| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[362] 2. сийлавиймам̣саж̇аад̇агаван̣н̣анаа
[362] 2. Sīlavīmaṃsajātakavaṇṇanā
сийлам̣ сзяяод̇и ид̣̇ам̣ сад̇т̇аа ж̇зд̇аванз вихаранд̇о згам̣ сийлавиймам̣сагаб̣раахман̣ам̣ аараб̣бха гат̇зси. д̇ам̣ гира рааж̇аа ‘‘зса сийласамбанно’’д̇и ан̃н̃зхи б̣раахман̣зхи ад̇ирзгам̣ гад̇ваа бассад̇и. со жинд̇зси ‘‘гим̣ ну ко мам̣ рааж̇аа ‘сийласамбанно’д̇и ан̃н̃зхи ад̇ирзгам̣ гад̇ваа бассад̇и, уд̣̇ааху ‘суд̇ад̇хараяуд̇д̇о’д̇и, виймам̣сиссаами д̇аава сийласса ваа суд̇асса ваа маханд̇абхаава’’нд̇и. со згад̣̇ивасам̣ хзран̃н̃игапалагад̇о гахаабан̣ам̣ г̇ан̣хи. хзран̃н̃иго г̇арубхаавзна на гин̃жи ааха, д̣̇уд̇ияаваарзби на гин̃жи ааха. д̇ад̇ияаваарз бана д̇ам̣ ‘‘вилобакаад̣̇аго’’д̇и г̇аахаабзд̇ваа ран̃н̃о д̣̇ассзд̇ваа ‘‘гим̣ иминаа гад̇а’’нд̇и вуд̇д̇з ‘‘гудумб̣ам̣ вилумбад̇ий’’д̇и ааха. ‘‘сажжам̣ гира , б̣раахман̣аа’’д̇и? ‘‘на, махаарааж̇а, гудумб̣ам̣ вилумбаами, маяхам̣ бана ‘сийлам̣ ну ко маханд̇ам̣, суд̇ам̣ ну ко’д̇и гуггужжам̣ ахоси, сваахам̣ ‘зд̇зсу гад̇арам̣ ну ко маханд̇а’нд̇и виймам̣санд̇о д̇аяо ваарз гахаабан̣ам̣ г̇ан̣хим̣, д̇ам̣ мам̣ зса б̣анд̇хаабзд̇ваа д̇умхаагам̣ д̣̇ассзд̇и. ид̣̇аани мз суд̇ад̇о сийласса маханд̇абхааво н̃аад̇о, на мз гхарааваасзнад̇т̇о, баб̣б̣аж̇иссаамаха’’нд̇и баб̣б̣аж̇ж̇ам̣ ануж̇аанаабзд̇ваа гхарад̣̇ваарам̣ анологзд̇ваава ж̇зд̇аванам̣ г̇анд̇ваа сад̇т̇аарам̣ баб̣б̣аж̇ж̇ам̣ яаажи. д̇асса сад̇т̇аа баб̣б̣аж̇ж̇ан̃жа убасамбад̣̇ан̃жа д̣̇аабзси. со ажируубасамбанно вибассанам̣ вибассид̇ваа аг̇г̇апалз бад̇идтахи. бхигкуу д̇хаммасабхааяам̣ гат̇ам̣ самудтаабзсум̣ ‘‘аавусо, асугаб̣раахман̣о ад̇д̇ано сийлам̣ виймам̣сид̇ваа баб̣б̣аж̇ид̇о вибассид̇ваа арахад̇д̇ам̣ бад̇д̇о’’д̇и. сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з ‘‘на, бхигкавз, ид̣̇аани аяамзва, буб̣б̣з бан̣д̣ид̇ааби сийлам̣ виймам̣сид̇ваа баб̣б̣аж̇ид̇ваа ад̇д̇ано бад̇идтам̣ гарим̣суязваа’’д̇и вад̇ваа ад̇ийд̇ам̣ аахари.
Sīlaṃ seyyoti idaṃ satthā jetavane viharanto ekaṃ sīlavīmaṃsakabrāhmaṇaṃ ārabbha kathesi. Taṃ kira rājā ‘‘esa sīlasampanno’’ti aññehi brāhmaṇehi atirekaṃ katvā passati. So cintesi ‘‘kiṃ nu kho maṃ rājā ‘sīlasampanno’ti aññehi atirekaṃ katvā passati, udāhu ‘sutadharayutto’ti, vīmaṃsissāmi tāva sīlassa vā sutassa vā mahantabhāva’’nti. So ekadivasaṃ heraññikaphalakato kahāpaṇaṃ gaṇhi. Heraññiko garubhāvena na kiñci āha, dutiyavārepi na kiñci āha. Tatiyavāre pana taṃ ‘‘vilopakhādako’’ti gāhāpetvā rañño dassetvā ‘‘kiṃ iminā kata’’nti vutte ‘‘kuṭumbaṃ vilumpatī’’ti āha. ‘‘Saccaṃ kira , brāhmaṇā’’ti? ‘‘Na, mahārāja, kuṭumbaṃ vilumpāmi, mayhaṃ pana ‘sīlaṃ nu kho mahantaṃ, sutaṃ nu kho’ti kukkuccaṃ ahosi, svāhaṃ ‘etesu kataraṃ nu kho mahanta’nti vīmaṃsanto tayo vāre kahāpaṇaṃ gaṇhiṃ, taṃ maṃ esa bandhāpetvā tumhākaṃ dasseti. Idāni me sutato sīlassa mahantabhāvo ñāto, na me gharāvāsenattho, pabbajissāmaha’’nti pabbajjaṃ anujānāpetvā gharadvāraṃ anoloketvāva jetavanaṃ gantvā satthāraṃ pabbajjaṃ yāci. Tassa satthā pabbajjañca upasampadañca dāpesi. So acirūpasampanno vipassanaṃ vipassitvā aggaphale patiṭṭhahi. Bhikkhū dhammasabhāyaṃ kathaṃ samuṭṭhāpesuṃ ‘‘āvuso, asukabrāhmaṇo attano sīlaṃ vīmaṃsitvā pabbajito vipassitvā arahattaṃ patto’’ti. Satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte ‘‘na, bhikkhave, idāni ayameva, pubbe paṇḍitāpi sīlaṃ vīmaṃsitvā pabbajitvā attano patiṭṭhaṃ kariṃsuyevā’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о б̣раахман̣агулз ниб̣б̣ад̇д̇ид̇ваа ваяаббад̇д̇о д̇аггасилааяам̣ саб̣б̣асиббаани уг̇г̇ан̣хид̇ваа б̣аараан̣асим̣ ааг̇анд̇ваа рааж̇аанам̣ басси. рааж̇аа д̇асса бурохид̇адтаанам̣ ад̣̇ааси. со бан̃жа сийлаани рагкад̇и. рааж̇ааби нам̣ ‘‘сийлаваа’’д̇и г̇арум̣ гад̇ваа басси. со жинд̇зси ‘‘гим̣ ну ко рааж̇аа ‘сийлаваа’д̇и мам̣ г̇арум̣ гад̇ваа бассад̇и, уд̣̇ааху ‘суд̇ад̇хараяуд̇д̇о’’’д̇и. саб̣б̣ам̣ бажжуббаннавад̇т̇усад̣̇исамзва. ид̇ха бана со б̣раахман̣о ‘‘ид̣̇аани мз суд̇ад̇о сийласса маханд̇абхааво н̃аад̇о’’д̇и вад̇ваа имаа бан̃жа г̇аат̇аа абхааси –
Atīte bārāṇasiyaṃ brahmadatte rajjaṃ kārente bodhisatto brāhmaṇakule nibbattitvā vayappatto takkasilāyaṃ sabbasippāni uggaṇhitvā bārāṇasiṃ āgantvā rājānaṃ passi. Rājā tassa purohitaṭṭhānaṃ adāsi. So pañca sīlāni rakkhati. Rājāpi naṃ ‘‘sīlavā’’ti garuṃ katvā passi. So cintesi ‘‘kiṃ nu kho rājā ‘sīlavā’ti maṃ garuṃ katvā passati, udāhu ‘sutadharayutto’’’ti. Sabbaṃ paccuppannavatthusadisameva. Idha pana so brāhmaṇo ‘‘idāni me sutato sīlassa mahantabhāvo ñāto’’ti vatvā imā pañca gāthā abhāsi –
65.
65.
‘‘сийлам̣ сзяяо суд̇ам̣ сзяяо, ид̇и мз сам̣саяо аху;
‘‘Sīlaṃ seyyo sutaṃ seyyo, iti me saṃsayo ahu;
сийламзва суд̇аа сзяяо, ид̇и мз над̇т̇и сам̣саяо.
Sīlameva sutā seyyo, iti me natthi saṃsayo.
66.
66.
‘‘могхаа ж̇аад̇и жа ван̣н̣о жа, сийламзва гируд̇д̇амам̣;
‘‘Moghā jāti ca vaṇṇo ca, sīlameva kiruttamaṃ;
сийлзна анубзд̇асса, суд̇знад̇т̇о на виж̇ж̇ад̇и.
Sīlena anupetassa, sutenattho na vijjati.
67.
67.
‘‘кад̇д̇ияо жа ад̇хаммадто, взссо жаад̇хамманиссид̇о;
‘‘Khattiyo ca adhammaṭṭho, vesso cādhammanissito;
д̇з барижжаж̇ж̇убхо логз, убабаж̇ж̇анд̇и д̣̇уг̇г̇ад̇им̣.
Te pariccajjubho loke, upapajjanti duggatiṃ.
68.
68.
‘‘кад̇д̇ияаа б̣раахман̣аа взссаа, суд̣̇д̣̇аа жан̣д̣аалабуггусаа;
‘‘Khattiyā brāhmaṇā vessā, suddā caṇḍālapukkusā;
ид̇ха д̇хаммам̣ жарид̇ваана, бхаванд̇и д̇ид̣̇ивз самаа.
Idha dhammaṃ caritvāna, bhavanti tidive samā.
69.
69.
‘‘на взд̣̇аа самбарааяааяа, на ж̇аад̇и нааби б̣анд̇хаваа;
‘‘Na vedā samparāyāya, na jāti nāpi bandhavā;
саган̃жа сийлам̣ сам̣суд̣̇д̇хам̣, самбарааяааяа сукааяа жаа’’д̇и.
Sakañca sīlaṃ saṃsuddhaṃ, samparāyāya sukhāya cā’’ti.
д̇ад̇т̇а сийламзва суд̇аа сзяяод̇и суд̇абарияад̇д̇ид̇о сад̇аг̇ун̣зна сахассаг̇ун̣зна сийламзва уд̇д̇арид̇аранд̇и. зван̃жа бана вад̇ваа сийлам̣ наамзд̇ам̣ згавид̇хам̣ сам̣варавасзна, д̣̇увид̇хам̣ жаарид̇д̇аваарид̇д̇авасзна, д̇ивид̇хам̣ гааяигаваажасигамаанасигавасзна, жад̇уб̣б̣ид̇хам̣ баад̇имогкасам̣вараинд̣̇рияасам̣вараааж̇ийвабаарисуд̣̇д̇хибажжаяасанниссид̇авасзнаад̇и маад̇игам̣ табзд̇ваа вид̇т̇аарзнд̇о сийласса ван̣н̣ам̣ абхааси.
Tattha sīlameva sutā seyyoti sutapariyattito sataguṇena sahassaguṇena sīlameva uttaritaranti. Evañca pana vatvā sīlaṃ nāmetaṃ ekavidhaṃ saṃvaravasena, duvidhaṃ cārittavārittavasena, tividhaṃ kāyikavācasikamānasikavasena, catubbidhaṃ pātimokkhasaṃvaraindriyasaṃvaraājīvapārisuddhipaccayasannissitavasenāti mātikaṃ ṭhapetvā vitthārento sīlassa vaṇṇaṃ abhāsi.
могхаад̇и апалаа д̇ужчаа. ж̇аад̇ийд̇и кад̇д̇ияагулаад̣̇ийсу ниб̣б̣ад̇д̇и. ван̣н̣од̇и сарийраван̣н̣о абхируубабхааво. яаа хи яасмаа сийларахид̇асса ж̇аад̇исамбад̣̇аа ваа ван̣н̣асамбад̣̇аа ваа саг̇г̇асукам̣ д̣̇аад̇ум̣ на саггод̇и, д̇асмаа убхаяамби д̇ам̣ ‘‘могха’’нд̇и ааха. сийламзва гираад̇и ануссававасзна вад̣̇ад̇и, на бана саяам̣ ж̇аанаад̇и. анубзд̇ассаад̇и анубаг̇ад̇асса. суд̇знад̇т̇о на виж̇ж̇ад̇ийд̇и сийларахид̇асса суд̇абарияад̇д̇имад̇д̇зна ид̇халогз ваа баралогз ваа гаажи вад̣дхи наама над̇т̇и.
Moghāti aphalā tucchā. Jātīti khattiyakulādīsu nibbatti. Vaṇṇoti sarīravaṇṇo abhirūpabhāvo. Yā hi yasmā sīlarahitassa jātisampadā vā vaṇṇasampadā vā saggasukhaṃ dātuṃ na sakkoti, tasmā ubhayampi taṃ ‘‘mogha’’nti āha. Sīlameva kirāti anussavavasena vadati, na pana sayaṃ jānāti. Anupetassāti anupagatassa. Sutenattho na vijjatīti sīlarahitassa sutapariyattimattena idhaloke vā paraloke vā kāci vaḍḍhi nāma natthi.
д̇ад̇о бараа д̣̇вз г̇аат̇аа ж̇аад̇ияаа могхабхаавад̣̇ассанад̇т̇ам̣ вуд̇д̇аа. д̇ад̇т̇а д̇з барижжаж̇ж̇убхо логзд̇и д̇з д̣̇уссийлаа д̣̇звалоган̃жа мануссалоган̃жаад̇и убхоби логз барижжаж̇ид̇ваа д̣̇уг̇г̇ад̇им̣ убабаж̇ж̇анд̇и. жан̣д̣аалабуггусаад̇и чавачад̣д̣агажан̣д̣аалаа жа бубпачад̣д̣агабуггусаа жа. бхаванд̇и д̇ид̣̇ивз самаад̇и зд̇з саб̣б̣зби сийлаанубхаавзна д̣̇звалогз ниб̣б̣ад̇д̇аа самаа хонд̇и ниб̣б̣исзсаа, д̣̇зваад̇взва сан̇кяам̣ г̇ажчанд̇и.
Tato parā dve gāthā jātiyā moghabhāvadassanatthaṃ vuttā. Tattha te pariccajjubho loketi te dussīlā devalokañca manussalokañcāti ubhopi loke pariccajitvā duggatiṃ upapajjanti. Caṇḍālapukkusāti chavachaḍḍakacaṇḍālā ca pupphachaḍḍakapukkusā ca. Bhavanti tidive samāti ete sabbepi sīlānubhāvena devaloke nibbattā samā honti nibbisesā, devātveva saṅkhyaṃ gacchanti.
бан̃жамаг̇аат̇аа саб̣б̣зсамби суд̇аад̣̇ийнам̣ могхабхаавад̣̇ассанад̇т̇ам̣ вуд̇д̇аа. д̇ассад̇т̇о – махаарааж̇а, зд̇з взд̣̇аад̣̇аяо табзд̇ваа ид̇халогз яасамад̇д̇ад̣̇аанам̣ самбарааяз д̣̇уд̇ияз ваа д̇ад̇ияз ваа бхавз яасам̣ ваа сукам̣ ваа д̣̇аад̇ум̣ наама на саггонд̇и, барисуд̣̇д̇хам̣ бана ад̇д̇ано сийламзва д̇ам̣ д̣̇аад̇ум̣ саггод̇ийд̇и.
Pañcamagāthā sabbesampi sutādīnaṃ moghabhāvadassanatthaṃ vuttā. Tassattho – mahārāja, ete vedādayo ṭhapetvā idhaloke yasamattadānaṃ samparāye dutiye vā tatiye vā bhave yasaṃ vā sukhaṃ vā dātuṃ nāma na sakkonti, parisuddhaṃ pana attano sīlameva taṃ dātuṃ sakkotīti.
звам̣ махаасад̇д̇о сийлаг̇ун̣з т̇омзд̇ваа рааж̇аанам̣ баб̣б̣аж̇ж̇ам̣ ануж̇аанаабзд̇ваа д̇ам̣ д̣̇ивасамзва химаванд̇ам̣ бависид̇ваа исибаб̣б̣аж̇ж̇ам̣ баб̣б̣аж̇ид̇ваа абхин̃н̃аа жа самаабад̇д̇ияо жа ниб̣б̣ад̇д̇зд̇ваа абарихийнаж̇жхаано б̣рахмалогабарааяан̣о ахоси.
Evaṃ mahāsatto sīlaguṇe thometvā rājānaṃ pabbajjaṃ anujānāpetvā taṃ divasameva himavantaṃ pavisitvā isipabbajjaṃ pabbajitvā abhiññā ca samāpattiyo ca nibbattetvā aparihīnajjhāno brahmalokaparāyaṇo ahosi.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа сийлам̣ виймам̣сид̇ваа исибаб̣б̣аж̇ж̇ам̣ баб̣б̣аж̇ид̇о ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā sīlaṃ vīmaṃsitvā isipabbajjaṃ pabbajito ahameva ahosi’’nti.
сийлавиймам̣саж̇аад̇агаван̣н̣анаа д̣̇уд̇ияаа.
Sīlavīmaṃsajātakavaṇṇanā dutiyā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 362. сийлавиймам̣саж̇аад̇агам̣ • 362. Sīlavīmaṃsajātakaṃ
