| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[190] 10. сийлаанисам̣саж̇аад̇агаван̣н̣анаа
[190] 10. Sīlānisaṃsajātakavaṇṇanā
басса сад̣̇д̇хааяа сийлассаад̇и ид̣̇ам̣ сад̇т̇аа ж̇зд̇аванз вихаранд̇о згам̣ сад̣̇д̇хам̣ убаасагам̣ аараб̣бха гат̇зси. со гира сад̣̇д̇хо басанно арияасааваго згад̣̇ивасам̣ ж̇зд̇аванам̣ г̇ажчанд̇о сааяам̣ ажиравад̇инад̣̇ийд̇ийрам̣ г̇анд̇ваа наавигз наавам̣ д̇ийрз табзд̇ваа д̇хаммассаванад̇т̇ааяа г̇ад̇з д̇ид̇т̇з наавам̣ ад̣̇исваа б̣уд̣̇д̇хаарамман̣ам̣ бийд̇им̣ г̇ахзд̇ваа над̣̇им̣ од̇ари, баад̣̇аа уд̣̇агамхи на осийд̣̇им̣су. со бат̇авийд̇алз г̇ажчанд̇о вияа взмаж̇жхам̣ г̇ад̇агаалз вийжим̣ басси. ат̇асса б̣уд̣̇д̇хаарамман̣аа бийд̇и манд̣̇аа ж̇аад̇аа, баад̣̇аа осийд̣̇ид̇ум̣ аарабхим̣су, со буна б̣уд̣̇д̇хаарамман̣ам̣ бийд̇им̣ д̣̇ал̣хам̣ гад̇ваа уд̣̇агабидтзнзва г̇анд̇ваа ж̇зд̇аванам̣ бависид̇ваа сад̇т̇аарам̣ ванд̣̇ид̇ваа згаманд̇ам̣ нисийд̣̇и. сад̇т̇аа д̇зна сад̣̇д̇хим̣ бадисант̇аарам̣ гад̇ваа ‘‘убаасага, гажжи маг̇г̇ам̣ ааг̇ажчанд̇о аббагиламат̇зна ааг̇ад̇осий’’д̇и бужчид̇ваа ‘‘бханд̇з, б̣уд̣̇д̇хаарамман̣ам̣ бийд̇им̣ г̇ахзд̇ваа уд̣̇агабидтз бад̇идтам̣ лабхид̇ваа бат̇авим̣ мад̣̇д̣̇анд̇о вияа ааг̇ад̇омхий’’д̇и вуд̇д̇з ‘‘на ко бана, убаасага, д̇ван̃н̃зва б̣уд̣̇д̇хаг̇ун̣з ануссарид̇ваа бад̇идтам̣ лад̣̇д̇хо, буб̣б̣зби убаасагаа самуд̣̇д̣̇амаж̇жхз наавааяа бхиннааяа б̣уд̣̇д̇хаг̇ун̣з ануссаранд̇аа бад̇идтам̣ лабхим̣суу’’д̇и вад̇ваа д̇зна яаажид̇о ад̇ийд̇ам̣ аахари.
Passasaddhāya sīlassāti idaṃ satthā jetavane viharanto ekaṃ saddhaṃ upāsakaṃ ārabbha kathesi. So kira saddho pasanno ariyasāvako ekadivasaṃ jetavanaṃ gacchanto sāyaṃ aciravatinadītīraṃ gantvā nāvike nāvaṃ tīre ṭhapetvā dhammassavanatthāya gate titthe nāvaṃ adisvā buddhārammaṇaṃ pītiṃ gahetvā nadiṃ otari, pādā udakamhi na osīdiṃsu. So pathavītale gacchanto viya vemajjhaṃ gatakāle vīciṃ passi. Athassa buddhārammaṇā pīti mandā jātā, pādā osīdituṃ ārabhiṃsu, so puna buddhārammaṇaṃ pītiṃ daḷhaṃ katvā udakapiṭṭheneva gantvā jetavanaṃ pavisitvā satthāraṃ vanditvā ekamantaṃ nisīdi. Satthā tena saddhiṃ paṭisanthāraṃ katvā ‘‘upāsaka, kacci maggaṃ āgacchanto appakilamathena āgatosī’’ti pucchitvā ‘‘bhante, buddhārammaṇaṃ pītiṃ gahetvā udakapiṭṭhe patiṭṭhaṃ labhitvā pathaviṃ maddanto viya āgatomhī’’ti vutte ‘‘na kho pana, upāsaka, tvaññeva buddhaguṇe anussaritvā patiṭṭhaṃ laddho, pubbepi upāsakā samuddamajjhe nāvāya bhinnāya buddhaguṇe anussarantā patiṭṭhaṃ labhiṃsū’’ti vatvā tena yācito atītaṃ āhari.
ад̇ийд̇з гассабасаммаасамб̣уд̣̇д̇хагаалз сод̇аабанно арияасааваго згзна нхаабид̇агудумб̣игзна сад̣̇д̇хим̣ наавам̣ абхирухи, д̇асса нхаабид̇асса бхарияаа ‘‘аяяа, имасса сукад̣̇угкам̣ д̇ава бхааро’’д̇и нхаабид̇ам̣ д̇асса убаасагасса хад̇т̇з нигкиби. ат̇а саа нааваа сад̇д̇амз д̣̇ивасз самуд̣̇д̣̇амаж̇жхз бхиннаа, д̇зби д̣̇вз ж̇анаа згасмим̣ палагз нибаннаа згам̣ д̣̇ийбагам̣ баабун̣им̣су. д̇ад̇т̇а со нхаабид̇о сагун̣з маарзд̇ваа бажид̇ваа каад̣̇анд̇о убаасагассаби д̣̇зд̇и. убаасаго ‘‘алам̣ маяха’’нд̇и на каад̣̇ад̇и. со жинд̇зси – ‘‘имасмим̣ таанз амхаагам̣ табзд̇ваа д̇ийн̣и саран̣аани ан̃н̃аа бад̇идтаа над̇т̇ий’’д̇и. со д̇ин̣н̣ам̣ рад̇анаанам̣ г̇ун̣з ануссари. ат̇ассаанусаранд̇асса д̇асмим̣ д̣̇ийбагз ниб̣б̣ад̇д̇о нааг̇арааж̇аа ад̇д̇ано сарийрам̣ махаанаавам̣ гад̇ваа маабзси, самуд̣̇д̣̇ад̣̇звад̇аа нияаамаго ахоси, нааваа сад̇д̇ахи рад̇анзхи буураяид̇т̇а, д̇аяо гуубагаа инд̣̇анийламан̣имаяаа ахзсум̣, суван̣н̣амаяо лан̇гааро, раж̇ад̇амаяаани яод̇д̇аани, суван̣н̣амаяаани яадтипияаани.
Atīte kassapasammāsambuddhakāle sotāpanno ariyasāvako ekena nhāpitakuṭumbikena saddhiṃ nāvaṃ abhiruhi, tassa nhāpitassa bhariyā ‘‘ayya, imassa sukhadukkhaṃ tava bhāro’’ti nhāpitaṃ tassa upāsakassa hatthe nikkhipi. Atha sā nāvā sattame divase samuddamajjhe bhinnā, tepi dve janā ekasmiṃ phalake nipannā ekaṃ dīpakaṃ pāpuṇiṃsu. Tattha so nhāpito sakuṇe māretvā pacitvā khādanto upāsakassapi deti. Upāsako ‘‘alaṃ mayha’’nti na khādati. So cintesi – ‘‘imasmiṃ ṭhāne amhākaṃ ṭhapetvā tīṇi saraṇāni aññā patiṭṭhā natthī’’ti. So tiṇṇaṃ ratanānaṃ guṇe anussari. Athassānusarantassa tasmiṃ dīpake nibbatto nāgarājā attano sarīraṃ mahānāvaṃ katvā māpesi, samuddadevatā niyāmako ahosi, nāvā sattahi ratanehi pūrayittha, tayo kūpakā indanīlamaṇimayā ahesuṃ, suvaṇṇamayo laṅkāro, rajatamayāni yottāni, suvaṇṇamayāni yaṭṭhiphiyāni.
самуд̣̇д̣̇ад̣̇звад̇аа наавааяа тад̇ваа ‘‘ад̇т̇и ж̇амб̣уд̣̇ийбаг̇амигаа’’д̇и гхосзси. убаасаго ‘‘маяам̣ г̇амиссаамаа’’д̇и ааха. д̇зна хи зхи, наавам̣ абхирухаад̇и. со наавам̣ абхирухид̇ваа нхаабид̇ам̣ баггоси, самуд̣̇д̣̇ад̣̇звад̇аа – ‘‘д̇уяхан̃н̃зва лаб̣бхад̇и, на зд̇ассаа’’д̇и ааха. ‘‘гим̣гааран̣аа’’д̇и? ‘‘зд̇асса сийлаг̇ун̣аажааро над̇т̇и, д̇ам̣ гааран̣ам̣. ахан̃хи д̇уяхам̣ наавам̣ аахарим̣, на зд̇ассаа’’д̇и. ‘‘ход̇у, ахам̣ ад̇д̇анаа д̣̇иннад̣̇аанзна рагкид̇асийлзна бхаавид̇абхааванааяа зд̇асса бад̇д̇им̣ д̣̇аммий’’д̇и. нхаабид̇о ‘‘анумод̣̇аами, саамий’’д̇и ааха. д̣̇звад̇аа ‘‘ид̣̇аани г̇ан̣хиссаамий’’д̇и д̇амби ааробзд̇ваа убхоби ж̇анз самуд̣̇д̣̇аа нигкаамзд̇ваа над̣̇ияаа б̣аараан̣асим̣ г̇анд̇ваа ад̇д̇ано аанубхаавзна д̣̇виннамби д̇зсам̣ г̇зхз д̇ханам̣ бад̇идтабзд̇ваа ‘‘бан̣д̣ид̇зхзва сад̣̇д̇хим̣ сам̣саг̇г̇о наама гаад̇аб̣б̣о. сажз хи имасса нхаабид̇асса иминаа убаасагзна сад̣̇д̇хим̣ сам̣саг̇г̇о наабхависса, самуд̣̇д̣̇амаж̇жхзязва нассиссаа’’д̇и бан̣д̣ид̇асам̣саг̇г̇аг̇ун̣ам̣ гат̇аяамаанаа имаа г̇аат̇аа авожа –
Samuddadevatā nāvāya ṭhatvā ‘‘atthi jambudīpagamikā’’ti ghosesi. Upāsako ‘‘mayaṃ gamissāmā’’ti āha. Tena hi ehi, nāvaṃ abhiruhāti. So nāvaṃ abhiruhitvā nhāpitaṃ pakkosi, samuddadevatā – ‘‘tuyhaññeva labbhati, na etassā’’ti āha. ‘‘Kiṃkāraṇā’’ti? ‘‘Etassa sīlaguṇācāro natthi, taṃ kāraṇaṃ. Ahañhi tuyhaṃ nāvaṃ āhariṃ, na etassā’’ti. ‘‘Hotu, ahaṃ attanā dinnadānena rakkhitasīlena bhāvitabhāvanāya etassa pattiṃ dammī’’ti. Nhāpito ‘‘anumodāmi, sāmī’’ti āha. Devatā ‘‘idāni gaṇhissāmī’’ti tampi āropetvā ubhopi jane samuddā nikkhāmetvā nadiyā bārāṇasiṃ gantvā attano ānubhāvena dvinnampi tesaṃ gehe dhanaṃ patiṭṭhapetvā ‘‘paṇḍiteheva saddhiṃ saṃsaggo nāma kātabbo. Sace hi imassa nhāpitassa iminā upāsakena saddhiṃ saṃsaggo nābhavissa, samuddamajjheyeva nassissā’’ti paṇḍitasaṃsaggaguṇaṃ kathayamānā imā gāthā avoca –
79.
79.
‘‘басса сад̣̇д̇хааяа сийласса, жааг̇асса жа аяам̣ палам̣;
‘‘Passa saddhāya sīlassa, cāgassa ca ayaṃ phalaṃ;
нааг̇о наавааяа ван̣н̣зна, сад̣̇д̇хам̣ вахад̇убаасагам̣.
Nāgo nāvāya vaṇṇena, saddhaṃ vahatupāsakaṃ.
80.
80.
‘‘саб̣бхирзва самаасзт̇а, саб̣бхи губ̣б̣зт̇а сант̇авам̣;
‘‘Sabbhireva samāsetha, sabbhi kubbetha santhavaṃ;
сад̇ан̃хи санниваасзна, сод̇т̇им̣ г̇ажчад̇и нхаабид̇о’’д̇и.
Satañhi sannivāsena, sotthiṃ gacchati nhāpito’’ti.
д̇ад̇т̇а бассаад̇и ган̃жи анияамзд̇ваа бассат̇аад̇и аалабад̇и. сад̣̇д̇хааяаад̇и логияалогуд̇д̇арааяа сад̣̇д̇хааяа. сийлзби зсзва наяо. жааг̇ассаад̇и д̣̇зяяад̇хаммабарижжааг̇асса жзва гилзсабарижжааг̇асса жа. аяам̣ паланд̇и ид̣̇ам̣ палам̣, г̇ун̣ам̣ аанисам̣санд̇и ад̇т̇о. ат̇а ваа жааг̇асса жа палам̣ басса, аяам̣ нааг̇о наавааяа ван̣н̣знаад̇и звамбзд̇т̇а ад̇т̇о д̣̇адтаб̣б̣о. наавааяа ван̣н̣знаад̇и наавааяа сан̣таанзна. сад̣̇д̇ханд̇и д̇ийсу рад̇анзсу бад̇идтид̇асад̣̇д̇хам̣. саб̣бхирзваад̇и бан̣д̣ид̇зхиязва . самаасзт̇аад̇и згад̇о аавасзяяа, убавасзяяаад̇и ад̇т̇о. губ̣б̣зт̇аад̇и гарзяяа. сант̇аванд̇и мид̇д̇асант̇авам̣. д̇ан̣хаасант̇аво бана гзнажиби сад̣̇д̇хим̣ на гаад̇аб̣б̣о. нхаабид̇од̇и нхаабид̇агудумб̣иго. ‘‘нахаабид̇о’’д̇иби баато.
Tattha passāti kañci aniyametvā passathāti ālapati. Saddhāyāti lokiyalokuttarāya saddhāya. Sīlepi eseva nayo. Cāgassāti deyyadhammapariccāgassa ceva kilesapariccāgassa ca. Ayaṃ phalanti idaṃ phalaṃ, guṇaṃ ānisaṃsanti attho. Atha vā cāgassa ca phalaṃ passa, ayaṃ nāgo nāvāya vaṇṇenāti evampettha attho daṭṭhabbo. Nāvāya vaṇṇenāti nāvāya saṇṭhānena. Saddhanti tīsu ratanesu patiṭṭhitasaddhaṃ. Sabbhirevāti paṇḍitehiyeva . Samāsethāti ekato āvaseyya, upavaseyyāti attho. Kubbethāti kareyya. Santhavanti mittasanthavaṃ. Taṇhāsanthavo pana kenacipi saddhiṃ na kātabbo. Nhāpitoti nhāpitakuṭumbiko. ‘‘Nahāpito’’tipi pāṭho.
звам̣ самуд̣̇д̣̇ад̣̇звад̇аа аагаасз тад̇ваа д̇хаммам̣ д̣̇зсзд̇ваа овад̣̇ид̇ваа нааг̇арааж̇аанам̣ г̇ан̣хид̇ваа ад̇д̇ано вимаанамзва аг̇амааси.
Evaṃ samuddadevatā ākāse ṭhatvā dhammaṃ desetvā ovaditvā nāgarājānaṃ gaṇhitvā attano vimānameva agamāsi.
сад̇т̇аа имам̣ д̇хаммад̣̇зсанам̣ аахарид̇ваа сажжаани багаасзд̇ваа ж̇аад̇агам̣ самод̇хаанзси – сажжабарияосаанз убаасаго сагад̣̇ааг̇аамипалз бад̇идтахи. ‘‘д̇ад̣̇аа сод̇аабаннаубаасаго бариниб̣б̣ааяи, нааг̇арааж̇аа саарибуд̇д̇о ахоси, самуд̣̇д̣̇ад̣̇звад̇аа бана ахамзва ахоси’’нд̇и.
Satthā imaṃ dhammadesanaṃ āharitvā saccāni pakāsetvā jātakaṃ samodhānesi – saccapariyosāne upāsako sakadāgāmiphale patiṭṭhahi. ‘‘Tadā sotāpannaupāsako parinibbāyi, nāgarājā sāriputto ahosi, samuddadevatā pana ahameva ahosi’’nti.
сийлаанисам̣саж̇аад̇агаван̣н̣анаа д̣̇асамаа.
Sīlānisaṃsajātakavaṇṇanā dasamā.
асад̣̇исаваг̇г̇о жад̇уд̇т̇о.
Asadisavaggo catuttho.
д̇ассуд̣̇д̣̇аанам̣ –
Tassuddānaṃ –
асад̣̇исан̃жа сан̇г̇аамам̣, ваалод̣̇агам̣ г̇ирид̣̇ад̇д̇ам̣;
Asadisañca saṅgāmaṃ, vālodakaṃ giridattaṃ;
набхирад̇и д̣̇ад̇хиваахам̣, жад̇умадтам̣ сийхагодтам̣;
Nabhirati dadhivāhaṃ, catumaṭṭhaṃ sīhakoṭṭhaṃ;
сийхажаммам̣ сийлаанисам̣сам̣.
Sīhacammaṃ sīlānisaṃsaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 190. сийлаанисам̣саж̇аад̇агам̣ • 190. Sīlānisaṃsajātakaṃ
