| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[290] 10. сийлавиймам̣сагаж̇аад̇агаван̣н̣анаа
[290] 10. Sīlavīmaṃsakajātakavaṇṇanā
сийлам̣ гирзва галяаан̣анд̇и ид̣̇ам̣ сад̇т̇аа ж̇зд̇аванз вихаранд̇о згам̣ сийлавиймам̣сагаб̣раахман̣ам̣ аараб̣бха гат̇зси. вад̇т̇у бана бажжуббаннамби ад̇ийд̇амби хздтаа згаганибаад̇з сийлавиймам̣сагаж̇аад̇агз (ж̇аа. 1.1.86) вид̇т̇аарид̇амзва. ид̇ха бана б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з д̇асса бурохид̇о сийласамбанно ‘‘ад̇д̇ано сийлам̣ виймам̣сиссаамий’’д̇и хзран̃н̃игапалагад̇о д̣̇вз д̣̇ивасз згзгам̣ гахаабан̣ам̣ г̇ан̣хи. ат̇а нам̣ д̇ад̇ияад̣̇ивасз ‘‘жоро’’д̇и г̇ахзд̇ваа ран̃н̃о санд̇игам̣ наяим̣су. со анд̇араамаг̇г̇з ахид̇ун̣д̣игз саббам̣ гийл̣аабзнд̇з ад̣̇д̣̇аса. ат̇а нам̣ рааж̇аа д̣̇исваа ‘‘гасмаа зваруубам̣ агаасий’’д̇и бужчи . б̣раахман̣о ‘‘ад̇д̇ано сийлам̣ виймам̣сид̇угаамад̇ааяаа’’д̇и вад̇ваа имаа г̇аат̇аа авожа –
Sīlaṃkireva kalyāṇanti idaṃ satthā jetavane viharanto ekaṃ sīlavīmaṃsakabrāhmaṇaṃ ārabbha kathesi. Vatthu pana paccuppannampi atītampi heṭṭhā ekakanipāte sīlavīmaṃsakajātake (jā. 1.1.86) vitthāritameva. Idha pana bārāṇasiyaṃ brahmadatte rajjaṃ kārente tassa purohito sīlasampanno ‘‘attano sīlaṃ vīmaṃsissāmī’’ti heraññikaphalakato dve divase ekekaṃ kahāpaṇaṃ gaṇhi. Atha naṃ tatiyadivase ‘‘coro’’ti gahetvā rañño santikaṃ nayiṃsu. So antarāmagge ahituṇḍike sappaṃ kīḷāpente addasa. Atha naṃ rājā disvā ‘‘kasmā evarūpaṃ akāsī’’ti pucchi . Brāhmaṇo ‘‘attano sīlaṃ vīmaṃsitukāmatāyā’’ti vatvā imā gāthā avoca –
118.
118.
‘‘сийлам̣ гирзва галяаан̣ам̣, сийлам̣ логз ануд̇д̇арам̣;
‘‘Sīlaṃ kireva kalyāṇaṃ, sīlaṃ loke anuttaraṃ;
басса гхорависо нааг̇о, сийлаваад̇и на хан̃н̃ад̇и.
Passa ghoraviso nāgo, sīlavāti na haññati.
119.
119.
‘‘сохам̣ сийлам̣ самаад̣̇иссам̣, логз анумад̇ам̣ сивам̣;
‘‘Sohaṃ sīlaṃ samādissaṃ, loke anumataṃ sivaṃ;
арияавуд̇д̇исамаажааро, язна вужжад̇и сийлаваа.
Ariyavuttisamācāro, yena vuccati sīlavā.
120.
120.
‘‘н̃аад̇ийнан̃жа бияо ход̇и, мид̇д̇зсу жа вирожад̇и;
‘‘Ñātīnañca piyo hoti, mittesu ca virocati;
гааяасса бхзд̣̇аа суг̇ад̇им̣, убабаж̇ж̇ад̇и сийлаваа’’д̇и.
Kāyassa bhedā sugatiṃ, upapajjati sīlavā’’ti.
д̇ад̇т̇а сийланд̇и аажааро. гираад̇и ануссавад̇т̇з нибаад̇о. галяаан̣анд̇и собханам̣, ‘‘сийлам̣ гирзва галяаан̣а’’нд̇и звам̣ бан̣д̣ид̇аа вад̣̇анд̇ийд̇и ад̇т̇о. бассаад̇и ад̇д̇аанамзва вад̣̇ад̇и. на хан̃н̃ад̇ийд̇и барамби на вихзтзд̇и, барзхиби на вихзтийяад̇и. самаад̣̇иссанд̇и самаад̣̇ияиссаами. анумад̇ам̣ сиванд̇и ‘‘кзмам̣ ниб̣бхаяа’’нд̇и звам̣ бан̣д̣ид̇зхи самбадижчид̇ам̣. язна вужжад̇ийд̇и язна сийлзна сийлаваа бурисо арияаанам̣ б̣уд̣̇д̇хаад̣̇ийнам̣ бадибад̇д̇им̣ самаажаранд̇о ‘‘арияавуд̇д̇исамаажааро’’д̇и вужжад̇и, д̇амахам̣ самаад̣̇ияиссаамийд̇и ад̇т̇о. вирожад̇ийд̇и баб̣б̣ад̇амад̇т̇агз аг̇г̇игканд̇хо вияа вирожад̇и.
Tattha sīlanti ācāro. Kirāti anussavatthe nipāto. Kalyāṇanti sobhanaṃ, ‘‘sīlaṃ kireva kalyāṇa’’nti evaṃ paṇḍitā vadantīti attho. Passāti attānameva vadati. Na haññatīti parampi na viheṭheti, parehipi na viheṭhīyati. Samādissanti samādiyissāmi. Anumataṃ sivanti ‘‘khemaṃ nibbhaya’’nti evaṃ paṇḍitehi sampaṭicchitaṃ. Yena vuccatīti yena sīlena sīlavā puriso ariyānaṃ buddhādīnaṃ paṭipattiṃ samācaranto ‘‘ariyavuttisamācāro’’ti vuccati, tamahaṃ samādiyissāmīti attho. Virocatīti pabbatamatthake aggikkhandho viya virocati.
звам̣ б̣од̇хисад̇д̇о д̇ийхи г̇аат̇аахи сийласса ван̣н̣ам̣ багаасзнд̇о ран̃н̃о д̇хаммам̣ д̣̇зсзд̇ваа ‘‘махаарааж̇а, мама г̇зхз бид̇у санд̇агам̣ маад̇у санд̇агам̣ ад̇д̇анаа уббаад̣̇ид̇ам̣ д̇аяаа д̣̇иннан̃жа б̣аху д̇ханам̣ ад̇т̇и , барияанд̇о наама на бан̃н̃ааяад̇и, ахам̣ бана сийлам̣ виймам̣санд̇о хзран̃н̃игапалагад̇о гахаабан̣з г̇ан̣хим̣. ид̣̇аани маяаа имасмим̣ логз ж̇аад̇иг̇од̇д̇агулабад̣̇зсаанам̣ лаамагабхааво, сийлассзва жа ж̇здтагабхааво н̃аад̇о, ахам̣ баб̣б̣аж̇иссаами, баб̣б̣аж̇ж̇ам̣ мз ануж̇аанаахий’’д̇и ануж̇аанаабзд̇ваа ран̃н̃аа бунаббунам̣ яаажияамааноби нигкамма химаванд̇ам̣ бависид̇ваа исибаб̣б̣аж̇ж̇ам̣ баб̣б̣аж̇ид̇ваа абхин̃н̃аа жа самаабад̇д̇ияо жа ниб̣б̣ад̇д̇зд̇ваа б̣рахмалогабарааяан̣о ахоси.
Evaṃ bodhisatto tīhi gāthāhi sīlassa vaṇṇaṃ pakāsento rañño dhammaṃ desetvā ‘‘mahārāja, mama gehe pitu santakaṃ mātu santakaṃ attanā uppāditaṃ tayā dinnañca bahu dhanaṃ atthi , pariyanto nāma na paññāyati, ahaṃ pana sīlaṃ vīmaṃsanto heraññikaphalakato kahāpaṇe gaṇhiṃ. Idāni mayā imasmiṃ loke jātigottakulapadesānaṃ lāmakabhāvo, sīlasseva ca jeṭṭhakabhāvo ñāto, ahaṃ pabbajissāmi, pabbajjaṃ me anujānāhī’’ti anujānāpetvā raññā punappunaṃ yāciyamānopi nikkhamma himavantaṃ pavisitvā isipabbajjaṃ pabbajitvā abhiññā ca samāpattiyo ca nibbattetvā brahmalokaparāyaṇo ahosi.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа сийлавиймам̣саго бурохид̇о б̣раахман̣о ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā sīlavīmaṃsako purohito brāhmaṇo ahameva ahosi’’nti.
сийлавиймам̣сагаж̇аад̇агаван̣н̣анаа д̣̇асамаа.
Sīlavīmaṃsakajātakavaṇṇanā dasamā.
аб̣бханд̇араваг̇г̇о жад̇уд̇т̇о.
Abbhantaravaggo catuttho.
д̇ассуд̣̇д̣̇аанам̣ –
Tassuddānaṃ –
д̣̇ума гам̣саваруд̇д̇амаб̣яаг̇гхамиг̇аа, ман̣аяо ман̣и саалугамавхаяано;
Duma kaṃsavaruttamabyagghamigā, maṇayo maṇi sālukamavhayano;
анусаасанияоби жа мажчаваро, ман̣игун̣д̣алагзна гирзна д̣̇асаад̇и.
Anusāsaniyopi ca macchavaro, maṇikuṇḍalakena kirena dasāti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 290. сийлавиймам̣сагаж̇аад̇агам̣ • 290. Sīlavīmaṃsakajātakaṃ
