| Library / Tipiṭaka / д̇ибидага • Tipiṭaka / махааваг̇г̇а-адтагат̇аа • Mahāvagga-aṭṭhakathā |
сигкаабад̣̇ад̣̇ан̣д̣агаммавад̇т̇угат̇аа
Sikkhāpadadaṇḍakammavatthukathā
106. д̣̇асасу сигкаабад̣̇зсу буримаанам̣ бан̃жаннам̣ ад̇иггамо наасанавад̇т̇у , бажчимаанам̣ ад̇иггамо д̣̇ан̣д̣агаммавад̇т̇у.
106. Dasasu sikkhāpadesu purimānaṃ pañcannaṃ atikkamo nāsanavatthu , pacchimānaṃ atikkamo daṇḍakammavatthu.
107. аббад̇иссаад̇и бхигкуу ж̇здтагадтаанз иссарияадтаанз на табзнд̇и. асабхааг̇авуд̇д̇игаад̇и самаанаж̇ийвигаа на бхаванд̇и, висабхааг̇аж̇ийвигаад̇и ад̇т̇о. алаабхааяа барисаггад̇ийд̇и яат̇аа лаабхам̣ на лабханд̇и; звам̣ бараггамад̇и. анад̇т̇ааяаад̇и убад̣̇д̣̇авааяа. аваасааяаад̇и ‘‘гинд̇и имасмим̣ ааваасз на васзяяу’’нд̇и бараггамад̇и. аггосад̇и барибхаасад̇ийд̇и аггосад̇и жзва бхаяад̣̇ассанзна жа д̇аж̇ж̇зд̇и. бхзд̣̇зд̇ийд̇и бзсун̃н̃ам̣ убасам̣харид̇ваа бхзд̣̇зд̇и. ааваран̣ам̣ гаад̇унд̇и ‘‘маа ид̇ха бависаа’’д̇и нивааран̣ам̣ гаад̇ум̣. яад̇т̇а ваа васад̇и яад̇т̇а ваа бадиггамад̇ийд̇и яад̇т̇а васад̇и ваа бависад̇и ваа; убхаязнааби ад̇д̇ано баривзн̣ан̃жа вассаг̇г̇зна бад̇д̇асзнаасанан̃жа вуд̇д̇ам̣.
107.Appatissāti bhikkhū jeṭṭhakaṭṭhāne issariyaṭṭhāne na ṭhapenti. Asabhāgavuttikāti samānajīvikā na bhavanti, visabhāgajīvikāti attho. Alābhāya parisakkatīti yathā lābhaṃ na labhanti; evaṃ parakkamati. Anatthāyāti upaddavāya. Avāsāyāti ‘‘kinti imasmiṃ āvāse na vaseyyu’’nti parakkamati. Akkosati paribhāsatīti akkosati ceva bhayadassanena ca tajjeti. Bhedetīti pesuññaṃ upasaṃharitvā bhedeti. Āvaraṇaṃ kātunti ‘‘mā idha pavisā’’ti nivāraṇaṃ kātuṃ. Yattha vā vasati yattha vā paṭikkamatīti yattha vasati vā pavisati vā; ubhayenāpi attano pariveṇañca vassaggena pattasenāsanañca vuttaṃ.
мукад̣̇вааригам̣ аахаарам̣ ааваран̣ам̣ гаронд̇ийд̇и ‘‘аж̇ж̇а маа каад̣̇а, маа бхун̃ж̇аа’’д̇и звам̣ ниваарзнд̇и. на бхигкавз мукад̣̇ваариго аахааро ааваран̣ам̣ гаад̇аб̣б̣од̇и зд̇т̇а ‘‘маа каад̣̇а, маа бхун̃ж̇аа’’д̇и вад̣̇ад̇оби ‘‘аахаарам̣ ниваарзссаамий’’д̇и бад̇д̇ажийварам̣ анд̇о нигкибад̇оби саб̣б̣абаяог̇зсу д̣̇уггадам̣. анаажаарасса бана д̣̇уб̣б̣ажасааман̣зрасса д̣̇ан̣д̣агаммам̣ гад̇ваа яааг̇ум̣ ваа бхад̇д̇ам̣ ваа бад̇д̇ажийварам̣ ваа д̣̇ассзд̇ваа ‘‘зд̇д̇агз наама д̣̇ан̣д̣агаммз аахадз ид̣̇ам̣ лажчасий’’д̇и вад̇д̇ум̣ ваддад̇и. бхаг̇авад̇аа хи ааваран̣амзва д̣̇ан̣д̣агаммам̣ вуд̇д̇ам̣. д̇хаммасан̇г̇аахагад̇т̇зрзхи бана абараад̇хаануруубам̣ уд̣̇агад̣̇ааруваалигаад̣̇ийнам̣ аахараабанамби гаад̇аб̣б̣анд̇и вуд̇д̇ам̣, д̇асмаа д̇амби гаад̇аб̣б̣ам̣. д̇ан̃жа ко ‘‘орамиссад̇и вирамиссад̇ий’’д̇и анугамбааяа, на ‘‘нассиссад̇и виб̣бхамиссад̇ий’’д̇иаад̣̇инаяаббавад̇д̇зна баабаж̇жхаасаязна ‘‘д̣̇ан̣д̣агаммам̣ гаромий’’д̇и жа ун̣хабаасаан̣з ваа нибаж̇ж̇аабзд̇ум̣ баасаан̣идтагаад̣̇ийни ваа сийсз нигкибаабзд̇ум̣ уд̣̇агам̣ ваа бавзсзд̇ум̣ на ваддад̇и.
Mukhadvārikaṃ āhāraṃ āvaraṇaṃ karontīti ‘‘ajja mā khāda, mā bhuñjā’’ti evaṃ nivārenti. Na bhikkhave mukhadvāriko āhāro āvaraṇaṃ kātabboti ettha ‘‘mā khāda, mā bhuñjā’’ti vadatopi ‘‘āhāraṃ nivāressāmī’’ti pattacīvaraṃ anto nikkhipatopi sabbapayogesu dukkaṭaṃ. Anācārassa pana dubbacasāmaṇerassa daṇḍakammaṃ katvā yāguṃ vā bhattaṃ vā pattacīvaraṃ vā dassetvā ‘‘ettake nāma daṇḍakamme āhaṭe idaṃ lacchasī’’ti vattuṃ vaṭṭati. Bhagavatā hi āvaraṇameva daṇḍakammaṃ vuttaṃ. Dhammasaṅgāhakattherehi pana aparādhānurūpaṃ udakadāruvālikādīnaṃ āharāpanampi kātabbanti vuttaṃ, tasmā tampi kātabbaṃ. Tañca kho ‘‘oramissati viramissatī’’ti anukampāya, na ‘‘nassissati vibbhamissatī’’tiādinayappavattena pāpajjhāsayena ‘‘daṇḍakammaṃ karomī’’ti ca uṇhapāsāṇe vā nipajjāpetuṃ pāsāṇiṭṭhakādīni vā sīse nikkhipāpetuṃ udakaṃ vā pavesetuṃ na vaṭṭati.
сигкаабад̣̇ад̣̇ан̣д̣агаммавад̇т̇угат̇аа нидтид̇аа.
Sikkhāpadadaṇḍakammavatthukathā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi
42. сигкаабад̣̇агат̇аа • 42. Sikkhāpadakathā
43. д̣̇ан̣д̣агаммавад̇т̇у • 43. Daṇḍakammavatthu
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / сигкаабад̣̇ад̣̇ан̣д̣агаммавад̇т̇угат̇ааван̣н̣анаа • Sikkhāpadadaṇḍakammavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / сигкаабад̣̇ад̣̇ан̣д̣агаммавад̇т̇угат̇ааван̣н̣анаа • Sikkhāpadadaṇḍakammavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / сигкаабад̣̇ад̣̇ан̣д̣агаммавад̇т̇угат̇ааван̣н̣анаа • Sikkhāpadadaṇḍakammavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 42. сигкаабад̣̇ад̣̇ан̣д̣агаммавад̇т̇угат̇аа • 42. Sikkhāpadadaṇḍakammavatthukathā
