| Library / Tipiṭaka / д̇ибидага • Tipiṭaka / вибхан̇г̇а-анудийгаа • Vibhaṅga-anuṭīkā |
14. сигкаабад̣̇авибхан̇г̇о
14. Sikkhāpadavibhaṅgo
1. абхид̇хаммабхааж̇анийяаван̣н̣анаа
1. Abhidhammabhājanīyavaṇṇanā
703. сигкаасан̇каад̇аанам̣ гусалад̇хаммаанам̣ бан̃жа сийлан̇г̇аани ниссаяабхаавзна ваа бад̇идтаа сияум̣, убаниссаяабхаавзна ваад̇и д̇ад̣̇убхаяам̣ д̣̇ассзнд̇о ааха ‘‘самбаяог̇авасзна, убаниссаяавасзна жа огаасабхаавзнаа’’д̇и.
703. Sikkhāsaṅkhātānaṃ kusaladhammānaṃ pañca sīlaṅgāni nissayabhāvena vā patiṭṭhā siyuṃ, upanissayabhāvena vāti tadubhayaṃ dassento āha ‘‘sampayogavasena, upanissayavasena ca okāsabhāvenā’’ti.
704. ‘‘гаммабат̇аа зваа’’д̇и нияамасса гад̇ад̇д̇аа вуд̇д̇ам̣ ‘‘асаб̣б̣асаад̇хааран̣зсуу’’д̇и. на хи саггаа инд̣̇рияаад̣̇исаад̇хааран̣агодтаасавасзна нияамам̣ гаад̇ум̣. гаммабат̇агодтаасигаа зва, на жхаанаад̣̇игодтаасигаа. гаммабат̇абхаавзна ааг̇ад̇анд̇и вад̣̇анд̇и, д̣̇уг̇г̇ад̇ияаа, д̇ад̇т̇а уббаж̇ж̇анад̣̇угкасса жа бавад̇д̇иубааяабхаавад̇од̇и ад̇хиббааяо. асса сураабаанасса. убагаарагад̇д̇ам̣ саб̣б̣зсам̣. сабхааг̇ад̇д̇ам̣ мижчаажаарасса.
704. ‘‘Kammapathā evā’’ti niyamassa katattā vuttaṃ ‘‘asabbasādhāraṇesū’’ti. Na hi sakkā indriyādisādhāraṇakoṭṭhāsavasena niyamaṃ kātuṃ. Kammapathakoṭṭhāsikā eva, na jhānādikoṭṭhāsikā. Kammapathabhāvena āgatanti vadanti, duggatiyā, tattha uppajjanadukkhassa ca pavattiupāyabhāvatoti adhippāyo. Assa surāpānassa. Upakārakattaṃ sabbesaṃ. Sabhāgattaṃ micchācārassa.
д̇ат̇ааг̇ахид̇асан̇каараарамман̣ад̇ааяаад̇и ‘‘сад̇д̇ам̣ авахараами, сад̇д̇з виббадибаж̇ж̇аамий’’д̇иаад̣̇инаа сад̇д̇аагаарзна г̇ахид̇асан̇каараарамман̣ад̇ааяа, на бана сад̇д̇абан̃н̃ад̇д̇иаарамман̣ад̇ааяаад̇и ад̇хиббааяо. ‘‘бан̃жа сигкаабад̣̇аа’’д̇иаад̣̇инаа д̇амзвад̇т̇ам̣ виварад̇и.
Tathāgahitasaṅkhārārammaṇatāyāti ‘‘sattaṃ avaharāmi, satte vippaṭipajjāmī’’tiādinā sattākārena gahitasaṅkhārārammaṇatāya, na pana sattapaññattiārammaṇatāyāti adhippāyo. ‘‘Pañca sikkhāpadā’’tiādinā tamevatthaṃ vivarati.
д̇асса д̇ассаад̇и яасса яасса б̣яасанад̇т̇ааяа. саяам̣ ваа усуаад̣̇им̣ кибад̇и, обаад̇акан̣анаад̣̇им̣ гарод̇и, д̇аад̣̇исам̣ манд̇ам̣ бариж̇аббад̇и, гаммаж̇аид̣̇д̇хим̣ вал̣ан̃ж̇зд̇и, ан̃н̃зна ваа д̇ам̣ саб̣б̣ам̣ гаарзд̇ийд̇и ааха ‘‘ниссаг̇г̇ияа…бз… д̣̇вз зва г̇ахид̇аа’’д̇и.
Tassa tassāti yassa yassa byasanatthāya. Sayaṃ vā usuādiṃ khipati, opātakhaṇanādiṃ karoti, tādisaṃ mantaṃ parijappati, kammajaiddhiṃ vaḷañjeti, aññena vā taṃ sabbaṃ kāretīti āha ‘‘nissaggiya…pe… dve eva gahitā’’ti.
яад̣̇иби годтаасаваарз вирад̇и саруубзна нааг̇ад̇аа ‘‘язваабанаа’’д̇взва вуд̇д̇аа, бхаж̇аабияамаанаа бана маг̇г̇абхаавам̣язва бхаж̇ад̇ийд̇и ааха ‘‘вирад̇исийлам̣ бана маг̇г̇агодтаасига’’нд̇и. сзсасийлаананд̇и сзсаавийд̇игганд̇асийлаанам̣.
Yadipi koṭṭhāsavāre virati sarūpena nāgatā ‘‘yevāpanā’’tveva vuttā, bhajāpiyamānā pana maggabhāvaṃyeva bhajatīti āha ‘‘viratisīlaṃ pana maggakoṭṭhāsika’’nti. Sesasīlānanti sesaavītikkantasīlānaṃ.
712. абхаб̣б̣адтаанаад̇и баан̣аад̇ибаад̇аад̣̇аяо. яат̇аа баан̣аад̇ибаад̇аад̣̇аяо взрахзд̇уд̇ааяа взрам̣, звам̣ д̇ад̣̇ан̃н̃зби агусалаад̇и вуд̇д̇ам̣ ‘‘д̇ам̣сабхааг̇ад̇ааяа взрабхууд̇аана’’нд̇и. вирад̇ийнам̣ уббад̇д̇и на на бхависсад̇и сзгкаананд̇и яож̇анаа. ‘‘агусаласамудтид̇аани жаа’’д̇иаад̣̇инааби сзгкаанам̣ убхаязна вирад̇исаб̣бхаавам̣язва вибхаавзд̇и. д̇ассад̇т̇о – яаани агусаласамудтид̇аани гааяагаммаад̣̇ийни, д̇аани д̇зсам̣ сзгкаанам̣ гааяад̣̇ужжарид̇аад̣̇ийнийд̇и взрааниязва , д̇зхи взрзхи д̇зсам̣ сзгкаанам̣ вирад̇ияо самбхаванд̇иязва. яад̇од̇и яасмаа баан̣аад̇ибаад̇аад̣̇ивирамид̇аб̣б̣аниббарияааяавзраабхаавзби гааяад̣̇ужжарид̇аад̣̇ивзрамад̇д̇ад̇о сзгкаанам̣ вирад̇исамбхавад̇о. напалабхууд̇ассаабийд̇и яат̇аа паласса маг̇г̇абадиб̣имб̣абхууд̇ад̇д̇аа маг̇г̇асад̣̇исам̣ сад̇д̇аадтан̇г̇игад̇аа сияаа, звам̣ апалабхууд̇ассааби сагад̣̇ааг̇аамимаг̇г̇аад̣̇игасса яад̇о вирад̇исамбхавад̇о адтан̇г̇игад̇аа ход̇и, ан̃н̃ат̇аа бан̃жан̇г̇иго зва сияаад̇и ад̇хиббааяо.
712. Abhabbaṭṭhānāti pāṇātipātādayo. Yathā pāṇātipātādayo verahetutāya veraṃ, evaṃ tadaññepi akusalāti vuttaṃ ‘‘taṃsabhāgatāya verabhūtāna’’nti. Viratīnaṃ uppatti na na bhavissati sekkhānanti yojanā. ‘‘Akusalasamuṭṭhitāni cā’’tiādināpi sekkhānaṃ ubhayena viratisabbhāvaṃyeva vibhāveti. Tassattho – yāni akusalasamuṭṭhitāni kāyakammādīni, tāni tesaṃ sekkhānaṃ kāyaduccaritādīnīti verāniyeva , tehi verehi tesaṃ sekkhānaṃ viratiyo sambhavantiyeva. Yatoti yasmā pāṇātipātādiviramitabbanippariyāyaverābhāvepi kāyaduccaritādiveramattato sekkhānaṃ viratisambhavato. Naphalabhūtassāpīti yathā phalassa maggapaṭibimbabhūtattā maggasadisaṃ sattaaṭṭhaṅgikatā siyā, evaṃ aphalabhūtassāpi sakadāgāmimaggādikassa yato viratisambhavato aṭṭhaṅgikatā hoti, aññathā pañcaṅgiko eva siyāti adhippāyo.
абхид̇хаммабхааж̇анийяаван̣н̣анаа нидтид̇аа.
Abhidhammabhājanīyavaṇṇanā niṭṭhitā.
2. бан̃хабужчагаван̣н̣анаа
2. Pañhapucchakavaṇṇanā
714. яат̇аавирамид̇аб̣б̣ад̇од̇и яо яо баан̣аад̇ибаад̇аад̣̇и вирамид̇аб̣б̣о, д̇ад̇о вирад̇ивасзна.
714. Yathāviramitabbatoti yo yo pāṇātipātādi viramitabbo, tato virativasena.
бан̃хабужчагаван̣н̣анаа нидтид̇аа.
Pañhapucchakavaṇṇanā niṭṭhitā.
сигкаабад̣̇авибхан̇г̇аван̣н̣анаа нидтид̇аа.
Sikkhāpadavibhaṅgavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / вибхан̇г̇абаал̣и • Vibhaṅgapāḷi / 14. сигкаабад̣̇авибхан̇г̇о • 14. Sikkhāpadavibhaṅgo
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / саммохавинод̣̇аний-адтагат̇аа • Sammohavinodanī-aṭṭhakathā
1. абхид̇хаммабхааж̇анийяаван̣н̣анаа • 1. Abhidhammabhājanīyavaṇṇanā
3. бан̃хаабужчагаван̣н̣анаа • 3. Pañhāpucchakavaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / вибхан̇г̇а-мууладийгаа • Vibhaṅga-mūlaṭīkā / 14. сигкаабад̣̇авибхан̇г̇о • 14. Sikkhāpadavibhaṅgo
