| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
6. ஸீலவந்தஸுத்தவண்ணனா
6. Sīlavantasuttavaṇṇanā
46. ச²ட்டே² தீஹி டா²னேஹீதி தீஹி காரணேஹி. காயேனாதிஆதீ³ஸு பி⁴க்கூ² ஆக³ச்ச²ந்தே தி³ஸ்வா பச்சுக்³க³மனங் கரொந்தா க³ச்ச²ந்தே அனுக³ச்ச²ந்தா ஆஸனஸாலாய ஸம்மஜ்ஜனஉபலேபனாதீ³னி கரொந்தா ஆஸனானி பஞ்ஞாபெந்தா பானீயங் பச்சுபட்டா²பெந்தா காயேன புஞ்ஞங் பஸவந்தி நாம. பி⁴க்கு²ஸங்க⁴ங் பிண்டா³ய சரந்தங் தி³ஸ்வா ‘‘யாகு³ங் தே³த², ப⁴த்தங் தே³த², ஸப்பினவனீதாதீ³னி தே³த², க³ந்த⁴புப்பா²தீ³ஹி பூஜேத², உபோஸத²ங் உபவஸத², த⁴ம்மங் ஸுணாத², சேதியங் வந்த³தா²’’திஆதீ³னி வத³ந்தா வாசாய புஞ்ஞங் பஸவந்தி நாம. பி⁴க்கூ² பிண்டா³ய சரந்தே தி³ஸ்வா ‘‘லப⁴ந்தூ’’தி சிந்தெந்தா மனஸா புஞ்ஞங் பஸவந்தி நாம. பஸவந்தீதி படிலப⁴ந்தி. புஞ்ஞங் பனெத்த² லோகியலோகுத்தரமிஸ்ஸகங் கதி²தங்.
46. Chaṭṭhe tīhi ṭhānehīti tīhi kāraṇehi. Kāyenātiādīsu bhikkhū āgacchante disvā paccuggamanaṃ karontā gacchante anugacchantā āsanasālāya sammajjanaupalepanādīni karontā āsanāni paññāpentā pānīyaṃ paccupaṭṭhāpentā kāyena puññaṃ pasavanti nāma. Bhikkhusaṅghaṃ piṇḍāya carantaṃ disvā ‘‘yāguṃ detha, bhattaṃ detha, sappinavanītādīni detha, gandhapupphādīhi pūjetha, uposathaṃ upavasatha, dhammaṃ suṇātha, cetiyaṃ vandathā’’tiādīni vadantā vācāya puññaṃ pasavanti nāma. Bhikkhū piṇḍāya carante disvā ‘‘labhantū’’ti cintentā manasā puññaṃ pasavanti nāma. Pasavantīti paṭilabhanti. Puññaṃ panettha lokiyalokuttaramissakaṃ kathitaṃ.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 6. ஸீலவந்தஸுத்தங் • 6. Sīlavantasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 6. ஸீலவந்தஸுத்தவண்ணனா • 6. Sīlavantasuttavaṇṇanā
