| Library / Tipiṭaka / д̇ибидага • Tipiṭaka / махааваг̇г̇а-адтагат̇аа • Mahāvagga-aṭṭhakathā |
сиймаануж̇аананагат̇аа
Sīmānujānanakathā
138. батамам̣ нимид̇д̇аа гид̇д̇зд̇аб̣б̣аад̇и винаяад̇харзна бужчид̇аб̣б̣ам̣ ‘‘бурад̇т̇имааяа д̣̇исааяа гим̣ нимид̇д̇а’’нд̇и? баб̣б̣ад̇о бханд̇зд̇и. буна винаяад̇харзна ‘‘зсо баб̣б̣ад̇о нимид̇д̇а’’нд̇и звам̣ нимид̇д̇ам̣ гид̇д̇зд̇аб̣б̣ам̣. ‘‘зд̇ам̣ баб̣б̣ад̇ам̣ нимид̇д̇ам̣ гарома, гариссаама, нимид̇д̇ам̣ гад̇о, нимид̇д̇ам̣ ход̇у, ход̇и бхависсад̇ий’’д̇и звам̣ бана гид̇д̇зд̇ум̣ на ваддад̇и. баасаан̣аад̣̇ийсуби зсзва наяо. бурад̇т̇имааяа ануд̣̇исааяа, д̣̇агкин̣ааяа д̣̇исааяа, д̣̇агкин̣ааяа ануд̣̇исааяа, бажчимааяа д̣̇исааяа, бажчимааяа ануд̣̇исааяа, уд̇д̇арааяа д̣̇исааяа, уд̇д̇арааяа ануд̣̇исааяа, гим̣ нимид̇д̇ам̣? уд̣̇агам̣ бханд̇з. зд̇ам̣ уд̣̇агам̣ нимид̇д̇анд̇и зд̇т̇а бана адтад̇ваа буна бурад̇т̇имааяа д̣̇исааяа гим̣ нимид̇д̇ам̣. баб̣б̣ад̇о бханд̇з. зсо баб̣б̣ад̇о нимид̇д̇анд̇и звам̣ батамам̣ гид̇д̇ид̇анимид̇д̇ам̣ гид̇д̇зд̇ваава табзд̇аб̣б̣ам̣. зван̃хи нимид̇д̇зна нимид̇д̇ам̣ гхадид̇ам̣ ход̇и. звам̣ нимид̇д̇аани гид̇д̇зд̇ваа ат̇аананд̇арам̣ вуд̇д̇ааяа гаммаваажааяа сиймаа самманнид̇аб̣б̣аа. гаммаваажаабарияосаанз нимид̇д̇аанам̣ анд̇о сиймаа ход̇и, нимид̇д̇аани сиймад̇о б̣ахи хонд̇и. д̇ад̇т̇а нимид̇д̇аани сагим̣ гид̇д̇ид̇ааниби гид̇д̇ид̇аанзва хонд̇и. анд̇хагадтагат̇ааяам̣ бана д̇игкад̇д̇ум̣ сиймаман̣д̣алам̣ самб̣анд̇ханд̇зна нимид̇д̇ам̣ гид̇д̇зд̇аб̣б̣анд̇и вуд̇д̇ам̣. ‘‘баб̣б̣ад̇о бханд̇зд̇и…бз… уд̣̇агам̣ бханд̇з’’д̇и звам̣ бана убасамбанно ваа аажигкад̇у анубасамбанно ваа ваддад̇иязва.
138.Paṭhamaṃ nimittā kittetabbāti vinayadharena pucchitabbaṃ ‘‘puratthimāya disāya kiṃ nimitta’’nti? Pabbato bhanteti. Puna vinayadharena ‘‘eso pabbato nimitta’’nti evaṃ nimittaṃ kittetabbaṃ. ‘‘Etaṃ pabbataṃ nimittaṃ karoma, karissāma, nimittaṃ kato, nimittaṃ hotu, hoti bhavissatī’’ti evaṃ pana kittetuṃ na vaṭṭati. Pāsāṇādīsupi eseva nayo. Puratthimāya anudisāya, dakkhiṇāya disāya, dakkhiṇāya anudisāya, pacchimāya disāya, pacchimāya anudisāya, uttarāya disāya, uttarāya anudisāya, kiṃ nimittaṃ? Udakaṃ bhante. Etaṃ udakaṃ nimittanti ettha pana aṭṭhatvā puna puratthimāya disāya kiṃ nimittaṃ. Pabbato bhante. Eso pabbato nimittanti evaṃ paṭhamaṃ kittitanimittaṃ kittetvāva ṭhapetabbaṃ. Evañhi nimittena nimittaṃ ghaṭitaṃ hoti. Evaṃ nimittāni kittetvā athānantaraṃ vuttāya kammavācāya sīmā sammannitabbā. Kammavācāpariyosāne nimittānaṃ anto sīmā hoti, nimittāni sīmato bahi honti. Tattha nimittāni sakiṃ kittitānipi kittitāneva honti. Andhakaṭṭhakathāyaṃ pana tikkhattuṃ sīmamaṇḍalaṃ sambandhantena nimittaṃ kittetabbanti vuttaṃ. ‘‘Pabbato bhanteti…pe… udakaṃ bhante’’ti evaṃ pana upasampanno vā ācikkhatu anupasampanno vā vaṭṭatiyeva.
ид̣̇аани баб̣б̣ад̇анимид̇д̇аад̣̇ийсу звам̣ винижчаяо взд̣̇ид̇аб̣б̣о – д̇ивид̇хо баб̣б̣ад̇о, суд̣̇д̇хабам̣субаб̣б̣ад̇о, суд̣̇д̇хабаасаан̣абаб̣б̣ад̇о, убхаяамиссагод̇и. со д̇ивид̇хоби ваддад̇и. ваалигарааси бана на ваддад̇и. ид̇ароби хад̇т̇иббамаан̣ад̇о омагад̇аро на ваддад̇и. хад̇т̇иббамаан̣ад̇о бана бадтааяа синзруббамаан̣оби ваддад̇и. сажз жад̇уусу д̣̇исаасу жад̇д̇ааро д̇ийсу ваа д̇аяо баб̣б̣ад̇аа хонд̇и, жад̇уухи ваа д̇ийхи ваа баб̣б̣ад̇анимид̇д̇зхи зва самманнид̇ум̣ ваддад̇и. д̣̇вийхи бана нимид̇д̇зхи згзна ваа самманнид̇ум̣ на ваддад̇и. ид̇о барзсу баасаан̣анимид̇д̇аад̣̇ийсуби зсзва наяо. д̇асмаа баб̣б̣ад̇анимид̇д̇ам̣ гаронд̇зна бужчид̇аб̣б̣ам̣ ‘‘згааб̣ад̣̇д̇хо на згааб̣ад̣̇д̇хо’’д̇и. сажз згааб̣ад̣̇д̇хо ход̇и, на гаад̇аб̣б̣о. д̇ан̃хи жад̇уусу ваа адтасу ваа д̣̇исаасу гид̇д̇знд̇знааби згамзва нимид̇д̇ам̣ гид̇д̇ид̇ам̣ ход̇и, д̇асмаа яо звам̣ жаггасан̣таанзна вихаарам̣ баригкибид̇ваа тид̇о баб̣б̣ад̇о, д̇ам̣ згад̣̇исааяа гид̇д̇зд̇ваа ан̃н̃аасу д̣̇исаасу д̇ам̣ б̣ахид̣̇д̇хаа гад̇ваа анд̇о ан̃н̃аани нимид̇д̇аани гид̇д̇зд̇аб̣б̣аани.
Idāni pabbatanimittādīsu evaṃ vinicchayo veditabbo – tividho pabbato, suddhapaṃsupabbato, suddhapāsāṇapabbato, ubhayamissakoti. So tividhopi vaṭṭati. Vālikarāsi pana na vaṭṭati. Itaropi hatthippamāṇato omakataro na vaṭṭati. Hatthippamāṇato pana paṭṭhāya sineruppamāṇopi vaṭṭati. Sace catūsu disāsu cattāro tīsu vā tayo pabbatā honti, catūhi vā tīhi vā pabbatanimittehi eva sammannituṃ vaṭṭati. Dvīhi pana nimittehi ekena vā sammannituṃ na vaṭṭati. Ito paresu pāsāṇanimittādīsupi eseva nayo. Tasmā pabbatanimittaṃ karontena pucchitabbaṃ ‘‘ekābaddho na ekābaddho’’ti. Sace ekābaddho hoti, na kātabbo. Tañhi catūsu vā aṭṭhasu vā disāsu kittentenāpi ekameva nimittaṃ kittitaṃ hoti, tasmā yo evaṃ cakkasaṇṭhānena vihāraṃ parikkhipitvā ṭhito pabbato, taṃ ekadisāya kittetvā aññāsu disāsu taṃ bahiddhā katvā anto aññāni nimittāni kittetabbāni.
сажз баб̣б̣ад̇асса д̇ад̇ияабхааг̇ам̣ ваа убад̣дхам̣ ваа анд̇осиймааяа гад̇д̇угаамаа хонд̇и, баб̣б̣ад̇ам̣ агид̇д̇зд̇ваа яад̇д̇агам̣ бад̣̇зсам̣ анд̇о гад̇д̇угаамаа, д̇асса барад̇о д̇асмим̣язва баб̣б̣ад̇з ж̇аад̇аругкаваммигаад̣̇ийсу ан̃н̃ад̇арам̣ нимид̇д̇ам̣ гид̇д̇зд̇аб̣б̣ам̣. сажз згаяож̇анад̣̇вияож̇анаббамаан̣ам̣ саб̣б̣ам̣ баб̣б̣ад̇ам̣ анд̇о гад̇д̇угаамаа хонд̇и, баб̣б̣ад̇асса барад̇о бхуумияам̣ ж̇аад̇аругкаваммигаад̣̇ийни нимид̇д̇аани гид̇д̇зд̇аб̣б̣аани.
Sace pabbatassa tatiyabhāgaṃ vā upaḍḍhaṃ vā antosīmāya kattukāmā honti, pabbataṃ akittetvā yattakaṃ padesaṃ anto kattukāmā, tassa parato tasmiṃyeva pabbate jātarukkhavammikādīsu aññataraṃ nimittaṃ kittetabbaṃ. Sace ekayojanadviyojanappamāṇaṃ sabbaṃ pabbataṃ anto kattukāmā honti, pabbatassa parato bhūmiyaṃ jātarukkhavammikādīni nimittāni kittetabbāni.
баасаан̣анимид̇д̇з – аяаг̇ул̣оби баасаан̣асан̇кяамзва г̇ажчад̇и, д̇асмаа яо гожи баасаан̣о ваддад̇и. бамаан̣ад̇о бана хад̇т̇иббамаан̣о баб̣б̣ад̇асан̇кяам̣ г̇ад̇о, д̇асмаа со на ваддад̇и. махааг̇он̣амахаамахим̣саббамаан̣о бана ваддад̇и. хздтимабарижчзд̣̇зна д̣̇вад̇д̇им̣сабалаг̇ул̣абин̣д̣абаримаан̣о ваддад̇и. д̇ад̇о куд̣̇д̣̇агад̇аро идтагаа ваа маханд̇ийби на ваддад̇и. анимид̇д̇убаг̇абаасаан̣араасиби на ваддад̇и, баг̇зва бам̣суваалигарааси. бхуумисамо каламан̣д̣аласад̣̇исо бидтибаасаан̣о ваа бхуумид̇о каан̣уго вияа удтид̇абаасаан̣о ваа ход̇и, соби бамаан̣убаг̇о жз ваддад̇и. бидтибаасаан̣о ад̇имаханд̇оби баасаан̣асан̇кяамзва г̇ажчад̇и, д̇асмаа сажз махад̇о бидтибаасаан̣асса згаббад̣̇зсам̣ анд̇осиймааяа гад̇д̇угаамаа хонд̇и, д̇ам̣ агид̇д̇зд̇ваа д̇ассубари ан̃н̃о баасаан̣о гид̇д̇зд̇аб̣б̣о. сажз бидтибаасаан̣убари вихаарам̣ гаронд̇и, вихаарамаж̇жхзна ваа бидтибаасаан̣о винивиж̇жхид̇ваа г̇ажчад̇и, зваруубо бидтибаасаан̣о на ваддад̇и. сажз хи д̇ам̣ гид̇д̇знд̇и, нимид̇д̇асса убари вихааро ход̇и, нимид̇д̇ан̃жа наама б̣ахисиймааяа ход̇и, вихаароби б̣ахисиймааяам̣ аабаж̇ж̇ад̇и. вихаарам̣ баригкибид̇ваа тид̇абидтибаасаан̣о згад̇т̇а гид̇д̇зд̇ваа ан̃н̃ад̇т̇а на гид̇д̇зд̇аб̣б̣о.
Pāsāṇanimitte – ayaguḷopi pāsāṇasaṅkhyameva gacchati, tasmā yo koci pāsāṇo vaṭṭati. Pamāṇato pana hatthippamāṇo pabbatasaṅkhyaṃ gato, tasmā so na vaṭṭati. Mahāgoṇamahāmahiṃsappamāṇo pana vaṭṭati. Heṭṭhimaparicchedena dvattiṃsapalaguḷapiṇḍaparimāṇo vaṭṭati. Tato khuddakataro iṭṭhakā vā mahantīpi na vaṭṭati. Animittupagapāsāṇarāsipi na vaṭṭati, pageva paṃsuvālikarāsi. Bhūmisamo khalamaṇḍalasadiso piṭṭhipāsāṇo vā bhūmito khāṇuko viya uṭṭhitapāsāṇo vā hoti, sopi pamāṇupago ce vaṭṭati. Piṭṭhipāsāṇo atimahantopi pāsāṇasaṅkhyameva gacchati, tasmā sace mahato piṭṭhipāsāṇassa ekappadesaṃ antosīmāya kattukāmā honti, taṃ akittetvā tassupari añño pāsāṇo kittetabbo. Sace piṭṭhipāsāṇupari vihāraṃ karonti, vihāramajjhena vā piṭṭhipāsāṇo vinivijjhitvā gacchati, evarūpo piṭṭhipāsāṇo na vaṭṭati. Sace hi taṃ kittenti, nimittassa upari vihāro hoti, nimittañca nāma bahisīmāya hoti, vihāropi bahisīmāyaṃ āpajjati. Vihāraṃ parikkhipitvā ṭhitapiṭṭhipāsāṇo ekattha kittetvā aññattha na kittetabbo.
вананимид̇д̇з – д̇ин̣аванам̣ ваа д̇ажасаарад̇ааланаал̣игзраад̣̇иругкаванам̣ ваа на ваддад̇и. анд̇осаараанам̣ бана саагасаалаад̣̇ийнам̣ анд̇осаарамиссагаанам̣ ваа ругкаанам̣ ванам̣ ваддад̇и, д̇ан̃жа ко хздтимабарижчзд̣̇зна жад̇убан̃жаругкамад̇д̇амби д̇ад̇о орам̣ на ваддад̇и, барам̣ яож̇анасад̇игамби ваддад̇и. сажз бана ванамаж̇жхз вихаарам̣ гаронд̇и, ванам̣ на гид̇д̇зд̇аб̣б̣ам̣. згад̣̇зсам̣ анд̇осиймааяа гад̇д̇угаамзхиби ванам̣ агид̇д̇зд̇ваа д̇ад̇т̇а ругкабаасаан̣аад̣̇аяо гид̇д̇зд̇аб̣б̣аа. вихаарам̣ баригкибид̇ваа тид̇аванам̣ згад̇т̇а гид̇д̇зд̇ваа ан̃н̃ад̇т̇а на гид̇д̇зд̇аб̣б̣ам̣.
Vananimitte – tiṇavanaṃ vā tacasāratālanāḷikerādirukkhavanaṃ vā na vaṭṭati. Antosārānaṃ pana sākasālādīnaṃ antosāramissakānaṃ vā rukkhānaṃ vanaṃ vaṭṭati, tañca kho heṭṭhimaparicchedena catupañcarukkhamattampi tato oraṃ na vaṭṭati, paraṃ yojanasatikampi vaṭṭati. Sace pana vanamajjhe vihāraṃ karonti, vanaṃ na kittetabbaṃ. Ekadesaṃ antosīmāya kattukāmehipi vanaṃ akittetvā tattha rukkhapāsāṇādayo kittetabbā. Vihāraṃ parikkhipitvā ṭhitavanaṃ ekattha kittetvā aññattha na kittetabbaṃ.
ругканимид̇д̇з – д̇ажасааро д̇ааланаал̣игзраад̣̇иругко на ваддад̇и, анд̇осааро ж̇ийвамаанаго анд̇амасо уб̣б̣зд̇хад̇о адтан̇г̇уло барин̣аахад̇о суужид̣̇ан̣д̣агаббамаан̣оби ваддад̇и, д̇ад̇о орам̣ на ваддад̇и, барам̣ д̣̇ваад̣̇асаяож̇ано суббад̇идтид̇аниг̇род̇хоби ваддад̇и. вам̣санал̣агасарааваад̣̇ийсу б̣ийж̇ам̣ робзд̇ваа вад̣дхаабид̇о бамаан̣убаг̇оби на ваддад̇и. д̇ад̇о абанзд̇ваа бана д̇ан̇кан̣амби бхуумияам̣ робзд̇ваа годтагам̣ гад̇ваа уд̣̇агам̣ аасин̃жид̇ваа гид̇д̇зд̇ум̣ ваддад̇и. навамууласаакааниг̇г̇аманам̣ агааран̣ам̣. канд̇хам̣ чинд̣̇ид̇ваа робид̇з бана зд̇ам̣ яуж̇ж̇ад̇и. гид̇д̇знд̇зна жа ‘‘ругко’’д̇иби вад̇д̇ум̣ ваддад̇и, ‘‘саагаругкод̇иби сааларугко’’д̇иби. згааб̣ад̣̇д̇хам̣ бана суббад̇идтид̇аниг̇род̇хасад̣̇исам̣ згад̇т̇а гид̇д̇зд̇ваа ан̃н̃ад̇т̇а гид̇д̇зд̇ум̣ на ваддад̇и.
Rukkhanimitte – tacasāro tālanāḷikerādirukkho na vaṭṭati, antosāro jīvamānako antamaso ubbedhato aṭṭhaṅgulo pariṇāhato sūcidaṇḍakappamāṇopi vaṭṭati, tato oraṃ na vaṭṭati, paraṃ dvādasayojano suppatiṭṭhitanigrodhopi vaṭṭati. Vaṃsanaḷakasarāvādīsu bījaṃ ropetvā vaḍḍhāpito pamāṇupagopi na vaṭṭati. Tato apanetvā pana taṅkhaṇampi bhūmiyaṃ ropetvā koṭṭhakaṃ katvā udakaṃ āsiñcitvā kittetuṃ vaṭṭati. Navamūlasākhāniggamanaṃ akāraṇaṃ. Khandhaṃ chinditvā ropite pana etaṃ yujjati. Kittentena ca ‘‘rukkho’’tipi vattuṃ vaṭṭati, ‘‘sākarukkhotipi sālarukkho’’tipi. Ekābaddhaṃ pana suppatiṭṭhitanigrodhasadisaṃ ekattha kittetvā aññattha kittetuṃ na vaṭṭati.
маг̇г̇анимид̇д̇з – аран̃н̃акзд̇д̇анад̣̇ийд̇ал̣аагамаг̇г̇аад̣̇аяо на вадданд̇и, ж̇ан̇гхамаг̇г̇о ваа сагадамаг̇г̇о ваа ваддад̇и, яо ниб̣б̣иж̇жхид̇ваа д̣̇вз д̇ийн̣и г̇ааманд̇араани г̇ажчад̇и. яо бана ж̇ан̇гхамаг̇г̇о сагадамаг̇г̇ад̇о оггамид̇ваа буна сагадамаг̇г̇амзва од̇арад̇и, яз ваа ж̇ан̇гхамаг̇г̇асагадамаг̇г̇аа авал̣ан̃ж̇аа, д̇з на вадданд̇и. ж̇ан̇гхасад̇т̇асагадасад̇т̇зхи вал̣ан̃ж̇ияамаанааязва вадданд̇и. сажз д̣̇вз маг̇г̇аа нигкамид̇ваа бажчаа сагадад̇хурамива згийбхаванд̇и, д̣̇вид̇хаа бхиннадтаанз ваа самб̣анд̇хадтаанз ваа сагим̣ гид̇д̇зд̇ваа буна на гид̇д̇зд̇аб̣б̣аа, згааб̣ад̣̇д̇ханимид̇д̇ан̃хзд̇ам̣ ход̇и.
Magganimitte – araññakhettanadītaḷākamaggādayo na vaṭṭanti, jaṅghamaggo vā sakaṭamaggo vā vaṭṭati, yo nibbijjhitvā dve tīṇi gāmantarāni gacchati. Yo pana jaṅghamaggo sakaṭamaggato okkamitvā puna sakaṭamaggameva otarati, ye vā jaṅghamaggasakaṭamaggā avaḷañjā, te na vaṭṭanti. Jaṅghasatthasakaṭasatthehi vaḷañjiyamānāyeva vaṭṭanti. Sace dve maggā nikkhamitvā pacchā sakaṭadhuramiva ekībhavanti, dvidhā bhinnaṭṭhāne vā sambandhaṭṭhāne vā sakiṃ kittetvā puna na kittetabbā, ekābaddhanimittañhetaṃ hoti.
сажз вихаарам̣ баригкибид̇ваа жад̇д̇ааро маг̇г̇аа жад̇уусу д̣̇исаасу г̇ажчанд̇и, маж̇жхз згам̣ гид̇д̇зд̇ваа абарам̣ гид̇д̇зд̇ум̣ на ваддад̇и. згааб̣ад̣̇д̇ханимид̇д̇ан̃хзд̇ам̣ ход̇и. гон̣ам̣ ниб̣б̣иж̇жхид̇ваа г̇ад̇амаг̇г̇ам̣ бана барабхааг̇з гид̇д̇зд̇ум̣ ваддад̇и. вихаарамаж̇жхзна ниб̣б̣иж̇жхид̇ваа г̇ад̇амаг̇г̇о бана на гид̇д̇зд̇аб̣б̣о. гид̇д̇ид̇з нимид̇д̇асса убари вихааро ход̇и. сажз сагадамаг̇г̇асса анд̇имажаггамаг̇г̇ам̣ нимид̇д̇ам̣ гаронд̇и, маг̇г̇о б̣ахисиймааяа ход̇и. сажз б̣аахиражаггамаг̇г̇ам̣ нимид̇д̇ам̣ гаронд̇и, б̣аахиражаггамаг̇г̇ова б̣ахисиймааяа ход̇и, сзсам̣ анд̇осиймам̣ бхаж̇ад̇и. маг̇г̇ам̣ гид̇д̇знд̇зна ‘‘маг̇г̇о бант̇о бат̇о баж̇ж̇о’’д̇и д̣̇асасу язна гзнажи наамзна гид̇д̇зд̇ум̣ ваддад̇и. барикаасан̣таанзна вихаарам̣ баригкибид̇ваа г̇ад̇амаг̇г̇о згад̇т̇а гид̇д̇зд̇ваа ан̃н̃ад̇т̇а гид̇д̇зд̇ум̣ на ваддад̇и.
Sace vihāraṃ parikkhipitvā cattāro maggā catūsu disāsu gacchanti, majjhe ekaṃ kittetvā aparaṃ kittetuṃ na vaṭṭati. Ekābaddhanimittañhetaṃ hoti. Koṇaṃ nibbijjhitvā gatamaggaṃ pana parabhāge kittetuṃ vaṭṭati. Vihāramajjhena nibbijjhitvā gatamaggo pana na kittetabbo. Kittite nimittassa upari vihāro hoti. Sace sakaṭamaggassa antimacakkamaggaṃ nimittaṃ karonti, maggo bahisīmāya hoti. Sace bāhiracakkamaggaṃ nimittaṃ karonti, bāhiracakkamaggova bahisīmāya hoti, sesaṃ antosīmaṃ bhajati. Maggaṃ kittentena ‘‘maggo pantho patho pajjo’’ti dasasu yena kenaci nāmena kittetuṃ vaṭṭati. Parikhāsaṇṭhānena vihāraṃ parikkhipitvā gatamaggo ekattha kittetvā aññattha kittetuṃ na vaṭṭati.
ваммиганимид̇д̇з – хздтимабарижчзд̣̇зна д̇ам̣ д̣̇ивасам̣ ж̇аад̇о адтан̇г̇улуб̣б̣зд̇хо г̇овисаан̣аббамаан̣оби ваммиго ваддад̇и, д̇ад̇о орам̣ на ваддад̇и, барам̣ химаванд̇абаб̣б̣ад̇асад̣̇исоби ваддад̇и. вихаарам̣ баригкибид̇ваа тид̇ам̣ бана згааб̣ад̣̇д̇хам̣ згад̇т̇а гид̇д̇зд̇ваа ан̃н̃ад̇т̇а гид̇д̇зд̇ум̣ на ваддад̇и.
Vammikanimitte – heṭṭhimaparicchedena taṃ divasaṃ jāto aṭṭhaṅgulubbedho govisāṇappamāṇopi vammiko vaṭṭati, tato oraṃ na vaṭṭati, paraṃ himavantapabbatasadisopi vaṭṭati. Vihāraṃ parikkhipitvā ṭhitaṃ pana ekābaddhaṃ ekattha kittetvā aññattha kittetuṃ na vaṭṭati.
над̣̇ийнимид̇д̇з – яассаа д̇хаммигаанам̣ рааж̇уунам̣ гаалз анвад̣̇д̇хамаасам̣ ануд̣̇асаахам̣ анубан̃жааханд̇и звам̣ анад̇иггамид̇ваа д̣̇звз вассанд̇з валаахагзсу виг̇ад̇амад̇д̇зсу сод̇ам̣ бажчиж̇ж̇ад̇и, аяам̣ над̣̇ийсан̇кяам̣ на г̇ажчад̇и. яассаа бана ийд̣̇исз сувудтигаалз вассаанасса жаад̇умаасз сод̇ам̣ на бажчиж̇ж̇ад̇и, д̇иман̣д̣алам̣ бадижчаад̣̇зд̇ваа яад̇т̇а гад̇т̇ажи уд̇д̇аранд̇ияаа бхигкунияаа анд̇араваасаго д̇змияад̇и, аяам̣ над̣̇ийсан̇кяам̣ г̇ажчад̇и, сиймам̣ б̣анд̇ханд̇аанам̣ нимид̇д̇ам̣ ход̇и. бхигкунияаа над̣̇ийбаараг̇аманзби убосат̇аад̣̇исан̇гхагаммагаран̣зби над̣̇ийбаарасиймасамманнанзби аяамзва над̣̇ий.
Nadīnimitte – yassā dhammikānaṃ rājūnaṃ kāle anvaddhamāsaṃ anudasāhaṃ anupañcāhanti evaṃ anatikkamitvā deve vassante valāhakesu vigatamattesu sotaṃ pacchijjati, ayaṃ nadīsaṅkhyaṃ na gacchati. Yassā pana īdise suvuṭṭhikāle vassānassa cātumāse sotaṃ na pacchijjati, timaṇḍalaṃ paṭicchādetvā yattha katthaci uttarantiyā bhikkhuniyā antaravāsako temiyati, ayaṃ nadīsaṅkhyaṃ gacchati, sīmaṃ bandhantānaṃ nimittaṃ hoti. Bhikkhuniyā nadīpāragamanepi uposathādisaṅghakammakaraṇepi nadīpārasīmasammannanepi ayameva nadī.
яаа бана маг̇г̇о вияа сагадад̇хурасан̣таанзна ваа барикаасан̣таанзна ваа вихаарам̣ баригкибид̇ваа г̇ад̇аа, д̇ам̣ згад̇т̇а гид̇д̇зд̇ваа ан̃н̃ад̇т̇а гид̇д̇зд̇ум̣ на ваддад̇и. вихаарасса жад̇уусу д̣̇исаасу ан̃н̃аман̃н̃ам̣ виниб̣б̣иж̇жхид̇ваа г̇ад̇з над̣̇ижад̇уггзби зсзва наяо. асаммиссанад̣̇ияо бана жад̇ассоби гид̇д̇зд̇ум̣ ваддад̇и. сажз вад̇им̣ гаронд̇о вияа ругкабаад̣̇з никан̣ид̇ваа валлибалаалаад̣̇ийхи над̣̇исод̇ам̣ румбханд̇и, уд̣̇аган̃жа аж̇жход̇т̇арид̇ваа ааваран̣ам̣ бавад̇д̇ад̇иязва, нимид̇д̇ам̣ гаад̇ум̣ ваддад̇и. яат̇аа бана уд̣̇агам̣ наббавад̇д̇ад̇и, звам̣ сзд̇умхи гад̇з аббавад̇д̇амаанаа над̣̇ий нимид̇д̇ам̣ гаад̇ум̣ на ваддад̇и. бавад̇д̇анадтаанз над̣̇инимид̇д̇ам̣, аббавад̇д̇анадтаанз уд̣̇аганимид̇д̇ам̣ гаад̇ум̣ ваддад̇и.
Yā pana maggo viya sakaṭadhurasaṇṭhānena vā parikhāsaṇṭhānena vā vihāraṃ parikkhipitvā gatā, taṃ ekattha kittetvā aññattha kittetuṃ na vaṭṭati. Vihārassa catūsu disāsu aññamaññaṃ vinibbijjhitvā gate nadicatukkepi eseva nayo. Asammissanadiyo pana catassopi kittetuṃ vaṭṭati. Sace vatiṃ karonto viya rukkhapāde nikhaṇitvā vallipalālādīhi nadisotaṃ rumbhanti, udakañca ajjhottharitvā āvaraṇaṃ pavattatiyeva, nimittaṃ kātuṃ vaṭṭati. Yathā pana udakaṃ nappavattati, evaṃ setumhi kate appavattamānā nadī nimittaṃ kātuṃ na vaṭṭati. Pavattanaṭṭhāne nadinimittaṃ, appavattanaṭṭhāne udakanimittaṃ kātuṃ vaṭṭati.
яаа бана д̣̇уб̣б̣удтигаалз ваа г̇имхз ваа нируд̣̇агабхаавзна наббавад̇д̇ад̇и, саа ваддад̇и. махаанад̣̇ид̇о уд̣̇агамаад̇игам̣ нийхаранд̇и, саа гуннад̣̇исад̣̇исаа худ̇ваа д̇ийн̣и сассаани самбаад̣̇знд̇ий нижжам̣ бавад̇д̇ад̇и, гин̃жааби бавад̇д̇ад̇и, нимид̇д̇ам̣ гаад̇ум̣ на ваддад̇и. яаа бана муулз махаанад̣̇ид̇о ниг̇г̇ад̇ааби гааланд̇арзна д̇знзва ниг̇г̇ад̇амаг̇г̇зна над̣̇им̣ бхинд̣̇ид̇ваа саяан̃жа г̇ажчад̇и, г̇ажчанд̇ий барад̇о сусумаараад̣̇исамаагин̣н̣аа нааваад̣̇ийхи сан̃жарид̇аб̣б̣аа над̣̇ий ход̇и, д̇ам̣ нимид̇д̇ам̣ гаад̇ум̣ ваддад̇и.
Yā pana dubbuṭṭhikāle vā gimhe vā nirudakabhāvena nappavattati, sā vaṭṭati. Mahānadito udakamātikaṃ nīharanti, sā kunnadisadisā hutvā tīṇi sassāni sampādentī niccaṃ pavattati, kiñcāpi pavattati, nimittaṃ kātuṃ na vaṭṭati. Yā pana mūle mahānadito niggatāpi kālantarena teneva niggatamaggena nadiṃ bhinditvā sayañca gacchati, gacchantī parato susumārādisamākiṇṇā nāvādīhi sañcaritabbā nadī hoti, taṃ nimittaṃ kātuṃ vaṭṭati.
уд̣̇аганимид̇д̇з – нируд̣̇агз таанз наавааяа ваа жаадиаад̣̇ийсу ваа уд̣̇агам̣ буурзд̇ваа уд̣̇аганимид̇д̇ам̣ гид̇д̇зд̇ум̣ на ваддад̇и, бхуумиг̇ад̇амзва ваддад̇и . д̇ан̃жа ко аббавад̇д̇анауд̣̇агам̣ ааваадабогкаран̣ид̇ал̣аагаж̇аад̇ассаралон̣исамуд̣̇д̣̇аад̣̇ийсу тид̇ам̣, адтид̇ам̣ бана огханад̣̇иуд̣̇агаваахагамаад̇игаад̣̇ийсу уд̣̇агам̣ на ваддад̇и. анд̇хагадтагат̇ааяам̣ бана ‘‘г̇амбхийрзсу ааваадаад̣̇ийсу угкзбимам̣ уд̣̇агам̣ нимид̇д̇ам̣ на гаад̇аб̣б̣а’’нд̇и вуд̇д̇ам̣, д̇ам̣ д̣̇увуд̇д̇ам̣ ад̇д̇аномад̇имад̇д̇амзва. тид̇ам̣ бана анд̇амасо суугаракад̇ааяаби г̇аамад̣̇аарагаанам̣ гийл̣анаваабияамби д̇ан̇кан̣ан̃н̃зва бат̇авияам̣ ааваадагам̣ гад̇ваа гудзхи аахарид̇ваа буурид̇ауд̣̇агамби сажз яаава гаммаваажаабарияосаанаа д̇идтад̇и, аббам̣ ваа ход̇у б̣аху ваа, ваддад̇и. д̇асмим̣ бана таанз нимид̇д̇асан̃н̃аагаран̣ад̇т̇ам̣ баасаан̣аваалигаабам̣суаад̣̇ирааси ваа баасаан̣ад̇т̇амбхо ваа д̣̇ааруд̇т̇амбхо ваа гаад̇аб̣б̣о. д̇ам̣ гаад̇ун̃жа гаарзд̇ун̃жа бхигкусса ваддад̇и. лаабхасиймааяам̣ бана на ваддад̇и . самаанасам̣ваасагасиймаа гассажи бийл̣анам̣ на гарод̇и, гзвалам̣ бхигкуунам̣ винаяагаммамзва саад̇хзд̇и, д̇асмаа зд̇т̇а ваддад̇и.
Udakanimitte – nirudake ṭhāne nāvāya vā cāṭiādīsu vā udakaṃ pūretvā udakanimittaṃ kittetuṃ na vaṭṭati, bhūmigatameva vaṭṭati . Tañca kho appavattanaudakaṃ āvāṭapokkharaṇitaḷākajātassaraloṇisamuddādīsu ṭhitaṃ, aṭṭhitaṃ pana oghanadiudakavāhakamātikādīsu udakaṃ na vaṭṭati. Andhakaṭṭhakathāyaṃ pana ‘‘gambhīresu āvāṭādīsu ukkhepimaṃ udakaṃ nimittaṃ na kātabba’’nti vuttaṃ, taṃ duvuttaṃ attanomatimattameva. Ṭhitaṃ pana antamaso sūkarakhatāyapi gāmadārakānaṃ kīḷanavāpiyampi taṅkhaṇaññeva pathaviyaṃ āvāṭakaṃ katvā kuṭehi āharitvā pūritaudakampi sace yāva kammavācāpariyosānā tiṭṭhati, appaṃ vā hotu bahu vā, vaṭṭati. Tasmiṃ pana ṭhāne nimittasaññākaraṇatthaṃ pāsāṇavālikāpaṃsuādirāsi vā pāsāṇatthambho vā dārutthambho vā kātabbo. Taṃ kātuñca kāretuñca bhikkhussa vaṭṭati. Lābhasīmāyaṃ pana na vaṭṭati . Samānasaṃvāsakasīmā kassaci pīḷanaṃ na karoti, kevalaṃ bhikkhūnaṃ vinayakammameva sādheti, tasmā ettha vaṭṭati.
имзхи жа адтахи нимид̇д̇зхи асаммиссзхиби ан̃н̃аман̃н̃ам̣ саммиссзхиби сиймам̣ самманнид̇ум̣ ваддад̇иязва. саа звам̣ самманнид̇ваа б̣аж̇жхамаанаа згзна д̣̇вийхи ваа нимид̇д̇зхи аб̣ад̣̇д̇хаа ход̇и, д̇ийн̣и бана аад̣̇им̣ гад̇ваа вуд̇д̇аббагаараанам̣ нимид̇д̇аанам̣ сад̇знааби б̣ад̣̇д̇хаа ход̇и. саа д̇ийхи син̇гхаадагасан̣таанаа ход̇и, жад̇уухи жад̇урассаа ваа син̇гхаадагаад̣дхажанд̣̇амуд̣̇ин̇г̇аад̣̇исан̣таанаа ваа, д̇ад̇о ад̇хигзхи наанаасан̣таанаа. д̇ам̣ б̣анд̇хид̇угаамзхи сааманд̇авихаарзсу бхигкуу д̇асса д̇асса вихаарасса сиймаабарижчзд̣̇ам̣ бужчид̇ваа, б̣ад̣̇д̇хасиймавихаараанам̣ сиймааяа сийманд̇аригам̣, аб̣ад̣̇д̇хасиймавихаараанам̣ сиймааяа убажаарам̣ табзд̇ваа д̣̇исаажааригабхигкуунам̣ ниссан̃жаарасамаяз сажз згасмим̣ г̇аамакзд̇д̇з сиймам̣ б̣анд̇хид̇угаамаа, яз д̇ад̇т̇а б̣ад̣̇д̇хасиймавихаараа, д̇зсу бхигкуунам̣ ‘‘маяам̣ аж̇ж̇а сиймам̣ б̣анд̇хиссаама, д̇умхз сагасиймаабарижчзд̣̇ад̇о маа нигкамид̇т̇аа’’д̇и бзсзд̇аб̣б̣ам̣. яз аб̣ад̣̇д̇хасиймавихаараа, д̇зсу бхигкуу згаж̇жхам̣ саннибаад̇зд̇аб̣б̣аа, чанд̣̇аарахаанам̣ чанд̣̇о аахараабзд̇аб̣б̣о . сажз ан̃н̃ааниби г̇аамагкзд̇д̇аани анд̇огаад̇угаамаа , д̇зсу г̇аамзсу яз бхигкуу васанд̇и, д̇зхиби ааг̇анд̇аб̣б̣ам̣. анааг̇ажчанд̇аанам̣ чанд̣̇о аахарид̇аб̣б̣од̇и махаасумад̇т̇зро ааха. махаабад̣̇умад̇т̇зро бана ‘‘наанааг̇аамакзд̇д̇аани наама баадзггам̣ б̣ад̣̇д̇хасиймаасад̣̇исаани, на д̇ад̇о чанд̣̇абаарисуд̣̇д̇хи ааг̇ажчад̇и. анд̇онимид̇д̇аг̇ад̇зхи бана бхигкуухи ааг̇анд̇аб̣б̣а’’нд̇и вад̇ваа буна ааха – ‘‘самаанасам̣ваасагасиймаасамманнанагаалз ааг̇аманамби анааг̇аманамби ваддад̇и. авиббаваасасиймаасамманнанагаалз бана анд̇онимид̇д̇аг̇ад̇зхи ааг̇анд̇аб̣б̣ам̣, анааг̇ажчанд̇аанам̣ чанд̣̇о аахарид̇аб̣б̣о’’д̇и.
Imehi ca aṭṭhahi nimittehi asammissehipi aññamaññaṃ sammissehipi sīmaṃ sammannituṃ vaṭṭatiyeva. Sā evaṃ sammannitvā bajjhamānā ekena dvīhi vā nimittehi abaddhā hoti, tīṇi pana ādiṃ katvā vuttappakārānaṃ nimittānaṃ satenāpi baddhā hoti. Sā tīhi siṅghāṭakasaṇṭhānā hoti, catūhi caturassā vā siṅghāṭakaaḍḍhacandamudiṅgādisaṇṭhānā vā, tato adhikehi nānāsaṇṭhānā. Taṃ bandhitukāmehi sāmantavihāresu bhikkhū tassa tassa vihārassa sīmāparicchedaṃ pucchitvā, baddhasīmavihārānaṃ sīmāya sīmantarikaṃ, abaddhasīmavihārānaṃ sīmāya upacāraṃ ṭhapetvā disācārikabhikkhūnaṃ nissañcārasamaye sace ekasmiṃ gāmakhette sīmaṃ bandhitukāmā, ye tattha baddhasīmavihārā, tesu bhikkhūnaṃ ‘‘mayaṃ ajja sīmaṃ bandhissāma, tumhe sakasīmāparicchedato mā nikkhamitthā’’ti pesetabbaṃ. Ye abaddhasīmavihārā, tesu bhikkhū ekajjhaṃ sannipātetabbā, chandārahānaṃ chando āharāpetabbo . Sace aññānipi gāmakkhettāni antokātukāmā , tesu gāmesu ye bhikkhū vasanti, tehipi āgantabbaṃ. Anāgacchantānaṃ chando āharitabboti mahāsumatthero āha. Mahāpadumatthero pana ‘‘nānāgāmakhettāni nāma pāṭekkaṃ baddhasīmāsadisāni, na tato chandapārisuddhi āgacchati. Antonimittagatehi pana bhikkhūhi āgantabba’’nti vatvā puna āha – ‘‘samānasaṃvāsakasīmāsammannanakāle āgamanampi anāgamanampi vaṭṭati. Avippavāsasīmāsammannanakāle pana antonimittagatehi āgantabbaṃ, anāgacchantānaṃ chando āharitabbo’’ti.
звам̣ саннибад̇ид̇зсу бана бхигкуусу чанд̣̇аарахаанам̣ чанд̣̇з аахадз д̇зсу д̇зсу маг̇г̇зсу над̣̇ийд̇ид̇т̇аг̇аамад̣̇ваараад̣̇ийсу жа ааг̇анд̇угабхигкуунам̣ сийгхам̣ сийгхам̣ хад̇т̇абаасаанаяанад̇т̇ан̃жа б̣ахисиймаагаран̣ад̇т̇ан̃жа аараамигз жзва саман̣уд̣̇д̣̇зсз жа табзд̇ваа бхзрисан̃н̃ам̣ ваа сан̇касан̃н̃ам̣ ваа гад̇ваа нимид̇д̇агид̇д̇анаананд̇арам̣ вуд̇д̇ааяа ‘‘сун̣аад̇у мз бханд̇з сан̇гхо’’д̇иаад̣̇игааяа гаммаваажааяа сиймаа б̣анд̇хид̇аб̣б̣аа. гаммаваажаабарияосаанзязва нимид̇д̇аани б̣ахи гад̇ваа хздтаа бат̇ависанд̇хаарагам̣ уд̣̇агам̣ барияанд̇ам̣ гад̇ваа сиймаа г̇ад̇аа ход̇и.
Evaṃ sannipatitesu pana bhikkhūsu chandārahānaṃ chande āhaṭe tesu tesu maggesu nadītitthagāmadvārādīsu ca āgantukabhikkhūnaṃ sīghaṃ sīghaṃ hatthapāsānayanatthañca bahisīmākaraṇatthañca ārāmike ceva samaṇuddese ca ṭhapetvā bherisaññaṃ vā saṅkhasaññaṃ vā katvā nimittakittanānantaraṃ vuttāya ‘‘suṇātu me bhante saṅgho’’tiādikāya kammavācāya sīmā bandhitabbā. Kammavācāpariyosāneyeva nimittāni bahi katvā heṭṭhā pathavisandhārakaṃ udakaṃ pariyantaṃ katvā sīmā gatā hoti.
имам̣ бана самаанасам̣ваасагасиймам̣ самманнанд̇зхи баб̣б̣аж̇ж̇убасамбад̣̇аад̣̇ийнам̣ сан̇гхагаммаанам̣ сукагаран̣ад̇т̇ам̣ батамам̣ кан̣д̣асиймаа б̣анд̇хид̇аб̣б̣аа. д̇ам̣ бана б̣анд̇ханд̇зхи вад̇д̇ам̣ ж̇аанид̇аб̣б̣ам̣. сажз хи б̣од̇хижзд̇ияабхад̇д̇асаалаад̣̇ийни саб̣б̣авад̇т̇ууни бад̇идтаабзд̇ваа гад̇авихаарз б̣анд̇ханд̇и, вихаарамаж̇жхз б̣ахуунам̣ самосаран̣адтаанз аб̣анд̇хид̇ваа вихаарабажжанд̇з вивид̇д̇огаасз б̣анд̇хид̇аб̣б̣аа. агад̇авихаарз б̣анд̇ханд̇зхи б̣од̇хижзд̇ияаад̣̇ийнам̣ саб̣б̣авад̇т̇уунам̣ таанам̣ саллагкзд̇ваа яат̇аа бад̇идтид̇зсу вад̇т̇уусу вихаарабажжанд̇з вивид̇д̇огаасз ход̇и, звам̣ б̣анд̇хид̇аб̣б̣аа. саа хздтимабарижчзд̣̇зна сажз згавийсад̇и бхигкуу г̇ан̣хаад̇и, ваддад̇и. д̇ад̇о орам̣ на ваддад̇и, барам̣ бхигкусахассам̣ г̇ан̣ханд̇ийби ваддад̇и. д̇ам̣ б̣анд̇ханд̇зхи сиймаамаал̣агасса саманд̇аа нимид̇д̇убаг̇аа баасаан̣аа табзд̇аб̣б̣аа, на кан̣д̣асиймааяа тид̇зхи махаасиймаа б̣анд̇хид̇аб̣б̣аа, на махаасиймааяа тид̇зхи кан̣д̣асиймаа, кан̣д̣асиймааяамзва бана тад̇ваа кан̣д̣асиймаа б̣анд̇хид̇аб̣б̣аа, махаасиймааяамзва тад̇ваа махаасиймаа.
Imaṃ pana samānasaṃvāsakasīmaṃ sammannantehi pabbajjupasampadādīnaṃ saṅghakammānaṃ sukhakaraṇatthaṃ paṭhamaṃ khaṇḍasīmā bandhitabbā. Taṃ pana bandhantehi vattaṃ jānitabbaṃ. Sace hi bodhicetiyabhattasālādīni sabbavatthūni patiṭṭhāpetvā katavihāre bandhanti, vihāramajjhe bahūnaṃ samosaraṇaṭṭhāne abandhitvā vihārapaccante vivittokāse bandhitabbā. Akatavihāre bandhantehi bodhicetiyādīnaṃ sabbavatthūnaṃ ṭhānaṃ sallakkhetvā yathā patiṭṭhitesu vatthūsu vihārapaccante vivittokāse hoti, evaṃ bandhitabbā. Sā heṭṭhimaparicchedena sace ekavīsati bhikkhū gaṇhāti, vaṭṭati. Tato oraṃ na vaṭṭati, paraṃ bhikkhusahassaṃ gaṇhantīpi vaṭṭati. Taṃ bandhantehi sīmāmāḷakassa samantā nimittupagā pāsāṇā ṭhapetabbā, na khaṇḍasīmāya ṭhitehi mahāsīmā bandhitabbā, na mahāsīmāya ṭhitehi khaṇḍasīmā, khaṇḍasīmāyameva pana ṭhatvā khaṇḍasīmā bandhitabbā, mahāsīmāyameva ṭhatvā mahāsīmā.
д̇ад̇рааяам̣ б̣анд̇ханавид̇хи – саманд̇аа ‘‘зсо баасаан̣о нимид̇д̇а’’нд̇и звам̣ нимид̇д̇аани гид̇д̇зд̇ваа гаммаваажааяа сиймаа самманнид̇аб̣б̣аа. ат̇а д̇ассаа зва д̣̇ал̣хийгаммад̇т̇ам̣ авиббаваасагаммаваажаа гаад̇аб̣б̣аа. зван̃хи сиймам̣ самууханиссаамаад̇и ааг̇ад̇аа самууханид̇ум̣ на сагкиссанд̇и. сиймам̣ самманнид̇ваа б̣ахисийманд̇аригабаасаан̣аа табзд̇аб̣б̣аа. сийманд̇аригаа бажчимагодияаа згарад̇анаббамаан̣аа ваддад̇и. вид̣̇ад̇т̇иббамаан̣ааби ваддад̇ийд̇и гурунд̣̇ияам̣, жад̇уран̇г̇улаббамаан̣ааби ваддад̇ийд̇и махаабажжарияам̣ вуд̇д̇ам̣. сажз бана вихааро махаа ход̇и, д̣̇взби д̇иссоби д̇ад̇уд̇д̇ариби кан̣д̣асиймааяо б̣анд̇хид̇аб̣б̣аа.
Tatrāyaṃ bandhanavidhi – samantā ‘‘eso pāsāṇo nimitta’’nti evaṃ nimittāni kittetvā kammavācāya sīmā sammannitabbā. Atha tassā eva daḷhīkammatthaṃ avippavāsakammavācā kātabbā. Evañhi sīmaṃ samūhanissāmāti āgatā samūhanituṃ na sakkhissanti. Sīmaṃ sammannitvā bahisīmantarikapāsāṇā ṭhapetabbā. Sīmantarikā pacchimakoṭiyā ekaratanappamāṇā vaṭṭati. Vidatthippamāṇāpi vaṭṭatīti kurundiyaṃ, caturaṅgulappamāṇāpi vaṭṭatīti mahāpaccariyaṃ vuttaṃ. Sace pana vihāro mahā hoti, dvepi tissopi tatuttaripi khaṇḍasīmāyo bandhitabbā.
звам̣ кан̣д̣асиймам̣ самманнид̇ваа махаасиймаасаммуд̇игаалз кан̣д̣асиймад̇о нигкамид̇ваа махаасиймааяа тад̇ваа саманд̇аа анубарияааяанд̇зхи сийманд̇аригабаасаан̣аа гид̇д̇зд̇аб̣б̣аа. д̇ад̇о авасзсанимид̇д̇аани гид̇д̇зд̇ваа хад̇т̇абаасам̣ авиж̇аханд̇зхи гаммаваажааяа самаанасам̣ваасагасиймам̣ самманнид̇ваа д̇ассаа д̣̇ал̣хийгаммад̇т̇ам̣ авиббаваасагаммаваажааби гаад̇аб̣б̣аа. зван̃хи ‘‘сиймам̣ самууханиссаамаа’’д̇и ааг̇ад̇аа самууханид̇ум̣ на сагкиссанд̇и. сажз бана кан̣д̣асиймааяа нимид̇д̇аани гид̇д̇зд̇ваа д̇ад̇о сийманд̇аригааяа нимид̇д̇аани гид̇д̇зд̇ваа махаасиймааяа нимид̇д̇аани гид̇д̇знд̇и, звам̣ д̇ийсу таанзсу нимид̇д̇аани гид̇д̇зд̇ваа яам̣ сиймам̣ ижчанд̇и, д̇ам̣ батамам̣ б̣анд̇хид̇ум̣ ваддад̇и. звам̣ санд̇зби яат̇аавуд̇д̇знаязна кан̣д̣асиймад̇ова бадтааяа б̣анд̇хид̇аб̣б̣аа. звам̣ б̣ад̣̇д̇хаасу бана сиймаасу кан̣д̣асиймааяа тид̇аа бхигкуу махаасиймааяа гаммам̣ гаронд̇аанам̣ на гобзнд̇и, махаасиймааяа ваа тид̇аа кан̣д̣асиймааяа гаммам̣ гаронд̇аанам̣ сийманд̇аригааяа бана тид̇аа убхиннамби на гобзнд̇и. г̇аамакзд̇д̇з тад̇ваа гаммам̣ гаронд̇аанам̣ бана сийманд̇аригааяа тид̇аа гобзнд̇и. сийманд̇аригаа хи г̇аамакзд̇д̇ам̣ бхаж̇ад̇и.
Evaṃ khaṇḍasīmaṃ sammannitvā mahāsīmāsammutikāle khaṇḍasīmato nikkhamitvā mahāsīmāya ṭhatvā samantā anupariyāyantehi sīmantarikapāsāṇā kittetabbā. Tato avasesanimittāni kittetvā hatthapāsaṃ avijahantehi kammavācāya samānasaṃvāsakasīmaṃ sammannitvā tassā daḷhīkammatthaṃ avippavāsakammavācāpi kātabbā. Evañhi ‘‘sīmaṃ samūhanissāmā’’ti āgatā samūhanituṃ na sakkhissanti. Sace pana khaṇḍasīmāya nimittāni kittetvā tato sīmantarikāya nimittāni kittetvā mahāsīmāya nimittāni kittenti, evaṃ tīsu ṭhānesu nimittāni kittetvā yaṃ sīmaṃ icchanti, taṃ paṭhamaṃ bandhituṃ vaṭṭati. Evaṃ santepi yathāvuttenayena khaṇḍasīmatova paṭṭhāya bandhitabbā. Evaṃ baddhāsu pana sīmāsu khaṇḍasīmāya ṭhitā bhikkhū mahāsīmāya kammaṃ karontānaṃ na kopenti, mahāsīmāya vā ṭhitā khaṇḍasīmāya kammaṃ karontānaṃ sīmantarikāya pana ṭhitā ubhinnampi na kopenti. Gāmakhette ṭhatvā kammaṃ karontānaṃ pana sīmantarikāya ṭhitā kopenti. Sīmantarikā hi gāmakhettaṃ bhajati.
сиймаа жа наамзсаа на гзвалам̣ бат̇авид̇алзязва б̣ад̣̇д̇хаа б̣ад̣̇д̇хаа наама ход̇и. ат̇а ко бидтибаасаан̣зби гудиг̇зхзби лзн̣зби баасаад̣̇зби баб̣б̣ад̇амад̇т̇агзби б̣ад̣̇д̇хаа б̣ад̣̇д̇хааязва ход̇и. д̇ад̇т̇а бидтибаасаан̣з б̣анд̇ханд̇зхи баасаан̣абидтияам̣ рааж̇им̣ ваа годдзд̇ваа уд̣̇угкалам̣ ваа кан̣ид̇ваа нимид̇д̇ам̣ на гаад̇аб̣б̣ам̣ , нимид̇д̇убаг̇абаасаан̣з табзд̇ваа нимид̇д̇аани гид̇д̇зд̇аб̣б̣аани. гаммаваажаабарияосаанз сиймаа бат̇ависанд̇хаарагам̣ уд̣̇агам̣ барияанд̇ам̣ гад̇ваа од̇арад̇и. нимид̇д̇абаасаан̣аа яат̇аатаанз на д̇идтанд̇и, д̇асмаа саманд̇ад̇о рааж̇и ваа удтаабзд̇аб̣б̣аа, жад̇уусу ваа гон̣зсу баасаан̣аа виж̇жхид̇аб̣б̣аа, ‘‘аяам̣ сиймаабарижчзд̣̇о’’д̇и вад̇ваа агкараани ваа чинд̣̇ид̇аб̣б̣аани. гзжи усууяагаа сиймам̣ жхаабзссаамаад̇и аг̇г̇им̣ д̣̇знд̇и, баасаан̣аава жхааяанд̇и, на сиймаа.
Sīmā ca nāmesā na kevalaṃ pathavitaleyeva baddhā baddhā nāma hoti. Atha kho piṭṭhipāsāṇepi kuṭigehepi leṇepi pāsādepi pabbatamatthakepi baddhā baddhāyeva hoti. Tattha piṭṭhipāsāṇe bandhantehi pāsāṇapiṭṭhiyaṃ rājiṃ vā koṭṭetvā udukkhalaṃ vā khaṇitvā nimittaṃ na kātabbaṃ , nimittupagapāsāṇe ṭhapetvā nimittāni kittetabbāni. Kammavācāpariyosāne sīmā pathavisandhārakaṃ udakaṃ pariyantaṃ katvā otarati. Nimittapāsāṇā yathāṭhāne na tiṭṭhanti, tasmā samantato rāji vā uṭṭhāpetabbā, catūsu vā koṇesu pāsāṇā vijjhitabbā, ‘‘ayaṃ sīmāparicchedo’’ti vatvā akkharāni vā chinditabbāni. Keci usūyakā sīmaṃ jhāpessāmāti aggiṃ denti, pāsāṇāva jhāyanti, na sīmā.
гудиг̇зхзби б̣анд̇ханд̇зхи бхид̇д̇им̣ агид̇д̇зд̇ваа згавийсад̇ияаа бхигкуунам̣ огаасадтаанам̣ анд̇о гарид̇ваа баасаан̣анимид̇д̇аани табзд̇ваа сиймаа самманнид̇аб̣б̣аа, анд̇огуддамзва сиймаа ход̇и. сажз анд̇огуддз згавийсад̇ияаа бхигкуунам̣ огаасо над̇т̇и, бамукз нимид̇д̇абаасаан̣з табзд̇ваа самманнид̇аб̣б̣аа. сажз звамби наббаход̇и, б̣ахиниб̣б̣од̣̇агабад̇анадтаанзби нимид̇д̇аани табзд̇ваа самманнид̇аб̣б̣аа. звам̣ саммад̇ааяа бана саб̣б̣ам̣ гудиг̇зхам̣ сиймадтамзва ход̇и.
Kuṭigehepi bandhantehi bhittiṃ akittetvā ekavīsatiyā bhikkhūnaṃ okāsaṭṭhānaṃ anto karitvā pāsāṇanimittāni ṭhapetvā sīmā sammannitabbā, antokuṭṭameva sīmā hoti. Sace antokuṭṭe ekavīsatiyā bhikkhūnaṃ okāso natthi, pamukhe nimittapāsāṇe ṭhapetvā sammannitabbā. Sace evampi nappahoti, bahinibbodakapatanaṭṭhānepi nimittāni ṭhapetvā sammannitabbā. Evaṃ sammatāya pana sabbaṃ kuṭigehaṃ sīmaṭṭhameva hoti.
жад̇убхид̇д̇ияалзн̣зби б̣анд̇ханд̇зхи гуддам̣ агид̇д̇зд̇ваа баасаан̣аава гид̇д̇зд̇аб̣б̣аа. сажз анд̇о огаасо над̇т̇и, бамукзби нимид̇д̇аани табзд̇аб̣б̣аани. сажз наббаход̇и, б̣ахи ниб̣б̣од̣̇агабад̇анадтаанзби нимид̇д̇абаасаан̣з табзд̇ваа нимид̇д̇аани гид̇д̇зд̇ваа сиймаа самманнид̇аб̣б̣аа. звам̣ лзн̣асса анд̇о жа б̣ахи жа сиймаа ход̇и.
Catubhittiyaleṇepi bandhantehi kuṭṭaṃ akittetvā pāsāṇāva kittetabbā. Sace anto okāso natthi, pamukhepi nimittāni ṭhapetabbāni. Sace nappahoti, bahi nibbodakapatanaṭṭhānepi nimittapāsāṇe ṭhapetvā nimittāni kittetvā sīmā sammannitabbā. Evaṃ leṇassa anto ca bahi ca sīmā hoti.
убарибаасаад̣̇зби бхид̇д̇им̣ агид̇д̇зд̇ваа анд̇о баасаан̣з табзд̇ваа сиймаа самманнид̇аб̣б̣аа. сажз наббаход̇и, бамукзби баасаан̣з табзд̇ваа самманнид̇аб̣б̣аа. звам̣ саммад̇аа убарибаасаад̣̇зязва ход̇и, хздтаа на од̇арад̇и. сажз бана б̣ахуусу т̇амбхзсу д̇улаанам̣ убари гад̇абаасаад̣̇асса хздтимад̇алз гуддо яат̇аа нимид̇д̇аанам̣ анд̇о ход̇и, звам̣ удтахид̇ваа д̇улааругкзхи згасамб̣ад̣̇д̇хо тид̇о, хздтааби од̇арад̇и. згат̇амбхабаасаад̣̇асса бана убаримад̇алз б̣ад̣̇д̇хаа сиймаа сажз т̇амбхамад̇т̇агз згавийсад̇ияаа бхигкуунам̣ огаасо ход̇и, хздтаа од̇арад̇и. сажз баасаад̣̇абхид̇д̇ид̇о ниг̇г̇ад̇зсу нияяуухагаад̣̇ийсу баасаан̣з табзд̇ваа сиймам̣ б̣анд̇ханд̇и, баасаад̣̇абхид̇д̇и анд̇осиймааяам̣ ход̇и. хздтаа банассаа од̇аран̣аанод̇аран̣ам̣ вуд̇д̇анаязнзва взд̣̇ид̇аб̣б̣ам̣. хздтаабаасаад̣̇з гид̇д̇знд̇зхиби бхид̇д̇и жа ругкад̇т̇амбхаа жа на гид̇д̇зд̇аб̣б̣аа. бхид̇д̇илаг̇г̇з бана баасаан̣ад̇т̇амбхз гид̇д̇зд̇ум̣ ваддад̇и. звам̣ гид̇д̇ид̇аа сиймаа хздтаа баасаад̣̇асса барияанд̇ат̇амбхаанам̣ анд̇оязва ход̇и. сажз бана хздтаабаасаад̣̇асса гуд̣д̣о убаримад̇алзна самб̣ад̣̇д̇хо ход̇и, убарибаасаад̣̇амби абхирухад̇и. сажз баасаад̣̇асса б̣ахи ниб̣б̣од̣̇агабад̇анадтаанз нимид̇д̇аани гаронд̇и, саб̣б̣о баасаад̣̇о сиймадто ход̇и.
Uparipāsādepi bhittiṃ akittetvā anto pāsāṇe ṭhapetvā sīmā sammannitabbā. Sace nappahoti, pamukhepi pāsāṇe ṭhapetvā sammannitabbā. Evaṃ sammatā uparipāsādeyeva hoti, heṭṭhā na otarati. Sace pana bahūsu thambhesu tulānaṃ upari katapāsādassa heṭṭhimatale kuṭṭo yathā nimittānaṃ anto hoti, evaṃ uṭṭhahitvā tulārukkhehi ekasambaddho ṭhito, heṭṭhāpi otarati. Ekathambhapāsādassa pana uparimatale baddhā sīmā sace thambhamatthake ekavīsatiyā bhikkhūnaṃ okāso hoti, heṭṭhā otarati. Sace pāsādabhittito niggatesu niyyūhakādīsu pāsāṇe ṭhapetvā sīmaṃ bandhanti, pāsādabhitti antosīmāyaṃ hoti. Heṭṭhā panassā otaraṇānotaraṇaṃ vuttanayeneva veditabbaṃ. Heṭṭhāpāsāde kittentehipi bhitti ca rukkhatthambhā ca na kittetabbā. Bhittilagge pana pāsāṇatthambhe kittetuṃ vaṭṭati. Evaṃ kittitā sīmā heṭṭhā pāsādassa pariyantathambhānaṃ antoyeva hoti. Sace pana heṭṭhāpāsādassa kuḍḍo uparimatalena sambaddho hoti, uparipāsādampi abhiruhati. Sace pāsādassa bahi nibbodakapatanaṭṭhāne nimittāni karonti, sabbo pāsādo sīmaṭṭho hoti.
баб̣б̣ад̇амад̇т̇агз д̇алам̣ ход̇и згавийсад̇ияаа бхигкуунам̣ огаасаарахам̣, д̇ад̇т̇а бидтибаасаан̣з вияа сиймам̣ б̣анд̇ханд̇и. хздтаабаб̣б̣ад̇зби д̇знзва барижчзд̣̇зна сиймаа од̇арад̇и. д̇ааламуулагабаб̣б̣ад̇зби убари сиймаа б̣ад̣̇д̇хаа хздтаа од̇арад̇зва. яо бана вид̇аанасан̣таано ход̇и, убари згавийсад̇ияаа бхигкуунам̣ огаасо ад̇т̇и, хздтаа над̇т̇и, д̇асса убари б̣ад̣̇д̇хаа сиймаа хздтаа на од̇арад̇и. звам̣ муд̣̇ин̇г̇асан̣таано ваа ход̇у бан̣авасан̣таано ваа, яасса хздтаа ваа маж̇жхз ваа сиймаббамаан̣ам̣ над̇т̇и, д̇ассубари б̣ад̣̇д̇хаа сиймаа хздтаа нзва од̇арад̇и. яасса бана д̣̇вз гуудаани аасаннз тид̇аани, згассаби убари сиймаббамаан̣ам̣ наббаход̇и, д̇асса гууданд̇арам̣ жинид̇ваа ваа буурзд̇ваа ваа згааб̣ад̣̇д̇хам̣ гад̇ваа убари сиймаа самманнид̇аб̣б̣аа.
Pabbatamatthake talaṃ hoti ekavīsatiyā bhikkhūnaṃ okāsārahaṃ, tattha piṭṭhipāsāṇe viya sīmaṃ bandhanti. Heṭṭhāpabbatepi teneva paricchedena sīmā otarati. Tālamūlakapabbatepi upari sīmā baddhā heṭṭhā otarateva. Yo pana vitānasaṇṭhāno hoti, upari ekavīsatiyā bhikkhūnaṃ okāso atthi, heṭṭhā natthi, tassa upari baddhā sīmā heṭṭhā na otarati. Evaṃ mudiṅgasaṇṭhāno vā hotu paṇavasaṇṭhāno vā, yassa heṭṭhā vā majjhe vā sīmappamāṇaṃ natthi, tassupari baddhā sīmā heṭṭhā neva otarati. Yassa pana dve kūṭāni āsanne ṭhitāni, ekassapi upari sīmappamāṇaṃ nappahoti, tassa kūṭantaraṃ cinitvā vā pūretvā vā ekābaddhaṃ katvā upari sīmā sammannitabbā.
зго саббапан̣асад̣̇исо баб̣б̣ад̇о, д̇ассубари сиймаббамаан̣асса ад̇т̇ид̇ааяа сиймам̣ б̣анд̇ханд̇и, д̇асса жз хздтаа аагаасабаб̣бхаарам̣ ход̇и, сиймаа на од̇арад̇и. сажз банасса взмаж̇жхз сиймаббамаан̣о сусирабаасаан̣о ход̇и, од̇арад̇и. со жа баасаан̣о сиймадтоязва ход̇и. ат̇аабисса хздтаа лзн̣асса гуддо аг̇г̇агодим̣ аахажжа д̇идтад̇и , од̇арад̇и, хздтаа жа убари жа сиймааязва ход̇и. сажз бана хздтаа убаримасса сиймаабарижчзд̣̇асса баарад̇о анд̇о-лзн̣ам̣ ход̇и, б̣ахи сиймаа на од̇арад̇и. ат̇ааби убаримасса сиймаабарижчзд̣̇асса орад̇о б̣ахилзн̣ам̣ ход̇и, анд̇о сиймаа на од̇арад̇и. ат̇ааби убари сиймааяа барижчзд̣̇о куд̣̇д̣̇аго, хздтаа лзн̣ам̣ маханд̇ам̣ сиймаабарижчзд̣̇амад̇иггамид̇ваа тид̇ам̣, сиймаа убариязва ход̇и, хздтаа на од̇арад̇и. яад̣̇и бана лзн̣ам̣ куд̣̇д̣̇агам̣ саб̣б̣абажчимасиймаабаримаан̣ам̣, убари сиймаа махад̇ий д̇ам̣ аж̇жход̇т̇арид̇ваа тид̇аа, сиймаа од̇арад̇и. ат̇а лзн̣ам̣ ад̇икуд̣̇д̣̇агам̣ сиймаббамаан̣ам̣ на ход̇и, сиймаа убариязва ход̇и, хздтаа на од̇арад̇и. сажз д̇ад̇о убад̣дхам̣ бхиж̇ж̇ид̇ваа бад̇ад̇и, сиймаббамаан̣ам̣ жзби ход̇и, б̣ахи бад̇ид̇ам̣ асиймаа. абад̇ид̇ам̣ бана яад̣̇и сиймаббамаан̣ам̣, сиймаа ход̇иязва.
Eko sappaphaṇasadiso pabbato, tassupari sīmappamāṇassa atthitāya sīmaṃ bandhanti, tassa ce heṭṭhā ākāsapabbhāraṃ hoti, sīmā na otarati. Sace panassa vemajjhe sīmappamāṇo susirapāsāṇo hoti, otarati. So ca pāsāṇo sīmaṭṭhoyeva hoti. Athāpissa heṭṭhā leṇassa kuṭṭo aggakoṭiṃ āhacca tiṭṭhati , otarati, heṭṭhā ca upari ca sīmāyeva hoti. Sace pana heṭṭhā uparimassa sīmāparicchedassa pārato anto-leṇaṃ hoti, bahi sīmā na otarati. Athāpi uparimassa sīmāparicchedassa orato bahileṇaṃ hoti, anto sīmā na otarati. Athāpi upari sīmāya paricchedo khuddako, heṭṭhā leṇaṃ mahantaṃ sīmāparicchedamatikkamitvā ṭhitaṃ, sīmā upariyeva hoti, heṭṭhā na otarati. Yadi pana leṇaṃ khuddakaṃ sabbapacchimasīmāparimāṇaṃ, upari sīmā mahatī taṃ ajjhottharitvā ṭhitā, sīmā otarati. Atha leṇaṃ atikhuddakaṃ sīmappamāṇaṃ na hoti, sīmā upariyeva hoti, heṭṭhā na otarati. Sace tato upaḍḍhaṃ bhijjitvā patati, sīmappamāṇaṃ cepi hoti, bahi patitaṃ asīmā. Apatitaṃ pana yadi sīmappamāṇaṃ, sīmā hotiyeva.
кан̣д̣асиймаа нийжавад̇т̇угаа ход̇и, д̇ам̣ буурзд̇ваа ужжавад̇т̇угам̣ гаронд̇и, сиймааязва. сиймааяа г̇зхам̣ гаронд̇и, сиймадтагамзва ход̇и. сиймааяа богкаран̣им̣ кан̣анд̇и, сиймааязва. огхо сиймааман̣д̣алам̣ од̇т̇арид̇ваа г̇ажчад̇и, сиймаамаал̣агз аддам̣ б̣анд̇хид̇ваа гаммам̣ гаад̇ум̣ ваддад̇и. сиймааяа хздтаа уман̇г̇анад̣̇ий ход̇и, ид̣̇д̇химаа бхигку д̇ад̇т̇а нисийд̣̇ад̇и, сажз саа над̣̇ий батамам̣ г̇ад̇аа, сиймаа бажчаа б̣ад̣̇д̇хаа , гаммам̣ на гобзд̇и. ат̇а батамам̣ сиймаа б̣ад̣̇д̇хаа, бажчаа над̣̇ий г̇ад̇аа, гаммам̣ гобзд̇и. хздтаабат̇авид̇алз тид̇о бана гобзд̇иязва.
Khaṇḍasīmā nīcavatthukā hoti, taṃ pūretvā uccavatthukaṃ karonti, sīmāyeva. Sīmāya gehaṃ karonti, sīmaṭṭhakameva hoti. Sīmāya pokkharaṇiṃ khaṇanti, sīmāyeva. Ogho sīmāmaṇḍalaṃ ottharitvā gacchati, sīmāmāḷake aṭṭaṃ bandhitvā kammaṃ kātuṃ vaṭṭati. Sīmāya heṭṭhā umaṅganadī hoti, iddhimā bhikkhu tattha nisīdati, sace sā nadī paṭhamaṃ gatā, sīmā pacchā baddhā , kammaṃ na kopeti. Atha paṭhamaṃ sīmā baddhā, pacchā nadī gatā, kammaṃ kopeti. Heṭṭhāpathavitale ṭhito pana kopetiyeva.
сиймаамаал̣агз вадаругко ход̇и, д̇асса саакаа ваа д̇ад̇о ниг̇г̇ад̇абаарохо ваа махаасиймааяа бат̇авид̇алам̣ ваа д̇ад̇т̇аж̇аад̇аругкаад̣̇ийни ваа аахажжа д̇идтад̇и, махаасиймам̣ сод̇хзд̇ваа ваа гаммам̣ гаад̇аб̣б̣ам̣, д̇з ваа саакаабаарохаа чинд̣̇ид̇ваа б̣ахидтагаа гаад̇аб̣б̣аа. анаахажжа тид̇асаакаад̣̇ийсу аарул̣хабхигку хад̇т̇абаасам̣ аанзд̇аб̣б̣о. звам̣ махаасиймааяа ж̇аад̇аругкасса саакаа ваа баарохо ваа вуд̇д̇анаязнзва сиймаамаал̣агз бад̇идтаад̇и, вуд̇д̇анаязнзва сиймам̣ сод̇хзд̇ваа ваа гаммам̣ гаад̇аб̣б̣ам̣, д̇з ваа саакаабаарохаа чинд̣̇ид̇ваа б̣ахидтагаа гаад̇аб̣б̣аа.
Sīmāmāḷake vaṭarukkho hoti, tassa sākhā vā tato niggatapāroho vā mahāsīmāya pathavitalaṃ vā tatthajātarukkhādīni vā āhacca tiṭṭhati, mahāsīmaṃ sodhetvā vā kammaṃ kātabbaṃ, te vā sākhāpārohā chinditvā bahiṭṭhakā kātabbā. Anāhacca ṭhitasākhādīsu āruḷhabhikkhu hatthapāsaṃ ānetabbo. Evaṃ mahāsīmāya jātarukkhassa sākhā vā pāroho vā vuttanayeneva sīmāmāḷake patiṭṭhāti, vuttanayeneva sīmaṃ sodhetvā vā kammaṃ kātabbaṃ, te vā sākhāpārohā chinditvā bahiṭṭhakā kātabbā.
сажз сиймаамаал̣агз гаммз гарияамаанз гожи бхигку сиймаамаал̣агасса анд̇о бависид̇ваа взхаасадтид̇асаакааяа нисийд̣̇ад̇и , баад̣̇аа ваасса бхуумиг̇ад̇аа хонд̇и, ниваасанабаарубанам̣ ваа бхуумим̣ пусад̇и, гаммам̣ гаад̇ум̣ на ваддад̇и. баад̣̇з бана ниваасанабаарубанан̃жа угкибаабзд̇ваа гаад̇ум̣ ваддад̇и. ид̣̇ан̃жа лагкан̣ам̣ буриманаязби взд̣̇ид̇аб̣б̣ам̣. аяам̣ бана висзсо – д̇ад̇ра угкибаабзд̇ваа гаад̇ум̣ на ваддад̇и, хад̇т̇абаасамзва аанзд̇аб̣б̣о. сажз анд̇осиймад̇о баб̣б̣ад̇о аб̣бхуг̇ажчад̇и, д̇ад̇радто бхигку хад̇т̇абаасам̣ аанзд̇аб̣б̣о. ид̣̇д̇хияаа анд̇обаб̣б̣ад̇ам̣ бавидтзби зсзва наяо. б̣аж̇жхамаанаа зва хи сиймаа бамаан̣арахид̇ам̣ бад̣̇зсам̣ на од̇арад̇и. б̣ад̣̇д̇хасиймааяа ж̇аад̇ам̣ яам̣гин̃жи яад̇т̇а гад̇т̇ажи згасамб̣ад̣̇д̇хзна г̇ад̇ам̣ сиймаасан̇кяамзва г̇ажчад̇ийд̇и.
Sace sīmāmāḷake kamme kariyamāne koci bhikkhu sīmāmāḷakassa anto pavisitvā vehāsaṭṭhitasākhāya nisīdati , pādā vāssa bhūmigatā honti, nivāsanapārupanaṃ vā bhūmiṃ phusati, kammaṃ kātuṃ na vaṭṭati. Pāde pana nivāsanapārupanañca ukkhipāpetvā kātuṃ vaṭṭati. Idañca lakkhaṇaṃ purimanayepi veditabbaṃ. Ayaṃ pana viseso – tatra ukkhipāpetvā kātuṃ na vaṭṭati, hatthapāsameva ānetabbo. Sace antosīmato pabbato abbhugacchati, tatraṭṭho bhikkhu hatthapāsaṃ ānetabbo. Iddhiyā antopabbataṃ paviṭṭhepi eseva nayo. Bajjhamānā eva hi sīmā pamāṇarahitaṃ padesaṃ na otarati. Baddhasīmāya jātaṃ yaṃkiñci yattha katthaci ekasambaddhena gataṃ sīmāsaṅkhyameva gacchatīti.
140. д̇ияож̇анабараманд̇и зд̇т̇а д̇ияож̇анам̣ барамам̣ бамаан̣амзд̇иссаад̇и д̇ияож̇анабарамаа; д̇ам̣ д̇ияож̇анабарамам̣. самманнанд̇зна бана маж̇жхз тад̇ваа яат̇аа жад̇уусуби д̣̇исаасу д̣̇ияад̣дхад̣̇ияад̣дхаяож̇анам̣ ход̇и, звам̣ самманнид̇аб̣б̣аа. сажз бана маж̇жхз тад̇ваа згзгад̣̇исад̇о д̇ияож̇анам̣ гаронд̇и, чаяож̇анам̣ ход̇ийд̇и на ваддад̇и. жад̇урассам̣ ваа д̇игон̣ам̣ ваа самманнанд̇зна яат̇аа гон̣ад̇о гон̣ам̣ д̇ияож̇анам̣ ход̇и, звам̣ самманнид̇аб̣б̣аа. сажз хи язна гзнажи барияанд̇зна гзсаг̇г̇амад̇д̇амби д̇ияож̇анам̣ ад̇иггаамзд̇и, аабад̇д̇ин̃жа аабаж̇ж̇ад̇и сиймаа жа асиймаа ход̇и.
140.Tiyojanaparamanti ettha tiyojanaṃ paramaṃ pamāṇametissāti tiyojanaparamā; taṃ tiyojanaparamaṃ. Sammannantena pana majjhe ṭhatvā yathā catūsupi disāsu diyaḍḍhadiyaḍḍhayojanaṃ hoti, evaṃ sammannitabbā. Sace pana majjhe ṭhatvā ekekadisato tiyojanaṃ karonti, chayojanaṃ hotīti na vaṭṭati. Caturassaṃ vā tikoṇaṃ vā sammannantena yathā koṇato koṇaṃ tiyojanaṃ hoti, evaṃ sammannitabbā. Sace hi yena kenaci pariyantena kesaggamattampi tiyojanaṃ atikkāmeti, āpattiñca āpajjati sīmā ca asīmā hoti.
над̣̇ийбааранд̇и зд̇т̇а баараяад̇ийд̇и баараа. гим̣ баараяад̇и? над̣̇им̣. над̣̇ияаа баараа над̣̇ийбаараа, д̇ам̣ над̣̇ийбаарам̣; над̣̇им̣ аж̇жход̇т̇арамаананд̇и ад̇т̇о. зд̇т̇а жа над̣̇ияаа лагкан̣ам̣ над̣̇ийнимид̇д̇з вуд̇д̇анаяамзва. яад̇т̇асса д̇хуванааваа ваад̇и яад̇т̇а над̣̇ияаа сиймааб̣анд̇ханадтаанаг̇ад̇зсу д̇ид̇т̇зсу нижжасан̃жаран̣анааваа асса, яаа саб̣б̣анд̇имзна барижчзд̣̇зна бааж̇анабурисзна сад̣̇д̇хим̣ д̇аяо ж̇анз вахад̇и. сажз бана саа нааваа уд̣̇д̇хам̣ ваа ад̇хо ваа гзнажид̣̇зва гаран̣ийязна буна ааг̇аманад̇т̇ааяа нийд̇аа, жорзхи ваа хадаа, авассам̣ лаб̣бханзяяаа, яаа бана ваад̇зна ваа чиннаб̣анд̇ханаа вийжийхи над̣̇имаж̇жхам̣ нийд̇аа авассам̣ аахарид̇аб̣б̣аа, буна д̇хуванааваава ход̇и. уд̣̇агз ог̇ад̇з т̇алам̣ уссаарид̇ааби суд̇хаагасадаад̣̇ийхи буурзд̇ваа табид̇ааби д̇хуванааваава. сажз бхиннаа ваа висан̇кад̇абад̣̇араа ваа на ваддад̇и. махаабад̣̇умад̇т̇зро банааха – ‘‘сажзби д̇аавагаалигам̣ наавам̣ аанзд̇ваа сиймааб̣анд̇ханадтаанз табзд̇ваа нимид̇д̇аани гид̇д̇знд̇и, д̇хуванааваава ход̇ий’’д̇и. д̇ад̇ра махаасумад̇т̇зро ааха – ‘‘нимид̇д̇ам̣ ваа сиймаа ваа гаммаваажааяа г̇ажчад̇и на наавааяа. бхаг̇авад̇аа жа д̇хуванааваа анун̃н̃аад̇аа, д̇асмаа ниб̣ад̣̇д̇ханаавааязва ваддад̇ий’’д̇и.
Nadīpāranti ettha pārayatīti pārā. Kiṃ pārayati? Nadiṃ. Nadiyā pārā nadīpārā, taṃ nadīpāraṃ; nadiṃ ajjhottharamānanti attho. Ettha ca nadiyā lakkhaṇaṃ nadīnimitte vuttanayameva. Yatthassa dhuvanāvā vāti yattha nadiyā sīmābandhanaṭṭhānagatesu titthesu niccasañcaraṇanāvā assa, yā sabbantimena paricchedena pājanapurisena saddhiṃ tayo jane vahati. Sace pana sā nāvā uddhaṃ vā adho vā kenacideva karaṇīyena puna āgamanatthāya nītā, corehi vā haṭā, avassaṃ labbhaneyyā, yā pana vātena vā chinnabandhanā vīcīhi nadimajjhaṃ nītā avassaṃ āharitabbā, puna dhuvanāvāva hoti. Udake ogate thalaṃ ussāritāpi sudhākasaṭādīhi pūretvā ṭhapitāpi dhuvanāvāva. Sace bhinnā vā visaṅkhatapadarā vā na vaṭṭati. Mahāpadumatthero panāha – ‘‘sacepi tāvakālikaṃ nāvaṃ ānetvā sīmābandhanaṭṭhāne ṭhapetvā nimittāni kittenti, dhuvanāvāva hotī’’ti. Tatra mahāsumatthero āha – ‘‘nimittaṃ vā sīmā vā kammavācāya gacchati na nāvāya. Bhagavatā ca dhuvanāvā anuññātā, tasmā nibaddhanāvāyeva vaṭṭatī’’ti.
д̇хувасзд̇у ваад̇и яад̇т̇а ругкасан̇гхаадамаяо ваа бад̣̇араб̣ад̣̇д̇хо ваа ж̇ан̇гхасад̇т̇асзд̇у ваа хад̇т̇иссаад̣̇ийнам̣ сан̃жаран̣аяог̇г̇о махаасзд̇у ваа ад̇т̇и; анд̇амасо д̇ан̇кан̣ан̃н̃зва ругкам̣ чинд̣̇ид̇ваа мануссаанам̣ сан̃жаран̣аяог̇г̇о згабад̣̇игасзд̇уби д̇хувасзд̇уд̇взва сан̇кяам̣ г̇ажчад̇и. сажз бана убари б̣ад̣̇д̇хаани взд̇д̇алад̇аад̣̇ийни хад̇т̇зна г̇ахзд̇вааби на саггаа ход̇и д̇зна сан̃жарид̇ум̣, на ваддад̇и.
Dhuvasetu vāti yattha rukkhasaṅghāṭamayo vā padarabaddho vā jaṅghasatthasetu vā hatthissādīnaṃ sañcaraṇayoggo mahāsetu vā atthi; antamaso taṅkhaṇaññeva rukkhaṃ chinditvā manussānaṃ sañcaraṇayoggo ekapadikasetupi dhuvasetutveva saṅkhyaṃ gacchati. Sace pana upari baddhāni vettalatādīni hatthena gahetvāpi na sakkā hoti tena sañcarituṃ, na vaṭṭati.
зваруубам̣ над̣̇ийбаарасиймам̣ самманнид̇унд̇и яад̇т̇ааяам̣ вуд̇д̇аббагаараа д̇хуванааваа ваа д̇хувасзд̇у ваа абхимукад̇ид̇т̇зязва ад̇т̇и, зваруубам̣ над̣̇ийбаарасиймам̣ самманнид̇ум̣ ануж̇аанаамийд̇и ад̇т̇о. сажз д̇хуванааваа ваа д̇хувасзд̇у ваа абхимукад̇ид̇т̇з над̇т̇и, ийсагам̣ уд̣̇д̇хам̣ абхирухид̇ваа ад̇хо ваа орохид̇ваа ад̇т̇и, звамби ваддад̇и. гаравийгад̇иссад̇т̇зро бана ‘‘г̇аавуд̇амад̇д̇аб̣бханд̇арзби ваддад̇ий’’д̇и ааха.
Evarūpaṃ nadīpārasīmaṃ sammannitunti yatthāyaṃ vuttappakārā dhuvanāvā vā dhuvasetu vā abhimukhatittheyeva atthi, evarūpaṃ nadīpārasīmaṃ sammannituṃ anujānāmīti attho. Sace dhuvanāvā vā dhuvasetu vā abhimukhatitthe natthi, īsakaṃ uddhaṃ abhiruhitvā adho vā orohitvā atthi, evampi vaṭṭati. Karavīkatissatthero pana ‘‘gāvutamattabbhantarepi vaṭṭatī’’ti āha.
иман̃жа бана над̣̇ийбаарасиймам̣ самманнанд̇зна згасмим̣ д̇ийрз тад̇ваа убарисод̇з над̣̇ийд̇ийрз нимид̇д̇ам̣ гид̇д̇зд̇ваа д̇ад̇о бадтааяа ад̇д̇аанам̣ баригкибанд̇зна яад̇д̇агам̣ барижчзд̣̇ам̣ ижчад̇и, д̇асса барияосаанз ад̇хосод̇зби над̣̇ийд̇ийрз нимид̇д̇ам̣ гид̇д̇зд̇ваа барад̇ийрз саммукадтаанз над̣̇ийд̇ийрз нимид̇д̇ам̣ гид̇д̇зд̇аб̣б̣ам̣. д̇ад̇о бадтааяа яад̇д̇агам̣ барижчзд̣̇ам̣ ижчад̇и, д̇асса васзна яаава убарисод̇з батамагид̇д̇ид̇анимид̇д̇асса саммукаа над̣̇ийд̇ийрз нимид̇д̇ам̣, д̇аава гид̇д̇зд̇ваа бажжаахарид̇ваа батамагид̇д̇ид̇анимид̇д̇зна сад̣̇д̇хим̣ гхадзд̇аб̣б̣ам̣. ат̇а саб̣б̣анимид̇д̇аанам̣ анд̇о тид̇з бхигкуу хад̇т̇абаасаг̇ад̇з гад̇ваа гаммаваажааяа сиймаа самманнид̇аб̣б̣аа. над̣̇ияам̣ тид̇аа анааг̇ад̇ааби гаммам̣ на гобзнд̇и. саммуд̇ибарияосаанз табзд̇ваа над̣̇им̣ нимид̇д̇аанам̣ анд̇о баарад̇ийрз жа оримад̇ийрз жа згасиймаа ход̇и. над̣̇ий бана б̣ад̣̇д̇хасиймаасан̇кяам̣ на г̇ажчад̇и, висум̣ над̣̇исиймаа зва хи саа.
Imañca pana nadīpārasīmaṃ sammannantena ekasmiṃ tīre ṭhatvā uparisote nadītīre nimittaṃ kittetvā tato paṭṭhāya attānaṃ parikkhipantena yattakaṃ paricchedaṃ icchati, tassa pariyosāne adhosotepi nadītīre nimittaṃ kittetvā paratīre sammukhaṭṭhāne nadītīre nimittaṃ kittetabbaṃ. Tato paṭṭhāya yattakaṃ paricchedaṃ icchati, tassa vasena yāva uparisote paṭhamakittitanimittassa sammukhā nadītīre nimittaṃ, tāva kittetvā paccāharitvā paṭhamakittitanimittena saddhiṃ ghaṭetabbaṃ. Atha sabbanimittānaṃ anto ṭhite bhikkhū hatthapāsagate katvā kammavācāya sīmā sammannitabbā. Nadiyaṃ ṭhitā anāgatāpi kammaṃ na kopenti. Sammutipariyosāne ṭhapetvā nadiṃ nimittānaṃ anto pāratīre ca orimatīre ca ekasīmā hoti. Nadī pana baddhasīmāsaṅkhyaṃ na gacchati, visuṃ nadisīmā eva hi sā.
сажз анд̇онад̣̇ияам̣ д̣̇ийбаго ход̇и, д̇ам̣ анд̇осиймааяа гаад̇угаамзна буриманаязнзва ад̇д̇анаа тид̇ад̇ийрз нимид̇д̇аани гид̇д̇зд̇ваа д̣̇ийбагасса ориманд̇з жа баариманд̇з жа нимид̇д̇ам̣ гид̇д̇зд̇аб̣б̣ам̣. ат̇а барад̇ийрз над̣̇ияаа оримад̇ийрз нимид̇д̇асса саммукадтаанз нимид̇д̇ам̣ гид̇д̇зд̇ваа д̇ад̇о бадтааяа буриманаязнзва яаава убарисод̇з батамагид̇д̇ид̇анимид̇д̇асса саммукаа нимид̇д̇ам̣, д̇аава гид̇д̇зд̇аб̣б̣ам̣. ат̇а д̣̇ийбагасса баариманд̇з жа ориманд̇з жа нимид̇д̇ам̣ гид̇д̇зд̇ваа бажжаахарид̇ваа батамагид̇д̇ид̇анимид̇д̇зна сад̣̇д̇хим̣ гхадзд̇аб̣б̣ам̣. ат̇а д̣̇вийсу д̇ийрзсу д̣̇ийбагз жа бхигкуу саб̣б̣зва хад̇т̇абаасаг̇ад̇з гад̇ваа гаммаваажааяа сиймаа самманнид̇аб̣б̣аа. над̣̇ияам̣ тид̇аа анааг̇ажчанд̇ааби гаммам̣ на гобзнд̇и. саммуд̇ибарияосаанз табзд̇ваа над̣̇им̣ нимид̇д̇аанам̣ анд̇о д̇ийрад̣̇ваяан̃жа д̣̇ийбаго жа згасиймаа ход̇и, над̣̇ий бана над̣̇исиймааязва.
Sace antonadiyaṃ dīpako hoti, taṃ antosīmāya kātukāmena purimanayeneva attanā ṭhitatīre nimittāni kittetvā dīpakassa orimante ca pārimante ca nimittaṃ kittetabbaṃ. Atha paratīre nadiyā orimatīre nimittassa sammukhaṭṭhāne nimittaṃ kittetvā tato paṭṭhāya purimanayeneva yāva uparisote paṭhamakittitanimittassa sammukhā nimittaṃ, tāva kittetabbaṃ. Atha dīpakassa pārimante ca orimante ca nimittaṃ kittetvā paccāharitvā paṭhamakittitanimittena saddhiṃ ghaṭetabbaṃ. Atha dvīsu tīresu dīpake ca bhikkhū sabbeva hatthapāsagate katvā kammavācāya sīmā sammannitabbā. Nadiyaṃ ṭhitā anāgacchantāpi kammaṃ na kopenti. Sammutipariyosāne ṭhapetvā nadiṃ nimittānaṃ anto tīradvayañca dīpako ca ekasīmā hoti, nadī pana nadisīmāyeva.
сажз бана д̣̇ийбаго вихаарасиймаабарижчзд̣̇ад̇о уд̣̇д̇хам̣ ваа ад̇хо ваа ад̇хигад̇аро ход̇и, ат̇а вихаарасиймаабарижчзд̣̇анимид̇д̇асса уж̇угамзва саммукибхууд̇з д̣̇ийбагасса сориманд̇з нимид̇д̇ам̣ гид̇д̇зд̇ваа д̇ад̇о бадтааяа д̣̇ийбагасикарам̣ баригкибанд̇она буна д̣̇ийбагасса сориманд̇з нимид̇д̇асаммукз баариманд̇з нимид̇д̇ам̣ гид̇д̇зд̇аб̣б̣ам̣. д̇ад̇о барам̣ буриманаязнзва баарад̇ийрз саммуканимийд̇д̇амаад̣̇им̣гад̇ваа баарад̇ийранимид̇д̇аани жа д̣̇ийбагасса баариманд̇асориманд̇анимид̇д̇аани жа гид̇д̇зд̇ваа батамагид̇д̇ид̇анимид̇д̇зна сад̣̇д̇хим̣ гхаданаа гаад̇аб̣б̣аа. звам̣ гид̇д̇зд̇ваа саммад̇аа сиймаа баб̣б̣ад̇асан̣д̣аанаа ход̇и.
Sace pana dīpako vihārasīmāparicchedato uddhaṃ vā adho vā adhikataro hoti, atha vihārasīmāparicchedanimittassa ujukameva sammukhibhūte dīpakassa sorimante nimittaṃ kittetvā tato paṭṭhāya dīpakasikharaṃ parikkhipantona puna dīpakassa sorimante nimittasammukhe pārimante nimittaṃ kittetabbaṃ. Tato paraṃ purimanayeneva pāratīre sammukhanimīttamādiṃkatvā pāratīranimittāni ca dīpakassa pārimantasorimantanimittāni ca kittetvā paṭhamakittitanimittena saddhiṃ ghaṭanā kātabbā. Evaṃ kittetvā sammatā sīmā pabbatasaṇḍānā hoti.
сажз бана д̣̇ийбаго вихаарасиймаабарижчзд̣̇ад̇о уд̣̇д̇хамби ад̇хоби ад̇хигад̇аро ход̇и. буриманаязнзва д̣̇ийбагасса убхоби сийкараани баригкибид̇ваа нимид̇д̇аани гид̇д̇знд̇зна нимид̇д̇агхаданаа гаад̇аб̣б̣аа. звам̣ гид̇д̇зд̇ваа саммад̇аа сиймаа муд̣̇ин̇г̇асан̣таанаа ход̇и.
Sace pana dīpako vihārasīmāparicchedato uddhampi adhopi adhikataro hoti. Purimanayeneva dīpakassa ubhopi sīkharāni parikkhipitvā nimittāni kittentena nimittaghaṭanā kātabbā. Evaṃ kittetvā sammatā sīmā mudiṅgasaṇṭhānā hoti.
сажз д̣̇ийбаго вихаарасиймаабарижчзд̣̇асса анд̇о куд̣̇д̣̇аго ход̇и, саб̣б̣абатаманаязна д̣̇ийбагз нимид̇д̇аани гид̇д̇зд̇аб̣б̣аани. звам̣ гид̇д̇зд̇ваа саммад̇аа сиймаа бан̣авасан̣таанаа ход̇и.
Sace dīpako vihārasīmāparicchedassa anto khuddako hoti, sabbapaṭhamanayena dīpake nimittāni kittetabbāni. Evaṃ kittetvā sammatā sīmā paṇavasaṇṭhānā hoti.
сиймаануж̇аананагат̇аа нидтид̇аа.
Sīmānujānanakathā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 71. сиймаануж̇аананаа • 71. Sīmānujānanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / сиймаануж̇аананагат̇ааван̣н̣анаа • Sīmānujānanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / сиймаануж̇аананагат̇ааван̣н̣анаа • Sīmānujānanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / сиймаануж̇аананагат̇ааван̣н̣анаа • Sīmānujānanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 71. сиймаануж̇аананагат̇аа • 71. Sīmānujānanakathā
