| Library / Tipiṭaka / д̇ибидага • Tipiṭaka / ид̇ивуд̇д̇ага-адтагат̇аа • Itivuttaka-aṭṭhakathā |
5. сийласамбаннасуд̇д̇аван̣н̣анаа
5. Sīlasampannasuttavaṇṇanā
104. бан̃жамз сийласамбаннаад̇и зд̇т̇а сийлам̣ наама кийн̣аасаваанам̣ логияалогуд̇д̇арасийлам̣, д̇зна самбаннаа саманнааг̇ад̇аад̇и сийласамбаннаа. самаад̇хибан̃н̃аасуби зсзва наяо. вимуд̇д̇и бана палавимуд̇д̇иязва, вимуд̇д̇ин̃аан̣ад̣̇ассанам̣ бажжавзгкан̣ан̃аан̣ам̣. звамзд̇т̇а сийлаад̣̇аяо д̇аяо логияалогуд̇д̇араа, вимуд̇д̇и логуд̇д̇араава, вимуд̇д̇ин̃аан̣ад̣̇ассанам̣ логияамзва. д̣̇идтад̇хаммигасамбарааяигабарамад̇т̇зхи яат̇аарахам̣ барз овад̣̇анд̇и анусаасанд̇ийд̇и оваад̣̇агаа. вин̃н̃аабагаад̇и гаммаани гаммапалаани жа, вин̃н̃аабагаа, д̇ад̇т̇а жа ‘‘имз д̇хаммаа гусалаа, имз д̇хаммаа агусалаа. имз д̇хаммаа сааваж̇ж̇аа, имз д̇хаммаа анаваж̇ж̇аа’’д̇иаад̣̇инаа гусалаад̣̇ивибхааг̇ад̇о канд̇хаад̣̇ивибхааг̇ад̇о салагкан̣ад̇о сааман̃н̃алагкан̣ад̇од̇и вивид̇хзхи наязхи д̇хаммаанам̣ н̃аабагаа аваб̣од̇хагаа . санд̣̇ассагаад̇и д̇зязва д̇хаммз хад̇т̇зна г̇ахзд̇ваа вияа барасса бажжагкад̇о д̣̇ассзд̇ааро. самаад̣̇абагаад̇и яам̣ сийлаад̣̇и язхи асамаад̣̇иннам̣, д̇асса самаад̣̇аабзд̇ааро, д̇ад̇т̇а д̇з бад̇идтаабзд̇ааро. самуд̇д̇зж̇агаад̇и звам̣ гусалад̇хаммзсу бад̇идтид̇аанам̣ убари ад̇хижид̇д̇аануяог̇з нияож̇анавасзна жид̇д̇асса саммаа уд̇д̇зж̇агаа, яат̇аа висзсаад̇хиг̇амо ход̇и, звам̣ нисааманавасзна д̇зж̇агаа. самбахам̣сагаад̇и д̇зсам̣ яат̇аалад̣̇д̇хзхи убарилад̣̇д̇хаб̣б̣зхи жа г̇ун̣ависзсзхи жид̇д̇асса саммаа бахам̣сагаа, лад̣̇д̇хассаад̣̇авасзна судту д̇осагаа. алам̣самагкаад̇аарод̇и алам̣ барияад̇д̇ам̣ яат̇аавуд̇д̇ам̣ абарихаабзд̇ваа саммад̣̇зва ануг̇г̇ахаад̇хиббааязна агкаад̇ааро.
104. Pañcame sīlasampannāti ettha sīlaṃ nāma khīṇāsavānaṃ lokiyalokuttarasīlaṃ, tena sampannā samannāgatāti sīlasampannā. Samādhipaññāsupi eseva nayo. Vimutti pana phalavimuttiyeva, vimuttiñāṇadassanaṃ paccavekkhaṇañāṇaṃ. Evamettha sīlādayo tayo lokiyalokuttarā, vimutti lokuttarāva, vimuttiñāṇadassanaṃ lokiyameva. Diṭṭhadhammikasamparāyikaparamatthehi yathārahaṃ pare ovadanti anusāsantīti ovādakā. Viññāpakāti kammāni kammaphalāni ca, viññāpakā, tattha ca ‘‘ime dhammā kusalā, ime dhammā akusalā. Ime dhammā sāvajjā, ime dhammā anavajjā’’tiādinā kusalādivibhāgato khandhādivibhāgato salakkhaṇato sāmaññalakkhaṇatoti vividhehi nayehi dhammānaṃ ñāpakā avabodhakā . Sandassakāti teyeva dhamme hatthena gahetvā viya parassa paccakkhato dassetāro. Samādapakāti yaṃ sīlādi yehi asamādinnaṃ, tassa samādāpetāro, tattha te patiṭṭhāpetāro. Samuttejakāti evaṃ kusaladhammesu patiṭṭhitānaṃ upari adhicittānuyoge niyojanavasena cittassa sammā uttejakā, yathā visesādhigamo hoti, evaṃ nisāmanavasena tejakā. Sampahaṃsakāti tesaṃ yathāladdhehi upariladdhabbehi ca guṇavisesehi cittassa sammā pahaṃsakā, laddhassādavasena suṭṭhu tosakā. Alaṃsamakkhātāroti alaṃ pariyattaṃ yathāvuttaṃ aparihāpetvā sammadeva anuggahādhippāyena akkhātāro.
ат̇а ваа санд̣̇ассагаад̇и д̇хаммам̣ д̣̇зсзнд̇аа бавад̇д̇инивад̇д̇ияо сабхаавасарасалагкан̣ад̇о саммад̣̇зва д̣̇ассзд̇ааро. самаад̣̇абагаад̇и жид̇д̇з бад̇идтаабанавасзна д̇ассзва ад̇т̇асса г̇аахаабагаа. самуд̇д̇зж̇агаад̇и д̇ад̣̇ад̇т̇аг̇г̇ахан̣з уссаахаж̇ананзна саммад̣̇зва вод̣̇абагаа ж̇од̇агаа ваа. самбахам̣сагаад̇и д̇ад̣̇ад̇т̇абадибад̇д̇ияам̣ аанисам̣сад̣̇ассанзна саммад̣̇зва бахам̣сагаа д̇осагаа. алам̣самагкаад̇аарод̇и самад̇т̇аа худ̇ваа вуд̇д̇анаязна самагкаад̇ааро. сад̣̇д̇хаммассаад̇и бадивзд̇хасад̣̇д̇хаммасса, д̇ивид̇хассааби ваа сад̣̇д̇хаммасса д̣̇зсзд̇ааро.
Atha vā sandassakāti dhammaṃ desentā pavattinivattiyo sabhāvasarasalakkhaṇato sammadeva dassetāro. Samādapakāti citte patiṭṭhāpanavasena tasseva atthassa gāhāpakā. Samuttejakāti tadatthaggahaṇe ussāhajananena sammadeva vodapakā jotakā vā. Sampahaṃsakāti tadatthapaṭipattiyaṃ ānisaṃsadassanena sammadeva pahaṃsakā tosakā. Alaṃsamakkhātāroti samatthā hutvā vuttanayena samakkhātāro. Saddhammassāti paṭivedhasaddhammassa, tividhassāpi vā saddhammassa desetāro.
д̣̇ассанамбаханд̇и д̣̇ассанамби ахам̣. д̇ам̣ банзд̇ам̣ жагкуд̣̇ассанам̣ н̃аан̣ад̣̇ассананд̇и д̣̇увид̇хам̣. д̇ад̇т̇а басаннзхи жагкуухи арияаанам̣ ологанам̣ жагкуд̣̇ассанам̣ наама. арияабхаавагараанам̣ бана д̇хаммаанам̣ арияабхаавасса жа вибассанаамаг̇г̇апалзхи ад̇хиг̇амо н̃аан̣ад̣̇ассанам̣ наама. имасмим̣ банад̇т̇з жагкуд̣̇ассанам̣ ад̇хиббзд̇ам̣. арияаанан̃хи басаннзхи жагкуухи ологанамби сад̇д̇аанам̣ б̣ахуубагаарамзва. савананд̇и ‘‘асуго наама кийн̣аасаво асугасмим̣ наама радтз ваа ж̇анабад̣̇з ваа г̇аамз ваа ниг̇амз ваа вихаарз ваа лзн̣з ваа васад̇ий’’д̇и гат̇знд̇аанам̣ сод̇зна саванам̣, зд̇амби б̣ахуубагаарамзва. убасан̇гамананд̇и ‘‘д̣̇аанам̣ ваа д̣̇ассаами, бан̃хам̣ ваа бужчиссаами, д̇хаммам̣ ваа соссаами, саггаарам̣ ваа гариссаамий’’д̇и зваруубзна жид̇д̇зна арияаанам̣ убасан̇гаманам̣. баяирубаасананд̇и бан̃хабаяирубаасанам̣, арияаанам̣ г̇ун̣з суд̇ваа д̇з убасан̇гамид̇ваа ниманд̇зд̇ваа д̣̇аанам̣ ваа д̣̇ад̇ваа вад̇д̇ам̣ ваа гад̇ваа ‘‘гим̣, бханд̇з, гусала’’нд̇иаад̣̇инаа наязна бан̃хабужчананд̇и ад̇т̇о. взяяааважжаад̣̇игаран̣ам̣ баяирубаасанам̣язва. ануссаран̣анд̇и рад̇д̇идтаанад̣̇иваадтаанзсу нисиннасса ‘‘ид̣̇аани арияаа г̇умб̣алзн̣аман̣д̣абаад̣̇ийсу жхаанавибассанаамаг̇г̇апаласукзхи вийд̇инаамзнд̇ий’’д̇и д̇зсам̣ д̣̇иб̣б̣авихаараад̣̇иг̇ун̣ависзсаарамман̣ам̣ ануссаран̣ам̣. яо ваа д̇зсам̣ санд̇игаа оваад̣̇о лад̣̇д̇хо ход̇и, д̇ам̣ ааваж̇ж̇ид̇ваа ‘‘имасмим̣ таанз сийлам̣ гат̇ид̇ам̣, имасмим̣ самаад̇хи, имасмим̣ вибассанаа, имасмим̣ маг̇г̇о, имасмим̣ пала’’нд̇и звам̣ ануссаран̣ам̣.
Dassanampahanti dassanampi ahaṃ. Taṃ panetaṃ cakkhudassanaṃ ñāṇadassananti duvidhaṃ. Tattha pasannehi cakkhūhi ariyānaṃ olokanaṃ cakkhudassanaṃ nāma. Ariyabhāvakarānaṃ pana dhammānaṃ ariyabhāvassa ca vipassanāmaggaphalehi adhigamo ñāṇadassanaṃ nāma. Imasmiṃ panatthe cakkhudassanaṃ adhippetaṃ. Ariyānañhi pasannehi cakkhūhi olokanampi sattānaṃ bahūpakārameva. Savananti ‘‘asuko nāma khīṇāsavo asukasmiṃ nāma raṭṭhe vā janapade vā gāme vā nigame vā vihāre vā leṇe vā vasatī’’ti kathentānaṃ sotena savanaṃ, etampi bahūpakārameva. Upasaṅkamananti ‘‘dānaṃ vā dassāmi, pañhaṃ vā pucchissāmi, dhammaṃ vā sossāmi, sakkāraṃ vā karissāmī’’ti evarūpena cittena ariyānaṃ upasaṅkamanaṃ. Payirupāsananti pañhapayirupāsanaṃ, ariyānaṃ guṇe sutvā te upasaṅkamitvā nimantetvā dānaṃ vā datvā vattaṃ vā katvā ‘‘kiṃ, bhante, kusala’’ntiādinā nayena pañhapucchananti attho. Veyyāvaccādikaraṇaṃ payirupāsanaṃyeva. Anussaraṇanti rattiṭṭhānadivāṭṭhānesu nisinnassa ‘‘idāni ariyā gumbaleṇamaṇḍapādīsu jhānavipassanāmaggaphalasukhehi vītināmentī’’ti tesaṃ dibbavihārādiguṇavisesārammaṇaṃ anussaraṇaṃ. Yo vā tesaṃ santikā ovādo laddho hoti, taṃ āvajjitvā ‘‘imasmiṃ ṭhāne sīlaṃ kathitaṃ, imasmiṃ samādhi, imasmiṃ vipassanā, imasmiṃ maggo, imasmiṃ phala’’nti evaṃ anussaraṇaṃ.
анубаб̣б̣аж̇ж̇анд̇и ариязсу жид̇д̇ам̣ басаад̣̇зд̇ваа гхараа нигкамма д̇зсам̣ санд̇игз баб̣б̣аж̇ж̇ам̣. ариязсу хи жид̇д̇ам̣ басаад̣̇зд̇ваа д̇зсам̣язва санд̇игз баб̣б̣аж̇ид̇ваа д̇зсам̣язва оваад̣̇аанусаасаним̣ бажжаасийсамаанасса жарад̇оби баб̣б̣аж̇ж̇аа анубаб̣б̣аж̇ж̇аа наама, ан̃н̃зсам̣ санд̇игз оваад̣̇аанусаасаним̣ бажжаасийсамаанасса жарад̇оби баб̣б̣аж̇ж̇аа анубаб̣б̣аж̇ж̇аа наама, ариязсу басаад̣̇зна ан̃н̃ад̇т̇а баб̣б̣аж̇ид̇ваа арияаанам̣ санд̇игз оваад̣̇аанусаасаним̣ бажжаасийсамаанасса жарад̇оби баб̣б̣аж̇ж̇аа анубаб̣б̣аж̇ж̇аава. ан̃н̃зсу бана басаад̣̇зна ан̃н̃зсам̣язва санд̇игз баб̣б̣аж̇ид̇ваа ан̃н̃зсам̣язва оваад̣̇аанусаасаним̣ бажжаасийсамаанасса жарад̇о баб̣б̣аж̇ж̇аа анубаб̣б̣аж̇ж̇аа наама на ход̇и. вуд̇д̇анаязна баб̣б̣аж̇ид̇зсу бана махаагассабад̇т̇зрасса д̇аава анубаб̣б̣аж̇ж̇ам̣ баб̣б̣аж̇ид̇аа сад̇асахассамад̇д̇аа ахзсум̣, д̇ат̇аа т̇зрассзва сад̣̇д̇хивихааригасса жанд̣̇аг̇уд̇д̇ад̇т̇зрасса, д̇ассааби сад̣̇д̇хивихааригасса суурияаг̇уд̇д̇ад̇т̇зрасса, д̇ассааби сад̣̇д̇хивихааригасса ассаг̇уд̇д̇ад̇т̇зрасса, д̇ассааби сад̣̇д̇хивихааригасса яонагад̇хаммарагкид̇ад̇т̇зрасса. д̇асса бана сад̣̇д̇хивихаариго асогаран̃н̃о ганидтабхаад̇аа д̇иссад̇т̇зро наама ахоси. д̇асса анубаб̣б̣аж̇ж̇ам̣ баб̣б̣аж̇ид̇аа ад̣дхад̇зяяагодисан̇каа ахзсум̣. д̣̇ийбаббасаад̣̇агамахаамахинд̣̇ад̇т̇зрасса бана анубаб̣б̣аж̇ид̇аанам̣ г̇ан̣анабарижчзд̣̇о над̇т̇и. яааваж̇ж̇ад̣̇ивасаа лан̇гаад̣̇ийбз сад̇т̇ари басаад̣̇зна баб̣б̣аж̇анд̇аа махаамахинд̣̇ад̇т̇зрассзва анубаб̣б̣аж̇ж̇анд̇и наама.
Anupabbajjanti ariyesu cittaṃ pasādetvā gharā nikkhamma tesaṃ santike pabbajjaṃ. Ariyesu hi cittaṃ pasādetvā tesaṃyeva santike pabbajitvā tesaṃyeva ovādānusāsaniṃ paccāsīsamānassa caratopi pabbajjā anupabbajjā nāma, aññesaṃ santike ovādānusāsaniṃ paccāsīsamānassa caratopi pabbajjā anupabbajjā nāma, ariyesu pasādena aññattha pabbajitvā ariyānaṃ santike ovādānusāsaniṃ paccāsīsamānassa caratopi pabbajjā anupabbajjāva. Aññesu pana pasādena aññesaṃyeva santike pabbajitvā aññesaṃyeva ovādānusāsaniṃ paccāsīsamānassa carato pabbajjā anupabbajjā nāma na hoti. Vuttanayena pabbajitesu pana mahākassapattherassa tāva anupabbajjaṃ pabbajitā satasahassamattā ahesuṃ, tathā therasseva saddhivihārikassa candaguttattherassa, tassāpi saddhivihārikassa sūriyaguttattherassa, tassāpi saddhivihārikassa assaguttattherassa, tassāpi saddhivihārikassa yonakadhammarakkhitattherassa. Tassa pana saddhivihāriko asokarañño kaniṭṭhabhātā tissatthero nāma ahosi. Tassa anupabbajjaṃ pabbajitā aḍḍhateyyakoṭisaṅkhā ahesuṃ. Dīpappasādakamahāmahindattherassa pana anupabbajitānaṃ gaṇanaparicchedo natthi. Yāvajjadivasā laṅkādīpe satthari pasādena pabbajantā mahāmahindattherasseva anupabbajjanti nāma.
ид̣̇аани язна гааран̣зна д̇зсам̣ арияаанам̣ д̣̇ассанаад̣̇и б̣ахуубагааранд̇и вуд̇д̇ам̣, д̇ам̣ д̣̇ассзд̇ум̣ ‘‘д̇ат̇ааруубз’’д̇иаад̣̇имааха. д̇ад̇т̇а д̇ат̇ааруубзд̇и д̇аад̣̇исз сийлаад̣̇иг̇ун̣асамбаннз арияз. яасмаа д̣̇ассанасаванаануссаран̣аани убасан̇гаманабаяирубаасанадтаанаани, д̇асмаа д̇аани анаамасид̇ваа убасан̇гаманабаяирубаасанааниязва д̣̇ассзд̇ум̣ ‘‘сзвад̇о бхаж̇ад̇о баяирубаасад̇о’’д̇и вуд̇д̇ам̣ . д̣̇ассанасаванаануссаран̣ад̇о хи ариязсу уббаннасад̣̇д̇хо д̇з убасан̇гамид̇ваа баяирубаасид̇ваа бан̃хам̣ бужчид̇ваа лад̣̇д̇хасаванаануд̇д̇арияо абарибуурз сийлаад̣̇иг̇ун̣з барибуурзссад̇ийд̇и. д̇ат̇аа хи вуд̇д̇ам̣ ‘‘сад̣̇д̇хааж̇аад̇о убасан̇гамад̇и, убасан̇гаманд̇о баяирубаасад̇ий’’д̇иаад̣̇и (ма. ни. 2.183).
Idāni yena kāraṇena tesaṃ ariyānaṃ dassanādi bahūpakāranti vuttaṃ, taṃ dassetuṃ ‘‘tathārūpe’’tiādimāha. Tattha tathārūpeti tādise sīlādiguṇasampanne ariye. Yasmā dassanasavanānussaraṇāni upasaṅkamanapayirupāsanaṭṭhānāni, tasmā tāni anāmasitvā upasaṅkamanapayirupāsanāniyeva dassetuṃ ‘‘sevato bhajato payirupāsato’’ti vuttaṃ . Dassanasavanānussaraṇato hi ariyesu uppannasaddho te upasaṅkamitvā payirupāsitvā pañhaṃ pucchitvā laddhasavanānuttariyo aparipūre sīlādiguṇe paripūressatīti. Tathā hi vuttaṃ ‘‘saddhājāto upasaṅkamati, upasaṅkamanto payirupāsatī’’tiādi (ma. ni. 2.183).
д̇ад̇т̇а сзвад̇од̇и вад̇д̇абадивад̇д̇агаран̣авасзна гаалзна гаалам̣ убасан̇гамад̇о. бхаж̇ад̇од̇и самбияааяанабхад̇д̇ивасзна бхаж̇ад̇о. баяирубаасад̇од̇и бан̃хабужчанзна бадибад̇д̇ианугаран̣зна жа баяирубаасад̇од̇и д̇ин̣н̣ам̣ бад̣̇аанам̣ ад̇т̇авибхааг̇о д̣̇ийбзд̇аб̣б̣о. вимуд̇д̇ин̃аан̣ад̣̇ассанасса баарибуури згуунавийсад̇имасса бажжавзгкан̣ан̃аан̣асса уббад̇д̇ияаа взд̣̇ид̇аб̣б̣аа.
Tattha sevatoti vattapaṭivattakaraṇavasena kālena kālaṃ upasaṅkamato. Bhajatoti sampiyāyanabhattivasena bhajato. Payirupāsatoti pañhapucchanena paṭipattianukaraṇena ca payirupāsatoti tiṇṇaṃ padānaṃ atthavibhāgo dīpetabbo. Vimuttiñāṇadassanassa pāripūri ekūnavīsatimassa paccavekkhaṇañāṇassa uppattiyā veditabbā.
зваруубаа жа д̇з, бхигкавз, бхигкууд̇иаад̣̇ийсу яз яат̇аавуд̇д̇аг̇ун̣асаманнааг̇амзна зваруубаа зд̣̇исаа бхиннасаб̣б̣агилзсаа бхигкуу, д̇з д̣̇идтад̇хаммигаад̣̇ихид̇зсу сад̇д̇аанам̣ нияож̇анавасзна анусаасанад̇о сад̇т̇аарод̇иби вужжанд̇и. ж̇аад̇иганд̇аараад̣̇инид̇т̇аран̣ад̇о сад̇т̇аваахаад̇иби, рааг̇аад̣̇иран̣аанам̣ ж̇аханад̇о ж̇ахаабанад̇о жа ран̣ан̃ж̇ахаад̇иби, авиж̇ж̇аад̇амасса винод̣̇анад̇о винод̣̇аабанад̇о жа д̇амонуд̣̇аад̇иби, сабарасанд̇аанзсу бан̃н̃аааалогабан̃н̃ааобхаасабан̃н̃аабаж̇ж̇од̇аанам̣ гаран̣зна ниб̣б̣ад̇д̇анзна аалогаад̣̇игараад̇иби, д̇ат̇аа н̃аан̣уггаан̃аан̣аббабхаад̇хаммуггаад̇хаммаббабхаанам̣ д̇хааран̣зна гаран̣зна жа уггаад̇хаараад̇иби, бабхан̇гараад̇иби, аарагад̇д̇аа гилзсзхи, анаяз на ирияанад̇о, аяз жа ирияанад̇о барзсам̣ д̇ат̇аабхаавахзд̇убхаавад̇о, сад̣̇звагзна логзна аран̣ийяад̇о арияаад̇иби, бан̃н̃аажагкуд̇хаммажагкуунам̣ саад̇исаяабадилаабхзна жагкуманд̇од̇иби вужжанд̇и.
Evarūpāca te, bhikkhave, bhikkhūtiādīsu ye yathāvuttaguṇasamannāgamena evarūpā edisā bhinnasabbakilesā bhikkhū, te diṭṭhadhammikādihitesu sattānaṃ niyojanavasena anusāsanato satthārotipi vuccanti. Jātikantārādinittharaṇato satthavāhātipi, rāgādiraṇānaṃ jahanato jahāpanato ca raṇañjahātipi, avijjātamassa vinodanato vinodāpanato ca tamonudātipi, saparasantānesu paññāālokapaññāobhāsapaññāpajjotānaṃ karaṇena nibbattanena ālokādikarātipi, tathā ñāṇukkāñāṇappabhādhammukkādhammappabhānaṃ dhāraṇena karaṇena ca ukkādhārātipi, pabhaṅkarātipi, ārakattā kilesehi, anaye na iriyanato, aye ca iriyanato paresaṃ tathābhāvahetubhāvato, sadevakena lokena araṇīyato ariyātipi, paññācakkhudhammacakkhūnaṃ sātisayapaṭilābhena cakkhumantotipi vuccanti.
г̇аат̇аасу баамож̇ж̇агаран̣ам̣ таананд̇и нираамисасса бамод̣̇асса ниб̣б̣ад̇д̇агам̣ таанам̣ гааран̣ам̣. зд̇анд̇и ид̣̇аани вад̇д̇аб̣б̣анид̣̇ассанам̣ санд̇хааяа вад̣̇ад̇и. виж̇аанад̇анд̇и сам̣гилзсавод̣̇аанз яаат̇аавад̇о ж̇аананд̇аанам̣. бхаавид̇ад̇д̇аананд̇и бхаавид̇асабхааваанам̣, гааяабхааванаад̣̇ийхи бхаавид̇асанд̇аанаананд̇и ад̇т̇о. д̇хаммаж̇ийвинанд̇и мижчааж̇ийвам̣ бахааяа д̇хаммзна н̃ааязна ж̇ийвигагаббанад̇о, д̇хаммзна ваа н̃ааязна ад̇д̇абхаавасса бавад̇д̇анад̇о, самаабад̇д̇иб̣ахулад̇ааяа ваа аг̇г̇апалад̇хаммзна ж̇ийванад̇о д̇хаммаж̇ийвинам̣. аяан̃хзд̇т̇а сан̇кзбад̇т̇о – яад̣̇ид̣̇ам̣ бхаавид̇ад̇д̇аанам̣ баринидтид̇асамаад̇хибан̃н̃аабхааванаанам̣ д̇ад̇о зва д̇хаммаж̇ийвинам̣ арияаанам̣ д̣̇ассанам̣ . зд̇ам̣ авиббадисааранимид̇д̇аанам̣ сийлаад̣̇ийнам̣ баарибуурихзд̇убхаавад̇о виж̇аанад̇ам̣ саббан̃н̃аж̇аад̇игаанам̣ зганд̇знзва бийд̇ибаамож̇ж̇агааран̣анд̇и.
Gāthāsu pāmojjakaraṇaṃ ṭhānanti nirāmisassa pamodassa nibbattakaṃ ṭhānaṃ kāraṇaṃ. Etanti idāni vattabbanidassanaṃ sandhāya vadati. Vijānatanti saṃkilesavodāne yāthāvato jānantānaṃ. Bhāvitattānanti bhāvitasabhāvānaṃ, kāyabhāvanādīhi bhāvitasantānānanti attho. Dhammajīvinanti micchājīvaṃ pahāya dhammena ñāyena jīvikakappanato, dhammena vā ñāyena attabhāvassa pavattanato, samāpattibahulatāya vā aggaphaladhammena jīvanato dhammajīvinaṃ. Ayañhettha saṅkhepattho – yadidaṃ bhāvitattānaṃ pariniṭṭhitasamādhipaññābhāvanānaṃ tato eva dhammajīvinaṃ ariyānaṃ dassanaṃ . Etaṃ avippaṭisāranimittānaṃ sīlādīnaṃ pāripūrihetubhāvato vijānataṃ sappaññajātikānaṃ ekanteneva pītipāmojjakāraṇanti.
ид̣̇аани д̇ам̣ д̇асса гааран̣абхаавам̣ д̣̇ассзд̇ум̣ ‘‘д̇з ж̇од̇аяанд̇ий’’д̇и осаанаг̇аат̇аад̣̇ваяамааха. д̇ад̇т̇а д̇зд̇и д̇з бхаавид̇ад̇д̇аа д̇хаммаж̇ийвино арияаа. ж̇од̇аяанд̇ийд̇и багаасаяанд̇и. бхаасаяанд̇ийд̇и сад̣̇д̇хаммобхаасзна логам̣ бабхаасаяанд̇и, д̇хаммам̣ д̣̇зсзнд̇ийд̇и ад̇т̇о. язсанд̇и язсам̣ арияаанам̣. саасананд̇и оваад̣̇ам̣. саммад̣̇ан̃н̃ааяаад̇и буб̣б̣абхааг̇ан̃аан̣зхи саммад̣̇зва ж̇аанид̇ваа. сзсам̣ вуд̇д̇анаяамзва.
Idāni taṃ tassa kāraṇabhāvaṃ dassetuṃ ‘‘te jotayantī’’ti osānagāthādvayamāha. Tattha teti te bhāvitattā dhammajīvino ariyā. Jotayantīti pakāsayanti. Bhāsayantīti saddhammobhāsena lokaṃ pabhāsayanti, dhammaṃ desentīti attho. Yesanti yesaṃ ariyānaṃ. Sāsananti ovādaṃ. Sammadaññāyāti pubbabhāgañāṇehi sammadeva jānitvā. Sesaṃ vuttanayameva.
бан̃жамасуд̇д̇аван̣н̣анаа нидтид̇аа.
Pañcamasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ид̇ивуд̇д̇агабаал̣и • Itivuttakapāḷi / 5. сийласамбаннасуд̇д̇ам̣ • 5. Sīlasampannasuttaṃ
