| Library / Tipiṭaka / д̇ибидага • Tipiṭaka / винаяавинижчаяа-дийгаа • Vinayavinicchaya-ṭīkā |
сигкаагаран̣ийяагат̇ааван̣н̣анаа
Sikkhākaraṇīyakathāvaṇṇanā
2438. баадид̣̇зсанийяаананд̇арам̣ уд̣̇д̣̇идтаани бан̃жасад̇д̇ад̇и сзкияаани махаавибхан̇г̇з вуд̇д̇авинижчаяаанзваад̇и д̇ад̣̇зва ад̇ид̣̇исанд̇о ааха ‘‘сзкияаа бана яз д̇хаммаа’’д̇иаад̣̇и. яз бана бан̃жасад̇д̇ад̇и сзкияаа д̇хаммаа баадид̣̇зсанийяаананд̇арам̣ уд̣̇д̣̇идтаа, д̇зсам̣ ад̇т̇авинижчаяо махаавибхан̇г̇з вуд̇д̇оваад̇и яож̇анаа, ад̇т̇игзхи д̇ад̇ова г̇ахзд̇аб̣б̣о, на буна ид̇ха д̣̇ассзссаамийд̇и ад̇хиббааяо.
2438. Pāṭidesanīyānantaraṃ uddiṭṭhāni pañcasattati sekhiyāni mahāvibhaṅge vuttavinicchayānevāti tadeva atidisanto āha ‘‘sekhiyā pana ye dhammā’’tiādi. Ye pana pañcasattati sekhiyā dhammā pāṭidesanīyānantaraṃ uddiṭṭhā, tesaṃ atthavinicchayo mahāvibhaṅge vuttovāti yojanā, atthikehi tatova gahetabbo, na puna idha dassessāmīti adhippāyo.
ид̇и винаяад̇т̇асаарасанд̣̇ийбанияаа винаяавинижчаяаван̣н̣анааяа
Iti vinayatthasārasandīpaniyā vinayavinicchayavaṇṇanāya
сигкаагаран̣ийяагат̇ааван̣н̣анаа нидтид̇аа.
Sikkhākaraṇīyakathāvaṇṇanā niṭṭhitā.
2439-40. савибхан̇г̇аанам̣ убхад̇овибхан̇г̇асахид̇аанам̣ убхад̇обаад̇имогкаанам̣ бхигкуунам̣, бхигкунийнан̃жа баад̇имогкаанам̣ адтагат̇аасааро саб̣б̣адтагат̇аанам̣ саарабхууд̇о яо со ад̇т̇о висзсад̇о саманд̇абаасаад̣̇игааяам̣ вуд̇д̇о. д̇ам̣ саб̣б̣ам̣ саарабхууд̇ам̣ ад̇т̇ам̣ самаад̣̇ааяа яо винаяассавинижчаяо бхигкуунам̣, бхигкунийнан̃жа хид̇ад̇т̇ааяа маяаа гад̇о виражид̇од̇и самб̣анд̇хо.
2439-40.Savibhaṅgānaṃ ubhatovibhaṅgasahitānaṃ ubhatopātimokkhānaṃ bhikkhūnaṃ, bhikkhunīnañca pātimokkhānaṃ aṭṭhakathāsāro sabbaṭṭhakathānaṃ sārabhūto yo so attho visesato samantapāsādikāyaṃ vutto. Taṃ sabbaṃ sārabhūtaṃ atthaṃ samādāya yo vinayassavinicchayo bhikkhūnaṃ, bhikkhunīnañca hitatthāya mayā kato viracitoti sambandho.
2441. но амхаагам̣ бадибхаан̣аж̇ам̣ бадибхаан̣ад̇о ж̇аад̇ам̣ имам̣ д̇у имам̣ винаяавинижчаяам̣ бана яз ж̇анд̇уно сад̇д̇аа сун̣анд̇и , д̇з ж̇анд̇уно ж̇анасса сад̇д̇алогасса хид̇з ад̇хисийласигкаабагаасагад̇д̇аа убагаарагз сумад̇асса собхан̣анд̇и б̣уд̣̇д̇хаад̣̇ийхи мад̇асса, собхан̣зхи ваа б̣уд̣̇д̇хаад̣̇ийхи мад̇асса бадивид̣̇д̇хасса амад̇амахааниб̣б̣аанасса аяанз ан̃ж̇асабхууд̇з ж̇анасса д̇ааяанз гааяигаваажасигавийд̇иггамабадибагкад̇д̇аа абааяабхаяанивааран̣адтзна д̇аан̣абхууд̇з винаяз винаяабидагз багад̇ан̃н̃уно яат̇аасабхаавам̣ ж̇аананд̇аа д̇ан̃н̃уно бхаванд̇и д̇ам̣ д̇ам̣ габбияаагаббияам̣ сзвид̇аб̣б̣аасзвид̇аб̣б̣ам̣ ж̇аананд̇аа бхаванд̇зваад̇и ад̇т̇о.
2441.No amhākaṃ paṭibhāṇajaṃ paṭibhāṇato jātaṃ imaṃ tu imaṃ vinayavinicchayaṃ pana ye jantuno sattā suṇanti , te jantuno janassa sattalokassa hite adhisīlasikkhāpakāsakattā upakārake sumatassa sobhaṇanti buddhādīhi matassa, sobhaṇehi vā buddhādīhi matassa paṭividdhassa amatamahānibbānassa ayane añjasabhūte janassa tāyane kāyikavācasikavītikkamapaṭipakkhattā apāyabhayanivāraṇaṭṭhena tāṇabhūte vinaye vinayapiṭake pakataññuno yathāsabhāvaṃ jānantā taññuno bhavanti taṃ taṃ kappiyākappiyaṃ sevitabbāsevitabbaṃ jānantā bhavantevāti attho.
2442. б̣ахаво саарабхууд̇аа наяаа зд̇т̇аад̇и б̣ахусааранаяо, д̇асмим̣ б̣ахусааранаяз. барамз уд̇д̇амз винаяз винаяабидагз висаарад̣̇ад̇ам̣ взсаараж̇ж̇ам̣ асам̣хийран̃аан̣ам̣ абхибад̇т̇аяад̇аа висзсад̇о ижчанд̇зна б̣уд̣̇д̇химад̇аа н̃аан̣аад̇исаяаманд̇зна яад̇инаа саб̣б̣агаалам̣ д̇ивид̇хасигкаабарибууран̣з асит̇илабавад̇д̇асаммаавааяаамзна бхигкунаа имасмим̣ винаяавинижчаяз барамаа уд̇д̇арид̇араа махад̇ий аад̣̇арад̇аа гаран̣ийяад̇амаа висзсзна гаад̇аб̣б̣ааязваад̇и ад̇т̇о.
2442. Bahavo sārabhūtā nayā etthāti bahusāranayo, tasmiṃ bahusāranaye. Parame uttame vinaye vinayapiṭake visāradataṃ vesārajjaṃ asaṃhīrañāṇaṃ abhipatthayatā visesato icchantena buddhimatā ñāṇātisayamantena yatinā sabbakālaṃ tividhasikkhāparipūraṇe asithilapavattasammāvāyāmena bhikkhunā imasmiṃ vinayavinicchaye paramā uttaritarā mahatī ādaratā karaṇīyatamā visesena kātabbāyevāti attho.
2443. ижжзвам̣ сийлависуд̣̇д̇хисаад̇ханз винаяабидагз взсаараж̇ж̇ахзд̇уд̇ааяа имасса винаяавинижчаяасса сийлависуд̣̇д̇хиаад̣̇исад̇д̇ависуд̣̇д̇хибарамбарааяа ад̇хиг̇анд̇аб̣б̣асса амад̇амахааниб̣б̣аанасса бад̇д̇ияааби муулабхууд̇ад̇ам̣ д̣̇ассзд̇умааха ‘‘аваг̇ажчад̇ий’’д̇иаад̣̇и.
2443. Iccevaṃ sīlavisuddhisādhane vinayapiṭake vesārajjahetutāya imassa vinayavinicchayassa sīlavisuddhiādisattavisuddhiparamparāya adhigantabbassa amatamahānibbānassa pattiyāpi mūlabhūtataṃ dassetumāha ‘‘avagacchatī’’tiādi.
яо бана бхигку ад̇т̇аяуд̇д̇ам̣ махад̇аа баяож̇анад̇т̇зна, абхид̇хзяяад̇т̇зна жа саманнааг̇ад̇ам̣ имам̣ винаяассавинижчаяам̣ аваг̇ажчад̇и авзжжа яаат̇аавад̇о ж̇аанаад̇и, со абарамбарам̣ маран̣аабхааваа амарам̣ ж̇арааяаабхааваа аж̇арам̣ рааг̇аад̣̇игилзсараж̇абадибагкад̇д̇аа араж̇ам̣ анзгаббагаарарог̇аанам̣ аббавад̇д̇ихзд̇уд̇д̇аа аруж̇ам̣ санд̇ибад̣̇ам̣ саб̣б̣агилзсад̣̇арат̇абарил̣аахаанам̣ вуубасамахзд̇уд̇д̇аа санд̇исан̇каад̇ам̣ ниб̣б̣аанабад̣̇ам̣ ад̇хиг̇ажчад̇и сийлависуд̣̇д̇хиаад̣̇исад̇д̇ависуд̣̇д̇хибарамбарааяа г̇анд̇ваа бадивиж̇жхад̇ийд̇и яож̇анаа.
Yo pana bhikkhu atthayuttaṃ mahatā payojanatthena, abhidheyyatthena ca samannāgataṃ imaṃ vinayassavinicchayaṃ avagacchati avecca yāthāvato jānāti, so aparamparaṃ maraṇābhāvā amaraṃ jarāyābhāvā ajaraṃ rāgādikilesarajapaṭipakkhattā arajaṃ anekappakārarogānaṃ appavattihetuttā arujaṃ santipadaṃ sabbakilesadarathapariḷāhānaṃ vūpasamahetuttā santisaṅkhātaṃ nibbānapadaṃ adhigacchati sīlavisuddhiādisattavisuddhiparamparāya gantvā paṭivijjhatīti yojanā.
ид̇и винаяад̇т̇асаарасанд̣̇ийбанияаа винаяавинижчаяаван̣н̣анааяа
Iti vinayatthasārasandīpaniyā vinayavinicchayavaṇṇanāya
бхигкунивибхан̇г̇агат̇ааван̣н̣анаа нидтид̇аа.
Bhikkhunivibhaṅgakathāvaṇṇanā niṭṭhitā.
