| Library / Tipiṭaka / तिपिटक • Tipiṭaka / इतिवुत्तकपाळि • Itivuttakapāḷi |
९. सिक्खानिसंससुत्तं
9. Sikkhānisaṃsasuttaṃ
४६. वुत्तञ्हेतं भगवता, वुत्तमरहताति मे सुतं –
46. Vuttañhetaṃ bhagavatā, vuttamarahatāti me sutaṃ –
‘‘सिक्खानिसंसा , भिक्खवे, विहरथ पञ्ञुत्तरा विमुत्तिसारा सताधिपतेय्या। सिक्खानिसंसानं, भिक्खवे, विहरतं पञ्ञुत्तरानं विमुत्तिसारानं सताधिपतेय्यानं द्विन्नं फलानं अञ्ञतरं फलं पाटिकङ्खं – दिट्ठेव धम्मे अञ्ञा, सति वा उपादिसेसे अनागामिता’’ति। एतमत्थं भगवा अवोच। तत्थेतं इति वुच्चति –
‘‘Sikkhānisaṃsā , bhikkhave, viharatha paññuttarā vimuttisārā satādhipateyyā. Sikkhānisaṃsānaṃ, bhikkhave, viharataṃ paññuttarānaṃ vimuttisārānaṃ satādhipateyyānaṃ dvinnaṃ phalānaṃ aññataraṃ phalaṃ pāṭikaṅkhaṃ – diṭṭheva dhamme aññā, sati vā upādisese anāgāmitā’’ti. Etamatthaṃ bhagavā avoca. Tatthetaṃ iti vuccati –
‘‘परिपुण्णसिक्खं 1 अपहानधम्मं, पञ्ञुत्तरं जातिखयन्तदस्सिं।
‘‘Paripuṇṇasikkhaṃ 2 apahānadhammaṃ, paññuttaraṃ jātikhayantadassiṃ;
तं वे मुनिं अन्तिमदेहधारिं, मारञ्जहं ब्रूमि जराय पारगुं॥
Taṃ ve muniṃ antimadehadhāriṃ, mārañjahaṃ brūmi jarāya pāraguṃ.
‘‘तस्मा सदा झानरता समाहिता, आतापिनो जातिखयन्तदस्सिनो।
‘‘Tasmā sadā jhānaratā samāhitā, ātāpino jātikhayantadassino;
मारं ससेनं अभिभुय्य भिक्खवो, भवथ जातिमरणस्स पारगा’’ति॥
Māraṃ sasenaṃ abhibhuyya bhikkhavo, bhavatha jātimaraṇassa pāragā’’ti.
अयम्पि अत्थो वुत्तो भगवता, इति मे सुतन्ति। नवमं।
Ayampi attho vutto bhagavatā, iti me sutanti. Navamaṃ.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / इतिवुत्तक-अट्ठकथा • Itivuttaka-aṭṭhakathā / ९. सिक्खानिसंससुत्तवण्णना • 9. Sikkhānisaṃsasuttavaṇṇanā
