| Library / Tipiṭaka / д̇ибидага • Tipiṭaka / ид̇ивуд̇д̇агабаал̣и • Itivuttakapāḷi |
5. сийласамбаннасуд̇д̇ам̣
5. Sīlasampannasuttaṃ
104. вуд̇д̇ан̃хзд̇ам̣ бхаг̇авад̇аа, вуд̇д̇амарахад̇аад̇и мз суд̇ам̣ –
104. Vuttañhetaṃ bhagavatā, vuttamarahatāti me sutaṃ –
‘‘яз д̇з, бхигкавз, бхигкуу сийласамбаннаа самаад̇хисамбаннаа бан̃н̃аасамбаннаа вимуд̇д̇исамбаннаа вимуд̇д̇ин̃аан̣ад̣̇ассанасамбаннаа оваад̣̇агаа вин̃н̃аабагаа санд̣̇ассагаа самаад̣̇абагаа самуд̇д̇зж̇агаа самбахам̣сагаа алам̣самагкаад̇ааро сад̣̇д̇хаммасса д̣̇ассанамбахам̣, бхигкавз, д̇зсам̣ бхигкуунам̣ б̣ахуубагаарам̣ вад̣̇аами; саванамбахам̣, бхигкавз, д̇зсам̣ бхигкуунам̣ б̣ахуубагаарам̣ вад̣̇аами; убасан̇гаманамбахам̣, бхигкавз, д̇зсам̣ бхигкуунам̣ б̣ахуубагаарам̣ вад̣̇аами; баяирубаасанамбахам̣, бхигкавз, д̇зсам̣ бхигкуунам̣ б̣ахуубагаарам̣ вад̣̇аами; ануссаран̣амбахам̣, бхигкавз, д̇зсам̣ бхигкуунам̣ б̣ахуубагаарам̣ вад̣̇аами; анубаб̣б̣аж̇ж̇амбахам̣ 1, бхигкавз, д̇зсам̣ бхигкуунам̣ б̣ахуубагаарам̣ вад̣̇аами. д̇ам̣ гисса хзд̇у? д̇ат̇ааруубз, бхигкавз, бхигкуу сзвад̇о бхаж̇ад̇о баяирубаасад̇о абарибууроби сийлагканд̇хо бхааванаабаарибуурим̣ г̇ажчад̇и, абарибууроби самаад̇хигканд̇хо бхааванаабаарибуурим̣ г̇ажчад̇и, абарибууроби бан̃н̃аагканд̇хо бхааванаабаарибуурим̣ г̇ажчад̇и, абарибууроби вимуд̇д̇игканд̇хо бхааванаабаарибуурим̣ г̇ажчад̇и, абарибууроби вимуд̇д̇ин̃аан̣ад̣̇ассанагканд̇хо бхааванаабаарибуурим̣ г̇ажчад̇и. зваруубаа жа д̇з, бхигкавз, бхигкуу сад̇т̇аарод̇иби вужжанд̇и, сад̇т̇аваахаад̇иби вужжанд̇и, ран̣ан̃ж̇ахаад̇иби вужжанд̇и, д̇амонуд̣̇аад̇иби вужжанд̇и, аалогагараад̇иби вужжанд̇и, обхаасагараад̇иби вужжанд̇и, баж̇ж̇од̇агараад̇иби вужжанд̇и, уггаад̇хаараад̇иби вужжанд̇и, бабхан̇гараад̇иби вужжанд̇и, арияаад̇иби вужжанд̇и, жагкуманд̇од̇иби вужжанд̇ий’’д̇и. зд̇амад̇т̇ам̣ бхаг̇аваа авожа. д̇ад̇т̇зд̇ам̣ ид̇и вужжад̇и –
‘‘Ye te, bhikkhave, bhikkhū sīlasampannā samādhisampannā paññāsampannā vimuttisampannā vimuttiñāṇadassanasampannā ovādakā viññāpakā sandassakā samādapakā samuttejakā sampahaṃsakā alaṃsamakkhātāro saddhammassa dassanampahaṃ, bhikkhave, tesaṃ bhikkhūnaṃ bahūpakāraṃ vadāmi; savanampahaṃ, bhikkhave, tesaṃ bhikkhūnaṃ bahūpakāraṃ vadāmi; upasaṅkamanampahaṃ, bhikkhave, tesaṃ bhikkhūnaṃ bahūpakāraṃ vadāmi; payirupāsanampahaṃ, bhikkhave, tesaṃ bhikkhūnaṃ bahūpakāraṃ vadāmi; anussaraṇampahaṃ, bhikkhave, tesaṃ bhikkhūnaṃ bahūpakāraṃ vadāmi; anupabbajjampahaṃ 2, bhikkhave, tesaṃ bhikkhūnaṃ bahūpakāraṃ vadāmi. Taṃ kissa hetu? Tathārūpe, bhikkhave, bhikkhū sevato bhajato payirupāsato aparipūropi sīlakkhandho bhāvanāpāripūriṃ gacchati, aparipūropi samādhikkhandho bhāvanāpāripūriṃ gacchati, aparipūropi paññākkhandho bhāvanāpāripūriṃ gacchati, aparipūropi vimuttikkhandho bhāvanāpāripūriṃ gacchati, aparipūropi vimuttiñāṇadassanakkhandho bhāvanāpāripūriṃ gacchati. Evarūpā ca te, bhikkhave, bhikkhū satthārotipi vuccanti, satthavāhātipi vuccanti, raṇañjahātipi vuccanti, tamonudātipi vuccanti, ālokakarātipi vuccanti, obhāsakarātipi vuccanti, pajjotakarātipi vuccanti, ukkādhārātipi vuccanti, pabhaṅkarātipi vuccanti, ariyātipi vuccanti, cakkhumantotipi vuccantī’’ti. Etamatthaṃ bhagavā avoca. Tatthetaṃ iti vuccati –
‘‘баамож̇ж̇агаран̣ам̣ таанам̣ 3, зд̇ам̣ ход̇и виж̇аанад̇ам̣;
‘‘Pāmojjakaraṇaṃ ṭhānaṃ 4, etaṃ hoti vijānataṃ;
яад̣̇ид̣̇ам̣ бхаавид̇ад̇д̇аанам̣, арияаанам̣ д̇хаммаж̇ийвинам̣.
Yadidaṃ bhāvitattānaṃ, ariyānaṃ dhammajīvinaṃ.
‘‘д̇з ж̇од̇аяанд̇и сад̣̇д̇хаммам̣, бхаасаяанд̇и бабхан̇гараа;
‘‘Te jotayanti saddhammaṃ, bhāsayanti pabhaṅkarā;
аалогагаран̣аа д̇хийраа, жагкуманд̇о ран̣ан̃ж̇ахаа.
Ālokakaraṇā dhīrā, cakkhumanto raṇañjahā.
‘‘язсам̣ вз саасанам̣ суд̇ваа, саммад̣̇ан̃н̃ааяа бан̣д̣ид̇аа;
‘‘Yesaṃ ve sāsanaṃ sutvā, sammadaññāya paṇḍitā;
ж̇аад̇игкаяамабхин̃н̃ааяа , нааг̇ажчанд̇и бунаб̣бхава’’нд̇и.
Jātikkhayamabhiññāya , nāgacchanti punabbhava’’nti.
аяамби ад̇т̇о вуд̇д̇о бхаг̇авад̇аа, ид̇и мз суд̇анд̇и. бан̃жамам̣.
Ayampi attho vutto bhagavatā, iti me sutanti. Pañcamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / ид̇ивуд̇д̇ага-адтагат̇аа • Itivuttaka-aṭṭhakathā / 5. сийласамбаннасуд̇д̇аван̣н̣анаа • 5. Sīlasampannasuttavaṇṇanā
