| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[305] 5. сийлавиймам̣санаж̇аад̇агаван̣н̣анаа
[305] 5. Sīlavīmaṃsanajātakavaṇṇanā
над̇т̇и логз рахо наамаад̇и ид̣̇ам̣ сад̇т̇аа ж̇зд̇аванз вихаранд̇о гилзсаниг̇г̇ахам̣ аараб̣бха гат̇зси. вад̇т̇у згаад̣̇асаганибаад̇з баанийяаж̇аад̇агз (ж̇аа. 1.11.59 аад̣̇аяо) аави бхависсад̇и. аяам̣ банзд̇т̇а сан̇кзбо – бан̃жасад̇аа бхигкуу анд̇ож̇зд̇аванз васанд̇аа маж̇жхимаяаамасамананд̇арз гаамавид̇аггам̣ вид̇аггаяим̣су. сад̇т̇аа часуби рад̇д̇ид̣̇иваагодтаасзсу яат̇аа згажагкуго жагкум̣, згабуд̇д̇о буд̇д̇ам̣, жаамарий ваалам̣ аббамаад̣̇зна рагкад̇и, звам̣ нижжагаалам̣ бхигкуу ологзд̇и. со рад̇д̇ибхааг̇з д̣̇иб̣б̣ажагкунаа ж̇зд̇аванам̣ ологзнд̇о жаггавад̇д̇иран̃н̃о ад̇д̇ано нивзсанз уббаннажорз вияа д̇з бхигкуу д̣̇исваа г̇анд̇хагудим̣ виварид̇ваа аананд̣̇ад̇т̇зрам̣ ааманд̇зд̇ваа ‘‘аананд̣̇а, анд̇ож̇зд̇аванз годисант̇аарз васанагабхигкуу саннибаад̇аабзд̇ваа г̇анд̇хагудид̣̇ваарз аасанам̣ бан̃н̃аабзхий’’д̇и ааха. со д̇ат̇аа гад̇ваа сад̇т̇у бадивзд̣̇зси. сад̇т̇аа бан̃н̃ад̇д̇аасанз нисийд̣̇ид̇ваа саб̣б̣асан̇г̇аахигавасзна ааманд̇зд̇ваа ‘‘бхигкавз, бораан̣агабан̣д̣ид̇аа ‘баабагаран̣з рахо наама над̇т̇ий’д̇и баабам̣ на гарим̣суу’’д̇и вад̇ваа д̇зхи яаажид̇о ад̇ийд̇ам̣ аахари.
Natthiloke raho nāmāti idaṃ satthā jetavane viharanto kilesaniggahaṃ ārabbha kathesi. Vatthu ekādasakanipāte pānīyajātake (jā. 1.11.59 ādayo) āvi bhavissati. Ayaṃ panettha saṅkhepo – pañcasatā bhikkhū antojetavane vasantā majjhimayāmasamanantare kāmavitakkaṃ vitakkayiṃsu. Satthā chasupi rattidivākoṭṭhāsesu yathā ekacakkhuko cakkhuṃ, ekaputto puttaṃ, cāmarī vālaṃ appamādena rakkhati, evaṃ niccakālaṃ bhikkhū oloketi. So rattibhāge dibbacakkhunā jetavanaṃ olokento cakkavattirañño attano nivesane uppannacore viya te bhikkhū disvā gandhakuṭiṃ vivaritvā ānandattheraṃ āmantetvā ‘‘ānanda, antojetavane koṭisanthāre vasanakabhikkhū sannipātāpetvā gandhakuṭidvāre āsanaṃ paññāpehī’’ti āha. So tathā katvā satthu paṭivedesi. Satthā paññattāsane nisīditvā sabbasaṅgāhikavasena āmantetvā ‘‘bhikkhave, porāṇakapaṇḍitā ‘pāpakaraṇe raho nāma natthī’ti pāpaṃ na kariṃsū’’ti vatvā tehi yācito atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о б̣раахман̣агулз ниб̣б̣ад̇д̇ид̇ваа ваяаббад̇д̇о д̇ад̇т̇зва б̣аараан̣асияам̣ д̣̇исаабаамогкасса аажарияасса санд̇игз бан̃жаннам̣ маан̣авагасад̇аанам̣ ж̇здтаго худ̇ваа сиббам̣ уг̇г̇ан̣хаад̇и. аажарияасса бана ваяаббад̇д̇аа д̇хийд̇аа ад̇т̇и. со жинд̇зси ‘‘имзсам̣ маан̣авагаанам̣ сийлам̣ виймам̣сид̇ваа сийласамбаннассзва д̇хийд̇арам̣ д̣̇ассаамий’’д̇и. со згад̣̇ивасам̣ маан̣авагз ааманд̇зд̇ваа ‘‘д̇аад̇аа, маяхам̣ д̇хийд̇аа ваяаббад̇д̇аа, виваахамассаа гаарзссаами, вад̇т̇аалан̇гаарам̣ лад̣̇д̇хум̣ ваддад̇и, г̇ажчат̇а д̇умхз ад̇д̇ано ад̇д̇ано н̃аад̇агаанам̣ абассанд̇аанан̃н̃зва т̇знзд̇ваа вад̇т̇аалан̇гаарз аахарат̇а, гзнажи ад̣̇идтамзва г̇ан̣хаами, д̣̇ассзд̇ваа аабхад̇ам̣ на г̇ан̣хаамий’’д̇и ааха. д̇з ‘‘саад̇хуу’’д̇и самбадижчид̇ваа д̇ад̇о бадтааяа н̃аад̇агаанам̣ абассанд̇аанам̣ т̇знзд̇ваа вад̇т̇абил̣анд̇ханаад̣̇ийни аахаранд̇и. аажарияо аабхад̇аабхад̇ам̣ висум̣ висум̣ табзси. б̣од̇хисад̇д̇о бана на гин̃жи аахари. ат̇а нам̣ аажарияо ааха ‘‘д̇вам̣ бана, д̇аад̇а, на гин̃жи аахарасий’’д̇и. ‘‘аама, аажарияаа’’д̇и. ‘‘гасмаа, д̇аад̇аа’’д̇и. ‘‘д̇умхз на гассажи басссанд̇асса аабхад̇ам̣ г̇ан̣хат̇а, ахам̣ бана баабагаран̣з рахо наама на бассаамий’’д̇и д̣̇ийбзнд̇о имаа д̣̇вз г̇аат̇аа ааха –
Atīte bārāṇasiyaṃ brahmadatte rajjaṃ kārente bodhisatto brāhmaṇakule nibbattitvā vayappatto tattheva bārāṇasiyaṃ disāpāmokkhassa ācariyassa santike pañcannaṃ māṇavakasatānaṃ jeṭṭhako hutvā sippaṃ uggaṇhāti. Ācariyassa pana vayappattā dhītā atthi. So cintesi ‘‘imesaṃ māṇavakānaṃ sīlaṃ vīmaṃsitvā sīlasampannasseva dhītaraṃ dassāmī’’ti. So ekadivasaṃ māṇavake āmantetvā ‘‘tātā, mayhaṃ dhītā vayappattā, vivāhamassā kāressāmi, vatthālaṅkāraṃ laddhuṃ vaṭṭati, gacchatha tumhe attano attano ñātakānaṃ apassantānaññeva thenetvā vatthālaṅkāre āharatha, kenaci adiṭṭhameva gaṇhāmi, dassetvā ābhataṃ na gaṇhāmī’’ti āha. Te ‘‘sādhū’’ti sampaṭicchitvā tato paṭṭhāya ñātakānaṃ apassantānaṃ thenetvā vatthapiḷandhanādīni āharanti. Ācariyo ābhatābhataṃ visuṃ visuṃ ṭhapesi. Bodhisatto pana na kiñci āhari. Atha naṃ ācariyo āha ‘‘tvaṃ pana, tāta, na kiñci āharasī’’ti. ‘‘Āma, ācariyā’’ti. ‘‘Kasmā, tātā’’ti. ‘‘Tumhe na kassaci passsantassa ābhataṃ gaṇhatha, ahaṃ pana pāpakaraṇe raho nāma na passāmī’’ti dīpento imā dve gāthā āha –
17.
17.
‘‘над̇т̇и логз рахо наама, баабагаммам̣ багуб̣б̣ад̇о;
‘‘Natthi loke raho nāma, pāpakammaṃ pakubbato;
бассанд̇и ванабхууд̇аани, д̇ам̣ б̣аало ман̃н̃ад̇ий рахо.
Passanti vanabhūtāni, taṃ bālo maññatī raho.
18.
18.
‘‘ахам̣ рахо на бассаами, сун̃н̃ам̣ вааби на виж̇ж̇ад̇и;
‘‘Ahaṃ raho na passāmi, suññaṃ vāpi na vijjati;
яад̇т̇а ан̃н̃ам̣ на бассаами, асун̃н̃ам̣ ход̇и д̇ам̣ маяаа’’д̇и.
Yattha aññaṃ na passāmi, asuññaṃ hoti taṃ mayā’’ti.
д̇ад̇т̇а раход̇и бадижчаннадтаанам̣. ванабхууд̇аанийд̇и ванз ниб̣б̣ад̇д̇абхууд̇аани. д̇ам̣ б̣аалод̇и д̇ам̣ баабагаммам̣ рахо маяаа гад̇анд̇и б̣аало ман̃н̃ад̇и. сун̃н̃ам̣ ваабийд̇и яам̣ ваа таанам̣ сад̇д̇зхи сун̃н̃ам̣ д̇ужчам̣ бхавзяяа, д̇амби над̇т̇ийд̇и ааха.
Tattha rahoti paṭicchannaṭṭhānaṃ. Vanabhūtānīti vane nibbattabhūtāni. Taṃ bāloti taṃ pāpakammaṃ raho mayā katanti bālo maññati. Suññaṃ vāpīti yaṃ vā ṭhānaṃ sattehi suññaṃ tucchaṃ bhaveyya, tampi natthīti āha.
аажарияо д̇асса басийд̣̇ид̇ваа ‘‘д̇аад̇а, на маяхам̣ г̇зхз д̇ханам̣ над̇т̇и, ахам̣ бана сийласамбаннасса д̇хийд̇арам̣ д̣̇аад̇угаамо имз маан̣авагз виймам̣санд̇о звамагаасим̣, мама д̇хийд̇аа д̇уяхамзва анужчавигаа’’д̇и д̇хийд̇арам̣ алан̇гарид̇ваа б̣од̇хисад̇д̇асса ад̣̇ааси. сзсамаан̣авагз ‘‘д̇умхзхи аабхад̇аабхад̇ам̣ д̇умхаагам̣ г̇зхамзва нзт̇аа’’д̇и ааха.
Ācariyo tassa pasīditvā ‘‘tāta, na mayhaṃ gehe dhanaṃ natthi, ahaṃ pana sīlasampannassa dhītaraṃ dātukāmo ime māṇavake vīmaṃsanto evamakāsiṃ, mama dhītā tuyhameva anucchavikā’’ti dhītaraṃ alaṅkaritvā bodhisattassa adāsi. Sesamāṇavake ‘‘tumhehi ābhatābhataṃ tumhākaṃ gehameva nethā’’ti āha.
сад̇т̇аа ‘‘ид̇и ко, бхигкавз, д̇з д̣̇уссийламаан̣авагаа ад̇д̇ано д̣̇уссийлад̇ааяа д̇ам̣ ид̇т̇им̣ на лабхим̣су, ид̇аро бан̣д̣ид̇амаан̣аво сийласамбаннад̇ааяа лабхий’’д̇и вад̇ваа абхисамб̣уд̣̇д̇хо худ̇ваа ид̇араа д̣̇вз г̇аат̇аа абхааси –
Satthā ‘‘iti kho, bhikkhave, te dussīlamāṇavakā attano dussīlatāya taṃ itthiṃ na labhiṃsu, itaro paṇḍitamāṇavo sīlasampannatāya labhī’’ti vatvā abhisambuddho hutvā itarā dve gāthā abhāsi –
19.
19.
‘‘д̣̇уж̇ж̇ажжо жа суж̇ажжо жа, нанд̣̇о жа сукавад̣дхид̇о;
‘‘Dujjacco ca sujacco ca, nando ca sukhavaḍḍhito;
важ̇ж̇о жа ад̣̇д̇хувасийло жа, д̇з д̇хаммам̣ ж̇ахумад̇т̇игаа.
Vajjo ca addhuvasīlo ca, te dhammaṃ jahumatthikā.
20.
20.
‘‘б̣раахман̣о жа гат̇ам̣ ж̇ахз, саб̣б̣ад̇хаммаана баараг̇уу;
‘‘Brāhmaṇo ca kathaṃ jahe, sabbadhammāna pāragū;
яо д̇хаммаманубаалзд̇и, д̇хид̇имаа сажжаниггамо’’д̇и.
Yo dhammamanupāleti, dhitimā saccanikkamo’’ti.
д̇ад̇т̇а д̣̇уж̇ж̇ажжод̇иаад̣̇аяо ча ж̇здтагамаан̣аваа, д̇зсам̣ наамам̣ г̇ан̣хи, авасзсаанам̣ наамам̣ аг̇г̇ахзд̇ваа саб̣б̣асан̇г̇аахигавасзнзва ‘‘д̇з д̇хаммам̣ ж̇ахумад̇т̇игаа’’д̇и ааха. д̇ад̇т̇а д̇зд̇и саб̣б̣зби д̇з маан̣аваа. д̇хамманд̇и ид̇т̇ибадилаабхасабхаавам̣ . ж̇ахумад̇т̇игаад̇и ж̇ахум̣ ад̇т̇игаа, аяамзва ваа баато. магааро бад̣̇аб̣яан̃ж̇анасанд̇хивасзна вуд̇д̇о. ид̣̇ам̣ вуд̇д̇ам̣ ход̇и – саб̣б̣зби д̇з маан̣аваа д̇ааяа ид̇т̇ияаа ад̇т̇игаава худ̇ваа ад̇д̇ано д̣̇уссийлад̇ааяа д̇ам̣ ид̇т̇ибадилаабхасабхаавам̣ ж̇ахим̣су.
Tattha dujjaccotiādayo cha jeṭṭhakamāṇavā, tesaṃ nāmaṃ gaṇhi, avasesānaṃ nāmaṃ aggahetvā sabbasaṅgāhikavaseneva ‘‘te dhammaṃ jahumatthikā’’ti āha. Tattha teti sabbepi te māṇavā. Dhammanti itthipaṭilābhasabhāvaṃ . Jahumatthikāti jahuṃ atthikā, ayameva vā pāṭho. Makāro padabyañjanasandhivasena vutto. Idaṃ vuttaṃ hoti – sabbepi te māṇavā tāya itthiyā atthikāva hutvā attano dussīlatāya taṃ itthipaṭilābhasabhāvaṃ jahiṃsu.
б̣раахман̣о жаад̇и ид̇аро бана сийласамбанно б̣раахман̣о. гат̇ам̣ ж̇ахзд̇и гзна гааран̣зна д̇ам̣ ид̇т̇ибадилаабхасабхаавам̣ ж̇ахиссад̇и. саб̣б̣ад̇хаммаананд̇и имасмим̣ таанз логияаани бан̃жа сийлаани, д̣̇аса сийлаани, д̇ийн̣и сужарид̇аани жа, саб̣б̣ад̇хаммаа наама, д̇зсам̣ со баарам̣ г̇ад̇од̇и баараг̇уу. д̇хамманд̇и вуд̇д̇аббагаарамзва д̇хаммам̣ яо анубаалзд̇и рагкад̇и. д̇хид̇имаад̇и сийларагканад̇хид̇ияаа саманнааг̇ад̇о. сажжаниггамод̇и сажжз сабхаавабхууд̇з яат̇аавуд̇д̇з сийлад̇хаммз ниггамзна саманнааг̇ад̇о.
Brāhmaṇo cāti itaro pana sīlasampanno brāhmaṇo. Kathaṃ jaheti kena kāraṇena taṃ itthipaṭilābhasabhāvaṃ jahissati. Sabbadhammānanti imasmiṃ ṭhāne lokiyāni pañca sīlāni, dasa sīlāni, tīṇi sucaritāni ca, sabbadhammā nāma, tesaṃ so pāraṃ gatoti pāragū. Dhammanti vuttappakārameva dhammaṃ yo anupāleti rakkhati. Dhitimāti sīlarakkhanadhitiyā samannāgato. Saccanikkamoti sacce sabhāvabhūte yathāvutte sīladhamme nikkamena samannāgato.
сад̇т̇аа имам̣ д̇хаммад̣̇зсанам̣ аахарид̇ваа сажжаани багаасзд̇ваа ж̇аад̇агам̣ самод̇хаанзси, сажжабарияосаанз д̇аани бан̃жа бхигкусад̇аани арахад̇д̇з бад̇идтахим̣су.
Satthā imaṃ dhammadesanaṃ āharitvā saccāni pakāsetvā jātakaṃ samodhānesi, saccapariyosāne tāni pañca bhikkhusatāni arahatte patiṭṭhahiṃsu.
д̇ад̣̇аа аажарияо саарибуд̇д̇о ахоси, бан̣д̣ид̇амаан̣аво бана ахамзва ахосинд̇и.
Tadā ācariyo sāriputto ahosi, paṇḍitamāṇavo pana ahameva ahosinti.
сийлавиймам̣санаж̇аад̇агаван̣н̣анаа бан̃жамаа.
Sīlavīmaṃsanajātakavaṇṇanā pañcamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 305. сийлавиймам̣санаж̇аад̇агам̣ • 305. Sīlavīmaṃsanajātakaṃ
