deti no asakkaccanti anavaññāya avirajjhitvāva deti, no avaññāya virajjhitvā. Mā me yoggapatho nassāti mayā katayoggapatho mayhaṃ mā nassatu, ‘‘eko sīho uṭṭhāya biḷāraṃ paharanto virajjhitvā paharī’’ti evaṃ vattāro mā hontūti attho. Annabhāranesādānanti ettha annaṃ vuccati yavabhattaṃ, taṃ bhāro etesanti annabhārā. Yācakānaṃ etaṃ nāmaṃ. Nesādā vuccanti sākuṇikā. Iti sabbapacchimāya koṭiyā etesaṃ yācakanesādānampi sakkaccameva deseti.
Related texts:
తిపిటక (మూల) • Tipiṭaka (Mūla) / సుత్తపిటక • Suttapiṭaka / అఙ్గుత్తరనికాయ • Aṅguttaranikāya / ౯. సీహసుత్తం • 9. Sīhasuttaṃ
టీకా • Tīkā / సుత్తపిటక (టీకా) • Suttapiṭaka (ṭīkā) / అఙ్గుత్తరనికాయ (టీకా) • Aṅguttaranikāya (ṭīkā) / ౧-౧౦. పఠమసమ్పదాసుత్తాదివణ్ణనా • 1-10. Paṭhamasampadāsuttādivaṇṇanā
