| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
71. сиймаануж̇аананагат̇аа
71. Sīmānujānanakathā
138. нимид̇д̇аа гид̇д̇зд̇аб̣б̣аад̇и нимид̇д̇аани гид̇д̇зд̇аб̣б̣аани. нигаарасса хи аагааро. нимид̇д̇ам̣ гад̇од̇и зсо баб̣б̣ад̇о нимид̇д̇ам̣ гад̇од̇и яож̇анаа. зсзва наяо барад̇оби. ‘‘зсзва наяо’’д̇и иминаа ‘‘бурад̇т̇имааяа д̣̇исааяа гим̣ нимид̇д̇ам̣? баасаан̣о бханд̇з, зсо баасаан̣о нимид̇д̇а’’нд̇и ад̇т̇ам̣ ад̇ид̣̇исад̇и. зсзва наяо сзсзсуби. гзвалам̣ бана ванауд̣̇агзсу ‘‘зд̇ам̣ ванам̣, зд̇ам̣ уд̣̇ага’’нд̇и вад̇д̇аб̣б̣ам̣. над̣̇ияам̣ ‘‘зсаа над̣̇ий’’д̇и вад̇д̇аб̣б̣аа. зд̇т̇а банаад̇и зд̇иссам̣ уд̇д̇арааяам̣ ануд̣̇исааяам̣ бана. хийд̇и палаж̇од̇аго. д̇ад̇т̇аад̇и ‘‘нимид̇д̇аа гид̇д̇зд̇аб̣б̣аа’’д̇и важанз. сиймаман̣д̣аланд̇и сиймаб̣имб̣ам̣. самб̣анд̇ханд̇знаад̇и буриманимид̇д̇зна бажчиманимид̇д̇ам̣ самб̣анд̇ханд̇зна. иминаа зганд̇аригаад̣̇ивасзна нимид̇д̇агид̇д̇анам̣ на ваддад̇и нимид̇д̇знаби нимид̇д̇аанам̣ самб̣анд̇хаабхаавад̇од̇и д̣̇ассзд̇и. буриманимид̇д̇зна бажчиманимид̇д̇асса самб̣анд̇хз сад̇и аж̇ж̇а згам̣ нимид̇д̇ам̣ гид̇д̇зд̇ваа свз згам̣ нимид̇д̇ам̣ гид̇д̇зд̇ваад̇и звам̣ гааланд̇арзби нимид̇д̇ам̣ гид̇д̇зд̇ваа самманид̇ум̣ ваддад̇ийд̇и вад̣̇анд̇и.
138.Nimittā kittetabbāti nimittāni kittetabbāni. Nikārassa hi ākāro. Nimittaṃ katoti eso pabbato nimittaṃ katoti yojanā. Eseva nayo paratopi. ‘‘Eseva nayo’’ti iminā ‘‘puratthimāya disāya kiṃ nimittaṃ? Pāsāṇo bhante, eso pāsāṇo nimitta’’nti atthaṃ atidisati. Eseva nayo sesesupi. Kevalaṃ pana vanaudakesu ‘‘etaṃ vanaṃ, etaṃ udaka’’nti vattabbaṃ. Nadiyaṃ ‘‘esā nadī’’ti vattabbā. Ettha panāti etissaṃ uttarāyaṃ anudisāyaṃ pana. Hīti phalajotako. Tatthāti ‘‘nimittā kittetabbā’’ti vacane. Sīmamaṇḍalanti sīmabimbaṃ. Sambandhantenāti purimanimittena pacchimanimittaṃ sambandhantena. Iminā ekantarikādivasena nimittakittanaṃ na vaṭṭati nimittenapi nimittānaṃ sambandhābhāvatoti dasseti. Purimanimittena pacchimanimittassa sambandhe sati ajja ekaṃ nimittaṃ kittetvā sve ekaṃ nimittaṃ kittetvāti evaṃ kālantarepi nimittaṃ kittetvā sammanituṃ vaṭṭatīti vadanti.
баб̣б̣ад̇од̇и зд̇т̇а баб̣б̣ам̣ вужжад̇и пал̣у, д̇ам̣ зд̇асмим̣ ад̇т̇ийд̇и баб̣б̣ад̇о. ваалигараасисса суд̣̇д̇хабам̣субаб̣б̣ад̇абасан̇г̇ад̇д̇аа вуд̇д̇ам̣ ‘‘ваалигарааси бана на ваддад̇ий’’д̇и. ид̇аробийд̇и ваалигараасид̇о ан̃н̃оби д̇ивид̇хо баб̣б̣ад̇о. хад̇т̇иббамаан̣ад̇од̇и ад̣дхадтамарад̇анахад̇т̇ибамаан̣ад̇о. жад̇уусу д̣̇исаасууд̇и вихаарасса жад̇уусу д̣̇исаасу. жад̇уухи ваа д̇ийхи ваад̇и зд̇т̇а ваасад̣̇д̣̇зна д̇ад̇о ад̇хигааниби г̇ахзд̇аб̣б̣аани. згзна ваа нимид̇д̇знаад̇и яож̇анаа. ид̇од̇и баб̣б̣ад̇анимид̇д̇ад̇о. д̇асмаад̇и яасмаа згзна нимид̇д̇зна на ваддад̇и, д̇асмаа. д̇анд̇и баб̣б̣ад̇ам̣. д̇асмаад̇и згассзва нимид̇д̇асса гид̇д̇ид̇ад̇д̇аа. яо баб̣б̣ад̇о ад̇т̇и, д̇ам̣ баб̣б̣ад̇анд̇и яож̇анаа. анд̇од̇и баб̣б̣ад̇асса анд̇о.
Pabbatoti ettha pabbaṃ vuccati phaḷu, taṃ etasmiṃ atthīti pabbato. Vālikarāsissa suddhapaṃsupabbatapasaṅgattā vuttaṃ ‘‘vālikarāsi pana na vaṭṭatī’’ti. Itaropīti vālikarāsito aññopi tividho pabbato. Hatthippamāṇatoti aḍḍhaṭṭhamaratanahatthipamāṇato. Catūsu disāsūti vihārassa catūsu disāsu. Catūhi vā tīhi vāti ettha vāsaddena tato adhikānipi gahetabbāni. Ekena vā nimittenāti yojanā. Itoti pabbatanimittato. Tasmāti yasmā ekena nimittena na vaṭṭati, tasmā. Tanti pabbataṃ. Tasmāti ekasseva nimittassa kittitattā. Yo pabbato atthi, taṃ pabbatanti yojanā. Antoti pabbatassa anto.
д̇ад̇ияабхааг̇ам̣ ваад̇и зд̇т̇а ваасад̣̇д̣̇зна батамабхааг̇оби згад̣̇зсоби г̇ахзд̇аб̣б̣о. д̇ассаад̇и д̇ад̇д̇агасса бад̣̇зсасса. д̇ад̇ияабхааг̇аад̣̇ид̇о абарам̣ саб̣б̣абаб̣б̣ад̇ам̣ анд̇огад̇ваа саммад̇ам̣ д̣̇ассзнд̇о ааха ‘‘сажз’’д̇иаад̣̇и.
Tatiyabhāgaṃ vāti ettha vāsaddena paṭhamabhāgopi ekadesopi gahetabbo. Tassāti tattakassa padesassa. Tatiyabhāgādito aparaṃ sabbapabbataṃ antokatvā sammataṃ dassento āha ‘‘sace’’tiādi.
баасаан̣анимид̇д̇з звам̣ винижчаяо взд̣̇ид̇аб̣б̣од̇и яож̇анаа. басад̇и гханабхаавзна б̣анд̇хад̇ийд̇и баасаан̣о. аяаг̇ул̣оби баасаан̣асан̇камзва г̇ажчад̇и д̇зна д̇асса сад̣̇исад̇д̇аа. аяаг̇ул̣обийд̇и зд̇т̇а бисад̣̇д̣̇зна д̇амб̣агам̣саваддалохасуван̣н̣араж̇ад̇аад̣̇аяоби сан̇г̇ан̣хаад̇и. яо гожийд̇и силаабаваал̣аман̣иаад̣̇ийсу яо гожи. д̣̇вад̇д̇им̣сабалаг̇ул̣абин̣д̣абаримаан̣ад̇аа сан̣таанад̇о г̇ахзд̇аб̣б̣аа, на д̇улид̇ваа г̇ан̣анавасзна. куд̣̇д̣̇агад̇аро баасаан̣од̇и яож̇анаа. яо бидтибаасаан̣о ваа яо удтид̇абаасаан̣о ваад̇и яож̇анаа гаад̇аб̣б̣аа – уд̇д̇араваагяз д̇асад̣̇д̣̇асса анияаманид̣̇д̣̇зсаважанад̇д̇аа ‘‘баасаан̣асан̇кам̣язваа’’д̇и зд̇т̇а звагаарзна ‘‘на баб̣б̣ад̇асан̇ка’’нд̇и ад̇т̇ам̣ д̣̇ассзд̇и. махад̇о бидтибаасаан̣ассаад̇и ааяаамавид̇т̇ааруб̣б̣зд̇хад̇о маханд̇асса бидтибаасаан̣асса саггасса бан̣д̣угамб̣алабидтибаасаан̣асса вияа. д̇анд̇и бидтибаасаан̣ам̣. на ваддад̇ийд̇и гид̇д̇зд̇ум̣ на ваддад̇и. хийд̇и лад̣̇д̇хад̣̇осаж̇од̇аго. д̇анд̇и бидтибаасаан̣ам̣. сиймааяаад̇и сиймад̇о. вихааробийд̇и на гзвалам̣ нимид̇д̇амзва, вихаароби. бидтибаасаан̣о на гид̇д̇зд̇аб̣б̣од̇и самб̣анд̇хо. гид̇д̇зд̇ваад̇и зд̇т̇а ‘‘бидтибаасаан̣а’’нд̇и яож̇зд̇аб̣б̣ам̣.
Pāsāṇanimitte evaṃ vinicchayo veditabboti yojanā. Pasati ghanabhāvena bandhatīti pāsāṇo. Ayaguḷopi pāsāṇasaṅkhameva gacchati tena tassa sadisattā. Ayaguḷopīti ettha pisaddena tambakaṃsavaṭṭalohasuvaṇṇarajatādayopi saṅgaṇhāti. Yo kocīti silāpavāḷamaṇiādīsu yo koci. Dvattiṃsapalaguḷapiṇḍaparimāṇatā saṇṭhānato gahetabbā, na tulitvā gaṇanavasena. Khuddakataro pāsāṇoti yojanā. Yo piṭṭhipāsāṇo vā yo uṭṭhitapāsāṇo vāti yojanā kātabbā – uttaravākye tasaddassa aniyamaniddesavacanattā ‘‘pāsāṇasaṅkhaṃyevā’’ti ettha evakārena ‘‘na pabbatasaṅkha’’nti atthaṃ dasseti. Mahato piṭṭhipāsāṇassāti āyāmavitthārubbedhato mahantassa piṭṭhipāsāṇassa sakkassa paṇḍukambalapiṭṭhipāsāṇassa viya. Tanti piṭṭhipāsāṇaṃ. Na vaṭṭatīti kittetuṃ na vaṭṭati. Hīti laddhadosajotako. Tanti piṭṭhipāsāṇaṃ. Sīmāyāti sīmato. Vihāropīti na kevalaṃ nimittameva, vihāropi. Piṭṭhipāsāṇo na kittetabboti sambandho. Kittetvāti ettha ‘‘piṭṭhipāsāṇa’’nti yojetabbaṃ.
вананимид̇д̇з звам̣ винижчаяо взд̣̇ид̇аб̣б̣од̇и яож̇анаа. ванияад̇и маяуурагогилаад̣̇ийхи сад̇д̇зхи самбхаж̇ияад̇ийд̇и ванам̣, вананд̇и самбхаж̇анд̇и зд̇т̇аад̇и ваа ванам̣. д̇ажо зва сааро зд̇зсанд̇и д̇ажасааро, д̇ааланаал̣игзраад̣̇аяо. аад̣̇исад̣̇д̣̇зна взн̣уаад̣̇аяо сан̇г̇ан̣хаад̇и. анд̇о сааро зд̇зсанд̇и анд̇осаараа, саагасаалаад̣̇аяо. аад̣̇исад̣̇д̣̇зна кад̣̇ираад̣̇аяо сан̇г̇ан̣хаад̇и. анд̇осаарамиссагаананд̇и анд̇осаарзхи ругкзхи миссагаанам̣. ругкаанам̣ вананд̇и зд̇т̇а аваяавааваяавибхаавзна самб̣анд̇хо взд̣̇ид̇аб̣б̣о. иминаа д̇ин̣аванам̣ ругкавананд̇и зд̇т̇а ‘‘д̇ин̣аанам̣ вана’’нд̇и ваа ‘‘ругкаанам̣ вана’’нд̇и ваа ад̇т̇ам̣ д̣̇ассзд̇и. д̇ин̣амзва ванам̣, ругкоязва вананд̇и ад̇т̇оби яуж̇ж̇ад̇зва. жад̇д̇ааро ваа бан̃жа ваа ругкаад̇и жад̇убан̃жаругкаа, д̇з мад̇д̇ам̣ бамаан̣амзд̇т̇аад̇и жад̇убан̃жаругкамад̇д̇ам̣ ванам̣, д̇ад̇од̇и жад̇убан̃жаругкамад̇д̇ад̇о. згад̣̇зсанд̇и ванасса згад̣̇зсам̣. ванамаж̇жхзд̇и ванасса взмаж̇жхз, ванассуубарийд̇и ад̇т̇о. ругканд̇арзсу зва хи вихаарам̣ гаронд̇и. згад̣̇зсанд̇и ванасса згад̣̇зсам̣. д̇ад̇т̇аад̇и ванз. ‘‘тид̇авана’’нд̇и бад̣̇ам̣ ‘‘гид̇д̇зд̇ваа’’д̇и бад̣̇з авуд̇д̇агаммам̣, ‘‘на гид̇д̇зд̇аб̣б̣а’’нд̇и бад̣̇з вуд̇д̇агаммам̣.
Vananimitte evaṃ vinicchayo veditabboti yojanā. Vaniyati mayūrakokilādīhi sattehi sambhajiyatīti vanaṃ, vananti sambhajanti etthāti vā vanaṃ. Taco eva sāro etesanti tacasāro, tālanāḷikerādayo. Ādisaddena veṇuādayo saṅgaṇhāti. Anto sāro etesanti antosārā, sākasālādayo. Ādisaddena khadirādayo saṅgaṇhāti. Antosāramissakānanti antosārehi rukkhehi missakānaṃ. Rukkhānaṃ vananti ettha avayavaavayavibhāvena sambandho veditabbo. Iminā tiṇavanaṃ rukkhavananti ettha ‘‘tiṇānaṃ vana’’nti vā ‘‘rukkhānaṃ vana’’nti vā atthaṃ dasseti. Tiṇameva vanaṃ, rukkhoyeva vananti atthopi yujjateva. Cattāro vā pañca vā rukkhāti catupañcarukkhā, te mattaṃ pamāṇametthāti catupañcarukkhamattaṃ vanaṃ, tatoti catupañcarukkhamattato. Ekadesanti vanassa ekadesaṃ. Vanamajjheti vanassa vemajjhe, vanassūparīti attho. Rukkhantaresu eva hi vihāraṃ karonti. Ekadesanti vanassa ekadesaṃ. Tatthāti vane. ‘‘Ṭhitavana’’nti padaṃ ‘‘kittetvā’’ti pade avuttakammaṃ, ‘‘na kittetabba’’nti pade vuttakammaṃ.
ругканимид̇д̇з звам̣ винижчаяо взд̣̇ид̇аб̣б̣од̇и яож̇анаа. ругкияад̇и палаад̣̇игаамзхи сам̣варияад̇и рагкияад̇ийд̇и ругко, махияам̣ рухад̇ийд̇и ваа ругко. ж̇ийвамаанагод̇и логавохааравасзна муулан̇гураад̣̇ихарид̇асан̇каад̇аж̇ийвамаанаго . барин̣аахад̇од̇и висаалабхаавад̇о. суужид̣̇ан̣д̣агабамаан̣од̇и суужияаа лзканияаа д̣̇ан̣д̣абхууд̇авзл̣убамаан̣о. со взл̣у ганидтан̇г̇улибамаан̣од̇и д̣̇адтаб̣б̣о. д̇ад̇од̇и адтан̇г̇улуб̣б̣зд̇хасуужид̣̇ан̣д̣агабамаан̣абарин̣аахаругкад̇о. вам̣санал̣агасарааваад̣̇ийсууд̇и вам̣со жа нал̣аго жа сарааво жа вам̣санал̣агасарааваа, д̇з аад̣̇аяо язсам̣ габаалаад̣̇ийнанд̇и вам̣санал̣агасарааваад̣̇аяо, д̇зсу. д̇ад̇од̇и вам̣саад̣̇ид̇о. д̇ам̣кан̣амбийд̇и д̇асмим̣ нимид̇д̇агкан̣зби. агааран̣анд̇и абамаан̣ам̣. зд̇анд̇и навамууласаакааниг̇г̇аманам̣. вад̇д̇ум̣ ваддад̇ийд̇и сааман̃н̃анаамзнаби висзсанаамзнаби вад̇д̇ум̣ ваддад̇и. иминаа баб̣б̣ад̇аад̣̇ийсуби ‘‘баб̣б̣ад̇о’’д̇и сааман̃н̃анаамзнаби ‘‘ван̇габаб̣б̣ад̇о взбуллабаб̣б̣ад̇о’’д̇и висзсанаамзнаби вад̇д̇ум̣ ваддад̇ийд̇и д̣̇ассзд̇и.
Rukkhanimitte evaṃ vinicchayo veditabboti yojanā. Rukkhiyati phalādikāmehi saṃvariyati rakkhiyatīti rukkho, mahiyaṃ ruhatīti vā rukkho. Jīvamānakoti lokavohāravasena mūlaṅkurādiharitasaṅkhātajīvamānako . Pariṇāhatoti visālabhāvato. Sūcidaṇḍakapamāṇoti sūciyā lekhaniyā daṇḍabhūtaveḷupamāṇo. So veḷu kaniṭṭhaṅgulipamāṇoti daṭṭhabbo. Tatoti aṭṭhaṅgulubbedhasūcidaṇḍakapamāṇapariṇāharukkhato. Vaṃsanaḷakasarāvādīsūti vaṃso ca naḷako ca sarāvo ca vaṃsanaḷakasarāvā, te ādayo yesaṃ kapālādīnanti vaṃsanaḷakasarāvādayo, tesu. Tatoti vaṃsādito. Taṃkhaṇampīti tasmiṃ nimittakkhaṇepi. Akāraṇanti apamāṇaṃ. Etanti navamūlasākhāniggamanaṃ. Vattuṃ vaṭṭatīti sāmaññanāmenapi visesanāmenapi vattuṃ vaṭṭati. Iminā pabbatādīsupi ‘‘pabbato’’ti sāmaññanāmenapi ‘‘vaṅkapabbato vepullapabbato’’ti visesanāmenapi vattuṃ vaṭṭatīti dasseti.
маг̇г̇анимид̇д̇з звам̣ винижчаяо взд̣̇ид̇аб̣б̣од̇и яож̇анаа. маг̇г̇ияад̇и бат̇игзхи, маг̇г̇амуул̣хзхи ваа анвзсияад̇ийд̇и маг̇г̇о. яо яаад̣̇исо ж̇ан̇гхамаг̇г̇о ваа сагадамаг̇г̇о ваа винивиж̇жхид̇ваа д̣̇вз д̇ийн̣и г̇ааманд̇араани г̇ажчад̇и, со д̇аад̣̇исо ж̇ан̇гхамаг̇г̇о ваа сагадамаг̇г̇о ваа ваддад̇ийд̇и яож̇анаа. уггамид̇ваад̇и баггамид̇ваа. яо ж̇ан̇гхамаг̇г̇о од̇арад̇и, со на ваддад̇ийд̇и яож̇анаа. авал̣ан̃ж̇аад̇и абарибхог̇аа. г̇аманам̣ ж̇анзд̇ийд̇и ж̇ан̇гхо. ж̇ан̣н̣уг̇обпагаанам̣ маж̇жхабад̣̇зсо. саха ад̇т̇зна бан̣ияад̇ханзнаад̇и сад̇т̇о, ж̇ан̇гхзна вижаранд̇о сад̇т̇о ж̇ан̇гхасад̇т̇о. сагад̇и самад̇т̇зд̇и бхаарам̣ вахид̇унд̇и сагадо, д̇зна вижаранд̇о сад̇т̇о сагадасад̇т̇о. ж̇ан̇гхасад̇т̇о жа сагадасад̇т̇о жа ж̇ан̇гхасагадасад̇т̇аа, д̇зхи. хийд̇и сажжам̣, яасмаа ваа. зд̇анд̇и нимид̇д̇ам̣.
Magganimitte evaṃ vinicchayo veditabboti yojanā. Maggiyati pathikehi, maggamūḷhehi vā anvesiyatīti maggo. Yo yādiso jaṅghamaggo vā sakaṭamaggo vā vinivijjhitvā dve tīṇi gāmantarāni gacchati, so tādiso jaṅghamaggo vā sakaṭamaggo vā vaṭṭatīti yojanā. Ukkamitvāti pakkamitvā. Yo jaṅghamaggo otarati, so na vaṭṭatīti yojanā. Avaḷañjāti aparibhogā. Gamanaṃ janetīti jaṅgho. Jaṇṇugopphakānaṃ majjhapadeso. Saha atthena paṇiyadhanenāti sattho, jaṅghena vicaranto sattho jaṅghasattho. Sakati samattheti bhāraṃ vahitunti sakaṭo, tena vicaranto sattho sakaṭasattho. Jaṅghasattho ca sakaṭasattho ca jaṅghasakaṭasatthā, tehi. Hīti saccaṃ, yasmā vā. Etanti nimittaṃ.
гон̣анд̇и вихаарагон̣ам̣. г̇ад̇ам̣ бана маг̇г̇анд̇и яож̇анаа. барабхааг̇зд̇и вихаарам̣ баригкибид̇ваа г̇ажчанд̇зхи жад̇уухи маг̇г̇зхи барабхааг̇з. д̣̇асасу наамзсууд̇и сад̇ибадтаанадтагат̇аад̣̇ийсу ааг̇ад̇зсу ‘‘маг̇г̇о бант̇о бат̇о баж̇ж̇о’’д̇иаад̣̇ийсу, абхид̇хаанаад̣̇ийсу (д̣̇ий. ни. адта. 2.373; ма. ни. адта. 1.106) жа ааг̇ад̇зсу ‘‘маг̇г̇о бант̇о бат̇о ад̣̇д̇хаа’’д̇иаад̣̇ийсу д̣̇асасу маг̇г̇анаамзсу. язна гзнажи наамзнаад̇и иминаа баб̣б̣ад̇аад̣̇ийсуби ‘‘баб̣б̣ад̇о г̇ири сзло ад̣̇д̣̇и наг̇о ажало силужжаяо сикарий бхууд̇харо’’д̇иаад̣̇ийсу анзгзсу наамзсу язна гзнажи наамзна гид̇д̇зд̇ум̣ ваддад̇ийд̇и д̣̇ассзд̇и.
Koṇanti vihārakoṇaṃ. Gataṃ pana magganti yojanā. Parabhāgeti vihāraṃ parikkhipitvā gacchantehi catūhi maggehi parabhāge. Dasasu nāmesūti satipaṭṭhānaṭṭhakathādīsu āgatesu ‘‘maggo pantho patho pajjo’’tiādīsu, abhidhānādīsu (dī. ni. aṭṭha. 2.373; ma. ni. aṭṭha. 1.106) ca āgatesu ‘‘maggo pantho patho addhā’’tiādīsu dasasu magganāmesu. Yena kenaci nāmenāti iminā pabbatādīsupi ‘‘pabbato giri selo addi nago acalo siluccayo sikharī bhūdharo’’tiādīsu anekesu nāmesu yena kenaci nāmena kittetuṃ vaṭṭatīti dasseti.
ваммиганимид̇д̇з звам̣ винижчаяо взд̣̇ид̇аб̣б̣од̇и яож̇анаа. убажигаахи вамияад̇и, сараб̣уугхараг̇олигаад̣̇аяо сад̇д̇з вамад̇ийд̇и ваа ваммиго. д̇ам̣д̣̇ивасаж̇аад̇од̇и д̇асмим̣ нимид̇д̇агид̇д̇ид̇ад̣̇ивасз ж̇аад̇о. д̇ад̇од̇и адтан̇г̇улуб̣б̣зд̇хаг̇овисаан̣абамаан̣аваммийгад̇о.
Vammikanimitte evaṃ vinicchayo veditabboti yojanā. Upacikāhi vamiyati, sarabūgharagolikādayo satte vamatīti vā vammiko. Taṃdivasajātoti tasmiṃ nimittakittitadivase jāto. Tatoti aṭṭhaṅgulubbedhagovisāṇapamāṇavammīkato.
над̣̇ийнимид̇д̇з звам̣ винижчаяо взд̣̇ид̇аб̣б̣од̇и яож̇анаа. над̣̇ад̇и санд̣̇ад̇ийд̇и над̣̇ий, над̣̇анд̇о зд̇и г̇ажчад̇ийд̇и ваа над̣̇ий. яассаад̇и над̣̇ияаа, сод̇анд̇и самб̣анд̇хо. ‘‘анвад̣̇д̇хамааса’’нд̇иаад̣̇инаа згабагкз д̇игкад̇д̇ум̣ згамаасз чагкад̇д̇ум̣ вассанд̇абхаавам̣ д̣̇ийбзд̇и. виг̇ад̇амад̇д̇з сад̇ийд̇и самб̣анд̇хо. ‘‘ийд̣̇исз’’д̇и иминаа ‘‘анвад̣̇д̇хамааса’’нд̇иаад̣̇иад̇т̇ам̣ ад̇ид̣̇исад̇и. д̇иман̣д̣аланд̇и хздтаа ж̇аан̣уман̣д̣алам̣, убари наабхиман̣д̣аланд̇и д̇иман̣д̣алам̣. яад̇т̇а гад̇т̇ажийд̇и д̇ид̇т̇з ваа ад̇ид̇т̇з ваа. уд̣̇агзна д̇змияад̇ийд̇и яож̇анаа, д̇инд̇ияад̇ийд̇и ад̇т̇о. на гзвалам̣ нимид̇д̇зязва аяам̣ над̣̇ий ход̇и, ат̇а ко над̣̇ийбаараг̇аманаад̣̇игзбийд̇и ааха ‘‘бхигкунияаа’’д̇иаад̣̇и. ид̣̇ам̣ ‘‘над̣̇ийбаараг̇аманзбий’’д̇и бад̣̇знзва самб̣анд̇хид̇аб̣б̣ам̣.
Nadīnimitte evaṃ vinicchayo veditabboti yojanā. Nadati sandatīti nadī, nadanto eti gacchatīti vā nadī. Yassāti nadiyā, sotanti sambandho. ‘‘Anvaddhamāsa’’ntiādinā ekapakkhe tikkhattuṃ ekamāse chakkhattuṃ vassantabhāvaṃ dīpeti. Vigatamatte satīti sambandho. ‘‘Īdise’’ti iminā ‘‘anvaddhamāsa’’ntiādiatthaṃ atidisati. Timaṇḍalanti heṭṭhā jāṇumaṇḍalaṃ, upari nābhimaṇḍalanti timaṇḍalaṃ. Yattha katthacīti titthe vā atitthe vā. Udakena temiyatīti yojanā, tintiyatīti attho. Na kevalaṃ nimitteyeva ayaṃ nadī hoti, atha kho nadīpāragamanādikepīti āha ‘‘bhikkhuniyā’’tiādi. Idaṃ ‘‘nadīpāragamanepī’’ti padeneva sambandhitabbaṃ.
яаа банаад̇и над̣̇ий бана, г̇ад̇аад̇и яож̇анаа. д̇анд̇и над̣̇им̣. вад̇инд̇и баал̣им̣. ругкабаад̣̇зд̇и ругкасса муулз. уд̣̇аган̃жа ааваран̣ам̣ аж̇жход̇т̇арид̇ваа бавад̇д̇ад̇иязваад̇и яож̇анаа. яат̇аад̇и язнаагаарзна. абавад̇д̇амаанаа ход̇ийд̇и самб̣анд̇хо.
Yā panāti nadī pana, gatāti yojanā. Tanti nadiṃ. Vatinti pāḷiṃ. Rukkhapādeti rukkhassa mūle. Udakañca āvaraṇaṃ ajjhottharitvā pavattatiyevāti yojanā. Yathāti yenākārena. Apavattamānā hotīti sambandho.
д̣̇уб̣б̣удтигаалзд̇и г̇имхасад̣̇исз д̣̇уб̣б̣удтигаалз. ‘‘нируд̣̇агабхаавзнаа’’д̇и иминаа ‘‘ааваран̣абхаавзнаа’’д̇и висзсанам̣ нивад̇д̇зд̇и. саад̇и уд̣̇агамаад̇игаа. самбаад̣̇знд̇ий худ̇ваа нижжам̣ бавад̇д̇ад̇ийд̇и яож̇анаа. нимид̇д̇ам̣ гаад̇ум̣ на ваддад̇ийд̇и мануссзхи нийхадад̇д̇аа, саяан̃жа аг̇аманад̇д̇аа на ваддад̇и. яаа банаад̇и уд̣̇агамаад̇игаа бана. муулзд̇и батамагаалз. гааланд̇арзна над̣̇ий ход̇ийд̇и самб̣анд̇хо. д̇анд̇и уд̣̇агамаад̇игам̣.
Dubbuṭṭhikāleti gimhasadise dubbuṭṭhikāle. ‘‘Nirudakabhāvenā’’ti iminā ‘‘āvaraṇabhāvenā’’ti visesanaṃ nivatteti. Sāti udakamātikā. Sampādentī hutvā niccaṃ pavattatīti yojanā. Nimittaṃ kātuṃ na vaṭṭatīti manussehi nīhaṭattā, sayañca agamanattā na vaṭṭati. Yā panāti udakamātikā pana. Mūleti paṭhamakāle. Kālantarena nadī hotīti sambandho. Tanti udakamātikaṃ.
уд̣̇аганимид̇д̇з звам̣ винижчаяо взд̣̇ид̇аб̣б̣од̇и яож̇анаа. уд̣̇ад̇и басавад̇ийд̇и уд̣̇агам̣. бхуумиг̇ад̇амзва уд̣̇аганд̇и самб̣анд̇хо. д̇ан̃жаад̇и бхуумиг̇ад̇ауд̣̇аган̃жа. ааваада…бз… самуд̣̇д̣̇аад̣̇ийсу тид̇ам̣ абавад̇д̇анагауд̣̇аганд̇и яож̇анаа. угкзбиманд̇и угкибид̇ваа г̇ахид̇ам̣. д̇анд̇и важанам̣. суугаракад̇ааяабийд̇и суугарзхи кад̇ааяа ваабияааби. д̇ам̣кан̣ан̃н̃зваад̇и д̇асмим̣ нимид̇д̇з гид̇д̇анагкан̣зязва. ааваадоязва куд̣̇д̣̇агадтзна ааваадагам̣. д̇анд̇и нимид̇д̇асан̃н̃аагаран̣ам̣. гаад̇ун̃жаад̇и саяам̣ гаад̇ун̃жа. гаараабзд̇ун̃жаад̇и барзхи гаараабзд̇ун̃жа. гасмаа лаабхасиймааяам̣ на ваддад̇и? лаабхасиймаа хи ан̃н̃зсам̣ бийл̣анам̣ гарод̇ийд̇и. ид̇и имамад̇т̇ам̣ наяад̇о д̣̇ассзнд̇о ааха ‘‘самаанасам̣ваасагасиймаа’’д̇иаад̣̇и. зд̇т̇аад̇и самаанасам̣ваасагасиймааяам̣.
Udakanimitte evaṃ vinicchayo veditabboti yojanā. Udati pasavatīti udakaṃ. Bhūmigatameva udakanti sambandho. Tañcāti bhūmigataudakañca. Āvāṭa…pe… samuddādīsu ṭhitaṃ apavattanakaudakanti yojanā. Ukkhepimanti ukkhipitvā gahitaṃ. Tanti vacanaṃ. Sūkarakhatāyapīti sūkarehi khatāya vāpiyāpi. Taṃkhaṇaññevāti tasmiṃ nimitte kittanakkhaṇeyeva. Āvāṭoyeva khuddakaṭṭhena āvāṭakaṃ. Tanti nimittasaññākaraṇaṃ. Kātuñcāti sayaṃ kātuñca. Kārāpetuñcāti parehi kārāpetuñca. Kasmā lābhasīmāyaṃ na vaṭṭati? Lābhasīmā hi aññesaṃ pīḷanaṃ karotīti. Iti imamatthaṃ nayato dassento āha ‘‘samānasaṃvāsakasīmā’’tiādi. Etthāti samānasaṃvāsakasīmāyaṃ.
адтад̣̇исам̣ санд̇хааяа адта нимид̇д̇аани вуд̇д̇аанийд̇и д̣̇адтаб̣б̣ам̣. саад̇и сиймаа. згзна ваа нимид̇д̇знаад̇и яож̇анаа. д̇ин̣н̣ам̣ нимид̇д̇аанам̣ гид̇д̇анз нимид̇д̇аанам̣ тид̇ад̣̇исам̣ саллагкзд̇ваа ‘‘бурад̇т̇имааяа д̣̇исааяаа’’д̇иаад̣̇инаа гид̇д̇зд̇аб̣б̣ам̣. нимид̇д̇аанам̣ сад̇агид̇д̇анз сиймааяа адтад̣̇исам̣ саллагкзд̇ваа згиссааяаби д̣̇исааяа б̣ахунимид̇д̇аани гид̇д̇зд̇аб̣б̣аани. син̇гхаадагасан̣таанаад̇и д̇ин̣н̣ам̣ маг̇г̇аанам̣ самааг̇амадтаанз син̇гхаадагасан̣таанаа, д̇игон̣аа наама ход̇ийд̇и ад̇хиббааяо. жад̇урассаад̇и самажад̇урассаа. син̇гхаадагасан̣таанаад̇и жад̇уннам̣ маг̇г̇аанам̣ самод̇хаанадтаанз син̇гхаадагасан̣таанаа. ад̣дхажанд̣̇амуд̣̇ин̇г̇аад̣̇исан̣таанаа бана нимид̇д̇аанам̣ тид̇асан̣таанзна ход̇ийд̇и д̣̇адтаб̣б̣аа. д̇анд̇и сиймам̣. б̣анд̇хид̇угаамзхи ниссан̃жаарасамаяз б̣анд̇хид̇аб̣б̣аад̇и самб̣анд̇хо. б̣ад̣̇д̇хасиймавихаараананд̇и б̣ад̣̇д̇хаа сиймаа зд̇зсууд̇и б̣ад̣̇д̇хасиймаа, д̇з зва вихаараад̇и б̣ад̣̇д̇хасиймавихаараа, д̇зсам̣. д̣̇исаажааригабхигкуунанд̇и д̣̇исаасу жааригабхигкуунам̣. д̇ад̇т̇аад̇и д̇асмим̣ згаг̇аамакзд̇д̇з, бхигкуунам̣ бзсзд̇аб̣б̣анд̇и самб̣анд̇хо. згаж̇жханд̇и згад̇о. ан̃н̃аанибийд̇и сиймаб̣анд̇хаг̇аамакзд̇д̇ад̇о ан̃н̃ааниби. махаабад̣̇умад̇т̇зро бана аахаад̇и яож̇анаа. д̇ад̇од̇и д̇зхи наанааг̇аамакзд̇д̇зхи. ааг̇анд̇аб̣б̣анд̇и саамийжид̣̇ассанавасзна вуд̇д̇ам̣. д̇знааха ‘‘ааг̇аманамби анааг̇аманамби ваддад̇ий’’д̇и. згасиймабхаавад̇о вуд̇д̇ам̣ ‘‘анд̇онимид̇д̇аг̇ад̇зхи ааг̇анд̇аб̣б̣а’’нд̇и.
Aṭṭhadisaṃ sandhāya aṭṭha nimittāni vuttānīti daṭṭhabbaṃ. Sāti sīmā. Ekena vā nimittenāti yojanā. Tiṇṇaṃ nimittānaṃ kittane nimittānaṃ ṭhitadisaṃ sallakkhetvā ‘‘puratthimāya disāyā’’tiādinā kittetabbaṃ. Nimittānaṃ satakittane sīmāya aṭṭhadisaṃ sallakkhetvā ekissāyapi disāya bahunimittāni kittetabbāni. Siṅghāṭakasaṇṭhānāti tiṇṇaṃ maggānaṃ samāgamaṭṭhāne siṅghāṭakasaṇṭhānā, tikoṇā nāma hotīti adhippāyo. Caturassāti samacaturassā. Siṅghāṭakasaṇṭhānāti catunnaṃ maggānaṃ samodhānaṭṭhāne siṅghāṭakasaṇṭhānā. Aḍḍhacandamudiṅgādisaṇṭhānā pana nimittānaṃ ṭhitasaṇṭhānena hotīti daṭṭhabbā. Tanti sīmaṃ. Bandhitukāmehi nissañcārasamaye bandhitabbāti sambandho. Baddhasīmavihārānanti baddhā sīmā etesūti baddhasīmā, te eva vihārāti baddhasīmavihārā, tesaṃ. Disācārikabhikkhūnanti disāsu cārikabhikkhūnaṃ. Tatthāti tasmiṃ ekagāmakhette, bhikkhūnaṃ pesetabbanti sambandho. Ekajjhanti ekato. Aññānipīti sīmabandhagāmakhettato aññānipi. Mahāpadumatthero pana āhāti yojanā. Tatoti tehi nānāgāmakhettehi. Āgantabbanti sāmīcidassanavasena vuttaṃ. Tenāha ‘‘āgamanampi anāgamanampi vaṭṭatī’’ti. Ekasīmabhāvato vuttaṃ ‘‘antonimittagatehi āgantabba’’nti.
звам̣ саннибад̇ид̇зсу санд̇зсу сиймаа б̣анд̇хид̇аб̣б̣аад̇и самб̣анд̇хо. барияанд̇ам̣ гад̇ваад̇и хздтимабарияанд̇ам̣ гад̇ваа.
Evaṃ sannipatitesu santesu sīmā bandhitabbāti sambandho. Pariyantaṃ katvāti heṭṭhimapariyantaṃ katvā.
баб̣б̣аж̇ж̇уубасамбад̣̇аад̣̇ийнанд̇и зд̇т̇а бхан̣д̣угаммаабужчанам̣ (махаава. адта. 98; ви. сан̇г̇а. адта. 144) санд̇хааяа баб̣б̣аж̇ж̇ааг̇ахан̣ам̣ вуд̇д̇ам̣. кан̣д̣асиймаад̇и вихаарабажжанд̇ам̣ кан̣д̣ид̇ам̣ вияа чинд̣̇ид̇ам̣ вияа бавад̇д̇аа сиймаа кан̣д̣асиймаа. д̇анд̇и кан̣д̣асиймам̣. вад̇д̇ам̣ ж̇аанид̇аб̣б̣анд̇и зд̇т̇а вад̇д̇ам̣ вид̇т̇аарзнд̇о ааха ‘‘сажз хий’’д̇иаад̣̇и. сийманд̇и кан̣д̣асиймам̣. яат̇аад̇и язнаагаарзна б̣анд̇хияамаанзд̇и самб̣анд̇хо. д̇ассаа бамаан̣ам̣ д̣̇ассзнд̇о ааха ‘‘саа’’д̇иаад̣̇и. саад̇и кан̣д̣асиймаа. аб̣бхаанагаммз сад̣̇д̇хим̣ гаммаарахзна вийсад̇и бхигкуу санд̇хааяа вуд̇д̇ам̣ ‘‘згавийсад̇и бхигкуу’’д̇и. д̇ад̇од̇и згавийсад̇ибхигкуд̇о. г̇ан̣ханд̇ийбийд̇и зд̇т̇а бисад̣̇д̣̇о сахассад̇о орам̣ бана баг̇зваад̇и д̣̇ассзд̇и. сахассад̇о ад̇хигам̣ г̇ан̣ханд̇ийби вихаарабажжанд̇з кан̣д̣ид̇з кан̣д̣асиймааязва наама. д̇анд̇и кан̣д̣асиймам̣.
Pabbajjūpasampadādīnanti ettha bhaṇḍukammāpucchanaṃ (mahāva. aṭṭha. 98; vi. saṅga. aṭṭha. 144) sandhāya pabbajjāgahaṇaṃ vuttaṃ. Khaṇḍasīmāti vihārapaccantaṃ khaṇḍitaṃ viya chinditaṃ viya pavattā sīmā khaṇḍasīmā. Tanti khaṇḍasīmaṃ. Vattaṃ jānitabbanti ettha vattaṃ vitthārento āha ‘‘sace hī’’tiādi. Sīmanti khaṇḍasīmaṃ. Yathāti yenākārena bandhiyamāneti sambandho. Tassā pamāṇaṃ dassento āha ‘‘sā’’tiādi. Sāti khaṇḍasīmā. Abbhānakamme saddhiṃ kammārahena vīsati bhikkhū sandhāya vuttaṃ ‘‘ekavīsati bhikkhū’’ti. Tatoti ekavīsatibhikkhuto. Gaṇhantīpīti ettha pisaddo sahassato oraṃ pana pagevāti dasseti. Sahassato adhikaṃ gaṇhantīpi vihārapaccante khaṇḍite khaṇḍasīmāyeva nāma. Tanti khaṇḍasīmaṃ.
д̇ад̇раад̇и кан̣д̣асиймамахаасиймаасу аад̇хаарз бхуммам̣. ат̇аад̇и ананд̇арам̣. званд̇и имааяа авиббаваасагаммаваажааяа самманияамаанз. хийд̇и палаж̇од̇аго. сийманд̇и самаанасам̣ваасагасиймам̣. на сагкиссанд̇ийд̇и батамам̣ авиббаваасам̣ асамууханид̇ваа сиймам̣ самууханид̇ум̣ на сагкиссанд̇и. сийманд̇аригабаасаан̣аад̇и д̣̇виннам̣ сиймаанам̣ анд̇арз взмаж̇жхз табид̇аа баасаан̣аа. жад̇уран̇г̇улабамаан̣аабийд̇и бисад̣̇д̣̇о зган̇г̇улибамаан̣ааби ваддад̇ийд̇и д̣̇ассзд̇и.
Tatrāti khaṇḍasīmamahāsīmāsu ādhāre bhummaṃ. Athāti anantaraṃ. Evanti imāya avippavāsakammavācāya sammaniyamāne. Hīti phalajotako. Sīmanti samānasaṃvāsakasīmaṃ. Na sakkhissantīti paṭhamaṃ avippavāsaṃ asamūhanitvā sīmaṃ samūhanituṃ na sakkhissanti. Sīmantarikapāsāṇāti dvinnaṃ sīmānaṃ antare vemajjhe ṭhapitā pāsāṇā. Caturaṅgulapamāṇāpīti pisaddo ekaṅgulipamāṇāpi vaṭṭatīti dasseti.
саманд̇аад̇и кан̣д̣асиймааяа саманд̇аа. анубарияааяанд̇зхийд̇и ануггамзна кан̣д̣асиймабарияааяанд̇зхи бхигкуухийд̇и самб̣анд̇хо. д̇ад̇од̇и д̇зхи сийманд̇аригабаасаан̣зхи, д̣̇виннам̣ сиймаанам̣ нимид̇д̇аани батамам̣ гид̇д̇зд̇ваа бажчаа д̇аасу яам̣ ижчанд̇и, д̇ам̣ б̣анд̇хид̇аб̣б̣абхаавам̣ д̣̇ассзнд̇о ааха ‘‘сажз банаа’’д̇иаад̣̇и. яат̇ижчид̇ам̣ б̣анд̇хид̇ум̣ вадданд̇оби бораан̣аажин̣н̣ам̣ д̣̇ассзд̇ум̣ вуд̇д̇ам̣ ‘‘звам̣ санд̇збий’’д̇иаад̣̇и. убхиннамбийд̇и д̣̇вийсу сиймаасу тид̇аанам̣ убхиннамби гамманд̇и самб̣анд̇хо. хийд̇и сажжам̣, яасмаа ваа.
Samantāti khaṇḍasīmāya samantā. Anupariyāyantehīti anukkamena khaṇḍasīmapariyāyantehi bhikkhūhīti sambandho. Tatoti tehi sīmantarikapāsāṇehi, dvinnaṃ sīmānaṃ nimittāni paṭhamaṃ kittetvā pacchā tāsu yaṃ icchanti, taṃ bandhitabbabhāvaṃ dassento āha ‘‘sace panā’’tiādi. Yathicchitaṃ bandhituṃ vaṭṭantopi porāṇāciṇṇaṃ dassetuṃ vuttaṃ ‘‘evaṃ santepī’’tiādi. Ubhinnampīti dvīsu sīmāsu ṭhitānaṃ ubhinnampi kammanti sambandho. Hīti saccaṃ, yasmā vā.
жасад̣̇д̣̇о ваагяаарамбхаж̇од̇аго. зсаа сиймаа наамаад̇и яож̇анаа. д̇ад̇т̇аад̇и бидтибаасаан̣аад̣̇ийсу бан̃жасу таанзсу. нимид̇д̇абаасаан̣аа яат̇аатаанз на д̇идтанд̇ийд̇и бидтибаасаан̣ассубари нимид̇д̇абаасаан̣ам̣ табид̇амад̇д̇ам̣ санд̇хааяа вуд̇д̇ам̣. бидтибаасаан̣ам̣ бана виж̇жхид̇ваа нимид̇д̇абаасаан̣ам̣ д̇ад̇т̇а никан̣ид̇ваа яат̇аа таанаа на жаавзнд̇и, д̇ат̇аа табзнд̇и. звам̣ санд̇з яат̇аатаанз д̇идтанд̇иязваад̇и д̣̇адтаб̣б̣ам̣. на сиймаад̇и сиймааяа бат̇ависанд̇хаарагам̣ уд̣̇агам̣ барияанд̇ам̣гад̇ваа г̇ад̇ад̇д̇аа сиймаа на жхааяад̇и.
Casaddo vākyārambhajotako. Esā sīmā nāmāti yojanā. Tatthāti piṭṭhipāsāṇādīsu pañcasu ṭhānesu. Nimittapāsāṇā yathāṭhāne na tiṭṭhantīti piṭṭhipāsāṇassupari nimittapāsāṇaṃ ṭhapitamattaṃ sandhāya vuttaṃ. Piṭṭhipāsāṇaṃ pana vijjhitvā nimittapāsāṇaṃ tattha nikhaṇitvā yathā ṭhānā na cāventi, tathā ṭhapenti. Evaṃ sante yathāṭhāne tiṭṭhantiyevāti daṭṭhabbaṃ. Na sīmāti sīmāya pathavisandhārakaṃ udakaṃ pariyantaṃkatvā gatattā sīmā na jhāyati.
гудиг̇зхзбийд̇и зд̇т̇а гудийд̇и жа г̇зханд̇и жа аг̇аарассзва наамам̣. аг̇ааран̃хи сийд̇аад̣̇ид̣̇угкасса гуданадтзна чинд̣̇анадтзна жа наанаад̣̇аб̣б̣асамбхаарасса г̇ахан̣адтзна жа гудиг̇зханд̇и вужжад̇и. гуди зва г̇зхам̣ гудиг̇зхам̣, д̇асмимби. бхид̇д̇им̣ агид̇д̇зд̇ваад̇и ид̣̇ам̣ идтагад̣̇аарумаяам̣ бхид̇д̇им̣ санд̇хааяа вуд̇д̇ам̣. сажз силаамаяаа бхид̇д̇и нимид̇д̇уубаг̇аа бхавзяяа, бхид̇д̇иби гид̇д̇зд̇аб̣б̣аа. анд̇о гарид̇ваад̇и гудиг̇зхасса бхид̇д̇ияаа ваа анд̇о гад̇ваа. бамукзд̇и гудиг̇зхасса аалинд̣̇з. ниб̣б̣од̣̇агабад̇анадтаанзд̇и ниг̇г̇алид̇ваа уд̣̇агасса бад̇анадтаанз. звам̣ саммад̇ааяа сиймааяаад̇и яож̇анаа.
Kuṭigehepīti ettha kuṭīti ca gehanti ca agārasseva nāmaṃ. Agārañhi sītādidukkhassa kuṭanaṭṭhena chindanaṭṭhena ca nānādabbasambhārassa gahaṇaṭṭhena ca kuṭigehanti vuccati. Kuṭi eva gehaṃ kuṭigehaṃ, tasmimpi. Bhittiṃ akittetvāti idaṃ iṭṭhakadārumayaṃ bhittiṃ sandhāya vuttaṃ. Sace silāmayā bhitti nimittūpagā bhaveyya, bhittipi kittetabbā. Anto karitvāti kuṭigehassa bhittiyā vā anto katvā. Pamukheti kuṭigehassa ālinde. Nibbodakapatanaṭṭhāneti niggalitvā udakassa patanaṭṭhāne. Evaṃ sammatāya sīmāyāti yojanā.
‘‘гуддам̣ агид̇д̇зд̇ваа’’д̇и ид̣̇ам̣ буриманаязнзва взд̣̇ид̇аб̣б̣ам̣. анд̇од̇и лзн̣асса, гуддасса ваа анд̇о. огаасзд̇и згавийсад̇ияаа бхигкуунам̣ огаасз. званд̇и иминаагаарзна самманияамаанз. анд̇од̇и бхид̇д̇ияаа анд̇о.
‘‘Kuṭṭaṃ akittetvā’’ti idaṃ purimanayeneva veditabbaṃ. Antoti leṇassa, kuṭṭassa vā anto. Okāseti ekavīsatiyā bhikkhūnaṃ okāse. Evanti iminākārena sammaniyamāne. Antoti bhittiyā anto.
хздтаа на од̇арад̇ийд̇и хздтаа аагаасад̇алад̇д̇аа на од̇арад̇и. нану т̇амбхз анусаарид̇ваа од̇аран̣о бхавзяяа, гасмаа на од̇арад̇ийд̇и? т̇амбхаанамубари згавийсад̇ияаа бхигкуунам̣ огаасаабхаавад̇од̇и д̣̇адтаб̣б̣ам̣. хздтаа од̇аран̣аагаарам̣ д̣̇ассзнд̇о ааха ‘‘сажз банаа’’д̇иаад̣̇и. д̇улаананд̇и т̇амбхаанамубари д̇ирияавасзна тид̇аанам̣ ругкависзсаанам̣. удтахид̇ваад̇и бхуумид̇о удтахид̇ваа. д̇улааругкзхийд̇и д̇улаасан̇каад̇зхи ругкзхи. ‘‘згасамб̣анд̇хо’’д̇и иминаа на гзвалам̣ д̇улааругкзхзва згасамб̣анд̇хо, жад̇уусу д̣̇исаасу жад̇уннам̣ бхид̇д̇ийнам̣ ан̃н̃аман̃н̃амби самб̣анд̇ход̇и д̣̇ассзд̇и. хздтааби од̇арад̇ийд̇и бхид̇д̇ийнамубари згавийсад̇ияаа бхигкуунам̣ огаасабахонагад̇д̇аа вуд̇д̇ам̣. сажз т̇амбхамад̇т̇агз…бз… ход̇ийд̇и иминаа б̣ахуухи т̇амбхзхи гад̇абаасаад̣̇асса згзгасмим̣ т̇амбхамад̇т̇агз згавийсад̇ияаа бхигкуунам̣ огаасз сад̇и хздтаа од̇арад̇ийд̇и д̣̇ассзд̇и. нияяуухагаад̣̇ийсууд̇и нааг̇ад̣̇анд̇агаад̣̇ийсу. аад̣̇исад̣̇д̣̇зна бхид̇д̇икилаад̣̇аяо сан̇г̇ан̣хаад̇и. бхид̇д̇и жаад̇и идтагад̣̇аарумаяаа бхид̇д̇и жа. сажз силаамаяаа бхид̇д̇и жа т̇амбхаа жа хонд̇и, гид̇д̇зд̇аб̣б̣аа. бхид̇д̇илаг̇г̇зд̇и бхид̇д̇ийсу лаг̇г̇з, бхид̇д̇ийнам̣ ваа лаг̇г̇адтаанз. хздтаабаасаад̣̇ассаад̇и хздтаабаасаад̣̇з ‘‘тид̇а’’ид̇и бад̣̇з самб̣анд̇хо. хздтаабаасаад̣̇асса ваа т̇амбхаананд̇и яож̇анаа. хздтаа саммад̇ааяа сиймааяа убари аароханаагаарам̣ д̣̇ассзнд̇о ааха ‘‘сажз банаа’’д̇иаад̣̇и. ниб̣б̣од̣̇агабад̇анадтаанзд̇и чад̣̇анагодияам̣.
Heṭṭhā na otaratīti heṭṭhā ākāsatalattā na otarati. Nanu thambhe anusāritvā otaraṇo bhaveyya, kasmā na otaratīti? Thambhānamupari ekavīsatiyā bhikkhūnaṃ okāsābhāvatoti daṭṭhabbaṃ. Heṭṭhā otaraṇākāraṃ dassento āha ‘‘sace panā’’tiādi. Tulānanti thambhānamupari tiriyavasena ṭhitānaṃ rukkhavisesānaṃ. Uṭṭhahitvāti bhūmito uṭṭhahitvā. Tulārukkhehīti tulāsaṅkhātehi rukkhehi. ‘‘Ekasambandho’’ti iminā na kevalaṃ tulārukkheheva ekasambandho, catūsu disāsu catunnaṃ bhittīnaṃ aññamaññampi sambandhoti dasseti. Heṭṭhāpi otaratīti bhittīnamupari ekavīsatiyā bhikkhūnaṃ okāsapahonakattā vuttaṃ. Sace thambhamatthake…pe… hotīti iminā bahūhi thambhehi katapāsādassa ekekasmiṃ thambhamatthake ekavīsatiyā bhikkhūnaṃ okāse sati heṭṭhā otaratīti dasseti. Niyyūhakādīsūti nāgadantakādīsu. Ādisaddena bhittikhilādayo saṅgaṇhāti. Bhitti cāti iṭṭhakadārumayā bhitti ca. Sace silāmayā bhitti ca thambhā ca honti, kittetabbā. Bhittilaggeti bhittīsu lagge, bhittīnaṃ vā laggaṭṭhāne. Heṭṭhāpāsādassāti heṭṭhāpāsāde ‘‘ṭhita’’iti pade sambandho. Heṭṭhāpāsādassa vā thambhānanti yojanā. Heṭṭhā sammatāya sīmāya upari ārohanākāraṃ dassento āha ‘‘sace panā’’tiādi. Nibbodakapatanaṭṭhāneti chadanakoṭiyaṃ.
д̇ад̇т̇аад̇и д̇асмим̣ д̇алз. бидтибаасаан̣з сиймам̣ б̣анд̇ханд̇и вияа б̣анд̇ханд̇ийд̇и яож̇анаа. д̇знзва барижчзд̣̇знаад̇и д̇знзва д̇алабарижчзд̣̇зна. д̇ааламуулабаб̣б̣ад̇збийд̇и зд̇т̇а д̇ааламуулам̣ наама хздтаа маханд̇ам̣ худ̇ваа анубуб̣б̣зна д̇анугам̣ ход̇и, д̇зна сад̣̇исз баб̣б̣ад̇зби. вид̇аанасан̣таанод̇и улложасса сан̣таано. жад̇уусу д̣̇исаасу ниг̇г̇ад̇асаакаругкасан̣таано ваа куж̇ж̇аругкасан̣таано ваа ход̇и. яат̇аа баб̣б̣ад̇о вид̇аанасан̣таано ход̇и, звам̣ муд̣̇ин̇г̇асан̣таано ваа ход̇и бан̣авасан̣таано ваад̇и яож̇анаа. д̇ад̇т̇а муд̣̇ин̇г̇о маж̇жхз т̇ууло ход̇и, муулз жа анд̇з жа д̇ануго. бан̣аво маж̇жхз д̇ануго ход̇и, муулз жа аг̇г̇з жа т̇ууло. д̇зсам̣ сан̣таано муд̣̇ин̇г̇асан̣таано ваа бан̣авасан̣таано ваа. хздтаа ваад̇и муд̣̇ин̇г̇асан̣таанасса баб̣б̣ад̇асса хздтаа ваа. маж̇жхз ваад̇и бан̣авасан̣таанасса маж̇жхз ваа. д̣̇вз гуудаанийд̇и д̣̇вз сикараани. гууданд̇аранд̇и гуудаанам̣ маж̇жхам̣. жинид̇ваа ваад̇и идтагасилаахи жинид̇ваа ваа. буурзд̇ваа ваад̇и бам̣суваалигаахи буурзд̇ваа ваа.
Tatthāti tasmiṃ tale. Piṭṭhipāsāṇe sīmaṃ bandhanti viya bandhantīti yojanā. Teneva paricchedenāti teneva talaparicchedena. Tālamūlapabbatepīti ettha tālamūlaṃ nāma heṭṭhā mahantaṃ hutvā anupubbena tanukaṃ hoti, tena sadise pabbatepi. Vitānasaṇṭhānoti ullocassa saṇṭhāno. Catūsu disāsu niggatasākharukkhasaṇṭhāno vā khujjarukkhasaṇṭhāno vā hoti. Yathā pabbato vitānasaṇṭhāno hoti, evaṃ mudiṅgasaṇṭhāno vā hoti paṇavasaṇṭhāno vāti yojanā. Tattha mudiṅgo majjhe thūlo hoti, mūle ca ante ca tanuko. Paṇavo majjhe tanuko hoti, mūle ca agge ca thūlo. Tesaṃ saṇṭhāno mudiṅgasaṇṭhāno vā paṇavasaṇṭhāno vā. Heṭṭhā vāti mudiṅgasaṇṭhānassa pabbatassa heṭṭhā vā. Majjhe vāti paṇavasaṇṭhānassa majjhe vā. Dve kūṭānīti dve sikharāni. Kūṭantaranti kūṭānaṃ majjhaṃ. Cinitvā vāti iṭṭhakasilāhi cinitvā vā. Pūretvā vāti paṃsuvālikāhi pūretvā vā.
саббапан̣асад̣̇исод̇и саббасса пан̣зна сад̣̇исо, куж̇ж̇о баб̣б̣ад̇од̇и ад̇т̇о. аагаасабаб̣бхааранд̇и бхид̇д̇ияаа абаригкид̇д̇ам̣ аагаасасан̇каад̇ам̣ баб̣бхаарам̣. сиймаббамаан̣од̇и сад̣̇д̇хим̣ анд̇осусирзна сиймаббамаан̣о. аг̇г̇агодинд̇и аг̇г̇асан̇каад̇ам̣ годим̣. сажз бана баб̣б̣ад̇асса хздтаа анд̇олзн̣ам̣ ход̇ийд̇и самб̣анд̇хо. убаримассаад̇и анд̇олзн̣асса убари тид̇асса. баарад̇од̇и б̣аахирад̇о. ассаад̇и баб̣б̣ад̇асса б̣ахийд̇и самб̣анд̇хо. орад̇од̇и анд̇ад̇о. лзн̣ам̣ ход̇ийд̇и самб̣анд̇хо. гид̇д̇агам̣ маханд̇анд̇и ааха ‘‘сиймаабарижчзд̣̇амад̇иггамид̇ваа тид̇а’’нд̇и. гид̇д̇агам̣ куд̣̇д̣̇аганд̇и ааха ‘‘саб̣б̣абажчимасиймаабаримаан̣а’’нд̇и. д̇анд̇и куд̣̇д̣̇агам̣ лзн̣ам̣ . ад̇икуд̣̇д̣̇аганд̇и саб̣б̣абажчимасиймаабаримаан̣аабхаавад̇о ад̇икуд̣̇д̣̇агам̣. д̇ад̇од̇и убарисиймад̇о. б̣ахийд̇и сиймад̇о б̣ахи. ‘‘яад̣̇и сиймаббамаан̣ам̣, сиймаа ход̇иязваа’’д̇и иминаа яад̣̇и на сиймаббамаан̣ам̣, на сиймаа ход̇иязваад̇и д̣̇ассзд̇и.
Sappaphaṇasadisoti sappassa phaṇena sadiso, khujjo pabbatoti attho. Ākāsapabbhāranti bhittiyā aparikkhittaṃ ākāsasaṅkhātaṃ pabbhāraṃ. Sīmappamāṇoti saddhiṃ antosusirena sīmappamāṇo. Aggakoṭinti aggasaṅkhātaṃ koṭiṃ. Sace pana pabbatassa heṭṭhā antoleṇaṃ hotīti sambandho. Uparimassāti antoleṇassa upari ṭhitassa. Pāratoti bāhirato. Assāti pabbatassa bahīti sambandho. Oratoti antato. Leṇaṃ hotīti sambandho. Kittakaṃ mahantanti āha ‘‘sīmāparicchedamatikkamitvā ṭhita’’nti. Kittakaṃ khuddakanti āha ‘‘sabbapacchimasīmāparimāṇa’’nti. Tanti khuddakaṃ leṇaṃ . Atikhuddakanti sabbapacchimasīmāparimāṇābhāvato atikhuddakaṃ. Tatoti uparisīmato. Bahīti sīmato bahi. ‘‘Yadi sīmappamāṇaṃ, sīmā hotiyevā’’ti iminā yadi na sīmappamāṇaṃ, na sīmā hotiyevāti dasseti.
д̇анд̇и кан̣д̣асиймам̣. буурзд̇ваад̇и идтагамад̇д̇игаад̣̇ийхи буурзд̇ваа. аддам̣ б̣анд̇хид̇ваад̇и аддаалагам̣ б̣анд̇хид̇ваа. уман̇г̇анад̣̇ийд̇и зд̇т̇а угааро огааравибарийд̇о, д̇асмаа бат̇авияам̣ од̇арид̇ваа бависид̇ваа ман̇г̇ад̇и г̇ажчад̇ийд̇и уман̇г̇аад̇и ад̇т̇о д̣̇адтаб̣б̣о. уман̇г̇аажа саа над̣̇ий жзд̇и уман̇г̇анад̣̇ий. д̇ад̇т̇аад̇и уман̇г̇анад̣̇ияам̣. хздтаабат̇авид̇алз тид̇од̇и сиймааяа хздтаабат̇авид̇алз ид̣̇д̇хияаа тид̇о.
Tanti khaṇḍasīmaṃ. Pūretvāti iṭṭhakamattikādīhi pūretvā. Aṭṭaṃ bandhitvāti aṭṭālakaṃ bandhitvā. Umaṅganadīti ettha ukāro okāraviparīto, tasmā pathaviyaṃ otaritvā pavisitvā maṅgati gacchatīti umaṅgāti attho daṭṭhabbo. Umaṅgāca sā nadī ceti umaṅganadī. Tatthāti umaṅganadiyaṃ. Heṭṭhāpathavitale ṭhitoti sīmāya heṭṭhāpathavitale iddhiyā ṭhito.
сиймаамаал̣агзд̇и кан̣д̣асиймааяа маал̣агз. вадаругкод̇и ниг̇род̇харугко. д̇ад̇од̇и вадаругкад̇о. ниг̇г̇ад̇абаароход̇и бавад̣̇д̇хам̣ва худ̇ваа ругко аарохад̇и анзнаад̇и баарохо, зго муулависзсо. ниг̇г̇ад̇о баарохо ниг̇г̇ад̇абаарохо. махаасиймам̣ сод̇хзд̇ваад̇и зд̇т̇а сод̇ханам̣ наама махаасиймаг̇ад̇аанам̣ бхигкуунам̣ хад̇т̇абаасаанаяанам̣, сиймад̇о ваа б̣ахигаран̣ам̣. б̣ахид̣̇д̇хаад̇и д̣̇вийхи сиймаахи б̣ахид̣̇д̇хаа. ‘‘б̣ахидтаа’’д̇иби баато. б̣ахи тид̇аа гаад̇аб̣б̣аад̇и ад̇т̇о. анаахажжаад̇и махаасиймааяа бат̇авийд̇алам̣ ваа д̇ад̇т̇аж̇аад̇аругкаад̣̇ийни ваа на ааханид̇ваа. званд̇и яат̇аа кан̣д̣асиймааяа, звам̣ д̇ат̇аад̇и ад̇т̇о. сиймаамаал̣агзд̇и кан̣д̣асиймаамаал̣агз.
Sīmāmāḷaketi khaṇḍasīmāya māḷake. Vaṭarukkhoti nigrodharukkho. Tatoti vaṭarukkhato. Niggatapārohoti pavaddhaṃva hutvā rukkho ārohati anenāti pāroho, eko mūlaviseso. Niggato pāroho niggatapāroho. Mahāsīmaṃ sodhetvāti ettha sodhanaṃ nāma mahāsīmagatānaṃ bhikkhūnaṃ hatthapāsānayanaṃ, sīmato vā bahikaraṇaṃ. Bahiddhāti dvīhi sīmāhi bahiddhā. ‘‘Bahiṭṭhā’’tipi pāṭho. Bahi ṭhitā kātabbāti attho. Anāhaccāti mahāsīmāya pathavītalaṃ vā tatthajātarukkhādīni vā na āhanitvā. Evanti yathā khaṇḍasīmāya, evaṃ tathāti attho. Sīmāmāḷaketi khaṇḍasīmāmāḷake.
сиймаамаал̣агзд̇и д̣̇виннам̣ сиймаанам̣ ан̇г̇ан̣з. сиймаамаал̣агассаад̇и гаммасса гад̇адтаанасса сиймаамаал̣агасса. взхаасадтид̇асаакааяаад̇и гаммасса агад̇адтаанз сиймаамаал̣агз удтид̇ааяа взхаасз тид̇ааяа саакааяа. д̇ассаад̇и бхигкуно баад̣̇аа ваа ниваасанабаарубанам̣ ваад̇и самб̣анд̇хо. буриманаязбийд̇и ‘‘сиймаамаал̣агз вадаругко ход̇ий’’д̇иаад̣̇инаа вуд̇д̇з буриманаязби. д̇ад̇раад̇и буриманаяз. угкибаабзд̇ваа гаад̇ум̣ на ваддад̇ийд̇и д̣̇вийхи сиймаахи удтид̇аругкасса саакаа ваа д̇ад̇о ниг̇г̇ад̇абаарохо ваа д̣̇вийсу сиймаасу бат̇авийд̇алам̣ ваа д̇ад̇т̇а ж̇аад̇аругкаад̣̇ийни ваа аахажжа тид̇ад̇д̇аа угкибаабзд̇ваа гаад̇ум̣ на ваддад̇и. аанзд̇аб̣б̣од̇и зд̇т̇а д̣̇вигаммигааяа нийд̇хаад̇уяаа абад̇хаанагаммассзва вуд̇д̇ад̇д̇аа ‘‘бхигкуу’’д̇и бад̇хаанагаммам̣ аж̇жхаахарид̇аб̣б̣ам̣ . аб̣бхуг̇г̇ажчад̇ийд̇и аб̣бхам̣ аагаасам̣ уг̇г̇ажчад̇и. д̇ад̇раад̇и баб̣б̣ад̇з. гасмаа аанзд̇аб̣б̣од̇и ааха ‘‘б̣аж̇жхамаанааязва хий’’д̇иаад̣̇и. д̇ад̇т̇а б̣аж̇жхамаанааязваад̇и гаммаваажааяа б̣аж̇жхамаанааязва. иминаа аб̣ад̣̇д̇хасиймаа бамаан̣арахид̇ам̣ д̣̇зсам̣ од̇арад̇ийд̇и д̣̇ассзд̇и. яам̣гин̃жийд̇и яам̣гин̃жи баб̣б̣ад̇аад̣̇и. яад̇т̇а гад̇т̇ажийд̇и яасмим̣ гасмим̣жи таанз. згасамб̣анд̇хзнаад̇и б̣ад̣̇д̇хасиймааяа згасамб̣анд̇хзна. ид̇ийд̇и д̇асмаа аанзд̇аб̣б̣од̇и яож̇анаа.
Sīmāmāḷaketi dvinnaṃ sīmānaṃ aṅgaṇe. Sīmāmāḷakassāti kammassa kataṭṭhānassa sīmāmāḷakassa. Vehāsaṭṭhitasākhāyāti kammassa akataṭṭhāne sīmāmāḷake uṭṭhitāya vehāse ṭhitāya sākhāya. Tassāti bhikkhuno pādā vā nivāsanapārupanaṃ vāti sambandho. Purimanayepīti ‘‘sīmāmāḷake vaṭarukkho hotī’’tiādinā vutte purimanayepi. Tatrāti purimanaye. Ukkhipāpetvā kātuṃ na vaṭṭatīti dvīhi sīmāhi uṭṭhitarukkhassa sākhā vā tato niggatapāroho vā dvīsu sīmāsu pathavītalaṃ vā tattha jātarukkhādīni vā āhacca ṭhitattā ukkhipāpetvā kātuṃ na vaṭṭati. Ānetabboti ettha dvikammikāya nīdhātuyā apadhānakammasseva vuttattā ‘‘bhikkhū’’ti padhānakammaṃ ajjhāharitabbaṃ . Abbhuggacchatīti abbhaṃ ākāsaṃ uggacchati. Tatrāti pabbate. Kasmā ānetabboti āha ‘‘bajjhamānāyeva hī’’tiādi. Tattha bajjhamānāyevāti kammavācāya bajjhamānāyeva. Iminā abaddhasīmā pamāṇarahitaṃ desaṃ otaratīti dasseti. Yaṃkiñcīti yaṃkiñci pabbatādi. Yattha katthacīti yasmiṃ kasmiṃci ṭhāne. Ekasambandhenāti baddhasīmāya ekasambandhena. Itīti tasmā ānetabboti yojanā.
140. д̇ийн̣и яож̇анаани д̇ияож̇анам̣. ‘‘бамаан̣а’’нд̇и иминаа барамасад̣̇д̣̇асса ад̇ирзгауд̇д̇амад̇т̇з нивад̇д̇зд̇и. зд̇иссаад̇и сиймааяа. саммананд̇зна бхигкунаад̇и самб̣анд̇хо. гон̣ад̇о минид̇ам̣ гон̣анд̇и яож̇анаа. хийд̇и сажжам̣, яасмаа ваа. аабад̇д̇ин̃жаад̇и д̣̇уггадаабад̇д̇ин̃жа.
140. Tīṇi yojanāni tiyojanaṃ. ‘‘Pamāṇa’’nti iminā paramasaddassa atirekauttamatthe nivatteti. Etissāti sīmāya. Sammanantena bhikkhunāti sambandho. Koṇato minitaṃ koṇanti yojanā. Hīti saccaṃ, yasmā vā. Āpattiñcāti dukkaṭāpattiñca.
баараяад̇ийд̇и аж̇жход̇т̇арад̇и. ‘‘гид̇агаабхид̇хзяяалин̇г̇аа’’д̇и (гажжааяанасаарз 45 г̇аат̇ааяам̣) важанад̇о абхид̇хзяяабхууд̇ам̣ сиймам̣ санд̇хааяа ид̇т̇илин̇г̇авасзна баараад̇и вуд̇д̇ам̣. над̣̇ияаад̇и убаяог̇ад̇т̇з саамиважанам̣. над̣̇инд̇и хи ад̇т̇о. над̣̇им̣ аж̇жход̇т̇арамаанам̣ сийманд̇и самб̣анд̇хо. зд̇т̇аад̇и над̣̇ибаарасиймааяам̣. яад̇т̇ассаад̇и зд̇т̇а яад̇т̇а ассаад̇и бад̣̇авибхааг̇ам̣ д̣̇ассзнд̇о ааха ‘‘яад̇т̇а над̣̇ияаа’’д̇иаад̣̇и. ‘‘над̣̇ияаа’’д̇и иминаа яам̣сад̣̇д̣̇асса висаяам̣ д̣̇ассзд̇и. д̇хуванааваад̇и зд̇т̇а д̇хувасад̣̇д̣̇о нижжад̇т̇од̇и ааха ‘‘нижжасан̃жаран̣анааваа’’д̇и. иминаа д̇хувзна нижжзна сан̃жаран̣анааваа д̇хуванааваад̇и важанад̇т̇ам̣ д̣̇ассзд̇и. ассаад̇и ход̇и, бхавзяяа ваа. наавааяа бамаан̣ам̣ д̣̇ассзнд̇о ааха ‘‘яаа’’д̇иаад̣̇и. д̇ад̇т̇а яаад̇и нааваа. бааж̇анабурисзнаад̇и зд̇т̇а бааж̇анам̣ наама зго наавааяа г̇амануубагаран̣ависзсо. со хи баж̇ад̇и нааваа г̇ажчад̇и анзнаад̇и бааж̇ананд̇и вужжад̇и. ж̇агаарасса жагаарам̣ гад̇ваа баажананд̇иби яуж̇ж̇ад̇зва. д̇асса г̇аахагзна бурисзна сад̣̇д̇хинд̇и ад̇т̇о. саа нааваа нийд̇аад̇и самб̣анд̇хо. уд̣̇д̇хам̣ ваа ад̇хо ваад̇и над̣̇ияаа бадисод̇ам̣ ваа хздтаасод̇ам̣ ваа. т̇знзхи ваад̇и жорзхи ваа. гин̃жааби хадаа, бана д̇ат̇ааби авассам̣ лаб̣бханзяяаа, д̇хуванааваава ход̇ийд̇и яож̇анаа. ваад̇зна ваад̇и маалуд̇зна ваа ‘‘чинна’’ид̇и самб̣анд̇хо. вийжийхийд̇и д̇аран̇г̇зхи. д̇аран̇г̇о хи вижид̇д̇аагаарзна жинод̇и вад̣дхад̇ийд̇и вийжийд̇и вужжад̇и. гин̃жааби над̣̇иймаж̇жхам̣ нийд̇аа, бана д̇ат̇ааби авассам̣ аахарид̇аб̣б̣аа, д̇хуванааваава ход̇ийд̇и яож̇анаа. ог̇ад̇зд̇и од̇арид̇ваа г̇ад̇з. т̇алам̣ уссаарид̇аад̇и т̇алам̣ угкибид̇ваа саарид̇аа баабид̇аа нааваабийд̇и самб̣анд̇хо. висан̇кад̇абад̣̇араад̇и сан̇кад̇авирахид̇апалагаа ваа. д̇хуванааваава ход̇ийд̇и нимид̇д̇агид̇д̇анагаалз нижжасан̃жаран̣анаавад̇д̇аа д̇хуванааваава ход̇ийд̇и ад̇хиббааяо. д̇ад̇раад̇и ‘‘д̇хуванааваа’’д̇иважанз. нимид̇д̇ам̣ ваа сиймаа ваа гаммаваажааяа г̇ажчад̇ийд̇и зд̇т̇а гин̃жааби на нимид̇д̇ам̣ гаммаваажааяа г̇ажчад̇и, сиймааяа бана авинаабхаавад̇о вуд̇д̇ам̣ ‘‘гаммаваажааяа г̇ажчад̇ий’’д̇и. д̇асмаад̇и яасмаава наавааяа ааг̇ажчанд̇ааби бхаг̇авад̇аа анун̃н̃аад̇аа, д̇асмаа.
Pārayatīti ajjhottharati. ‘‘Kitakābhidheyyaliṅgā’’ti (kaccāyanasāre 45 gāthāyaṃ) vacanato abhidheyyabhūtaṃ sīmaṃ sandhāya itthiliṅgavasena pārāti vuttaṃ. Nadiyāti upayogatthe sāmivacanaṃ. Nadinti hi attho. Nadiṃ ajjhottharamānaṃ sīmanti sambandho. Etthāti nadipārasīmāyaṃ. Yatthassāti ettha yattha assāti padavibhāgaṃ dassento āha ‘‘yattha nadiyā’’tiādi. ‘‘Nadiyā’’ti iminā yaṃsaddassa visayaṃ dasseti. Dhuvanāvāti ettha dhuvasaddo niccatthoti āha ‘‘niccasañcaraṇanāvā’’ti. Iminā dhuvena niccena sañcaraṇanāvā dhuvanāvāti vacanatthaṃ dasseti. Assāti hoti, bhaveyya vā. Nāvāya pamāṇaṃ dassento āha ‘‘yā’’tiādi. Tattha yāti nāvā. Pājanapurisenāti ettha pājanaṃ nāma eko nāvāya gamanūpakaraṇaviseso. So hi pajati nāvā gacchati anenāti pājananti vuccati. Jakārassa cakāraṃ katvā pācanantipi yujjateva. Tassa gāhakena purisena saddhinti attho. Sā nāvā nītāti sambandho. Uddhaṃ vā adho vāti nadiyā paṭisotaṃ vā heṭṭhāsotaṃ vā. Thenehi vāti corehi vā. Kiñcāpi haṭā, pana tathāpi avassaṃ labbhaneyyā, dhuvanāvāva hotīti yojanā. Vātena vāti mālutena vā ‘‘chinna’’iti sambandho. Vīcīhīti taraṅgehi. Taraṅgo hi vicittākārena cinoti vaḍḍhatīti vīcīti vuccati. Kiñcāpi nadīmajjhaṃ nītā, pana tathāpi avassaṃ āharitabbā, dhuvanāvāva hotīti yojanā. Ogateti otaritvā gate. Thalaṃ ussāritāti thalaṃ ukkhipitvā sāritā pāpitā nāvāpīti sambandho. Visaṅkhatapadarāti saṅkhatavirahitaphalakā vā. Dhuvanāvāva hotīti nimittakittanakāle niccasañcaraṇanāvattā dhuvanāvāva hotīti adhippāyo. Tatrāti ‘‘dhuvanāvā’’tivacane. Nimittaṃ vā sīmā vā kammavācāya gacchatīti ettha kiñcāpi na nimittaṃ kammavācāya gacchati, sīmāya pana avinābhāvato vuttaṃ ‘‘kammavācāya gacchatī’’ti. Tasmāti yasmāva nāvāya āgacchantāpi bhagavatā anuññātā, tasmā.
яад̇т̇аад̇и над̣̇ибаарасиймасаммананадтаанз. ругкасан̇гхаадамаяод̇и ругкасамуухзна гад̇о. бад̣̇араб̣ад̣̇д̇ход̇и палагзхи б̣ад̣̇д̇хо. сан̃жаран̣аяог̇г̇од̇и сан̃жаран̣агкамо. баал̣ияам̣ ‘‘ассаа’’д̇и таанз адтагат̇ааяам̣ ‘‘ад̇т̇ий’’д̇и вуд̇д̇ад̇д̇аа ‘‘ассаа’’д̇ибад̣̇асса ход̇ийд̇и ад̇т̇оязва д̣̇адтаб̣б̣о. д̇ам̣кан̣ан̃н̃зваад̇и д̇асмим̣ нимид̇д̇агид̇д̇агкан̣зязва. ругкам̣ чинд̣̇ид̇ваа гад̇од̇и самб̣анд̇хо. згабад̣̇игасзд̇ууд̇и згзна бад̣̇зна г̇аманаяог̇г̇о згабад̣̇иго, соязва сзд̇ууд̇и згабад̣̇игасзд̇у. агаббияасзд̇ум̣ д̣̇ассзнд̇о ааха ‘‘сажз банаа’’д̇иаад̣̇и. д̇знаад̇и сзд̇унаа. сан̃жарид̇ум̣ на саггаа ход̇ийд̇и яож̇анаа.
Yatthāti nadipārasīmasammananaṭṭhāne. Rukkhasaṅghāṭamayoti rukkhasamūhena kato. Padarabaddhoti phalakehi baddho. Sañcaraṇayoggoti sañcaraṇakkhamo. Pāḷiyaṃ ‘‘assā’’ti ṭhāne aṭṭhakathāyaṃ ‘‘atthī’’ti vuttattā ‘‘assā’’tipadassa hotīti atthoyeva daṭṭhabbo. Taṃkhaṇaññevāti tasmiṃ nimittakittakkhaṇeyeva. Rukkhaṃ chinditvā katoti sambandho. Ekapadikasetūti ekena padena gamanayoggo ekapadiko, soyeva setūti ekapadikasetu. Akappiyasetuṃ dassento āha ‘‘sace panā’’tiādi. Tenāti setunā. Sañcarituṃ na sakkā hotīti yojanā.
яад̇т̇аад̇и яасмим̣ над̣̇ибаарасиймасаммананадтаанз. абхимукад̇ид̇т̇зязваад̇и сиймааяа абхимукад̇ид̇т̇з зва. д̇хуванааваа ваа д̇хувасзд̇у ваа абхимукад̇ид̇т̇ад̇о ийсагам̣ уд̣̇д̇хам̣ аароханд̇оби ад̇хо ороханд̇оби габбад̇ийд̇и д̣̇ассзнд̇о ааха ‘‘сажз’’д̇иаад̣̇и. ийсаганд̇и згаусабха д̣̇виусабхаад̣̇ивасзна манам̣ аббамад̇д̇ам̣. уд̣̇д̇хам̣ ваад̇и абхимукад̇ид̇т̇ад̇о убари ваа. ад̇хо ваад̇и д̇ад̇о хздтаа ваа. г̇аавуд̇амад̇д̇аб̣бханд̇арзд̇и г̇аавуд̇абамаан̣асса таанасса аб̣бханд̇арз.
Yatthāti yasmiṃ nadipārasīmasammananaṭṭhāne. Abhimukhatittheyevāti sīmāya abhimukhatitthe eva. Dhuvanāvā vā dhuvasetu vā abhimukhatitthato īsakaṃ uddhaṃ ārohantopi adho orohantopi kappatīti dassento āha ‘‘sace’’tiādi. Īsakanti ekausabha dviusabhādivasena manaṃ appamattaṃ. Uddhaṃ vāti abhimukhatitthato upari vā. Adho vāti tato heṭṭhā vā. Gāvutamattabbhantareti gāvutapamāṇassa ṭhānassa abbhantare.
саханимид̇д̇агид̇д̇анавид̇хинаа самманид̇аб̣б̣авид̇хим̣ д̣̇ассзнд̇о ааха ‘‘иман̃жа банаа’’д̇иаад̣̇и. д̣̇вийсу д̇ийрзсу таад̇умасаггун̣зяяад̇д̇аа вуд̇д̇ам̣ ‘‘згасмим̣ д̇ийрз тад̇ваа’’д̇и. д̇ад̇од̇и нимид̇д̇ад̇о. ад̇д̇аананд̇и нимид̇д̇агид̇д̇анам̣ винаяад̇харам̣ санд̇хааяа вуд̇д̇ам̣. баригкибанд̇знаад̇и барияааяанд̇зна. д̇ассаад̇и д̇ад̇д̇агасса барижчзд̣̇асса. саммукадтаанзд̇и ад̇хосод̇з над̣̇ид̇ийрз тид̇асса нимид̇д̇асса саммукадтаанз. д̇ад̇од̇и нимид̇д̇ад̇о. д̇ассаад̇и д̇ад̇д̇агасса барижчзд̣̇асса. саммукаа над̣̇ид̇ийрз нимид̇д̇ам̣ ад̇т̇ийд̇и самб̣анд̇хо. сан̇гхадзд̇аб̣б̣анд̇и самб̣анд̇хид̇аб̣б̣ам̣. ат̇аад̇и нимид̇д̇агид̇д̇анад̇о бажчаа. ‘‘саб̣б̣анимид̇д̇аанам̣ анд̇о тид̇з бхигкуу хад̇т̇абаасаг̇ад̇з гад̇ваа’’д̇и ид̣̇ам̣ саб̣б̣ам̣ згам̣ г̇аамакзд̇д̇ам̣ б̣яаабзд̇ваа самманид̇абхаавам̣ санд̇хааяа вуд̇д̇ам̣. сажз сагалам̣ г̇аамакзд̇д̇ам̣ аб̣яаабзд̇ваа згад̣̇зсз самманид̇ам̣ ход̇и, нимид̇д̇ад̇о б̣ахи тид̇з бхигкууби хад̇т̇абаасаг̇ад̇з гад̇ваа самманид̇аб̣б̣аа. гамманд̇и сиймасаммуд̇игаммам̣. ‘‘табзд̇ваа над̣̇и’’нд̇иважанасса гааран̣ам̣ д̣̇ассзнд̇о ааха ‘‘над̣̇ий бана б̣ад̣̇д̇хасиймасан̇кяам̣ на г̇ажчад̇ий’’д̇и.
Sahanimittakittanavidhinā sammanitabbavidhiṃ dassento āha ‘‘imañca panā’’tiādi. Dvīsu tīresu ṭhātumasakkuṇeyyattā vuttaṃ ‘‘ekasmiṃ tīre ṭhatvā’’ti. Tatoti nimittato. Attānanti nimittakittanaṃ vinayadharaṃ sandhāya vuttaṃ. Parikkhipantenāti pariyāyantena. Tassāti tattakassa paricchedassa. Sammukhaṭṭhāneti adhosote naditīre ṭhitassa nimittassa sammukhaṭṭhāne. Tatoti nimittato. Tassāti tattakassa paricchedassa. Sammukhā naditīre nimittaṃ atthīti sambandho. Saṅghaṭetabbanti sambandhitabbaṃ. Athāti nimittakittanato pacchā. ‘‘Sabbanimittānaṃ anto ṭhite bhikkhū hatthapāsagate katvā’’ti idaṃ sabbaṃ ekaṃ gāmakhettaṃ byāpetvā sammanitabhāvaṃ sandhāya vuttaṃ. Sace sakalaṃ gāmakhettaṃ abyāpetvā ekadese sammanitaṃ hoti, nimittato bahi ṭhite bhikkhūpi hatthapāsagate katvā sammanitabbā. Kammanti sīmasammutikammaṃ. ‘‘Ṭhapetvā nadi’’ntivacanassa kāraṇaṃ dassento āha ‘‘nadī pana baddhasīmasaṅkhyaṃ na gacchatī’’ti.
д̣̇ийбаго ход̇ийд̇и зд̇т̇а д̣̇ийбод̇и анд̇арад̣̇ийбо. со хи яасмаа ж̇аламаж̇жхз д̣̇иббад̇и, яасмаа жа д̣̇вид̇хаа аабо зд̇т̇а санд̣̇ад̇и, д̇асмаа д̣̇ийбод̇и вужжад̇и, соязва куд̣̇д̣̇агадтзна д̣̇ийбаго. гагааро хи куд̣̇д̣̇агад̇т̇аваажаго. д̇анд̇и д̣̇ийбагам̣. ад̇д̇анаад̇и винаяад̇харзна. ориманд̇з жа баариманд̇з жаад̇и ад̇хосод̇з над̣̇ид̇ийрз тид̇асса нимид̇д̇асса саммукз ориманд̇з жа баариманд̇з жа. барад̇ийрз нимид̇д̇ам̣ гид̇д̇зд̇ваад̇и самб̣анд̇хо. гисса саммукадтаанз нимид̇д̇анд̇и ааха ‘‘над̣̇ияаа оримад̇ийрз нимид̇д̇асса саммукадтаанз’’д̇и. д̇ад̇од̇и нимид̇д̇ад̇о. саммукаа нимид̇д̇ам̣ ад̇т̇ийд̇и самб̣анд̇хо. баариманд̇з жа ориманд̇з жаад̇и барад̇ийрз убарисод̇з тид̇асса нимид̇д̇асса саммукз баариманд̇з жа ориманд̇з жа. батамагид̇д̇ид̇анимид̇д̇знаад̇и оримад̇ийрз убарисод̇з батамам̣ гид̇д̇ид̇зна нимид̇д̇зна. згаа сиймаа имассаад̇и згасиймо, д̣̇ийбаго. ‘‘д̇ийрад̣̇ваяан̃жаа’’д̇и бад̣̇амабзгкид̇ваа ‘‘згасийма’’нд̇и самб̣анд̇хид̇аб̣б̣ам̣. важжаманабзгкид̇ваа ‘‘згасиймаа’’д̇иби нижжаид̇т̇илин̇г̇авасзна баато ад̇т̇и.
Dīpako hotīti ettha dīpoti antaradīpo. So hi yasmā jalamajjhe dippati, yasmā ca dvidhā āpo ettha sandati, tasmā dīpoti vuccati, soyeva khuddakaṭṭhena dīpako. Kakāro hi khuddakatthavācako. Tanti dīpakaṃ. Attanāti vinayadharena. Orimante ca pārimante cāti adhosote naditīre ṭhitassa nimittassa sammukhe orimante ca pārimante ca. Paratīre nimittaṃ kittetvāti sambandho. Kissa sammukhaṭṭhāne nimittanti āha ‘‘nadiyā orimatīre nimittassa sammukhaṭṭhāne’’ti. Tatoti nimittato. Sammukhā nimittaṃ atthīti sambandho. Pārimante ca orimante cāti paratīre uparisote ṭhitassa nimittassa sammukhe pārimante ca orimante ca. Paṭhamakittitanimittenāti orimatīre uparisote paṭhamaṃ kittitena nimittena. Ekā sīmā imassāti ekasīmo, dīpako. ‘‘Tīradvayañcā’’ti padamapekkhitvā ‘‘ekasīma’’nti sambandhitabbaṃ. Vaccamanapekkhitvā ‘‘ekasīmā’’tipi niccaitthiliṅgavasena pāṭho atthi.
уд̣̇д̇хам̣ ваа ад̇хо ваад̇и зд̇т̇а ваасад̣̇д̣̇о анияамавигаббад̇т̇о. ат̇аад̇и д̇асмим̣ ад̇хигад̇арз сад̇ийд̇и яож̇анаа. вихаарасиймабарижчзд̣̇анимид̇д̇асса уж̇угамзваад̇и сажз д̣̇ийбаго ад̇хо ад̇хигад̇аро ход̇и, оримад̇ийрз ад̇хосод̇з тид̇асса вихаарасиймабарижчзд̣̇анимид̇д̇асса уж̇угамзва . сикаранд̇и син̇г̇ам̣. д̇ан̃хи сикам̣ мад̇т̇агам̣ раад̇и г̇ан̣хаад̇ийд̇и сикаранд̇и вужжад̇и. д̇ад̇од̇и д̣̇ийбагасса баариманд̇анимид̇д̇ад̇о. барад̇ийранимид̇д̇аани гид̇д̇зд̇ваад̇и самб̣анд̇хо. аяам̣ д̣̇ийбагасса вихаарасиймабарижчзд̣̇ад̇о ад̇хо ад̇хигад̇арз винижчаяо. уд̣̇д̇хам̣ ад̇хигад̇арзби иминаанусаарзна взд̣̇ид̇аб̣б̣од̇и со на д̣̇ассид̇о. баб̣б̣ад̇асан̣таанаад̇и баб̣б̣ад̇зна самам̣ таанам̣ зд̇иссаад̇и баб̣б̣ад̇асан̣таанаа.
Uddhaṃ vā adho vāti ettha vāsaddo aniyamavikappattho. Athāti tasmiṃ adhikatare satīti yojanā. Vihārasīmaparicchedanimittassa ujukamevāti sace dīpako adho adhikataro hoti, orimatīre adhosote ṭhitassa vihārasīmaparicchedanimittassa ujukameva . Sikharanti siṅgaṃ. Tañhi sikhaṃ matthakaṃ rāti gaṇhātīti sikharanti vuccati. Tatoti dīpakassa pārimantanimittato. Paratīranimittāni kittetvāti sambandho. Ayaṃ dīpakassa vihārasīmaparicchedato adho adhikatare vinicchayo. Uddhaṃ adhikatarepi iminānusārena veditabboti so na dassito. Pabbatasaṇṭhānāti pabbatena samaṃ ṭhānaṃ etissāti pabbatasaṇṭhānā.
уд̣̇д̇хамби ад̇хобийд̇и бисад̣̇д̣̇о самужжаяад̇т̇о. убхоби сикараанийд̇и уд̣̇д̇хам̣ сикарам̣, ад̇хо сикаранд̇и убхоби сикараани. муд̣̇ин̇г̇асан̣таанаад̇и муулз жа аг̇г̇з жа д̇анугасса маж̇жхз т̇ууласса муд̣̇ин̇г̇асса сан̣таанаа.
Uddhampi adhopīti pisaddo samuccayattho. Ubhopi sikharānīti uddhaṃ sikharaṃ, adho sikharanti ubhopi sikharāni. Mudiṅgasaṇṭhānāti mūle ca agge ca tanukassa majjhe thūlassa mudiṅgassa saṇṭhānā.
саб̣б̣абатамзна наязнаад̇и уд̣̇д̇хам̣ ад̇хиганаяасса, ад̇хо ад̇хиганаяасса, уд̣̇д̇хам̣ад̇хоад̇хиганаяасса жаад̇и саб̣б̣зсам̣ наяаанам̣ батамзна вихаарасиймад̣̇ийбагаанам̣ самзна наязна. бан̣авасан̣таанаад̇и муулз жа аг̇г̇з жа т̇ууласса маж̇жхзд̇анугасса бан̣авасса сан̣таанаа.
Sabbapaṭhamena nayenāti uddhaṃ adhikanayassa, adho adhikanayassa, uddhaṃadhoadhikanayassa cāti sabbesaṃ nayānaṃ paṭhamena vihārasīmadīpakānaṃ samena nayena. Paṇavasaṇṭhānāti mūle ca agge ca thūlassa majjhetanukassa paṇavassa saṇṭhānā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 71. сиймаануж̇аананаа • 71. Sīmānujānanā
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / сиймаануж̇аананагат̇аа • Sīmānujānanakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / сиймаануж̇аананагат̇ааван̣н̣анаа • Sīmānujānanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / сиймаануж̇аананагат̇ааван̣н̣анаа • Sīmānujānanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / сиймаануж̇аананагат̇ааван̣н̣анаа • Sīmānujānanakathāvaṇṇanā
